2003 年 8 月 7 日 星期四 【晴】

感情真是好怪...
當然...人總是貪新忘舊的...
你起初麻目去愛一個人,
最終你有了新目標便會忘記舊的對象!
我也是一樣...
可惜...我是很失敗的!

>>August 7, 2003 at 5:52:25 PM GMT+8

2003 年 8 月 7 日 星期四 【晴】

原來一人努力沒有人幫助是很寂寞的...
感到很無助.....
我很想努力!可惜沒有一雙溫暖的手讓我取暖...
我哭了...
很迷茫.....不知怎麼辦!有很多問題存在.....
雖然家人豁達地供我讀設計...
但我不知讀室內設計或是時裝設計!
最終讀完出來後能夠從事這種工作嗎?
不知道...將來的事沒人會知道!
家人又能夠豁達地讓我到外地留學嗎?
世上沒有後悔的...
可是...我真的後悔了...﹀︵﹀.........

>>August 7, 2003 at 5:03:30 PM GMT+8

2003 年 8 月 6 日 星期三 【晴】

補充番琴日先!我琴日磅一磅重...
真係太好啦>.<我居然冇重到!仍然係90磅!Good~~
爆開心!唔知係咪呢期食少左野既原因掛.....
今日9點幾起身!因為去柴灣間IVE交張form!
果度超多人超熱囉...排左成粒鐘先可以交form!
成功交左張form冇填錯!唔駛改!Good~~~
搭地鐵真辛苦!又多人...又臭="=.....核突!
搭地鐵去時有個大嬸問我0地唔知去邊!
因為我真係唔知佢講咩野!口快快講左:我都唔知你講緊咩!
之後我答左佢去旺角轉車!But我真係唔知佢講緊咩野=.="
Then聽到佢話咩係太子轉車!
我即刻講:屌!識搭就唔好問我啦!又唔知你講緊咩!
我諗佢個仔定咩野聽到掛~好似係咁望住我咁!hehehe~~~
hehehehe~~~前幾日發現有頂Roxy帽仲未戴!
於是我今日戴左出街!Good~~~>.<黑色的!
交完form之後落左旺角唱K!同EVA兩條友唱!Good~~
呢次係我第2次兩條友唱K!我0地傻下傻下咁樣!
出面D人成日係門口個窗度望入0黎!都唔知望咩!
So我0地咪話望咩呀望!hehehe~~~
But...幾貴下="=...兩條友唱左$183!
唱完就4圍行下!夾下糖咁樣!陪EVA拎野等等...
而且EVA仲見到D核突野添~hehehe~好彩我見唔到0者!
Then去左影卡同貼紙相!
(因為未同過EVA影相!而且今日戴左帽!幫頂帽影下相都好!)
幾Good喎都!仲好攪笑!hehehe~~
因為有張貼紙相影錯左!
得閒scan番放落本網上相簿度先!當然好核突果D唔會公開俾人睇0家啦~
好彩呢兩日有出街0者!聽日同後日又返工...
冇出過街好似好對唔住自己咁!
我覺得自己今日好叻喔!我可以忍到手冇買過衫果D!
可能因為冇野睇中掛~
今日俾我知原來報IVE果D人都冇靚仔同型仔既=.="
點解會咁0家?...好失望添!kakaka~~~
算啦~我都冇咩機會讀到IVE!我咁低分!好難同人爭!
家下又仲未搵到設計學校!唉.....一定要快手先得啦~
今日好開心!^-^因為我終於係K房度睇左<<張某>>MV!
我太想見到佢啦>﹏< 個MV好攪野!
Good~~~而且係地鐵站成日見到我好想見到果張海報廣告!
又係佢啦!簡直就係開心死我啦>﹏< hehehe~~~
以後搭多D地鐵先得!唔係唔知張廣告幾時會冇左...

