2003 年 9 月 13 日 星期六 【雨】

下午~見到d野~
個心好亂呢~又走左去打幅牆~
唔痛的~幾好玩~得閒打下都唔錯~
(最近好無聊~日記都變得無聊~)

>>September 17, 2003 at 9:21:25 AM GMT+8

2003 年 9 月 12 日 星期五 【清涼】

一早就起左身la~9點3~
咁咪開電視睇囉~無線又冇野睇喎~
咁好正常就會轉台架la ma~
轉到去明珠台~呵~做緊我以前日日追果套野~
哈哈~名就唔知la~不過佢就好得意o既~d人係唔會講野~以動作黎表達~
之後睇睇下泰山覺得唔好睇~之後轉台~原來亞視做緊生肖奇緣喎~
以前睇過漫畫~而上果排有得dl不過冇dl~所以想睇下~
原來~都係麻麻地ja~不過可以係亞視o既關係....

下午~12點幾出發返學~
腳~依然未好~總是隱隱作痛~
12點10到返到學校~一個人都冇...
咁我諗可能上左天台囉~走到上去又冇人...
係咁兜兜兜兜兜左好耐~行到去門口~有d想走~
但係又有個著校服o既人走左返黎~阿豬(唔合邊個朱)叔問佢返黎做咩~
佢話返跆拳喎~之後佢就自己走左入去~咁我見到有人就冇理由走架la~
等多陣~阿誠就返左la~原來佢都行左個圈~(佢自己話)

點幾就上堂la~之前miss叫我地去磅下幾重~結果..........................輕左兩公斤呀~~~~~~~~!!!!!!
wakaka~勁正~不過....日日響屋企~勁食野~又冇咩野做~都會廋o既咩~?
之後都係鬆根果d la~之後都係操下體能咁~不過腳就有d痛~阿邦同我一team~都知我唔掂~
到到放學~影全體相~哈哈~次次都冇我份~hehe~今次有lu~
換完衫~阿水問我~以前真係有5蚊揸一次波呀~?阿昌同我講呀~
haha~我真係唔知喎~如果有早知我去幫襯la~XD
行去果陣~咁講講下lee d話題~就會有人講落去架la ma~
阿誠就話~我班果d女同學響度講佢地o既第一次呀~
嘿~周兄就一路行一路問佢~haha~我咁八梗係走埋過去la~
我就唔係記得好多~都係記得小小ja~
好似話~第一次冇第二次咁痛呀~又話~個男仔用左避孕套會覺得空虛~=0=
仲話佢地鍾意用士多啤利味o既避孕套~又話~d男仔扯左仲係好短....
其他都唔係好記得...唉~原來d 14歲o既女仔都已經試過第一次.....
阿誠上星期仲同我講話一個男仔過左16歲都未試過第一次...唔算係一個真正o既男仔喎...
嗚.......就快la.....就快la......我.......

之後我地上左去大家樂食野~食完之後咪走囉~

>>September 15, 2003 at 2:12:34 PM GMT+8

2003 年 9 月 11 日 星期四 【晴】

WA~個死肥昌~12點幾都仲響粉嶺度...
又問買唔買啤酒咁...嗚...個個都飲...得我唔飲...
個個都食煙...得我一個唔食...我好out day呀^^"

呵呵~阿桌豪見到有啤牌喎~
不過又未開過...去問下甘地點la~之後原來有"富"舊o既~
咁佢地就話鋤d囉~呵呵~仲話win左果個可以問輸左果個一個問題添~話咩一定要講真話~
哈哈~佢地梗係睇得戲多la~睇到上晒腦la~
雖然輸左都唔多~不過都唔係什麼秘密~只係平日佢地唔問~自己都唔會無lala講o既野ja~
而且我係一個誠實o既青年~問咩我都會答架~wakakaka~
哈哈~不過冼志成日問人幾歲打飛機....但係佢又win唔到喎~勁傻~
桌豪輸左又冇野問...譚仙輸左都係問佢點解鍾意阿邊個~但係甘地就比較多la~
就問佢同佢條女發展到咩關係咁la~原來都只係打過下"車輪"咁ja~不過....算.......

