2006 年 5 月 17 日 星期三 【晴】

好多野做...好麻煩...
做極都唔完..上午明明好得閒...但下午就...
再搞就遲到...

巴士男效應正式侵襲其他同事...
不再寂寞了~~~HAHAHAHA

發哂顛咁講..
三成:我開我既單, 你講你既電話, 大家相安無事~~~你唔騷擾我...我唔騷擾你, OKAY!!!?
KATHY: OKAY...壓力先生...人人都有壓力...

夜晚的聚會非常愉快...
唔知係唔係心情輕快過頭...失哂魂...成日行左去邊都唔知...

離別之後...答地鐵...竟然答左荃灣線...SHIT...
失魂X2

突然記起離別勾句經典對白, 沒有離別, 又那有相聚?
離別, 便是為了相聚...好句...

人人向目標邁進的時候, 繼續原地踏步...

信心不足...如果可以LOAD SAVE 就好了(笑)

>>May 18, 2006 at 4:26:41 PM GMT+8

2006 年 5 月 16 日 星期二 【晴】

工作不多也不少...
做到放工, 就剛剛搞掂哂...
當然, 仲有好多唔太急既工作未做...

不斷請人, 覺得很煩...
請咁多人, 有必要嗎???不過有人分擔工作量是好事.

但厭倦了新面孔...
每日做野都好累, 已沒有剛入職時的衝勁...
日日大大聲同人講早晨?笑面迎人??
無喇...都係一面死相...木目表情的臭面...

巴士男文化入侵R-PAC...
今日先發現原來DR PRINT E 間廠已經俾巴士男同化左...
成班人上哂腦...

"我想改改張單..."
"你係唔係要挑釁我啊.."
"人人都有壓力...幫我搞搞喇..."
"咁渣渣手先..."

HELP

回家睇阿仙奴..
屈臭, 10打11...
勁灰...勁無隱...DOWN DOWN DOWN

加埋婆婆過身後帶來的後遺症...唉
仲可以避到幾時...但真的不太想處理...

10點就訓覺等睇波
MISS 了倩名的CALL, 對不起~~~

>>May 18, 2006 at 4:20:45 PM GMT+8

2006 年 5 月 14 日 星期日 【晴】

又來了一個新同事, 又是叫Jamie, 怎麼不斷請人的.

已厭倦了和新同事打交道...不太想說話...管他是男是女, 是美是醜, 沒太大興趣去理
結果, 全日都無同佢講過野, 包括食飯時...

唔記得帶腦返工, 成日犯d 無可能會犯既錯誤...

6:30走人...留低一堆未完成的工作
明天繼續

婆婆死後, 一切都改變了.
遇到很大的問題, 很大的困擾, 如果一切都能保持不變, 維持現狀多好.

>>May 15, 2006 at 6:07:47 PM GMT+8

2006 年 5 月 13 日 星期六 【晴】

愈來愈不守時...今次決定提早出門口...
一於要準時!!!

結果準時的代價便是呆等半小時...

三成: 到左喇喎...你係邊呀...
某李姓男子: 就喇...就出緊黎喇..
三成:你仲係屋企!!?
某李: umum..好快...好快...

zzzzz

去到赤柱, 無人落水, 都係三成一個人衝浮台...d石超吉腳, 下次死都唔去赤柱~~
換左副新泳鏡, 超正, 睇野即時清哂...雖然d 水好濁, 但都清楚見到d 魚游黎游去, 仲追住佢地黎玩, 真過隱...

都唔知自己做咩...
日日沈迷上網...努力增值的誓言都忘記了.
再次發誓吧...再次努力吧...
不然, 又是原地踏步了.

夜晚同女神MSN 左好耐...感覺上又進一步了解了她...
很好.

>>May 14, 2006 at 5:53:29 PM GMT+8

2006 年 5 月 12 日 星期五 【晴】

和GC 食飯, 中哂巴士阿伯讀
未解決!!!未解決!!!未解決!!!

