2006 年 3 月 6 日 星期一 【晴】

留在家中清潔家居, 積存下來的污漬可不是說笑的...
洗擦得很辛苦.
但有了為彩虹清潔屋企的經驗, 對應注意的要點清楚了不少.
把所有櫃的玻璃拆了下來洗擦乾淨, 再慢慢吸塵~~

找到了不少寶物...
天山人參, 千年髮菜等...
同阿媽講時佢仲話: 咦, 乜原來屋企有d 咁既野咩?
有時都幾慶的, d 野亂咁放, 要用時找不到就以為無, 於是就再買, 見到平又買, 人地送d 垃圾來又咩都話要, 完全唔諗下有冇用的.

不喝茶的家庭竟然有幾十鑵茶葉...
沖涼液, 洗髮精等十幾廿支...唉

夜晚date左彩虹食飯...順手一齊去宜家買野...
買左個箱仔, 剛剛fit 哂屋企個位, haha...

>>March 9, 2006 at 7:08:05 PM GMT+8

2006 年 3 月 5 日 星期日 【晴】

請了數天假, 沒什麼, 想請便請罷了...
黎緊幾日都係下午留在家執屋, 夜晚出街...

執左成日, 先執完一個櫃, 有d 都整得幾求其的...樣樣都要兼顧, 間屋忽忽都好污糟同唔順眼咁, 真係會顛的.

幾日假睇落好似好多, 但又好似好快過咁.
簡簡單單的清潔家居, 已經可以做幾日.
先前仲想打下波, 出街找朋友搞搞的, 但現在好像沒什麼時間.

當然, 打機仍佔了每天日常作息的一大部分, 陏d都5,6個鐘...
無法, 買左隻新game, 好難唔沈迷的.

希望個假期唔會白白浪費喇~~

>>March 6, 2006 at 4:48:33 PM GMT+8

2006 年 3 月 4 日 星期六 【晴】

係屋企打Monster hunter 既時候, 無喇喇俾彩虹叫左出去...
叫出去做咩?

上佢屋企幫佢執屋...
自己家都未執, 就要去服役, 真陰功~~CCC

但相對的, 亦學會了不少清潔的豆知識, 對三成黎緊幾日既執屋大計好有幫助.

花了半天...再看看自己的家...真係要大執...

>>March 6, 2006 at 4:44:11 PM GMT+8

2006 年 3 月 3 日 星期五 【晴】

呢幾日約會頻頻, 結算計落用左唔少錢...
今日約左Gc 同 牛屎出黎小聚, 順手買web cam 同 game...

真係好耐無見佢地兩個, 但一樣都好多野傾...
祝牛屎下周三行大運.

大家對工作的態度都很現實...
始終不明白, 為何一定要set 死一個轉工的期限?
做夠一年喇, 轉工...或做左年半, 係時候轉工喇!!!
好似為轉而轉咁...當然, 轉一轉, 人工都會翻兩翻...

三成而家主打既, 都係自我增值先...

買左部web cam, 都係一舊水鬆d...
但仲係唔識cap相...亦無心機研究.

同時, monster hunter 入手...發哂顛咁玩...

>>March 6, 2006 at 4:41:14 PM GMT+8

2006 年 3 月 2 日 星期四 【晴】

今天下班後和廢剛, charles他們聚會...
去間什麼魚一丁食, 都唔知點解要食d 咁叉貴既野...
去到之後, 發覺在座竟然仲有久違的Ben 及 Tony, 呵.

叫左好多野, 份份都係一啖食哂, 一路食, 一路吹水....
食左百幾紋之後...眾人大驚!!!
點解食左好似無食過咁既...

結果去M記打底...
始終唔明點解要食咁豪.
相對黎講, 豪既只係價錢, 食物一d都唔豪...
一舊3文魚楠幾個人分, 每人分雞咁多...真係...陰公.

同親佢地出黎都係...成晚都係變態野同賤野...
可憐的巨B哥...

>>March 6, 2006 at 4:36:16 PM GMT+8

2006 年 2 月 28 日 星期二 【晴】

放左兩日假, 返到公司, 成二百幾封email...
位都未座暖, 又見Joyce 走過黎: 拿, e d 單係你既...
好大疊...

不過好彩大部份阿Joyce 已經幫我整哂.
上星期交低d 野除左有d 小問題之外, 其他都run得好好...

Cora 仲走過黎話: 你唔放假都唔知你原來係咁重要嫁...
haha, 有人認同自己的表現, 感覺真好~~ccc

慢慢睇email, 逐樣逐樣搞, 12點已經大致清哂...
雖然之後d 客又呢樣果樣, 廠又呢樣果樣, 但都好快搞掂...

好耐都無大陸客打電話黎, 今日終於黎料喇, haha
又可以練習普通話了...但其實都幾驚人地會唔知我up乜, 但佢又聽得明喎...
不過都只能夠做到最最最基本既溝通, 好多野想講得清楚d, 但都唔知應該點講, 唉.

準時收工...
都唔知咩事...無喇喇又同彩虹雞啄唔斷...
答車又傾, 返屋企又傾...
彩虹非常迷信...三成外婆過身...彩虹即對三成發出百日禁足令.

同時發現三成對傳統野非常無知...
唔可以話解穢酒或殯儀館d 野好食...
剛做完白事唔可以買鞋...
一百日內唔可以上人屋企...