>>August 7, 2003 at 5:20:41 PM GMT+8

2003 年 8 月 5 日 星期二 【雨】

放榜...嘿嘿...(奸笑中)=.="世上冇後悔!But我真係後悔...
後悔當初點解唔讀書...仲記得以前D成績係中上...
家下?哈哈~點解會咁?又咪因為自己上堂訓覺唔聽書!
而且又唔溫書囉~考試卷又唔多願意去做!次次test唔係0分就唔合格!
家下真係低死啦!得兩分~Art...好失敗!我平時Art平均都有C-D!
家下得個E...唉~~~點做設計師呀???
But家下我只可以搵設計學校讀!同報IVE...唔係...我真係唔知仲可以點樣了!
唯有讀幾年設計...之後升讀副學士啦...
唔得>"<我唔可以再後悔多次0家啦!
仲要修讀下英文同日文...我要自我增值!我要俾心機讀先得啦>︵<
我唔想做個廢人!為左屋企生活好D...為左老豆老母...為左自己!
以後要好好讀書了!要半工讀了...我唔想再問屋企人拎錢lu~唔多想靠人!
EVA真係勁...18分!18分喔>0<"
等佢填完升F.6 D野就一齊去還書.....我遲還左3日!
EVA拎左我銀包入錢落個箱度!原本係十幾蚊0家罰!
點知EVA幫我入左6個幾!哈哈~人0地圖書館D人係唔知我0地入左幾多錢!
之後我0地行左陣...係吉吉島睇下遮咁!因為我想買遮!
哈哈~點知出到門口就落大雨!即係個天都要我買!
So買左把遮!Then去左明星飲茶!超勁~兩條友飲!
我未試過咁樣囉!而且我都好耐冇飲茶了!
飲完又行左陣...走左去租左好多本漫畫!呢幾日放假!返工前又可以睇!
Then去左買野整手鍊!因為之前整果條冇左...生日果日睇戲跌左...
原本想整頸鍊!可惜搵唔0岩我鍾意既正方形!點解會咁0家?
咁即係要我去深水步買0者~
聽日唔知係咪去唱K...都唔知約唔約到人去.....
PS:今日見到好多人好down...有D仲喊...唉~...我都唔知可以講咩了!
我覺得升f.6係為左讀大學囉!如果唔係為左讀大學既話!咁升0黎仲咩?
希望我讀到設計學校後就更俾心機讀書,學習啦~
先盡人事,後聽天命!

>>August 6, 2003 at 11:15:46 AM GMT+8

2003 年 8 月 4 日 星期一 【晴】

今日唔駛返工...成日係家休息~
But maggie下晏打0黎叫我星期5,6返工~
返1點!又係海港城!Good~幾好呀都!有工返!搵多D錢先得!>.<
聽日就放榜lu~心情家下先開始緊張同擔心!
之前原本都覺得冇咩野!
仲打算大不了咪返工做野...
家下返左工先知係唔得0家囉~讀書真係重要好多!
做sales係做唔到一世0家!俾盡都係做到30歲!
點得呀?我唔可以只靠男人0家>"<
So我打算讀設計學校lu~家下搵緊資料~
聽日返school叫美蘭子幫下忙~教下我填IVE果D~
(But佢聽日一定好忙=.="因為好多f.5學生要佢幫...)
IVE雖然係冇咩機!填左好多唔填呀ma~而且又俾左100蚊報名費!
唉...家下一定要搵多D錢!遲下讀書我要俾一半學費=.="
因為出面果D設計學校都幾貴下!
為左將來著想!只好努力搵錢讀書!我唔想後悔...so要讀書!
當係拎番個文憑學多D野囉~就算出0黎真係搵唔到野做都好...
人生在世吸收多D知識好!唔係白廢人生了~
最近返工唔知係咪餓慣左...
今日係屋企食飯果D...食得唔多...but已覺得好飽!
有時又唔知肚餓咁樣="=
之前有一日放左工買左好多零食...到家下都未食...
因為都唔想食咁樣=.="唔覺肚餓.....
唔知遲下會唔會瘦番!有番D成績呢?
下晏成日都係家聽下歌,玩下電腦又過一日lu~
真無聊!所以話唔學多D野充實下人生係唔得!我要半工讀!努力>.<
希望我能夠啦.....

