2004 年 3 月 4 日 星期四 【晴】

唉~
終於可以上返網,不過之前D日記miss哂佢算啦.
雖然二月都有D事發生,但......冇時間+冇mood寫返.

>>March 4, 2004 at 11:06:56 PM GMT+8

2004 年 3 月 3 日 星期三 【晴】

今朝搭小巴返公司時,親眼見到架拖頭轉彎時成間打側"板"低.
本來以為會超超超大聲,實情都大聲,但冇想像中咁大囉.
沉響左一下,架拖頭就成架訓左o係度.
當時有個人正企o係度等過馬路,差D就砸到佢.
如果間車近D先翻,又或者間車打橫掃埋行人路,o個個人就死梗......

原來真係會無啦啦飛來橫禍,有時意外既野真係話黎就黎,避都避唔到.
終於體會到咩叫"猶有餘悸"......

珍惜每一天......

>>March 5, 2004 at 3:32:06 PM GMT+8

2004 年 1 月 10 日 星期六 【晴】

今朝八點九又練跑,渣流灘.

跟住祈禱會,完左又去食飯.
崇拜完返舊堂拍video,唔太知講乜好.
阿包,冰仔,曾美珊佢地改歌詞,冇乜mood參與,去左又一城買書.

夜晚約左pizza出黎,送左"教海鷗飛行的貓"俾佢.
希望佢明白我想講咩啦.

>>January 12, 2004 at 11:30:35 AM GMT+8

2004 年 1 月 9 日 星期五 【晴】

今日收左工買左D朱古力返新堂,俾班cell員食.
以前冇錢,而家賺到少少錢,好鍾意買D野俾人食,雖然唔知人地鍾唔鍾意食.

團契時大西洋先返,佢好似有D唔開心,團契完左就嬲爆爆咁走.
我都係年青人,我大概明白佢既心情既.
跟住上五樓團聚,好癲,遮都打斷.

跟住開cell,又玩大電視.
今日cell有十四人返啦,唔錯.

開完cell去練跑,少操,又食煙,跑唔返以前水準啦.
之後就返屋企啦,幾累.

>>January 12, 2004 at 11:25:36 AM GMT+8

2004 年 1 月 8 日 星期四 【晴】

今晚約左譚伯羽文科班舊同學食飯,好緊張,五點幾就收工早走.

返到屋企換完衫就去屯門美心join佢地,跟住去左華都東星打邊爐.
難得見返咁耐冇見既中學同學,幾大都full gear上陣.
一定要話俾佢地聽,我未死得,仲生活得幾好,最起碼要由服裝上表達出黎.
唔可以俾人睇死,幾大都要擺大個頭.
呢種心態好幼稚咩?但好切合人性囉.

去到見到既人數比預期中少,好多諗住必到既人都冇黎.
本來有D失望,但食飯時既氣氛又ok喎,慢慢都唔記得左呢樣野囉.

今晚出席既人有:
我,Gary,Pizza,鍾錦文,鄺錦欣,曾一平,黃海盈,許麗萍,陳嘉敏,嚴嘉琳,羅琪蓉,黃佩蓮,朱穎詩,郭惠萍,洪愛碧,鮑詠儀,仲有第一次見既王荔紅.

打完邊爐埋單都係六十零蚊,跟住去食糖水都係廿零蚊.
有冇搞錯,好少出成晚街都唔洗一舊,屯門消費真係平.

食完糖水Piazz,羅琪蓉o個D就返屋企,剩低既就去大會堂出面傾偈.
開頭都成班一齊傾,但傾傾下對大圍既話題興趣不大,一係唔太識,一係就以前講過.
跟住同陳嘉敏,嚴嘉琳另外傾,我D吹水功夫越黎越進步啦.
佢兩個讀書時真係冇乜幾句,估唔到今晚可以講咁耐野.
我同佢地講我而家想讀返書,佢地仲鼓勵我添.
雖然唔可以話傾得好深入,但我覺得係好大既進步囉.
我份人好易滿足既,咁樣我已經覺得好好.

今晚情況比我想像中好,如果大家可以再放開心懷多D就最好啦.

>>January 10, 2004 at 3:09:51 PM GMT+8

2004 年 1 月 7 日 星期三 【晴】

話咁快睇哂"教海鷗飛行的貓",呢本係一本童話式既小說.
本書主要講環保問題,但亦帶出左一D其他人生道理.
冇好精密既佈局,但有趣.
冇好精彩絕倫既情節,但可愛.


