2006 年 5 月 4 日 星期四 【晴】

5月5日, 3日假的第一天...
沒什麼好幹的, 睡得香甜的時候, 被死天王吵醒call 了出去hea...
成班人聚下, 發下顛都幾好...
但時間不知不覺間便慢慢地過去了...好像很浪費似的.
但什麼才是不浪費, 有意義的利用時間, 自己也說不上來.

找不到生活的意義才是最大的浪費.
我不追求金錢, 也不追求物質...只是缺少了點心靈的寄托~~

>>May 7, 2006 at 5:41:31 PM GMT+8

2006 年 5 月 3 日 星期三 【晴】

沈寂多時的Price Club 再次出現, 很煩...
今次個新program 係由另一個把聲比較開朗既女仔跟, 但一樣咁麻煩.
其實都唔關跟果條友事, 間野本身就麻煩..

為左少少MOQ 都可以拗餐死.
不過幾紋美金, 算吧喇...你放過我喇...幾毫都唔俾我賺咩.

嘈嘈嘈, 咁就搞左唔少時間...
又要打去d 廠度又跪又求咁去求人地減低個價同個MOQ. 至憎...

另一邊廂, 其他單又鬼死咁多播, Nanyang d 單改完又改...真麻q煩

夜晚約左GC 一齊去影身份證d 相, 但搞到6,7點都未走得...做到超燥..
一路做一路爆哂粗...X你老味...做X死...不斷喃喃自語...真恐怖...
痴線嫁...咁多野做, 加錢呀!!(繼續受黑社會2影響)
UP完一輪之後連自己都忍唔住笑.

本來約左倩名佢地食飯的, 但由於忘記了約左GC在先, 最後唯有放鴿子...
好耐無見過倩名了, 唔知佢點呢??
不過佢地最後個活動都搞唔成, 當然因為某J 又再次放鴿子喇...HAHA

影證影得好快...不過點影都覺得好樣衰咁...haha, 要加d 電腦效果落去至得~~cc
Gc中左超時空要愛毒...痴哂線...

>>May 4, 2006 at 6:12:35 PM GMT+8

2006 年 5 月 2 日 星期二 【晴】

好多野做...今日係最遲果個走...
想死...

回家即時昏迷...
不過之後又係3點幾先訓
無計...聖魔之血太好睇...睇到唔捨得訓.

>>May 4, 2006 at 6:03:24 PM GMT+8

2006 年 5 月 1 日 星期一 【晴】

放完假返黎, 以為會好忙喇, 點知又唔係喎...
手頭上永遠有堆野做, 但又可以係7點前搞掂哂果隻囉~~~

結果6點半度就閃人了...
其實 D 野未做完的, 但唔想日日做O記...於是走頭.

早幾個星期開會, 講到公司可能遲D會BAN 哂上網...即時不爽.
全因公司有D 傻西用BT DL 野, 搞到公司個SERVER DL 鬼左...
正一累街坊的契弟, 殺佢全家.

不過聽到某SUPPLIER 公司的制度...就更加覺得心寒.

老細隨時會監聽你既電話...成間公司裝哂閉路電視, 睇住你既一舉一動.
變態...唔可以告佢既咩???
返工返到咁, 同座監無分別, 死都唔好去果間公司做...

>>May 4, 2006 at 5:54:57 PM GMT+8

2006 年 4 月 30 日 星期日 【晴】

好累...但又俾Gc 呃左去游水...
作為報復...我遲到左成一個鐘..(意外, 真的不想的..)

愈來愈不守時...下下搞到好閔先出門口...
出黎做野之後, 就愈來愈唔守時...好PK囉...

行無雷公咁遠去碼頭答船去游水...很累...
因太平清蕉的關係, 近碼頭的那段路cut 到亂哂...都唔知點行, 又鬼咁多人...
結果好燥, 一路行一路爆粗...(痴線佬)??

游完水之後(其實都冇乜點游..但話曬太陽又唔係, 因全程都無乜陽光...)
回家成身散哂...肌肉酸痛...老了??還是缺少運動??

近來把口愈來愈臭, 愈來愈爛...
粗口既野, 貪一時之快慣左講, 就會係咁講...
個IE 慢少少又狂爆粗...行路時有人阻住又爆粗...
狂燥??

仲有...把口同行為都愈來愈賤...
希望打完E篇文章之後, 可以有所改善, 否則真係會成為新一代賤男...

三成既一眾好友們, 請盡力勸諫三成的過失...
三成一旦做左D 咩PK 行為, 就X我喇...
唔該...

