2003 年 4 月 18 日 星期五 【晴】

越來越愛你 陳冠希

甜美得使我太難受 可惜得一對手
捉緊了你沒有 從來亦自戀兼愛自由
臨到很想吻你時候 我突然沒法走
忘掉在這麼一個地球 我未曾玩夠

#為何越來越愛你 討好你叫我歡喜
但求入戲 你呼的氣 想一口一口貯起
越難越愛你 差些功力沒法逃避
懂得妒忌 不只好奇
這心理 痛快得生氣

(從前或者不懂這些 就當暗戀一架跑車
真多得你 終於知道愛怎寫)

還看不真你已流汗 有話題沒法講
彷徨蜜蜂找不到蜜糖 太令人沮喪

>>April 19, 2003 at 7:13:49 AM GMT+8

2003 年 4 月 17 日 星期四 【晴】

我代你哭 鄭中基

作曲:鄭中基
填詞:林夕

寧願擔心　亦期望你多找幾個情人
別這麼愛奉獻　但求自己快樂要緊
曾經一起　未留住你　都清楚你為人
越傷心你越會興奮

*還未答謝你
曾付出的跟你沒法比
寧願這福氣　來日全部回贈你
如果那個他不愛護你　准我代你哭
因你受罪是多麼滿足
離開了你　都可以代你歡笑代你哭
若痛恨誰讓我代你痛

如得不到甜言蜜語
得到知己好過
若果這個是我
盡情地傾訴像最初
誰管當初是誰做錯
將悲傷交給我
為感激你曾太愛我

Repeat *





>>April 18, 2003 at 9:46:54 AM GMT+8

2003 年 4 月 17 日 星期四 【晴】

發奮　趙頌茹

＊身邊的他待我好為我好
　最怕太快給他擁抱
　假使彼此運氣不是太好
　愛上也最終苦惱

　這邊的他待我都未算差
　也試過聯想出嫁　結果他戀上別人
　好像來渡假　走過總要回家
（一樣遺下我　不過這次劇痛程度增加）

單身都不是那麼大痛苦
愛錯卻如此可惡　人後悔才算苦

太害怕寧靜會圍住我纏住我
這麼不勇敢　才令我心急揀錯人
營造了緊張的氣氛

＃原來孤苦都需要啞忍　誰需要賤賣緣分
　最錯的一個吻　開心半晚　但卻後悔終生
　原來孤苦都可以啞忍　從前以苦難來特訓
　當午夜都不再怕　種種引誘難吸引　不哀求熱吻

Repeat＊＃

無聊便旅行　別要給他隨便接近
認真追尋　夢內那人　誰人和我才最相襯

Repeat＃

想以後　孤單都一個人　發奮


>>April 18, 2003 at 9:45:01 AM GMT+8

2003 年 4 月 17 日 星期四 【晴】

係屋企悶左成日..唔係上網就係玩icq~
再唔係就聽歌!真係好悶呀>︵<"
唔知佢家下做緊咩野呢~?好似好耐都未見過佢lu~
唉~~~


>>April 18, 2003 at 9:43:11 AM GMT+8

2003 年 4 月 17 日 星期四 【晴】

Twins H2O+既廣告好似好正咁呀~
真係好似好水喎~~~
我好想買支用下呀...點算好?...

>>April 17, 2003 at 5:57:33 PM GMT+8

2003 年 4 月 17 日 星期四 【晴】

下晏我打左俾佢...問佢散左仲係咪fd~
好彩佢都話係0者~之後咪話得閒約佢出0黎飲野傾下計果D囉!
之後佢都話ok~Then我同佢就傾左幾句好閒既計!一兩分鐘左右掛~
收線前佢就話得閒打俾我~我諗佢都係講下0者~
佢都唔會打俾我0家啦~又咪我打俾佢...
家下散左幾次都係我打俾佢!佢打過一次咁多!果一次仲係打0黎話我!
諗起都唔知有冇攪錯!散左0家啦~冇資格再話我0家啦~以前就話0者~
仲要為左...唉~算啦!都係唔好提啦!...
夜晚去左京都食飯!因為亞婆生日~
唔去唔得!雖然我去到勁悶!等左成粒幾鐘先開飯!
我0地係房度食飯!外面就有班學佬人攪結婚酒!
今次食飯我食左好多野~唔知點解...好少可...
走前出面果班學佬人有D打起架!
攪到我0地差D出唔到門口...
幾驚俾佢0地打錯呀=.="
成班人係出面吹哂雞咁...
嚇鬼死!之後返到屋企沖涼之後又上網~
Then我家姐個fd打返0黎買糖水俾我0地食~
唉...又食野啦又="=...好驚肥呀...
今晚食左好多野呀>.<"
一肥既話呢個夏天就完!唔緊要!肥就減囉~
呵呵呵~~~就家下keep住個體重啦~唔好俾佢肥!咁就0岩0家啦~
But一定要得閒做下D拉根!收腿既運動!>﹏<

