2003 年 7 月 29 日 星期二 【晴】

今日真係

2003 年 7 月 28 日 星期一 【晴】

今日訓左6粒鐘...兩日一共訓左9粒鐘渣...
算啦~之前平時一日都訓成8-9粒鐘...
原本以為今日只係見工...
點知10點幾Sarah臨時臨急叫我返工!
攪到我好急咁樣買白衫同黑褲!平時都唔著黑褲既=.="
條褲又冇時間去改!核突!~算啦~返工0者~又唔係著出街呀!
返海港城間K.C.F,即係K2既都係~
因為part-time!So唔係返定一間同時間唔係返得多~
But我都係返尖咀0家啦!唔返海港城都係返尖咀其他K2分店!
大家得閒搵下我啦~
海港城果度D人都幾nice呀~But冇我以前做果間咁嘆就真!
呢間比之前果間Quiksliver講多兩句野咁囉~
今次我要醒D先得啦>"<
呢份工對我0黎講好重要!!!努力!
今朝冇食野就出去...出到去只係飲下野飲下水咁...
成日冇食野!Good~夜晚返到家先食飯!(餓到冇哂感覺...)
返12點幾,放6點幾!做左6粒鐘渣!
聽日返1點~又係海港城!唔知返幾多粒鐘呢又!
可能太耐冇企...有少少腳痛!我仲以為返9粒鐘添~
之前X-game,Quiksliver係返9粒鐘0家ma~
part-time好唔穩定!一0黎唔係成日返!二0黎返既時間短~
第1日返工就遇到好多麻煩客!可能呢間D衫唔差!
好似好多女人0黎買衫咁!而且家下又做緊折!好平!
我買左條褲!原價4百幾~家下百幾就有!Good~幾型下=﹏=
唔知係咪因為咁平!So好多女人0黎睇衫...
有個女人好煩=.="我同另一個part-time都唔想理佢!
因為佢真係好煩!倒亂哂我0地D衫都算啦!又問長問短!
又話送俾邊個邊個!家下D衫咁平!送俾人會唔會唔係咁好呢?
又話十幾歲0岩邊件!又要我0地幫佢簡!唉...佢D口音又唔正!
我覺得好難聽!超留心咁聽囉真係!呢間野好多大陸人講國語!
同Quiksliver,X-game唔同!Quiksliver,X-game係好少可先講國語既客!
多數都係講英文=.="...講英文我仲更加聽唔明!
家下間要清左D貨佢!聽閒有新衫返!So要清哂佢!
Good~=﹏=係度做我好滿足!D衫好0岩我呢~
原本今日返12箱貨0家!可惜冇返到貨喎!
唔知係咪聽日返貨呢?
返左工行左去Sarah果間度買左兩間白衫!
因為返工要用!part-time要著黑褲白衫!
(好似同吉吉島一樣咁=.=當然冇吉吉島著得咁正經啦~)
之後就搭271返家!可能唔夠訓掛...上車就訓著左...
放工時間...271好多人!我隔離果個大嬸...好索.............
PS:都話左有工作我會爆開心家啦~多謝上帝給我一份工作!
家下我咩都唔理啦~學習清醒!亞kids你係話得我0岩0家~Thx~
工作重要.....


