2003 年 9 月 14 日 星期日 【雨】

我唔想去傷害任何人!
鍾意唔一定要一齊0家!明白嗎?
今朝我遲左兩個字落街!係兩個字呀!
點知K巴條隊長到呀>0<"之後咪打算搭的囉~
點知又係超多人!攪到我又行番去搭K巴!
超急咁返學!8點1先上火車去灣仔!記住!我係返8點半0家!
返到去9點!用咁短時間返到去可知我行得幾快呢?
好彩仲未收點名紙!So未係遲到!哈~仲有3個人遲過我^-^
今堂話要拎D設計得好同唔好既野上堂解釋!
有一個男仔叫亞呂!佢居然係拎左好多野囉~超好笑!哈哈~
之後其他同學解釋既時候麥當勞叔叔佢又係度串人=.="
我頂佢唔順~有一個女仔俾佢串得好勁囉~
好似有仇咁樣!好彩我出去講佢冇串我0者!
居然仲幫我口!人0地反對我居然仲幫我口呀!
佢有串我,我真係串番佢=.="因為佢太串啦實在!
可能我遲返去關係!覺得時間過得好快~
話咁快就落堂!之後又同亞盈一齊搭地鐵!因為佢要返工!
亞盈又係我返學識既同學仔!又係大過我=.="
攪到我好妹妹囉真係!唉.....
But同佢行番去果時超好笑!哈哈~呢件事我一定會記得!
就係行去搭地鐵時見到有個亞叔係度拾貨啦~
咁佢係地中海0家喎~通常呢D少頭髮既人最like就係留一紮長既遮住個頭頂!
點知佢又拾貸喎~果紮長髮<達>左落0黎!好長咁樣<達>左落0黎!哈哈~
佢個頭仲要好<淋>0家喎!仲要係<戀>0家!哈哈哈~
我見到...之後再同亞盈對望!我0地即刻忍唔住係果個男人面前勁大笑呀!
識我既都明白我一笑就好勁0家啦~
果個女仔同我一樣喎!哈哈哈哈哈~~~
攪笑到爆呀!家下諗番起都好想笑!
返到大埔咪去左BGW拎番對鞋囉~之前放左係舖度!
朱仔今日又試工喎!So去睇下咁啦~
hehehe~佢條友仔都唔講野既!一陣係shop manager面前又係咁樣就死啦佢!
唔好話我唔幫佢=.="
希望會請佢啦!因為家下都唔夠人用!
豆豆又唔做啦~星期5就走!冇左個fell-time!
佢一向好幫得手0家喎真係!好多單都係佢接既!
唉~~估唔到0岩0岩識又要唔做!同佢玩真係幾好玩0家!hehe~
好彩我有佢ICQ同電話number 0者!仲可以聯絡~
唔怪得我咁多日唔駛返工啦!
原來家下要訓練新果兩個=.="即係朱仔同另一個女仔!
另一個女仔係返fell-time!我諗我星期3,4,5先要返掛~
係果度又試衫又試褲!條褲我真係幾like 0家!
最終只買左件衫...黑色0家!E!?事實我好似未買過黑色既衫~
可能我家下黑左!好難買衫呀>︵<"
著件黃色既衫係身好似一舊屎咁樣!好核突!頂唔順~
最終買左件黑色!豆豆有VIP卡!So用佢果張有8折!呵~~~
家下仲考慮緊買唔買果條褲好!因為我唔知點樣襯呀>0<"...
亞媽打俾我問我係邊果時勁係度話:唔好買呀!唔好買呀!
哈~佢叫我唔好買我就一定買0家啦~咪傻啦佢!
再加上我真係好耐冇買過衫!家下買一件都唔算過份0者~
算啦>"<遲下冬天先掃貨啦!呵~~~



