2006 年 4 月 13 日 星期四 【晴】

不能再頹廢

我要....


作出改變!!!

首先, 係著件紅色既衫!!!
無錯, 係火紅果隻!!!

之後, 頭頂加隻角!!

紅色 + 頭上有角 = 工作速度 X 3

三成高機動型量產化決定...

>>April 13, 2006 at 5:14:12 PM GMT+8

2006 年 4 月 12 日 星期三 【晴】

很累...很累...
不論是工作上, 還是生活上, 以至感情上, 都充滿了疲累感...
time 沒看了, 已沒有了雄心壯志..形同死人.

今日又係一堆野, 很煩
可惡的price club又送來了一種tissue paper 要 develop...
要打板, 又唔肯俾錢, 未來的單量又唔知, 真討厭.

真無聊...今日下午有單急野, 俾manager 使左出去送帶俾人試print 睇效果...
第一次去貨櫃碼頭, 個物流中心鬼死咁大, 搵死人...係咁問人路, 好累.
終於搵到喇...又要睇班契弟面色...
件無禮貌既大叔取左條帶之後就話: 你出去等下先喇...

連位都無個座下, on 99 罰企9個字...
係一處唔屬於自己既地方, 睇住d 人各有各忙, 自己就on 99企係度, 很苦

之後件大叔終於死出黎: 得喇, 你扯喇...
總之, 態度hil 張惡劣非常...正屎忽.

去左兩粒鐘, 但返到去一樣要做返自己d 野, 搞搞搞, 搞極都搞唔完
垃圾price club 5點幾又掉左幾個膠袋既artwork 黎, 又係要做development

搞左咁耐, 單又一張都無, 很PK.

又OT...如果唔係無喇喇做左跑腿兩個鐘...唉~~

>>April 13, 2006 at 5:12:09 PM GMT+8

2006 年 4 月 11 日 星期二 【晴】

被Jamie 提醒注意email 被客捉字蚤的問題...
但其實不用樣樣都要black & white 列出來吧...也沒有如此多的時間慢慢打.

一面要快, 一面又要不出亂子, 真矛盾.

午飯吃來吃去都是那些東西, 今天率領大家遠征, 發掘未知的(其實只是我們未吃過的店而已~~)新食店.

混帳price club, 混帳百怡行...
不知由何時開始, Jamie 慢慢分擔了三成和price club 聯絡的部份工作.
今日仲幫三成整埋份報價表tim...仲不時幫三成追辦追報廠做報價tim...
雖然佢唔幫手的話真係唔知搞到幾點先完...但被人做了自己的工作總覺得有點不是味兒.
因為太無能而被主君架空了??

對下放給自己的工作看得很重, 一接了便不想放出去給其他人幫手搞...
真是on 居的想法...

經常出現粗心大意的錯誤...

相信經過一年的共事, 三成在manager 心中的形象早已定格...

不細心, 不決斷, 處事粗疏, 不夠成熟的無能之人.

唔得!!!一定要做d 野改變我既形象至得!!!
好!!!!

我一於!!!!

謀反!!!!

WAKAKAKAKAKAKAKAKA...
SHORT 左~~

>>April 12, 2006 at 5:17:57 PM GMT+8

2006 年 4 月 10 日 星期一 【晴】

看到松松的日記, 他近來的工作還滿不順的, 於是順手留了言~~希望他工作愉快吧

其實三成覺得返工返工, 最重要的是有人認同自己的工作表現和價值.
有人認同自己的工作表現那才會有滿足感, 辛勞工作才有意義.
如果辛苦做野仲要日日俾人串, 不如閃人, 找一處能讓你發揮所長的地方好了.

即使不能轉工, 也不要苦著面工作, 反正辛苦做又係咁, 笑住做又係咁, 咁不如笑住做, 從無聊的工作中尋找樂趣及自己的價值~~~雖然係就係阿Q d, 但都好過做到渡日如年~~~

Kathy 生日...吃飯及吃蛋糕用了不少時間...
刀叉不夠又要偷走出公司買...累死了...

