2005 年 8 月 4 日 星期四 【酷熱】

之前三晚加埋只係訓o左11個鐘，o尋晚就大覺訓o左9個鐘
全日o係屋企，除o左寫返呢幾日o既日記，亦為聽日作準備
冇o野驚，最驚聽日唔夠人，如果唔係花咁多心機都係冇用

早o係上個月已經著手呢項工程，越睇越覺得好有問題，不可思議
當年究竟邊個寫o架？點可能咁多邏輯錯誤o既語句都會俾佢通過？
我做o既只係技術修補，冇乜點增減，只為堵塞唔應該出現o既漏洞

＊－＊－＊－＊－＊－＊－＊－＊－＊－＊－＊－＊－＊－＊－＊

Annual General Meeting of Hong Kong Secondary Students Union
Date : 06/0802005 (Saturday)
Time : 14:00
Venue : PTU's Office at Mong Kok

青年圓桌會議2005工作坊籌備會議
對象：工作人員及組長
日期：民國94年8月9日(星期二)
時間：下午二時
地點：香港教育專業人員協會銅鑼灣會所

>>August 5, 2005 at 4:06:44 PM GMT+8

2005 年 8 月 3 日 星期三 【清涼】

四日三夜o既camp已經o黎到最後一日，的確有o的唔夠喉
又遲落眾志堂食早餐，Kathleen企o係收銀機旁幫組員俾錢
呢幾日Kathleen管錢管膳食，勞苦功高，大家請向佢致謝！

新晉唱作人暨結他手Alien帶領唱歌，拉埋Kenneth出o黎《小小強》
分組做出營前o既檢討，身為籌委，當然要問佢o地對大會o既意見
好快就意見收集完畢，改為以SSU為焦點，擺明想踢多o的人入會
為下星期六o既Workshop地黠咨詢，初步係東鐵九龍沿線o既大學

返上樓執房，仲有好多零食未清理，不過背囊已經塞爆，冇位擺
拎床單、被、枕頭套落大堂收集，好低能，竟然枕頭都拎埋落去
其實物流組要幫手執o野，不過已經周圍影相，我o地組玩埋擺陣
已經可以解散，Ho約人出沙田lunch + 繼續吹水(重點)，當然想玩
不過吾聞之唔夠人手跟車將物資送返旺角／上環，幫手都冇所謂

將音響、派剩o既免費書、手推車抬上車，抬抬下背囊帶斷o左！
Chris + Kit + Henry + Eric + 豐跟車，架貨車又係唔多識中大o的路
先去旺角學聯，再經紅隧返上環HRM總部落貨，返HRM慢慢整理

食完早餐到依家，好肚餓，同Kit落上次o個度食，今次唔使佢請
討論camp以外o既問題，作為相對o既旁觀者，可能有另一個角度
其實我相信我都有主觀情感，不過100%肯定自己做事冇任何私心
食完，返上HRM臨時搞掂背囊，應該可以頂多陣，17:30返到屋企

＊－＊－＊－＊－＊－＊－＊－＊－＊－＊－＊－＊－＊－＊

感覺上Youth Conference 2004比較好玩，可能題材相對地較吸引
工作人員 + 參加者不過係50人，上年單係參加者已經有大約60人
而且文質堂o既位置有o的偏僻，連落去canteen都要行一大段樓梯

不過都算幾唔錯，上年我掛名係組長，不過覺得自己似組員多o的
今次YC由籌備到舉行，大部分時間都跟到足，係真正o既工作人員
吾聞之好多人都認為我統籌o既野外定向，係全camp最精彩o個part
Youth Conference 2005未完全結束，仲有工作坊 & 立法會模擬辯論

$250玩足四日三夜，比上年加o左價，不過肯定抵到爛，小往大來
Chris o係DDN幫大會搵到免費書，工作人員 + 參加者都拎到幾本走

《民主十問》香港民主發展網絡學者　著
《民主腳步不息　對話集》街坊工友服務處出版
《同途殊歸　前途談判以來的香港學運》(蔡子強　黃昕然　蔡耀昌　莊耀洸)
《叛逆歲月　香港學運文獻選輯》(編者同上)