>>August 5, 2003 at 9:19:24 AM GMT+8

2003 年 8 月 3 日 星期日 【雨】

今日只係返左4粒鐘渣!超少呀!搵得果百幾蚊!
幾日仲要唔駛返工!雖然我係踩左7日0者~
But我仲頂得順喎~家下整親腳果個fell-time好番返0黎做...
咁日後我就好少可返工lu~返多D仲好!等我可以搵多D錢!Good~
恆豐果度都冇咩人既=.="超悶...雖然係悶!But我好開心^-^
因為前日搭271果個型仔...佢居然係返恆豐0家!哈哈~Good~
我返去入到間舖佢就問我:你記唔記得我呀?上次搭271呢~
哈哈~我都唔記得左佢咩樣!只記得佢個袋係點樣!
我諗一諗...係喎~佢就係前日271果個型仔啦喎~
佢個look都幾得=﹏=but我上次只係望一望...冇點理到佢...
估唔到佢有留意我!佢仲講左我果日著咩褲同買左咩衫~
哈哈哈~超開心呢~Good~~~
今日再見番佢...雖然覺得佢唔係真係好型仔!but都算ok 0家!都幾得!hehe~
佢住係富善0家!好似同佢好有緣咁!hehe~
果時仲諗...識到佢就好lu!E!?點知我真係識到佢喎~
But我好少返恆豐.....So都冇咩機會見到佢lu~
可能佢有女朋友呢...我諗我都係唔好諗咁多好lu~
仔...!仔係用0黎望!一齊係一件難事~
放左工走左去Sarah度左陣!佢就叫我快D返家=.=
又話聽日唔駛返工咪好果D...哈哈~
係佢間舖度見到樣好攪笑既野!有個大陸婆著左件白衫!
好貼身啦咁...之後係佢後面有兩粒野!嘿嘿~~~前面都有!
佢件衫好特別囉~0岩0岩係個波波度有兩粒粉紅色既野!hehe~
笑死我0地!Sarah D同事即刻講哂呢個話題!哈哈~~~
傾左陣就搭車返家!果下真恐怖!有個亞婆冇位坐!
之後有個女仔讓左位俾佢坐!好彩我冇讓到...
果個亞婆係咁同個女仔講野.....
之後...個亞婆唔知拎左支咩野係咁噴塊面=.=
仲係度問我0地噴唔噴!因為果時冇位...我位左係地下果層最尾果排!
之後冇人答佢=.=...亞婆又係咁望我!我只好笑一笑當答左...
Then好累又訓左lu...家下慣左放工係巴士度訓...=.="
仲可以好快手咁訓!hehe~可能累了!
返到大埔就去左妮妮度吹水吹左好耐!中途走左去買薯條食~
(我朝早到夜晚返左都係食左一舊包...之後咪食左薯條囉~)
又去左搵亞琳講左兩句...原本打算同佢一齊出街食飯!
最終都冇!因為我亞媽留左飯~So我要返家食!
冇耐又返去妮度傾計!Then冇啦啦有人叫我!
原來係yinyin!仲有家家同佢男友毛仔!(戀毛)
同佢0地行左陣大埔再返去搵妮妮~佢放左工就一齊返家!
我0地行左沙沙同吉吉島就返家了~
可惜落雨...好恐怖!又閃哂行哂雷咁!
3個人用一把遮!今次yinyin好醒!好少可帶左遮喎~
PS:好開心可以見番果個男仔^-^真係好有緣呢~識到佢已經覺得好鬼開心了!
hehehe~~~好開心呢~妮仲話我發姣=.="我冇呀>"<
咁俾著你自己見到自己鍾意既類型!一定超開心0家啦~hehe~Good~
唔知佢幾多歲呢?我諗最少都有20-22歲lu~Good~~~=﹏=
前日定琴日發左個好甜既夢~我夢見同一個男仔一齊...
好似以前同鋒一齊果隻感覺~好舒服=﹏=
But我見唔到果個男仔咩樣呀>"<我只知佢好似高高地咁...
係夢度佢攬住我...好舒服呢~hehehe~~~
最衰我睇唔到佢有咩特徵果D啦!彬彬就見到佢夢中情人係點樣!
雖然佢見唔到佢咩樣!But彬彬見到果個女仔塊面有<拉>...
而我就只見到果個男仔係高高地咁...唔係黑既!真係咩樣就見唔到啦.....
哎呀>"<好難得夢見夢中情人ma~點解見唔到佢咩樣0家!

