2006 年 6 月 5 日 星期一 【晴】

唔知點解, 突然想QUOTE E 一段同大家分享一下~~
只要有勇氣, 就一定可以重新振作~~~跨過生活的難關~~^^

阿飛道：“我一定要這麼樣做，因為……”
　　他神情更痛苦，慘然接著道：“因為呂鳳先說的實在不錯，再這樣下去，我清著，也和
死了差不多，我絕不能放過這機會。”
　　李尋歡道：“機會？”
　　阿飛道：“我若想復活，若想新生，這就是我最後的機會。”
　　李尋歡道：“以後難道就沒有機會了麼？”
　　阿飛搖了搖頭，道：“以後縱然還有機會，可是我……今天我若失去了勇氣，以後就永
遠不會再有勇氣振作！”
　　一個人受的打擊太大，就會變得消沉，若是消沉得太久，無論多堅強的人，也會變得軟
弱，勇氣也必定會消失。
　　李尋歡沉默了很久，才嘆息著道：“你的意思我明白，可是……”
　　阿飛打斷了他的話，道：“我知道我出手已慢了，因為這兩年來，我也已感覺到自己的
反應漸漸遲鈍，甚至已有些麻木。”
　　李尋歡柔聲道：“只要你有決心，一切都會恢復的，只不過一現在還不是時候。”
　　阿飛道：“現在正是時候。”
　　李尋歡道：“現在？為什麼？”
　　阿飛慢慢的攤開手掌。
　　鮮血己染紅了他的手，酒杯的碎片還嵌在肉裏。
　　阿飛道：“因為現在我忽然發現，肉體上的痛苦不但可以減輕心裏的苦惱，而且還可以
使人精進，振作，也可以使人敏銳。”
　　他說的不錯。痛苦本就可刺激人的神經，令人的反應敏銳，也可以激發人的潛力——就
算是一匹馬，當你鞭打它，令它覺得痛苦時，它也會跑得快些，負了傷的野獸也通常都比平
時更可怕！
　　李尋歡沉思著，道：“你有信心？”
　　阿飛道：“你對我沒有信心？”
　　李尋歡突然笑了，用力拍了拍他肩頭，道：“好，你去吧！”

>>June 5, 2006 at 5:04:21 PM GMT+8

2006 年 6 月 4 日 星期日 【晴】

好累...點會咁...
一座低, 就成堆工作湧過黎...
阿豬話單貨有SHORTAGE, 阿狗又話D 貨要脫期, 連隔離公司位陳生同樓下掃地個阿姐都有投訴咁滯...真係黑仔過黑仔明~~~加LEE MA LEE, 苛璃吉蒂(開始語無倫次)

精神狀態50以下, 運氣: 大兇進入公司, 會引發三氣小威廉事件
PRICE CLUB : 單貨係唔係今日出到嫁..
三成: 當然~~俾個天我做膽, 小人都唔敢呃你地喇~~~一定到, 一定到, 可能你望出窗口去過廁所放下水食埋件餅就送到過黎TIM 喇~~


半刻鐘後
廠: 壞消息...單貨俾海關扣左...
三成: 吐血....

南洋: CAN THE GOODS READY THIS THURSDAY?
三成: YES, YES, YES SIR, 鴨雪魚烈~~U ARE 鴨雪魯烈RIGHT~~THANK YOU, THANK YOU VERY MUCH

半刻後
廠: SOR 呀, 單貨發覺做錯左...而家即刻補俾你, 希望下星期會搞掂
三成: 嘩呀呀呀呀呀呀呀呀呀呀呀呀....

第三氣, 唔知氣D 咩, 總之就樣樣都唔多順利喇~~
激到嘔血...

LUNCH TIME 繼續留係公司做野, 一路食杯麵一路做...真係覺得好悲咁...

OT 仲要俾MANAGER 問做咩D野做得咁慢~~~唉...
真係覺得有D 唔忿氣的~~做得咁辛苦仲要俾人吉~~無隱..
想效法巴士阿叔同佢講: 你知我咩X 野唧~~HAHA

全日一路做野就口中一路唸唸有詞...
屌...做撚死人咩...痴撚線嫁...屌...有壓力呀我....
唔咁發洩下真係人都顛的~~

每次有同事離職, D 野都會直接掉落我度...
又不斷有新TASK PASS 過黎, PASS 出去既野又遠唔夠加落黎既野多...
真係好無隱..
最慘就係雖然好多野做, 但又講唔出自己忙D 乜, 樣樣都咁濕碎...但加起上黎就好襟計...
疑問: 到底係我多野做0Y, 定係自己做得慢呢???