>>September 15, 2003 at 10:37:26 AM GMT+8

2003 年 9 月 13 日 星期六 【雨】

琴晚同亞kids傾電話...因為我有D野唔係咁開心.....>︵<
But可能因為我同佢太耐冇講過野!
係電話中同佢講好多閒計=.="...
最終佢都係冇解決到我既問題!唉~~~算吧啦~
都係自己解決吧!
琴晚yinyin又同我chat ICQ~佢話我個feel唔同左!
問佢點樣唔同?佢話唔知...話覺得我好似大個左!
大個左?哈~我都想呀~可能以前太過低B!家下冇咁低B!
so先覺得我大個左掛~?
唉...好煩好煩好煩呀>0<"
唔知點樣好!我唔想放棄我既學業!
咁快就認定一份工作會唔會唔係咁好?
家下就出0黎返工...做一世0家喎~讀書唔係呀!
為左工作去放棄學業!我覺得唔值得!
But...唉~~我真係唔知呀!家下讀設計D野又貴!冇錢真係唔得!
再大D先0黎讀書真係好哂時間!
見左工係請我先算啦~覺得自己好難搵工咁樣...
如果係請我又點樣?唉...真係唔知!取捨...點取捨呀?
讀書0黎講對我好重要!讀得書就一定要有一筆錢去讀!
真係好煩呀!教我如何是好呀?
今日成日都好悶...悶中帶好多既煩!成個煩字作係我塊面度!
設計又有功課未做!唉...........人大左自然多野諗!
或者我成日都將事情複雜化吧~
下晏同小葵chat ICQ~佢係邊個?佢係我係school度新識既朋友囉~
覺得佢幾nice呀~可惜佢住得遠啦!原來佢大我有兩年0家啦=.="
84年...攪到覺得自己係呢班度原來都算幾細果渣人0黎!
16,7歲數埋都係5個左右!好多都係18-20歲咁樣~
夜晚畫畫畫...講起畫素描,畫畫...我好耐都未畫過留言畫板lu~
大家得閒去留下言!幫我增添下色彩啦~Thx~^-^
朱仔今日見完我份工打俾我話原來頭兩個星期先係15蚊!
哈~之後唔係!咁咪好囉?唔知之後又幾多錢一粒鐘呢?
我家下已經過左兩個星期啦喎~
PS:家下黑左好鬼多呀!成舊炭咁!之前我係白過我家姐!
家下居然黑過佢好多!點解呀=.="?仲俾佢話我有少少燒焦咁樣=.="
我頂~But我仲想去多次沙灘喎~點算好?又唔知幾時先白...唉~~~

>>September 14, 2003 at 10:28:50 AM GMT+8

2003 年 9 月 12 日 星期五 【晴】

緣份是天意,
要來自然會來,
不得強求...
〤〤〤〤〤〤〤〤〤〤〤〤〤〤〤〤〤〤〤〤〤〤〤〤〤〤〤〤〤〤
今朝1點起身!琴晚6點左右訓!即係今朝6點=.="
一起身玩ICQ...玩左幾耐先食野!
再玩...玩玩下都4點幾5點...
夜晚...得我同家姐一齊食=.=...食..s...
亞媽下晏出街前又話左我幾句!頂!~
當然我照樣再頂咀!唉~~~唔知呀>0<"
係我任性!唔想俾人管!唔好管我得唔得呀?
就0黎想死啦!好反感呀!~
係緊張我既話可唔可以俾第2個方法去緊張呀?
唉...我又黑左啦>0<"白都未白番又黑左啦!
唔駛咁summer呀?
成日心情唔多好!唔知咩事!