>>August 5, 2003 at 4:43:19 AM GMT+8

2003 年 8 月 2 日 星期六 【晴】

返sales都幾好呀~成日可以對住D型人!
琴日同今日都俾我見到唔少型仔!
有D女仔個頭好型呀~等我可以諗下個頭點剪好!Good~
今日有個細路對住塊鏡係度V哂,笑哂咁!哈哈~
我原本係度整緊野既!見到佢咁樣!超想笑囉~
返工冇耐又係門口見到馬俊偉!原來佢真人幾高幾型0家喎!
平時係TV度見到佢好似好樣衰咁=.="
呀!!係喎~!我琴日到有個女仔好型!佢係爆頭!黑色頭髮!
皮膚又黑黑地咁!著哂黑背心黑長裙黑既拖鞋咁樣!真係好型!
之前係Quiksliver見過佢0家啦~
唔知佢係咪認得我!琴日見到我係咁望住我!hehehe~
真係好想識佢呢~我覺得佢好有味道呀~仲幾靚添呀佢^^
今日就見到LCX收銀果D人!仲見到尖咀果間Quiksliver果對情侶!
直至家下為止!都仲未見到朋友或者有朋友探我班.....
唉~~~算啦~咁又係既...我返尖咀...唔係行街都唔會去我度啦~
聽日又返工...連返7日了!做唔過7粒鐘就冇得食飯...
成日挨餓...好辛苦呀!好似後日又要返.....
家下好似鐵人咁!雖然話唔駛返咁多日0者~
but日日都挨餓真係好辛苦!夜晚返屋企就係咁食野!
真係feel到唔肥都幾難了!
好想行街呀>0<"好想玩呀!But我要搵錢!!!唔得!我唔可以話唔返0家!
辛苦D都要0家啦!星期6都唔知去唔去沙灘好="=
我應唔應該話請假好呢?唉....
今日間舖唔係太忙!(星期日都唔忙?)家下企慣左...對腳累到麻痺哂!
就係因為唔太忙!我放7點幾~攪掂哂D野就走得人!Good~
聽日唔係返海港城lu~聽日返恆豐...12點9!唉~~~
放工都唔知搭咩車好!係果邊搭271一定冇位坐啦!唔係又企呀?實死人0家喎!
弊!!!仲要係呢幾日返school拎唔知咩6號放榜D野!
唉...攪咁多野!真煩!IVE張野又未填!
又未睇下邊度可以讀設計...讀完之後可以去大學度再讀設計!
邊度可以呀>"<我要為將來著想而諗定0家啦!!!我唔想做死一世工!
讀多D書好~!起碼可以學多D野ma~
放左搭車果時...見到一家人...佢0地住左係車頭啦~
之後有個菲律賓人坐係個老豆隔離!
果個老豆成日望住果個女仔!我估...
hehehe~~~我初初以為果個菲律賓人係好靚啦!
點知唔係!見佢落車時...一睇!哈哈~
我估都係因為佢大波所致啦!果個老豆好鬼核突!
上車食飽啦~冇耐...俾我見到佢用手<了>牙!
果一刻我好想嘔囉~真係好核突=.="呢D咪正中核突佬囉~
再睇一睇佢成家...原來佢老婆同佢都好鬼得!
因為佢0地成4十幾歲人都可以生到一個頂多3歲既小朋友!
嘩~真係精壯囉~哈哈哈~~~個女就同我差唔多大!
咁咪同佢個細路差好遠囉個歲數=.="?
家下日日都返工出街可以見到好多奇景!
真係壯觀囉~~~

