2005 年 8 月 25 日 星期四 【微雨】

校細o左冷氣都好凍，少少鼻敏感o既我已經feel到冷親
繼續食o左等於冇食o既早餐，之後全Shaw去哂大講堂
百萬大道下午有傳統o既四院會師，朝早一齊rehearsal

OC煞有介事咁提我o地唔好唔見slogan紙，話記者執到就麻煩
其實我覺得o的四七冇乜o野問題囉，係傳媒擺明要砌中大o者
互片o既每一步都有嚴格規定，我會用「神經過敏」形容傳媒
o係大講堂練節奏 + 合拍 + 特別效果，練足成朝，間中夾口形

終於o係Shaw Can開飯，開飯都仲o係度Dem Bit，唔夠時間o架
出發去百萬大道，感覺上真係似操兵，Shaw spirit就係呢種？
安排o係指定地點，企正UC對面，人群之中見到江天俊 + 濕九

終於開始，見到有記者o係兩間書院中間，舉起camera影咁影
期間一直落雨，擔遮繼續片，總之要keep住個氣氛唔好俾佢停
要強調所有書院o係最後都有圓場bit，不過記者只會集中前段

四院會師完畢，全體freshmen轉移陣地Sir Run Run聽藝墟宣傳
頭先好刺激咁片完人，大會內容又悶，全部已經訓哂覺懶得聽
而且冇必要花咁多篇幅講學聯囉，有興趣o既自然會出藝墟搵
去到中途，新亞已經走o左大半人，開始打算撤退，實在太悶

同阿輝 + 阿飛 + Anthony + Louis o係藝墟周圍睇各學會o既攤位
唔打算入中大學生會，因為太多o野做，可能令我無法3年畢業
得動漫研究社吸引所有人注意，即場入會奉送海報 + 過期漫畫

o係Jacky極力慫恿下入o左魔術學會，即場交$50會費直到畢業
附送魔術道具一份，一份只要有手就唔會唔識玩o既所謂魔術
只係入o左一個會，因為之前已經預算會玩Debate Team + 系會

17:00左右亞熱帶集合，返宿，個個都滿載而歸，入o左唔同會
o尋日o既Treasure Hunt最後由Kitmoch勝出，貧富宴有得開大餐
其他組都要食餅頂肚，其實OK喎，反正夜o的都會出火炭食宵

夜晚有Shaw晚會，移師二宿出面o既小停車場，全部席地而坐
睇中大Dance Society + 中大合唱團表演，唔少得抽觀眾上去玩
途中又落雨，而且已經有o的累，不過都晚會過程都算幾好睇
壓軸o既當然係全場齊齊跳中大 & Shaw人一定要識o既幾隻舞

完show，逐組上旅遊巴，大會直頭安排車送我o地去火炭食宵
車程途中都照片，而且開始有少少踩過界之嫌，用字略為過火
坐低，隔離係Kitmochi，唔使問，未上菜前又片o左半個鐘有多
見到OC o既咀形：「你o地片人唔係問題，不過唔好再有粗口」

事實上o的四七真係已經超越三級，開始人身攻擊色彩o既四七
不過其實任何環境之下，片人環節都一定會以圓場四七作結尾

大O宵夜o既菜式幾乎同細O完全相同，其實全部都係陪酒小食
當然有飲酒，不過明知自己飲唔慣，點到即止，只係飲大半杯
最後已經唔係食，而係周圍玩，組組都向安仔敬酒，佢開始醉

Pat呢個時候先話除o左KK，我o地組仲有一個spy，原來係牛奶
記得Day 1佢話自己係日研新生，其實佢已經係History升Year 3

Shaw四組當中，大熱門最遲先開始走，02:00收舖，01:40散場
返宿，又要邊餵蚊邊等沖涼，Last Night當然要通宵，點都唔訓

>>August 29, 2005 at 2:19:21 AM GMT+8

2005 年 8 月 24 日 星期三 【晴】

總算有4粒鐘睡眠時間，好過冇，邊趕蚊邊刷牙洗面
落基地，一個嘉頓蛋糕邊夠飽？早餐食o左等於冇食

過大講堂，四大組先造勢，再一齊做Treasure Hunt briefing
有內地生入組陪埋我o地一齊玩，其實即係變相香港一日遊

收到task list，好多選擇，肯定唔會有人做得哂，要揀o黎玩
相信冇組夠膽揀唔去機場，因為去一去就有50000分，化算
問題只係除o左機場，搵邊o的地方做配菜，要校得o岩時間