肥昌響我地玩玩下先到~兩點幾@@"
佢真係傻傻地~自己響度"透"爐~整到對住個爐個位熱到暈低...
之後都玩到悶la~我就題意玩潛烏龜~haha~開頭佢地又話唔玩~
不過最後都係玩~嘿嘿~果然係人多比較好玩~

玩到4點~
同肥昌去廁所~我同佢講話想上去睇下~
雖然佢話好~不過返到去~佢地話想去打機...
但係肥昌打比佢個fd問下仲有幾多個人等緊~
wa~有成10個仲等緊~但係佢地又想去喎~
咁只好唔想去la~汁好d地方搞好晒d野就走lu~

我地3個3個咁搭的士出去~
搭到出去都係55個6~之後行好多間都係full晒~
haha~其實我都唔想去la~唔通真係打機開場~打機收場咩~
咁我地去左寶湖個公園仔度坐下~響果度咪傾下計咁囉~
之後肥昌同甘地又話去買啤酒喎~
咁佢兩個就走左去~我地又係咁傾~傾佢地返工d野~
haha~譚仙話佢做果間野好好~咁又係o既~新仔一個月都有6千6~
而且佢係新仔咩都唔識做~淨係企~而且d人又當佢小朋友~又鍾意講笑~(鹹濕笑話^^)
佢話~有d野要雙手做~有d野就要單手做~(跟住做左個手勢~)嗱~lee d野就一定要用單手做la~
哈哈~笑到暈低la~

肥昌同甘地兩個返到黎~
叫我地去金源坐喎~咁我又想去廁所~
咁寶湖個廁所又o岩o岩開左喎~死人冼志又話有人響果度撞鬼喎...
搞到家家鬼死咁驚...去完等埋譚仙同桌豪就走去金源搵佢地lu~
去到~走左出露台坐~都係傾計ja~不過傾返以前響學校d野~
嘿...其實我真係好想返學...
傾到7點~桌豪要返工la~之後7點9到~甘地都要走lu~
我地就一齊落去~各有各返屋企lu~

返到屋企~沖完涼睇左陣電視~
之後就入房瞓lu~瞓到點幾醒左~不過就好累~
所以繼續瞓~瞓到6點幾先瞓~
瞓完~個腦都仲係比我家姐霸住~
最後我勁哦佢佢先比我玩~
呵呵~今晚我同我家姐兩個人叫pizza食~正~不過肥死~

(個腦有d混亂~而且唔係咁記得~睇得唔明問我@@")

>>September 14, 2003 at 7:57:30 AM GMT+8

2003 年 9 月 10 日 星期三 【酷熱】

呵呵~中秋唷~中秋唷~
而且仲係911添~~~~~~~

朝早打機~打到下午點幾~
甘地同桌豪就打黎問我今晚去唔去燒野食~
我就梗係話去la~夢寐以求都係一個唔係打機度過o既節日ja ma~
之後用3line周圍打比人叫人去~
不過都冇咩人去咁~結果都係"圍來"玩開果幾個~
之後佢地就無lala收左線就算la~
過多陣~譚仙又打比我~本來就叫我去買野o既~不過我又唔想去~之後咪傾傾傾傾傾~
傾左好多野~先知到佢地原來係咁多人工架~甘地8千幾~譚仙6千幾~桌豪萬2萬3到~

上網又搵到個超正o既文章~(遲d post出黎@@")

肥昌一放學就打黎~3點4到~
佢一路行就同我一路傾~一路搭車都係同我一路傾~
雖然都係講下Game呀~去過邊度玩呀~串下佢仲中5呀~
又講下佢d fd呀~講下lee排上網搵到d咩呀~
傾到去佢返到屋企~佢搭完火車又轉小巴....佢返到去都4點9...
5點幾~天偉響icq add我~同我講fish約佢出街~不過就想叫埋我去喎~而且佢自己都唔係咁想去...
我就幾大都叫佢去la~唉~lee d野~機會冇左就係冇~所以我都絕對會支持佢o既~
嗚....佢大個仔la~而我就仲係小朋友....我諗比小朋友更不如....

之後6點半~
沖完涼~換好衫就落舖頭~
飛的落到去~不過落到去~行到路口~
見到我阿媽阿爸~問左佢拎左d錢~同借左個電話~
就走左去lu~不過打極都打唔到比譚仙...
自己一個漫無目的咁行...行下行下唔知點解走左返屋企...
咪打比肥昌睇下點囉~肥昌話佢地走左去金源打機...
唉...我真係每逢節日都難逃打機o既命運...衰衰地講句真係清明都去打機呀...

唉...行到去金源...冼志同譚仙真係走左去打機...
咁佢同我講左好多廢話~我諗既然都黎左唔通走咩...
打到8點尾9點到~有勁多人上黎~場面就勁"虛陷"~
我地都大約9點半到走~上左冼志屋企拎野~
之後落去(紅,洪)橋搵甘地同桌豪~之後就去左搭巴士入去大尾督~

去到~wa~勁多人呢~
不過好彩甘地響lee頭大同響lee頭做過野~有熟人~
借爐唔洗錢~而且個爐用上手o既~唔洗開爐~
之後譚仙唔知點解講講下講左個lee一頭o既鬼故出黎喎~
咁我同冼志咪好留心咁聽囉~嗚....好恐怖架....
我地3個講講下就走左入去~之後唔見左桌豪同甘地喎~
咁譚仙就打比甘地囉~原來佢地響個士多下面...