>>August 3, 2003 at 2:05:37 PM GMT+8

2003 年 8 月 2 日 星期六 【晴】

今日返1點!如常咁樣買包上車食!點知.....有...有...有...

2003 年 7 月 31 日 星期四 【晴】

今日返兩點.....我明明交左鬧鐘...
But我熄左=.="之後遲左起身!
今日返工終於可以食飯啦~^^~因為今日做左成7粒幾8粒鐘!
Good~~~聽日又要返工!返1點!真係好了~可以搵多D錢~
死都返耐D啦!餓下有咩所謂呢~當減肥ma!返多一粒鐘就多30蚊^^
遲下海港城個fell-time好番返工既話...我可能唔會點返呢度lu!~
尖咀第2間果個part-time好似做到8月中...
我諗果個part-time走左就由我頂上0家lu!~
hehehe~做呢行真係可以見到好多怪人!
今日又見到果個婆婆!前兩日已經見過佢0家啦~
佢著得好攪野!好似扮到好0靚妹咁!果婆婆搽左好紅既唇膏!
又化哂妝!著到好攪野!佢成日都要買平衫!買襯既都係好鮮色!
哈哈~最攪笑佢試穿件衫時居然調轉左件衫著~
D兩折衫賣得好快~可以知HK人係好多都買平野!仲成日玩倒亂添~
But我覺得兩折果D衫唔多好睇=.="
我今日又買左條褲!同上次果條一樣!只係唔同色~
因為我覺得兩隻色都好睇喔~=﹏=hehehe~算啦!買完今次唔買了!
斜對面OZOC成日好準時收工=.=...
果度做既人好勁囉~唔駛咁準時呀?好似以前Quiksliver,X-game咁樣!
我家下做呢間都唔準時收工既!真怪~
放左工如常搭車返家!原本想拎野俾Sarah...but佢果邊好多酒吧!
太夜都係唔好去果邊好D...聽日收工先去俾佢啦都係!
搭271時...唉~~搭搭下又轉左車囉!架車冇力上斜路!太多人!
之後隔離有隔吉車!吉既271車!So士機叫我0地想坐得舒服D就轉果架車!
於是我轉左車!因為我原本坐果架係舊車!而且又好多人...真係唔好坐=.=
返到屋企...我明明下晏食左飯0家啦=.="
我亞媽居然留左好多飯俾我...我哂左好多飯...可能家下慣左餓...
下晏食完野到夜晚可以唔駛點食!
So冇點食到亞媽番D飯~
返到屋企,精蟲係ICQ add話下星期6去沙灘!=﹏=
沙灘呀~~~好想去呢~唔知果日駛唔駛返工呢?
要返工我就未必去lu!因為我想搵多D錢...努力!
唔駛返工就會去沙灘!but...我星期5先知駛唔駛返工喎=.="點算???
一係我同果度D人講我星期6唔返工!but我又想搵多D錢...
唉~~家下由個天決定啦!唔想諗咁多!下星期先算!
有可能去到沙灘玩都係悶...一係去完之後就唔開心...
So...都唔知點lu...

