2003 年 12 月 16 日 星期二 【乍雨乍晴】

正~
魔法~劍術~蘿莉~kiss~

忘記今天~

>>December 19, 2003 at 3:32:32 AM GMT+8

2003 年 12 月 15 日 星期一 【乍雨乍晴】

我家姐走左去我阿媽間房瞓喎琴晚~咁瞓唔著就要搞野la~搞野就要開燈la~
直到朝早因為太凍la~所以都仲係開住~如果比我家姐知道左~殺左我都似~(佢成日想殺左我~)
響lee個暖love love o既被窩入面~一路聽住lee個雲妮鍾情~一路就等佢做聊齋la~

下午~我家姐叫我落去買野食~咁我個人就好有原則o既~
我係唔落就係唔落~你殺左我都係咁話架la~(殺到我先算la~有能力你咪黎殺我囉~斬我丫~笨~)
我又唔落~佢又唔落~之後佢就叫我叫pizza食~但係佢又唔夠錢喎~又要問我借....
咁一開icq~猩猩就send左個off online message 比我~話去報上次我同譚德報果d野~
因為阿文達叫佢去~咁佢就問我介唔介意~?!問我陪唔陪佢一齊去~咁我自己一個咁早去中廚果度都唔冇用架la~
所以我決定同佢一齊出la~4點幾先知冇時間~個腦(自己個人)又空空咁喎~咪求求其其打埋個日記就換衫走la~

咁約左佢響舖頭等~佢又係鬼咁早就走左落去~搞到我似遲到咁....
之後拎完錢就去la~我地今次就搭火車去~去到果度就我帶路la當然~
我就梗係記得點行la~唔知點解呢~我記路呀~記人地講過d野~記漫畫咁樣又記得咁清楚喎~
但係d重要o既野就硬係唔記得....真係比自己吹帳....
猩猩報完之後已經6點5 la~遲到la就~咁lee間野要行o既路正正係我地學校o既反方向~
所以我地就要用快步去~衝到去~已經係6點7到la~咁又去報下學期喎~
我填完份表之後~就同猩猩走過格離交la~交完又要入數~唉~都唔知幾時去入好lu...
下堂就要考試~不過...冇咩好驚丫~成組一齊考~唔幫手都合格la~
咁就上堂la~唔知點解勁眼瞓....成個人都傻左咁樣~想瞓~佢又唔瞓~想埋去聽~又勁眼瞓喎.....痴痴地....
瞓左陣~(唔知有冇~)響後面吊魚~之後到半堂個人就清醒返la~咁咪上堂囉~

放學la~今晚教煮干燒"E"麵同"煙央"炒飯o既~我就食得比平日多la~
咁我同猩猩今日都比較快手~我地搞掂之後就走左去買野飲~行到過去巴士站~
個同學都已經到左la~我地又係同車~咁今次冇上次咁多野講架la~因為上次講晒~
都係得閒兩句得閒兩句咁~猩猩落左車仲衰~都唔知講咩好....搭到去大中先有野講...
返到屋企~又有野食~咁有食唔食罪大惡極架la ma~(haha~好鍾意lee句野o既ja~)
又飽多幾分~夜d~沖完涼~我家姐打返黎話買霄夜問我食唔食~咁我就話冇所謂~又食....
佢又同佢個fd上黎~佢兩個出相入對~嘿嘿~唔通~難道~嘿嘿嘿~
今晚又瞓唔著la....3點幾先瞓得著.....都唔知做咩...

>>December 17, 2003 at 7:03:18 AM GMT+8

2003 年 12 月 14 日 星期日 【乍雨乍晴】

晨早留留~9萬幾個電話打黎.....嘈到我瞓都冇得瞓.....
瞓到12點幾~我阿媽又打黎叫我出去幫手搬貨....唉....

之後點幾我就換衫出去la....
落到去都係點幾~一搞搞到3點幾先走得....
仲要幫我家姐買飯...真麻煩...

返到屋企~食野囉~食完野就睇電視~
睇到咁上下就走左入房執好個床頭上格個櫃~
我d碟就放晒出廳~床下面爆晒果個櫃d書就放左上去~
嘿嘿~正呀~

唉~又瞓唔著la今晚.....
你老虎丫...一到冬天就傷風果d...真係食多多藥都冇用....
搞到4點幾先瞓得著呀又~!!

