2006 年 3 月 20 日 星期一 【晴】

上班上得有點厭倦了.
但亦要捱下去, 在同一環境中太久, 因而生厭嗎?
不過返工就係咁, 要習慣下.

對住D PK 客搞到自己好似好無能咁...無隱+10

夜晚收工去同GC, 牛屎睇極地雪犬.

牛屎失縱, 憤怒+30
幸好佢及後都有出現, 而且失蹤仲有合理原因, 好...算你喇.

雪犬都幾無聊下, 睇介紹話係咩一個誠諾, 令探險家奮不顧身再鬧險境去救D 狗.
但睇時完全係兩回事...
竟然係D 狗俾人掉低左係北極成2,3百日, 件探險家先施施然咁去救佢.
而且唔覺得有乜咁危險囉, 都係座車, 落車, 然後抱D 狗仔返屋企.

基本上好似佢就算唔趕去接D 狗仔, D 狗仔都唔會香咁...

可能因為係真人真事改編, 個故事好散, 得閒又講下D 狗, 得閒又講下D人.
如果條友一出事就即刻飛去救D狗仔, 而唔係拖成二, 三百日, 可能感覺上會刺激同緊張D...

等成二百幾日, 完全唔覺條友有幾奮不顧身囉.

不過如果中意狗既話, 都可以一睇既...
D 狗都幾英的(有D 似狼多過狗~~~)


尖沙咀間澳門冰室超唔掂, 千祈唔好去.

>>March 25, 2006 at 5:47:11 PM GMT+8

2006 年 3 月 19 日 星期日 【晴】

有時不禁問自己, 上班是為了什麼...
每天營營役役, 付出一整天的心力勞力只為換取那微不足道的口糧.

反觀一些人可能幸運地中了六合彩或突然和油王老爸相認便可以過著下半世無憂穿金載銀的生活.

所以三成對金錢的觀念很薄弱, 升職, 加薪, 月入數萬也沒有什麼了不起.
但三成可能須窮一生之力才能達到這個月入數字...
不過你搵得多, 人地搵得更多, 一諗到九鐵班高薪廢人行行企企就日薪一萬, 皇馬件活基治個個星期都係養傷就袋袋平安時, 就覺得...

非常之頹.

有時做野做到咁都真係無乜動力, 好似唔知為咩咁...
都係果句, 還掂係唔係都要做, 不如笑住咁做...咁仲可能開心d tim.

PK 客斷章取義, 使三成充滿被迫害的感覺.
大家平日咁多聯絡同電話往來, 都唔知點解d 語氣係要冷冰冰, 好似一池死水咁.
完全感覺唔到係同一個 "人" 係度溝通緊.

愈搞愈大獲...驚動了上級..
搞下搞下先發覺原來係一個死症, 係唔係都死, 無得救...
突然間有種切腹謝罪的衝動...

這段期間真的對price club 充滿著憎恨, 想放火燒佢地間公司, 吉死哂佢地d人等...
因為佢地d 人真係好衰同好乞人憎, 邊有人咁q 討厭咁...
佢地可以去拍廣告, 因為佢地真人演繹左顧客永遠是對的既道理.
總之幫到佢地就係老馮, 幫唔到佢地就罪該萬死咁.

其實自己都有d 責任, 不過係咁俾人吉, 真係好唔忿氣.
但係都算買到寶貴的經驗及教訓, 有d 野真係唔衰過幾次都學唔精的...
怪自己黑仔之餘亦都要反省下自己至得~~~

希望聽日快d 過, 快d 放工, 星期三快快到來, 雨過天清~~

>>March 20, 2006 at 4:41:13 PM GMT+8

2006 年 3 月 18 日 星期六 【晴】

病了, 但仍然殺左銅鑼灣, 完全是為了對KATHY的一個承諾, 幫佢取野~~(突然覺得自己好偉大, 請鼓掌)

死天王再次出陣, 但有兩人戰死了, 不能列席, 由歐賓大碌劍頂上.
個名好核突?

係...我都覺...

修羅之門愈睇愈悶, 轉睇大劍,
咦, 又唔錯播.
同大碌劍一齊睇大劍, 感覺真...X


睇一睇訪客留言...
WA, 真係稀客, 估唔到會見到武田家的使者~~~CCC
你講得好0岩...三成最大既缺點就係無乜火...
希望可以同PK客的抗衡中磨練一下自己~~~成日事事順哂人咁點得.
不過, 對好聲好氣的傢伙, 三成仍是惡不起來~~
就像有線騙局及漏找咭數事件中, 如果三成惡一D, 狂屌班友, 其實是可以減少自己的損失的.
但一聽人家好聲好氣, 便惡不出樣了.
成日諗, 人地都係打份工唧...
咁就惡唔出了~~~
唔得. 以後我要惡D~~~口古月口古月口古月口古月口古月口古月

>>March 19, 2006 at 4:49:18 PM GMT+8

2006 年 3 月 17 日 星期五 【晴】

生病了...
下午被GC 呃了出來吃飯, 唔知點解, 大家狂講賤野.
GC 就好喇, 咁多紅顏知己, HAHAHA, 真係艷福無邊呀~~

如果要為一裸樹放棄整個森林...
那麼...

那一定要是一裸非常好的樹~~~卡卡卡卡卡...


整天在家養病(其實是打機)
餓了便落街食粥, 身體真差~~
本來想學拳練下武咁的, 但見D 班都幾貴下, 成千幾銀先得幾堂, 都唔知學唔學到野的.
驚俾人呃之下, 都係...


算吧喇...

是的, 我很孤寒...

原來另一邊廂, 彩虹姐姐也病了~~
"一定係你係電話度傳染俾我既!!!!兇手!!!!"

