2003 年 9 月 7 日 星期日 【綿綿細雨】

今日好開心!雖然今朝係好早起身...琴晚兩點幾訓=.="
訓得3粒幾鐘...
But因為今日放左學一條友行左陣銅鑼灣~
買到野^-^so開心囉~hehe~~~
Raymond今日教我0地設計概念~即係有平面設計果渣野掛~
講左成兩粒鐘關於咩叫設計!眼訓到我呀>.<
But覺得呢個亞sir多野講!有時幾好笑咁!So呢堂都幾好呀~
放左學去行街啦~買左個playboy斜咩袋^-^
Good~~~仲有好多衫想買0家>"<
可惜就快到冬天!於是唯有忍手唔買!到冬天先買衫啦~
行完就落左旺角買畫袋!E!?
原來都唔貴喎~百幾蚊就有一個!可惜個個都幾重下!
有D又好細個咁!我買果個係中side!有D好大個=.="
買完就返0黎大埔啦!12點7左右掛~係官中門口等EVA!
今朝約左佢下晏食飯~點知去到門口就見到鄧培同佢亞婆一齊!
佢亞婆都好nice呀我覺得!佢0地等鄧培個表弟一齊食lunch~
咁我0地一齊等啦~唉~~~等左幾耐下先見到EVA既出現!
中途見到好多舊同學^^好開心喔~~~太耐冇見啦實在!
見到EVA後冇耐又撞到古仔!古仔唔知返school仲咩!
之後我咪叫佢同我0地一齊食囉~於是去左南風閣度食啦!
EVA家下對官中有好多不滿咁=.="...
我都知既!果時我都好多不滿!家下仲衰過我讀果幾年!例如早左打鐘咁樣!
差一個字就係差一個字0家啦~時間真寶貴!
聽EVA講yinyin同妮妮話EVA著校服唔知點!好似係笑EVA套校服!
But我真係覺得冇咩野喎~幾好睇呀~好過以前好多!我鍾意佢對返學鞋^-^
因為係我同佢一齊買!我覺得好睇囉~唔知佢又覺得點樣!hehehe~~~
又因為太多人講佢個頭既關係!於是佢話遲下去剪短番佢喎~
冬天先0黎剪???=.="
我0地食食下鄧培又走左過0黎搵我0地!
佢話佢表弟食左兩個餐囉!真係勁!咁大食=.=...
冇耐黑鬼東同寶兒都0黎左!佢0地兩個讀同一間school!
重讀喎~聽落先知果度D人又係唔得囉~我仲以為私校D人好得既添~
之後收野果時又俾佢0地話我好似冇點食過咁!哎呀~我都唔知呀!
我食正餐係食得唔多!But食垃雜野多呢~
返學後成日唔夠訓應該會瘦番掛?
古仔家下教波!嘩~搵到唔少錢囉佢!80-100蚊教一個小朋友一粒鐘!
家下仲有幾個學生!超正呀佢!唔駛搵工都得啦~返左半個幾月都搵到8000蚊呀!
食完飯就返school傾左陣傾!學校唔同哂~小食部攪到唔知點咁!
冇哂以前既風味!吹左陣水後...我,鄧培,黑鬼東,寶兒一齊行左陣!
係catalog度睇中左對雞仔高筒鞋~哎呀>"<好想買!又係黑白色咁樣!hehehe~
對鞋要650蚊呀好似...我俾哂既話之後就冇咩錢駛囉真係!
今晚問家姐拎錢資助下先!hehe~因為出糧出左好少=.="
買個playboy袋都冇左幾百蚊了!But鍾意ma~冇法啦!hehe~~~
睇完就去左先跡岩飲野!飲完朱仔0黎到就去左波樓督波!
寶兒約左朋友4點!我又冇野做!於是咪一齊去波樓坐陣當陪下佢咁樣!
佢著住件校服呀!~好彩朱仔有件衫俾佢套住!
原本有個女人唔俾佢入去!果時佢仲未套件衫係外面!
之後我同黑鬼東你一句我一句咁樣就過左關啦!hehe~得左!Good~
坐完就同寶兒一齊走!佢就去大中!我就走左去家政行果D買布!
因為打算設計下個畫袋ma~個畫袋好似好核突咁樣=.=
唔攪下佢唔得!買左兩塊D毛毛質料既布!一有買左一碼果D好似網面既布!
唔知咩0黎!But打算做個低!哎呀>.<其實都唔係好知點樣設計0家渣!
買左返家先算了吧~hehe~~~買完就返家lu~!
今日媽媽去左我亞叔度睇住我堂細佬!呢日之後日日都會咁樣掛~
夜晚唔返0黎食!係果邊煮飯!今晚得番我同第2果個家姐!
條野唔肯煮飯=.=...唔好指意我!唔係興起既我係唔會煮!哈哈~~~

