2004 年 5 月 14 日 星期五 【晴】

今朝o係公司搬野搬到身水身汗,跟住仲要返團契,好在有衫換.

今日個團契OK好氣氛,雖然有D騎呢.
跟住開cell,今次破格少少落地下大堂開cell.
好玩唔玩檸檬茶,死人張靜嬋搞到河粉噴野,要拖地啦......

好累,早D返屋企.

>>May 18, 2004 at 11:48:04 PM GMT+8

2004 年 5 月 8 日 星期六 【晴】

今日母親節,上晝唔洗返永光,可以訓返覺好既.

晏晝返新堂,出門口前先臨急驅忙整芝麻糊,搞到差D返崇拜遲到.
完左崇拜之後上三樓母親節聚,大家都準備左禮拜送俾女導師助導.
我地資料組夾錢買左個枕頭加大口仔枕頭袋俾麗怡,成四舊幾水,我地都算唔話得啦卦.

跟住到書蟲助導,我地cell每人整左D野食俾助導,又每人畫左兩幅畫俾佢.
臨急抱佛腳,加上畫功有限,所以我兩幅野都畫得幾核突.
俾助導既野食就有芝麻糊(我整既),阿嬋同悅怡既朱古力,阿關同Polly既羅拔臣geri.

完左成cell一齊去左吉之島擦野,真係嚇死人.
先黎每人一碗芝麻糊,阿媽請槍,梗係有水準.
再黎壽司,一,兩件仔,冇乜問題啦.
跟住D羅拔臣就賴野啦,整左勁多,食死人,根本冇可能食得哂.
放棄左D羅拔臣,食埋D榴槤先,本年度第一次食榴槤,我真係餓左太耐啦......

食完返到屋企唔洗食飯......

之後反正唔肚餓,落又一城fcuk買左件T-shirt.
夏天啦,太耐冇添置短袖衫,再唔入貨就冇衫著架啦......

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
小如:

你生得矮都可以借裙俾我格,借長裙咪唔怕短囉,最緊要你腰圍夠丫嘛.
不過點都好啦,都拍完囉,而家D人間唔中就會叫我"樂樂公主"囉,勁無奈.
你千祈唔好o係卡杜柏同人講呢件事呀!
殺左你架~

>>May 18, 2004 at 11:43:29 PM GMT+8

2004 年 5 月 7 日 星期五 【晴】

收左工返新堂,都冇乜野要再排,係上六樓睇下D冰點囉.
六樓幅地氈原來幾靚,訓上去唔知會唔會有虱,同埋一落完雨就會索哂水.
老B條傻佬仲好過癮咁訓落去......

團契終於開始,個程序都run得幾順,兩場都冇乜阻滯.
不過少有咁第一場既氣氛好過第二場,不過整體計兩場都OK啦.
問返阿亨,原來佢第一次做團契主席,唔怪得冇乜信心咁囉.

終於殺哂三個團契,鬆哂......

今日cell有個新人返左,又畫眉,唔知有乜搽口紅,原來只係得F.3.
而家D女仔真係......打扮得太成熟啦.

夜晚冇野做,早D返屋企.

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
小如:

哼~我唔要隔籬cell既人黎指指點點.
哈哈~我都想著得好睇呀,但我邊度搵條裙呀?
唔通專登去買條咩?梗係問女仔借啦,咁借野你邊度要求得咁多.
如果真係我自己揀既話,你放心,實靚.

>>May 14, 2004 at 1:57:24 AM GMT+8

2004 年 5 月 6 日 星期四 【晴】

今日早收工,趕得切返團契祈禱會.

搭地鐵時撞到阿芷,同佢傾左陣偈.
返到新堂時都差唔多夠鐘,今日阿嬋hold,過得去啦.

夜D同菠蘿包,阿嬋買母親節禮物俾麗怡,D錢就梗係我出住先啦.
買左個枕頭同枕頭袋俾麗怡,唔知個枕頭好唔好訓呢?

搞掂哂返去睇排團契,都搞得七七八八架啦,掂哂.

>>May 14, 2004 at 1:41:39 AM GMT+8

2004 年 5 月 3 日 星期一 【晴】

今朝去東海影相,準備功夫我隔晚就做哂,所以可以晏D先返工.

