2003 年 10 月 20 日 星期一 【晴】

唉...今朝唔多想起身="=...辛苦...
之後出門口!首先去7仔入8達通!再而去左報紙擋買左本書!
因為我見係hysteric mini!得意死!又冇野做!咪買0黎睇下囉~
等K巴既時候見番果個男仔...我之前話幾型果個...
其實我一星期都會見到佢一兩次左右!
哈哈~唔知我係唔係望得佢太入神...俾佢發現左=.="
佢望番我!hehehe~~~唔知佢幾多歲...
今日好少人上堂...得果14個...素描堂都咁少人...
一星期點都有一兩日係咁少人上堂!唔知咩事?
唔通呢班就0黎要散?唔通D人真係唔想讀?
點解咁快?我真係唔想="=...
今日上堂好悶...亞盈又係冇返!
(下晏同佢chat話佢星期一唔知醒!今日就去銀行攪D野...)
我上堂時都冇點傾計!幾專心畫畫!今堂係畫果D咀唇同耳果D石膏...
嘩~難到爆!我就咁畫未素都已經畫左幾耐下啦!畫極都唔似既!
當然到左落堂都仲未畫完啦~次次都係咁!
得果兩粒鐘...係唔夠時間畫0家啦!
再加上畫之前我仲用左一D時間去睇本書!
話落堂果時我都仲想畫...因為畫得專心!好少可0家ma!
落堂之後又係同亞倩去食個早飯~
食完又坐多陣!之後送完佢搭bus我就走人返家lu!
我今日又係搭MTR之後轉bus!唉...我唔識行去搭船呀!
識行既話咁我咪可以搭船到尖咀之後再搭271返家囉~
上到bus好累...訓!到左大埔都仲想訓!
落車後仲死死氣咁返家!好累...好眼訓呀>0<
返到屋企玩左陣電腦!估唔到今日早返屋企就有咁多人同我chat^^
12點9左右玩到成兩點幾先唔玩=.=".....
之後就睇下雜誌~冇耐就返左入房訓...一訓又訓左成兩粒鐘!
唉="=...今晚又唔知幾點訓lu~
唉....................................................
PS:今日一睇先知原來好耐都冇見過有人係我個日記度留言...

>>October 21, 2003 at 10:01:58 AM GMT+8

2003 年 10 月 19 日 星期日 【晴】

今朝起身仲傻傻下...我一向響完手提就響鬧鐘!
咁響左手提之後我仲係咁望住部手提...
哈哈哈~我唔記得左今日要返學咁!以為有人打俾我!真係傻=.="
今朝返學唔係太舒服...或者唔夠訓既關係吧!
琴晚同亞盈chat佢又話返學又話放左學陪佢剪頭髮!
點知...佢今日又係冇返學=.=...唉~~~都估到啦!
on到點幾果時佢仲做緊功能!
一返到school入班房...D人可能睇唔慣我個頭吧!
知我剪左頭髮...個個好似好大反應咁樣!唉~~~
有D人仲話我個頭攪野...亞倩話我剪左好似大個左D咁!
仲有...我開始發覺呢班D男仔唔止淫!仲好串!唔好迫我脾氣=.=凸(Fuck U~~~)
落左堂之後就同亞倩食個早餐!好彩佢有返學0者!
唔係我真係爆早返家囉~其實今日我都幾早返到家...
1點前已經返到!同佢食野果時都坐左陣傾左陣計先走0家啦~
我搭MTR到油麻地再轉271返家!因為我唔想成日係咁企係度!
再加上有點累...返到屋企大約點幾就訓著左...
一訓就訓到4點半!勁!睇怕今晚都唔駛訓lu~
唯有訓唔著就做下功課啦/.\...
繪圖我有兩份功課未做...聽日一次過做哂好唔掂!
起身冇耐又如常地Chat~同亞呂chat...唉...
好多時都係講起聖誕節...我知佢好重視聖誕節...
再加上...唉...家下都唔係得佢一個冇拖拍...慘...灰...
好多人都會有呢種感覺...唉~~~
呢家野可遇不可求!我都唔強求咁多lu...
有時獨行俠...都唔係一件壞事呀...
唉.................攪到我今日心情又唔知點樣咁lu...

