2003 年 9 月 25 日 星期四 【晴】

琴晚嚇死我!
我屋企係一個月前已經發現有隻4腳蛇係櫃後面!
因為話說某一日發現佢以極速既身手懶左入去!
Then一直都唔見佢既縱影!
到兩個星期前再發現到佢!But當然以佢咁好既身手又好快咁懶番入櫃後面!
琴晚!我同家姐再度見到佢!仲要係凌晨兩點幾見到!
嘩~~~係啡色!今次睇得好清楚!
當然地以身手不凡的牠再次入番櫃入面!
But同時我0地又見到有另一隻係窗布果邊懶入去櫃後面!
唔通佢識得分身?定係有兩隻係屋企呀>0<
好恐怖!勁驚!唔夠膽行過個櫃返入房訓!
總之就好想愛癲好驚啦>0<"
家下點算!?佢唔係係度生哂渣呀???救命!!!
果時同緊亞呂chat緊!佢叫我捉左佢!冇野呀?>0<
捉???我未大叫已經算好好啦!~
唉...我老豆老母幾時捉走佢0家>"<
今日好悶...真係好悶...悶到我係我個留言板度畫左兩幅畫!
又唔想出街...有4本書係今日要還!
But我冇出到去還!算!罰錢就罰啦>︵<
下晏...整相上網!TOTO send番D相俾我!
攪攪下冇耐亞杞打0黎!
哈~好意外喎~之後就同佢傾左陣計!
Then一直聽下歌...
食飯前再畫留言畫板="=
唉~~~呢D日子真係苦悶!
我幾時先有工返呀?>"<
我根本唔知自己可以做咩工!
再加上...我唔知可以搵邊個陪我去搵工!
唉~~~心情又唔知點樣咁啦!

>>September 26, 2003 at 11:23:51 AM GMT+8

2003 年 9 月 25 日 星期四 【晴】

又有新相簿:http://hk.f2.pg.photos.yahoo.com/kwokeriko
以前的相簿:http://hk.photos.yahoo.com/eriko_kwok711
http://hk.f1.pg.photos.yahoo.com/erikokwok711
http://hk.f2.pg.photos.yahoo.com/hysteric_eriko
堂細佬的相:http://hk.f2.pg.photos.yahoo.com/erikokokwok
http://hk.f2.pg.photos.yahoo.com/maksim_eriko
太多相啦>0<
本新相簿我會不斷更新!
影下近期返學D相0家啦~哈!~

>>September 26, 2003 at 9:02:49 AM GMT+8

2003 年 9 月 24 日 星期三 【晴】

我不想有希望...
根本是沒有希望...
好憎自己>0<............
冇將來.....
想放棄




上帝,請賜予我夜空中無數閃耀的,
專屬於我的星星,專屬於我的光明,
其中一顆星星,來溫暖我的心胸...






青春又如方糖...
人總是貪新忘舊的

>>September 26, 2003 at 6:28:18 AM GMT+8

2003 年 9 月 24 日 星期三 【晴】

今日素描堂miss好似唔係咁老脾咁樣!
鬼咩~我0地班係咁玩呀!
雖然我都有!But我係邊畫邊傾計講野0家喎~
我冇停哂手呀都!
唉~~~亞方即係余文樂佢讀完呢個月唔讀啦!
佢話一開始唔知呢度係讀3年咁多>0<
話轉去大一度讀!因為果度冇讀咁耐!
再加上佢份工辛苦...唉~唔想少左個朋友仔囉~
佢係男仔之中係最好人果個0黎啦!
而打波果個女仔就好似照讀設計喎!~
今日又0黎多左個新同學!係女仔0黎既~
佢幾好傾0家!哈~佢第1日返學已經俾我問拎ICQ啦>0<
佢做萬寧既!話佢又搬又抬喎!好辛苦喎呢份工又係!
But佢係fell-time 0黎既~
Jason即係麥當勞叔叔今日就冇咩野講咁!真係好好好少可~
唔知咩事...
而亞君呢佢今日冇點俾我串喎!
最後miss放學前講下D功課佢仲係度嘈!
So最終咪俾我串兩咀囉!好憎佢!佢個格好有問題!!!
咁大個人好心佢自制下啦~Miss一睇就知想發脾氣!
仲唔醒水!正低B!
放左學就同亞盈食lunch!因為好累關係...
原本係約左鄧培佢0地食都冇去到lu~
又見亞盈得一個人食!我又未食!咪一齊囉~
唉~~~今日上堂好多蚊呀>0<"
我最憎呢D野!一見到呢D野我會癲0家!
其實星期二果堂素描已經有0家!我相信附近一定有個<鬥>係度!
同亞盈食完飯就返家lu~唉~~~真係好累呀>0<
訓左陣...就約左TOTO拎相機俾佢!又借左4本漫畫!
新書聽日還!So今日必定要睇哂佢!
之後又陪佢食飯!因為佢返夜校~食左飯先返學!
可能太耐冇見!有好多野傾!之後大約5點10就各自走lu~
佢就約左人一齊返school!~
返到屋企再過我既平淡的生活="=........唉~~~