朝頭早晨更,今次係冰仔hold.
第一次佢都hold得唔錯架啦,係我自己有問題,一路心入面都有D矛盾.
佢成長得好快,又好快有機會做呢樣,做o個樣.
呢D係佢應得既,只係我睇見佢,又睇返自己,覺得自己好似好......咪就係咁囉.

跟住去M記食早餐,終於有一次可以他他條條咁食完個早餐先返工.
同源仔,阿亨,阿包,阿西幾個傾到成十點先返東海,如果日日都可以咁就好啦.

夜晚收左工返新堂排團契,麗怡搵左首幾得意既歌,希望首歌可以帶得起團契既氣氛啦.
今次唔想再做劇,用主席帶遊戲就算.
Joyce同阿亨都排得OK,雖然我仲係有少少唔放心.
遊戲,歌,主席咩都有齊,叫做搞掂哂啦,排多次就得架啦.
呼~個心輕鬆好多囉.

排完同阿亨去T-8食飯,傾下心事.
我都唔係冇人支持既,最少有阿亨啦.
好想掉返轉支持佢,但未升到家員之前,我覺得都仲未做到.
域少,振作啦~做返齣好戲俾人睇啦.

多謝你,阿亨.

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
如:

班女仔囉(阿包都有份踢我出黎),屈我做"樂樂公主"......
我覺得好樣衰囉,但成班人叫到,冇理由死要面唔做架嘛.
遲D收到條片我就send俾你睇啦.

>>May 11, 2004 at 11:30:25 AM GMT+8

2004 年 5 月 1 日 星期六 【晴】

今朝又係要好趕咁返新堂,好在都趕得切.
跟住去吉之島食飯,菠蘿炒飯冇菠蘿,可惡!

崇拜半程瞌眼訓,半程精神,仲未係狀態.
跟住返舊堂團祈禱會,都OK投入到既.

跟住cell拍video先係戲玉,居然要我扮公主,黐線~
我邊似女仔呀?真係玩我啦.
o係城寨公園一路拍一路俾途人望住,好樣衰囉.
又著得衫多,都幾熱囉.
如果拍出黎既效果唔好,就真係side心機啦.

拍完仲要傾資料,今日D野搞掂得七七八八啦,總算可以心安.
又要麗怡幫手,抖完一輪之後真係要好好做一個團契出黎先得啦.

>>May 5, 2004 at 11:45:57 AM GMT+8

2004 年 4 月 30 日 星期五 【晴】

訓醒一覺都未夠十點,但都好精神,去camp唔洗訓咁多.
沖完涼就去M記食早餐,食完早餐就返蛇竇執野走啦,都玩得唔多夠喉.
冇大船搭,決定搭快船.
唔係好想,又侷促又易暈浪,好在都頂得住.
o係船度影左幾張相,其實我都幾鍾意影相架,不過唔想花咁多心機同錢去研究咋嘛.
一部傻瓜機已經好夠,最多買返部DC就咩都夠哂.
o係船度都要玩UNO,真係唔怕暈,不過今次冇計分啦.

落船搭地鐵返樂富食晏,又係KFC,冇胃口.
食左少少野就返去新堂,上左32號房排生命Open Day既宣傳.
我都想帶下老母返黎既,但咁遠,好麻煩......

跟住團契,死仔薛景鴻做主席都唔通知聲,個團契既氣氛都OK.
之後開cell,今次係考完試既阿嬋hold.
今日有Sunny同Antony回歸,又有今年第一次返既阿詩,好好呀!
開cell玩接紙仔同接野食,輸到俾人紮左四條辮.
完左阿屈又黎搞野,玩"歸來吧"勁輸.
好在跟住玩"二龍爭珠"總算吐氣揚眉,個身夠長,烚到河粉,呵呵~

夜晚仲要傾資料,腦閉塞,三條友全部死哂.
最後乜都諗唔到,放棄離場......

>>May 5, 2004 at 3:15:20 AM GMT+8

2004 年 4 月 29 日 星期四 【晴】

人懶冇葯醫,今日I團一班成年人去長洲camp,索性請假早D入去.
今日有我,亨,嬋,包,冰佬,寶儀,Carmen,Cathy,源仔去,Anita同陳七甩底,有D可惜.