>>October 20, 2003 at 10:03:49 AM GMT+8

2003 年 10 月 19 日 星期日 【晴】

『葉子的離開，是因為風的追求，還是樹的不挽留。』
++++++++++++++++++++++++++++++++++++++++++++++++++++++++
為什麼女人一定要男朋友？為什麼候鳥到冬天要南飛？
上古時代遺傳因子，屆時便要發作。
男女之間的事，成則為王，敗則為寇，變幻無窮，
無窮無盡，有人歡喜有人愁，一向如此。
+++++++++++++++++++++++++++++++++++++++++++++++++++
做人，其實沒有多大意思，飛逝的時光，
有限的歡愉，無限的辛酸；
但是，為什麼人人戀戀難捨，不住在紅塵中打滾
+++++++++++++++++++++++++++++++++++++++++++++++++++++++
有一類人最悲哀，永遠不向安全溫暖的家庭生活妥協，
情願走一條顛沛流離的感情路，卻從來沒想過，
即使願意付出重大代價，世上也許並無真愛。
++++++++++++++++++++++++++++++++++++++++++++++++
『童話世界裡縱有悲劇也是浪漫美麗，
人世間的悲劇卻泰半骯髒猥瑣。』

>>October 20, 2003 at 9:48:17 AM GMT+8

2003 年 10 月 18 日 星期六 【晴】

今日11點幾起身...早左喎~琴晚3點左右訓啦!
今朝發左兩次夢...兩次都喊醒左!第2次攪到唔想訓="=....唉~
而且我堂細佬朝早0黎左我屋企!係因為我亞叔上0黎整電腦!
唉...我起身果時只係聽到佢0地把聲同見到佢0地背影渣!
當我洗完頭攪掂好哂出0黎時佢0地都已經走左lu=.="
真係無緣咁樣呀...唉~~~
Then起身冇耐就畫我既功課啦~
畫好就玩下ICQ~chat!o...睇一睇先知原來我想睇果套戲仲未上映!
於是要遲多十日先可以再同班同學一齊去睇戲lu~
咪同亞呂講囉~佢就話佢個fd話踩單車!
咁有益呀?朝早太早起身下晏再去踩單車真係驚死人!
But如果有人去我去都冇所謂既~
好可惜最終都係冇人去!咁當然係0家啦!假期就話有人去下0者!
下晏3點幾大果個家姐返0黎...原來佢條野今日放假!
一返0黎就叫我幫佢織頸巾=.=...佢應該係送俾人啦~
又急又趕喎!佢惡我話唔幫佢下個月就唔俾錢我駛!
咁冇法啦~鬼叫我家下冇工返咩!冇錢就靠屋企人0家啦!
之後死死氣極快手咁幫佢織左一舊冷!大約5點左右見累累地咪chat下囉~
咁0岩carman就add我話一齊出去大中行下!
因為佢都要買野...
哦?都好呀~而且我點都要出去影印!咁就拿拿聲出左去!
首先陪左佢去禁錢!Then先影印同買佢買既野~
哈哈哈~可能第1次同佢一齊出去行下啦~
我0地係大中度行左幾個圈咁=.="...
影印完之後就搵下冷買...
因為大果個買得果兩舊冷!根本唔夠用!兩舊唔夠織一條頸巾!
佢條野仲要係上水度買冷!妖!大埔又冇咩冷舖!真係好難搵0家喎~
之後行到6點幾就返家lu~
返到屋企7點幾咪食飯囉~食完飯再幫我家姐織=.="
終於織左兩舊冷!哈哈~快手呢~~織完就做功課!
我下晏係影印我D功課,then夜晚再上色果渣野啦~
攪掂好哂就洗白白同做下mask~hehehe~~~
之後再chatting~~~
唔知聽日放學又有咩好做呢?家下又冇得睇戲住...唉~~~

>>October 19, 2003 at 2:10:48 PM GMT+8

2003 年 10 月 17 日 星期五 【晴】

琴晚同亞盈都chat左幾耐下!
傾傾下佢話粉晶有助異性緣~
佢話佢買左之後就多左異性緣喎!~
我諗...我遲下睇下點樣先再打算買唔買啦!
Then織左陣頸巾先訓...大約兩點左右訓啦~
今朝12點幾先起身...
一起身就玩下電腦...悶.....之後食下野係咁織頸巾...
o...差唔多完成成條頸巾lu~一邊聽歌一邊織!
再加上成日都冇野好做...ICQ個個都away同N/A咁樣!
悶死人啦>0<"
下晏冇啦啦有掛號!哦?原來係家姐果個會考証書!
呀~~~就係啦!遲下我就係要返school拎呢個張咁既野!
亞媽下晏係度唔知整咩西米露果D...
Then我又再織...織...織...一邊織一邊chatting~
亞媽同老豆今晚去屯門食飯!因為我表哥新屋入伙!
妖...唔鬼去啦!夜晚又唔知食咩!又食屎啦!
成日都冇好飯食!唔識煮飯真係煩!頂!!!
今日心情都唔係太好...唉="=好煩呀頂!!!