>>September 13, 2003 at 11:37:21 AM GMT+8

2003 年 9 月 9 日 星期二 【晴】

哈哈哈哈~
唔記得晒d野添~
死la~
咁算la~

>>September 12, 2003 at 11:26:14 AM GMT+8

2003 年 9 月 8 日 星期一 【酷熱】

嘿...我又感覺到~
當一個人o既時候~冇人同你掙o既時候~
玩個腦都係會冇心情玩~
當你做晒一般做開o既野o既時候~
你係會悶到瞓響個沙發度聽mp3~睇住個靜左音o既電視~
嘿...我好無聊呀~~~~~~~~~~~~~!!!!!!!

咁朝早同阿猩猩玩命運~不過佢玩玩下就唔知做咩~
之後佢唔玩我都冇心情玩~咁咪寫返琴日o既日記囉~
寫完之後~我就去晒自己我的最愛d網~基本上日日都係咁~
睇下人地d網有冇更新~不過基本上有好多都係冇更新到~冇改過~
有d都係好多野睇o既~有d睇到會開心~好似d漫畫網咁~而且仲比左個肥昌睇添~
有d睇左...心情咪直落到谷底....

算la~去到2000fun~
搵到個好正o既網~佢有Hunter~狐忍~One Piece~o既連載~
仲有其他漫畫DL 添~嘿嘿~佢都幾多漫畫下~
不過令我最感興趣o既係Chobist~
因為以前我家姐買左3集~不過佢話鹹書喎....
之後都冇買lu~e+連果幾集都唔知去左邊添.....
咁我就立即DL左佢整套漫畫~共88話~
用左一個下午~先睇到去80話~
因為佢好得意架~頭果十幾話就叫唧~
之後果d就叫芝~再尾d仲要係簡體字...唔係好識睇.....
睇到5點幾~比人叫左落去收舖....所以睇唔晒.....

今晚~
同猩猩打打下機~去到10點半交機果陣~
譚仙打黎叫我去打機~我都唔知咩事~
佢話好多人去我咪去囉~
搞到11點幾先出門口~

去到見到冼志,譚仙,桌豪,甘地~
4個人已經打緊lu~得返我一個人坐第度...好孤單呢...
打打下~世雄同梁希都唔知點解黎左打機喎~
之後打到咁上下~甘地,桌豪,世雄同梁希都走左先~
之後我就走左去坐~一齊上網打CS~
哈哈~係一隻勁K兜o既CS~有得升lv...不過勁搞笑~

打到4點幾~
佢地話走..我都唔知咩事~
原來佢地都係諗住打一陣~
勁無奈之下我只好自己一個行返屋企....
返到去個門又比人銷左喎...有key都開唔到...

>>September 21, 2003 at 3:28:44 AM GMT+8

2003 年 9 月 7 日 星期日 【綿綿細雨】

喔~腳仲未消腫.....
下午...比人叫左出舖頭搬貨~
12點幾出去~搬到點半到~先可以搬完~
之後成隻衫都濕晒咁去買左個杯麵同一枝可樂做午餐~
咁就走返屋企lu~

返到屋企~
今朝add過雞蛋~佢下午先先應我~
佢叫我有咩野搵佢就去佢果個留言板度搵佢~
佢話去到果邊可以用佢個留言板聯絡佢...(上到網的話就係=.=")
咁我就立即留左個言比佢~內容係~"永別la~雞蛋.........."~XD
傾左幾句~佢都冇左反應lu~我都冇理佢~不過都有d唔捨得佢....

>>September 10, 2003 at 3:28:24 AM GMT+8

2003 年 9 月 6 日 星期六 【雷雨】

一起身~腳~一落地~有一種刺痛o既感覺...
喔喔喔~隻腳腫左呀~以前果d係小腫~冇咩感覺~今次勁左~一落地就feel到~
哈哈~腳板底腫左行果陣雖然有d痛~不過就好得意~真係難以形容果種感覺~自己試下就知架la~

下午~都係冇咩野做~睇下書咁~
3點先有得玩腦~不過都係寫返琴日o既日記~
都係冇咩特別~

今晚~玩命運~有人帶我去掛機~
掛果陣就同我傾計la~咁命運就只係分職業~
果個職業係男就男~女就女~咁我就玩法~就係女人樣la~
咁佢同我傾~傾到好似d人溝女咁~咁我就意謂佢係男仔囉~
而且我話自己係男就驚比佢kick喎~咁...佢問我係咪女o既時候~
我就...嗯..左下~咁我諗佢都意謂我答係...不過我本來都想答係...
唉~~~~~我e+同肥昌一樣都係一個不折不扣o既死人妖呀~~~~~!!

兩點幾~唔小心瞓左~
3點唔知比咩嘈醒左喎~
見到我地掛機果幾個+埋我5個人~
除左掛住黎打果個冇死之外就死晒...
冇得掛...唔底...不過都升左6-7個lv~
之後玩左個幾鐘ro就去瞓lu.......