>>April 17, 2003 at 5:27:06 PM GMT+8

2003 年 4 月 16 日 星期三 【晴】

而家係11點幾...我早左起身!因為我頭先又夢見佢啦~
呢期我成日都夢見佢!唉~~~頭先好想喊呀﹀︵﹀...
冇啦啦夢見12月31號果晚...
But我夢見到果時係同佢散左既...
果晚我冇打俾佢,佢都冇打俾我!就係咁好悶過左呢個12月31號~
我果晚係好掛住佢既~我就係發左呢D夢啦=.="
唉唉唉~~~攪到我又醒左唔係咁開心!
於是又起身玩電腦!我家下成日寄情於電腦度~
希望等自己有野做下唔駛亂諗野!
就係成日對住部電腦!So又成日俾人話!都唔知點解...="=

>>April 17, 2003 at 3:41:16 AM GMT+8

2003 年 4 月 15 日 星期二 【晴】

我好掛住情人節果一大紮心形波波~
我記得果渣波波有白色有藍色有粉紅色有粉紫色~
有兩支大既心形波波!分別係藍色同深粉紅色~
其他既細波波有白色,粉紅色,粉紫色~
真係好靚0家~好似好童話咁!
我又好掛住情人節果一朵粉紅色有紅色邊既玫瑰花~
朵花係未開哂0家!~
我永遠都會記得呢種玫瑰係咩色係點樣!~
呢一朵花係我咁大個女第1次收既花~
又係我既初戀情人送俾我~
雖然唔係一大紮!只係一朵~But對我0黎講就好有意思!~
就算只係一支咁多!我已經好開心~因為係佢送俾我~
-----我既初戀情人!初戀係最令人刻骨銘心...
我永遠都會記得我既初戀係點樣!~
經歷過D咩野...我既初戀情人點樣對我好過...
我同佢點樣恩愛過...
我同佢最難忘既節日就係情人節,一週年紀念日,除夕,聖誕節12月24號,26號,生日...
仲有次次同佢去睇戲我都會好開心~
我永遠都會記得我既初戀情人咩樣...
我最鍾意就係呢一種玫瑰花~~~
希望下次D男友仔可以送番呢種花俾我啦~

>>April 16, 2003 at 1:26:50 PM GMT+8

2003 年 4 月 15 日 星期二 【晴】

前日同婷婷去海濱...諗番起好多野呀~
我同鋒一齊既第2日即係一年前既12月27號!
果日婷婷佢0地約左我同鋒去跑步~
果日係我0地一齊之後第1次見面!鋒之前仲去左打波~
之後仲早到左0黎等我0地!果時我同佢都幾尷尬0家!
大家雖然之前係已經有少fds~But我同佢都未拍過拖!因此好似唔知點咁...
唉~~~估唔到一年幾後重反舊地...可惜我已經係同鋒散左lu~~~
海濱俾左我好多回憶!我同佢0黎過海濱好多次!有時仲有成班fds添~
有時一有咩節日我0地都會係果度玩既!幾開心下0家!
仲記得有一次同婷婷佢0地踩單車入左海濱!
影左唔少相!果時應該係一年前呢個時期!果時我同鋒一齊都有2,3個月lu~
But我同佢連手都未拖過~因為大家只係過後左先越0黎越恩愛~
慢慢開始成日嘈交lu...果時我脾氣真係幾差下!
可能佢之前就得我太過多啦~就壞哂我呀!
之後佢有一次話過我脾氣差!於是我有為佢改過~
可惜...反而佢d脾氣慢慢咁差lu...好惡咁...
果時我有屋企成日喊0家!因為我為左佢改左我d脾氣!反而佢脾氣仲差左!
到2月14號果日!佢仲話知之前對我冇咁好攪到我成日唔開心~
仲話日後會對我好D!之後果一個星期佢真係對我好左!But耐左少少之後又打回原狀!
慢慢佢對我既感覺變淡左...雖然佢係話之前已經對我淡左...
But佢果時都對我有好過0家!之後散前先差渣ma~
而家我打呢D日記係為左我日後有得睇番~留番個回憶!
可能我遲下睇番會笑番添呀!可能到時會覺得自己好白痴!
唉...海濱!真係一個開心既地方!又係一個傷心既地方!留左俾人好多回憶!
....................................................