>>July 29, 2003 at 2:31:56 PM GMT+8

2003 年 7 月 27 日 星期日 【晴】

今朝8點起身去金鐘見工...訓得果3粒鐘...仲要未食野去...
係太陽低下好想暈="=
唉...呢份工早知唔去見囉!蝦我既>"<
賣女人衫都算啦~係金鐘返工都算啦!
點知...點知...原本明明話會有機派傳單!But係好少落去派既!做sales為主!
我去到...佢居然話派傳單為主!仲話25蚊一粒鐘!
哈哈~~~佢冇野呀???25蚊粒鐘?仲要係金鐘!
明明係做sales!點解派傳單???唔明囉~
之後Sarah個fd Mouse打俾我問我幾錢人工!
因為連佢都以為係做sales!估唔到果間野咁蝦我!
Mouse超唔好意思囉~因為份工係佢幫我搵!
Sarah知道之後仲叫我唔好理呢份工!叫我見K2!
我知佢份明蝦我!我咪話諗下先囉~費事一陣俾人串=.=
返到屋企先食野...行路都冇力...原本打算下晏去見walker shop...
but因為我訓得太少time了...超暈..
於是下晏簡左去睇我0地間school打波!
聯校係富善打!對手好似好弱咁...我0地間school win多過佢0地28分...
仲好快就打完添~我0地間school D人好似打得好輕鬆咁=.=係度玩野!
hehehe~~~今日終於見到朱仔女友啦~
佢比起我想像中冇咁好...but佢好斯文咁^-^
之前見佢f.2果張相真係靚D喎~~~
家下個樣都唔太差0者~估唔到朱仔可以同佢一齊左咁耐~
真係幸福呢~美中不足係佢女友屋企唔知佢0地拍拖...
因為佢女友屋企好嚴...
完場之後...唉...鄧培同誠誠係度嘈...
我未見過誠誠咁惡咁...佢話鄧培整到佢隻手...
咁又係既...佢家下對柔道咁有興趣!雙手對佢好重要!
But佢0地又好快好番~而我就一早同EVA早左去富亨OK拎F.5果本唔知咩野!
係OK左陣就去左大中搵yinyin同妮妮探下班!借下漫畫就返家了!
佢0地真係好~有工返!雖然只係短期...but好過冇~
哎呀>"<真係超累囉今日...食飯前係床度睇書...睇睇下又訓著左!
訓左一兩個字又俾人嘈醒話食飯!
聽日下晏12點去見K2...Sarah今日打0黎叫我去見!
佢話果個part-time走左我就必定可以入到去做!
But家下果個part-time係度玩野!唉...都唔知點!叫我見住工先...
有就請我先喎=.="都好呀~等...唔梗要啦~
我得17歲...去D大公司做sales真係好難!唔搭人唔得!
後日又會同EVA去見Walker shop~我見下都好呀~
而且EVA又話搵工!唔想留係屋企...咁又係...佢屋企實在太嚴了...
日光日白黃昏返家都話遲返=.=...俾我一定超唔拖囉~
今晚同朱仔chat~佢又叫我下次係佢女友面前點樣讚佢!
hehehehe~~我明0家啦!得0家啦~下次識做!hehe~~~
今晚要早D訓先...唔係我聽日頂唔順.....
ps:今日終於整好部腦啦~好開心呢>.<

>>July 28, 2003 at 5:35:42 PM GMT+8

2003 年 7 月 26 日 星期六 【晴】

家下係12點幾~比平日早左起身~點解???
因為亞琳11點左右上左我屋企沖涼~佢琴晚返唔到屋企...
之後借左件衫同對襪俾佢~唔係佢就冇衫著0家啦~
哈哈哈~~~第1次有fd見到我0岩0岩訓醒係屋企個樣囉=.="
好樣衰...算吧啦~0岩0岩訓醒就係咁樣衰...因為我一直都係咁樣衰~
hehehehehe~~~~~
**************************************************************************
下晏留左係家睇波...
利物蒲對香港~
哈哈~~~超好睇!HK輸左波~一早遇左0家啦~
6比0!HK好魚皮咁=.=
我覺得對手好似同HK隊唔係勁認真咁打...
真係認真...我諗HK唔止輸6比0 lu~
冇野做又係度DL SPEED D歌!因為我有好多都冇DL...
Good~~~
︿﹀︿﹀︿﹀︿﹀︿﹀︿﹀︿﹀︿﹀︿﹀︿﹀︿﹀︿﹀︿﹀︿﹀︿﹀︿﹀
夜晚心情超差!少少事足意令我發脾氣!
係我任性!我係唔成熟呀!
一次又一次咁俾人話!就算為我好,我夠知啦...
but我真係開始感到反感="=
俾人話咁多次!唔反感之奇啦!
我一向都唔受人話0家啦>"<唉~~~
算啦...我仲可以講咩?係話得我0岩喎!
呢期脾氣差左好多.....
今日我家姐用條毛巾整我,我已經一野搵本字典飛過去!
真係飛中佢就好易爆光=.=
(諗諗下我果下好大力...仲要諗都冇諗就飛過去!好彩冇飛中...)
飛唔中我又勁啤佢!好大力咁<山>左門!超少事囉~咩事呀我???
我crazy了!超耐都未有咁大脾氣!
OK啦~我要醒下啦~
PS:亞kids sorry我對你亂講野~我會醒下0家啦!唔會再為呢D事煩你!sorry~