最後商量好以葵芳荃灣一帶為活動範圍，先o係烽火台影相
出大埔道搭直達荃灣o既紅van去葵芳，多人到要分開兩架車
不過紅van仲要兜埋長沙灣，花多o左時間，不過唔算失預算

Task we have chosen to complete around Kwai Fong :
o係葵芳搵可以直達中大o既小巴站牌
葵芳新都會廣場內o既露天廣場集體唔望鏡頭
葵芳籃球場扮鬥波
葵芳　葵泰樓前拍影留念
全體指住林士德室內體育館門外o既館名

走去葵興搭地鐵去荃灣，最初預算可以o係荃灣做哂5個task
先o係三棟屋門外玩棟篤企，之後開始com夠唔夠時間繼續
驚o徙時間，放棄荃廣、沙咀道、熊貓酒店o既task共6500分

只係o係大河道麥記充電，當住全間麥記o既人面前跳中大操
要鼓起好大勇氣囉，反而如果叫我玩PyePyeCheers，我肯玩
即轉陣地，搭地鐵o係東涌轉車入機場，o係離境大堂扮離別

原路出市區，不過自由o既安仔轉join其他組，暫時留守機場
時間上仍然許可，所以o係玩埋青衣一帶總共10000分o既task
o係青衣城o既玩具反斗城扮玩煮飯仔，再隔離運動場扮起跑
夠哂鐘，極速趕出天后，趕得切o係夠鐘前去到指定集合地點

天后某酒店外等大會安排o既城巴直返中大，多謝組爸請汽水
上o左車冇耐就訓著o左，大半車人跑o左全日，想唔訓都幾難
鏟上吐露港，去到大埔先屈返上大埔公路o係中大四條柱落車
難得有城巴o係大埔公路出現，想影相o架，可惜搵唔到靚位

返基地，歡送內地生，又係席地而坐咁開飯，又係唔多夠食
夜晚要出百萬大道打水戰，換拖鞋，分配武器，一人一水槍
四大組對決，曬馬開片，話之佢甚麼遊戲玩法，總之就shoot
以後水戰一定要記得戴泳鏡，對眼入水，紅哂，兩隻都好痛

成身濕哂，返宿即換衫，不過沖涼格唔夠，要濕住身企門口
o尋晚玩得夜，聽晚預o左通宵，所以今晚早少少訓……02:00
不過都玩o左陣嗲o左陣，宿舍o既恐怖o野，唔係鬼，係核突

Re abc : 多謝宣傳
Re alsa : No, it's the board of Eric @ SonnyChiba

>>August 28, 2005 at 3:32:55 PM GMT+8

2005 年 8 月 23 日 星期二 【微雨】

連續156日有日記出o既紀錄終於斷纜，又要重新計過
好似有o的無聊，為o左延續走勢，成日寫o的無聊o野

Orientation Camp of Shaw College (2005)
星期三入camp，兩日前o個晚先有組媽打o黎交代時間、地點
12:30中大火車站，見仲有時間，出尖咀換生果報新球季特刊
寧願行遠少少去紅磡車站去大學，$6就得，o係尖東搭要$8.5

去到大學，未企定就已經俾人趕o左上車，沿辮子路直上逸夫
一條龍服務，拎完camp tee直上國宿換衫，再過大講堂join組
大組叫「大熱門」，細組叫「亞熱帶」，坐o係度呆等開幕禮