>>May 1, 2006 at 4:25:10 PM GMT+8

2006 年 4 月 29 日 星期六 【晴】

黑社會...連第一集都未睇過, 就俾人拉左去睇第二集...

無咩期望, 但套野都叫okay..不過古天樂繼續發揮佢既一流演技...
面無表情+沈默...點解拍左咁多套片, 都可以keep 到e個水準??

套野比想像中更血腥...有d 場面都幾變態的...

還有...痴線架!!!加錢呀...
成世都發惡夢...加錢呀...

之後打波...但成班人一樣脫離唔到黑社會既陰影...
加錢呀!!!

打牌...
今日的結論...時下的女學生真大膽開放...更不知危險為何物...
也不是危不危險的問題...但不覺得會敗人雅興嗎??

一人一個基陳...一人一個基陳...
加錢呀!!!

>>May 1, 2006 at 4:17:45 PM GMT+8

2006 年 4 月 27 日 星期四 【晴】

繼續忙碌...
上午還粉輕鬆的說...但下午繼續瘋狂...

8點收工, 約左KATHY一齊走再一齊DINNER...
兩個人炒幾個小菜, 一路食一路傾計, 真開心^^

HAHA, D 野好好食, 食到好飽都不過係每人70大元
都算抵~

下次一齊OT 時, 一定搵佢再食過...

亡命小巴...

>>April 29, 2006 at 6:06:46 PM GMT+8

2006 年 4 月 26 日 星期三 【晴】

真係好鬼多野做...
成日望住過鐘, 一睇, 死, 又12點...點解D時間過得咁快...

人返工, 希望快D 放工, 但我返工, 就嫌時間過得太快...
大佬, 做唔完, 唔想OT...

做到6點, 都仲堆單等住我做...
唔理喇, 都係拿拿臨幫新SYSTEM 做TESTING 再寫報告...
拖得太耐, 到人地摧時就PK了...

太熟舊SYSTEM同工作程序, 完全知新SYSTEM 缺少D乜, 一 RUN 唔到就已經知係咩問題.
但要將佢具體化出黎, 話返俾MIS D人知, 就真係有難度.
因為佢地唔係USER, 唔會知你須要D咩, 亦唔知個SYSTEM 爭緊D乜.
佢地只會從電腦理論出發, 去分析你既問題.
"點會XXXX呀, 一定係你地按錯制, 無可能的"

所以, 一定要慢慢CUT 圖, 將每個STEP COPY 落黎, 俾佢地慢慢睇.
由於要掉出去見人, 又要慢慢執個EMAIL...一點一點咁列, 各有REF 圖片...同相關FILE...
傻西都睇得明.

為左搞E D野...又做到8點半先走...

>>April 29, 2006 at 6:03:36 PM GMT+8

2006 年 4 月 25 日 星期二 【晴】

每日都很忙很忙...都不知在搞什麼...
泰國的NANYANG 及 DIORVA SHORT左咁落單...
加上其他工作, 做死人咩!!

昨日又要去APL 送外賣, 今次班友的態度仍是超級惡劣.
話說三成致電CORA 討論此新PROGRAM的事宜時, CORA 叫我搵APL 某PK, 叫佢聽...
但剛巧PK 不在, 於是掛線後, 看到該PK 便拜託他致電CORA...

誰知此子竟說: 搵我咩事呀!!!
三成: 應該都係講返PRINTED LABEL 既野喇...
PK: 人人都話搵我, MICHAEL JACKSON 夠話搵我喇, 唔通又要我即刻覆佢呀!!!

說畢關窗...

怒極...

今日唔使送外賣, 但D 野就多到做唔完..

有好多似急唔急既野未做...例如幫新SYSTEM 做TESTING 喇...
執好自己新PROGRAM D FILE 喇...
整SAMPLE CARD 俾客喇...追PAYMENT 喇...

日日做到7,8點, 眼都朦埋, 已經無OT既衝勁...
基本上一過6點就好想放工..

>>April 29, 2006 at 5:56:03 PM GMT+8

2006 年 4 月 23 日 星期日 【晴】

本來報左英文會話, 但點知今日收到通知話果班唔夠人, 註定三成無得玩...
算喇...仲諗住搵d 堂上下充實下自己tim, 這也是天命吧~~

放完假又返工, 真累.
未上班前已大約知道果日要做d咩...一路行一路排自己的工作日程...
都幾累的.

有時仲customer service, 飲食呀, adm 果d都幾好, 起碼一收工就唔使再煩工作既野.
希望快d 淡季喇...真係好疲...

>>April 25, 2006 at 6:21:01 PM GMT+8