日記

日記主簡介

<< 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 >>

2003 年 11 月 26 日星期三【乍雨乍晴】

11點幾起身~
肌肉酸痛呢...早知琴日就唔好去到咁盡la...
今日~譚耀文lee集o既聊齋已經做晒la~個故事真係好正~
不過個結局就....有d傻....

呵呵~樂樂send左個佢自己整o既logo比我~都...幾靚丫~
之後我問佢點整~咁佢就send左果個野比我~正式版~
不過冇時間所以冇整~

今晚阿bill頭叫我比件校縷佢~
所以...約左佢聽日比佢~

今晚睇沒有家的女孩~
真係睇到有d心"up"添.....好慘呀......

>>November 28, 2003 at 2:54:50 PM GMT+8

2003 年 11 月 25 日星期二【乍雨乍晴】

wa~琴晚返到屋企我家姐冇off個腦所以開得icq~
樂樂add我同我講話~丘xx要

結婚

呀~咁樣~
我當堂成個呆左....o下~結婚~開頭我都唔信架~但係佢話佢阿妹講o既我都有d信~
但係....佢好似....17定18歲頂多比佢19 la....

結婚~?!

都唔知係咪...

11點起身~琴晚1點先瞓~爽呀~一炮過瞓10粒鐘~我都好小享受到咁舒適o既睡眠滋味~
我阿媽今日放假~(ja係唔洗落舖頭~)咁阿猩猩又想黎得屋企睇書喎~
但係我阿媽響屋企~其實佢搵緊人打麻雀架la~我知佢會走架~不過又唔想猩猩黎喎~
所以咪話我阿媽響屋企lee個藉口囉~

樂樂12點幾add我~問我出唔出大中~咁本來都話睇下點~
不過後尾又未食飯而且響屋企冇野做咪陪下佢囉~所以就約左1點響下面ok等~
本來佢話12點9架~不過我要睇聊齋~而且我換衫要搞好多野~所以....1點la~
咁呢~佢5x分就add我話出門口la~之後我聽多兩隻歌先出~
佢竟然遲我小小~呵呵~真係要計住佢地有幾遠唔係又要白等lu~
咁我地就行過去la~嘿嘿~真係幾鍾意響lee d時間出街o既ja~1點鐘~CCC~
咁本來樂樂想去大埔墟果邊問野先o既~但係我地行過去會經過大中喎~
我就叫佢去拎眼鏡先la~唔係...就要兜一個大圈架la~
wa~佢真係有米la屋企~佢個眼鏡千幾蚊喎~我以前果個眼鏡都係....好似4百幾ja ma~
佢仲要係三兄弟姊妹一人一個~3千幾蚊呀大佬~貴得佢丫~
之後我地就去大埔墟la~行果陣會路途經lee個丘小姐做緊果間舖頭o既~
見到佢~唉....只怪我求知欲強~我咪問佢囉~你係咪要結婚呀~
佢答我地~"你點知架~"咁樣~CCC~原來係真架喎~

咁呢~樂樂要去大埔墟就係因為想換果個唔知咩電話~ja係電視廣告果個~
咁就要入去登記喎~咁就等左個幾兩個字先搞得掂~佢話咩24號至唔知幾號黎拎~
今日成日都勁講錯25號~但係...點解佢唔立即比佢呢~?唔明....唔明....
之後我地就去食lunch la~去左食焗飯la~呵呵~樂樂原來有好多唔食我架~
不過佢都冇理~照食~佢真係唔驚死架喎~佢個病醫唔返我唔笑~
佢就想睇下e+ d hard dist 幾錢~咁咪陪佢四維睇囉~
haha~6百幾80gb~底la~不過佢都唔會帶6百幾蚊出街呀~我就會~有錢的話~
之後又走返過大中~又行黎行去睇野~睇到咁上下就返屋企la~