一點去到港外線碼頭,同源仔,亨,嬋,包會合,搭船入長洲.
今日帶左部十年過外既老爺傻瓜機去,貪佢簡單易用.
而且因為估唔到佢影出黎會點,隨時有D幾surprise既效果出黎.

o係船度同阿亨,阿包傾左陣偈,最近都比較少機會單獨傾偈啦.
唔覺唔覺又到左長洲,本來都知長洲咩連鎖店都有,但估唔到連Baleno都有.
拎左鎖匙,入到所謂既渡假屋......唔係,係蛇竇先真.
入面好細,又冇窗,得兩隻床,一張梳化,十足大圈幫既竇口咁,不過訓一晚就算啦.

安頓好就去百佳買齊薯片汽水,準備今晚十二點過後饑饉月解禁.
跟住落左沙灘行,D水好凍,又冇帶泳褲,費事落水,浸下腳就算.
坐o係度時有班印巴籍男人黎度,著住條底褲就衝落水,型爆,我真係冇咁既膽量.

返到蛇竇冇幾耐,冰佬,寶寶,Carmen就到.
成班玩住UNO等Cathy入到黎一齊去食飯,Cathy黎到時最高分既人要罰掉轉條褲著去食飯.
都癲既,我真係輸唔起,幾大都頂住唔做最高分.
好耐未試過玩UNO玩到咁開心,最後阿嬋輸左,但佢條Hawaii短褲掉轉左都唔覺啦.
Cathy開門入屋時我地玩佢,佢一開門就有盆水倒落地下,嚇到佢大嗌.
白痴Cathy~

跟住一大班人出去食飯,食完飯返去靈修.
好累呀,專心唔到......
本來諗住分享靈修得著,最後變左信仰討論會.

好辛苦終於等到十二點,饑饉月終於解禁,成班餓鬼即刻拆哂薯片,開哂汽水.
估唔到佢地去camp都要睇"小寶與康熙",佢地睇得好開心,我就真係興趣不大,無所事事咁.
睇完又玩UNO,本來係我帶頭,但我咁好牌章梗係唔會輸啦,今次到阿亨輸啦.
玩完成班又出左碼頭行,一齊買雪糕雪條食,好開心~

跟住又返蛇竇傾偈,坐左陣出門口一望,天都光哂,原來成六點.
佢地仲意猶未盡咁傾,我就真係頂唔住,撻落梳化度大覺訓.

>>May 4, 2004 at 5:22:16 PM GMT+8

2004 年 4 月 27 日 星期二 【晴】

今日收左工返屯門,成家去左睇莫斯科馬戲團.
今次莫斯科走哂咁多區表演,好似以前D馬戲班咁.
村鎮既居民想睇馬戲班就要等佢幾時黎到搭帳幕表演,而家就有少少呢種feel.

細個想睇莫斯科,又冇錢睇.
而家大個左,其實都唔係好大興趣架啦.
但佢開到我屋企樓下,冇理由唔支持下架.
行落樓下就有馬戲班睇,仲想點.
百五蚊黎講算係值既,始終帳幕唔係咁大,做唔到咁多野.

睇完阿嬋同書蟲打黎,叫我幫手諗短片.
唔洗諗啦,我實會話玩軍事feel架啦.
今晚同阿嬋傾下,睇下佢點睇啦.

>>April 29, 2004 at 12:32:17 AM GMT+8

2004 年 4 月 25 日 星期日 【晴】

尼采，我是欣賞你的：

你那旺盛的求知欲異乎常人，
你的毅力實在驚人，
你對事物尋根究底的強烈執著，
都教我佩服。

你那黑白分明，
說話毫不留情的勇氣，
也是我所仰慕的。

可是你卻走歪了路……

你堅決要運用他的天賦與才華
去破壞；
你決心要成為
最大的破壞者！

如果你得到后羿的弓箭，
你不單會射下九個太陽，
甚至連第十個你亦要射下來！

你竟異想天開得想以一己之力
重新創造一個永恆不滅的太陽－－
孕育出你心目中那超人的誕生的太陽。

尼采啊！尼采，你儘管說我見識淺陋：
我怎能相信，
不能相信，
人類能憑自己的力量，
去創造出另一個太陽……

然而我還是欣賞你，
你始終是我的啟蒙老師，
我還會一直向你學習。

你不是我的敵人，
而是對手－－
心胸廣闊的人不會有敵人。

瞭解對手，挑戰對手，
這就是我將要對你所做的。

Batavic Der Lion

>>April 26, 2004 at 3:11:27 PM GMT+8