2006 年 5 月 27 日 星期六 【晴】

搞不懂自己在想什麼...
我想, 只是希望把握每個機會吧~~

在寂寞中, 總希望有人對我伸出手~~~

在這時候, 能燃起三成鬥志的, 只有被稱為死天王的男人~~
用拳頭和血肉代替交談的男子漢們, 為了共同的理想(即是沒理想), 再次聚集一齊~~

簡單而言, 即係幾條友出黎食飯無聊囉~~~

繼續睇生命的奮進~~睇落都幾好feel的, 同讀書時睇的感覺很不同~~~~


明天又要上班~~~無間地獄?
上班其實並不是一件苦事, 只是放假更妙而已~~

>>May 28, 2006 at 6:41:26 PM GMT+8

2006 年 5 月 26 日 星期五 【晴】

留言的小姑娘, 你估日記真係日日記咩~~
update 得已經算好密嫁喇~~你應該贊我勤力先0岩~~

今日天公不造美, 游水被迫取消~~
困係屋企度等死~~~咁無聊, 又有咩好記0y~~

睇碟...上網, 咁就用左成個下午...
鐵拳浪子又真係幾好睇, 不過唔多中意套野既感覺, 太灰, 太沈...
不過男主角都有種逆景向上既鬥心~~

睇完, 陪覺空虛無聊, 成日上網, 頭都痛埋~~
決定鍛鍊自己既肉體, 做左幾set 體能之後就落街跑步~~

其實跑步真係好爽~~如果夠氣既話...
不過體能認真麻麻, 跑左一個地鐵站既距離已經差唔多收皮~~
買埋野食返屋企, 前後都半個鐘鬆d...
屎~~

今日都唔知做過乜, 感覺上係非常寂寞既一天~~

>>May 28, 2006 at 6:33:01 PM GMT+8

2006 年 5 月 25 日 星期四 【晴】

返工前都會做一set 體能, 但烏下烏下咁做...很累...
做一陣sit up, 又訓一陣...又再做一陣....
上班食了大部份精力, 體力有點不如前...
行路都左搖右擺咁...
但唔努力d keep 又會變肥仔...

Manager 去左大陸, 係公司顛左咁玩MSN..
一邊玩一邊做...真係痴哂線...

放工前突然超多野做, 但又做得切喎~~呵呵
麻煩的price club, 不過今次的倒是合理要求...而結果亦能令他們滿意...

Manager 突然間整個email 黎話我無覆price club 班友貨期, 其實一早覆左~~係班盲毛自己miss左之麻...
求其dum 幾隻中文字: 一早覆左, 係佢地睇漏..." 黎回應manager....之後急急腳就走人~~放工~~haha, 希望星期一不會被修理~~

同kathy一道放工, 先知Grace 又俾人吉死了, 返埋下星期就消失~~
果然, 座親果個位都唔吉利的, 而家改易左三成上去, 即係下個應該會到我~~再見喇, 各位~~
Price club 拜託了!!!!!

又取返本生命的奮進黎睇, 中學時學校要睇既書, 果陣被迫睇好無隱, 而家渣返上手, 又覺得好好睇, 可以學到好多野.

愈睇愈覺得慚愧, 以前d 學生一邊讀書一邊憂國憂民, 對國家, 社會, 都有一份極深既責任.
而且文化素養極高...玩寫詩, 研究哲學...禪宗...
可以講, 佢地求學問真係為左貢獻社會, 為國家及自己創一返事業...

唔似而家, 讀書只係為搵工, 要d 同學座埋一齊講個正經些少既話題都難過登天...

點解而家d 學風同以前差咁遠??
自問睇得書多, 但同以前班人比, 真係差幾十皮...

有種十分痛心疾首既感覺...

有時好羨慕以前d人, 可以用d 典故, 經典黎玩啞迷...
例如送支當歸俾人勸人返家喇..."筆來, 筆來" 暗示北方蠻族南侵喇~~
真係覺得好有味道...好正...

我都想可以用d過隱抵死既典故黎同人咁玩, 可惜講左都無人明~~
有次同同事食飯~~竟然連羊枯係咩, 有咩含義都唔知...

真係有d失落~~

>>May 26, 2006 at 5:31:15 PM GMT+8

2006 年 5 月 24 日 星期三 【晴】

繼續清閒...
改易後都沒有好好經營新領國, 而家係時候慢慢執執佢.

愈請愈多人, 大家一齊做冗員~~~

倩名搵返佢唔見左既野, 好野~~~很好, 很好.

準時放工~~~6點正...
太開心...見到Kathy埋頭苦幹, 作為一個好同事, 當然走過去鼓勵下佢~~

BYE~~~我走喇, OT O 得開心D喇~~~
我係唔係好NICE 呢~~~

出到公司門口, 突然想打俾阿剛...

三成: 你仲係公司?
廢剛: 係, 咩事?
三成: 無...打黎同你講我6點鐘準時收工之麻...
廢剛: !!!!!!!!收線喇!!!!

我都覺得自己好夠朋友~~~

>>May 25, 2006 at 4:42:38 PM GMT+8

2006 年 5 月 23 日 星期二 【晴】

淡季終於來了...

終於可以慢慢懶懶閒咁搞自己手頭上既工作...

今日約左Joey 同倩名食飯...一到6點鐘就衝出公司!!
點知, 佢兩個都要OT...自己行商場行左一個鐘~~

串Joey 絕對係我既最大嗜好~~haha

倩名不見了重要的東東, 希望佢搵得返喇~~~
想起來, 三成近排都唔見左一套單...找極都找不到...

