2006 年 1 月 29 日 星期日 【晴】

繼續拜年, 繼續食盤菜.
不太喜歡吃盤菜, 雜而亂, 都不知吃什麼好.

親戚家的廚房比自己的家更大, 人人身光頸靚...很羨慕, 也很妒忌.
甚至慨嘆為什麼自己的父母不像人家般有錢??
真討厭...整天想著不勞而獲, 羨慕他人...唉

死天王遠征石排灣.
路過肥佬家樓下, 過門而不入, 有點怪怪的感覺, 不過肥佬應該還在上班吧.

無雙及Gundam 地獄.
三位一體過新年.

男校RPG 發行大計...如何才能找到傳說中的T尺, 打倒邪惡的CM LEE 呢?

不滿足, 真的不滿足.
窩囊, 終日只知唉聲嘆氣, 等運到的傢伙.
搏可憐嗎???

>>January 31, 2006 at 8:23:08 AM GMT+8

2006 年 1 月 28 日 星期六 【晴】

同阿媽去左大佬家參觀...
地方唔錯, 幾骨子, 不過都係抹得唔多乾淨, 時不時都係d 暗角位摸到少少塵.
不過點都比完全無人理的屋企好得多...真應花多點時間清潔自己的家的.
太多事想做, 沒時間做的同時, 另一方面每天卻又把很多寶貴的時間白白浪費掉, 用來打機...發呆..上網不知幹什麼等.
希望新的一年, 時間可以用得更有意義吧.

有點遙不可及的感覺, 想改變, 又不知應如何做起.
但什麼也不幹, 等運到便可以了嗎??
奮起精神幹時, 總有點只是向自己交差的感覺...挫折感, 頹敗感, 令人高興不起來.

>>January 31, 2006 at 8:15:15 AM GMT+8

2006 年 1 月 27 日 星期五 【晴】

去左睇霍元甲, 套戲唔錯, 都算值得睇的.
武打也相當精彩...當然, 故事橋段也是平平無奇, 基本上未開場已經知套野講乜同點發展果隻.
不過打得的確幾好睇...

夜晚食盤菜...千幾紋一盤, 唔覺有咩特別...
呃錢的.

>>January 31, 2006 at 8:08:46 AM GMT+8

2006 年 1 月 25 日 星期三 【晴】

因為新年的關係, 已很久沒打過日記了, 都忘了幹了些什麼...
總之, 在公司便是遊手好閒渡日吧, 真無聊...
唯有自己找些無聊的活來幹...

前面的位子終於請到人了...2月6日返工(如果唔放飛機的話), 到底是一個怎樣的傢伙呢???

香噴噴的Jessica 姐姐辭工了...下月便走...
永遠懷念她.

夜晚和大學的老伙伴逛花市...
大丸的紫色拍甲油真是...令人眼前一亮...威力達5粒星.

花市很迫, 都沒看到些什麼...
同時, 孤寒成性的三成亦沒意慾買任何東西...ZZZ

>>January 31, 2006 at 8:06:01 AM GMT+8

2006 年 1 月 24 日 星期二 【晴】

9 個月前...在刻意催眠及自我信心提升訓練下...
三成相信自己無論是什麼事, 只要肯做, 肯幹, 便一定做得到...

但到了現在...已仿如一頭鬥敗了的喪家犬...做不了...解決不了..苦
很討厭這樣的感覺...

很多野做...很多野搞...經常有新野塞過黎...令原本的工作計劃都亂了.
得一對手...點搞咁多??
其實諗返都唔知自己搞過D 咩...樣樣都好細, 好碎咁, 但積埋就一堆時間...

元神D 刺身真係好鬼大舊...有興趣可以一試.

同DOLLY 打波, 大家的技術都退步不少...狀態差了很多...
最重要的, 係跑唔陏是也...完全無意識追波...
永遠都係要提自己...快D 追, 快D 追, 先至追...再唔係一早走定位...
一場水準差劣既賽事...最後平手...

唉..真不明白自己..又有什麼好痛苦的....

>>January 25, 2006 at 4:19:46 PM GMT+8

2006 年 1 月 23 日 星期一 【晴】

其實雖然keep 住有單入, 但廠一早收爐, 都係自己排定期, set 好d 野就搞掂...
大家做野都好有holiday mood...見到Kathy pack 自己d 舊版...得閒的三成又主動去取d 箱返黎pack 埋其他同事d 垃圾...清d 位出黎...

