2005 年 10 月 5 日 星期三 【晴】

晏起身，只係sit一節1050，繼續由Wilson爛gap主導
早就發掘到o既荒謬問題，明顯冇自圓其說o既答案

政政最攞命o既必修科一定係三支香，唔知道必修o既用意
o的問題簡直係算死草，就算識答，都唔明究竟問o黎做乜
捱過Sem 1就可以忘得一乾二淨，之後o既科都冇機會應用

將常用o既debate用語加入粗口，笑到狂咳，不過真係好笑
幾乎所有荃官人想有宿o既，都已經派o左宿位，唯獨我冇
o尋日無姓名call唔係文瀾堂打o黎o掛？係就miss call大檸樂

反正下星期先開始有present，今日唔sit基本法，好想返歸
中大保健處o的藥成效麻麻，始終都要睇返一直睇開o個個

>>October 6, 2005 at 3:11:40 PM GMT+8

2005 年 10 月 4 日 星期二 【晴】

鰻魚打o黎，轉o左去U Gym上，仲好，有得涼冷氣
等好耐校巴先o黎，又跟人去錯健身室，搞到遲到
做完劇烈運動，抖氣大啖o的都咳到肺甩，好辛苦

多番嘗試認真聽清楚阿牛o既講解，奈何仍然係一知半解
兩星期後三支香Mid-term？必死無疑，到依家都完全唔識
突然教玩遊戲，A銘原來唔識猜枚？講出o黎都冇人信喎

學生報傾莊，單係o黎傾莊o既政政人已經7個，仲有老鬼
學生報應唔應該走上網絡世界？應唔應該掛名出去遊行？
一直講o既都傾向技術性o既運作，之後會講多o的價值觀
可能行政事務真係唔太在行，反而原則性o既比較適合我

>>October 5, 2005 at 4:34:45 PM GMT+8

2005 年 10 月 3 日 星期一 【晴】

臨行先記得要食藥，搞到遲o左出門口，又追唔到NA車
循環巴突然班次疏落，上車o個刻已經知道一定要敲門

SY果然厲害，咁都俾佢諗到，不過諗深一層，其實有o的牽強
讀Modern Nation-State System"即係變相讀歐洲史，睇歐洲例子
下星期有o黎mid-term test喇，冇乜點讀過書，到時都唔知點死

藥力終於發作，1095終於瞓o左，前半段Hobbes完全聽唔入耳
既然社會契約論咁多漏洞，點解又會成為當代政治哲學重心？
Source & Performance都係legitimacy來源，究竟兩者孰輕孰重？

我o地眼中o既周生形象大扣分添，我會唔會都變成好似佢咁？
冇胃口，o係UC Can食完三文治就返屋企，開學以o黎最早今次

>>October 4, 2005 at 2:41:49 PM GMT+8

2005 年 10 月 2 日 星期日 【晴】

o尋晚睇利物浦對車仔，睇o黎今屆英超已經分出勝負
球季仲有7個月，已經冇球隊威脅到車仔o既王者地位
不過長此下去，由車仔獨霸球壇，又係咪健康現象？

1015有quiz，特登睇o左readings先敢返去，始終唔想太失禮
點知樊鵬唔小心o尋晚已經upload o的題目上WebCT，通哂天
毛孟靜唯有取消quiz，不過照樣discuss題目，真係有少少難

是日嘉賓梁家傑，分享參政之路 & 對今時今日傳媒o既觀感
毛孟靜重覆兩年前o係立法會門外o既事，問想唔想A45組黨
之後講傳媒自我審查o既歪風，應該點樣睇呢個社會第四權
甚至批評傳媒o既水準太低，冇常識，睇問題focus都對唔中

行政命令、西九、數碼港、添馬艦、破冰之旅……統統都講
傳媒如此不堪，身為讀者o既我o地，可以點改變呢個現象？

成功爭取過NA Can，本來好肚餓，不過叫o左碟飯都食唔哂
咳到肺都甩，o的痰吐極都仲o係喉嚨，落Clinic輪籌免費睇症
有醫生紙在手，難得攞正牌唔使PE，睇完醫生就直接返屋企

