2003 年 10 月 13 日 星期一 【颳風】

喔~一起身~巧凍凍唷~.~
呵呵~不過....這正是家家最愛o既天氣~
可惜丫~10點先醒...睇唔到果套......(都係唔記得個名XD)
不過最煩都係...我家姐唔洗返工呀....

兩點幾~要比個腦我家姐~
不過....嘿嘿嘿~佢瞓左~有時間比我dl埋o岩o岩搞到o既~高橋真o既~再見爸爸~
不過...咁o岩佢又醒左...dl左冇得睇.......苦......
之後~下午4點半果套野~
喔喔喔~睇個勢~都做到尾架la~我諗聽日都大結局lu~

睇完~又冇理由咁早去架ma~
我咁早去好傻仔~可惜...冇野做...呆等左勁耐先出門口...
咁5點3-4分到出門口~行到去...猩猩都仲未到~
等左架車走佢都未黎...等多陣佢先到...
唔知點解...今日所講o既野全部都唔中...
咁o岩o岩先走左架車~我就同猩猩講話有排la...佢立即有架車黎......
今次搭車~我地又冇咩野傾喎....可能...我因為一d事唔高興la~

去到~見到一個同學la~(可以話係...)
我就勁討厭佢...因為...佢個樣o既關係la...
我阿媽又有個朋友係咁o既樣~我就冇做過d咩~只係用仇視o既眼光望佢o既ja~
之後阿師父同第二組d同學整好d餸就食飯la~
我依然係食得唔多la~今次就更加la~(因為今次果個手c雞很難吃同好樣衰的整得.....)
發生左d好唔高興o既事.....火爆中~

放左學去左信和買書~買完就去左搭車返屋企lu~
返到屋企~令人感動o既事發生la~有壽司食呀~~~~~~~~~~~~~~!!!!!
勁正~不過....我家姐唔知點樣整壞左個mouse........
難得..........(唔話你知@@")唉.......之後連個keyboard都........死埋.......咁.....永別la......

>>October 16, 2003 at 1:50:55 AM GMT+8

2003 年 10 月 12 日 星期日 【晴】

一起身~有人話比我聽停電.....
o下~停電~?!咁就唔理佢就入左房睇書la~
睇左好耐~咁佢又仲未有電喎~
咁我咪去廚房睇下個大制囉~喔~原來真係跳左個制...

之後開腦~但係都仲係上唔到網....
咁咪又開碟睇囉~正~睇左兩3隻之後就有電視睇la~
5點幾~又開果個上網果舊野睇下~上到呀~!!!!!
咁我就好開心la~不過都冇咩野做~

今晚....又冇飯食~
阿邦邦就無lala send左個網址比我~
我就唔知咩黎架la~咁我就開左先問佢咩黎...
佢叫我唔敢就唔好睇喎~咁...充滿好奇心o既我就一早已經開左la~
開頭...都係得個姐姐響度唱歌~都冇咩問題丫~
原來.....後尾.....先黎料.....嘿.....比佢嚇死....屋企得我一個人....膽小o既我....嗚.......
(http://140.112.38.19/~b7502069/GhostShip.wmv)
仲有一個~日本妹@@"勁正~
wa~lee個就真係....仲恐怖呀.....睇到我呆左...嚇到我出唔到聲~
(http://download.consumptionjunction.com/multimedia/cj_23295.wmv)

um....咁我就send左比你la~睇唔睇就係你o既自由~del左就上面有~

>>October 14, 2003 at 5:16:08 AM GMT+8

2003 年 10 月 11 日 星期六 【晴】

琴晚瞓得唔多好~可以笑到瞓唔瞓XD
不過都如常都9點鐘起身~
咁開左個腦之後就睇左陣電視lu喎~
咁又玩左陣個腦之後有線做鍾無艷喎~
我咪睇囉~佢做到咁上下就賣廣告la~
賣廣告o既時候就睇下個腦有咩異動~
佢.....佢.........佢...........上唔到網呀~!!!!!!!!!
咁我咪重開囉~重開左佢又上唔鬼到網喎~咁咪關機囉~睇電視丫ma~
鄭秀文~有句對白就真係好得~我好鍾意~就係".............."咩la~(家家唔識字....唔好意思....)
不過果句野就響中尾部~就係佢問阿張柏芝問阿鄭秀文愛係咩果度la~(自己睇la~)