好快前面個吉位就堆滿箱...

夜晚同Kenny 一齊放工...條友無喇喇話: 不如一齊剪髮囉...
本來無咩意慾修髮既三成, 就去左剪髮喇...

$$$

原本約左彩虹食飯...不過因為某原因...改date...
本來可以星期三...但一早約左Dolly打波...於是...下星期喇!!!
再次證明三成唔係一個重色輕友既人~~~XDXDXD

>>January 25, 2006 at 4:11:53 PM GMT+8

2006 年 1 月 22 日 星期日 【晴】

和中學同學聚會...吃火 煱, 很豪...
財散人安樂??


其實不太想來...但先前數次都沒出席...算了吧...
來的人也不多, 只得8丁友...不多不少, 正合我意...

工作須是淡季..但雜務很多...經常主動找些雜務來做, 是否很笨實??
算了...為了保住飯碗, 都係主動d, 勤力d

>>January 25, 2006 at 4:07:29 PM GMT+8

2006 年 1 月 22 日 星期日 【晴】

被有線電視欺騙了!!

話說十月中有線的人上門遊說三成, 裝了有線寬頻, 有線電視的月費便可以減免.
計過條數有賺, 於是裝左...

但過左3個月, 月費一模一樣, 一個仙都無減, 於是打去問...
但結果係: 我地無E D計劃嫁播...
睇返張單, 的確無寫明話會減免月費...
呃錢+搵笨???

要CHECK又話要一個月...到時會有消息先奇...

打返去搵搞E個PLAN件SALES, 但話個聯絡電話並無登記??!!??

唔係咁仆街下華, 咁大間公司, 39紋都呃??(一年就係5舊水)

大家教下我可以點做???

>>January 22, 2006 at 10:35:10 AM GMT+8

2006 年 1 月 21 日 星期六 【晴】

總覺得現在香港的促銷及宣傳手法很有問題..

補習社的資告強調的是: 人人都報, 唔報好蝕底

教育的目標難道是教學生羊群心理, 而不是獨立思考嗎??

銀行的貸款計劃改名作什麼 "易得錢", 什麼免入息審查...不是鼓勵港人以借貸渡日嗎?

常常看見身邊的朋友拿出價值數千元的影音電子產品...總有點心寒的感覺...

三成: 咁貴, 點解買??
友: 佢有好多功能...可以聽MP3, 可以打機...可以影相...

其實...三成覺得E D 功能好戇居.
影相, 手機一定唔會令過數碼相機...
講音質, 一定唔會好得過MP3機...

當一個人擁有手提遊戲機, MP3機及數碼相機時, 仍花數千去買一部可以影相, 聽歌的電話...個人覺得非常笨實.

如果有朝一日, 出左一部可以同朋友通話既MP3機, 又或者可以聽埋歌既數碼相機, 唔通又要買齊??

三成是個理財上十分審慎(又可說是保守, 但不算孤寒, 應使的會使是也)的人, 可以遲些買的東西, 便遲些買...
計返自己, 一日不過搵得幾舊水, 值唔值得用十數日既勞力去換取奢侈品?

今日執屋...將D 銀行月結單拆哂出黎, 取返張有用既STATEMENT, 集中放入一個信封度...其他既即時掉哂佢...整理完之後. 即時唔見左一大堆廢紙...
以後都決定將D信件分哂類然後再處理, 一來慳位, 二來容易找.

每次執屋, 總會有種一個人的抗戰的感覺.
無論多努力, 唔使一陣間又會亂返...
有時真係覺得...阿媽會唔會太多多餘錢??

>>January 22, 2006 at 10:30:36 AM GMT+8

2006 年 1 月 20 日 星期五 【晴】

MSN 多了錄音留言的FUNCTION...這FUNCTION往往嚇人一跳...

話說三成在搞其他無聊事時, 電腦突然傳來了彩虹的聲音...
"死仔, 你好得閒呀!!!"

真係...嚇得我0Y...

即時把音量調細(剛在電腦看動畫, 音量開得很大)...

錄音留言...真是會嚇人一跳...

>>January 22, 2006 at 10:15:10 AM GMT+8