>>September 8, 2003 at 9:36:59 AM GMT+8

2003 年 9 月 6 日 星期六 【雨】

今朝10點4左右起身~之後食野,換衫,聽歌...
攪掂好就返工!But...我又唔記得左今日係星期日!
記得既話早知就早D行去K12果度搭車去火車站!
攪到又搭左的士=.="...
早左1個字返到去!Good~
shirely即係shop manager!佢又係夜晚7,8點先返0黎~
下晏我0地當然係玩多啦!hehehe~~
原來豆豆同sisi都唔想做!
因為佢0地話shirely唔識理人感受!
咁又係既...我開始都覺=.=...
新達果度D舖一向都好吉!今日星期日居然都好吉!
shirely又成日要人搶數!點搶呀?間舖咁吉呀?
再加上我只係part-time!居然做fell-time既野囉~
搵得咁少錢!係有佣呀!But一日做夠6000先有呢!
邊得呀?呢度係大埔!唔係尖咀呀!
返尖咀果時一日有成萬都有!But大埔邊度得呀?
有病呀=.="睇0黎我都就0黎唔做lu~
家下要成日行街同搭sarah搵工先>.<
唉...想做份長D既工都唔得!次次都係咁!3個月...轉左3份工=.="
下晏食下午茶~買左大家樂!果D下午茶都幾多下...
成日只食左個下午茶渣!
食完就拾倉!因為太亂了!又冇野做呀~
E!?又見到carmen喎~又經過我舖頭啦!
今次佢同佢個fd(應該係沙津)出去買書喎好似...
今日成日都係搶到3張單渣我!成績算係咁啦~間舖咁吉呀!
夜晚就好難捱!因為shirely係度...唉~~~
收舖前有多個part-time見工!佢今朝已經in左0家啦~
只係我0地請佢!So打左俾佢叫佢0黎~
佢個樣都唔係差呀~好似同我一樣大0家!
But...唔知佢又會認唔認為人工少呢?hehehe~
係間舖好玩就真係好玩!D人好0岩傾!
可惜人工係超級少!
聽日唔駛返工!But要返學!一定又頂唔順啦>0<"
太早起身了!唉.......
今日一睇...kitterick出左糧^-^
聽日放左學去銅鑼灣行下先~hehe~好想買斜咩袋呀>0<
仲要買畫袋~哎呀~超多野要買咁!
可惜...都係一條友行="=...