搵唔到咁點???唔鬼理佢囉~~~HAHAHA

大家傾得很開心~~非常快樂的一day...

回家一路睇報紙一路同Dr print(某supplier)msn...第一次對有工作關係既人打粗口...

三成: 早撚抖...
Kevin:多撚謝...

痛快!!!hahaha

>>May 25, 2006 at 4:32:47 PM GMT+8

2006 年 5 月 22 日 星期一 【晴】

繼續同Kathy 巴士男~~
不過今次玩英文版...顛到幾時先完呢~~><

愛必須建立於尊重之上, 有尊重才有愛.
若不能互相尊重, 那雙方的關係還能有什麼保證呢??

連最基本的信任也沒有, 那沒有什麼好談的.
在這事中好像看到了國際政治的縮影...
即時諗起prisoner dilemma...

好多時, 明明大家有計傾, 因信任不足, 搞到一拍兩散...
其實應該由中間人出面拉攏最好, 只怪沒深思熟慮~~

富與貴，是人之所欲也；不以其道得之，不處也。貧與賤，是人之所惡也；不以其道得之，不去也。君子去仁，惡乎成名？君子無終食之閒違仁，造次必於是，顛沛必於是。

做到既人又有幾多??希望自己可以做到e 點喇..

>>May 23, 2006 at 4:31:45 PM GMT+8

2006 年 5 月 21 日 星期日 【晴】

一回到公司, 便要接受改易的命運...
一整個早上都在經營新領國...很煩, 亦很厭惡...

無喇喇調咩叉位....
D 野亂野龍TIM...

唉, 屋企要改易, 公司又要改易, 宿命?
又有新同事, 說多句也嫌煩, 食飯時一大班人浩浩蕩蕩的, 真麻煩...
找地方容納一大台人並不是易事啊~~

工作錯誤連連, 有D 明明係對完, 隔離大大個剔號, 但點知都係錯...

就黎變壓力先生~~~HAHA

改易後, 位子很亂, 沒位子放東西...
工作愈來愈多, 雜務又照做, 其實問我忙d 咩, 又真係答唔出, 但又真係每一刻都有d 野做緊, 時間唔多夠用咁播~~

屋企d 野愈來愈麻煩...唔想解決...亦唔想面對...
無理十幾年既事, 突然話要settle, 唯有答: Not Yet!!!
心態上傾向於維持現狀...亦希望維持現狀...

>>May 22, 2006 at 4:51:58 PM GMT+8

2006 年 5 月 20 日 星期六 【晴】

天公不造美, 如果天空要下雨~~~

無得swim, 在家發呆, 上網, 打機, 直到頭痛為止...
唉...空虛生活, 生活空虛??

巴士男的英文字幕版很搞笑...
Get off the bus right now!!!

settled
not yet!
settled
not yet!!
settled
not yet!!!

aren't you really good at fight??

笑到翻哂肚~~~

夜晚同母親大人補祝母親節, 希望佢開心喇~~

>>May 21, 2006 at 10:21:59 AM GMT+8

2006 年 5 月 19 日 星期五 【晴】

一周末就落雨, 個天有心玩我咁...

雖然落雨, 但繼續死天王的使命...
壁球大戰...

腐皮對三成塊拍毫不疼惜, 竟然毫不猶豫咁飛拍~~真想痛歐他一頓~~
人人都有壓力...呢d對白真係搞到上哂腦...要快d 洗腦, 唔係會變痴線佬...

應援團終於過到兩關喇~~~大成功!!!
hahahah

千祁唔好...唔好去灣仔果間咖哩至尊, 黑店黎...

侍應: 咸魚雞粒炒飯...
馬b: 我叫左波羅雞粒炒飯喎...
侍應: 哦, 呢碟就係波羅雞粒炒飯...
說畢放底碟"咸魚雞粒炒飯"就轉身離去..

侍應: 星州炒米
三成: 我要既係咖哩牛肉炒米粉(原本係炒河, 話無河粉要轉米粉喎)播
侍應: 哦, 呢碟就係咖哩牛肉炒米粉
說畢放底碟"星州炒米"就轉身離去..

數真d, 成碟加埋都有3片牛肉, 非常好...
侍應有性格~~唔講仲以為自己睇緊麥兜...

食完仲好餓...
講起進修既問題, 都想搵d 野讀下, 廢事徙哂d時間, 日日打機.
不過, 讀咩仲係no idea, 同三成既人生一樣, 無目標, no idea~~

>>May 21, 2006 at 10:19:29 AM GMT+8

2006 年 5 月 18 日 星期四 【晴】

估唔到三成既日記竟然吸引到D 路人黎睇~~HAHA
真開心, 路人桑, 已經ADD左你喇~~HEHE

都唔明, 點解愈來愈多野做咁...而且公司D 野愈搞愈煩, 制度又愈來愈多.
搞到下年都有D想轉下環境TIM...
HAHA, 其實諗住唔升職的話便閃了~~

真係中哂毒, Joyce 一返黎就慶高彩烈咁話: 我終於睇左段片喇
咩片?0米巴士男囉, 好難相信到而家e 一刻, 自己條team 幾乎全部人都未睇過...
繼續未解決...

Dr printing 班友仔仲上哂腦tim...
積左好多唔急既野未做...日日d 工作都排到full 哂, 做到6,7點先搞掂哂...
咁又無理由為左d 唔急既野ot 嫁, 到底幾時先清到呢...

呢幾日都無串生字...又無溫下d英文..唉...自己到底搞緊咩, 浪費哂d 光陰...

>>May 21, 2006 at 10:10:31 AM GMT+8