>>September 25, 2003 at 10:23:05 AM GMT+8

2003 年 9 月 23 日 星期二 【晴】

朝早返學遲左少少~其實冇遲既~只係我行得慢0者!~
唉~~~係KCR又見到琴日果個男人!
果個男人可能精神有D問題!同琴日一樣!
由大埔墟一出火車就即刻好大聲咁講左一D野!
果番話同琴日果番話係一樣既!我好記得!
琴日朝早就覺得恐怖啦~以為佢會搵刀去隊人!
點知冇!我唔知佢係想突出自己定係點樣!
今日見番我已經冇咩感覺!
搭KCR途中佢仲訓著左=.="哈!咩事?真係唔知呀...
唉~~~今堂又係畫果D咁既繒畫!
我真係唔知咩0黎!好難呀>"<
我好想有人幫到我!唉........
今日上堂唔係咁開心!我再一次俾人話我個中文名男仔!
我一定會記得有咩人串我個中文名0家!
我夠知似男仔名囉~話完似男仔名就算啦~
仲要好唔經大腦又好唔理人感受咁樣係咁起哂花名!
超低B囉~咩事呀???屌!
好!我忍你!But我開始對果個人有反感!
唔係咁拖佢!佢個格平時已經令我憎佢!
今次佢踩中我!哈哈~佢收得皮啦=.=+
聽日返學見佢再踩我就見佢一獲串佢一獲!
我話明呢期心情極差0家啦>"<
仲踩落0黎?你老味呀>0<
攪到我覺得唔係咁like係呢間度school啦!頂!!!
估唔到咁快就唔拖一個人!仲要對住3年!
好耐都未試過咁樣唔拖一個人囉>︵<"
放左學就陪亞盈買M記!Then就返大埔搵EVA佢0地食飯!
都係同你0地一齊開心好多>︵<
你0地帶俾我好多歡樂!
精蟲今日係度扮馮德倫係新鮮人果度果個角色!
係條街度抽哂筋咁樣!哈哈哈~~~笑爆我!
我真係好耐未試過笑得咁開心啦!
家下係school都冇咩機會可以笑得開心!
根本係冇機!因為我果班D人好似一組組咁樣!
讀書樣果D當然係一組啦~而我...
我真係唔知自己係邊一姐囉~
亞呂叫我同佢0地玩!唉~~~我真係唔知呀="=
唔通去到第2間school讀書都係同男仔玩多過同女仔麼?
講番精蟲佢0地先!我係條街度已經想扮唔識佢0地0家啦!
哈哈~But當我見到佢係度扮緊抽筋既時候!
笑到我呀!簡直就係冇力行!哈哈哈~~~
之後EVA同彬彬就返學先啦!佢0地兩條友仲係度扮緊!
咁就得番我一個女仔啦!精蟲同鄧培係咁叫我全名!
仲要抽哂筋咁樣叫救命呀~~~咁樣!hehehehe~~~超低能!
But真係唔低能就冇得好似今日咁樣咁開心笑0家啦~
行到大廣彬彬打0黎話俾番銀包EVA!
E!?係喎~唔記得俾番佢!之後我一個人行番轉頭俾番佢!
Then再一個人行返屋企樓下間welcome入貨!
家下亞媽成日唔係家!攪到屋企D野食長期短缺!
連公仔麵都冇包囉=.="...咁我係咪好應該去入下貨呢?
買完就返家玩ICQ~再訓左陣...之後又玩ICQ...
唉~~~日日如事...真係好想搵到份工呀>0<
我呢幾日都冇搵過工="=...唉~~~
PS:我果班有個打波既女仔連續第2日冇返學啦!
唉~~~唔知佢係咪唔讀!因為我聽過佢話佢會讀番F.5!
唔想>"<唔想咁快冇左個同班同學!唔想呀>0<