>>September 7, 2003 at 3:50:23 PM GMT+8

2003 年 9 月 5 日 星期五 【雨】

2003 年 9 月 5 日 星期五 【雨】

琴晚兩點幾訓!今日差唔多1點先起身!
假期當然訓多D啦~返學果時邊度有得訓咁多!?
之後玩陣電腦食下野大約3點左右出去旺角間廣益度買設計用既野~
成日都暗哂天落雨咁樣!心情差哂=.=
買完之後咪返大埔囉~點知火車係超迫人囉!
迫人到我想發脾氣><#
我一向最憎就係多人既地方0家啦!挑佢呀!
隔離又有個肥佬!後面又有個好大酒味既亞伯!頂!!!忍到我呀>︵<#
返到新達見到亞kids!我0地都係搭電梯...
but我上佢落!佢同佢個fd一齊!係度問我係咪返工=.="
我當時心情真係唔多好囉~我令頭示意唔係!
當然都隔得幾遠了!佢落我上咁樣呀!之後又問我去邊!我點答佢?
之後越0黎越遠啦!佢居然好大聲講shit!
嘿!...我唔知佢係咩意思!我唔知佢係咪shit我!
我覺得係shit我囉!咩事???>"<凸 FUCK!
攪到我更加興=.=#...本應心情已經唔多好0家啦~
之後返去BGW拎糧啦!因為我8月31號返左3粒鐘!
1號折數!5號出糧!咁咪出番俾我囉~我又有D野係果度唔記得拎!
咪順便拎囉又!點知一睇...哈...得果45蚊!
返3粒鐘得果45蚊!食屎0家?
15蚊粒鐘!興到我想圍街屌人囉!
我未試過返工做得果15蚊粒鐘!
最衰Kitterick返得少!果度都有30蚊粒鐘啦~
家下唯有邊做邊搵!搵過第2份就唔做呢份!
超超超...仆街囉~
計我做足31日!一日企足10粒鐘!一個月得果4千幾蚊!
我屌!4千幾蚊!仲要係返足喎!
我一定返唔足0家啦!我返學0家!唔係成日都可以企足10粒鐘!
一個月俾盡我咪返到廿幾日!
即係得果3千蚊左右!俾邊個駛呀?
我買一個畫袋都幾百蚊啦!車錢一個月都要幾百蚊啦!
得番果千幾!唔駛食呀?唔駛著呀?
勁同亞媽申!之後佢話佢同老豆周不時都會津貼我!
我就係唔想咁樣呀>0<"...我想自己搵自己駛呀!
之後亞媽叫我唔好做!估唔到得果咁少錢~
嘿...我都估唔到囉~
我買一對鞋都冇左幾百蚊啦!買一個袋都冇左幾百啦!
仲話買衫?點買?仲想買數碼相機!點買?
你老味呀!越講越撚興!家下真係好少可爆粗囉~
正仆街0黎0家>0<#....FUCK!
做多一個月搵到第2份我唔撚做呀!
一個月後佢唔加我錢真係唔撚做呀>0<#
我成Q日轉工!都唔知仲咩春野!
呢3個月轉左3份工都有啦~屌!唉~~~
一個sales居然得果15蚊粒鐘!M記都多過佢啦!屌!
同Kitterick對比!差一半囉真係!FUCK!!!><#
呢度仲要做得咁撚辛苦!都唔知為咩?係辛苦過Kitterick囉~
仲要搵得少!我仲以為最少都有20蚊啦!屌!
D人幾好玩都冇用啦!地方幾近都冇用啦~
唉!唔Q知呀!過多一個月睇下點樣先啦!唯有搵多份工!>︵<#屌!
凸-_-凸 part-time做既野係同fell-time一樣!
錢就差咁撚遠!你老味>0<#...係唔係蝦我呀?凸-_-凸
唉~~~家下又唔知有冇佣收!有得收又另一會事啦!
咁就可以多D錢!咁就Good啦!>︵<
豆豆買左新電話同我影相!
之後就搭K巴走人!去圖書館還書!遲左兩日!屌!
都冇時間還書呀!行返屋企途中我一路都黑住塊面返屋企囉~FUCK!=.=凸
總結:今日心情超差!差到難以形容!再有人激我真係會一支機關槍係咁射佢!=.=凸

>>September 6, 2003 at 11:23:51 AM GMT+8

2003 年 9 月 4 日 星期四 【微雨】

香港駕駛學院廣告=﹏=
一見到就開心到爆啦!哈哈哈~~~
大家得閒留意下啦>﹏<
有佢呀有佢呀~~~

>>September 5, 2003 at 3:40:40 PM GMT+8

2003 年 9 月 4 日 星期四 【微雨】

2003 年 9 月 3 日 星期三 【乍寒還暖】

琴晚終於知道亞媽關心我啦~
佢知我家下又返學又返工!仲要返兩份工!好似好博咁樣!
so佢叫我唔好掛住搵錢唔讀書果D~
其實我都係為左屋企好又為自己好先係咁返工搵錢!
今晚一返到屋企我就大叫:好累呀~
咁樣!
But我亞媽冇話我喎~居然話:好累呢?~
咁樣!=.="
真係少可喎~唔話我真係偷笑啦!
遲下有時間出糧有時間既話希望可以同亞媽出街行街啦~
女仔同女人一樣鍾意扮靚^-^
so好想買衫果D亞媽呀~
努力搵錢!
But家下我真係周身骨痛!個肩頭好痛!對腳好痛!
一返學就訓得果3,4粒鐘!好眼訓好累~
唉~~~辛苦既時間唔會挨好耐既0者!努力呀>︵<