之後死天王參陣...
壁球狂熱??!!??始終喜歡游水多一點~~

突然好想踏單車...

日日上網, 我做緊乜呀...
日復一日, 年復一年...

這一段話最能表達三成的心情...

日 月 若 馳 ， 老 將 至 矣 ， 而 功 業 不 建 ， 是 以悲 耳.

>>May 13, 2006 at 6:46:47 PM GMT+8

2006 年 5 月 11 日 星期四 【晴】

工作繼續順順利利, 不過昨日都做到7點幾~~
DENNIS 接手左麻煩的MK, 樣樣都好似一知半解咁...

三成又無玩E個PROGRAM 好耐, 搞到花左唔少時間...
真麻煩, 怎麼可能跟PROGRAM 那個竟沒有最UPDATE 資料的.
給我舊資料幹麼??之後就要再改, 徙時間~~

百怡行的姐仔真麻煩...
乜都要快快快, 急急急急急...
但自己D訂單又唔清唔楚, 批過LAYOUT 都要成日...之後又係咁催...
星期4連個LAYOUT 都未批, 問: 可唔可以今個星期趕出黎俾我呀??
心想: 即係明天???你估超市買送???

於是出個EMAIL 話IMPOSSIBLE 喇, 最快都要下星期之類云云...
答曰: 我第二間廠都可以兩日搞掂播~~

三成: 咁快0米俾返你自己間廠做囉, 俾我做做咩~~硬膠!!
運輸呢??PACKING 呢???
真係你估全世界剩係做你E張百零紋美金既單咩~~

討厭PRICE CLUB 的最大原因便是那班人好像覺得世界是為他們而轉的, 咩著數都要佢地取哂
作風十分乞人憎...

ELSA 繼續臭串...
EMAIL 對答的部份精彩節錄

一毫子都無得減, 反而要加!!(叫佢報價再問佢可否減價時)
板費一定要收(問佢可否唔收板費時)
有單落先算喇, 唔好煩住 (問佢其他野時)

精彩內容即時和同事分享~~
放工前, PRICE CLUB 又打黎問: 你地公司有冇做XXXX E隻帶呀...
無呀...無呀...無呀...唔好搞我喇~~HELP~~

真想學個巴士阿叔咁吉佢~~

>>May 13, 2006 at 6:39:01 PM GMT+8

2006 年 5 月 9 日 星期二 【晴】

哇噻~~大逆轉!!!

連續兩日都六點幾收工...好感動...
衝出公司果刻心情真係豁然開朗, 真係咭一聲咁笑左出黎...

同事們好似唔多明公司OS 個stock adjustment 程序, 於是昨日整左個email 提醒大家...
一點一點咁慢慢列, 好教學feel.

今朝一返工就見到Manager 整左個email 黎.
excellent cooderination.

Excellent, 多美妙的一個字, 用黎形容三成真係非常合適(笑)
見到個email 都真係幾開心的.

今日既工作非輕鬆, 得幾單麻煩野, 都好輕易咁解決
先頭鬼死咁多野做, 工作又進行得唔多順利...真係搞到好唔happy.
而家一run 順返, 做野既feel 又返哂黎...一個字...爽.

Elsa 繼續日日俾人狂屌...座三成左手邊既同事們幾乎每日都係度吉緊佢的.
Elsa是誰？一個成日甩期的某supplier 跟單員是也.

昨日 甩左Dennis 期, Dennis 打去嘈時, 佢竟然話:
你果d 單算好好嫁喇, 其他人果d 單甩期甩得仲勁呀...
Dennis: .....(係唔係應該同你講聲多謝呢???)

今日到三成...
三成: 你又話應承食飯前掟個quotation 過黎既??乜等極都無既(當時係下午三點幾)
Elsa: (語調非常幽怨) 等(長音)....係正常嫁...
三成!!!無言...

