2003 年 10 月 3 日 星期五 【晴】

琴晚~我玩完之後比我家姐玩之後~
佢無lala可以玩到冇得打速成.....都唔知點解....

今日~好似係紅色假期~所以唔洗返跆拳~
家因冇得打速成~但係又唔想打機喎~
咁又冇理由望住個桌面呆~架ma~
而且琴日o既日記又未打喎~
咁咪試下用倉頡打囉~
兩點幾開始打~打到4點幾先算叫做打完~
諗個字點打真係諗到頭都痛....係真係痛果隻.....

今晚~睇到一個朋友o既留言板同埋佢個網o既其他野~
我真係越來越敬佩佢囉~
佢響f.5好似係學期中開始追果個f.6 o既女仔~
之後佢就開左個網~用途就係比果個f.6睇~咁當然都有比我la~不過有一個區域淨係得果個女仔入得~
後來先知佢有男友~而果個女仔就比埋個網同(好似都)講晒d野比佢男友聽~
然後搞左好多野出黎~(當然係得佢地幾個人知la~我都係知一dd ja~)
到左會考後到....果個女仔個男朋友好似要出國讀唔知咩~仲話讀完幾年後返黎就同佢結婚~
之後個女仔就同我朋友傾~叫佢唔好再繼續追佢~話如果再係咁就唔同佢講野果類野la~
就要求佢地兩個做返朋友~我朋友就當然要應承住佢先~
(後來果幾個月我就真係唔清楚佢地點la~因為都冇咩見過面同icq過~)
響今晚~就無聊上佢個網度睇~原來佢仲有繼續追緊佢....
真係囉~我真係十分十分羨慕佢囉~可惜....我冇膽....feel到真係鍾意佢都冇膽去追....
可能...我自卑啦....自己條件唔好...就打定輸數....不過~算la~

>>October 5, 2003 at 1:59:50 PM GMT+8

2003 年 10 月 2 日 星期四 【晴】

琴日~隻腳仲好地地~
不過....唔知點解隻腳又無lala痛起來...
但係今日都係咁樣~冇咩唔同~

今晚~晚餐食左隻大閘蟹~
um....都算係唔錯o既....不過始終都唔係咁like食蟹~

肥昌今晚又叫我去打機~
不過.....都係唔係咁想去~所以都同佢say唔去lu~
當想瞓o既時候~肥昌又打來~
又係咁樣~好多時佢去一個地方~
無聊就打來揾我傾電話~咁人家最怕是傾電話架la ma...
咁我又唔知傾咩好喎~但係又格x<-(諗左好耐都打唔出....)傾得好耐喎~
真係唔知點咁.......

(冇得打速成.....e+得返個倉頡.....本來仲有o既....不過....打唔出....諗唔到點打....算把la....)
(因為lee度咁小都打到我嘔....)

>>October 4, 2003 at 8:14:57 AM GMT+8

2003 年 10 月 1 日 星期三 【晴】

琴晚比甘地叫左去打通頂~
約左我10點響金源等~
不過去到佢地都仲未到.....

咁佢地仲未到咪自己打囉~
開左機就第一時間開icq架la~(就算冇人會叫我都....)
呵呵~不過都有人同我傾左陣~
之後甘地過多幾個字先到~然後冼志都埋lu~
........................................

差唔多成晚都係玩ro~
我地打到5點幾就走lu~
之後返到屋企就沖涼之後就瞓~

>>October 3, 2003 at 7:52:03 AM GMT+8

2003 年 9 月 30 日 星期二 【晴】

.............................
又打回完形la................
呆.............響屋企呆...............
無聊o既時候又亂諗野....................
越諗就越煩.......越諗就越激氣..................
真係唔鬼想寫lee個日記.............
不如放佢響度等佢自然死好過.........

>>October 2, 2003 at 11:29:11 AM GMT+8

2003 年 9 月 29 日 星期一 【晴】

唉~
心情唔好.....冇野好寫.....
又瞓唔著.....死左佢la...............

