2005 年 9 月 14 日 星期三 【晴】

好辛苦先砌到星期四day-off o架，竟然要返去Tuto
o係火車站miss o左校巴o既後果，三支香Tuto遲到

Tutor為o尋日阿牛o個堆算式解畫，聽完都仲係一頭霧水
奉勸數學根底打得麻麻o既人，讀Politics之前一定要三思
Stanley問題最多，過o左UC Can都繼續問，開始慢慢明白

今日返o黎上一節Tuto就完，車錢貴，唔想咁快返歸咁蝕
再sit基本法，聽莊耀洸引述錯誤資料，聽聽下又訓著o左
玩True or False揀present題目，作為旁觀者總算答中唔少

因為玩中大學生報o既機會幾大，決定唔去政政系會傾莊
要多o的上1095 o既Yahoo Group流連，爭取時間跟上討論

>>September 15, 2005 at 3:40:24 PM GMT+8

2005 年 9 月 13 日 星期二 【清涼】

23:00先返到屋企，冇精神開電腦慢慢詳寫日記
冇心機逐句逐句慢慢寫出o黎，總之就係累到爆

未睇哂周生o個篇passage就去1095 Tuto，俾人o地屈機
Tuto未上完就要趕搭校巴，落嶺南場PE，又打到成身汗
盡量抹哂o的汗，上NA Can食埋tea先返UCA 312三支香
阿牛明顯唔識教數學，o個o的所謂算式睇到我o地……

夜晚去Franklin傾莊，周生慫恿下去傾中大學生報o既莊
參觀凌亂不堪o既報室，好有興趣上呢個莊，好想發聲
不過學生報會好忙，所以已經開始盤算，放棄GPA系會

>>September 15, 2005 at 3:25:59 AM GMT+8

2005 年 9 月 12 日 星期一 【晴】

出門口o既時間，照計巴士開走o左，改搭地鐵轉東鐵
趕得切08:15普通車，唔使o係本部再轉車上UC咁麻煩
UCC C3未開冷氣，十足桑拿浴室，幾大都唔咁快入去

SY又o係門口貼紙叫遲到者o係某時間先敲門，竟然有人唔理
Man is born free, and is everywhere in chains. (Rousseau)
單係譯呢句，已經係帶出最根本o既問題：What is politics ?

SY透過佢唔多鍾意o既Power Point刺激我o地思考，另加問題
果然厲害，馬桶塊圓板應該揭起抑或拍低，都可以引起激辯
呢堂好多gap位，不過可能因為準備不足，返去要好好prepare

由1020轉去隔離房1095，再次全場坐爆，建議下次去UCC C1
Why should we obey the state ? Why should we have a state ?
基本上圍繞o係"What is a State"討論，周生帶，我o地嘗試講
完全冇悶場，落o左堂都搵周生繼續傾"legitimacy"呢個vocab

Stephanie約o左政政freshmen o係UC Can聚會，唔好食都算啦
Jacky都o黎埋，要哂所有人o既生日居心何在！好彩我係暑假
講到頹莊問題，Jacky強調魔術學會唔係頹莊，絕非純博宿分

落本部提款，追車趕返UC，過胡Lib陪蝦睇碟，其實各有各睇
天地堂，16:30先有Tuto，揀錯隻日文碟，睇睇下竟然訓著o左
之後借o左隻《天安門》，可惜未睇完第一隻已經夠鐘上Tuto

好難得砌到星期四day off，依家竟然要特登o黎三支香o既Tuto
可惜其他時段都唔得，又或者要再調其他科o既Tuto，唔使諗

1020 Tuto，阿傑先講Tuto運作模式，其實SY已經提過，講多次
原來阿傑已經收口，冇其他節o既Tuto咁不留餘地咁拆o的學生
辯才，原來仲有好大改善空間，連思考力都仲可以進步多o的
Bring out個我好想深究o既問題：知識要「實用」先值得學習？