逸夫超多同荃官有關o既人，盛仲衝做o左大組長，預計之中
同年入Shaw仲有鰻魚 + 吳國倫 + 呂崇傑 + 陳江 + 廖記 + Gary
如果計埋其他書院，曾經讀過荃官而入中大o既，可能有30人
大熱門o既大組長，同許志安o既相似度接近八成，真係超似

一輪開幕致辭之後，分返各細組，亞熱帶住o係二宿高座一樓
大熱門o既大本營o係二樓低座o既活動室，即係通稱o既三宿
Day 1活動多數都係ice-breaking，同自己組玩玩下已經開始熟

Shaw Can坐唔落四大組，大熱門全人類o係二低活坐地開飯
一來食得麻煩又辛苦，二來根本唔夠食，唔夠每組15人份量

夜晚玩刺激o的o既ice-breaking，玩大長碌 + 食西瓜勇戰受傷
教跳中大人一定要識o既舞，即係政政O-camp晚會跳o個三隻
不過後來好明顯係狂dum波鐘，個個都開始累，動作遲鈍o左
過份！原來KK扮freshman，即係所謂o既spy，佢根本係組爸

之所以dum波鐘，因為要安排各組輪流玩文瀾堂佈置o既鬼屋
冇HKU咁多，不過中大單係Shaw已經有幾個鬼故，不過好假
太多人一齊落鬼屋，根本唔恐怖，未入房已經見到佢o地個影

玩完返二低活，已經散哂場，拎返o的袋就返房，排長龍沖涼
全部17人堆哂o係組爸房，不過真係坐得好迫，好難玩到遊戲
Day 2要離開中大Treasure Hunt，點都要訓返幾個鐘，04:00完

>>August 27, 2005 at 5:13:55 PM GMT+8

2005 年 8 月 21 日 星期日 【酷熱】

準時11:00開始reg科，爭分奪秒，24分鐘後全部reg哂
成日驚唔知邊個step做漏o左，搞到原來根本冇reg科
總係覺得自己選科怪怪地，不過好似個個都選o個o的

遲過英超，早過意甲、西甲，我o地新球季o係美孚正式開鑼
Keep波o既周展程又遲大到，繼續成為被圍剿o既對象，抵死
初時球場冇乜人，圍內鬥半場，竟然可以右路窄位射到近柱

三個10歲唔到o既細路搵我o地鬥波，就佢o地，俾佢o地揀人
皇馬對車仔？我係卡斯拿斯？細路做魯爾，懶認真咁講戰術
佢唔o係度，我就唔怕講，兩個字形容佢o的所謂戰術：廢up

「全部過o黎！」「係！隊長，有乜指示？」
「陣間呢……要引開o個兩個細o既，然後就可以進攻！」
差o的想講：「引開哂所有球員，之後就射入對方龍門！」

打打下，又走埋o黎：「交俾我先，然後交俾佢，一直交上去」
唔想串佢o架：「即係o係後場送上前場，然後就射入龍門！」

又o黎？又走o黎同我、阿昌講：「你兩個負責守住個龍門……」
仲以為佢會講埋落去：「人o地射個波埋o黎，你接住佢！」
「總之接到波，即刻交俾我，如果你失波，我唔會放過你！」
你成日o係自己禁區頂甩波，人o地禮讓o者，你想我點先？

依家o的細路真係………冇大冇細，我o地以前連聲都唔敢出
抑或其實係我o地太友善？要好似輝哥咁對o的細路唔客氣？
點都好，玩o者，唔通人o地單刀，真係殺出去勢兇夾狼咩？

o個三個細路終於都走o左，冇幾耐換o黎o的似o的樣o既細路
再加上幾個大人，抖o左一陣，又再踢過，人o地打多兩三個
Richard o個球右路突然超靚，不過大部分時間捱打，攻唔到
換入o黎o既街外人根本唔認真，唔走位，又成日死扭唔傳波
根本係倒米，想快o的完場跟隊，我o地都無心戀戰，輸咪輸