>>September 24, 2003 at 11:24:51 AM GMT+8

2003 年 9 月 22 日 星期一 【陰】

今朝如常咁早起身返學!好累呀>0<
琴晚同亞呂chat左好耐!我覺得佢好得意呀>﹏<
佢講野好攪笑!~um...
如果講好人我就覺得佢同余文樂都係咁好人啦!~
But佢0地成班男仔都係食煙=.=
今日上素描堂都冇咩心機...唉~~~
唔知呀!家下畫D野好悶下!
唔同到以前中學...以前中學上art堂畫素描我真係好enjoy 0家!
可能家下仲係初學掛~So畫D野真係好悶呀>0<
新插班果個女仔明明係返左0黎上堂!點知miss未到佢就走左人啦~
哎呀~我覺得佢份人好怪=.="真係唔知咩事!好自閉下呀佢!
唔出聲0家=.="我又唔夠膽同佢講野...因為覺得佢好恐怖咁樣!
明明係返0黎!仲咩唔坐多兩粒鐘畫下畫呢?
上堂如常咁傾計!有個男仔叫亞星!
嘩~原來佢係跳舞0家>﹏<
真係唔知呢~睇唔出!仲做過dancer!係dancer呀>0<
我都好想好想好想做呀!
唔得!我要搵豆豆一齊去學番跳舞先得>"<
之後同佢都傾左幾多野下!好多都係關於跳舞!
梗係啦~0岩咀形喎!hehehe~~~
放學時要交功課!唉~~~要走到1樓拎功課紙之後再上番2樓交俾miss!
真係煩呀!~
交完就走人啦!之後佢0地班仔係哂樓下啦喎!
咁我直行直過啦~
點知佢0地問我聽日得唔得閒一齊去唱K=.="
話亞方佢難得請假!E!?咁又係喎~佢成日返工都好忙咁!
下???唱K?好似得我一條女渣喎~
唔知其他女同學去唔去!去就話可以去0者~
我覺得冇女去囉~我諗多數都唔去0家lu~唉~~~
之後再如常咁返屋企!唉~~~
家下冇工返既生活好苦悶呀>0<"
想死咁樣!一定要搵到工先得啦!>"<
PS:今日覺得好開心>﹏< 咩開心?hehehe~~~唔知喔!~
仲有!今日去銀行入錢時後面果個亞嬸係咁該!
唔係沙士呀=.="?唔好嚇我呀>0<