>>June 5, 2006 at 4:47:23 PM GMT+8

2006 年 6 月 4 日 星期日 【晴】

YANBB是誰??心照就得喇~~HAHA
經常OT 真是很慘的, 希望早日脫離苦海, 幾時休假一齊去玩喇~~

又要上班, 在OFFICE 沒得MSN 的日子...
以後在公司只能用SKYPE~~如果各位記掛我的話, 便安裝SKYPE吧~~HAHAHAHA

單是在家中想到明天將面對的工作便覺得十分煩厭...
還有那些煩人的REPORT...
高層的永不明白那些看來簡單的REPORT 做起黎係幾咁麻煩...要花幾咁多既時間...
格式, 結構, 設計...樣樣都覺得很麻煩...
而家同剛剛入職時的心態捷然不同, 一多野做就覺得無隱...
始終, 做得幾快, 幾叻, 幾掂都無用, 都係做執行果個...
好似洗廁所咁, 你一分鐘洗到十格廁所又點??
但要當決策層的話, 單靠現在的學歷及語文水平卻有點困難, 唯有日後好好進修了~~

>>June 4, 2006 at 6:37:03 PM GMT+8

2006 年 6 月 3 日 星期六 【晴】

巴士阿叔段片愈炒愈大, 幾乎日日上新聞咁滯, 有一兩次仲做埋頭版..
係唔係香港近排真係無咩新聞題材呢???使唔使如獲至寶咁AR..

係網上睇段短片係好搞笑, 有唔同既版本, 令三成一再回味.
但當正式新聞咁搞到咁大單, 又學者, 又心理專心咁出黎解畫就覺得好無聊...
香港傳媒水平愈來愈低, 雖然新一代既編輯同記者大部分都讀過唔少書, 但佢地就好似唔多明作為傳媒既社會責任~~只係識炒作新聞, 見大眾鐘意睇咩, 就登咩, 煲到佢爛為止~~
新聞紙應該係反映社會現實, 而唔係娛樂大眾既工具~~

在家閒極無聊時, 李生突然打電話來話食DINNER...
真係猶豫左一陣...出去又唔知為咩, 係屋企又無咩野做(不過就可以玩MSN囉~~HAHA)
真係爭扎左一陣嫁...最後都係出去抖下氣~~

去到先知原來仲約左KELLY, 都好多年無見了...
但這傢伙頗麻煩...只能用"唔知想點"4個字黎形容..

食完野之後就去左睇海神號...
套野完全唔想睇, 但又唔知點解會應承買飛一齊睇..
自己係面對E D抉擇時, 成日都優柔寡斷~~因為兩邊既CHOICE 都唔係咁好...
一邊係屎, 一邊係垃圾, 你是但選一樣食喇....
會咁, 都係因為自己無咩明確目標所致, 自己都唔清楚想要乜, 又點做抉擇?
要改善.

海神號一如所料...爛片...
災難--->逃生---->密室場景---->逃生----->密室場景2---->逃生...
基本上成套野都係成一直線...不過睇得E D片, 都唔會預左有劇情, 都係睇特技...
就係爆炸, 爆炸, 再爆炸...
個個場景都差唔多, 角色間既牽扯又唔強, 完全突出唔到角色既性格...失敗...
拍E 套野既演員都幾辛苦, 完全無發揮演技既機會~~

>>June 4, 2006 at 6:02:03 PM GMT+8

2006 年 6 月 2 日 星期五 【晴】

今日登入天文台網站....即時心灰...
雨雨雨雨雨....雲雲雲雲雲...
士多啤梨, 幾時先好天AR...上年夏天又係咁, 真係超慶的...
頗有無語問倉天的感覺~~真係日日都藉著雨點說愛你咩~~~日日都落雨, 真係你愛囉~~~

好想游水...好想游水~~~
天氣差時, 總覺得很寂寞><

又係禮拜6, 每個星期, 4個有個人之長既男人, 都會聚首一堂, 座埋一齊分享佢地E個星期既平凡生活中既不平凡經歷(即係吹水, HAHAHA)

答電車去灣仔換碟先~~~唔係為左慳錢, 只係貪佢係集成門口有站而已...
但就迫左成半個鐘...座係近落車門口果個位, 俾一大堆賓妹圍住, D 香水勁臭. 聞到暈低咁滯...
D 位已經夠窄, 佢地仲3人組咁頂係門口落車個位...搞到條路窄上加窄, 個個落車果陣都要踩中我隻黃金右腳...真係欲哭無淚...

今晚既聚會因腐皮病危, 佢既位置由ROCKET頂上...
話時話, 腐皮上星期已經話病, 病到而家仲病危, 睇黎佢都就快唔得...

下次見佢時應該係下年拜山既事....

馬B 難得豪爽, 肯去食FAT ANGEL...但我都係想食日本野多D...
反正大家都係百零紋...

返到屋企沖埋涼, 睇埋報紙0岩0岩好睇無記套動畫捉鬼天狗幫...
大結局, 睇到流眼眠咁滯, 眼濕濕...