咁呢~數碼就晒~今日就做新野~嘿...無線成日改左人地個名~真係好鬼黑人憎o既ja~
套野...冇咩點認真咁睇過~不過好似好睇咁喎~最鍾意佢個時代背景~魔法~怪物~靈界~
最起碼睇佢地入面學埋果d魔法~格鬥技果d係有用~好似我e+學跆拳就真係強身健體....有時仲控制唔到自己....
咁6點到就落舖頭la~行行下見到有個妹妹仔響度喊~而佢個女性朋友就安慰緊佢~
唉~真係可憐~梗係比仔飛la~真係想走埋去安撫下佢= =+
收完舖~家姐去左返工~阿媽打麻雀~阿爸同d fd去玩.....今晚....又食飯盒la~
返到屋企冇耐~阿邦打比我就叫我跑步la~咁呢佢就叫左家豪去~
之後見到水水蔡蔡誠誠online~咁咪叫埋佢地去囉~咁呢~蔡蔡同阿水都話未必會去~
咁我就見電視睇到咁上下就去la~

咁去到呢就見到阿邦等緊我la~佢話家豪入左去去廁所XD
之後我地兩個就入去la~行入去就見到家豪走返出黎搵我地~
咁我地3人行就入返去la~阿家豪話等埋阿水先喎~等到阿水黎又要等埋蔡蔡~
之後就借左個野放物品~阿蔡蔡都黎埋la~我見到蔡蔡~第一句就串佢~lee度全部都係紅色以上架喎~CCC~
咁呢~放好d野之後家豪就話鬆一鬆根先喎~其實都冇咁o既必要丫~
不過....算la~既然大家一齊就梗係一齊做架la lee d 野~
之後就跑la~見到佢地....不其然就會好想玩....一開波就去到盡....搞到都冇咩氣...
阿邦幾醒呀~唔理我地~佢自己默默跑默默跑~之後休息夠~我都好似阿邦咁慢慢黎la~
跑完~就坐響度吹水~咁我就見到自己背光下o既身影出煙XD
哈哈~我話比蔡蔡知佢笑到停唔到口~其實lee個情況係好正常~就好似你響冬天比較凍o既日子~
呵~~~~咁就會出煙~~~~~~~haha~阿邦都有呀~~~~~
傾到咁上下~都想走la~我同家豪同阿水3個去衝多一個圈就走lu~
嘿嘿~正~好彩家豪響度~唔係我就要自己一個人返屋企lu~不過佢又唔講野~我就好勉強咁搵d話題出黎講....
你知我都冇咩野講架la.......真係辛苦........

好彩有帶key出街ja....唔係......我真係瞓街lu~~我家姐又未返~屋企一個人都冇~
返到屋企~個icq有幾個人叫我~不過....我都走左la~叫我做咩ja~佢地緊係冇睇我DND打果d野la~
呵呵~正~留言板板有兩個人去留言~
其實想一早完成今日o既日記架~不過阿水又同我icq喎~之後又要睇沒有家的女孩~最後仲要幫阿肥昌響ro過野添...
佢條粉皮搞到我2點幾先瞓.....冇聽到絕情谷..........

(有d混亂...........)

>>November 27, 2003 at 6:33:04 AM GMT+8

2003 年 11 月 24 日星期一【乍雨乍晴】

今朝6點幾先瞓......11點就醒la.....
我真係好羨慕d人~一瞓就可以瞓到大天光~之後仲要賴床添XD
唉....點解我做唔到呢......唔夠瞓就真係好死人架......

睇完聊齋(譚耀文lee集好正呀~)~我就真係無無聊聊la~
之後勁聽mp3~3點幾就睇電視~睇到4點幾~就去換衫~
換完就又睇電視~睇到咁上下(ja係做完~)猩猩就響icq同我講話走la~
咁我都係時候要出去la~

咁就快行到去o既時候見到猩猩響我前面~我扯佢個頂帽~之後佢先知我響後面la~
我張八達通比人用過黎...所以要去入錢~去到健琪做果間7仔度入~
haha~佢見到我~之後個樣~好似好怕羞~~~咁~呵呵~難道~~難道~~~呵呵呵呵~
入完八達通~我地就去搭車la~
去到果度~唉~我又發作la....眼瞓....眼瞓.....勁眼瞓.......
我都冇心上堂....所以都聽唔到d咩.....
放左學~去信和睇書~行過去果陣~勁多短裙唷~都唔知咩事~勁多人著短裙~冬天換季著短裙~正~
咁呢~我就買左一本書o既~之後就搭車返屋企la~
返到屋企~食左小小野~之後就拎本書出黎睇~睇左陣做沒有家的女孩~正~勁好睇~
我阿媽睇到喊....睇完佢地就入房瞓~我家姐就12點幾返黎~
佢就同佢個fd一齊返~佢個fd上黎借野~借完就響度講美術經~
佢就好專業喎講到~同阿陳sir 講d野都好似~果然係美術高手呀~連我家姐lee d自大狂都講得掂~
12點幾入房睇左本新書~之後碌左幾個字就瞓得著la~正~