　　　　　　　　　　＊　　　　　　　　　＊　　　　　　　　　＊
「我為甚麼要飛？」幸運的翅膀緊貼著軀體問。
「因為你是隻海鷗，而海鷗都會飛。」萬事通回答。「你竟然不知道，糟了！糟了！」
「可是我不想飛呀。我也不想成為海鷗。」幸運辯解說。「我想當一隻貓，而貓不會飛。」

　　　　　　　　　　＊　　　　　　　　　＊　　　　　　　　　＊
「你是隻海鷗，這一點黑猩猩沒有說錯，但也只有這一點而已。幸運，我們都很愛你。而我們愛你是因為你是一隻海鷗，一隻美麗的海鷗。每次你說你是一隻貓的時候，我們都沒有糾正你，因為我們很高興你願意成為我們的一分子，可是你和我們不同，我們也喜歡這種不同。當初，我們沒有辦法幫你媽媽，但是現在我們可以幫你。從你出生以後，我們就一直保護著你。我們為你付出愛心，從來沒有想過要把你變成一隻貓。我們都愛你，小海鷗，也知道你愛我們，把我們當成朋友、親人，而且你讓我們知道感到驕傲是怎麼一回事，也讓我們學會去欣賞、尊重、喜歡不同種類的動物。要去接納、喜歡同類是很簡單的事，但如果是不同的種類，那就困難多了。而你讓我們做到了。你是隻海鷗，所以必須要會飛。幸運，當你會飛的時候，我保証你一定會很幸福，那個時候，我們的感情會更深刻、更美好，因為那是屬於不同動物之間的親愛之情。」

　　　　　　　　　　＊　　　　　　　　　＊　　　　　　　　　＊
在蔚藍色天空的襯托之下，海鷗飛翔的姿態是那麼的美麗、那麼的威風，有時好像是定在那裡，只是張開翅膀飄在空中，但只要一個很輕微的動作，就可以很優雅地移動，那種瀟灑足以勾起觀賞者的慾望，也想和海鷗一樣在天空中飛翔。當貓兒們把眼光從天空移動到幸運的身上時，發現年輕的海鷗正在專心望著天空的同類，不自覺地張開了翅膀。

「你們看，牠想飛。」科隆奈羅評斷說。


　　　　　　＊　　　　　　　　　＊　　　　　　　　　＊


致那位令我曾經感到愛莫能助的朋友:

我不懂得表達我對你的關懷.
你知道,男人之間有些東西是難於啟齒的.
我唯有藉這本書道出我的肺腑之言,希望你會明白當中的深意.

你可以選擇當一隻自欺是貓的海鷗.
你也可以選擇當一隻真正的海鷗,而真正的海鷗一定要學會飛.

學飛要付出無比的決心和勇氣,但我相信,你願意,便能做到.
我不會妒忌你飛得比我高,因為我相信自己也能當一隻出色的貓.
最重要是,我不希望你自怨自艾.

我希望你能夠接受自己,為要成為一隻幸福的海鷗而努力.

Batavic Lion

>>January 10, 2004 at 3:25:44 PM GMT+8

2004 年 1 月 6 日 星期二 【晴】

「你只是出身寒微的小子，不要學人享受甚麼優皮生活。」
「為何不何？我出身寒微，卻有貴族的高貴。」
「別做夢了！窮人是生不出高貴的，只有俗氣！」
「我雖然在低下階層長大，目光卻比很多所謂『知識分子』更遠大。」
「有幾遠大？人家的玩意你玩得起嗎？幾十元一杯咖啡，過百元一頓早餐，你付得起嗎？」
「你認為目光的寬窄是用錢來衡量嗎？」
「嗯，好像離題了。我其實是想叫你腳踏實地，先學習上進，而不是先學習如何享受。」
「……」
　　　　　　　　　　　＊　　　　　　　　＊　　　　　　　　＊

Mission of Wednesday: Losing the Family(敗家??)
Position: Festival Walk of Kowloon Tong
Target: French Connection (clothes), Hong Kong Records (CDs) and Page One (books)

終於等到出糧既大日子,收工打左陣機就落左又一城.
第一站又係去French Connection,原來fcuk做緊半價sale.
本來既目標冷衫而家三舊幾就買到,抵到爛.
本來想趁平再買,但明明唔太鍾意,就無謂再買啦,心中經過一輪交戰,最後決定忍手離場.