>>April 16, 2003 at 5:15:40 AM GMT+8

2003 年 4 月 14 日 星期一 【陰】

琴日我冇打日記添!琴日朝早好早起身...死左返學補maths!
其實我返去都係為左見下D同學仔~
因為冇咩機會再見面0家啦=.="唉~~~好唔捨得佢0地添!
琴日訓左好少時間!訓得果3粒幾鐘!8點幾9點就起身!
真係唔想起身呀~為左返學見下佢同d同學仔!冇法啦~
But返到學校果個果仁又係度同其他班補課!
之後見到我0地著哂便服又話唔可以著便服返學!
又話唔俾化妝!又話爆頭果D!食Sssssss...啦叫佢!超~
仲趕我0地走唔俾我0地返0黎補課!幾惡呀佢!="=...
Then我0地咪行後樓梯唔經佢補課果個班房,
再上我0地補課既班房啦啦聲補完maths佢囉!
當然補完又影下相啦!可惜我果部數碼相機還左俾人lu~
攪到用人0地果D相機入下鏡咁囉!呵~~~
下晏我原本已經唔想返英文補課0家啦!
佢0地原本打算同亞肉姐講我0地著便服返!
以為亞肉姐好想我0地返就俾我0地著啦~
點知唔俾!一落到地下就見到亞肉姐!
仲係度同我0地講返學要做返個正常既學生!=.="都唔知有冇攪錯!
So原本唔想返既我更加唔想返!而佢0地都諗緊返唔返0家!
點知食完lunch之後佢0地個個都話唔返!
我諗下晏返去補英文課都冇咩人0家啦~男仔又有d唔返啦喎!
今次maths第1份卷得0分!食蛋呀~都估到0家啦~
平時上堂我當呢堂係訓覺堂!平時又唔溫書!係咁0家啦~
會考都唔知點死好啦!呢科一定係死0家啦!希望其他科可以好D啦~
下晏去左搵朱仔!因為前晚約左佢既!就係因為想搵佢傾計咪唔想返補課囉!
佢知我呢期一向都唔係咁開心掛~So咪俾我搵下佢傾下計...
Then知佢係8號打波咪過左8號果個波場同佢傾計玩射波!我唔識打波=.=...
真係好屎呀!算啦~玩下0者!我一向都唔like打波既~跳舞我就like!
其他有時玩下射波都幾好玩0家喎~因為我少玩呀ma~
我又姐手姐腳...真失敗呀!唔怪得我同鋒既興趣咁唔0岩啦~
同朱仔一齊都差唔多去左成個下晏!之後再搵婷婷~
婷婷話去跑步!而我就去左行下陪下佢~同佢傾下計行下海濱囉~
累到我呀="=...又訓得少喎~夜晚勁眼訓呀!But我都頂住冇訓到!
玩電腦又玩到好夜!之後3點幾先訓得著~
第2日即係今日就12點幾起身~之後先知TOTO打過電話俾我!
因為我原本係約左佢今日去拎錢=.="...
But我琴日訓得勁少時間,So咪遲起身囉!(平日我都係遲起身0家啦...)
咪啦啦聲起身換衫同佢去食野同拎錢囉!
因為我最近想買個黑超B同lovers house既手挽袋,
仲有super lovers既一件衫呀ma!
咪去拎錢囉~But又唔可以俾我亞媽知...一知就收得皮!
我打算遲下做part-time咪入番D錢落銀行度囉!唔係可以點0者!
家下我又咁想買呀~到時做part-time有錢入番D錢落去都可以掛~...
食完野返到屋企就係咁樣玩電腦同打日記啦~悶...
聽日打算返番去自修室溫書lu~原本打算今日0家!
But妮妮同yinyin又電髮...一電就電幾耐下0家啦!冇時間去自修室!
因為會考啦!唔溫唔得呀!唔溫就一定科科死,食蛋!
而且我讀書又咁差!我又唔like讀書!再咁落去唔係辦法!
唯有家下死死氣去溫下啦~唔知聽日又去唔去得成自修室啦~
今日唔知點解又諗番起以前同鋒一齊既日子添...﹀︵﹀...
行返同佢行過既路..少不免會有唔開心諗番起佢0家啦!
琴晚其實都有諗0家啦~So訓前又喊左一陣...唉~~~
有幾日冇喊0家啦仲咩又喊番呢?...
我下次要搵個0岩feel對我好型過佢多多聲既男友先得!
唔係咁我唔要0家!鋒原本都對我好好既...係最後散時先對我勁差...
成日發我脾氣0者!可能我同佢真係性格不合...
而且最終又有第3者掛~(雖然而家都唔係好關事)
But家下我都feel最關既係我同佢性格不合!
一早唔應該一齊~年幾感情真係唔係話淡就淡到...
我原本打算搵個水泡!可惜我接受唔到呀...唉~~~點算好﹀︵﹀...
遲下冇得點見面0家啦~一定好掛住佢啦...(家下都已經係啦=.="...)


>>April 15, 2003 at 7:40:51 AM GMT+8