之後睇加旋, 配音超爛, 唔明點解唔可以用雙語...

>>June 4, 2006 at 5:39:50 AM GMT+8

2006 年 6 月 1 日 星期四 【晴】

這幾天天氣特別差，呆在家中ONLINE的人也就最多。辦公室裏，餐廳裏，晚會上，道路上，經常聽到有人問答：「你打了日記沒有？」「我打了。」或者說：「我正想打。」一時之間，幾乎形成一種空氣，甚至是一種壓力，一種誘惑，如果誰沒有日日UPDATE 網上日記，就好像是一大憾事，被人說是"懶鬼"，不得不擠時間，去湊個熱鬧。

近來留言多了不少~~YANBB 的留言更是一大鼓舞~~是提神藥, 振奮劑, HAHA
多謝大家的留言啊~~^^

放完假之後例牌呢樣果樣, 果樣呢樣, 很煩..公司限制吃早餐的時間令人不爽.
把早餐放在台下偷偷吃...做賊咁...
補貨出問題, 補上補...

終於, 經過連續幾天6點就收工的神仙生活後, 今日7點半先鬆人...
但D 野, 其實...未做完....累~~

>>June 3, 2006 at 6:48:20 AM GMT+8

2006 年 5 月 31 日 星期三 【晴】

今晚和家姐, 姐夫及媽媽去左拉麵檳町DINNER...
果度都唔錯, 幾多選擇~~~價錢都叫OKAY(5,60元一位喇~~~)

今次都幾即興的, 做做下野突然收到個電話話: 今晚出黎食飯囉...
搞到又係要6點鬆D 就即閃~~呵~~
無責任員工, 一夠鐘放工就想閃人~~~

本來家姐請, 但突然醒起佢上次生日應承左請佢食飯的~~
ON 居地話: 我好似仲爭你一餐~~~
就係咁~~~就無左兩舊幾水了~~~HAHAHAHA

>>June 3, 2006 at 6:53:20 AM GMT+8

2006 年 5 月 30 日 星期二 【晴】

數返, 先發覺得原來D 日記加加埋埋有87頁...
如果真係想自己重溫既話, 一日都未必睇得完...

今日難得放假...但就幾乎全日留係屋企
總有D 虛渡光陰既感覺...
好後侮點解唔用D 時間執下間屋, 執下雪櫃, 做D有意義既野...
不過次次都係後悔還後悔, 同樣的錯還是不斷在犯, 時間還是不斷流走...

看動漫, 上網...打機...這一天, 到底幹了些什麼??
又得到了些什麼??

>>May 31, 2006 at 5:27:12 PM GMT+8

2006 年 5 月 29 日 星期一 【晴】

日記突然多左好多人留言, 大喜^^

多謝小花...還有...那尾...可惡的魚...
希望你地會繼續支持喇~~~^^

得閒當小說咁睇仲好~~HAHAHA

對工作開始失去了熱誠...日復一日的, 特別係多左好多新制度, 新規定, 自由度亦愈來愈少了.

雖然做野時仍然投入, 但已失去了為工作OT的精神~~
6點鐘...拍台即走~~
走時仲同隔離位既JOYCE 講: 6點先掉張單黎, 彩佢都傻, 當睇唔到算~~
HAHA

做遲一陣唔會死的~~衝出公司, 又有種咭一聲笑出黎既衝動...
其實咁早返到屋企都唔知做咩, 都係上網...
對住電腦既時間仲長過訓覺既時間, 唔多健康...

>>May 31, 2006 at 5:21:57 PM GMT+8

2006 年 5 月 28 日 星期日 【晴】

放假後的工作天~~收拾心情, 好好工作

公司愈來愈多規矩, 制度, 受不了~~

遲到限額由每星期120分鐘減至60分鐘...
其實這也是合理的, 原本的QUOTA 的確太多.
但作為既得利益者, 被削減了QUOTA 感覺的確不太好受...
始終有時答一程車訓過龍, 無QUOTA 遲到咁果日就收皮...

另一樣就係限制上網...下星期開始外面D LINK 會俾人BLOCK 哂, MSN 更加唔在講.
都係因為唔知邊個豬西係公司用BT 累街坊...
但就咁BLOCK 哂D LINK, 搞到返工好似座監咁...
以後約人食飯麻煩好多, 亦唔可以上網查地圖了...
始終覺得不太過份的話這些功能是可以保留的, 可惜不是人人如此自律...

另一點, 就係唔可以再係位度食野...有D 離譜囉...
以後食早餐要偷偷摸摸, 食零食又要偷偷摸摸...不如整多條安全帶縛埋你係個位度唔陏喇~~

不爽~~不爽~~不爽~~

想溫英文...
但當發覺要溫時, 又已經是夜深了~~
總是給自己藉口放棄的, 我真沒用...真無能...

>>May 29, 2006 at 5:27:32 PM GMT+8