>>October 3, 2005 at 4:00:49 PM GMT+8

2005 年 9 月 30 日 星期五 【晴】

唔該哂Billy幫我呢個電腦盲砌機～

Re Leo : Still 9 days before the Nation Day

>>October 1, 2005 at 4:19:53 PM GMT+8

2005 年 9 月 29 日 星期四 【晴】

終於等到隔星期五一次o既Day-off，可以o係屋企hea
睇世少盃巴西對土耳其，好難想像佢o地都細過17歲
土耳其打少個都可以下半場追3球，最後輸波好唔抵

"Thinking Strategically" o既拆彈工作開始，不過只係拆到5頁
三支香真係唔係我o個瓣囉，不過1020 & 1095亦唔見得在行

得閒無事，拎起檯頭兩本書，唔知關唔關我事：大學學運
幾十年o黎活躍於學運o既人，佢o地究竟兼唔兼顧到學業？
就算只係中大學生報，客觀上都係大學學運界o既重要一員

個人願望係將來無論做乜都好，都想有返一定o既學問根底
馬嶽、杜耀明咁當然最好，普通畢業都OK，唔想做李永達
究竟係咪為想搞學運而想搞學運？係咪真係有某o的理想？

馬嶽：「現時家庭及學校對學生的保護太多，設定了太多框框，啟示了學生，愈服從既有設定的框框去走，愈能夠成功。加上社會愈來愈富裕，年輕人對社會上不合理的東西，所了解的較以往少

「上一代人的父母，由於沒有時間照顧子女，反而令他們有更多空間，但現在父母照顧過度，令孩子的對抗心態不強。加上，傳媒愈來愈把教育與賺錢掛勾，大學高層亦以學生可以找到甚麼工作，作為大學的賣點，令整個社會更加市場化，更加缺乏理想

「對整體大學生比較失望，學早可以做的亦不多，但相信行動與否，作用仍然是有分別的，做多一點工作，影響多些人，總比不做好。學生組織與學生的距離雖然愈來愈大，但學生組織仍然有責任去改變一般同學的想法。」

張韻琪：「學運與社會的大環境息息相關。年輕人過於注重物質方面的需要，教育又缺乏人文精神，整個社會和個人都變得現實，不容許年輕人有太多的理想……」

周生早o係Week 1已經提到，入到大學，已經算係知識份子
如果係知識份子，我o地應該點反思自己o係社會o既價值？
抑或，都係乖乖地，循規蹈矩咁做個普普通通o既大學生？

>>September 30, 2005 at 3:27:00 PM GMT+8

2005 年 9 月 28 日 星期三 【晴】

訓o左一覺，仲有o的燒，不過行得走得，返o黎sit堂
返到UC，好大陣味，入錯課室，o個度上緊Marketing
o係胡Lib上網翻查，原來係UCC C1 instead of UCC C3

GPA 1050B　Government of Hong Kong　香港政府　黃偉豪
第一次sit呢科，全部都好生面口，唔似政政人，個個好頹
1050B冇Tuto，政政人唔報得，其他人當係elective或者通識
Take o左Sem 2由蔡子強教，打算長sit睇下呢科大概教o的乜

Wilson其實得個gap字，可能知道冇政政Major人，教gap o的
今堂主講一國兩制o既緣由，佢講o個o的其實我大部分都識
呢科考MC，唔知如果蔡生教Major，會唔會只係出MC咁低B

是日唯一主菜係三支香Tuto，o尋日完全唔明，又要靠張泓
讀o左七年英中都聽唔明阿牛，張泓用廣東話，總算開始明
Pure Strategy大致明白，不過Mixed Strategy仲需要時間摸索

俾人情o既strategy，果然係活用Thinking Strategically，厲害
其實純粹搞gap o者，不過近得多阿丁，人都輕鬆o的XDDD

Sit基本法，聽莊耀洸講法庭o既判詞，大部分都係居港權案
下星期開始有人present，幾乎一半case study都關居港權事
冇sit哂三節，上o左一節竟趁break返屋企，唔去學生會傾莊

當然唔係想上學生會，最多只係玩學生報，擺明博燃燒GPA
只係對今晚傾莊o既主題有興趣，不過最後都冇去，想返歸

>>September 29, 2005 at 3:56:35 PM GMT+8

2005 年 9 月 27 日 星期二 【晴】

夜晚發燒，好早就訓o左，所以第二朝先開始補寫日記
o係九龍塘一上車就訓o左，去到大學站開o左門先識醒

1095 Tuto睇人o地present，只怪自己連Sate of Nature都未睇哂
想加入討論o架，不過暈下暈下，太差勁喇，想講都冇機會講
次次1095 Tuto都要同阿權一齊早o的走，趕轉堂巴落嶺南場PE

打完籃球，腳痕，同A銘 + 阿權搓兩腳波，教A銘掘波底斬波
嶺南場o的草極差，十足聖西路，唔係要o係呢度打中超o掛？

排長龍返UC，阿牛已經開o左波，開始覺得四肢冇力 + 勁眼訓
阿牛講到我一頭霧水，只係我o既問題？抑或其他人都係咁？
眼訓係一回事，兩粒鐘竟然冇訓，不過對眼冇合埋，魂遊太空