之後....冇得上網~悶到飛起~
咁就搵左買返黎淨係睇左最尾果集o既最終兵器彼女出黎睇~
原來.....真係兩種感覺架~睇動畫同睇漫畫~不過兩個都正~
分別都係動畫多左d果~交代都有d多左有d小左~
而漫畫就....都係交代上係多左d同小左d~不過.....動畫就冇h~而漫畫就...比較多h囉~
睇完第一集就~睇返有線la~之後都係咁睇係咁睇~~~~~~~~~

今晚.....
冇飯食...不過自己就煎左隻蛋食左個橙XD(其實係...用左今晚小小餸(未煮o既)去煮野食~)
咁冇得上網~我就好健康咁~9點沖涼~9點幾上床~11點幾就瞓得著lu~

>>October 14, 2003 at 5:18:05 AM GMT+8

2003 年 10 月 10 日 星期五 【雨】

哎唷~哎唷~
今日唔知點解唔願起身~
瞓到9點9先醒~睇小左好多野la....
11點幾~當我睇棋魂o既時候~~~~~~~
阿水無lala send野比我~我都唔知咩黎~
50幾mb架~我個腦已經比我搞到冇咩位架la~
e+仲整舊唔知咩o既野黎真係....照收囉 :p
原來~係佢地表演果斷片呀~唉....點解咁架....
每次有親lee類野....我都冇份o既....上次d相又係咁...今次仲要係片添.....
不過....冇所謂la~今次lee d普通野ja~而且...爆板野度佢地都拍唔到~好彩~

咁換好衫果d之後就出門口la~
返到去....上次果個可以幾俊o既男仔就冇返~
不過.....有個勁矮o既矮人la~(睇唔出佢係男定女...)而且仲有個女仔~(唔靚的=__=)
所以呢~lee堂都係偷懶o既~(不過lee排都係偷懶的^^~)
可惜丫~下堂就要考試la~貴貴的考試費(加埋四塊板400蚊).....而且拳套又唔係咁記得...
不過~我諗都升到o既~而且400蚊唔算太貴ja~阿邦佢地500蚊咪仲....XD
我諗就快放學o既時候~師兄就話打free fight~就好似係叫d白帶挑戰d高級帶~
咁之前阿肥仔又同人個白帶發生口角~咁個白帶個樣就...串柒柒的~
之後佢地咪野囉~不過串柒柒的就同阿問題少年打~呵呵~唔知阿串染柒有咩問題~
不過睇佢個樣就好似發皮氣中~打打下就衝埋去阿問題少年度用拳頭打佢XD
哈哈~我就同阿蔡蔡響度傾~如果佢對住我地呢~真係死左都唔知咩事~
咁樣衝埋去喎~死路一條~不過....佢好彩~對住個傻o既~問題少年出名鍾意硬食~
比人打都唔避(可能避唔到la~)之後都冇咩值得一題~只係肥仔輸左比個白帶ja~

放左學之後~
我地都係一班人走左去食野~
(有d唔記得左@@"因為lee兩日冇得上網~)

>>October 14, 2003 at 3:20:32 AM GMT+8

2003 年 10 月 9 日 星期四 【雨】

嘿嘿~嘿嘿~嘿嘿嘿~
正~正當我無聊o既時候~(通常平均每日有22個鐘都係)
就上網睇野la~睇睇下~搵搵下~就.....嘿嘿~嘿嘿~嘿嘿嘿~
正呀~~就係我搵左勁耐都搵唔到o既動畫DiGiCharat呀~~~!!!!!!!!!!!!!!!!
嘿~用左個幾鐘dl~dl到我暈la~不過都值得o既~TV版1-16集~加埋劇場版1-6都只係一個鐘到~
以前就睇碟~e+就睇返未睇果d~正呀~而個劇場版就真係未睇過~仲正呀~
um...其實都唔知點解咁鍾意...其實...睇落都有d幼稚....不過...鍾意就係鍾意~冇得解o既~

睇到4點幾la~
咁就約左猩猩響4點9出門口之後去睇下隻眼~
咁咪4點到開始戴contact囉~本來~都幾好o既~一戴就戴到la~兩隻都係~
之後隻左眼有d唔舒服~我就冇理佢la~咁就走左去沖涼lu喎~
咁沖完就去吹頭la~吹吹下隻眼又痛喎~咁咪"卒卒"佢囉~"卒"到連隻contact都出埋黎~
咁咪又戴返囉~戴起左之後~隻眼又痛喎...咁我又懶喎咁咪又唔理囉~算囉~
睇完電視咪約左猩猩響舖頭等囉~之後出去果陣都眼濕濕咁...因為隻眼勁唔舒服...
之後去睇下隻眼果個眼鏡舖哥哥都話冇問題就走得lu~

