2006 年 6 月 29 日 星期四 【晴】

謝謝笨魚的支持和鼓勵~~
真的, 衷心的感激你, 多謝你.
謝謝.

近來害了情緒病, 容我用兩個字來形容: 心苦
一直都在苦苦爭扎, 十分痛苦

愈是想冷靜下來心情愈是不能平伏, 那種難受的感覺實在非筆墨所能形容.
在自個兒痛苦, 自個兒煩惱著的時候, 突然想起了那首 "TOMORROW"
振奮人心的歌唱絕對是治療情緒病的良藥~~~
而家的痛苦, 而家的唔開心, 七上八落, 只是上天對自己的磨練...
生活要有甜酸苦辣等等唔同既感覺先至似樣, 無論結局如何, 亦是難得的經驗~~
可能第時七六八十既時候, 諗返起, 原來果陣試過咁咁咁咁的, 可能會覺得好好笑都未定~~

突然有種頓悟的感覺, 就像達摩面壁七年, 然後說"通了"的感覺一樣.
時間是掌握在自己手中的, 不斷讓時間, 機遇流走, 然後故作豁達只是喪家犬的作法.
還不如拚力改變現狀, 殺出一條血路, 可能還有希望找到自己的桃花源.

我決定了, 無論如何, 也要努力向前, 不管是天堂, 還是地獄, 也要闖它一闖.
當個光明正大的人, 不論結果如何, 亦不失君子的儒雅風度~~

貫徹自己的心志才算是一個真正的人啊~~

>>June 29, 2006 at 3:30:46 PM GMT+8

2006 年 6 月 28 日 星期三 【晴】

完完全全地是在公司發呆, 我真的是在上班嗎?
怎麼會這麼悠閒的.

非常囉唆....快受不了...話一係一, 話二0米係二囉, 講咁多野做咩,,,
同佢講野好累...受不了...受不了...
佢可能係一個好人, 但我頂佢唔順...

最近的思緒比較凌亂, 總是有點魂遊太虛, 茶飯不思的感覺...唔夠訓??
想要嗎?想要
想擁有嗎?很想擁有
喜歡嗎?非常喜歡

一切煩惱, 其實都是源於自己的內心, 只要有堅強的心, 便不會再痛苦了...
緣起緣滅, 有開始, 便有終結, 一切終結後, 一切又會重新開始
盡自己最大的努力, 盡自己最大的本份, 堅定地相信便行~~

愈來愈在意...

>>June 29, 2006 at 4:28:09 AM GMT+8

2006 年 6 月 27 日 星期二 【晴】

滿腹愁思~~嗚下嗚下返工...
答地鐵又訓過龍...Kathy見我訓過龍表現得非常開心...仲無喇喇一齊約埋係地鐵站門口等, 再一齊返工...

好眼訓, 不斷蛇王小睡...haha...
唔多想聽電話~~更加唔多想做野...懶..

令人難以忘懷的一夜, 但很睏...
但看見自己的摰愛卻令人振奮無比...早到了20分鐘...近排突然變得非常守時...
晚上的公園出奇地美麗...仲有好多青蛙同...啜啜仔...

會有結果嗎??有時看不透人心可能是一件幸福的事...

>>June 28, 2006 at 5:20:14 PM GMT+8

2006 年 6 月 26 日 星期一 【晴】

笨魚便再胡言亂語了~~
否則後果嚴重啊~~~知道無???
讓我帶魚去看醫生, 順道解剖好了...


好睏, 日睡4小時...
一回家便開電腦...真不明白為什麼還支持得住...只是靠一口氣撐著而已...
但...撐來幹什麼???
全因不願訓...

誤會及吵架, 真令人難受...
但誤會冰釋後, 相信亦會把人與人之間的距離拉近...

很睏, 心情也不太暢快~~
但仍默默地把東東包好...

>>June 28, 2006 at 5:11:04 PM GMT+8

2006 年 6 月 26 日 星期一 【晴】

可惡的笨魚魚, 又來我的日記搗亂, 你一定是想我想得瘋了~~HAHAHA
但你的留言真的使我受寵若驚啊~~~以後唔好只做路人喇, 要多D 留言...每日睡前睡後早餐前早餐後飯前飯後都點擊我既日記一次, UNDERSTAND?

>>June 27, 2006 at 4:29:35 PM GMT+8

2006 年 6 月 25 日 星期日 【晴】

要人相信三成也會煩惱, 是不大可能的.
因為從外表上看, 三成是沒有煩惱的人~~

但其實看起來沒有煩惱的, 才是經常煩惱的人~~
最近深深體會到, 愈是忍耐, 便愈是煩惱, 愈會使自己陷入痛苦之中~~
想來想去也不知道應怎樣做...

工作, 似忙非忙, 但趕price club d 急野趕到胃都痛埋咁滯~~
近排佢無咁煩, 所以都好樂意幫佢~~2:30 落order, 3:00就整哂全套, 4點俾埋舊貨佢~~
真係仲想點~~

6:15離開公司...任務確認...作戰開始...
6:25 目標搜索
7:00目標搜索終了
7:05 目標鎖定, 排除開始
7:10 任務終了.