>>September 13, 2003 at 10:38:49 AM GMT+8

2003 年 9 月 11 日 星期四 【晴】

今朝8點幾起身...一路換衫一換on啦~之後仲俾彬彬串我咁早可起到身添~
hehehe~家下我唔同0家啦~返學6點半起身ma!唔好以為我仲係好似以前咁樣先得0家!
Then攪掂好就去M記度等齊人啦~佢0地成班野係M記買野食!
得我一條女=.=...我唔想食M記!So冇買到!
買完佢0地拎走食去搭73X!到達就接家家!佢一早已經到左荃灣!
齊人就去買野食~搵左幾個入去黃金海岸有冇爐!買買下肚餓咪買個包食囉我!
買完就一齊入去啦~去到起多人!So我0地決定左租爐!But租夜晚7點4粒鐘!
下晏我0地就玩下排球,游下水咁樣~一去到我坐左好耐!
(D沙好粗!完全係唔得!)
太悶咪去打排球!佢0地講D野好白痴呀~But又幾好笑喎~
中國女子排球!又話要有計劃果D!真係頂朱仔唔順呀!
之後我同精蟲,fish出去俾D浪沖下!幾好玩^-^ But D水超烏漕呀>0<"
玩左陣就去沖身上岸lu~冇耐yinyin又0黎左!
我同彬彬,yinyin,毛毛同家家一齊去welcome買野飲!
因為成個下晏已經飲哂我0地今朝買果D野飲了!
買完返0黎見到個好紅既雞蛋!真係超靚呀~佢落山落得超快!
我即刻拎左彬彬部手提0黎影!But我諗都唔影得到D咩野0家啦=.="
大約6點幾我頂唔順就走左去沖涼~yinyin陪我!出到0黎都天黑lu~
可能我0地去左沖涼太耐了!toilet太多人呀ma~So彬同朱仔走左出0黎搵我0地=.="
去到燒烤場咪燒野食囉~中途又出下去咁樣!夜晚好多人係度玩~
燒野食果陣俾yinyin問左我好多句仲咩咁悶唔出聲果D=.=
佢今日已經問左我好多次呢句野0家啦~
唉~~~我唔知呀>"<...家下覺得自己怪怪地咁!
可能我冇佢咁多野講=.=...
成班野燒燒下係度唱歌囉=.="唉~~~頂唔順囉我!
我都知玩時要低B先有得笑!but...我唔知點樣講!
中途隔離附近果D完場!果度做野D野拾野超快!好有效率!哈哈~
睇到目瞪口呆呀!
11點就俾番個場人!之後我0地再係沙灘度玩下蠟燭!
我0地坐坐下就係度玩true or dare~
But D男仔下下玩dare都係要同性有關既!頂佢0地唔順=.=
ture佢0地班男仔又勁問毛毛同家D野啦~咩野?又係性果D野囉=.=唉~~~
So毛毛話玩呢個game預左俾佢0地問!哈~
起初好多人簡ture既!點知玩玩下我0地成班都簡左dare~
因為ture好難問野呀~D人又唔玩得認真!有D一定有吹水既!我唔講邊個啦~
心知算=.="But玩dare又唔係個個玩得激啦!
我0地玩玩到錫面啦~男仔鍚男仔佢0地又頂瘋癲咁樣=.=...
之後我今晚居然鍚左3個男仔囉=.="係靚仔就好啦...
But難得玩下!就同你0地玩大佢啦~hehehe~~~
之後我同家家都玩大膽!朱仔同精蟲又話自己係大膽啦!
咁我同家家咀對咀要佢0地兩個麻粒佬做番出0黎啦~
呢個只係第1個動作渣喎~點知佢0地做唔到=.="有幾難呀?哈哈~~~
唔叫你0地打車輪都偷笑啦~hehehehe~~~佢0地做唔到!於是就冇落第2個動作啦~
覺得好似好多人都唔玩得咁樣!唔係咁好囉~
我0地又會係到<咩>人行一個大圈呀,圍住個圈係度跳舞呀等等~
超攪野囉精蟲跳舞跳得!哈哈~~~我又要佢同彬攬住咁樣行一個圈!哈哈~~
D人又成日玩家家同毛喎~要佢0地當住我0地面前咀5秒!
又要家家<琴>上毛度,毛抱住佢3秒!哈哈~~~超好玩!
男仔同男仔又要含住條腸一齊食!條腸超細!好易咀到!哈哈~~~
我0地就係玩左呢D野啦~雖然係低B!But玩果時唔低B又點有得笑呢?
玩玩下係海度見到兩粒光既物體!之後佢0地中場休息去toilet啦~
點知朱仔係度講果D係D烏漕野0黎=.="
玩野咩...嚇死我囉!過到海出面都仲見到有光喎~
如果係蠟燭會唔會咁耐都仲光?哎呀="=咩0黎0家!
今晚我亞媽簡值就係追我返家咁樣囉=.=
攪到我3點幾就搭車返家!誠誠陪我!一齊去搭小巴到旺角啦~
落車前問個士機邊度有小巴去大埔啦~
點知去到旺角搵極都搵唔到有去大埔既小巴!
行左好多地方先搵到囉=.="...唉~~~而且車錢仲好金下!
誠誠兩日冇訓過=.="佢搭車時訓著左囉~我唔叫醒佢都唔知醒咁=.="
我真係好想通頂囉~原本係通頂!只係我聽到有人講話唔係通頂!
So我咪同亞媽講夜D返囉~點知佢0地成班野都通頂!
我頂!一早講ma!咁我就同亞媽講通頂啦~家下攪到硬食要返家!
返到去成5點幾!亞媽仲要專登出0黎話左我幾句先返入房囉~
沖完涼就即訓lu~
PS:家下覺得大家唔知點樣咁...或者我既生活開始同你0地唔同...
我玩既時間唔同你0地有咁多!有部份人可以好得閒~可以成玩!
可以成日同家下呢班朋友玩!我唔得!你0地成日約出0黎都得!
我家下生活係同D不同類型既人一齊!
而且大部份都係大過我!我唔可以好似你0地咁樣!我唔知點樣講.....
so我硬係覺得大家唔知點樣...哎呀!咩都唔知呀>0<"
But我0地都好難得可以成班一齊玩了="=