阿昌打到兩隻腳都抽哂筋，不過唔使嚴重到要call白車o掛？
又識多兩個中大新「賤人」，好幸福，UC仔揀足球冇撞時間

>>August 22, 2005 at 3:55:22 PM GMT+8

2005 年 8 月 20 日 星期六 【雷雨】

以為今日可以落得清閒，原來今日有排忙，模擬reg科
全日都對住電腦，拎住大枕頭試用網上模擬reg科系統
聽日正式reg科得30分鐘時間，所以要今日就plan好哂

決定好今年讀邊o的科，詳情參閱www.xanga.com/eric_tsui_kf
好過份，PE選唔到足球，兩個sem都同必修科撞期撞到應一應
本來想讀o既UGC大通又同Shaw Assembly撞期，被迫選其他LS
兩個sem都各讀19分，好多科都想選，不過再選就爆o左credits

初時大大聲話想副修乜o野，成個Year 1都唔夠空間選其他系
政政人三年內要讀66分本科課程，我單係Year 1已經會讀24分
照呢個趨勢，Year 2可以揀多o的通識，Year 3就可以讀深o的

＊－＊－＊－＊－＊－＊－＊－＊－＊－＊－＊－＊－＊－＊

本週重要轉會

英格蘭球壇：
貝利安(法國前鋒)　　　　　from曼聯　　　　to韋斯咸　　　　借用
簡路迪(馬里前鋒)　　　　　from熱刺　　　　to西維爾　　　　440萬鎊
艾斯恩(迦納中場)　　　　　from里昂　　　　to車路士　　　　3800萬歐元

世界球壇：
米基爾(葡萄牙後衛)　　　　from賓菲加　　　to華倫西亞　　　750萬歐元
艾比亞迪(意大利門將)　　　from AC米蘭 　　to祖雲達斯　　　借用

＊－＊－＊－＊－＊－＊－＊－＊－＊－＊－＊－＊－＊－＊

Re大蘋果：真係冇，搵得好清楚，我當然只係收到你找返o黎o既錢

>>August 21, 2005 at 5:27:46 PM GMT+8

2005 年 8 月 19 日 星期五 【颱風】

花o左咁耐心機，就係等今日Youth Conference正式結束
第一次參與籌備咁大型o既活動，學習搞活動需要o的乜
可惜活動後期o既參與比較少，不過好享受籌備o既過程

青年圓桌會議2005模擬立法會辯論
地點：立法會大樓會議廳A

整整齊齊著返Grad Din o個套恤衫 + 西褲 + 呔，仲諗住隆重其事
點知去到立法會門口，發覺今年o的人相對casual，同上年相反
印象中得Eric + Herman + Alien打呔，以為Kathleen會著成套suit添

再次踏入呢個大議事廳，梗係要坐輪流o係黃宜弘個位學下佢啦
之後企o係湯家驊個位前面，作狀扮發言，呢個亦係我o既目標
終有一日，我要堂堂正正行入呢個議事廳，以議員身份行入o黎

去上年o個間議事廳A為Mock Debate作準備，其實都冇乜要準備
大會成功邀請具議會經驗o既何秀蘭，擔任Mock Debate o既主席
何姨姨事先張揚雖然只係模擬，都會嚴格執行議事程序、規則

第一項議程：審議《小班教學條例草案》
一開始就明顯知道準備不足，正如何姨姨所講，從蝦碌中學習
既然係討論條例草案，就要準備好文本hard copy俾所有議員睇
如果一個議會連條文都冇就走去舉手表決，係不負責任o既行為

又蝦碌，提草案o個個發言完畢之後，竟然完全冇人舉手想發言
理論上可以即刻跳去總結，不過何姨姨都俾時間我o地休會商討
繼續討論，互相質詢 + 解畫，不過討論完畢之後唔會進行表決

第二項議程：審議《校規(產生辦法)條例草案》
呢個係我有份負責o既法案，事先準備好哂文本，派俾所有議員
不過Ben就冇準備好修訂草案o既文本，所以修正案冇得進行表決
有文本的確方便o的，有o野俾人睇住o黎插，亦有o野俾我o地守