真係覺得好鬼好笑...又成為同同事們間茶餘飯後既話題...
真經典...

>>May 10, 2006 at 4:57:38 PM GMT+8

2006 年 5 月 7 日 星期日 【晴】

放完假後的工作天, 例牌痛苦...
點解會有咁多野做, 點解做極都仲有...

不過E 家都應該係水尾了, 過左PEAK SEASON 之後應該會舒服D...
日日好似鬥晏收工咁, 真係想死.

Kathy 件死野日日6點鬆d 就屍屍然咁走...
係唔係做得咁快呀...

已經夠悶, 無喇喇又要送外賣...今次帶埋阿grace 去, 咁下次就叫佢送, 唔使三成送喎.
其實邊個送都假, 又唔係外賣仔, 點解要日日送外賣???

一去個半鐘, 之後做唔哂自己d 野又要OT, 人都顛.
加錢呀...

傲慢與偏見, 故事平平無奇...都係講一男一女, 由起初互相厭惡到慢慢互生情愫...
做得文學名著, 主要都係d 英文用得好令...
講真, 有好多句子都睇唔明..亦諗唔到可以咁用...

好累...

有目標但沒有方向, 有方向又沒有目標, 這是三成現在的寫照.
有時問自己想要d 咩, 真係唔知, 答唔到自己.

工對三成黎講, 份份都一樣, 唔返就有錢就最好.
對薪酬又覺得無咩所謂咁, 主要都係滿足自己既虛榮心...
講真, 見d 大粒佬每秒鐘幾百萬上落...自己一個月俾到盡先搵得果一萬幾千, 又算得係d咩.
分分鐘街口賣魚蛋個阿叔都搵得多過你.
一諗到咁就覺得搵多幾百同幾千, 好似無咩分別..一樣係細到無倫既數目...

>>May 8, 2006 at 4:49:23 PM GMT+8

2006 年 5 月 6 日 星期六 【晴】

假期完結, 不想上班...
一覺訓到2點幾...本來約左李柏豪游水, 但昨日佢死都唔肯FRM 時間...
今日佢又冇打黎...到三成訓醒時都日上三竿了...真是媽的.

浪費了好陽光...

放假前決定會在此3日假做的, 統統沒做...
串生字...上網研究銀行理財...搜集有關資料....執屋...整理垃圾...上網研習麻雀規則等...

最後都泡湯了.

深夜二時, 極不想睡, 睡醒了便要上班...
單是想一想便已知明天有什麼工作, 而且是多得幹不完的...
一諗到咁就好累...
到底是何時如此厭惡返工的呢???不是說會積極快樂地面對的嗎??
但已出現了厭戰心理...轉換環境會有幫助嗎?
但我還沒有準備好...

>>May 7, 2006 at 5:59:40 PM GMT+8

2006 年 5 月 5 日 星期五 【晴】

大學朋友聚會...
吃什麼也沒有關係, 反正可以放進口便行了, 都係志在大家聚聚.

和China 說話仍舊是這麼累人...我想即使十年後, 二十年後, 我也不會明白這個人的腦子在想些什麼.
吃飽便去樓上cafe 繼續hea...漂亮而冒失的侍應姐姐...可以食個幾鐘的芝士餅(基本上只是自己食得慢...)
不過間cafe 最衰就係無咩卓上遊戲玩, 單是清談的話, 很快便有點想訓的感覺.
女神整晚都對三成杏眼圓瞪的...雖然不知她發什麼神經, 但很可愛的說~~XDXDXD

死鬥!!!雀友會!!
之後竹戰...不過精神不足..愈打愈累...後來開始亂打...
不用輸已要還神...如果曹VIV 肯幫忙出多幾鋪沖, 醒多幾鋪8番俾我, 咁就好了.

打牌經驗尚淺, 打得很慢(和死天王會戰時更慢...因大家都慢..)

回到家已經5點9...倒頭大睡...

>>May 7, 2006 at 5:52:35 PM GMT+8