我地今次早d去~費事又好似上次咁遲左一粒鐘咁搞笑la~
去到得一個姐姐坐左響度同埋果d人稱師兄師姐o既物體響度搞搞下~
咁我同猩猩就走去坐la~其實....我係全場最細果個.....16歲~好有趣 XD
見到d哥哥姐姐叔叔嬸嬸伯伯同埋師父黎左之後~就唔係好似上堂咁講書la~
就係一開波就過去搞果d料~其實....我寫字寫得慢真係唔多寫得"切"喎~
而且我又唔多識寫果d字....
自從f.3因為放果個暑假之後~我所學過o既字都唔記得晒...而且自從識打速成之後淨係記得d字個頭同個尾....
所以...都寫唔到d咩咁....
嘿嘿~好恐怖呀~d人真係勁恐怖~佢地比我o既感覺係...搶飯食^^"
佢d飯就...比人清晒...猩猩上次食兩碗~今次都只係得食得一碗...因為比人搶晒...
我就真係冇咩所謂o既~因為我都唔好飯o既~食唔食都冇所謂~

走果陣呢~猩猩就要幫雞蛋買超音鼠o既vcd~
所以我地就走左去信和~走左個圈之後就走la~
之後猩猩就陪我去買褲~行過去果陣~落雨喎....
d人又麻煩喎~阻住晒...搞到我都濕晒...
行左陣~見到個熟口熟面o既老闆~喔喔喔~我認得佢la~
以前我地成日去佢度買校褲同埋牛仔褲架ma~
唔知佢認唔認得我la~不過我就認得佢囉~
嘿嘿~e+先知我條腰~~~30寸呀~!!!
真係叫做瘦左囉~f.1其實好似有36寸架XD之後f.3就34 f.4-5到呢就32 ja~
嘿嘿~買完我地就去左搭271返去lu~
濕得都唔算好勁~不過...去到大埔....冇落雨喎~?!真係比佢激死~~~呀~~

>>October 11, 2003 at 12:51:57 PM GMT+8

2003 年 10 月 8 日 星期三 【晴】

哈哈哈哈哈哈哈哈~
唔記得左發左過咩事...........................................

前日去左死人爆光個板留言~
回得勁串...想殺左佢.....

星期5o既表演唔去lu~
因為要返學 :p

dl左377 o既漫畫~1-9期~正~勁正~
本來睇到第7~e+有得睇埋~感動~~~呀~
第8同9勁正~睇到我又係感動~~呀~
放左響個icq file度~正~

(我諗都唔記得lu~其他野 :p )

>>October 10, 2003 at 2:59:33 AM GMT+8

2003 年 10 月 7 日 星期二 【晴】

嘿.....
一早起身~睇返琴日因為配contact而冇睇果個野~(唔記得叫咩名:p)
之後咪打日記囉~咁諗返起猩猩贊我個info靚~咁我就決定del晒佢~
改左個名叫....鋁罐~因為....我係垃圾~我係....如果唔拎去改做都只係一舊冇用o既垃圾.....
所以........我只係垃圾........

下午.....玩ro.........
比人昆左540萬.....
係我辛辛苦苦賺返黎.............
一野比人呃晒.............

夜d~果個眼鏡舖哥哥叫我去帶住contact幾個鐘之後去比佢睇睇會唔會有問題~(ja係睇下會唔會甩果d)
之後~梗係冇問題la~垃圾........就算係咩事都好易適應o既...................................
只係眼有d紅根~同埋叫我o岩o岩戴contact就唔好戴咁耐咁囉~
點解呢...點解次次見親響街做果d咩問卷調查果d野呢.....
佢地一定叫停我...又問lee...又問lu...咁樣...我發覺我講野就越來越細聲...佢又聽唔到喎...真麻煩....

今晚.....我本著一個比人昆多次o既心態去影果個昆我o既人o既相........
我影到la....結果比佢昆埋我所有身上o既金錢....
之後send左e貓比佢個官網...........
然後咪入去搵GM囉.....佢地...............(一個字形容到佢地.........廢.............)