還有一大堆工作有待完成...
做做做...搞到8點幾...眼都幾乎瞎埋, 超累.

>>April 12, 2006 at 5:03:41 PM GMT+8

2006 年 4 月 9 日 星期日 【晴】

返工真係煩...其實工作都做得幾開心...但總係唔想返工
無法, 唔承認自己懶都唔得...以前讀書時果種決心同毅力已經無哂.

一埋位, 見到無乜EMAIL 真係 口傑一聲笑出黎咁滯.
好輕鬆, 好悠閒咁慢慢遊呀遊.

點知11點幾時就開始黎料...但仲應付到...

今日Manager 同 Jamie 佢地請食飯, 慶祝佢地升職, wakakakak
當然係大魚大肉喇...叫野食時, 再次顯露三成猶豫不決既性格...
"叫呢個好唔好"
"是但"
"食唔食呢樣"
"好呀"
"食埋呢d 佢喇"
"哦"
"叫d 炒野食好唔好?"
"其實我已經半飽, 再叫未必食得哂"
"唔怕喎, 餓就叫"
"是但, 如果大家想食我無所謂"

唉, 自己真係用個肺黎講野~~~
做野一定要決斷d 先得, 但有時個心5050, 都唔知自己想點, 想決定都決定唔到.
而且到迫自己做左決定, 之後又後悔, 唉...

返到公司, d 野係咁殺埋黎...
好煩, 整極都有咁...
新system 要我試用做test, 我又唔係IT 人, 點解要我做e d野...真麻煩

PK price club 死都唔放過我, 新program 又死灰復燃, 又要報過價...
妖, 好心佢0米鬼落單俾我喇, 我d 服務態度好差嫁咋!!!求求你, 另請高明喇><

d 單鬼咁細, 做的野又多, 要求又多, 真係蝕多過賺的...
但佢係Ageny, 底下有好多落好多單既廠, 又唔得罪得佢, 真討厭.
死...發覺自己對件客真係恨之入骨~~電話唔聽, 留言過好耐先覆...
haha, 其實公司人人都係咁, 係三成之前諗住幫人, helpful d, 一有野問就放低哂手頭d 野幫佢查, 即時覆...
但對e d pk 不能太好, 乜都渣正黎做先得.

和三成投緣非常的Kathy 明天牛一, 寫生日咭及努力包禮物中.

>>April 10, 2006 at 5:09:43 PM GMT+8

2006 年 4 月 8 日 星期六 【晴】

原以為已經忘記了, 想不到仍是活在昨天的惡夢中.
真係咁大影響???定只係一個將一切唔如意既事同感覺推哂落去既藉口呢???呵

失落及空虛多少總是有的, 但理應不是太嚴重才對~~
其實與其忘記或逃避, 不如爽爽快快承認自己OO仲好, 但總是缺乏如此的勇氣~~嘿嘿

何時才能從沙田大崩潰一役中重新振作呢??

睇黎三成最大既缺點就係唔衰得, 明明衰到貼哂地, 都仲要扮哂野逞強.
好似普通話明明講到一PAT 屎, 都係要扮哂自己掂之類...

總之, 用識少少, 扮代表黎形容畢業後的三成絕不為過.
不如爽快承認自己乜都唔曉或努力充實自己好過喇~~

繼續看漫...

>>April 10, 2006 at 4:55:06 PM GMT+8

2006 年 4 月 7 日 星期五 【晴】

近排日記突然多左唔少留言...
多謝各位對三成既"熱情"....

在家看漫及煲碟...
今期睇鋼琴戰曲, 套野都OKAY
不過後段無初期咁好睇.

套野亦清楚表明左個人係暴虐體制下果種無力感...
D 猶太人好似豬狗咁俾人屠殺...
納粹既暴行真恐怖...