>>October 1, 2003 at 8:17:17 AM GMT+8

2003 年 9 月 28 日 星期日 【晴】

嘿~終於都回復正常lu~早睡早起~
唔知係累過頭定係了左d心事呢........

8點幾就起左身la~
一出廳就見到我家姐響度玩個腦~
佢...琴晚響姑姐度瞓...點解會響度架....
不過過多陣佢都走左lu~
呵呵~琴日太多人玩ro~所以lag到爆~唔玩la~
今朝都唔算小~不過....冇咁lag丫ma~~~~

玩左個幾鐘~
玩到真係有d火滾~
有時lag死~有時就比人害死~而且仲有勁多白木~
之後都照舊囉~唔玩lu~

呵呵~無聊冇野做~
去左2000fun度搞下個簽名同睇下有咩正野~
wa~真係有正野la~就係烈火之炎o既作者新作~魔法世界la~
嘿嘿嘿~本來早就想買~kakaka~e+有得睇la~~
睇落都唔錯~雖然睇左~但係都要買呀~~~
睇完~又搵野睇la~嘿嘿~正~又有~

Rizelmine炸彈小新娘~

2003 年 9 月 27 日 星期六 【晴】

8點鐘~醒左la~
但係又勁唔想起身喎~
不過又唔知點解會走左出廳度~
開左個腦~搞左d野~就瞓鬼左響廳la~

其實~今日我係要去拜山架~
不過~我隻腳真係~郁下都痛~
所以~想去都冇得去la~而且我好討厭返去果度o既~
d人"懶"係勁咁~勁討厭~

瞓瞓下~隱約聽到icq果度響~
原來阿基又用果個icq果個啜啜果個樣啜我~
之後同佢icq左半個鐘到就話睇電視算lu~不過走左去玩ro...
用左我個幾兩個幾月時間去升o既法終於都到50job la~仲有4-50%~
諗住自己打la~可惜...今日係假期....9千幾人在線中~lag到爆~
所以~好似平日咁la~~~~

因為腳傷~而且隻右手仲震緊~
所以我今日都冇咩點做過野~
睇電視~呆呆的望住個icq~食左d好肥o既野....飲左1大支可樂.....
我諗~一定會肥....平日冇野做無聊的話都話響屋企彈下彈下同埋踢下空腳咁丫~
但係...唔好話彈~就連想行下都難...成日就係望住個電視同睇住個icq都冇野做~


嘿....雖然....家家唔知你話邊個...但係如果係家家的話呢就....
偶可以話比你知~偶冇資格去令人對我有所期望囉~就好似我icq果句~
（沒有得過、又怎算是失～沒有開心過、又怎知什麼叫唔開心？）
我冇野值得去令人期望~又何來帶給人失望呢~?
如果講到了解的話~家家都可以話比你知~
偶連自己係個點樣o既人都唔知~咁世上又那會有人可以了解家家呢~?
不過我就知自己有咩缺點囉~就係你講得出o既缺點我都有~
無論點都好la~既然你響一開始已經決定左的話~而且覺得自己做得冇錯的話~
作為你一個普通朋友的話我一定會支持你囉~

(如果你真係講第個的話~就當係我話比大家聽~我是廢的~仲有就係我係點我自己都唔知~知的話就講我知la~(我講真架~))

>>September 29, 2003 at 9:00:59 AM GMT+8

2003 年 9 月 26 日 星期五 【晴】

又係一早就唔知點解醒左...7點幾....
唉~都唔知點解o既....又瞓唔返喎...
咁咪出去睇電視囉~不過咁早又冇咩野好睇咁~
悶死.....