>>September 13, 2003 at 12:23:47 PM GMT+8

2003 年 9 月 10 日 星期三 【晴】

今朝好趕呀返學!之前去左亞琳家拎番件衫!
之後成7點10先搭火車去灣仔!我仲要係返8點半囉~
行得超快!搭8左右返到去=.="好辛苦!
好驚遲到!遲到扣分唔係咁好啦~好彩麥當勞叔叔仲遲過我!哈哈~~~
今日上素描堂~都冇咩心機!畫完一張已經冇心機去畫lu!
因為好累...琴晚同精蟲,朱仔,彬佢0地傾電話傾到1點!
之後我自己又成3點先訓=.=...好唔夠訓!
今日又0黎多個插班生!佢係女仔0黎!超怕羞咁樣!
今日我拎到兩個電話同ICQ^-^兩個都係女仔0黎~
一個係佢問我,一個係我問佢!Good~~~
之於D男仔...一樣係咁白痴!
唉.....唔知到我0地成班畢業之後佢0地會唔會仲係咁樣大細佬呢?
畫完落堂係地鐵站見到同班同學亞kin!於是同佢一齊搭車啦~
佢住沙田既~返到0黎大埔又如常咁返工!超眼訓同累囉~
今日返左5箱新貨...幫左唔少手!再加上今日係中秋!特別多人0黎睇衫!
夜晚忙到呀...唉~~~企到腳又累!
成日都係食果一餐渣!聽日同朱仔佢0地去沙灘玩!於是我聽日唔駛返工!
星期日應該要返工啦=.="
有時D人買完野我會同佢0地講中秋節快樂!
睇見人0地既笑容我都開心^-^
But返返下工係冇咩人既時候我又沉思左陣...攪到唔多開心="=
um...算啦~我預左大時大節都會咁樣.....
冬天仲有好多節日等住我...
放左工首先係打俾亞媽!因為佢0地果邊BBQ!
之後再打俾朱仔佢0地!最終我簡左同朋友一齊=.="
咁樣...係咪好衰呢?
去到大中首先見到maymay同達達一齊!佢0地話去打機!
之後又見到EVA同佢細佬!原來彬彬佢0地約左EVA一齊!
點知彬彬果D之後又去酒吧喎!得番我一條女!唔去!
又累...聽日仲要玩成日..又早起身!於是我12點左右返屋企lu~
EVA細佬如常地百厭!之後班男仔又...唉~~~覺得成班都唔識自制咁囉~
EVA仲好興咁鬧佢細佬...佢細佬喊...真係少可=.=...
今日中秋真多人!係大中果邊7仔見到個幾型0家^^hehehe~~~
返家前又見到肥章佢0地!哈~~~肥章居然同我著同一款同一色既鞋!
扮Twins嗎???hehehe~~~
之後我0地成班係咁傾聽日點樣...唔知聽日會點樣呢=.="
傾好就返家!返家既就返家!去酒吧既就去酒吧!
唉~~~家下好驚舔野!舔咩野?唔知呀>"<
我唔想咁樣!點算好...?唉~~~
PS:祝大家中秋節快樂~..........................夜晚真寂寞...