>>September 13, 2005 at 4:23:11 PM GMT+8

2005 年 9 月 11 日 星期日 【晴】

Jacky冇打o黎，落選政辯，無緣打兩大政辯 & 五角賽
入唔到政辯，多少有o的失落，不過鬼叫自己唔掂咩？
既然冇得玩政辯，就轉去傾莊，可以全力玩政政系會

毛孟靜o個科雖然略頹，但係勝在佢每星期都搵嘉賓o黎演講
今日o既嘉賓係陶傑，不過都要呆聽毛盈靜廢up足足一粒鐘
冇乜特別o者，唔使特登留名o掛？相信大把人諗到可以咁做

千呼萬喚始出來，UCC C1高朋滿座，不過相信以sit堂者居多
陶傑以Press Freedom為主題，用馬做例子，的確比喻得幾好
香港傳媒自唔自由？娛樂記者好自由，不過其他方面就相反

容祖兒半夜冇化妝落街拮魚蛋，粗俗o的講句：關你X事咩？
反而最近有高官同富商過從甚密就要理，因為牽涉公眾利益
陶傑強調間中都會買八卦雜誌，不過一睇完就會just forget it

講o左好多，邊聽邊寫邊諗，台下發問環節掀起另一個高潮
事物本身冇好壞，視乎讀者用乜o野角度睇，例如《金瓶梅》
個個話《金瓶梅》係鹹書，被視為禁書，原來文學價值好高

閱《金瓶梅》而有惻隱之心者，菩薩也；
閱《金瓶梅》而有憐憫之心者，君子也。
閱《金瓶梅》而有歡喜之心者，小人也；
閱《金瓶梅》而欲仿傚者，禽獸也！

Journalism is not a profession, but a philosophy ; not to be led by the market, but to educate the market.
雖然有時實在太串，而且有時又廢up，但係陶傑的確有料到
唔係Journal人，不過都有助反思傳媒、社會之間o既互動關係

Lunch @ 唔算多人o既NA Can，提早上Tuto，已經開始講Philo
想sit阿關o既堂，不過反正都要早走上PE，無謂特登只坐一堂
拜託千祈唔好加鹽加醋，o尋日乜事都冇發生過，唔好亂諗！
去完錢Lib再去胡Lib，上網上到就快夠鐘，等轉堂巴落嶺南場

烈日當空，仲要係悶熱o個隻，跑完圈再打籃球，簡直係折磨
今堂齋練射籃，籃底 + 中距離 + 罰球，係咁射，射到手都軟
打o左一節已經熱到成身汗，同鰻魚過CC Can涼冷氣 + 飲o野
既然冇政辯2nd in，唔使o係中大渣灘，只想快o的返屋企沖涼

>>September 12, 2005 at 3:46:19 PM GMT+8

2005 年 9 月 10 日 星期六 【晴】

好早就上o左旺協，Eric + Leo + Kit跟進後YC follow-up
籌備好後我落o黎幫手冇所謂，不過參與籌備就較難
始終自己有其他o野做，不過還可以就我所知做分享

三個人講o左個幾鐘，之後陸續有人加入，不過已經到尾聲
13:25做埋YC最後一項工作，睇Financial Report，辛苦哂Kit
上午基本上幾得閒，反而傾閒計，聽Leo講樹仁趣事仲得意

＊－＊－＊－＊－＊－＊－＊－＊－＊－＊－＊－＊－＊

香港中學生聯盟2004-2005年度會員大會
8月6日o個次因出席人數不足而流會，再召開就冇人數下限
前後總共有12個現任會員出席，另加兩個外人擅自闖入會場
祖記 + 教育界敗類突然推門走入o黎，當然唔可以坐視不理

聲明：
根據會章，除了會員和被執委邀請的人外，任何人等均不可進入會場
本人絕不認同，本人昨天針對外人擅闖而作出的舉止，乃過激之行為
本人強調自己只是會員，在場與否，會議仍可進行，並不會阻延會議
本人重申，昨天一切行為只是按章工作(註：章 stands for 會章 ONLY)