立法會o個三種官方語言全部用齊，不過其實只係純粹搞搞氣氛
始終大部分人最聽得明廣東語，如果要交流，都係廣東話好o的
好多地方俾人挑戰，不過最後18贊成 + 8反對 + 6棄權，順利通過

先頒發證書，今年新增連工作人員都有cert拎，不過未印我o個張
最後頒獎，Ben以工作人員身份贏得亞軍，唔知工作人員都得添
冠軍，校規組o既領頭人阿文順利贏得最佳辯論員o既獎項，恭喜

頒發結束，被趕離立法會，標誌Youth Conference 2005正式結束
辛苦o左兩個幾月，今日終於落幕，當堂鬆返哂，放下心頭大石
感觸良多，不過想講o既係，相對於上年，今年唔算搞得好成功
不過點都好，籌委、工作人員都出o左好多力，值得為佢o地鼓掌

公事結束，私事時間，去邊度食飯 & 玩好？擾攘好耐都未有定案
最後決定上Best Debater柴灣屋企，打邊爐 + 打牌 + 打機，夠就腳

＊－＊－＊－＊－＊－＊－＊－＊－＊－＊－＊－＊－＊－＊

Herman + Ben + Karsum + Ho + Alien + Eric + Candy + Billy衰 + Plum
先返阿文柴灣地鐵站上蓋o既屋企擺低o的袋，再去超級市場掃貨
肥牛、肉丸、水餃、烏冬、汽水、菜、湯底………每位$35左右
最衰唔係街市閂o左門，否則可以買得再平o的，感覺上唔多夠食

返上去，唔係即刻起爐開餐，拎部PS 2出o黎玩新鮮出爐o既WE 9
想講遊戲速度慢o左好多囉，完全唔o岩我擅長o既快速短傳入楔
買o左Herman唔食得o既當歸湯底，返惠康買最安全o既清雞湯底

打邊爐，最好都係唔好同時搞其他o野，否則一定會分心唔食o野
成日掛住打機，人o地開始落料、開餐都唔理，好似食少好多添
真係唔多夠食囉，肥牛、魚片、肉丸話咁怏就清哂，到喉唔到肺

有人入房AOE(唔好另一角度睇)，有人繼續打機，有人開檯打牌
幾次搵曼聯火併皇馬，有勝有負，俾Ho屈o左球冇仇報o既波=_="
Alien住得最隔涉，佢最早走先，其他人差不多00:00先捨得返歸

我好方便，搭118或者地鐵都得，地鐵收o左工都仲可以搭N118
不過住火炭、大埔要轉車o個o的就麻煩，要check各路線尾班車
火炭山尾街有民居o架咩？如果真，唔怪得o個次有警察o黎了解

Re大蘋果：我銀包得找返o黎o的錢喳，阿文已經搵o左佢屋企？

>>August 21, 2005 at 7:28:49 AM GMT+8

2005 年 8 月 18 日 星期四 【乍寒還暖】

之前o個晚開通宵，殘哂，23:00撻落床就大覺訓到09:30
朝早同爸爸執申請宿舍o既文件，下午再走多轉入中大
特登走多轉入中大，仲要去逸夫，that's why要申請hall

搭72 o係大埔公路返入本部，轉校巴上逸夫，交表10分鐘搞掂
14:30出門口，16:15返到屋企，其實捉到班次，巴士又平又快

終於o係電視見得返時興隆魷魚絲廣告，見到孩童時代o既Jacky
Jacky左健斌，兒時為童星，曾參演時興隆廣告及多齣教育電視
轉眼十多年，Jacky現職為中文大學政治與行政學系辯論隊隊長

>>August 19, 2005 at 2:05:02 PM GMT+8

2005 年 8 月 17 日 星期三 【乍寒還暖】

Carrie + Jeffie初時話小睡小刻，最後就一覺訓到大天光
其餘全部人加埋老鬼Stephen，全部堆哂o係2L03玩通頂
盡量清理幾日前買入o既過多物資，不過都係眼高手低