>>July 27, 2003 at 4:43:04 PM GMT+8

2003 年 7 月 25 日 星期五 【晴】

今日下晏約左F.4果個李XX賣書俾佢!
之後一條友係度行…原本打算一條友行等EVA去食糖水…
因為佢約左kiki同曾樂敏飲茶!(哎呀~~~飲茶呀!我好耐都未飲過啦!)
But等佢等左好耐…真係好悶…於是打左俾TOTO~
佢拎左D書買份生日禮物俾我!哈哈~~~拖左好耐lu~
佢仲叫我幫佢DIY衫=.=…仲話趕住交….哎呀~~~今晚唔知幾點訓lu~
而且咁急都唔知諗唔諗到靈感!
同TOTO去租書~冇耐EVA打0黎lu~之後就走左去芒果大王度食!
=﹏=好食喔!我點都覺得果度好食過rainbow!行遠少少食都值得既>.<
Then EVA話約左yinyin如RB跑步!我見我好似好多日冇跑了~
於是就拿拿聲返家換衫去跑lu~我今次成績都唔錯呀~起碼跑左唔少路先!
Yinyin照舊行多過跑~hehehe~~~yinyin仲幫RB改左個新名!
原來佢0地成班入camp時改左0家啦~
叫柴骨明!e!?幾好喎~好襯佢囉~hehehe~~~
EVA又帶左佢細佬出0黎!佢細佬4年級,but身高就好似我大果個堂細佬咁樣!
而且佢細佬D行為都好似我大果個堂細佬咁喎~But我大果個堂細佬得6歲=.=
我都唔知點同佢玩好…感覺唔知點咁…好細個咁同佢玩又唔係咁好…
好似同我堂細佬咁同佢4又唔知點咁…佢有4年級了!But佢講野好串咀囉…
可能我同佢冇點玩同講過野…我唔講野個樣一向都串同惡0家啦…
So佢居然話我惡!我更加冇聲出囉=.=…連細佬都話我惡…咁我真係要改下lu~
佢又好百厭喎~攪到EVA去搵佢…佢又想搵番EVA…我咪叫佢唔好亂走囉!
一陣唔見左佢,好大件事0家!唉…佢真係好百厭…
平時對住我D堂細佬已經好唔掂0家啦~可能柴骨明次次都俾佢亞妹蝦掛~
突然有個細路叫佢哥哥…So柴骨明就係咁同佢玩~
佢細佬好似好勁咁!好識功夫!廿二世界殺人網絡!hehehe~好勁!笑死我!
yinyin係ICQ度仲話柴骨明個智商係同EVA細佬一樣!
所以同佢細佬咁夾!哈哈~~~
But佢細佬真係好串咀=.=亞婆…仲叫我靚婆囉…(因為EVA教佢見到女仔就叫靚女!)
哈哈~~~算啦~佢咁百厭呀!我諗好難有人叫得佢停!EVA對佢好惡佢都好似冇野咁…
咁我就真係攪佢唔掂啦=.=佢細佬仲想搵佢條毛巾發我囉~感覺好似俾佢蝦緊咁=.=
超勁~好巾法!哈哈哈~~~
Kiki同曾樂敏係海濱度坐!(咁熱仲入海濱坐?)之後EVA細佬想蝦kiki~
But kiki好串咁話:我唔驚你0家!咩呀!?
哈哈~個情景好攪野囉~EVA個細佬好似真係冇蝦到佢!收左手~hehe~~~
呢個細佬真係好有趣~柴骨明咩佢!之後又話柴骨明整到佢條腸!
哈哈哈~係腸呀!!!攪爆我囉絕對!4年級都識講腸既咩???哈哈哈~~~
走果時去左7仔買野飲~之後佢細佬又話買杯麵=.=
又話食M記…唉~~~細路仔就係咁0家啦~蝦呢樣果樣…
俾我唯一方法就係蝦多幾蝦就俾佢!哈哈~~~我就係咁…唔駛煩~
之後去到我屋企樓下!佢細佬我做鄧培囉~
因為柴骨明走前話:我都要去鄧培屋企啦~byebye~
之後佢細佬唔知係咪記得鄧培呢個名…So叫我做鄧培…EVA又問我屋企有冇人!
又問我like唔like上人0地屋企!之後佢細佬又話想上我屋企…
又話未上過…我唯有話:下次先啦~
到左夜晚我又如常咁樣係屋企抄野食…抄抄下…哎呀~我整到隻手…..指公
即刻流血…幾痛下…打字都痛痛地咁=.=頂!
下次都係小心D啦!
PS:EVA細佬真係好攪野~四海之內皆兄弟!hehehe~~~