本月財政緊拙..但仍撥出了任務預算...
完成任務之後, 又不時係度諗, 會唔會好七呢...
但都唔諗得咁多~~一於回家大覺訓~~zzzz

>>June 26, 2006 at 8:10:42 PM GMT+8

2006 年 6 月 24 日 星期六 【晴】

HAHA, 阿yan 好耐無見~~你唔係話轉工既咩, 轉極都仲係果度既~~
小心捱壞身子啊~~

最近的確發生了不少事, 感覺是百感交雜, 在我的心中翻起了片片漣漪~~

正是棄我去者, 昨日之日不可留;
亂我心者, 今日之日多煩憂呀~~

今日天氣超熱, 我以生命燃燒既態度, 急不及待的直撲海灘...
上星期無太陽時, 我就曾經遙望住淺水灣既岸邊, 許下豪情壯語...
"I will be back"~

踏上了淺水灣的泳灘, 我感觸地流下兩行清淚, 向世人高呼: 我看見, 我來到, 我征服~~

天氣真係熱到爆炸...d 太陽油熱到融哂, 個手機辣到爆炸咁...
落水等如練跑, 因為d 沙超熱...望下沙灘個溫度計, 41度~~,勁呀...

可能天氣好, 浮台超多人...唯有唔上浮台, 游去防沙網果邊玩....
游得愈出, 就愈大浪, 副新泳鏡又round round 地, 全程都睇唔到野咁滯...
不過閉目游又幾舒服...

烈日當空下曬太陽真不錯, 可以靜靜看書...(不過太光, 睇十幾頁就開始唔多舒服)
亦可以靜靜思考問題(不過太熱, 熱爆個腦咁滯...)
一路曬, 個腦一路浮現某人 "唔制, 唔制, 唔制"既聲音...
思覺失調???
每日諗起十幾次同一件事, 同一個人, 思覺失調x2???

曬到有d 暈暈地...返到屋企睇報先知...世杯球迷捱夜睇波易中暑...oh...

突然好想放假...

>>June 25, 2006 at 6:36:56 PM GMT+8

2006 年 6 月 23 日 星期五 【晴】

今日超開心, 因為我見到喇~~~我心愛的~~

如果有人問我今日做 過d 咩, 我個腦會即時浮現5個字:
正德寺會面...

詳細條件未知, 已知的條件如下.

2點起身....運勢及狀態要高, 處於無約會狀態...
會引發event...
很開心的一天, 不過, 時間過得太快了~~
眼睛看不透將來, 唯有只看現在...

唔講唔知, 原來中環有咁多書店的~~見到間上海印書局, 行上去睇下~~
係間超老式書店, 簡體. 繁體書咩都有, 而且書種仲幾多tim...
睇左陣, 有好多唔錯既書, 但點解會咁怪殘同污糟既, d書亂咁塞, 有d 仲成本二手書咁,但又要照正價賣喎
好明顯, 唔係做街客生意, 有錢賺先奇~~到底佢間店係點運作既呢??好有興趣知.

之後又見到間書店, 又殺入去~~都俾一種舊式既感覺, 但就乾淨好多~~
而且仲有好多未見過既書~~本本都想買, 第一本渣係手既係西潮, 睇左幾頁, 覺得寫得幾好~~
但望過d , 又有一堆書想買...
其中一套書, 買左幾本, 仲差3本就齊一套, 見到e 度有哂, 二話不書, 取左就去俾錢...
咁就無左兩舊水, 但佢買滿300可以有優惠卡...幾乎想買多幾本tim...

今個月財政緊拙, 又睇牙, 又大飲大食, 又買書, 預計只能儲到千幾紋~~
但都係有盈餘, haha, 吹咩~~

很是掛念, 很想再見~~~
感覺複雜, 但心境非常平靜~~~

>>June 24, 2006 at 4:15:52 PM GMT+8

2006 年 6 月 22 日 星期四 【晴】

日日都搞到超夜訓~~但第二日又起到身喎~~ahaha
朝朝都做一set 體能令自己更加精神~~但天氣愈來愈熱, 真係一身汗~~

繼續係地鐵昏迷~~~返到公司, 例牌恰返陣, 到9:30先埋位做野~~
今日email 都唔少, 但工作心情仍然非常慵懶~~
好悠閒咁做, 真係做得超舒服...

新system又有bugs, 又要回報..但放工前突然好多野做, 算吧喇~~星期一先~~haha
新system run 到之後仲要寫份user menu 俾同事, 無人要求我咁做的~~只係想做多d 野, 嚇大家一跳~ahaha...
返工有時就係要咁, 上司要求你做50, 你就要做夠100俾佢~~
等佢feel 到你有heart 至得, haha

不過今日都係一路做一路同Kathy 嬉戲~~時不時走位大家既位度吹水~~~
又突然整個內線黎講廢話, 返工返到咁舒服, 真係幾開心的~~~
6點, 又拍台走人~~~

而家有得早走唔走, 到peak 時就慘喇~~

>>June 24, 2006 at 3:59:05 PM GMT+8

2006 年 6 月 21 日 星期三 【晴】

近排工作非常順利, 任何問題到手都輕易解決~~
工作既feel 同滿足感又返哂黎..

座後面既sydney 霸左我個靚位, 仲成日走黎搞搞震, 問e 樣, 問果樣, 都幾麻煩的...
佢明明係senior, 幹麼每件事都像要請示我的~~奇怪~~
我又不是小叮噹~~別事無大小都問我啊~~~

不過, 講係咁講, 但解答到其他同事既疑難, 都係okay 開心的~~

閒來無聊...同Kathy 排排座pack 貨...
佢剛剛又牙痛~~~haha, 大家同病相憐咁(其實係互串就真, haha)~~
唔知佢有冇興趣睇兇兆呢...

很討厭涵養差的傢伙...自己唔開心, 就要搞到全世界都同你一齊唔開心...
一個人病, 就要全世界一齊受罪...一齊痛苦~~
整天把粗口掛在口邊, 滿口惡言的人, 自己不尊重別人的同時, 我亦不會尊重他...

>>June 22, 2006 at 6:48:14 PM GMT+8