>>September 11, 2003 at 4:56:42 PM GMT+8

2003 年 9 月 9 日 星期二 【晴】

2003 年 9 月 9 日 星期二 【晴】

2003 年 9 月 9 日 星期二 【晴】

今朝返學時間0岩0岩好!我諗亞sir應該0黎左冇耐0者!
係正形樓下見到同班同學喎~say左hi就一齊上樓!
今堂係繒圖堂!上堂好多野做=.=...
係咁叫人畫野!又凹凸咁!好煩0家!即係好似畫平面設計果D咁樣!
上堂時後面果班男仔一樣係好多野講啦~都係琴日多野講果班囉~
又係白白痴痴咁樣囉~hehehe!But有時唔白痴又冇得笑既~
琴日果個插班生越睇越似麥當勞叔叔!於是我0地叫佢麥當勞叔叔!hehe~
另一個男仔既質面幾似余文樂!因為佢成日都帶筆跑!So我0地都叫佢筆跑!
自閉果D仍然係自閉...嗯嗯~
今日係1樓上堂!上完堂咪搭lift落去囉~其實可以行樓梯!
只係我見仲有唔係好多層就到so先等啦!而且仲有其他同班同學係度等呀!
麥當勞叔叔就指住我話得一層都等lift=.=...唉...我覺得佢D行為有D問題!
唔知話佢白痴定係傻!
唉~~~今次上堂有功課囉!話堂課50%,功課50%!即係計分囉~
放左學如常一條友返家!食野...下晏唔駛返工!今日頂人假!So返7點!
下晏由點幾一訓...訓到5點!嘩~訓左咁耐0家啦?
訓完又食左D野就返工lu!~
今日返工shop manager唔係度!因為shine今日要影相!
shine仲係做我0地秋冬季既代言人!
But...聽日一定會見到shop manager囉=.="
真係唔多like呀>︵<...返去好似俾人管住咁樣!食s.....
佢係度又唔可以準時放工!今日就好準時就可以收工啦^-^
又冇咩野好做喎~成日冇客係度就坐下!食下野咁樣!
聽日就冇得坐啦~慘慘慘...
唔知點解做左呢份工之後like左撩人講野!可能係因為份工既關係!
有時見到對面眼鏡88 d人收工我會同佢0地講buybuy^^
又時企係門口見到有人經過又會對住人笑下!見到D小朋友又話撩下佢0地咁樣!he~
今日同眼鏡88果個男仔buybuy啦~佢好似好怕羞咁樣=.="真可笑!hehehe~~~
眼鏡88 D人好攪野0家!佢0地好鬼準時收工!佢0地一收工就知係9點!
有時D客9點仲係度唔肯走佢0地就會黑面0家啦!哈哈~~~
有時就到9點佢0地就換定哂衫咁樣!有客係度都照收舖!勁野~
我0地仲講佢0地咁趕!一定好多夜生活!遲左一定趕少一班車!哈哈~~~
夜晚返家如常玩ICQ~聽日上素描堂!Good~~~