暫時未可以upload私人相，遲o的等所有活動完哂先慢慢upload
而大會官方相片／片段因為太多，大會工作人員仍然製作中

＊－＊－＊－＊－＊－＊－＊－＊－＊－＊－＊－＊－＊－＊

香港中學生聯盟年度會員大會
日期：公元2005年8月6日(星期六)
時間：下午二時正
地點：香港教育專業人員協會旺角會所
議程：1 ) Meeting called to order
　　　2 ) Adoption of the agenda
　　　3 ) Work report of HKSSU Executive committee
　　　4 ) Financial report of HKSSU
　　　5 ) Edition of HKSSU’s constitution
　　　6 ) Announcement of Chairman’s leave
　　　7 ) Election of Acting Chairman
　　　8 ) Announcement of nomination of coming exco election and establishment of Election Committee
　　　9 ) AOB
　　　10 ) Adjournment of meeting

＊－＊－＊－＊－＊－＊－＊－＊－＊－＊－＊－＊－＊－＊

青年圓桌會議2005工作坊
日期：民國94年8月13日(星期六)
時間：上午十時王下午五時
地點，待定

青年圓桌會議2005立法會模擬辯論
日期：民國94年8月20日(星期六)
時間：下午一時半
地點：立法會大樓

>>August 5, 2005 at 6:52:51 AM GMT+8

2005 年 8 月 2 日 星期二 【酷熱】

的確只係小睡片刻，06:00就要起身繼續趕工，要再快o的
Kit通宵搞掂四個新Case Study，可以開始寫咭片、入信封
一切已經接近完成，最後o係各check point放物資 + 擺人手

Eric + Herman + Henry + Leo + Ian + Kathleen分頭行事，每人做幾個
我同Herman聯合行動，其中一個check point有紅火蟻，即時改位置
原來仲有時間早餐，炸菜肉絲米 + 炒蛋 + 牛油麵包 + 凍啡 = $12.5
食完早餐，急忙跑返文質堂，又過哂鐘，向各組briefing比賽規則

各組收到四個個案，內容同《國際兒童權利公約》某o的條文有關
佢o地要搵出各個案同公約邊o的條文有關，再去相關o既check point
每個check point都有每組一個信封，信封內有寫上條文號碼o既咭片
各組要拎走你認為正確o既咭片，做哂所有Case Study後交返大本營

成間中大，總共放置o左15個check point，其中5個有工作人員駐守
各組o係有工作人員o既check point要通過另外o既考驗先拎得走信封
根據交返o黎o既答案，計算各組所得o既分數，最高分數者為勝方
如果搵極都搵唔到，可以打電話搵Eric & Herman提示，不過要扣分

各組獲發公文袋，袋內有物資若干：
中大官方地圖影印本(A3 Szie)(已標明check point位置 + 可供參考之捷徑)
香港街道地方指南P.140 - 141影印本(即中大範圍)(A4 Size)
中大校巴班次表
四個個案之文字版本
《聯合國兒童權利公約》每人一本
中大校巴券每人兩張
Herman & Eric之聯絡電話

宣佈遊戲開始後，即刻衝落我負責o既眾志堂等佢o地o黎，hold問答
眾志堂地理位置o係山腳，o的人唔係一早o黎呢度，就係最後先o黎
所以中間有大段清閒時間，o係樓上(都係眾志堂範圍)嘆報紙都仲得
工作人員13:30就會撤走，13:2x左右三組一齊o黎哂，俾佢o地玩埋

Ho不愧係中大地膽，未開始已經預計佢o個組超班，Ben組長被架空
佢o個條係最輕鬆舒服o既標準路線，雖則最後遲到冇得玩我o個part
其實物資數量已經提示你可以點組織路線，去邊度一定要搭校巴？
永遠o燧山頂走落山腳最舒服，理論上要最後先o黎我o既check point