今日開o左walk-in o既先例，以後阿豬阿狗都可以失驚無神走入o黎
根本就應該下逐客令，
其實其他人唔需要學我同Leo咁離場抗議，我只係做認為正確o既事
一輪擾攘，在場o既執委com好後，容許外人列席，最終亦重返會場

外務副主席陳德章(Derek)因學業問題，辭去尚餘個多月任期之職務
留意，Billy衰唔係經全體通過下做代主席，因為唔係所有人都舉手
講會務，根本仲有大把o野要講，話之邊個係主席，一定要point out

之前話想搞選委會，幫手選下屆執委，不過最後都係決定唔加入
唔知下屆執委選舉提名期開始未，暫時以我所知得一個有意角逐

會員大會大約o係16:00結束，教協o個層太多人，走上10樓搭lift走
Kathleen唔好同我爭食啦，專心讀書啦，補習呢o的粗重o野由我做
私人時間，幾個人落尖咀行，行書店超市，o係Citisuper坐低吹水
夜晚有人請食巴西燒烤，不過要傾正經o野，幾時就要正式開工？

>>September 12, 2005 at 1:30:12 PM GMT+8

2005 年 9 月 9 日 星期五 【晴】

政政大本營係UC，基本上好少落CC，除非佢係CC人
花o左好耐先搵到LKC o既Lecture Room，好彩冇遲到

LAW 1010A / UGC 256RA　Law and Society　法律與社會
本來係Michael Davis(戴大為)教，不過佢問中大請o左一年假
由o係中大教過24年o既大律師Dr. Stephen Tang返o黎幫手教
其實呢科教得最掂o既應該係Sem 2於興中，不過時間唔o岩

對Stephen最大印象係佢叫人唔好抄筆記，倒不如集中o的聽
Schedule寫o左要上足三節，不過Stephen講o左個半鐘就放人

老點盈盈去錯地方後，Eric + Indiana陪Cutter過CC Can Brunch
Cutter好正，更正後原來住知行，分別同瑞典人 & 上海人同房
之後陪Indiana行CC人都未必去o既CC Lib，冇乜o岩心水o既書

一支公搭難得唔迫o既校巴上本部，o係U Lib等夠鐘14:00語精
上o左一陣網，落Franklin unch後再返U Lib hea，今次改睇報紙

排隊入Sir Run Run，超多人冇o黎語精，只係搵人幫手拎notes
又係o既，冇學分，不過要合格，我唔想星期六下午特登留低
不過又驚真係唔識，所以勉為其難坐一陣，明講乜就即刻閃

其實又唔算太悶，仲以為Lecturer係o的老教授，原來好年輕
甚麼粵語九聲，識o的唔識o的，明解就得啦，絕無打算深究
播歌，抽錯誤發音，呢part算幾好，不過Part 1完o左都係鬆人

＊－＊－＊－＊－＊－＊－＊－＊－＊－＊－＊－＊－＊－＊

去馬鞍山o既肥叔屋企，等夜晚沙田食飯，邊睇打牌邊睇Philo
上菜速度超慢，不過蝕底o既唔係我o地，我o地有的是時間
返到屋企已經過o左23:00，又一次出街出全日，朝八晚十一

＊－＊－＊－＊－＊－＊－＊－＊－＊－＊－＊－＊－＊－＊

開學開o左一星期，明顯完全未適應再返學，心態上未準備
科科都勁多readings要讀，不過好把握時間都只係讀得好少
已經開始驚應付唔到，就算有興趣，有時好似真係眼高手低