>>November 26, 2003 at 7:14:40 AM GMT+8

2003 年 11 月 23 日星期日【乍雨乍晴】

唔知邊個咁聰明~一早6點幾7點打黎~
一聽又冇人應...你老虎丫.....

嘿....打左成日都打唔出琴日o既日記....
我老la~有d以前o既野又記得鬼死咁清楚~琴日o既野又唔記得喎.....
難道我中左果d唔知咩癡呆症......
無聊~聽mp3~猩猩話lee排好多好歌~唉~個腦就咁就...得返3百幾mb...
只怪自己dl左d動畫睇完又唔捨得del左佢...邊個有燒碟機呀~~~~邊個可以救救我個腦呀~~~~!!

聽閒~數碼今日大結局~真係....
其實~一直睇佢都覺得佢打鬥場面係...勁求其o既~
通常係壓倒的~但係故事方面佢要講o既野又好深奧下架喎~唔知你明唔明呢?我就一 d d la~
今晚睇9點半無線果出野~唔記得咩名......
原來悶~都可以嚇走人架~我笑到暈~
得閒邊過煩我我就同佢講CS經~教佢點玩~仲唔嚇死你~呵呵呵呵~

今晚又係好夜先食飯~
沖完涼~見到電視做乾柴烈火(勁鍾意睇~)~咁就睇到12點就入去聽絕情谷~
嘿...早睡早起身體好~我一直深信lee句說話~因為...我一直都身體唔好~XD
12點~響張床度碌~唉....有煩惱有煩惱.....瞓唔著....到底係邊個呢....自己估下~
腦裡面不斷浮現一d以前o既記憶....lee d就係臨死前出現o既走馬燈~回顧一生~?!(講笑ja~)
有人會好羨慕我lee種生活~日日都唔洗做~齋玩就得la~
又會話~你都冇野做~點會有煩惱呀~我要返學／工o既咪仲多~
唉....lee d野~真係有苦自己知o既ja~你可以明白第一個人就會亂諗野~
(其實好多時候都會~搭車果時都會la~)
咁呢~3點幾我都放棄瞓教o既念頭~走左去廚房坐~
(因為廳一開燈我就會比人亂刀斬死架la...)
拎左我家姐幾本漫畫睇~(自己果d都真係睇到識背...你話叫我背就真係唔得~不過你問到我我7成可以答到你~)
企鵝男孩~以前睇左第一期都冇睇lu~咁前排見到又想睇喎~(lee排少女漫畫都o岩~)
睇到第4期~(佢得5期~)咁咪諗住入去瞓囉~但係都係眼光光喎~
(其實可能真係想睇埋第5期la~因為lee本野真係幾得~又搞笑~我比5粒星佢XD)
睇完~已經係6點la~係正6點鐘~我記得~以前都試過~
雖然之前做o既野唔同~但係一樣都係上到床瞓唔著~開心到瞓唔著...
咁碌左陣~都瞓左lu~~~~~~~~~~~~~~~~~~~~~~~~~~

>>November 25, 2003 at 6:48:54 AM GMT+8

2003 年 11 月 22 日星期六【乍雨乍晴】

本來~今朝仲可以瞓落去架la~
不過唔知邊個打電話黎....嘈醒左我....

咁咪開腦玩囉~咁就呆左都好幾個鐘~都冇野做~
12點幾突然~有個好耐冇on過而且轉左icq不過又用返同一個名o既人叫我~
佢問我傾唔傾得電話...咁我都話得~不過就話唔鍾意~
咁佢就話打比我~咁冇理由一口拒絕人架ma~之後咁兜圈囉~
仲比埋天偉個icq佢添(話晒佢都響icq成日溝女丫ma~)
咁佢話冇人應....可能佢打緊機la....
唉...我認輸la....比左個電話佢....不過我講明我好悶~我唔係咁識講野~我對住個電話冇野講....