>>September 10, 2003 at 3:11:38 PM GMT+8

2003 年 9 月 8 日 星期一 【晴】

今日遲左3個字返到學校=.="7點11先到沙田囉~趕死我!
好彩未係遲到!呵呵~~因為過左9點先算遲到!
今日有個插班生!唉~~終於有D樣睇囉~
佢係男仔0黎既~我一入到班房仲以為佢係女仔!
佢個樣有少少女仔樣囉~眼大大咁樣!白白淨~
佢個頭係爆頭0黎!瘦瘦地咁樣!But我發覺佢個腦有D問題咁樣=.="
個人超怪!點樣怪就好難講...佢同我一樣係好鍾意講野!
佢D行為...好低B!唔知點講!唉...
哎呀~點解我果班冇一個男仔係成熟少少0家?
今日上堂終於唔駛悶!幾好玩!因為坐我隔離果D唔係自閉既!
個個都好攪笑!哈哈~~~我上堂同佢0地係度發瘋囉又!
識我既朋友仔一向都知我上堂有幾瘋0家啦~自閉唔0岩我!哈哈~
角落頭果渣自閉就好似唔like我0地咁樣囉~傻傻地0家>"<
上堂勁同人傾計啦~終於知全班最大年紀係邊個!
最大果個24歲!But佢D行為都仲係咁低B!
我好直接講左:你D行為唔似24歲喎~
佢都答我:係呀~我d fds同識我既人都咁話!
佢係男仔0黎=.="...原來我係呢班都算細0家啦~hehehe~
好多都18歲咁樣!有D就同我一樣年紀!有D得16歲=.="
個樣仲好細個...有D仔講野好攪笑!串串地咀咁樣啦~
當然串串地咀果D係冇咁7果渣啦~But都唔係型0家啦!
終於可以開開心心咁上完呢堂素描堂啦^-^
之後就返0黎返工!今日返工我耐唔耐都坐下!
shop manager唔係度!下晏朱仔0黎填form!
因為我叫佢做下part-time之後轉fell!而且佢又冇工返!
幫左佢=.=...朱仔記得得左請我食飯呀>0<
我幫左你唔少呀!又叫個shop manager俾你見呀!
之後又同豆豆一齊諗幫朱仔吹下咩經驗咁樣~
朱仔走左冇耐又見到肥章係眼鏡88度睇緊野!唔知睇緊咩野!
之後我咪出去同佢傾左幾句囉~佢著住件新民書院既校服!哈哈~
冇耐又見到carman同佢班fds0黎左睇衫!唔知去邊樹呢佢0地?hehe~~~
到收工前就係咁試衫試褲!因為我睇中左條男裝長褲呀>0<
真係幾靚0家!可惜冇哂細碼!so補貨!hehehe~係for自己囉~
家下折左大約200蚊左右!低屌啦~
又試下D tee!D tee唔係咁得!因為想玩多D look就試下不同既look囉~
先試下男裝褲果D囉~But條褲真係幾型0家=﹏=
我覺得男仔著會好好睇!如果我有男朋友佢係著呢條褲就Good啦!哈哈~~
試完就返家lu~夜晚一條友食飯=.="
我冇食到!唔肚餓...

>>September 9, 2003 at 3:08:53 PM GMT+8

2003 年 9 月 7 日 星期日 【綿綿細雨】

PS:今日搭地鐵到灣仔上電梯時見到一個男仔真係好得呀>.<
佢白白淨咁...似Edison加pakho咁樣!哈哈~正到爆!
But...通常靚仔都係基既=.="
-=≡-=≡-=≡-=≡-=≡-=≡-=≡-=≡-=≡-=≡-=≡-=≡-=≡-=≡-=≡-=≡-=≡
今日見番D同學仔!希望repeat既就努力讀好佢!
祝佢0地下年考得更好!
家下每個朋友仔都有唔同既方向~
有D就重讀,有D就補習,有D就工作,有D就讀其他野,有D就升中六,
有D仲未知自己點樣...
anyway...我希望大家向住自己既目標努力努力努力!!!
我都係^-^

>>September 8, 2003 at 11:28:26 AM GMT+8