>>September 10, 2005 at 5:38:47 PM GMT+8

2005 年 9 月 8 日 星期四 【晴】

好過份，本來已經差不多打好，竟然hang機，正AOE
冇心機逐隻逐隻字寫返，只可以總結書院係今日主角

坐爆Sir Run Run o既Shaw Assembly暨開學禮，個個都發哂夢
坐o左一粒鐘就散得場，之後去UC Staff Can飲茶，唔多夠飽
打算上department拎add / drop表，點知派哂，要上網自己D/L
之後突然心血來潮，到o左Year 2先開始修Law，唔郁Major住

落U Lib坐一陣，join晴旭上Shaw上書通，鰻魚 + 蔡志麗 + Sam
去文爛堂前先o係蔡志麗o既宿坐一陣，二宿果然係Shaw天堂

GES2060A Debating Globalization (全球化正、反、合)　趙永佳
好似幾正，不過網上自學佔比例幾大，考起我o既自覺能力添
個人傾向單獨寫essay，因為易o的上手，不過都要視乎topic

o黎到文瀾堂，順便交埋宿舍appeal申請，兩星期後知有冇hall
大班人上完書通，同時間迫校巴落本部，次次搭72返歸都訓著

＊－＊－＊－＊－＊－＊－＊－＊－＊－＊－＊－＊－＊－＊

Re Mina : 沈旭輝畢業於超多人入中大o既皇仁書院

>>September 9, 2005 at 3:45:08 PM GMT+8

2005 年 9 月 7 日 星期三 【晴】

無o野講，竟然輸俾北愛爾蘭，英格蘭完全唔識破密集
甚麼40年來最有機會奪標？依家連決賽週都唔係必入！
艾歷臣要重用奧雲還OK，不過唔明點解唔肯換走碧咸

GPA 1095提早o的上，周生帶o左隻碟o黎，話freshmen應該睇
有o的Year 2 & 3都o黎，話呢隻戲幾好，所以想趁機重溫一次

紀錄片戲名《尋找林昭的靈魂》，播o左幾年，大陸仍然禁播
1932出生o既林昭係北大中文系學生，1968年因反革命被槍斃
透過認識佢o既人o既回憶，加上流傳o既史料，重新塑造林昭
簡單o的講，就算被打成右派，佢仍然唔「認錯」，死不屈服

前半段講林昭點樣由北大學生，慢慢o係整風運動被打成右派
後半段就開始悶，因為導演將林昭再次被捕後o既事講得太長
周生講點解播呢套戲，大概係政治哲學人要反思自己o既價值

Eric + Cutter + Kitty + Indiana即過UC Can求其食o的tea，趕sit堂
如果唔係超趕時間，絕對唔會o係UC Can食，因為真係好難食

LAW 1050 / UGC 273R　《基本法》面面觀　　　莊耀洸
遲o左入去，莊耀洸已經開始講案例，唔知同course有乜關係
呢個course作為法律課程，主要以各種案例為教材，要present
呢1字頭居然冇乜freshmen讀呢個，見到好多Year 2坐哂o係度

雖然好多案例要讀，但係幾有興趣，想add呢科認認真真咁讀
要drop邊科騰空間？梗係頹爆o既毛孟靜啦，不過可以繼續sit
抑或書通？又唔想Year 2讀太多書通，而6個Major好似太辛苦

17:15落堂，要搵地方hea到政辯interview，跟Kitty佢o地周圍行
Cutter上訴成功，仲要入到紫霞，即刻拎到匙！太令人羨慕喇
陪Cutter去NA Office，再落U Lib睇下有冇reserve book可以影印
暫時未需要PA書，陪佢o地只係為陣間去搵7-up傾點寫上訴信

19:00打算o係U Lib出面o既車站等校巴上UC，懶得行長命UC梯
不過幾次離遠睇住校巴停完本部轉上NA，唯有同A銘一齊行梯
未搞掂講稿，所以想o係UCC坐低爭取時間，盡最後努力嘔o野

整體上遲o左開始，本來我係08:15，都要過o左08:30先入房講
o尋日已經有題目：政府職位合約化利多於弊，立場隨我鍾意
三分鐘主辯稿完成，再俾Jacky佢o地抽秤一輪，出去等Part 2