>>December 16, 2003 at 7:54:16 AM GMT+8

2003 年 12 月 13 日 星期六 【乍雨乍晴】

琴晚~有線做奇幻世紀喎~咁就睇到第一個故事la~(恐怖果個~)
咁就睇完la~故事入面就有需要做右邊<歷史上的三個禁玩游戲>o既第一個o既同類型活動~(第2,3個係廢o既~)
咁我家姐唔明點解喎~我就叫佢入我日記睇<歷史上的三個禁玩游戲>la~
唉~yahoo d野真係廢....佢亂鬼左喎~要重新整理先睇到~我家姐又懶睇就叫我講解比佢知~
咁我就用左其他物品去做一次解釋比佢知la~(唔知就自己睇la~睇唔明可以問我~)
做完之後....身後突然寒一寒....起晒雞皮.....難道.....
之後佢又講佢d fd撞野o既經歷比我聽...同埋佢果次響屋企撞野(佢話係喎~)o既經歷比我聽....
聽完.....滿腦子都係lee d野....沖涼都唔係咁敢去....(當然有去la~)

咁朝早瞓緊o既時候~又比人嘈醒左la....
之後都瞓唔返~咪響張床碌下碌下囉~之後12點幾先走出去~
出到去睇電視~睇到點幾食lunch la~不過....午餐係打邊爐......
食完野之後再遲d先有得玩腦~冇野做...冇野做....上2000fun 睇野la~
睇到有隻日文online喎~咁咪dl黎玩下囉~搞左勁耐~
終於都玩到la~玩到6點幾就出舖頭收舖~出到去竟然收好晒...早知唔鬼出la....(不過好彩都買到今期pc2000 ja~)

咁佢地叫我送貸喎.....早知真係真係唔鬼出去呀~
好異相呢...拎住d咁o既野....d人又望望望....唉....都唔知望咩....
送到去~d人又指我去東~又指我去西~真係比佢地激死~d人又響度勁望喎....勁快咁搞掂之後就走la~
唉....今晚又要食飯盒....食完飯之後諗住玩果隻game la~可惜.....唔知點解又玩唔到喎......
你老虎丫.......

12點幾~上返果隻online game o既官網~睇到我一直期待緊o既online game~
呵呵~dl左佢果d短片~不過....我家姐一返黎就冇機會睇lu......

>>December 15, 2003 at 12:06:32 PM GMT+8

2003 年 12 月 12 日 星期五 【乍雨乍晴】

琴晚教定鬧鐘10點10~因為lee排都11點幾先醒~要睇棋魂~
今朝9點幾已經醒左la~不過碌到10點幾先落床~因為凍到爆爆爆同很累....
唉~喉嚨痛.....其實琴晚已經痛緊（搞到難以入睡....）
之後偷(不問自取~算係la~)左我家姐d喉糖食左之後都幾好~冇咁痛~
10點幾就做la~其實呢~有時睇睇下棋魂真係覺得光仔同小亮係基o既....唔知點解呢....

換好衫同搞掂琴日o既日記之後就出門口la~
行行下見好耐冇見o既生豪喎~佢同我講左兩講~不過我e~e~哦~哦~咁樣答佢就算la~
因為我根本就諗唔到有咩同佢講~或者佢出現得太突然la~
返到去學校~阿邦都仲未返喎~唔記得邊個同我講話佢唔返喎...
不過換完衫之後阿邦就返到la....唔知點解個個都搵問題少年o既呢~?
"拉up"之後我終於都明白佢地做咩搵佢la....因為我個跆拳個鎖就好似比人破壞左~之後佢拎左個返黎~
但係佢今日冇返~我地就冇key開門~所以就冇晒d用具果d囉....
咁阿邦話去廁所我又想去喎~咁咪一齊去囉~之後阿邦上左去睇到有冇方法開喎~
睇睇下又比我搵到舊細電喎~咁咪試下囉~咁我+阿邦+細電=都係開唔到o既XD
之後我地都唔理la~走返落去~落到去一陣問題少年先返....真係比佢吹帳.....(勁想打柒佢....)