>>September 4, 2003 at 4:55:45 PM GMT+8

2003 年 9 月 3 日 星期三 【乍寒還暖】

琴晚睇TV睇到差唔多兩點!因為睇番容祖兒果套!(叫左家姐錄!)
我驚遲到!於是訓廳啦又!點知大果個兩點幾返!
一返0黎係開哂燈...咩都開哂=.="
攪到我訓唔到!於是我死死氣咁返入房!攪到成3點先訓!唉~~~
訓得果3粒幾鐘!朝早起身好唔想返學...
嘩~0岩0岩先開學!咩事咁快唔想返?唔得喎!唉~~~="=
如常咁返school啦~今日素描堂!Good!
好可惜...家下居然畫番基本野!即係圓形,正方形果D呢!~
係科我0地班Art既人就知我0地0岩0岩f.4讀art時都畫過!
係啦!~就係果D...就係果D啦>0<"
今日畫番先知...真係咩野都要由基本做起0家!
我覺得自己水準真係唔係太好=.="...有時間真係要操操!
10點7左右放啦~之後就去左搭地鐵,火車果D!
係大埔墟火車站見到朱仔!同我一樣0岩0岩落車!E!?
原來係同一班火車喎!Y我搭果時見唔到佢?
之後又見到sisi~佢好趕咁樣開舖!哈哈~~~(開11點半)
上新達條電梯度佢終於見到我!仲有...原來佢後面果個係佢亞媽!
我都好耐好耐冇同亞媽出街啦>"<
同佢傾左幾句就走人!而我就返入舖頭!返到去冇耐就去買野食!
成朝都未食過野呀!餓死!
食完野間舖又係好吉!之後係咁傾計啦同sisi~
冇耐企係門口度見到carmen喎~佢hi我!同佢傾左幾句~hehehe~
原來佢去上水打羽毛球!
冇耐又有另一個女仔係度hi我!佢話佢係識我!仲講左我全名~
之後我話:你係...?
佢就話:都估到你唔認得我!算啦~
我問佢點解知我全名!之後佢話我緊係記得啦~
就係咁!最終佢都冇講佢係邊個!家下仲係一個迷~好大個問號囉我真係!
係我小學同學0黎定係之前跳舞既?定一係我係第2度識佢0家?
哎呀>0<"我真係唔知佢係邊個0黎呀!!!
4點豆豆都返0黎!佢買左好多野!之前去左行街呀佢!我都好耐冇行過~
黃昏時候 shop manager返左!佢本身做office!因為間舖係新!
So搵佢做大埔果間shop manager!佢琴日成日都係office唔係舖度!
返0黎之後係8點幾係咁教我野...要我有進步果D!
教我做sales既野...=.="一講講到10點幾!嘩~我真係好累!超頂唔順囉~
返到屋企11點幾先食飯!真係好肚餓~
對腳痛到我XX咁!我未試過企咁耐囉真係!企成10-11粒鐘!
之前Quiksilver都係9粒鐘渣ma!唉....行返屋企果時真係辛苦!
坐係度都扯住痛咁囉=.="...個肩頭又痛!
搭火車返0黎返工時已經覺得對腳累0家啦!
因為搭火車地鐵唯一唔好既地方就係冇得坐!
心諗:仆街啦!咁快腳累,一陣返工咪食屎?
哈~點知放工真係累到仆街咁!行返0黎果時都好似企唔穩咁!
開始感到壓力!半工讀唔係一樣易事!係真既~=.=
星期日要返12點!因為星期日多人喎~
又話呢兩日放我假!雖然係放我假!But我聽日都要返第2度工!
即係冇假放呀都係!