>>October 18, 2003 at 9:43:27 AM GMT+8

2003 年 10 月 17 日 星期五 【晴】

你來敲門時他沒心情開門，
待你受傷心灰走開，
另一人輕輕走過，
門卻為他開啟，
他順利進入心扉......
那道門不屬於你，你進不去。
========================================
真正的愛情教人歡愉，如果覺得痛苦，
一定是出了錯，須即時結束，從頭再來。
========================================================
你現在快樂，是為著一個人；
悲傷，也是為著同一個人。
即然這個人對你那麼重要，若有瑕疵也得包疪，莫因小失大。
============================================================
如果你愛上一朵花，夜間，抬頭看星空，
天上所有的星都是花朵……一切都好像已經過去了，
往往以為十年是一個世紀，而天上所有的星，都是他所愛的人。
=============================================================
年輕真好，縱然一無所有，青春便是無價寶。
人人擁有一次青春，即使是老太太，也光輝燦爛地年輕過。

>>October 18, 2003 at 5:04:07 AM GMT+8

2003 年 10 月 16 日 星期四 【晴】

琴晚又係早左訓!12點幾已經訓著左lu~
今朝11點起身!Good呀>0<
之後一路係度換下衫聽下歌~12點幾就出左去lu!
因為琴晚EVA打0黎話同美蘭子食lunch~
咁咪一齊囉~有我,EVA,美能,yeeyin同shan都一齊食!
好耐都未見過美能啦喎~
原本打算係大家樂食!點知多人!之後去左美心!
美心都係多人!我0地出左出面度坐!出面一定冇人坐!
雖然係冇冷氣!But有陣陣既涼風吹下~個feel都幾好呀~
一邊食一邊傾下計!耐冇見!好多野傾!好開心=﹏=
可能遲下會去陸運會!遲下11月又要返school拎唔知咩証書果D~
Then食完就送EVA,yeeyin,美蘭子返school!
Shan走先!我同美能就去左打機~
打打下美能個fd 0黎左!佢0地約左出去MK賣電話!
因為美能想買電話!
Then我就一條友係大埔行左成粒鐘~
我一早就約左精蟲佢0地打算同miss chan chan一齊食3點3!
咁咪唔打算又返過屋企再出0黎囉~
好啦~終於到佢0地放學時間啦!點知miss chan chan唔知攪咩!
要4點幾先得啦~
於是我0地(精蟲,彬彬,肥布,鋒同RB)就去左school後面個籃球場度坐!
當然地佢0地又煲煙仔啦!~好似係度食草咁樣=.="
等到成4點幾!再打俾miss chan chan!點知話要湊女...
o...白等...咁見miss都唔出0黎囉!大家咪散水走人囉~
而精蟲就同RB去左美心度食野!
遲下大埔會開izzue,b+ab同double park喎!正呀>0<頂~正到無論呀>0<
如果開K-2仲好呀>0<咁就係大埔行街唔係問題!
But...如果大埔有得睇戲同唱K就好lu~唉~~~
大埔得打機!根本冇野好娛樂既>"<
今日俾佢0地見到我個新頭~佢0地都冇話核突...
But我有可能走去電=.="...睇下亞媽俾唔俾錢我先!
哈哈~大果個買左隻香水!幾好聞!係爽身粉味0黎0家!幾好~
攪到我開始學人噴香水添=﹏=