文質堂(起點) --> 網球場 --> 校巴to逸夫 --> 校巴to新亞 --> 錢穋圖書館
孔子像 --> 天涯海角(Kathleen & Ian駐守) --> 湯草 --> 聯合校巴站(Henry駐守)
馮景禧樓 --> 大學正門 --> 烽火台暨羅馬鬥獸場 --> 范克廉樓(Leo駐守)
李卓敏基本醫學大樓(Herman駐守) --> 何善衡工程學大樓 --> 小橋流水
最後o個站先至係我o既眾志堂，之後就可以行返上文質堂交卷俾Kit

Lunch Time過o左，又熱又冇胃口，求其o係眾志堂食沙律 + 串燒(炸)
15:30利樹培堂仲有遊戲，不過Eric + Herman + Leo + Ian留o係房計分
發覺briefing o個陣接二連三講漏o野，評分時面對一定程度o既麻煩
計好分，果然係由Ho助陣o既法輪功xxxxxxx大熱勝出，不過係險勝

＊－＊－＊－＊－＊－＊－＊－＊－＊－＊－＊－＊－＊－＊－＊

另一餐由大會安排o既「豪華宴」晚餐，菜式豐富，最緊要係唔辣
不過一檯12人，只獲派筷子 x 9 + (碗 + 匙羹 + 杯) x 3 + (刀 + 叉) x1
食具不足之下，各人想食o野就要互相合作，善用手上o既有限資源
呢個絕對唔係強迫，如果唔想咁玩，可以叫工作人員派發充足食具
教大家一個字：Sportsmanship : (n.) the quality of being sportsmanlike

同檯o既Mina發起落手食飯團，一羹飯鋪o係手掌，飯面就可以擺o野
好多人響應，堂堂正正面對問題，克服困難，o個種滿足感難以言喻
不過啖啖都有飯落肚，好快就食飽，而且食得少，的確浪費好多食物
事後檢討，近20人對dinner安排感到不滿，包括理應事先知情o既籌委

＊－＊－＊－＊－＊－＊－＊－＊－＊－＊－＊－＊－＊－＊－＊

晚上環節，繼續講兒童權利，嘉賓莊耀洸律師，好似係民陣召集人
可能因為間o既運動太多，組員已經筋疲力盡，好難要求佢o地積極
發生令人黑面o既事，咁做有乜含意？可能佢層次太高，唔明想做乜
向大會統籌報告認為好嚴重o既事，原來唔使太在意，以為好大劑添

最後一晚，體驗／預習中大學生o既夜生活，即係出沙田禾輋　宵夜
o係沙田火車站，完全唔使行落地面已經直達禾輋　，地膽已經食緊
未肚餓，唔叫小菜，每人叫o的糖水，不過狂漏單，好耐先有西米露
反正肯定趕唔到東鐵00:36尾班車，可以慢慢o黎，截的士直接返崇基
懷疑的士司機唔太識路，只係識跟前車車尾，唔敢過頭，feel到o架

沖完涼，聽Ben + Ho高歌，笑到碌地，講讀得又玩得，Ho肯定係典範
明明o尋晚04:00先訓，完全唔夠，不過反正係最後一晚，仲未好想訓
周圍搵o野玩，不過唔想／唔識種豆，返房開始收拾亂葬崗，執行李
最後冇o野o岩玩，而且真係開始疲憊不堪，通宵唔到，04:00撻落床

>>August 5, 2005 at 5:10:02 AM GMT+8

2005 年 8 月 1 日 星期一 【酷熱】

Youth Conference 2005 : Day 2
o尋晚o既evaluation決定，林奕華o既環節改為小組討論
要用盡林奕華o個三個鐘，將早上集合時間推遲到10:30

08:00起身，未有早餐，o尋晚食o左杯麵o既我都已經覺得肚餓
越o黎越多人起身，越o黎越多人周圍問組長幾時先有得食早餐
技術上出錯，早餐安排稍有失當，差不多09:30至先開始派麵包
不過o的人好冇公德心，用完廚房乜都唔執，要工作人員執手尾