>>July 27, 2003 at 7:20:31 AM GMT+8

2003 年 7 月 24 日 星期四 【雨】

今日同左朱仔,彬,精蟲一齊…首先去左食野~
之後就去打機!開心!!!呢間野我真係好憎!
我已經第3次俾人check身分證!3次都係呢間野!
So我終於忍唔住同佢0地講:我17歲0家啦~唔該下次唔好再check得啦!
果個人答:咁全場最young係你既ma!
我:young D咪好囉!~唔易老!
超冇癮=.=
冇耐maymay0黎左一齊打機!打完機就去左吹水!
hehehe~我0地又食珍寶啦~朱古力味!超正>﹏<
我0地原本話行過去摩登吹水!點知朱仔話等我食完先!
Hehehe~~~原來佢想買多杯食!點知佢去左雪糕櫃度拎左兩支甜筒!
佢拎左柯華田味~因為我之前講起我屋企D雪糕!hehe~~
我日日都有食雪糕!好正喔~~~
朱仔買左兩支甜筒之後兩支一齊隊!超恐怖囉~睇到我目瞪口呆!
超低B呀…仲要影相囉~哈哈哈~~~
(係美後度我都有影~^^~hehe~~~)
之後話唔知邊支唔好食!精蟲就拎左0黎食=.=
次次食唔哂D野精蟲必定食!超勁囉佢!佢0地兩個胃口超大!
就好似下晏食飯咁!彬次次都係食得咁慢~而且男仔之中佢都算係斯文果渣囉!~
彬又係食唔哂…之後精蟲又話佢哂野!佢話:食唔曬俾我食呀ma!咁哂野0家!
Hehehe~~~超攪笑囉絕對!
係摩登度食食下雪糕落雨…越落越大…之後我0地話:我0地係咪應該要避呢?
我0地又話:係lu~應該要避下!
之後入左停單車果D地方度避!冇耐就好大雨了~
我0地跟蹤吹水!停左雨之後彬同朱仔又係度踩達達架黃色單車~
hehehe~~~果D車應該係好難踩先係0家喎~個sit位斜左後去!
彬係後面企…又話唔知咩跌果D…之後朱仔叫我上車!
我即刻拒絕!hehehe~~~我太驚佢手車啦~都唔知係咪真係掂0家佢!
彬彬又話差D PK果D!
坐坐下…彬又話想買DJ MIX!之後咪叫朱仔車佢買囉~
買完返0黎佢0地教我食煙=.=
彬佢話第1次食煙呢隻冇咁難食,易食D~
我食左兩支都仲未學識!我只知自己係度係咁笑!笑哂D煙出0黎囉~
hehehe~~~又唔識食!係個鼻度噴番出0黎!超惡頂!食食下feel到好苦!
初初係彬俾佢果支我試一下先既!之後再拎支新既精蟲教我食!
But都係唔多識!之後教鍊---朱仔教我食~朱仔真係教鍊喎~教得幾好!
可惜我都唔係好識食!hehehe~~~算啦~食煙呢D玩下好lu~
女仔食煙始終唔係咁好!
Maymay同達達睇住我食都笑我咁=.=朱仔都有!超~人0地玩下渣ma~
我都唔識食呀~之後maymay同達達就走左啦~
冇耐佢0地班仔又0黎左…真係成大班仔得我一條女囉=.=
So過冇耐我就走左lu~