上到咁上下冇野做阿邦去左教白帶~我地高級d o既就操拳套~熟左之後我就走左去阿邦果邊教阿唯唯十九步la~
之後見到阿水佢地"post"(個音)左張毯(我諗係掛~)響地下試Jump Snap Kick喎~
咁咪走埋去試下Jump Reverse Kick囉~呵呵~其實我算係叫做一早識右腳架la~同人打都出過~中左~CCC~
不過左腳就唔係咁得....淆底....驚仆街....一跳起~就怕~怕就停~停左就衰左la....
算~試完之後我就走去阿邦度~好似係阿邦話佢地唔聽唔肯學~咁我幫手囉~
叫左佢地排好一行之後~我咪教左邊果兩個先囉~之後無lala果兩個就跟左我la~
咁家豪走埋黎叫我走去操~haha~我用要教白帶lee個藉口就可以偷懶la~正~

今日就係教lee個勁悶o既3步對策~其實我都唔多記得.....
我今日唔知發左咩神經~勁好心機慢慢教佢地喎~見到佢地做錯左我又覺得好得意好搞笑~
佢地唔聽我講我又冇嬲~反而同佢講道理~得閒串下佢地~得閒同下佢地講笑~我做錯左又道歉喎~
打成一片o既感覺真係唔錯~用個咁o既方法教~我教又開心~佢地又肯受教~
其實我咪就係教果個串柒柒同果個四眼仔囉~之後阿唯唯又走埋黎喎~
慢慢教慢慢教~其實我都冇咩點理阿唯唯~我教完佢兩個咪一齊試囉~一齊試果陣先順便教埋唯唯~
教到阿家豪佢叫"拉up"我都仲教緊~雖然我唔知佢地有冇認真咁去記~但係我淨係知佢地lee一刻係識o既~
雖然lee種教學方式係慢左d~但係至少佢已經接觸過lee個3步對策~第日做都有個印象la~
haha~原來咁樣係好有滿足感架~

放學之前仲要做埋d好辛苦o既野....之後先有得放學.....
換好衫之後就去食野la~阿邦邦唔知要去邊所以唔去....
我地行過去果陣~我同阿誠唯唯3個一齊"搭"住黎行~之後問題少年竟然大膽到走埋黎"搭"我喎~
我梗係好唔客氣咁話佢la~佢又唔知自己討厭喎~係人都憎佢~好彩我響幾個月前開始戒粗口ja~
唔係~?!你死都唔得掂呀~咁我地食完野之後~就送阿唯唯返屋企la~
阿家樂仔就想去大中買野~之後阿水陪佢~而阿水就叫埋我去~咁咪一齊去囉~
買完之後~阿家樂仔就走la~阿水無lala又叫我去打機~咁落到去機舖~
佢又撞到熟人....佢真係識好多人o既ja...去到邊都有o既...
見到d機比人霸晒冇野玩之後~佢就見到兩部高達冇人玩~佢就叫我玩la~
呵呵~你叫我玩賽車我未必win~但係你叫我玩lee d~我就有信心打win你la~結果都係我win~
之後又走左去玩賽車game~當然係我輸la.....咁都走la~走果陣又見到生豪喎.....
今次我叫佢佢又冇應我喎....唉....

唉~返到屋企我家姐已經返左黎la....點解佢唔去多我表妹屋企瞓多兩晚呀~天呀~~~~~~
不過佢之後又出左街~咁呢~夜d我阿媽果d返黎~原來....我~阿媽~阿爸都唔舒服....玩野呀....
從我家姐口中得知~我表弟已經變成一個極惡o既人.....
帶fd返屋企染髮~(我對lee d野冇興趣la~黑色都好靚呀~)夜一夜都唔返屋企~(我大個就話ja~我通霄都唔去呀~)
當住屋企人面飲酒~(酒lee d野...又苦又臭...)打我姑姐佢阿媽~(我最多都係想~~打我家姐ja~)
去到邊都講粗口~(我已經戒得7788lu~得閒講兩句~而且我響屋企人面前一定唔會講~)
家家已經從良la~
haha~阿文達無lala what are you doing我喎~佢又話我~你好似好唔happy咁wor~
之後問我...你boy fd?咁樣~原來佢認錯人....佢話~我以為你係秋鳳~
哈哈~超傻呀~雖然我同佢icq個英文名都係有個D字ja~都冇理由認錯呀.....