臨時o既Group Discussion環節，繼續全體組員坐哂o係Candy房
繼續o尋日o既校規話題，不斷加插新內容，不過的確比較沉悶

大會包底，所有人自己搵地方食飯，事後拎返單向大會claim錢
眾志堂迫爆，好難搵位，竟然冇碟頭飯，程序混亂，開單漏o野

下午o既活動安排o係王福元樓舉行，好多人都好遲先去到o個度
Herman帶人食完檸檬批行百佳，實在行得太遠，第五組遲大到

文思慧博士係成個下午o既節目o既嘉賓，睇有字幕o既《中學》
呢套片o係三四年前由張虹o係聖傑靈女子中學、英華中學拍攝
冇旁白純拍片，將兩間Band 1學校o既日常生活紀錄低，再剪接
加o左字幕，本來已經大把笑位o既《中學》生色不少，有共鳴
「千祈唔好辜負英華乒乓球隊總教練……即係我……o既期望」

睇片完畢，由文思慧就《中學》主持討論，主題「校園枷鎖」
必須要承認，工作人員o既involvement實在太多，包括我都太多
文思慧所講太深，講得太快，組員未必個個跟唔到，呢個失策
佢自稱無政府主義者，又講o左一大堆所有人都半懂不懂o既o野
又o係overrun之下結束，組員就舒服，可以即返宿舍再去dinner
我同Herman要推o的音響返宿舍，一定要沿馬路，只可能兜大圈

搭車上本部搵食，Billy衰o個組都o係度，原來拉麵真係唔太好食
又過鐘，又要極速直線跑返文質堂，再過利樹培堂準備下個節目
不一樣的校園，非典型老師/校長分享協助達致民主校園o既心得
好彩，有o的組員都肯主動參與，工作人員可以放心收儉唔出聲
我o係下午曾經大踩荃官，講真，其實荃官唔係我當時講得咁差

是日節目完畢，o係警鐘一度誤鳴之下開盡量短o的o既evaluation
開始為聽日o既野外定向準備，得到教訓：唔好搞到時間咁「敏」
其實o尋晚就應該要開始，仲有好多o野仲未準備好，今晚有排搞

地圖要劃好哂捷徑、位置，又要根據每組人數預備相應o既校巴券
最慘係Case Study因為題目問得唔好，要重新做過，而且要手抄！
Kit貢獻好大，幫手諗新Case Study題目，否則我o地通宵都做唔完
夜晚臨解散前提佢o地早o的休息，我同Herman就做到04:00先小睡

呢個深夜令我知道一件事，原來我真係可以o係難關當前保持冷靜
當發現呢樣未做，o個樣未搞之際，難得仍然可以處之泰然，唔亂

>>August 4, 2005 at 3:44:21 PM GMT+8

2005 年 7 月 31 日 星期日 【晴】

行李一早執好哂，冇o野做，只係等差不多夠鐘出門口
Herman & Ben話試搭首日通車o既迪士尼線，決定join埋
09:25就出門口，先去迪士尼，再出上環幫手運送物資

o的凳坐得舒服，只可惜仿維多利亞時代o既迪士尼站冇冷氣
Ben搵到近期最愛o既洪綺敏，其餘兩個真係完全為o左影相
好多自由行，我死都唔會o係迪士尼站出閘，八達通單程$7.6
為o左等埋Ben嫂，明知再唔走就遲到，都o係迪士尼hea多陣

11:00先o係搭返出欣澳，轉東涌線香港站，再駁的士上HRM
其實地鐵有入閘時限，過o左鐘，好彩車站職員冇罰我o地錢
飛的，中環例牌周圍都塞車，無奈地苦等，遲o左足足30分鐘

Kit + Henry + Leo + 豐 + Eric + Herman夾手夾腳pack好所有物資
直去中大o既車唔夠位，最後兩者要自費地鐵o係尖東轉東鐵
去到大學站，冇o係車站join大隊，直接先上文質堂準備場地

＊－＊－＊－＊－＊－＊－＊－＊－＊－＊－＊－＊－＊－＊

青年圓桌會議2005正式展開！

工作人員名單(初訂)(有*者為該組負責人　有#者並非籌委)