>>October 9, 2003 at 7:39:40 AM GMT+8

2003 年 10 月 6 日 星期一 【晴】

好恐怖呀~~~又黎la~~
琴晚3點幾先瞓得著~今朝又係9點幾醒呀~

下午~2點幾~嘿嘿~出去試contact~
去到~佢叫教左我帶o既方法~之後叫我我自己試下帶~
um....第一次帶好似用左兩3個字帶到上隻右眼~(算快la XD)
之後隻左眼帶左兩野就帶到la~
佢同我講解晒d野~教我點樣~帶~"除"~洗~果d野之後~
比完錢就走得la~(280蚊~底呀~~)
嘿嘿~以後~我都可以響街度.........wakakakakakakakaka~

返返屋企之後~
打比猩猩問佢響邊度等幾點~
之後佢話響6點半巴士站等~咁我就6點1到出門口去~
去之前走左去健琪做果間7仔度入8達通~
佢開頭都見唔到我~因為前面有個高佬阻住~
之後到我果陣~佢望左兩野先認得我~哈哈~佢話~e~點解你會係度架~
wakakakakaka~同佢講左兩句之後都急急步去搵猩猩lu~
見到猩猩~我問佢覺得我個頭點.....其實.....我一直以黎都想問下人我個髮型有冇問題....
猩猩話~今日誇張左d~前面"共"左d~其實...我自己都唔覺有問題丫~因為我自己覺得好睇走出門口o既~
之後我同佢講話~我梳個頭係比自己睇架~不過我都好在意人地點睇我...

去到~7點4~我地走左入報讀果邊~
走左上6樓~完來唔係響lee邊上...落去問個阿嬸佢話響格離喎~
之後我地咪去囉~7樓~如果我地行上去就係一個笨蛋囉~
不過...我地梗係搭lee個升降機la~7樓喎~行都行死la~
上到去~個阿嬸同我地講咁遲o既你地~你地唔係意謂7點半上堂呀~6點半已經開始架la~
........冇野講........
佢派左分野比我地~之後就走過去聽佢講野la~
聽完就有個師父做其他菜比我地睇~嘿嘿嘿~
煮完咪....食得囉XD~唉~我平時響屋企都唔食飯o既...不過見到人地個個碗都有飯...
咁...咪食小小囉....個師父真係有返兩道~幾果都幾好食架~不過我都食左小小冇食lu~
放學la~我同猩猩就搭271返去la~咁我地就傾計la~(嘿~同猩猩一齊真係唔多會太悶^^~)
佢仲贊我info寫得靚添呀~唉~不過已經冇咩人睇la.....已經失去佢原有o既意義....佢o既用途.....我諗我有排咩唔會大改架la~都係改下名同埋下面果兩個la~

>>October 8, 2003 at 2:52:25 AM GMT+8

2003 年 10 月 5 日 星期日 【晴】

今朝~唔知發咩左神經定係受左d咩刺激~
走左落街買野食~?!
哈哈~平日就算真係餓到死都唔會落街買~
唔知點解會無lala想去買野食o既呢~

今晚~
響好耐之前同我阿媽講過話配contact~
呵呵~今晚同佢講過佢就立即去la~
正~以後出街唔洗....嘿嘿嘿~
聽日去試~cccc~搞好d野之後~
我阿媽話想買蛋糕食~ccc~
買左個芝士蛋糕~正~有食神XD

唉~又瞓唔著la.....唔知係咪食得太飽呢>___<"

正~上兩3個星期前買o既~Free Collars Kingdom 夢幻貓物語~

>>October 7, 2003 at 4:33:42 AM GMT+8

2003 年 10 月 4 日 星期六 【晴】

嗚~~~
琴晚3點幾先瞓~
今朝9點幾就醒左la~

不過....正呀~
我家姐上星期開始就要返工~
9點幾就走~11點幾先返~
個腦真係全日都係我架la~正呀~

有線~真係恐怖呀~
當佢一做出勁d o既戲~響果兩日就勁做~
哈哈~都唔知響lee兩日先多幾多次呀~
咁一個心響屋企就無聊架la ma~無聊o既人就鍾意搵野做~
可惜丫~屋企咩都冇~得打幾兩打蛋~
咁咪"6"兩隻食囉~"6""6"下~瞓左~XD
好彩都知醒ja~4點煲到4點半~醒果陣都唔係咁記得煲緊野~
不過唔知點解覺得間屋咁熱~立即個人醒一醒~
衝入去關左個爐佢=.="
嘿嘿~無線做o既pita-ten終於都做到尾2果集~
雖然~好討厭無線d配音~不過我都有睇~好睇咪得囉...
正~真係好正~最正都係最尾同今日lee兩集~
不過下星期6要返學....算~我自己有~

>>October 6, 2003 at 8:59:35 AM GMT+8