2004 年 7 月 4 日 星期日 【晴】

今日收左工返到屋企,開左隻"Brotherhood Of The Wolf"黎睇.
D衫好靚,打鬥場面好有港產武打片feel.
不過整體黎講都係一般,好似個節奏拖得長左.

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
小如:
諗到咪好囉~
老豆來來去去都係想要shirt呀,tie呀,皮帶呀之類架啦.
佢真係鍾意o個D野,你肯定買唔起(正如我老豆想要架綿羊仔).

>>July 9, 2004 at 2:28:40 AM GMT+8

2004 年 7 月 3 日 星期六 【晴】

今朝升家員典禮,專登唔去......

十二點半返到新堂崇拜,好精神.
之後返舊堂團祈禱會,D精力即刻冇哂囉.

完左同書蟲嗌走,點知俾佢捉左出去傾偈.
佢話我好頹,呢排聚會一完就走.
呢樣我認,呢排我真係冇乜mood留o係永光度hea.
書蟲講到好炆,唉,我最怕女人咁樣,唯有認識佢改下啦.

講完過海去中環,shopping贖罪.
本來想買個斜咩袋,但間野收左.
突然改變主意,入去Boss揀左條tie俾老豆,真係我自己都未捨得買條幾舊水既tie俾自己.
好在有折,實價都係三百五,本來想買返件花花shirt俾自己,但......算吧啦......

行完Boss搭天星過返老尖,行左商務同PAGE ONE,都冇乜書特別想買.
食左碗雲吞麵,跟住落HMV.
買左兩隻VCD-"Good Bye Lenin!"(快樂的謊言)同"Brotherhood Of The Wolf"(狙魔特攻).

臨返屋企行去美麗華間Esprit,今次終於正式入去同趙婉萍打招呼.
佢見到我好似好驚奇咁問我:"點解你o係度既?"
真係好耐冇見過Xanthe,今次既佢同以前冇乜轉變,仲係咁靚.
同佢傾左陣偈,但冇問佢而家有冇男朋友.
算啦,我係咩人,反正大家走既路已經唔同哂.
買左件tee,Xanthe打左個員工半價俾我-$84.5,簡直離譜.
佢要做野,所以我好快就走.

返到屋企,老豆開左條tie黎睇,佢好似幾鍾意咁,不過相信佢最開心既係有人送野俾佢.
話哂老豆養左我地咁耐,冇功都有勞,其實好應該買返D野逗下佢高興既.
淨係送俾老母又唔送俾老豆,又真係好似幾衰咁.

好累既一日......

>>July 8, 2004 at 3:18:46 PM GMT+8

2004 年 7 月 2 日 星期五 【晴】

今日收左工食埋飯先走返去團契,氣氛OK.

本來今日我hold cell,但冇乜頭緒.
好在我醒目,搵左莉妍合cell.
玩射箭,穿梭跑,莉妍好快就諗到點總結,好勁.

開完cell資料組去成導師屋企打邊爐,何福堂o個邊就放左佢飛機.
有幾個傻人o係度,都幾爆笑,特別係蘇民峰,真係笑死人.

打完返到屋企成十二點,訓囉.

>>July 5, 2004 at 3:56:33 PM GMT+8

2004 年 7 月 1 日 星期四 【晴】

今晚收左工,的起心肝返培靈.
冇乜得著,培完落新蒲崗食飯打炮,似乜......