12點幾~換好衫就出門口la~
本來諗住搭的士~不過...有勁多人...
有錢都冇得搭la~只好行出去~
因為今日係lee個月o既最後一堂~
所以要交學費喎~咁又要行去舖頭拎囉~而且仲加價添^^"
落到去~都踏10過d lu~咁廢事又遲到咪衝返學校囉~
但係行行下又見到個師弟喎~咁佢又慢慢行咁~我咪就下佢同佢一齊行囉~

返到去~換好衫~miss都好似未到~
不過又好似多左一兩個新人~而且其中有一個仲係紅帶添唷....
樣就....睇唔到~不過好高~好似幾勁下咁~
之後就如平日咁操~操到咁上下~就有個休息o既時間la~
見到阿蔡蔡就唔知點解有d衝動想同佢玩喎~
咁咪就係用一種玩o既態度去打free fight囉~ja係大多數都係空腳~
但係....我o既小腿位置~ja係人地所講o既上5寸下5寸果個位~
就同阿蔡蔡o既腳"爭"撞左野~勁痛的~~~~~~~~~

操多陣~又要揸把比d o靚仔打喎~又要揸把比人踢喎~
高級帶真係唔底呀~咁到轉人揸la~我踢踢下覺得隻腳痛得好勁~
咁咪摸下o岩o岩撞到果度囉~Wa~腫左唷~腫左唷~
腫到好似我個拳頭咁大唷~瘀左o既地方又紅紅地~好肉酸唷~
而且可能o岩o岩揸把揸得太耐...隻左手...手震...仲有d痛添...
到尾~佢地打free fight...我整親.....冇得打...難得有個好似好勁o既人真係想同佢打返場~
不過佢得f.2咋~但係佢仲高過阿水~
放學la~人地=.="我地就冇得放....因為又要表演喎...又做返上次校慶d野~好似~差唔多咁la~
綵排到5點幾就快6點先走得...

不過佢地都照去食野喎~
都係走左去食美心~不過...好似係晚飯果d野黎....
食完都6點幾lu~落到舖頭~因為腳痛所以都唔係點洗收lu~
都係汁頭汁尾咁囉~

>>September 28, 2003 at 10:48:32 AM GMT+8

2003 年 9 月 25 日 星期四 【晴】

嘿...嘿嘿...嘿嘿嘿....
晨咁早就醒鬼左...6點半....人就勁累...但係...又瞓唔著...
碌到9點就出去睇電視~睇到咁上下就去換衫~

之後就去麥記搵佢地~
去到金源~咪放左個日記上網之後~就玩diablo~玩到咁上下~覺得有d無聊~
但係又冇人玩cs喎~咁咪上網玩囉~玩玩下~見到猩猩好似幾想玩咁~
我咪叫佢1on1囉~因為冇人玩....
玩到咁上下~有人入黎幫猩猩~不過都係屎野ja~不外如事~
但係唔知點解~會聽到阿why講野....難道我好掛住佢~?!
原來唔係~佢真係黎左~而且佢仲同一個幾俊下o既男仔黎添~
咁佢地咪一齊玩囉~不過....我當然係用一枝Sliper清晒佢地la~
後來轉版~玩石牆喎~佢地之前比我打到咩咁就梗係好唔高興la~又話我地3個打佢地兩個~
咁佢就叫我同猩猩一team~佢地3個就一team~
可能...猩猩真係屎la...佢比我o既感覺係...1打3...猩猩冇咩份打咁...一開波就比人殺...
玩到我都有d火....真係...佢地比我見親都係兩個兩個咁...打死左兩個第三個一定好快咁行到黎...
玩到尾...我殺左五十幾隻....猩猩先殺得佢地十隻....咁有眼睇o既都知...猩猩真係有幾幫得手呢~

打到3點3~我就本來想返屋企o既~
不過又肚餓喎~而且阿邦又要去搵佢個掛名阿妹...(不過大家覺得佢地拍拖中)
我地咪去左大中美心食野囉~之後仲傾左成個鐘添~
佢個掛名阿妹話4點半到...但係冇黎.....叫阿邦等佢...
我同猩猩又冇咩野做~咁咪陪下佢囉~真係行晒成個大中都未得....
之後仲要響佢屋企樓下等添.....等等下見到陳偉豐喎~咁佢就中6 la~
呵呵~見到佢就真係好~可以傾返以前響學校d野~而且問下佢地e+點都好丫ma~(雖然估都估到~)
我地同佢傾左陣~佢都要返屋企lu~
咁我同猩猩就唔鬼理阿邦~我地兩個係咁傾~傾返我地f.1-3c班d野~
其實傾落~我都真係冇咩點比人蝦過...不過猩猩就可憐d~比人蝦足3年...
而我就用上了我那可愛的臉孔而變得受保護添~