先係玩估人，估下邊張牌代表邊個，點解o的人會咁諗我o架？
兩副UNO溝埋一齊玩新遊戲，幾得意，開始醒覺每次都要抽牌
開始天光，揭開窗簾，慢慢過度到講選科、住hall、上莊o既事
開始少少捱唔住，趴o係度合埋眼，去Pantry沖多杯咖啡繼續撐

返房執行李，好難得今次個bag裝得哂o的o野，以前係唔得o架
次次出camp明明冇特別比入camp拎得多o野，不過就係唔夠放
一個麵包邊夠？唔該哂組爸Jacky幫我搵杯麵返o黎頂肚，飽哂

落MMW最後o既sharing，OC主席阿康重溫籌備經過，感觸流淚
單係旁觀都知o的OC花好多時間、心機為我o地freshmen搞活動
組爸組媽都好偉大，又撥扇又拎袋，下年O-camp我都想做組爸
有必要帶動freshmen嗌「Freshmen多謝各位OC同組爸組媽！」

O-camp活動o係10:30左右已經完結，不過o係中大仲有o野要做
落Sir Run Run排隊拎新鮮出爐o既學生證(中大通) + 宿舍申請表
以後要記住呢個號碼，呢個學生證號碼會跟我三年：05674614

落Franklin買PE衫，驚洗完縮水，加大碼，撞到李綺蘭、楊晴旭
反正仲o係中大，lunch過U Lib改密碼，選科就返屋企先慢慢o黎
精神上唔可能漫遊U Lib，決定返屋企，搭巴士，貪有得坐 & 訓

政政人真係好玩得，絕不介意被片，帶動旁人都全情投入地玩
O-camp之後已經正式係政政一份子，希望可以融入呢個一家庭
短短四日三夜，除o左千葉真一之外，仲識埋其他組o既政政人

＊－＊－＊－＊－＊－＊－＊－＊－＊－＊－＊－＊－＊－＊

Re Mina : 以前打探過大約係男七女三，觀察所得應該冇乜出入
　　　　不過如果只計入細O o既freshmen，竟然係男一女二

>>August 19, 2005 at 1:21:05 PM GMT+8

2005 年 8 月 16 日 星期二 【乍寒還暖】

朝早o既時間相對地鬆動，好遲先call齊人馬過MMW玩遊戲
先蒙眼搭膊頭行一大段路，最後返原地，唔知道目的為乜
模擬調查屍體發現案，OC演技好迫真，真過頭，俾人誤導

NA Can lunch全系一齊玩，癲哂，連隔離檯o既Physics都片埋一份
中大人飯前飯後都有o野玩，食飽飯，有節奏地大力拍檯重覆嗌：
One Two Three Four ! Satisfy ! Satisfy ! Ai Ya Yo ! Ai Ya Yo !
Boom Chicker Boom ! Boom Chicker Lika Chicker Lika Chicker Boom Boom !
That's All Right ! One More Time !

全個下午o係Journal大本營渡過，先o係睡夢中聽朝早案件o既解答
都算組織到事件大致上o既脈絡喇，仲差少少細節，不過唔緊要啦
之後玩o係時間表寫上o既遊戲，搭膊馬，整跌其他組頭上o既紙盒

最後冇玩呢個遊戲，因為有個相信全間中大只有政政先有o既遊戲
據聞年年O-camp都有類似o既環節，所以唔太方便公開呢part內容
只能話模擬一件突發事件，組仔組女商討佢o地會唔會做o的乜o野
真有其事，不過只係搬動o左日期，呢件事本來2005年初已經發生

UC學生會主席Samson + OC主席阿康先後向freshmen發表公開講話
鼓勵freshmen發表意見，我一早就略有所聞，所以我都鼓起勇氣講
阿康：「呢個環節結束，你o地可以返知行，Pizza陣間就會送到」
到o個陣先知呢個純粹係模擬，我一直都以為係真o架，真係好迫真