>>July 27, 2003 at 4:11:10 AM GMT+8

2003 年 7 月 23 日 星期三 【雨】

琴晚原本想唔訓...通頂...
But...原來一個人渡過漫漫長夜係好寂寞...
玩完電腦成3點幾入房...之後睇書...寫記事簿等等...
(本記事簿放左好多相^-^,仲寫左好多野...)
一路聽住收音機...夜晚聽收音機特別多歌聽!而且好多都係慢歌...
4點幾5點左右望住條街.....
打算唔訓...原來係好難既事...因為一個人原來係好寂寞的呢~
最終我都係訓著左!8點幾醒左兩次~
原本今日屋企成座大廈都係冇食水!
家下打風!(But12點幾1點左右D風落哂lu!)So有食水!D工人唔駛開工!
仲打算早起添~醒左一醒手提就響!But響左兩下就冇lu~
一睇...都唔知咩人0黎既=.="冇理到...
再訓!到12點幾就起左身!平時既我點幾先起身...
今日都早左起身喎~hehehehe~~
今日又係冇出街=.=...係屋企睇住我好乖既堂細佬一日!
我老豆老母去左飲...唔知邊鬼個結婚!
今日終於發覺我老豆越0黎越老...
連佢簡既衫都好亞伯=.=....................
佢同我亞媽明明係同年紀...點解好似差咁遠咁=.="?
超耐冇一家人出街lu!我都唔知係小學幾多年級已經冇同老豆出過街了!
除左去飲之外.....我0地成家都好少可一齊行...
我都好似有半年幾冇同過屋企人去飲茶了!
同家人感情真是冷淡呢~唉.......................
回想小時候每個星期都會一家人外出...
老豆放左工就會買俾我0地3姐妹一人一樣零食!
小時候最多衫最多玩具又係我...打得最少的又係我...
可能我從小已被他們疼壞了!
因而形成至今任性的我!但.....原來我已長大了...仲有一年就18歲!
已不是小時候被各人保護的小女孩...
做小孩真的多好呢~
夜晚我堂細佬懶左3次尿...係3次呀>"<
有冇攪錯!?係咪係度玩野0家!我亞媽平時係度又唔見佢咁樣!
第1次都冇咩野...當佢懶到第3次我真係興=.=
之後又唔知仲咩鬼我家姐又係度小佢又打佢!
唉...好煩呀!小咩打咩呀?明知佢喊得太勁就會嘔0家啦~
又搵野0黎攪咩~?抹又係我抹0家啦>︵<最後又係我泵番掂佢!唉...
我既好堂細佬呀!唔好再懶尿啦~下次屙尿好出聲啦!
呢句話我唔知講左N咁多次了!
hehehe~~~But我只負責同佢玩同泵佢果D~佢懶尿我就抹果D...唉="=
我家姐先攪得多野呀!佢負責小我堂細佬!
我係保母!佢係奶媽!哈哈哈~~~保母同奶媽係唔同0家!hehehe~~~
經過今次之後我都係唔打算咁早生仔lu~
以前我就好想早D結婚!But家下唔lu~因為唔想咁快湊仔=.=
so.....結婚避得就避!冇25歲都唔好結啦!

>>July 24, 2003 at 3:16:35 PM GMT+8

2003 年 7 月 22 日 星期二 【雨】

17歲
作詞：劉德華＆徐繼宗　作曲：徐繼宗　編曲：Billy Chan

十七歲那日不要臉　參加了挑戰
明星也有訓練班　短短一年太新鮮
記得四哥　發哥　都已見過面
後來...榮升主角太突然

廿九歲頒獎的晚宴　Fans太瘋癲
來聽我唱一段情歌 一曲歌詞太經典
我的震音　假音早已太熟練
然而情歌總唱不厭

#喜歡我　別遮臉　任由途人發現
儘管唱　用心把這情緒歌中染(歌聲中喧染)

@唱情歌　齊齊來一遍　
無時無刻都記住掌聲嚮遍天
來唱情歌　由從頭再一遍
如情濃有點　淚流難避免
音階起跌　拍子改變　
每首歌　是每張臉(年月變　但我未變)