不過講返小學....就真係有d....唔知點o既感覺...有笑聲...有哭聲...
聽猩猩講都係咁樣比人蝦...但係我...我都算係一個幾中層o既人囉~
唔係最受歡迎但係又唔係令人討厭囉~成班人打成一片咁~個個都傾得玩得~
不過...d阿sir同miss就...賤..自從我4年班o既時候.....就係惡夢o既開始....
第一個缺點...就係四年班拎...唔交功課...小學時o既唯一一個....
5-6年班~家家一直都係好小交功課~屋企唔做~
但係...lee兩年內~我一直每一日放學都要留堂留到7點鐘....
試過無數咁多次比人趕出課室....去人地班上堂.....
每一個小息...就係要響人地班室度做功課...做晒就罰抄....
pe堂...果兩年...我都唔知有冇上到10次...因為比人捉左去跟住個阿sir去上堂...佢教書...我響人地班度企...做野...
星期6...要返o既日子...人地就12點幾放...我就要留到5點幾6點先放....
(仲有好多好多.....)
我...其實都唔係個咩大奸大惡o既人丫...我只係比普通o既人懶左d ja...
冇錯~我唔做功課係我唔o岩...但係...佢好明顯就係針對我....因為得我一個人得到d咁o既對待....
你話...我比同學蝦...我冇所謂...因為我比人蝦得只因我弱...但係...果d係我o既老師....
當時一個矮得得~肥嘟嘟o既懶學生...就算點樣都冇可能同佢鬥...
如果我當時唔識諗...我可能已經死左...或者...有好多負面o既影響....

同猩猩傾完~之後要走~我真係....眼有淚光...

今晚....好怪~本來唔想瞓..但係12點幾瞓左~
但係兩點幾又醒返lu喎~佢做完我最鍾意聽果個部份o既友誼商店先醒....玩野.......

(今日有感而發...睇唔明問我...(而且miss左好多事))

>>September 27, 2003 at 4:49:41 PM GMT+8

2003 年 9 月 24 日 星期三 【晴】

今朝~8點幾就起左身~
唉~夜晚又瞓唔著~朝早又鬼死咁早起身~
我諗我都擺唔到幾耐架la...想見多我幾面就快la...

咁又冇電視睇~我家姐又出去返工~
咁咪玩天使小夜曲囉~呵呵~玩game~當然要玩到尾la~
而且我仲咁愛佢~唔玩唔得呀~!!

咁兩點幾....我家姐無lala返左黎....
我關左個螢幕~之後Alt+f4.....
可能我驚佢...話我玩d咁o既game呀...安game呀....
嗚...人家就快打爆架la ma...
雖然...我以前講過...玩一隻game唔係要為左打爆佢而玩...而係要享受佢個過程...
但係...唔打爆佢又點享受到佢最後一刻呢...雖然我都睇過佢個ending...
不過...我依然係冇錯過每一句說話~玩得勁入神~好緊張呀~~!!

原來我家姐佢唔舒服喎~
我...後悔我f4左佢...因為佢話比5蚊佢就幫我去買飯...
之後我開特登開比佢睇下有咩反應~之後話"我都玩"咁樣...
6點幾~睇到佢個樣真係唔係好掂咁....之後佢又題出話唔去收舖喎...
咁...我只好收埋佢果份la.....

lee排~打左幾日o既日記save響d文件度~
咁猩猩打比我~我就諗到用磁碟帶出去放上網~
之後猩猩想約阿邦~咁用3 line一齊打比佢~
咁阿邦都話想去~我地就約好左響大埔麥記11點等~

唉~不過今晚又瞓唔著...
但係等到佢做友誼商店o既時候就會自自然然會瞓著...
我都好想知點解會咁.....

>>September 27, 2003 at 3:02:58 PM GMT+8