>>October 17, 2003 at 11:13:26 AM GMT+8

2003 年 10 月 16 日 星期四 【晴】

2003 年 10 月 15 日 星期三 【晴】

琴晚好早訓左...8點幾已經覺得好眼訓
之後死頂睇TV!因為我好想睇呀>0<
11點前就訓著左lu~一訓訓到5點幾先醒一醒=.="
今朝返學我唔係著好多衫渣喎~覺得今日比琴日暖番咁!
But今日遲左出門口,so遲左返學!一返到school樓下見到好多人!
首先見到亞呂個背影~Then見到係流冰場做果條友!
再而見到Jason!佢拖住佢女朋友...佢女朋友幾靚...
係咁0家啦...家下D男仔就係唔靚既就唔溝!
上到去又係畫素描~亞盈同亞倩冇返...悶!
係咁畫係咁畫...今日亞呂坐左係隔離!
So都同佢玩下傾下計咁!亞星今日又係咁攪笑~hehehe~
佢0地班男仔今日大談攪基呢家野...
我家下都係度諗緊自己會唔會鍾意女=.="...唉~
放左學就即走人返0黎寶湖度剪頭髮!
嘩~幾好呀!點解?間野既室內設計好啦~
而且幫我剪頭果個男仔係爆頭既男仔0黎0家=﹏=
黑色既爆頭!佢講野好斯文!好得意^-^
呢間野係汁yin介紹既~Then有個女幫我剪!
我初時勁驚俾女剪囉=.="因為女剪多數唔得0家ma~
果個女仔我覺得佢幾型又爆頭又有紋身!
仲要係紋係頸度!我鍾意果個位置呢~
剪緊果時又傾下計咁啦~剪完出0黎幾好呀都!
前面D陰係斜既齊陰咁樣!長度係過左肩多D!剪短左~
好似有少少rock味咁~都幾好呀~唔差!我覺得...
But剪完返到家俾第2個家姐笑囉!因為佢一向唔like齊陰ma~
可能我之前生到好長咁...咁一下子剪左睇唔慣掛~
下晏就織頸巾!因為琴日係旺角買左冷~
Then玩下電腦~夜晚就整壽司同飯團食!哈~
PS:中國成功有太空人飛上月球!雖然係一件開心既事!
雖然第1位太空人升上月球係中國人既驕傲!But...我覺得中國好鬼落後呀真係!
遲過外國成廿年先可以成功!完全唔得囉~
So我一方面諗...呢D唔係咁值得開心0者...
中國身為大國...都咁落後...中國...真係要努力多好多先可以追番果廿年啦!

>>October 17, 2003 at 5:19:11 PM GMT+8

2003 年 10 月 14 日 星期二 【微雨】

琴晚原本好早返左入房!因為病=.="唔係咁舒服!
於是咪早左返入房囉~再加上亞媽係咁煩我!
真係好煩!唔想同佢嘈!返左入房冇耐Jason打0黎!
傾左兩句就收線lu~收左線之後諗下都唔知佢0黎仲咩=.="?
之後成兩點幾先訓得著=.="....唉~又訓唔著!
朝早一起身好似好凍咁!可能因為病病地關係啦~
Then返到學校!入到班房!仲以為咩事!有4個人同我一樣著格仔衫=.="
有Jason,小葵同亞星都係著格仔衫!
你要咩既格仔都可以係度搵到!哈哈~~~
今日上繪圖!我冇做到功課!冇得交~
上堂成堂都係度唔知攪D咩野!又要畫深佢又話點樣果樣!
唉!~都唔知點樣講我做緊咩!
落堂前校長冇啦啦要留低我0地去隔離班一齊聽佢9up!
原來佢話我0地有人係學校食煙果D...
妖~真係煩!
落左堂之後我,盈,倩,Jason,呂同佢個朋友一齊去左銅鑼灣唱K!
嘩~一放學就即去唱!11點幾左右唱啦~唱到4點!都係35蚊!低呀~
But我冇點食野...病病地冇胃口食!
可能唱得太耐時間!而且我0地又熟左唔係好耐!
好似冇咩野玩咁...亞呂佢好白痴!哈哈~
成日做D白痴動作!講D野又係好白痴!
唱完之後攪到成身煙味=.="因為佢0地班人食煙囉又...
Then我0地3個女仔就行陣啦~佢0地3個男仔走先!
行到去銅鑼灣地帶又見到Jason喎~佢一條友!亞呂同佢朋友走左...
於是佢一個男仔同我0地3個女仔行街!~
佢又話想買帽!哈~當自己想買既時候係好難搵得0岩0家!
一路行下買下糖玩下...Jason係咁質人食糖=.=...
而且佢可以係條街度撩人講野囉~真係勁!果D仲要係妹妹仔...
大約5點左右我0地就落旺角!Jason就走左~
去到瓊華度買冷~咁就冇左差唔多成200蚊=.="...
算啦~而家織定都差唔多0家啦~
買完就去搭271!亞盈同亞倩陪我等Bus~
唉...仲打算有位坐先搭Bus啦!點知冇!企!累到我呀~
對腳有D痛=.="...可能因為放工時間吧="=.....冇位坐!
今日食左超少野...可以話食左一餐左右渣!
一病就食得少野!咁都好~可以瘦D!hehehe~~~

>>October 15, 2003 at 11:15:43 AM GMT+8