之後佢問埋我個名就打黎la....一聽...好混亂...好嘈....有兩把聲.....原來...佢同佢fd一齊打黎...
哈哈~我都係好似以前咁~冇咩野講~
其實我覺得好似聽佢地傾電話咁~有時佢地又叫我"博"比第二個~
講真丫~傾過d咩我都唔記得lu~基本上我都冇咩野講~有時佢地就叫我豪豪之後就講我就哦~佢地就問~我就答~
不過我都有問問題~問icq d男仔同你地傾咩~呵呵~因為我都冇咩同邊個傾得長o既~有時佢問左我兩句都冇理la~
之後"佢地"傾傾下話打比我果個話有野做叫我地兩個傾.......(唔係佢話打比我o既咩...?)
哈哈~雖然~好勉強咁傾~但係講真丫~我有d覺得佢好鬼死似我所謂o既阿媽~(知係邊個掛)
之後傾多陣佢就問我拎左icq之後就收左線la~

(算la~我自己都好亂~今日就算la~)

嘿嘿~咁冇野做上2000fun度睇野~
唔知睇到個咩響學校打機喎~咁咪dl黎睇下囉~(冇睇個標題~)
心諗~響學校打機有幾勁呀~以前我地咪又係打機聽md食野瞓教咩都做過la~佢打機有幾勁呀~
一睇~佢唔知做咩磨下磨下????心諗~打機要磨o既咩????
加速?????佢機都未拎出黎~點加速呀??????
仲係一霧水之際~完事~?!佢都未拎架機出黎~搞咩呀~?????????(有字幕架~)
見到佢隻手~好似申左入去條褲入面.....
喔~~~我明la~~~打飛機~~~~
真厲害呢~後面有個女仔~當然係睇唔到樣la~拍果個都好似係女仔~都係睇唔到樣~
呵呵~勁得佢丫~咁都得喎~打飛機喎.....我就真係做唔出la.....

>>November 24, 2003 at 12:35:09 PM GMT+8

2003 年 11 月 21 日星期五【乍雨乍晴】

今朝睇電視~睇果個咩倉鼠xxx睇到我暈.....勁無聊.....
之後睇棋魂~唔知聽邊個講~話棋只係做一集....今日咪做兩集囉~~!!!

咁到咁上下就返學la~踏7到la.....
返到學校~都差唔多返左好多人下架la~
咁今日就上得....大約....個幾鐘到la~因為miss唔返喎~周兄又要早走~所以今日就早放la~
因為早放~所以有d時候都去得幾盡下~d腰位果d因為用力過度~所以都有d痛~

唉~阿誠無lala搞鬼我....你知架la....f.2開始練到e+ d自然反應都有返咁上下架la ma~
加上~為你死~為你亡~為你而瘋狂~唉~lee排都有d燥狂....
我就恨恨地用我條紅帶發左佢一野~當時~我比佢整得好痛~不過我諗我果野都唔小野~算~打和~
之後去廁所洗完個手之後~阿問題少年唔知講咩....(唔記得左...)(關于阿唯f.1妹妹仔~(佢好似鍾意阿唯)咁上星期搞搞下我就變左佢阿爸?!)
我就扮晒野咁兇佢~見佢個樣~CCC~勁搞野~佢驚到丫~
之後我地去食野la~行過去果陣佢問我~肥家~頭先你真係嬲架~
呵呵~我都同過好多人講架la~冇人記響個心度ja ma~
我o既演技已經去到一個出神入化o既境界~有時我笑~可能好嬲~有時我鬧人~其實我又唔嬲喎~
(↑~懶醒~扮勁中~↑)
真係丫~比你估到~我仲叫食神~?!
所以....睇到o既就要小心我la~(不過睇下係邊個la~唔係個個都用得出果d所謂演技架....)