>>August 1, 2003 at 4:12:14 PM GMT+8

2003 年 7 月 30 日 星期三 【晴】

今日10點半左右起身~一路係度拾下自己個樣...
樣衰呀ma~係要拾下0家啦!
之後又玩下電腦~11點9左右去買飽上車食!
係富善271站已經見到精蟲!上左車後係車上見到佢係度行緊唔知佢邊樹!
我諗多數返學睇聯校歌唱0家啦~
我坐樓上最頭果個位!So佢係條街度見到我係車度!
hehehe~~~之後我0地對望做粗口手勢!佢又覺得我好奇怪仲咩係車度!
於是我做口形話我返工!之後我0地大家做手勢byebye咁樣!hehe~
我係車上食野...之後又如常咁係中港城落車!行番果條去海港城返工~
今日下晏冇咩人0家原本!超清靜!我0地係度睇下衫傾下計咁!
間野家下D衫好平!過多3日就有新衫!(秋季衫)
之後我又幫朱仔留左件衫~我自己又睇中左件衫!hehe^^
做呢行真好啦~間野D衫都ok呀~我可以係度買衫^-^
得閒睇中可以買先~嘿嘿嘿~~~
下晏係冇咩人...到左放工時間就好多人了!係超多囉~
D人同琴日一樣=.=攪亂哂D衫!有個架D衫係平到兩折!
果D女人幫我抄亂哂!!!攪到我成日係度拾衫!抄亂哂好核突0家=.=
人0地睇都唔好睇啦~家下終於知D女人有幾大威力了!
冇野做又拾衫~原本我係去食飯0家!點知我做耐左!
因為個場多人!唔夠人手!做到8點幾見冇咩先話走人渣!
今日做左8粒鐘都未食過野~...餓死我啦!成日放左工先食野...
即係夜晚先食得多!會唔會好易肥0家!就算朝早食得幾少野都好=.=...
打卡真好喔!~原來做夠15分鐘當一粒鐘計!我今日最尾果粒鐘只做左半粒鐘!
hehehe~~~咁又有30蚊了!我要努力搵錢>"<
好多野都想買!而且!!!我又要儲錢!遲下讀書用ma~
佢0地係度問我係咪想做fell-time!唔知係咪打算遲D升我做fell-time!
因為旺角同尖咀唔夠fell-time用!but...我可能唔做fell-time,只做part-time!
做左fell咪即係等於要開始踏入工作人生?我唔要呀>.<
今日有人0黎巡舖!好彩我呢兩日慣左叫場!每個人0黎都say hello 0者!
D客係聾啞人士...我同佢0地say hello都冇笑容!
唯一一個有!我都覺得好怪!哈哈~原來佢係巡舖既!好彩我有叫場有拾衫果D0者~
fell-time果D提醒下我!hehe~佢0地仲話0黎巡舖既人0黎左就好散水!
唔好傾計住!hehehe~~~So我扮到自己好鬼勤力咁!hehehe~
因為呢份工我唔可以冇左佢0家>"<
家下搵到太難了!呢份工都唔錯呀~因為係一份比較好收入既工作!
做到8點半!8點9左右走人!點知佢0地食飯就0黎尾場啦就!
So我飛的去食飯=.=hehehe~之後又問番老豆拎錢!
佢又話我點解我返工成日問佢拎錢!hehehe~算吧啦~俾左錢我啦都!
食完飯就返家lu~係大埔廣場見到NANA~
佢仲同我飛吻~hehehe~傻0家佢!咁風騷既佢?hehe~
好累呀今日...成日係度拾衫...企左成8粒鐘!又冇野食落肚...
對腳幾痛下lu~家下返8粒同以前返工差唔多=.=
以前返9粒!but有成粒鐘食飯!可以坐下!
家下就企足8粒冇得坐...冇法!努力搵錢為上!
聽日又係返海港城!~收夜...返兩點!可以訓多一粒鐘^^好野~
返呢間真係唔錯下~成日同佢0地講衫D野!有知音人!hehehe~~~

>>July 31, 2003 at 5:22:24 PM GMT+8