妳唔好亂講野呀~~~

不過病的確是一件苦事...誰說小病是福的?

>>March 19, 2006 at 4:42:20 PM GMT+8

2006 年 3 月 16 日 星期四 【晴】

今天繼續和無聊客鬧得很疆, 基本上除了這些煩人的事外, 工作是少得可憐.

隔鄰的Dennis也和客吵大獲, 使Cora 非常憤怒...
希望三成不會出現類似的情況吧.

有時真是覺得深深不忿, 很想和pk 對著幹, 但到頭來損失的還是自己, 而且也不是專業的態度~~
只要是合理的要求還是為她作好了...但總覺得星期一會有事發生...

午飯時和Dennis 一起大吐苦水, 感覺上舒服多了, 至少不是自己一個會遇到呢d 問題...
總之盡量控制情緒, 不亢不卑, 讓自己站在道理上的一方便是了(至少要讓人家看來如此...嘿嘿)

和Jamie 一道下班, 談起了Dennis和客吵大獲一事, 看來阿姐非常不滿的樣子.
同時Jamie亦話三成呢兩日同客講野既態度掘左d...三成是想強硬一點, 但過了火位便不好了.
會是Jamie 姐對三成婉轉的規勸嗎...要注意~~


生病了...

>>March 17, 2006 at 4:16:46 PM GMT+8

2006 年 3 月 15 日 星期三 【晴】

很久沒有打日記了, 不是黑客入侵, 只是自己懶病發作而已.

經過一輪轟炸後, 這幾天的工作漸趨平靜, 但一些pk客仍舊令人非常討厭.
自恃自己是ageny, 不講道理, 很慶...真係火都黎埋.

對住d pk, 真係好影響情緒, 其實係好少事, 但可能三成係一個不能受壓的人, 一遇到類似情況便覺得吃不消.
根本便是在耍蠻...
"唔得呀..." "唔制呀", 也不理自己是否有錯, 便重複自己的要求..
好聲好氣都話, 幫佢仲要老馮咁, 很想跟她說: 妳吃屎吧

多點面對這類pk也好, 便當是對自己的磨練好了.

>>March 17, 2006 at 4:05:33 PM GMT+8

2006 年 3 月 10 日 星期五 【晴】

死天王再次出動, 不打不相識!!!!
哇淒!!!

送左批有無數回憶既BB戰士出去, 執箱時打開黎睇, 有幾隻係三成最中意既, 好唔捨得...
不過, e d野再留係屋企都係鋪塵, 不如俾d有須要既人, 或者得到佢地會開心既人.

大部份以前玩既玩具, 都決定放棄, 除左心愛既沙煞比...
同賈圖既路絲捷維一樣, 沙煞比係三成最愛既機體.

Lego玩具則決定送俾我既姪仔...
幾座城堡, 加埋幾千銀...單係d lego士兵都有幾十隻...外面一盒仔兩隻都要成幾十紋嫁~~
仲有紅白機, 世嘉, 超任...決定一野送哂俾人...
又無心機將佢地重新包裝過去賣, 留黎做咩~~

廿多歲, 每天行屍走肉, 雖生猶死...
很不甘心.

>>March 11, 2006 at 4:38:03 PM GMT+8

2006 年 3 月 9 日 星期四 【晴】

放假放了多天, 上班恐懼症.

位都未座暖, 隔離的Dennis已經掉野過黎
俾我清下自己d野先好喎...

一放假Dennis的東西便多了很多甩甩漏漏...
不過, 都係d 細微野, 唔構成問題.
感覺上佢對d客仔都係虛應故事為主, 最重要都係自己方便...

但佢咁做都有度好, 就係唔使浪費自己太多時間係服侍班麻煩友身上...

又要補貨喇~~不過, 一樣, 唔會俾人知~~
呵呵...

常常為了一己之快, 不顧後果, 做/說出些莫名其妙的事/話出來...
沒有任何動機, 就是為了想說而說, 想做而做.
咁多年黎, 都仲係咁, 仍然沒有長大, 仍然仲係咁幼稚.

夜晚收工之後同同事雀局...
一到6點個個就執哂野, 果陣三成仲出緊封email俾客...
於是個個就圍住三成...

"得未呀, 快d喇..."
"e, 仲打咩鬼野唧, 星期一先搞喇..."
"求鬼期喇, 打咁多野做咩, 佢睇得明就算喇!!!"

一講到打牌, 大家都著哂魔...
打牌時, Cora塊面好似發哂光咁...個個都打到紅光滿面...
打到人地間野打祥都唔捨得走咁...真恐怖

亡命小巴回家...高速掟彎時的感覺很爽....
但一路答一路諗緊抄車之後入院既場面...

>>March 11, 2006 at 4:27:55 PM GMT+8

2006 年 3 月 8 日 星期三 【晴】

銅鑼灣, 無聊三人行~~~

近排洗左唔少錢~
要節約.

>>March 9, 2006 at 7:16:52 PM GMT+8

2006 年 3 月 7 日 星期二 【晴】

近年來, 覺得自己比以往改變了不少...但很多改變都是自己不願意看到的.
道德領地放棄得愈來愈多...沒目標, 沒意義的人生往往使人迷失...

去年沙田一役對三成的影響很大, 不敢說自己成長了, 但肯定的是, 思想改變了不少...
回味沙田一役, 有時真是頗為後悔的, 埋怨自己為何不能做得更好...
好多野, 都唔係自己想點就點~~~
那種無奈, 到現在仍不斷襲上三成心頭呢~~ccc

>>March 9, 2006 at 7:15:10 PM GMT+8