>>December 13, 2003 at 2:46:07 PM GMT+8

2003 年 12 月 11 日 星期四 【乍雨乍晴】

今日都係遲遲起身~
之後睇左陣電視~食左小小野~不過真係太小la~
其實我有諗過落街買野食架~不過...又唔知點咁...考慮左好耐~
結果我都係輸左比自個肚~走左落去la~

咁呢~我就冇去買飯~而係走左去百佳~
入到去兜左陣就拎左架車仔la~咁有時見到自己架車仔空空的好似好怪咁....
我咪執d野入去囉~我諗大約行左幾個字到la~去比錢la~
呵呵~我買左二百幾蚊野~一袋二袋咁...好樣衰咁~所以都急急腳咁返屋企lu~

返到屋企la~執空左我床頭個櫃~做左lee個食物存放櫃~不過...唔多夠坐放....
之後見到有4個印花~咁我記得猩猩屋企儲緊lee d印花~咁就問下佢要唔要囉~
佢話要~一陣就帶比佢la~咁就順便傾下其實野~我同佢講話想睇5點果套野....
佢就話不如今日各自出咁樣~因為...佢都睇丫ma~

咁到咁上下我就去換衫la~換完就o岩o岩好有得睇~
今日好好睇喎~講我最鍾意果個~
咁落去搭車la~唉~好薯架~我應該踏 9 先落去o既其實~因為架車踏9先到~
咁果d做問卷調查果d人呢~又好黑人憎架喎~次次見到我呢就格硬叫停我....
佢又問埋d好衰o既問題喎~先生你讀緊書定做緊野架~呵~佢咁問我都唔知點答佢好la.....
等左個幾兩個字先有車黎~咁我又走左上二樓尾二個位~
咁d窗口位已經比人霸晒~有d仲已經有人坐響格離~好驚又同個阿伯坐呀....
去到大中~d位已經差唔多full晒la~得返我格離同埋仲有小小位ja~難道我一個人坐~?都唔錯丫~
之後等多陣有個姐姐走左上黎~慢慢~慢慢~小心翼翼咁就去到我身邊坐la~
出到吐路港~個姐姐瞓左~個身"挨"左落我度...吐路港去到廣華前小小~佢先醒~
其實我一直諗~頂醒佢好丫~定係比佢瞓落去....咁諗諗下又諗返以前d野~諗返起以前成日同d同學都係咁架la...
咁佢醒左就唔洗煩la~不過...我成個人梗左..........

咁上到去猩猩已經到左la~搭火車果真比巴士快得多~
上上下堂阿叔就比左幾比書我睇喎~係果d教煮野果d書~15蚊本(大陸~)
wa~我見到雞蛋布丁呀~嘿嘿~我已經記左落我個腦度la~我識整~佢d焦糖lululu~
之後其他同學見到佢地就講大陸經....其實我都唔清楚佢地講咩...我上過3次大陸ja ma~
咁放學la~同我地差唔多大果個同學仔呢~佢就陪埋我地去買野飲~
所以我地就一齊搭車la~買完~咁見到有車喎~咁咪追囉~
咁同學仔好快就ko左包野~之後猩猩果包細o既呢~就要拎住~佢話比個司機啤住喎~
咁我地就搵野傾la~原來佢係讀ive喎~不過佢又係好似我地咁唔聽書果d~
但係人地會考有8分架....唉~搞到我都冇地自容.....咁猩猩落左車之後~
我就同佢講吞天經~嘿嘿~話晒我對上兩次打通頂都叫做玩過下架喎~
到富善佢就落車la~

我返到屋企~之後就開腦睇電視之後就沖涼la~
12點幾就入房瞓~唉~凍左好多呢~又唔舒服喎~又瞓唔著喎~真係難頂呀........

>>December 13, 2003 at 4:28:58 AM GMT+8

2003 年 12 月 10 日 星期三 【乍雨乍晴】

今朝6點半先瞓得著...11點幾就醒la...真可憐....
醒左陣之後譚德就打黎~問我可唔可以黎我屋企~
不過佢好似聽到我未瞓醒之後~就話遲d icq 先講~

之後睇完電視之後過多陣佢又問我~之後我話冇所謂佢就黎la~
佢就黎la~到左之後佢就鎖好架單車我就搵d書比佢~我就繼續寫日記la~
咁佢睇到咁上下~4點幾5點先走~哈哈~佢架車比人偷左個坐位~之後佢又去搵人地果d去偷~
後來阿bill頭打比佢~佢問我如果今日跑步去唔去~之後我話冇所謂~之後佢就走左lu~
過多冇耐~我家姐同我表妹一齊返左黎~咁呢我就換好衫就出去la~