>>September 23, 2003 at 4:26:11 PM GMT+8

2003 年 9 月 21 日 星期日 【微雨】

上帝看見你口渴，創造了水；
上帝看見你餓,，創造了米；
上帝看見你沒有可愛的朋友，創造了我；
然而祂也看見這世界上沒有白痴，順便也創造你。


>>September 22, 2003 at 11:41:51 AM GMT+8

2003 年 9 月 21 日 星期日 【微雨】

唉...琴晚好夜好夜訓...因為訓唔著!
攪到今朝早起身果時覺得只係0岩0岩一訓就要醒咁樣=.="
今朝遲左一班車返到school!
再加上我唔想行得快!哈~攪到遲左一兩個字咁樣啦~
返到去...E!?=.="?咩咁少人返到0家渣?
我簡左單邊位坐!Good!~
今堂係度教果D設計既舖排!
即係用D黑色圓點0黎唔知點整=.="
其實我到家下呢一刻都唔知有咩用!
But亞sir要我0地下堂交呢D咁既功課!交5張咁多囉~
上緊堂果時越0黎越多人返到!我就影左D上堂既相!he~
到差唔多落堂時係咁問人拎ICQ!
我諗都問得7788 0家啦!只係有D唔記得左自己ICQ幾多號number=.=...
要我俾佢0地等佢0地add我!
唉~~~都唔知係咪add我0家>0<"
放左學同亞盈食野~之後行左陣銅鑼灣...
其實都唔係好算行...因為我0地都多野拎!
去銅鑼灣既目的主要係買黑色圓形貼紙~
係city super見到一個燈!哈哈~我太鍾意啦>.<
佢真係好得意!hehehe~超想買囉真係!
我影左佢相!hehe~遲下大家就可以見到有幾得意0家啦~哈哈哈!~
買完就返家lu~因為大家拎住D野都重...
算啦>"<搵日再出過去行街吧啦!~
返家時又影下bus同地鐵!哈~
一條友做呢D咁既野好似好白痴咁=.="...
返到家好累...玩左陣ICQ!訓陣...
夜晚...又係得我同家姐兩條友!勁=.=...唉~~~
PS:返學D人話我串呀>0<"
超!係佢0地唔好彩撞0岩我呢期心情差渣ma!
唉="=...串...我冇野好講!

>>September 22, 2003 at 11:22:30 AM GMT+8

2003 年 9 月 20 日 星期六 【颱風】

今日突然諗起一個男仔!咩男仔?哈~我唔識佢0家!
But唔知點解覺得同佢極有緣!
我好多次放學搭K巴都見到佢!
有兩次係BGW返緊工企係門口時又見到佢喎!
我諗佢應該係住係新達!
又有次搭K巴去返工又見到佢=.=
點解又會咁0岩?
佢係一個擺到明係打波果D男仔囉~
著哂波衫咁樣!戴眼鏡既~
雖然我係遇見過佢咁多次呀!But我對呢個人冇咩感覺!
家下打出0黎都係因為覺得好得意!點解會同一個人咁有緣!哈~
今朝明明好好陽光~仲曬到我訓覺!點知…唉~下晏落雨囉!
係超超超大雨!仲落左好耐~又行哂雷咁=.=
果時一條友係家!頂~真恐怖!
朝早同下晏既天氣轉變得咁大!真係勁!
心情即刻down哂~聽日返學又落雨真係好煩0家>0<"
出到咁遠又落雨呀!頂頂頂!!!
下晏同左TOTO出去~
原本打算填暴龍樂園啦!頂佢個肺呀!話返咩時間!
又問有冇相果D!D人個樣又串咀喎!~
妖~多人填form唔請咪出聲囉!~正仆街>0<你老味呀!
你估我真係好想係度做呀?得咁少錢!屌!
之後走左去舖頭仔漫畫店度填電話,名果D啦~
因為TOTO識個老闆!唉~希望佢請我啦>3<
請我就Good哂!得閒又可以睇漫畫!哈~
之後就去左買A3畫紙!又買果D黑色圓點貼紙~
因為聽日返學要用呀>︵<
Then上左TOTO家拎相機!因為問左佢借相機!
呵呵~打算返學影下相>.<
影好再俾大家睇下啦!hehehehe~~~
PS:夜晚終於畫好對手>.<太好啦!完成左一份功課!

>>September 21, 2003 at 2:09:04 PM GMT+8

2003 年 9 月 19 日 星期五 【晴】

今朝12點幾起身~冇耐食野換衫就出去搵亞屎!
因為佢幫我求左度<乎>!
我琴晚同佢講左我前晚既經歷俾佢知=.=
約左係大埔墟火車站等!
拎完傾左幾句就一條友咁行下大中!
E!?係大廣見到葉洋喎~
原來佢返工!都估到!
之後再一條友去買噴霧就返家lu!
上到屋企門口先記得仲未買A3紙!頂!!!
算啦都係~唔想再行!因為實在太太太...熱啦>0<
都係聽日先啦!睇下聽日搵唔搵得成工啦!~
返到家如常咁玩ICQ,上網...
真係無聊!我唔鍾意呢D咁既生活!
我要忙!!!我要累~我要忘記一切!
上帝愛我嗎?
我要係呢半個月內搵到工!
咩工都搵>︵<"
要努力!!!
心情好差呀!!!!>"<
好煩好煩好煩.....
就0黎有精神問題啦我!
頂!!!
我唔知撞野定係有幻聽>0<"

>>September 20, 2003 at 9:28:15 AM GMT+8