大會統籌：Kit(HRM) + Chris(DDN) + Ian(SSU)
節目組：Kit* + Chris + Derek + Sandy + Eric + Herman
膳食組：Kathleen* + Billy衰 + Plum
總務組：Ho(御用攝影師)* + Alien#
物流組：Henry* + Leo + 豐 + Eric + Herman
組長：Kenneth*# + Candy + Ben + Jason# + (Mina + Karsum) + Victoria#
接待組：Ian* + 細Billy

唔係組長o既工作人員，冇duty o個陣都要落組幫手
我被編落第二組，同組o既工作人員有Candy + Alien
Jason因家事退營，Billy衰頂替佢擔任第四組o既組長
呢個調動令工作量唔平衡，Alien代替Billy衰入膳食組

＊－＊－＊－＊－＊－＊－＊－＊－＊－＊－＊－＊－＊－＊

未分房已經o係文質堂大堂發生小風波，最終好似順利解決
本來同房o既係Billy衰，後來都要調房，最後同Herman同房
o係利樹培玩破冰，互相認識次餘，幫自己o個組諗埋組名

Group 1 : 9394
Group 2 : 撻成一塊
Group 3 : 法輪功胖虎司徒鍾伍吳黃唐丘中學
Group 4 : School of Nuts
Group 5 : 耶穌魯賓遜
Group 6 : Sixers

「爆大鍋」環節，分享校內o既一切，以此組織夜晚o既表演
間間學校o既趣事都差不多，決定以搞笑o既校規為drama主題

大會第一餐訂好檯o既set dinner，上上下下食o既都完全一樣
不過好多都好辣，似食川菜，又冇蔬菜，食到噴火，唔好食
大段路上百佳，幫工作人員杯麵、薯片、汽水，總之乜都有
文質堂通行證漏o左o係眾志堂canteen，要落去再跑返上宿舍

夜晚o既原定嘉賓Banky o黎唔到，換轉同一劇團o既另外兩人
各組o既drama公演，幾乎全部都將焦點集中o係超級爆笑校規
第二組全場最精彩o個句要數「慢慢o黎，唔使急，最緊要快」
「打鐘後，同學們要立即離開地面」，「頭髮唔可以有顏色」

第三組有Leo + Ho + Ben坐陣，唔使睇都知一定係呢組最爆笑
吳俊豪大戰丘律邦，吾聞之劇中大部分對白都係天才波爆肚
法輪功胖虎司徒鍾伍吳黃唐丘中學校訓？「法輪大法好！」
各組都表演得唔錯，準備時間前後不足四個鐘，總係就係笑

嘉賓o係文質堂出面o既空地帶集體遊戲，玩到成吉思汗打仔
有時要大嗌，不過其實o個度應該唔俾喧嘩，好驚俾人投訴

Day 1活動結束，沖完涼，全體工作人員齊集大堂開evaluation
突發消息，聽朝o既嘉賓林奕華o係台灣返香港之後全身敏感
o黎唔到o既機會相當大，要臨急臨忙諗N咁多個緊急應變措施
否決調動其他活動，因為原則要盡量唔影響互相緊扣o既flow
從小處看一個人物永遠有效，根本唔使花咁多口水日講夜講

半夜過Ben + Ho房，幾大都玩夜o的，Henry教全人類玩"Bang !"
玩o左兩三局，始終唔多識玩，次次都暴露身份，俾人睇到咭
唔多想玩種豆，腦袋轉數開始變慢，03:00撻落唔太舒服o既床

>>August 5, 2005 at 6:33:17 AM GMT+8

2005 年 7 月 30 日 星期六 【乍寒還暖】

花o左足足兩個月，花o左好多心血，就係為未來呢四日
由零開始，將細碎o既idea慢慢整合成一個完整rundown
睇見活動由籌備到舉行，過程帶o黎o既滿足感難以言喻

o係籌備中段開始就全程跟足，幾乎將所有精力都集中o係呢度
為o左呢個YC，犧牲o左好多，放棄暑期工，全程投入籌備工作
本來有另一項重要o既事，不過精神集中o係YC，俾人捷足先登