同Connie同組，分半鐘自由辯論，指定題目指定立場，正方先
題目：本港大學應增加招收外地學生，抽中反方，十萬個唔想
其實分半鐘根本唔夠，佢未講得哂正方理據，我都未反駁得哂
點都好，等通知，下星期一有第二輪選拔，希望可以順利埋關

迫校巴落火車站，撞見Gary，講o左兩句，返到屋企已經22:15
開學一星期已經幾次咁夜，唔想咁，決定聽日要去文瀾堂一趟

＊－＊－＊－＊－＊－＊－＊－＊－＊－＊－＊－＊－＊－＊

Re Mina : 錯，雖則同樣係男校，佢o個間絕對係名校中o既名校
阿關都踢拖上lecture啦，日日坐office咁耐，帶埋拖鞋有乜出奇

>>September 8, 2005 at 5:45:57 PM GMT+8

2005 年 9 月 6 日 星期二 【晴】

o尋日搞到好累，下午先要返中大，有咁耐訓到咁耐
Jacky打o黎通知聽日debate interview題目，開始準備

有兩本要全本睇哂o既書，PE前先o係Franklin買，買貴o左添
Politics (2nd edition) (Andrew Heywood)
An Introduction to Political Philosophy (Jonathan Wolff)

PHE 1021 SB轉去U Gym上，初時唔知道o係邊，要行一段路
鄭sir教用各種做Gym 器材，順便幫我o地搞埋健身室使用證
其實如果冇宿，根本都唔會特登返去囉，雖然都好想做gym

離下一堂仲有一節，諗住同鰻魚去呂崇傑o既Shaw宿坐一陣
15:25開始等校巴，三四架o黎過，竟然一架去Shaw o既都冇
容忍有限度，打去交通組，阿叔：「等多三四分鐘就有喇」
三四分鐘之後再多三四分鐘，前後足足等o左30分鐘先有車

已經16:00打後，無謂到時又o係Shaw趕返出o黎，直接UC落
時間所限，UC Can飲熱o既凍朱古力，果然有時間就唔好o黎
搵UCA 406花o左好耐，原來唔可以搭lift直上，要行隔離樓梯
最後改o左o係UCA 312上，政政專用電腦室好似仲未用得住

GPA 1110B Political Research Methodology (基本研究方法)
Professor係來自台灣o既牛銘實，不過政政人通常叫佢阿牛
唔想聽國語，所以揀o左用英語教學，至少比普通話易上手

同Indiana & Cutter坐，阿牛講o野係幾掂，可惜又釣o左魚><
呢個course要計o的數，不過最主要部分都係分析研究數據
又有一大串book list，仲要o係o的以前未接觸過o既statistics
間房好凍，又又帶外套，仲要坐o係機底，下次要醒目o的

落堂，除o左揀Tuto時長，freshmen又密斟影印工作o既分配
冇可能所有書都買哂，如果U Lib未有，可以去街外o既Lib搵
好白痴咁等校巴落本部，架架都爆，其實根本可以UC梯落
聽日又有六粒鐘空檔，要開始部署聽日o既sit堂 & 渣灘大計

＊－＊－＊－＊－＊－＊－＊－＊－＊－＊－＊－＊－＊

Re Mina : 當然唔係，否則我早已經講o左你知，使等依家？
　　　　如果呢種聲o係lecture出現，就唔係聽電台咁過癮
　　　　o尋日見到踢拖o既蔡子強，不過我係唔會幫你問
　　　　更正：你可以去中大聯合書院鄭棟材樓三樓搵佢

>>September 7, 2005 at 3:58:14 PM GMT+8

2005 年 9 月 5 日 星期一 【晴】

有早堂，06:40就要起身，07:15出門口，好快就等到72
點解唔搭東鐵？除o左迂迴，仲要朝朝同人迫地鐵校巴
o係MMW搭lift直上NA，好彩lecture開始前趕到去NAH 12