>>September 4, 2003 at 4:08:28 PM GMT+8

2003 年 9 月 2 日 星期二 【乍寒還暖】

今日又係6點半起身!遲左少少出門口!But我都係早左返到school!
今日居然係校長代堂!因為果個亞sir因一D事0黎唔到上堂!
校長真係勁!佢超多野講囉~But都係講關鍵設計D野!
我上堂時眼訓到我呀=.="頂唔順呀真係!10點半又準時放學!
之後就就即刻搭車返家!因為好眼訓!訓得果4粒鐘渣!>0<"
返到大埔就打返去BGW問下駛唔駛返!佢0地叫我返6點!
之後我就返家食野!又訓~訓訓下3點幾左右BGW打0黎叫我返5點!
ok~唔駛要啦!返早D都冇問題啦!咁近呀~
起身時見到部腦整好左!家姐拎左去整!GOOD~
原來個D壞左!mouse又壞左!話咁快整完一起身就可以完!
So我即刻打返8月31號既日記!
But打完9月1號日記就話我未登入=.="
攪到成編冇左!冇耐夠鐘返工!So到左夜晚返到家先打!
今日返工sisi佢早走!於是我頂佢!
夜晚得番我同豆豆兩個人係度睇舖!
時間過得好快~我0地冇人時係咁傾計!
到左夜晚差唔多10點見到妮同yin~佢0地0岩0岩經過我間舖見到我就入左0黎!
佢0地又睇衫又同我傾計!我係咁叫佢0地買!哈哈~
Then冇耐就收工!佢0地等我一齊返家lu~
返到家食飯,沖涼!Then就玩電腦玩到家下啦!唔知今晚又幾點訓!
聽日返BGW 12點!即係放左學就即刻去返工!
So返到去先食lunch啦!
後日星期5,5點返F.C.K!因為我同左BGW講我星期5唔得閒返!
我仲係呃住BGW返F.C.K 0家渣!
因為我見工時同BGW講我冇做F.C.K=.="
果時我以為佢抄左我!點知冇!都好呀~搵多D錢返多份呀!
F.C.K都唔係成日返!一星期返一,兩日!有時仲唔駛返添~

>>September 3, 2003 at 4:34:15 PM GMT+8

2003 年 9 月 1 日 星期一 【驟雨】

琴晚返返下工已經打左1號風球!今朝已經變左3號!下晏仲掛左8號添~
夜晚8點幾仲掛左9號!呢個風好勁!雙風眼呀因為!
今朝6點半起身!成日驚唔知醒!So訓下醒下咁樣!而且又夜訓!
返學時好累好累好累...
7點出門口!8點4返到去!第2個返到去!Good~
好多同學都好遲先到!過左9點都仲未到就當遲到喎~
事實我0地係8點半上堂0家!
But...原來我果班係加開既一班!叫23H12!原本果班係23H11!
因為多人報名!而且我又遲報名!
另隔同我0地讀同一個學系既班D人型D!
我果班D人就...唉~唔好提!俾我感覺中學時代D人好D咁囉~hehehe~
今日係第1堂就上素描堂!個miss幾好人!好nice!~話叫我0地叫佢文英得啦!
佢姓翏!原來果度叫D miss亞sir唔係叫miss亞sir!而係叫佢0地既英文叫或者係花名!
上上下堂又要成班買畫簿同兩支筆!一支B一支6B!
因為要練下手腕果D~
頂!我屋企都有成盒素描筆啦~攪到又駛錢去買!
如果一早知第1堂係素描堂就好!
之後準時10點半放學!Then放學時經驗畫素描間房見到有好多舊生!
其中一個好得0家!真係好型!hehehe~
咁0岩大家眼神交流!hehehe~good!~D舊生男男女女都幾型!
可能佢0地溶入左design度掛!
呢間school原本係今日派學生証!點知佢0地整唔見左我果張!
頂!!!食...s!攪到聽日先可以拎!
放左學就落左尖咀拎番D信俾sarah!之後就搭271返家!
當然搭車時又係訓著左啦~
But我訓著左時F.C.K又打過俾我!我又冇聽到!算啦~聽日先覆番佢!
返到家即食野!之後又訓!哈~真係太累了!一日訓得果4,5粒鐘左右!
訓醒起身掛8號!So我打左電話返去問駛唔駛返!
點知冇人聽!於是我冒住8號風球走左去睇下駛唔駛返!
點知真係唔駛!都估到!之後又返家休息!又想訓...唉="=真辛苦!
又悶喎!唔駛返工又冇電腦玩!唉~~~仲想玩添!
我家下又冇時間去整部腦喎!唉!~~~
到夜晚食飯係好人齊囉!真係難得!老豆同大果個都係度!
老豆早放工!因打風!大果個咁0岩今日放假!
我又問佢拎錢啦>0<"...因為真係唔夠駛!又未出糧!7號先出!
夜晚做廳長!點知...好熱=.="再加上下晏休息得太多!訓唔著!
可能我仲未慣早訓掛~兩點幾先訓著!又係訓下醒下咁樣!
夜晚聽收音機時已經掛番3號風球lu!即係聽日要返學!

>>September 3, 2003 at 4:34:02 PM GMT+8