最大o既願望係未來四日三夜一切順利，活動唔受人為因素影響
希望參加者既有o野玩，又有o野學，工作人員就個個做得開心
求神拜佛，有乜恩怨情仇，唔好o係camp出現，等出o左camp先

＊－＊－＊－＊－＊－＊－＊－＊－＊－＊－＊－＊－＊－＊

青年圓桌會議2005各單位，請留意各自之集合時間及地點

物流組工作人員　　　　11:00　　　上環HRM總部
組長及其他工作人員　　13:00　　　大學火車站旁之中大校巴站
參加者　　　　　　　　13:15　　　地點同上

＊－＊－＊－＊－＊－＊－＊－＊－＊－＊－＊－＊－＊－＊

本週重要轉會

英格蘭球壇：
華素爾(英格蘭前鋒)　　　　from阿士東維拉　to曼城　　　　　250萬鎊
波格迪(墨西哥前鋒)　　　　from帕卓卡　　　to保頓　　　　　100萬鎊
戴維斯(荷蘭中場)　　　　　from國際米蘭　　to熱刺　　　　　自由轉會

世界球壇：
羅賓奴(巴西前鋒)　　　　　from山度士　　　to皇家馬德里　　3000萬美元
巴迪斯達(巴西前鋒)　　　　from西維爾　　　to皇家馬德里　　2000萬歐元
森美爾(阿根廷後衛)　　　　from皇家馬德里　to國際米蘭　　　1500萬歐元
干查(丹麥翼鋒)　　　　　　from馬德里體育會to史特加　　　　600萬歐元
加列堤(阿根廷前鋒)　　　　from薩拉戈薩　　to馬德里體育會　400萬歐元
中村俊輔(日本前鋒)　　　　from里賈納　　　to些路迪　　　　200萬鎊
泰基拿迪(意大利中場)　　　from祖雲達斯　　to維拉利爾　　　借用

>>July 31, 2005 at 3:29:15 PM GMT+8

2005 年 7 月 29 日 星期五 【乍寒還暖】

早幾日向肥鵬提起o既節目，o尋晚差o的連自己都錯過
遲o左轉去o個個台，好彩一轉到去就係最精華o既部分
可惜原來節目全長只係70分鐘，一直都唔知節目咁短

原來約o左大班人BBQ，可惜因為天雨關係，要改搞其他節目
博文堂哥、婉雲堂姐約打保齡，沙田富豪花園裝修過o既新場
其實86C最方便，不過嫌太貴，寧願揀86A沙田圍，行多幾步
相當唔平，每位$40打一場，星期六冇學生優惠，不過都迫爆

稍後放工o既媽媽都加入埋，打o左三場，三場都係博文堂哥贏
我打三場有兩場第二，總共打o左30局，三次全中，五次補中
不過可能因為裝修冇耐，o的波成日黏到機油，次次都要抹波

打完，86K上頌安　肥叔o既屋企，join埋婉雲堂姐男友先上去
原來o個度已經差不多人齊，孻叔一家四口都到o左，超級熱鬧
開檯打牌，反正夠腳，齋睇唔打，之後改為陪Brandon玩Lego

商場酒樓食飯，吾聞婉雲堂姐男友以前o係Poly有搞O-camp經驗
佢o地當年o係O-camp玩過o的乜？佢o地講得唔清唔楚，聽唔到

返上去，孻嬸仲想打牌，我就繼續陪Brandon砌未砌完o既Lego
Lego十分唔完整，feel到Brandon從搵材料之中得到一種成就感
好耐冇玩Lego，幫佢砌o左間似模似樣o既囚室，我都有成就感

22:40後先散場，搭爸爸o既的士，先送博文堂哥返大圍o既屋企
o係馬鞍山出發，先停大圍，再經大埔道出深水鶠A全程28分鐘

>>July 30, 2005 at 5:05:04 PM GMT+8

2005 年 7 月 28 日 星期四 【乍寒還暖】

手頭上暫時未有好迫切o既工作，倒數三日難得得閒
本來話想去中央圖書館，不過最後唔知點解又唔想去
用$20打發成個下午，買西鐵全日通，環遊新界西北

先搭西鐵南昌入天水圍，轉輕鐵暢遊好日都唔去o既天水圍
行程中o係某屋　見到一間小學：Joseph Lee Primary School
頌富商場好似好大，落車行一陣，兜個圈返去原本o個個站