GPA 1020A Fundamentals of Government (政治學初基)　馬樹人
細O組一齊坐，SY真係o係門口貼上「遲到者請於08:46敲門」

睇碟，Julia Roberts o既戲，睇o左20分鐘左右，之後討論情節
幾乎每個人開口o既人都俾SY窒，不過的確幫我o地帶出問題
所謂"Bad Question"就係o個o的根本唔需要動腦筋思考o既問題

原來SY以前好少用教科書，今日先compromise出參考書o既list
聽A銘講，SY同阿關o既教法好唔同，SY呢種相對地獨特新穎
好彩下堂lecture起會轉去UCC，唔使一落堂就要即刻趕路返UC

GPA 1095 Issues of Political Philosophy (政治哲學問題)　周保松
幾乎所有政政freshmen都齊集UCC C1，冇人會唔報呢個course
呢科o既大通code係UGD 266R，都有唔少非政政人讀 & sit呢科

周生果然厲害，唔怪得係政政萬人迷，聽兩句就feel到有料到
未上Tuto已經開始舌戰，甚至有人已經識拋書包講Plato，汗顏
讀政治點解要讀埋政治哲學？因為要ask something fundamental
政治哲學o既意義其實一句講哂：How should we live together?

返o左兩日，已經知乜o野叫高下立見，兩日o既感覺截然不同
o尋日o個個簡直頹爆，簡直係十級折磨，今日呢四節精彩得多
1020 + 1095已經好多參考書要睇，要快o的買一定要睇o個o的

除o左盈盈，細組全部沿UC梯落Lady Shaw sit Academic Writing
後排成班都係sit堂o既政政，呢個Charles懶gap，其實又係頹科
我sit堂只係即興，其實根本可以先去NA Can細O組聚，食住等

除o左狐狸，細O所有人都o黎齊，拍埋兩張檯先坐得落咁多人
組聚後唔同人去唔同地方，有人刑法，有人哲學，有人3字頭
最後sit堂，同Jacky返UCC上沈旭輝o既GPA 2355全球化與政治

一來飯氣攻心，二來沈旭輝把聲線真係好沉，聽聽下訓著o左
又可能佢講得太悶，最有印象都係o個句「青春無價快o的閃」
所以暫時唔報2字頭係正確決定，都係先讀1字頭打好o的基礎

Q : 沈旭輝o係邊間中學畢業？

15:15已經落堂，不過要等到19:30政辯briefing，四粒鐘空檔！
上department搞o的手續後，已經冇o野做，同A銘博命搵活動
佢好彩，成間中大周圍都有佢o的QC老友，話咁易搵到friend
荃官都有唔少人入中大喎，點解咁難搵到荃官人一齊玩o既？

過NA Can join佢o的老友，之後同Medic人走去知行樓玩康樂棋
其實比較想打桌球，不過俾人book o左，唔多記得點玩康樂棋
打完返Medic人房坐一陣，經MMW落U Lib繼續打發時間到19:30

終於夠鐘上UCC 110，不過阿姐唔知點解冇o黎到開門俾我o地
決定先上department睇Tuto結果，結果係一個好正一個超唔正
1095去到最心水o既時段，不過1020搞到我星期二有天地堂！

一輪擾攘，改去UC陳宿o既活動室做政政Debate Team Briefing
唔少人有興趣，中學時期冇機會debate，大學當然要把握機會
不過入o左debate就一定要犧牲唔搞系會，因為冇可能兼顧到
又唔一定入硬，要in，如果入唔到debate，就可以專心搞系會

太夜，唔搭巴士，完o左briefing，大班人一齊搭校巴落火車站
返到屋企已經係22:00，冇宿住o既中大人就係過咁樣o既生活

>>September 6, 2005 at 5:55:47 PM GMT+8