看漫睇碟...真充實的生活...
充實得三成都快哭出來了~

>>April 9, 2006 at 2:56:29 PM GMT+8

2006 年 4 月 6 日 星期四 【晴】

近來的工作都有點漫不經心, 簡單而言, 便是以非常悠閒的態度去面對工作...
好處就係, 做得好舒服...好輕鬆...壞處呢...暫時未諗到...hahaha

PRICE CLUB 的傢伙真乞人憎, 上次先投訴完一大輪...
話說有單貨, 唔知點解生產果邊做多左幾個STYLE 俾佢, 但有幾個STYLE 又MISS 左...
PK 當然會投訴喇...照例CC 哂全世界...
於是問返佢, 有邊幾個STYLE DOUBLE 左...等我CHECK 返生產D RECORD...

PK 答完之後(其實答完等如無答...), 加多句 "WHY DON'T YOU COUNT & CHECK YOURSELF BEFORE DELIVERY?"
唔使一句咁得過黎咁串掛...唔明點解佢態度例牌咁惡劣...
廠做錯野, 三成只係會問明原因, 叫佢地補返隻獲就了事, 仲會好言安慰, 笑哂口叫佢幫我搞返掂果隻~~
其實, 最緊要都係SETTLE 返件事唧, 使唔使下下吉住哂, 疾住哂呢...

搞完E 單野之後, 今日佢又打黎, 希望可以今日落單(已經下午5點), 星期一就出貨俾佢...
態度例牌老馮...吃屎吧...
雖然係可以星期一趕到, 但咁既態度, 為咩要幫你做?幫你左搞右搞??
係唔快俾你~~~以前成日趕野俾佢, 趕左出黎一出咩問題就要受佢冷嘲熱諷, 食屎吧!!!

夜晚同李生DINNER...佢成9點先放工...等到百佳...
買左份生日禮物俾KATHY...但愈睇覺得份野愈樣衰...買唔買過好呢???
買野真係唔好一時衝動呀, 各位~~

>>April 7, 2006 at 4:42:27 PM GMT+8

2006 年 4 月 5 日 星期三 【晴】

昨日唔夠訓的結果, 搞到答車訓到去荃灣先識落車...
再答回頭車回公司...遲到, 好在不算太嚴重~~

工作上又有了新的安排...新的ACCOUNT, 新的客戶...
簡單而言, 就係CORA 覺得DENNIS 太依賴我, 俾佢既感覺係乜都我做哂咁...

其實...一半一半喇...有時DENNIS 真係幾懶的...
不過話佢完全唔做野又好似對佢好唔公平咁~~呵.

總之, 日後唔好幫佢做咁多野, 會塞多D 野俾我獨立搞喎...
仲出哂E 貓TIM...上年也有類似的機會, 但經驗不足, 搞得一團糟...
今次要小心一點~~

想來也沒有什麼好興奮的, 不過是跟多幾件客人而已...
但呢堆客全都是外國的, 走貨, 安排payment 等問題也有很多要注意的地方...相信會學到唔少野...

email 應對已進步了不少...文字應對真係一門藝術, 因為遇著d 仆街, 佢隨時會捉住你一隻字無限上綱, 左屈右屈的...

回家繼續看漫...time 已完全停頓沒看...
意志力真薄弱, 可恨.

>>April 7, 2006 at 4:29:30 PM GMT+8

2006 年 4 月 4 日 星期二 【晴】

四月真係正, 好多假期...
有3個星期都係返4日, 計過加埋哂成個月都係返17日, 有13日係放假, 都算幾好播~~

不過5,6月D 紅日就好少...

去左RB 家打牌...
唔計錢打真係無乜MOOD 咁...
打得好漫不經心....唔知想點~~

首次接觸NDS....始終覺得...不外如是唧...
唔會買手提機, 係屋企已經打夠, 出街仲打, 食飯仲打, 答車繼續打, 會覺得好辛苦....好似人生就係為左打機咁...

夜晚繼續睇波, 訓得3粒鐘...

>>April 7, 2006 at 4:21:32 PM GMT+8