三成樣樣做足哂...
算, 不信鬼神~~

>>March 1, 2006 at 4:45:27 PM GMT+8

2006 年 2 月 27 日 星期一 【晴】

今天下午乘在家之便, 將部死人有線寬頻機退返俾有線, 終結有線既世紀大騙案.
還機處剛在家旁, 十分方便...

原本想OOO的, 但時間不合, 但發現原來佢有網頁, 下次check 清check 楚先再黎襟鐘仔~~

去太古城搵表伯娘食飯, 三成的母系親戚都非常有米(可惜自己家卻是一窮二白)...
見到表伯娘先知咩叫中產生活, 閒閒地可以一日洗成萬銀都面不改容...

上一上去, 就送左對Timberland 俾三成喇...又送左d 大大粒既士多啤梨俾三成食, 據講成十幾紋一粒嫁...真係有d 唔好意思...

夜晚食北京填鴨, 好正...
中產生活...羨慕...我諗自己即使努力一世都未必過到咁豪既生活...

決定重新努力...唔知今次可以堅持到幾耐呢?

>>March 1, 2006 at 4:35:47 PM GMT+8

2006 年 2 月 25 日 星期六 【晴】

今日幫阿婆守夜...都係係靈堂呆座, 燒野, 吹水, 摺元寶, 咁就用左一日...

請左班道士黎作法, 闖地獄真係精彩, 好似睇緊show 咁...
見d 道士以特定既步法高速走動, 即時諗起全真七子.

對婆婆去世, 真係無咩太大感覺, 又或者係自己刻意唔諗...
但今日真係無守夜既感覺...

燒野時仲會留意d 無謂野...
燒果d 銀紙點解唔同銀行既??
點解一張面額係500, 另一張係100億??
係咁燒銀紙, 下面0米會通貨膨脹???

雖然係咁, 係瞻仰遺容既時候, 個心都係實左一實...
其他本來一直嘻嘻哈哈既親友更加係喊得死去活來.

有時覺得e d儀式真係好徙時間, 燒金銀衣紙又唔環保...
其實無人知係度做緊乜, 全程都係俾個南無佬帶住...
行上前喇, 鞠躬喇...
拜一拜喇...
無人知搞緊乜同意義何在...

無左一day, 明天再送婆婆上山...
雖然三成不信鬼神, 但婆, 安心上路!!!

>>February 27, 2006 at 5:18:58 PM GMT+8

2006 年 2 月 24 日 星期五 【晴】

朦面超人, 好睇呀...
作者係村枝賢一, 誠意推介大家整本黎睇...
而家出到第8期, 仲未完.
估唔到咁正...

一班人打邊爐, 又係度話當年...
退休生活預演中??

睇攻略研究如何在喜悅廁所引發事件...笑爆...
達成條件: 入廁所大叫: 基陳黎未呀...

覺得自己變得比以前仆街了, 時常有憎人富貴的心態.

舉個例, 就好似一條默書唔合格既靚仔咁, 收到份成績表第一件做既事唔係反省, 而係立下座隔離件肥佬幾多分先...一旦肥佬安既分數低過自己, 個心就即時定哂, 好似自己考100分一樣...
自己考得好, 但肥安考得更好, 一樣唔開心...拿, e d0米就係憎人富貴囉...

真係要摑醒自己先得...(自己黎, 大家唔使代勞...)

>>February 27, 2006 at 5:09:21 PM GMT+8

2006 年 2 月 23 日 星期四 【晴】

這幾天的工作滿輕鬆...
今日更加係公司春茗既日子....

一邊做野, 一邊已經話:
不如一收工就過去打牌囉...

KATHY ,JOYCE, JAMIE + 三成...
正如DENNIS 所言, 好一個三娘教子局.

星期一, 二放假, 要將三成既工作PASS 哂俾JOYCE BACK UP...
其實請得既已經請哂, 交帶既不過係5單野...
Joyce: 乜咁鬼多嫁...
心想...冰山一角唧, 唔多喇掛...

Jamie, Cora 成日都關心三成workload 係唔係過多.
其實點先算多, 我真係唔多清楚.
始終不太清楚其他人既工作情況, 好似kathy咁, 三成覺得佢好鬼死多野做, 但又好準時放工...
一單野, 今日即刻做或者明天再做, 甚至完全唔理, 當中已經有好大分別.

6點鬆d就殺過去打牌.
開頭狂食, 之後就俾Kathy 一家殺三家...
好慘, 次次清一色8番都俾Kathy 截糊.
Kathy一個贏哂, 輸36大元...

打牌前狂拍Jamie 膊頭, 結果佢輸左舊幾...即時俾佢怒睥...(我夠有拍Kathy喇, 佢0米狂食~~)

帝豪會d 野好鬼難食, 得個豪字, 無樣野似樣的.

已經開始頂唔順件新同事Grace, 開頭對佢印象已經一般...
好鬼死驚果d 虔誠教徒, 滿口道理之餘又好神經質...今次因為上菜既問題又係度發顛.
唔滿意個侍仔係你果邊上菜0米換位囉.
三成話同佢掉位, 佢都唔制
"我係要座呢度, 無理由佢一定要係我e 邊上菜既"
搞到個侍仔去另一邊上菜為止.

好頂佢唔順...

>>February 27, 2006 at 4:52:31 PM GMT+8