Repeat # @ @

如今我四十看從前　沙啞了聲線
回憶我冀望那掌聲都依然到今天
那首潮水　忘情水　不再經典
仍長埋你的心中從未變

>>July 23, 2003 at 2:59:47 PM GMT+8

2003 年 7 月 22 日 星期二 【雨】

2003 年 7 月 21 日 星期一 【晴】

琴晚個風已經走左lu!~But今晚已經又有另一個風球!
今日個天係天晴的呢~好好天=﹏=藍色既天空~
呢兩日落下雨又晴下咁樣...好怪...真係好怪呢...
琴晚12點幾左右同亞屎,fish傾電話!
佢0地打左俾我~同佢0地傾左一陣我又駁3線同朱仔傾!
But亞屎傾電話一向都好似唔點講野咁...我0地3條友就係咁講...
佢就聽...好似唔知點咁...
朱仔成日傾電話講野都係咁大聲...fish部電話又細聲...
好多時朱仔同佢細佬講野我都聽唔到fish講野...
亞屎原本話行開陣...陣左好耐都唔見佢聽番電話...
我0地都估到佢訓左了!hehehe~傾到兩點幾就收線!~fish話要返工要訓!
唉...同佢0地傾電話...朱仔話D脾氣開始勁左...
鬼咩~我D脾氣一向都臭0家啦!係前排先好左D...
呢期咁多事發生令我脾氣又勁左!惡左!
人0地嘈我,我就嘈番人0地!睇唔過眼又嘈...
我既性格就係咁!唉...真係要改改先得...
唔係就係好似朱仔話:你咁樣唔會有男仔鍾意0家~
But就算脾氣係好左...終有一日都會爆番出0黎!
到時同我一齊果D男仔又係唔鍾意我...唉~算吧啦!
我注定係咁樣0家啦~樣樣都係咁失敗呢!~
唔夠膽拍拖...太驚對方忍唔到我D性格了!
最近留意到呢個日記...
見到...好似好多人0黎睇我個日記咁樣=.="
琴日見明明係得1996人...
今日再睇...已經有2016人了...
就算計左我自己...點解又會好似有咁多人0黎睇過咁樣既?
我個日記好吸引嗎=.="?我唔知...
琴日就check e貓都check左成日...
今日又係攪部腦...save低番D野都攪左好耐...到家下都仲未攪完!
部腦真係超多野呢~
整整下部腦亞鬼打左俾我!So同佢傾左陣電話...
唉~~~今個月電話貴又唔知爆幾多啦=.=...
原本我係約左TOTO飲野傾下計咁...可惜我攪部腦都攪到成4點都仲未攪完...
佢琴晚又講過話唔好咁晏...
我問佢晏意思係咩?佢就話4點...
我見自己成4點都仲未換衫...佢又話4點晏...
咁最終我今日又係冇出街既~
唉...聽日要出去食飯...唔多想囉!
可是不去不行!!!父親大人有命!他的父親壽辰!!!因此必須遵命!
對住D親戚...我最怕見到人0地既屋企人同D親戚0家啦="=
對住果邊d自大既人...唉~~~
佢0地讀得書多!我冇野好講!
(我都好想讀多D書~我想做個設計師同dancer呢!~)
聽日又要忍!!!>"<...唉~~~
家下都仲未搵到工...呢個星期都冇出去搵工了...
手上公司的電話號碼已經沒有再打過...
心情太灰...好煩呢>"<次次都打唔通!家下搵工太難了~
唉...朱仔呀~唔好睇到做野搵工好似好易先得0家!
相機呢家野未做過...又唔係玩開相機...
講就易0者!到做到記野時就難0家啦~
就算fish俾左電話我0地打...去到見工...
我0地呢D邊度夠人爭先得0家!家下搵工真係好難0家!
PS:我部腦D色好核突呀...超難睇...玩電腦好辛苦呀!
有冇人俾我上你0地屋企玩電腦呀?
(上你0地屋企倒亂!hehehehe~~~)
家下想改下info都唔得>"<
個ICQ居然冇info 0家!

>>July 22, 2003 at 2:42:21 PM GMT+8