>>July 5, 2004 at 3:44:23 PM GMT+8

2004 年 6 月 30 日 星期三 【晴】

當好人充斥世上 - 陳言

　　向來習慣了倒頭便睡，這陣子卻常鬧失眠。
　　好幾個晚上，輾轉反側無法入睡，於是起床一鼓作氣把陸天明的《省委書記》看完，結果想起陳若曦的《尹縣長》。
　　心安理得回到床上，墨黑的天花隱約可見一個斗大的問號。
　　人是甚麼？怎樣才算一個好人？為甚麼要做好人？
　　　　　＊　　　　　＊　　　　　＊
　　黃昏看電視新聞，螢幕裡一個韓國青年向「觀眾」苦苦哀求。
　　「我不想死！我不想離開這世界！……你（們）的生命固然重要，但我的生命（也一樣）重要！」
　　三十三歲一個大男人，竟在攝錄前聲嘶力竭地哭訴求饒，也未免過於戲劇化。可憐固然有之，其近乎竭斯底里的言行更教人可悲。
　　這當然是風涼話－－若然易地而處，有多少人能做到「慷慨就義」？
　　深夜，同一個電視台的新聞節目不再播出這段震撼人心的影片了。難道編導良心發現？是否有人終於想到，拿受害人及其家屬的尊嚴來換取收視率有欠道德？
　　　　　＊　　　　　＊　　　　　＊
　　被綁架的韓國青年，是一間韓國公司派駐伊拉克的翻譯，該公司是美軍的物資供應商。
　　青年沒理由不知道自己的身分，也沒理由不明白自己可能面對的危機。畢竟，他可不是甚麼援助機構的義工。
　　從某些伊拉克人的角度看，這個青年乃是間接替美軍「殺人幫兇」。這看法能否成立是一回事，青年是否知道別人會這樣看自己是另一回事。在伊拉克，不想死的人還多的是。
　　當然，青年大可認為自己只是個「打工仔」，一句「搵食」而已，便可心安理得。
　　美軍和阿蓋達成員也沒有兩樣。依命令殺人，不論死者無辜與否，都可以推說「身不由己」。對不起，“Nothing Personal”。
　　　　　＊　　　　　＊　　　　　＊
　　中學時代每週有一課「倫理」，大學時代唸的則是哲學，但一向對倫理學無甚興趣。
　　唯一感興趣的，是大學四年級的一位「倫理學」教授。他教的實際上並非倫理學，而是被喻為現代哲學界唯一的道德家的列維那斯（Emmanuel Levinas）。
　　列維那斯師承現象學宗師胡塞爾（Edmund Husserl），和存在主義鼻祖海德格（Martin Heidegger），後者被譽為二十世紀西方最重要的思想家。論名氣，列維那斯與師傅相去何止千里；但若論到文章和理論的艱澀程度，卻是有過之而不及。
　　唯其如此，當年在課上聽講時總愛神遊太虛。來到學期末的最後一課，教授跟大伙兒在課室一邊抽煙（或許是教授留學法國時習染的歐陸風情），一邊討論列維那斯的倫理學。教授說了一句至今難忘的話：在列維那斯眼中，倫理學始是哲學的終極根源。
　　一直無法理解這命題。及至這陣子才又將之記起，每每在夜闌人靜的深宵，反複咀嘴嚼……。
　　　　　＊　　　　　＊　　　　　＊
　　在二十世紀的哲學殿堂裡，「唯一的道德家」列維那斯竟然長期靠邊站，本身已是一個值得「解構」的「現象」。
　　所謂的知識分子，往往滿嘴「現象學」、「存在主義」、「解構理論」，卻對道德倫理不屑一顧。像海德格這樣的思想巨人，對納粹黨的支持竟然至死不渝，又到底說明了甚麼？要是存在理論的基礎可以置現實生活的是非對錯於不顧，那我們還要哲學來幹嗎？
　　不錯。所以我們不需要哲學，更不需要形而上的道德律。別再看海德格的《存在與時間》了，要看便看沙特的《存在與虛無》吧！
　　不錯。所以我們可以繼續心安理得地爾虞我詐，「盡忠職守」地損人利己，「身不由己」地顛倒黑白、自欺欺人。
　　原來遊戲規則無分善惡，重要的是利害，是群黨，是欲海無涯的權力與暴力。
　　　　　＊　　　　　＊　　　　　＊
　　最近重為馮婦，在中國大陸某傳媒機構做開荒牛。
　　做了四個月，意興闌珊地辭掉了工作。同事問：這等程度的辦公室政治，豈足以令你打退堂鼓？何不留下來堅守陣地，以更高明的手段與之角力，讓時間最終証明一切？
　　答曰：為何要花費時間精力，向指鹿為馬之輩証明孰是孰非？做人做事，應執著的到底是成敗還是善惡？若能明辨是非，又豈在乎一己的去留？爭勝惡敗，難保自己不會變得對錯不分而不自知。
　　若說成就大事的代價就是犧牲善惡判斷，那做個失敗者又何妨？
　　　　　＊　　　　　＊　　　　　＊
　　由甚麼時候開始，我們變成了現代社會裡的紅衛兵？
　　抱著建基於群黨的愛恨，一邊埋沒良心坑害別人，卻一邊理直氣壯地為自己的不義找尋種種藉口；自以為正邪不兩立，卻淪為自己深惡痛絕的惡棍而不自覺。
　　當然，也有不少人會自覺地淪為惡棍，但那畢竟是少數。這些徹頭徹尾的「壞人」，其實並非問題所在。關鐽在於，大部分人的心理自衛機制都過於發達，做了「虧心事」卻「問心無愧」。這些人，才是倫理哲學的最大矛盾。
　　當大部分人都以為自己多少是個「好人」，道德也就無處立足了。
　　　　　＊　　　　　＊　　　　　＊
　　「自我」和「他者」之間的關係，既是列維那斯倫理學的基礎，也是「存在」的立足之處。
　　倫理學之所以必要，正在於道德並非「自我」的內涵和外延，而是「自我」與「他者」間的外在關係。社會需要的是「我們的道德」，而非「我的道德」。
　　二十一世紀，這等虛無縹緲的「思想」看來並沒有市場。我們仍然無法擺脫尼采以後一大串哲學家的詛咒，路的盡頭赫然是海德格－－再而是希特拉。除了「我」和「我們」的存在，其他一切（包括「你們」和「他們」）都變成了可犧牲的代價。人贏得了一己的存在，卻失去了一切價值，豈不諷刺？
　　列維那斯承繼了海德格的「存在」，最後還是與師傅畫清界線。他曾經說：「你可以原諒許多德國人，有些德國人卻難以饒恕。原諒海德格，可並不容易。」
　　你會喜歡寂寂無名的列維那斯，還是萬人敬仰但晚節不保的海德格？
　　你寧可做個「昂首闊步」的紅衛兵，還是「死不足惜」的尹縣長？
　　你的人生固然重要，但別人的人生又如何？