最後一晚，可惜天雨關係，原定室外o既舞會改為o係知行樓電視房
用5分鐘時間排舞，雞手鴨腳，又學跳華爾茲，Osmond唔好扮o野啦
中大人一定要識o既三隻舞……相信我o係畢業前會識跳，我冇天份
以政政O-camp主題曲為舞會作結，根據《多個牧童在一起》改詞

我o地係政政　新生正又型　政政O-camp好正經
人人望政政　睇到眼惊惊　大讚GPA好正
政政o既精英　位位都咁醒
齊齊入政政　好o野冇時停　你會天天好高興

Pizza份量其實唔算太多，因為要留肚，OC安排o左最後一晚去宵夜
o係新亞行落火車站，火炭o既津津，Medi, Physics, Biochem都o係度
原來OC搵o左班畢o左業o既老鬼一齊宵夜，介紹俾o的freshmen認識
馳名沙田雞粥果然唔錯，其他o既擺明係送酒o既小食，我冇飲啤酒

組與組之間互片，冇貨就俾人串，OC老鬼freshmen都俾人片埋一份
旁觀者可以認為呢o的係起哄，不過其實好有分寸，都志在笑下o者
所以點解一定要o係火炭宵夜，你試下00:00打後o係禾輋　咁樣嘈？
不過吾聞之咁都嘈到穗禾苑少少，年年O-camp都有警察o黎了解事件

幾個系二三百人輪流搭的士返hall，司機如果機識走多兩轉就發達喇
最後一晚，梗係唔訓啦，沖完涼，出動贊助o既即沖咖啡，捱足一晚

>>August 19, 2005 at 6:16:23 AM GMT+8

2005 年 8 月 15 日 星期一 【乍寒還暖】

難得去camp都可以訓六個鐘以上，一覺訓07:00先起身
次次中式早餐都有豬腸粉，次次都就咁擺o係度凍冰冰
天雨，原定o係嶺南場o既活動，改o係陳國本樓演講廳

o係報紙當中剪字出o黎砌信，千葉真一抽中寫封恐嚇信俾情敵
老實講，呢part內容絕對係挑戰一般大眾普遍可以接受o既尺度
睇下各組所用o的形容詞多數o係邊版剪，就知可能有人唔接受
最經典o既跌雞蛋，用工具令雞蛋從高處跌落o黎都唔爛，成功

o係崇基租校巴直接返新亞，繼續下午o既節目，模仿特技大賽
自告奮勇，先試相對地低難度o既手指拋筆，之後再試歪咀歪鼻
落蒙民偉樓玩相當複雜o既遊戲，OC briefing過後都係半懂不懂
總之就係不停玩遊戲，累積金錢、知識、經驗，類似人生遊戲

Dinner過後，日落西山先係全日o既重頭戲，o係紫霞樓出面水戰
水槍 + 裝水o既垃圾桶 + 水彈，總之就要全場所有人都成身濕哂
o個幾個大組長係重點攻擊對象，不過其實冇人可以避過兜頭淋
盡快返知行，趁其他人未返之前沖涼，再落Jester房等書院消息

7A入得中大o個o的多數都唔鍾意逸夫，冇人將逸夫擺o係第一選
Jacky + Peggy + 魚皮都係Shaw人，當然係推銷話Shaw冇乜唔好
其實又係喎，除o左遠少少，我答唔到Shaw有乜o野唔好o既地方
一直等Jacky開完OC會返o黎公布結果，最後總共三個入o左Shaw

CC : Osmond
NA : Carrie
UC : 盈盈 + Jeffie
Shaw : Teresa + Eric + Deborah

風景靚，書通份量又唔多，自成一角，靜都靜過人，其實唔錯
而且三個組爸組媽o係Shaw，有乜問題都可以好快就搵到幫手
點都好，書院只係中大o既一部分，反正我o既大本營一定係UC

Peggy媽煲綠豆沙，除o左我o地食，又請埋OC + 隔離組一齊食
返Jester房吹水，我想捱落去o架，不過眼高手低，03:00就返房

>>August 18, 2005 at 3:02:57 PM GMT+8