夜晚o係碧秋系會傾莊，一支莊最多14人，但係有17人o黎傾莊
最少三個上唔到莊，率先退出，因為系會其實唔係我上莊首選
始終荒學生報念念不忘，反正呢度突人，不如冒險玩學生報？
三年o既大學生涯，好想做自己想做o既事，不過又驚燃燒GPA

>>September 29, 2005 at 1:47:59 AM GMT+8

2005 年 9 月 26 日 星期一 【雷雨】

仍然趕唔切08:15上NA o既車，下次要再早3分鐘出門口
好彩o係本部好快轉到循環巴，否則又要呆企等SY開門

今日呢堂主題OK正，不過竟然第一堂就釣魚，我都想精神o的
呢堂引發出一條問題：Can ROC(1912) be regarded as a state ?
落o左堂都圍住SY繼續討論，周生入o左UCC C4都一於好少理

1095教得好快，正確o的講應該係我讀書速度追唔上教學進度
Aristotle o既理念同我有o的相近，不過係咪太頑固 + 理想化？
之前睇過少少Hobbes，所以好彩明明地，落o左堂有得吹兩句

前任校長俾我同子儀圍剿，如果佢返o黎，我一定唔會俾面佢
之後落U Lib睇Crito + 報紙，睇睇下又訓著o左，o個度太舒服喇
總算得返最後兩版未睇，不過只係睇，未砌得返哂篇o野講乜

1020 Tuto，好彩o尋晚趕得切send問題，唔知問乜之下諗出o黎
「香港的大學相當依賴公帑營運，那麼大學的教學和研究應否取決於社會需求，對社會得益不大的學術，應盡量減少投放資源，多於大學按自己喜好做學術？」
好1095咩？我似Philo人咩？無形中加入o左value judgement成份

唔知點解今日好想訓，Lect + Tuto + U Lib都訓，又唔係好眼訓
仲要o係聽日1095 Tuto前搞掂Crito，不過輪到冇時間搞三支香

>>September 27, 2005 at 3:30:07 PM GMT+8

2005 年 9 月 25 日 星期日 【乍寒還暖】

本來今日1015搵o左長毛做嘉賓，不過長毛仲o係珠三角
估計毛孟靜應該會講哂三粒鐘，所以亦唔需要準時返到
行經地鐵站，大量令人嘔心o既廣告板，可唔可以投訴？

下星期終於有Quiz，亦要真係認真落筆抄兩句，不過仍然係頹
之後播碟，關於兩年前o既大事，片段出現兩個令我嘔心o既人

年輕好多o個個，毛孟靜對佢下o左兩道評語，聽落，會心微笑
「使唔使咁造作？仲咁年輕，講o野率直o的好，唔使咁煽情」
一秒咁短都留意到？使唔使咁好眼力？其實出現又有乜出奇？

交流section拖埋欣宜落水，離o左題，o個班Journal人好牽強喎
落o左堂仲o係毛孟靜周圍繼續，慢慢已經將主題傾向其中一邊

咁多時間，行遠少少去NA Can嘛，已經唔知UC Can仲可以食乜
行好日都冇人行o既NA梯，Eric + 阿丁陪A銘去碧秋補領學生證

同鰻魚一齊搭錯循環巴，兜o左返Shaw，去到嶺南場已經遲哂
太大雨，改去CC室內場打乒乓，只係同鰻魚換o左衫齋坐唔打
嶺南場積水，o的水已經深到腳眼，連橫過跑道都係一大難題
返U Lib，問鰻魚借咭print聽日1020 o既Power Point，遲o的要買

本來想去Wilson o既夜話，不過Crito都未掂過，都係快o的搞掂
而且仲出聽日Tuto問題，到呢一刻都唔知有乜好出囉，好麻煩

＊－＊－＊－＊－＊－＊－＊－＊－＊－＊－＊－＊－＊－＊

Re Mina : 據我所知，佢o地當年o既1st choice應該係HKU SocSc
　　　　Gov't and Law真係超級難入，我都考慮過，最後放棄
　　　　LLB即係Bachelor of Law，晉身法律界o既較正統途徑

>>September 26, 2005 at 3:34:44 PM GMT+8