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
值得引人反思既文章,我好似搵到出路......

>>July 4, 2004 at 11:39:26 PM GMT+8

2004 年 6 月 29 日 星期二 【晴】

今日話快話快,都要成七點先收得工.

反正聽日放假,夜晚開左"疾走天堂"(Heaven)黎睇.
Cate Blanchett確實好靚,以前睇"Queen Elizabeth"都仲未覺得.
成套戲可以話冇動作場面,就連爆炸場面都表現得好含蓄,但幾好睇.
睇完都想試下帶住個女仔出走,好想escape一下.
想離開令人失去自我既群體,最好離開埋呢個令人厭煩既城市.

忽然想再去東平州......

>>July 4, 2004 at 5:18:51 PM GMT+8

2004 年 6 月 28 日 星期一 【晴】

今朝hold晨更,同阿亨總算拍到.
聽唔慣自己把聲,兼夾有D緊張,最重要係準備得唔夠,所以hold得唔係幾好,有D口窒.

完左去食早餐,感覺良好.

>>July 1, 2004 at 1:31:30 PM GMT+8

2004 年 6 月 27 日 星期日 【晴】

今日收左工上竹園搵阿亨傾晨更,上到去文浩都到左.

陪完文浩配con,跟住去美心先開始有mood傾.
今次總算大致傾好,不過我好唔認真,難得阿亨忍得我.

>>July 1, 2004 at 1:18:18 PM GMT+8

2004 年 6 月 26 日 星期六 【晴】

今朝家庭日,唔洗返.

返完崇拜,導師助導去退修,我地成班冇王管.
返到舊堂,同阿亨傾下晨更D野,五點零鐘就返屋企.

呢排唔知搞乜,冇乜mood留o係永光咁耐......

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
小如:

你指邊樣我要加油先?
點都好,我都希望我可以加油.

>>June 28, 2004 at 9:20:06 PM GMT+8

2004 年 6 月 25 日 星期五 【晴】

今日收左工返新堂,o係地下成班人玩心臟病,D人咁屎,我都幾難輸......

三點鐘上大禮堂團契,地方大但唔夠多人,唔夠熱鬧.
完左落地下,cell自己玩心臟病.
人少D,又有得叫代號,唔洗叫人名咁寡,好玩好多.

玩完去M記食野,傾左陣偈返屋企.

>>June 27, 2004 at 3:11:10 PM GMT+8