食完野~咁我地分開左黎坐架ma~
咁阿邦邦就約左佢個所謂o既妹~(都唔知係咪....)
咁我地傾左陣都走la~送左阿唯返屋企之後~我地就走lu~

>>November 23, 2003 at 8:10:09 AM GMT+8

2003 年 11 月 20 日星期四【寒冷】

唉~d人好cheap架....炸網喎....
你知架la~對住個文字檔就真係冇咩心情寫架ma...
所以真係有好多唔記得...

咁猩猩響icq度同我講話同佢阿媽出街所以有咩就打比佢同響老地方等~
咁我就要拎錢入八達通o既關係所以就要早d出門口落舖頭la~
行落去o既時候~唉~見到兩個學生~當然係一男一女la~擁抱中~擁抱中~擁抱中~擁抱中呀~~~!!!!
不過佢地好厲害~我當然唔係正視(勁望)佢地la~都係啤啤下咁~但係~我係見唔到佢地塊面架~~~
學阿水話齋~合~~~~體~~~~~~咁我就睇唔到佢地個樣la~XD

咁拎完錢~就行過去入八達通la~
過馬路果陣~見到猩猩同佢阿媽~應該係佢地見到我....
入完八達通就過去搭巴士去la~唉~今日勁多人~要企....
呵呵~去到果度唔知邊度~咁姐燈架車就停左lu喎~
見到隻貓....貓....貓....冇錯...係貓....係一隻勁聰明o既貓....
佢....叻到用條尾當地毯...瞓響個門口度....勁cute~

唉~放學去搵個AS-DVD都係冇o既....好失望...失望....
不過....其實猩猩都唔係鍾意喎~佢係因為貪佢隻game有得玩彈琴所以先玩....
死la......我咪好唔底....我已經...深深...深深.....好深好深....咁鍾意左佢....

咁我地等車o既時候~咁就有架唔知咩巴士停左喎~
我就見到個o靚仔響度用個勁串o既樣響度玩佢手上粒波~
之後仲向我地做d好樣衰o既動作~我就用中指指完佢就冇理佢la~
架車走左之後~猩猩同我講話果條o靚仔勁樣衰~勁想打佢~
因為佢阿媽阿爸響身邊都冇理佢lee d咁o既行為~
哈哈~咁有架唔知咩車黎左猩猩睇都唔睇就上車~仲用用埋八達通比左錢添(唔識打果個音)
之後好辛苦先叫到佢落車~因為佢睇都唔睇我一眼就自己標左上去....
好彩佢都有落返黎~講真丫~我真係勁想笑架la~不過我都會比面佢唔笑~

>>November 23, 2003 at 1:13:00 PM GMT+8

2003 年 11 月 19 日星期三【微冷】

咁前幾日就應承左譚德一齊去報野讀~
所以....今朝佢就icq add我la~
咁佢就約左我兩點鐘響新達麥記等~
阿樂樂點幾果陣叫我落街食野喎~
咁我就諗住叫埋佢一齊去~不過佢話太遠所以就話唔去~

我就點7到先出門口~
咁我就怕遲到la~咁咪飛的落舖頭拎錢囉~
落到去....前排同阿媽講話報野讀都話好~今日~佢小我....
都唔知咩心態....都係3百蚊ja ma....小人家做咩ja....結果最後都有比~
去到麥記門~都只係1點11~咁我咪等囉~
等等下都有d唔對路架la....我心諗....唔通係我記錯時間~?
結果...佢2點3先到...遲左3個字...企左響度食風食塵...
入到就食完野就傾響邊度報~傾左一個鐘到la~
傾完講好左就搭火車出發la~

搭車去到la~咁就唔識路去o既其實就~不過都係譚德帶路的~
咁一向內向(好唔著數o既性格...)o既我~就最怕同d唔熟同唔識o既人講野~
所以問路o既工作都係等佢黎~搵左幾個字終於都到la...
見到個外牆就....一句講晒...舊樓....咁其實都係有d猶豫o既....
不過最後都係上左去~上到去入埋去見落都安心d~唔算太差~
寫完果份野之後比埋錢之後就走la~