收好舖之後我就自己返屋企~
咁返到屋企我就見到阿bill頭send左個message比我~
叫我7點半走響運動場等~咁我睇到之後就出去la~
去到~阿bill頭同譚德同蔡蔡已經到左~其實響果度見到個f.4 o既同班同學~
不過...唔記得佢叫咩名...(譚德都唔記得~)所以冇叫佢~
之後我地去左跑步la~跑左幾個圈~之後就同譚德一齊行...
一路行一路傾~傾到10點~我地就走la~

之後返屋企果陣就跑返去~(o岩o岩都冇咩點跑到....)
返到屋企~就食晚餐~不過得小小~不過都食到算飽~留返d聽日食~
咁呢~有個唔記得幾時add o既人叫我~同佢傾左陣~我發覺自己仲未可以同人搵到話題...
之後阿雞蛋add我~咁呢佢我去唔去air-port~咁呢果日咁o岩我要返學~
我都想去架~不過去唔到ja ma~XD 咁我同佢都傾左有一個鐘到la~
嘿嘿~佢過到去d英文真係勁左好多~不過果邊讀書就真係就真係貴好多好多~佢真係幸福呀~
之後我發覺有d唔舒服~就入房瞓lu~

>>December 12, 2003 at 2:58:03 PM GMT+8

2003 年 12 月 9 日 星期二 【乍雨乍晴】

差唔多12點先醒~唉~睇小左陣聊齋添...
咁完我諗今日都係呆呆咁過架la~不過點幾譚德打黎問我出唔出街~
我又冇野做喎~咁咪出囉~約左佢3點1火車站等~佢仲叫我帶狐忍o既10,11比佢添...

咁呢我就要落舖頭拎錢去買架ma~咁咪走左落去囉~
之後落到去比人煩喎....唔知我阿爸做左d咩la~我阿媽同阿"女麻"一齊煩我~
又叫我唔好成日個樣咁惡...嘿嘿....惡?!我lee d簡直就係帶著天使的笑容做人架la(心情好的話~)
惡我一D都唔惡呀~拎左都廢事搞咁多野就走la~
嘿嘿~到底我有冇魅力呢~?有時真係想知~有人講d客氣說話又會話我靚仔左瘦左咁樣~
唔通我太古怪?著衫著得~?個樣怪~?冇理由會可愛la~我都已經過左果個年齡~雖然我好鍾意lee個形容詞~
CC~唔好睇小我~我行街都有女仔望我架~不過我又好唔得架~一接觸到佢地d眼~好自然就望去第二邊....
唔得~得閒真係要搵人練下先得~唉~不過....唉~算~

去到月台o岩o岩好3點1~不過佢都係未出現o既~等等等等等~等左兩架佢先到...
見到佢~隻手已經係腫腫的~之前佢同我過講話唔開心就走左去爆自己屋企果度廁所門...
門就爛左~手都腫埋~唉~作賤自己就真係唔係好得....不過心情唔好都好正常....
咁呢本來就出旺角o既~不過佢想去果個....九龍塘果個唔知咩商場(我唔係咁記d地方名~)
所以就去左睇la~睇左陣就又搭火車出返旺角~咁佢其實就想出黎買袋o既~
睇到幾個o岩o既~不過就我覺得差唔多囉~(只係唔同牌子~)佢就想睇定d先~所以就遲d買la~
咁o岩行到去信和咪走一轉囉~我就冇野買架la~咁呢佢就想買狐忍~佢本來唔買架la~經我唆擺之後都係買左本o既~
之後行完就去買褲~上到去個老闆好似唔同左~上次阿婆~今次係...女人囉~
成個yumiko咁~不過係肥版XD~買完la~時候都唔早~佢就話去沙田行下喎~下一站就係沙田囉~

去到~咁就當然係行la~佢話想睇戲架~不過我就唔係咁想~所以都係冇去o既~
咁我地入左去書局睇野~(應該係)咁去到佢又見到佢想買果個膠紙"坐"喎~
不過唔知點解叫極佢死都唔肯買~算~之後比我見到d簿仔我就買左兩本~
然後就繼續行~行行下見到個男仔(個樣衰衰咁)踩到d好似雪糕o既物滑左滑~之後又滑多滑~
譚德見到就立即勁笑~我就忍得好辛苦不過都冇笑~行遠左先笑~
之後本來想走架la~不過佢話想行....宜家家私行~嘿嘿~真勁多野睇o既ja~
人地設計左果d房呀~果d~勁靚~如果真係有間咁o既房~做咩都咁舒服la~
行左都幾耐下~就返去la~咁呢又一齊食飯~食完就走la~都係一路行一路傾果d野~