>>September 8, 2003 at 10:55:50 AM GMT+8

2003 年 9 月 5 日 星期五 【雷雨】

喔喔喔~今日就係家家表演o既日子la~
當然有小小緊張la~琴晚就教左7點半鬧鐘想早d醒~
不過又唔願起身喎~瞓到8點2就立即去沖涼~之後換好衫就出門口lu~

返到學校~wa~好多女學生呀~
行過去雨天操場~見到得幾個人返左咋~
等左陣都一個個咁返到la~不過返晒都係得個等字ja~
之後見到名魚頭返左黎~佢話阿彭sir請佢返黎教d丙組踢波~
問佢有幾錢~原來佢一星期教佢地一次~一個1四次~一堂就200蚊~一個月就800蚊~
嘩~雖然佢都冇野做~不過...對一個可以響屋企又食又住o既人~800蚊~
我諗都算夠洗la~而且佢屋企都好似有比錢佢~
之後我地都響球場果度練下d腳~佢地練得好好地又叫我試下~
因為我果幾下就未出過o既而且都係上星期無lala講出黎~都唔知得唔得o既~
之後咪試下囉~唉~一係唔用~一用就仆左街la...不過又唔同喎~
我用單手同右腳頂住~個身就冇落地~不過...手就冇事...隻右腳就...勁痛...

上到後台~都係等~不過就有機會排下d位~
不過排排下d阿公阿婆到左...只好入返後台la~
呵呵~入到後台見到曾珮嘉喎~原來佢響度做司儀~唉~佢就好la~中6 la~
之後佢地幾個唔知嘈咩喎~咁又見到個咪~咁咪拎黎玩下囉~(勁無聊...)
之後佢地見到我拎住..就屈左我做la...
又冇台詞喎~要即場諗~而且又極度緊張中~諗鬼咩~
不過阿基都同我好努力咁諗~終於都算叫做ok la~
咁出面果班傻仔做完lee個手語表演之後~就到我地la~
出到去~嘩~都唔係好多人ja~不過...本來意謂得d阿公阿婆~
原來...係有好多女學生架....哈哈~淆底添~
望下自隻手響度勁震...講野又係震下震下...好瘀呀~
咁因為我要做lee個司儀o既關係~搞到我要做最後出場表演果個~
睇到阿水踢得咁好...d阿公阿婆又睇得咁開心...
真係重淆la~有壓力~有壓力~不過~我都算係咁~3塊都爆得晒~
我地表演完之後~就到果d f.4表演果d好(唔知點形容~)o既舞~
哈哈~好得意下架~彈下彈下走來走去咁~
最後就到一班阿公阿婆玩果d中國樂器~歌果d唔知咩歌咁~
我地上左後台上面角樓換好晒d衫之後~有個表演緊o既阿公唔知同我講咩~
大概都係唔知佢講咩~佢d口音有d古怪~唔知佢係讚我定鬧我呢^^?

佢地表演完我地就可以走lu~跟住一齊去左大家樂食野~
大家樂o既肉醬意粉真係底食得很~食唔晒喎....
食完野一齊去左睇野~睇完就返學la~
返到去~d女學生都仲未走~聽阿誠講~果d係女童軍黎o既~
嘿嘿~嘿嘿~嘿嘿嘿~唔知~上年f.1b班 e+ f.2果個女仔響唔響度呢~
我用我一雙絕不可靠的近視眼去望~當然係睇唔到佢響度la~有d失望....
見到阿miss梁~佢同我講話~你做emcee 架~咁厲害o既你~CCC~
又見到阿miss廖(細果個~)佢就只係同我笑左一笑~我就叫左佢miss~之後就走lu~

今日~
miss佢好嚴厲下喎~操得我就死死下咁la~
可以朝早整親腳o既關係la~腳就真係勁痛~
好辛苦咁頂~頂到4點幾先放~之後都冇人想去食野~
咁就各有各走lu~得返我阿邦蔡蔡一齊行~我落到舖頭就得返佢地兩個lu~

>>September 7, 2003 at 9:40:14 AM GMT+8

2003 年 9 月 4 日 星期四 【微雨】

今日~
又回復平靜~
所以咪有野做囉~
不過搵到幾隻算係新歌~
真係勁勁勁正呀~得閒dl聽下都幾好~
有:
你想我點 蕭正楠
十個分手的理由 蕭正楠
好心好報 方力申
獻世 陳小春
任天堂流淚 古巨基
繼續發育 謝霆鋒
苦海孤雛 謝霆鋒
夜光杯 謝霆鋒

呵呵~又改左icq個info~
得閒就睇下la~wakakakakakakakaka~

>>September 6, 2003 at 12:15:35 PM GMT+8