跟住再行CD鋪,買左三隻碟:黃秋生,Bjork精選,Kill Bill soundtrack,又洗三舊.

買完碟經過冰場,睇下人地溜冰.
其中見到一對情侶拖住手,好明顯係男既教緊女既踩冰.
見到咁既情景,本來想落去影低佢地,點知突然觸起一D野,唔係往事.
唔......我知係咩黎既,都係不宜久留,閃也.

最後落Page One,買左兩本書:"雙面少年","教海鷗飛行的貓",都係翻譯小說.
買書一來係因為先前既書已經睇哂,二來係受Jet入面"雙面少年"既介紹所吸引.
何況遲D要做資料,想寫返個劇本,需要一D野刺激下靈感.
身為一個"創作人"(自稱),幾時都要吸收下其他野啦,唔係邊有屎坑橋嘔出黎.
買完書再o係Page One既cafe飲左杯cuppuccino,好奢侈.
噢~入一入去又洗舊幾.

收穫豐富,但真係幾奢侈.

Mission Completed

>>January 8, 2004 at 1:03:08 PM GMT+8

2004 年 1 月 5 日 星期一 【晴】

今朝死撐之下終於起到身返晨更,好在老母嗌一嗌我起身.

晨更都係o個句啦,"感覺良好".
今朝唔洗返公司,冇王管,早餐坐到九點先走.
好難得禮拜二朝頭早咁悠閒同弟兄姊妹坐咁耐,仲同書蟲一齊搭地鐵走添.

>>January 7, 2004 at 4:41:39 PM GMT+8

2004 年 1 月 3 日 星期六 【晴】

今朝要摺心整禮物,早左返新堂.
完左家會就去食飯,食完飯又崇拜.
今日成朝有聚會,去到崇拜都未釣魚,十分難得.
最近返聚會雖然冇乜大感動,但感覺都不俗,叫做好過之前啦.

完左返舊堂團祈禱會,終於頂唔住,釣左一陣魚.
之後緻盈好白痴叫哂成班麻甩仔試音咁話,個個都要唱.
原來一個人solo真係會好驚,又怕甩key,又怕走音,同埋一個人唱時自己既弱點就會暴露哂出黎.
我唔知自己唱得好唔好啦,不過就肯定唔係最好表現啦.
但表現得好唔好都冇緊要,証明左自己基本功唔夠好就已經夠啦.

之後資料組開會,一黎玩個大電視,好搞笑.
跟住都係講返做資料要注意既事,同埋分組.
分左要帶兩個比較細既新人,好驚啦,三個新人group埋一齊,好大壓力.
不過肯做既話都唔會死人既,希望自己唔會撻皮啦.
跟住安排左工作,唔洗咁快做野住,咁都好D.

夜晚同Gary打去搵D好耐冇見過既中學同學,問下佢地去唔去舊生食飯.
第一個打俾黃瑞華,唉,冇見咁耐都冇乜進步咁,點掂呀?
講左一陣,我同Gary都唔想再同佢講野啦.

跟住打去王紫心屋企,本來都唔想咁,但冇佢手提.
打到去係把男人聲聽電話,佢話王紫心死左啦喎.
唔係化?咁既人都有?

最後打俾羅琪蓉,畢業之後完全冇見過佢.
佢仲係咁好人,而且聽到佢而家應該過得幾好,幾開心,咁咪好囉.
同佢講左好耐,都係Gary同佢講野多,我冇乜野好講.
雖則話羅琪蓉既進步未能令人滿意,但都算係咁囉.
人人際遇唔同,唔可以要求個個都"突飛猛進"啦.

>>January 7, 2004 at 4:38:33 PM GMT+8

2004 年 1 月 2 日 星期五 【晴】

今日團契,大西洋突然唔開心,跟住仲好惡咁兇河粉.
難得河粉肯返黎,點解會發生D咁既事.
係時候同大西洋做返D野啦,反正遲早都要做.

開完cell佢地家員table manna,我就返屋企.
返到屋企上網打麻雀,打完就訓,唔記得左做野.

>>January 4, 2004 at 12:40:43 PM GMT+8