繼續係輕鐵出元朗，未去到總站，o係康樂路落車又打個彎
直接o係北面落去輕鐵最南端o既車站，自己查究竟係邊個
差不多係時候，o係屯門站轉西鐵，再o係南昌駁702返屋企
13:30出門口，前後搭o左46個輕鐵站，都只係花o左四個鐘

＊－＊－＊－＊－＊－＊－＊－＊－＊－＊－＊－＊－＊

歐洲聯賽冠軍盃第三圈外圍賽部分抽籤結果：
巴素爾(瑞士)　　vs　雲達不來梅(德國)
士砵亭(葡萄牙)　vs　烏甸尼斯(意大利)
薩哈達(烏克蘭)　vs　國際米蘭(意大利)
愛華頓(英格蘭)　vs　維拉利爾(西班牙)
貝迪斯(西班牙)　vs　摩納哥(法國)

＊－＊－＊－＊－＊－＊－＊－＊－＊－＊－＊－＊－＊
青年圓桌會議2005物流組工作人員請注意：
各位請提早於上午十一時正，先到人權監察上環辦公室
協助搬抬大會物資後，直接前往中大，會合入營之大隊

>>July 30, 2005 at 2:20:30 AM GMT+8

2005 年 7 月 27 日 星期三 【酷熱】

o尋晚睇狄娜o既《百年中國》，得啖笑，唔使咁認真
「避而不談都係歪曲」，狄娜正正就嚴重地歪曲歷史
你要歪曲歷史冇問題，不過唔好講到自己毫無增減啦

我都唔知呢個算係私人活動抑或官方活動，總之就係入中大
再次搭72 o係崇基返落車站，沿途好多八號幹線o既相關工程
一條八號幹線將沙田區o既路搞到亂七八糟，連巴士都要改道

唔算多人，Leo + Eric + Herman + Ian先o係眾志堂搞Day 3手尾
早排o係Henry帶領下環遊中大，決定好哂所謂check point位置
Leo當時冇去，就由佢拎住地圖，睇下搵o個o的地方係咪太難

寄語各位組長，請緊記「山窮水盡疑無路，柳暗花明又一村」
終於可以一嚐馳名o既檸檬批，賣相同想像中唔同，不過唔錯
順路o係交通部買返100張校巴券，冇得開單，唔通寫收據咩？

一直行到去最隔涉o既地方，唔想行，搭校巴去大學o既另一端
去返上次新亞o個塊板，無意中發現Cable游安怡都係新亞畢業
我畫標記o既地圖有o的地方畫得唔太清楚，活動前會作出改善
蒙民偉樓，久違o既陣陣涼風，好舒服，好耐未歎過o既自然風

o係中大花o左成個下午，發覺搵check point唔係想像中高難度
呢個活動o既內容仍然有枝節需要修改，諗獎品諗到頭到大哂

Re Pang : 興之所至，剎那間o既靈感，突然諗到用你o黎出題

>>July 28, 2005 at 4:30:40 PM GMT+8

2005 年 7 月 26 日 星期二 【酷熱】

球場周圍都係有o的遮蔭比較好，起碼有好地方休息
企o係太陽底，成吉思汗打仔，根本冇辦法cool down

青年圓桌會議2005籌備委員會遊戲路線視察
日期：民國94年7月28日(星期四，即明天)
時間：下午二時十五分
集合地點：大學火車站旁之中大校巴站
對象：不是組長之任何幕後工作人員
備註：欲出席，又無法按時到達者，請聯絡Eric

Re大蘋果：其實我都約到其他人，你係絕對有理由唔o黎
Re Jason : 生活苦悶，純粹調劑！

P.S.肥鵬約踢波(猜一英超後備前鋒)

>>July 27, 2005 at 4:04:55 PM GMT+8