咁我就有一套書想買~Pretty Face~
本來譚德都想買幾本狐忍架~不過因一d原因所以唔買lu~
咁行到去信和之後~咁虛陷o既~?!見到一大班學生女仔果d響下面唔知迫咩~
有幾條友條走左出黎~之後人群就跟住一齊走左去lu~
唉~真係想走埋落去迫呀~活在溫柔鄉裡~死也甘願唷~
haha~見到果群女仔之中有幾個男仔~見到佢地個樣~呵~梗係同我o既諗法一樣la~
咁我就走左去賣動畫果d舖頭入面睇下出左果隻AS DVD 未~
唉....未有呀香港.....佢19號出~其實諗都諗到未有~不過....我可能真係太過鍾意la~
所以~睇下有冇都好丫ma~之後就去左格離果間漫畫舖買書la~
wa~睇書話翼都只係出左日版ja~台版都好似係同步出喎~正~
所以我就用左150蚊~買左本翼同成set Pretty Face lu~
之後我地就搭巴士返去lu~
行過去果陣~見到一個女仔勁似美美~
我就同譚德講話~呾似美美o既~呵~原來佢諗住行遠d先同我講~
因為真係勁似~髮型呀~面型呀~果d都係勁似~
不過譚德話佢已經冇讀書~但係lee個女仔著校服~嘿~唔通我地眼花~?

>>November 22, 2003 at 3:53:44 PM GMT+8

2003 年 11 月 18 日星期二【微冷】

今日真係.....今日真係.....今日真係...........
正爆呀~~~~~~~~!!!!!!雖然都係無聊.............

咁因為無聊~上網搵野睇~
咁心血來潮就想睇Pretty Face喎~
←↑
咁咪去dl囉~一路睇一路dl~(因為個腦冇咩位XD)
wa~真係正爆呀~~~~~~~~睇到我真係~~~~~~唔買唔得la~~~~~~哈哈~~~~~~又多一套做收藏品lu~
今晚~有個2000fun o既女仔add我~不過....你知la........所以都.......
咁咪上2000fun度睇下囉~見到200fun果度有個人個簽名大約係話~AS又出新野~
呵呵~佢個簽名就有得dl隻主題曲~我dl左落黎~
嗚........感動..........真係正到冇人有呀~~~~~~~好似日本11月19出~咪ja係今日~?!
唔知h.k.幾時有呢~~~~~得閒放學去睇下先~~~~~~~~~~~~~~~~~~~~~~~

>>November 23, 2003 at 4:21:28 AM GMT+8

2003 年 11 月 17 日星期一【颳風】

無聊~又上網搵野睇~
搵到d幾正~所以放左響右邊果度~

按我

果度~
你自問係一個有人性o既人~你就睇睇la~

猩猩~要去換2R電話繩~
所以就叫我今日去搭火車去la~咁就5點4響我舖頭等~
我就5點正出門口~行到落去已經見到佢企響度~
我睇睇個鐘~都係5點3過一半ja...佢咁早走落黎做咩呀....(唔好話你等我呀~係你自己早左咋~)
行去果陣其實就見到蔡蔡~不過佢就見唔到我~
嘿嘿~最鍾意就係響lee個時間響街行o既ja~真係~有絕好o既光景睇~正~
搭火車~去到大學站~見到格離果卡~果兩個女仔就坐得...好似我地上跆拳咁坐(唔識點講...)
咁o岩開車~唉~睇唔到佢有冇......CCCC~~XD

去到la~果個商場就響先達過多兩個街口果個商場~
個商場幾靚啵~不過...好多女人~雌性動物~多得很....
成個商場~機乎成個商場都係女人野....我地兩個響入面行都好似好怪咁...
哈哈~原來猩猩要換果個野要買野先可以換~所以...佢冇得換lu~
去到學校~已經踏7 lu~遲左1個字lu~不過都冇關係la~佢都唔會理你o既~
今日到我地組做野~不過...去到已經搞掂晒....冇得做...冇份做....
死la~我地越來越冇心機上堂...勁傾...

本來諗住一早就瞓架la~但係一返到屋企~
冇人....個腦仲開住喎~咁咪唔鬼瞓囉~搞搞下都搞到1點到la~
咁1點幾我阿媽同阿爸就返左la~佢地就買左d霄夜~咁就一齊食囉XD
呵呵~肥死偶lu~~~~~咁夜食野~~~~人家仲剛剛刷完牙添~~~~~

>>November 19, 2003 at 11:56:01 AM GMT+8