今晚~係沒有家的女孩大結局.....唉....咁快就做晒....d劇情又慘喎.....唉.....
而且佢之後做魔女之條件.....唔係做第二集.....嗾好想睇呀~~~~~~~~~~~~~~~~~~~~~~~~~~~~
咁睇完就去瞓la~睇左好多本書都瞓唔著....我家姐兩點幾入黎我都仲未瞓到......
咁我又睇緊書喎....佢咪叫我入阿媽房睇同瞓囉~(阿媽佢地唔返黎瞓~)
又冇野睇lu喎~咁咪睇我家姐d少女漫畫囉~嘿嘿~又幾好睇喎~
睇左一套4本o既~變面小魔女~同一本完電動王子高橋~
結果6點半先瞓得著......唉........死人.............

(一長就亂~亂就唔想打~算la~)

>>December 11, 2003 at 7:48:15 AM GMT+8

2003 年 12 月 8 日 星期一 【乍雨乍晴】

嘿~聊齋真係好鬼死好睇o既ja~
而且lee集係劉玉翠做的話就仲好睇la~
細細個睇佢做到e+都係咁鍾意~唔知點解~
睇完~都冇野做la~足足呆左成日~

4點尾先換衫~搞到遲左d先出門口~
行行下見到猩猩~原來佢都遲左出門口~
今日都好多野傾下~因為....又講人壞話丫ma~(可能你睇緊o既你~你覺得係你就係你架la~)
呵呵~同人傾計真係可以八到好多野o既ja~朋友o既~唔識o既~想知o既~唔想知o既都有~
去到果度~咁呢我地平時去到都係會上一上9樓去一去廁所~(我地響7樓上堂~)
嘿嘿~去完落黎咁o岩撞正格離放~勁多人呢~人山人海~(好多靚女~CCC~校服的~正爆~XP)
入返我地個實習室度~猩猩同我講話
踩到人地個阿sir喎~個阿sir仲同佢講sorry喎....佢真係傻傻地架.......

今日到我地果組做la~咁見到佢地整緊d鴨舌~我地咪去幫手囉~不過好難整....
之後又切lee又切lu~咁樣~咁我今堂就叫做有幫手la~正~
咁呢~今日果堂就教我地整lee個咩咩西米布"癲"~每人就要拎兩隻返屋企試~
咁我同猩猩就一人拎左3個~因為有d人冇拎定唔知多左la~咁咪拎返屋企比人試囉~
放學la~我地開始同d同學熟絡左~(一齊上堂我諗都叫同學o既~)不過...上學期完先熟...又有幾個唔學lu~
咁呢本來我地就同一個同我地咁大o既同學搭車走o既~
不過我地走左去買野飲~而且~一齊冇野傾咪好怪.....買完行到過去都巴士站~
佢都已經走左la~咁我地就等車la~等左架~full左....第二架冇咩人~正~有位坐~

返到屋企~我家姐見到我手上有野~佢就問我拎黎試~佢話...唔好食.....
我就覺得都係ok ja~可能未凍la~或者唔o岩胃口....
睇完電視之後沖埋涼~就入房瞓la~我已經諗通左~怒氣已消~原來冇左d煩惱係會易瞓d架~

>>December 10, 2003 at 6:01:28 AM GMT+8

2003 年 12 月 7 日 星期日 【乍雨乍晴】

一起身~又見到我阿媽la~又休息~
咁其實都冇野做~悶死人~
嘿嘿~下午~我阿媽煮野食~正~唔洗自己煮都有得食~
之後都同佢一齊睇電視~因為個電腦都冇野做~
咁呢睇到咁上下佢瞓左~無線就做果個電童la~今日好似係大結局lu~
睇到尾d人大個晒(唱尾曲果陣)~個北斗大個左變左靚仔~
之後知道左做晒咪上網問下之後做咩囉~原來做DaDaDa~咁都唔錯丫~
之後睇埋5點幾果套就出去收舖la~

唉~今晚又瞓唔著~琴日都話好d丫~有小小燒~就咁碌左陣就瞓得著la....
今日又碌左兩個幾鐘先瞓到....唉....人地話多野諗就係咁喎....都唔知點解咁野諗架....

>>December 9, 2003 at 6:32:43 AM GMT+8