2003 年 5 月 27 日 星期二 【晴】

琴日見番少部份既朋友仔...
Feel到個感覺好似唔同左咁=.="
好怪...好似feel到佢0地細路左咁...
好似唔係好夾咁...唉!~~~
唔想咁樣呀><"我想同D朋友仔夾D呀~
咁佢0地點都係fd左咁耐!又係中學時識既!
我唔想因為返工而攪到同以前D朋友仔冇咁fd...
係呢一個星期裏面我feel到我d朋友仔好似發生左好多事咁樣!="=
唉~~~唔鬼知咁多呀=.="...好多野我都唔清唔楚咁樣!
仲係咪朋友?


>>May 28, 2003 at 6:00:48 AM GMT+8

2003 年 5 月 27 日 星期二 【晴】

今日又唔駛返工!good~琴晚兩點幾訓...訓到今朝點幾先起身!
可能返工真係累...一有時間就好好休息下~
琴日去左買記事簿~麻質既記事簿!型喔~
之後又同亞琳傾下計咁...Then佢又約左人游水!
返到屋企又玩電腦!就係咁樣過左呢一日!
家下自己搵錢自己駛~我知屋企又唔有錢...
家下做野當係俾自己駛囉~廢事屋企又俾錢我駛啦~
減少佢0地一個負擔先!出左糧俾D錢亞媽買衫!~
Then我又要買衫>.<入下貨先!hehehe~
家下返工做野果度唔著型d唔得喔!~
著得cheap,核突又唔係咁好啦~
我唔想日後靠哂男友俾錢我駛~廢事做D俾人話係貪慕虛榮果D女仔啦~
家下做野就要儲先錢!自己搵自己駛~鍾意點用都得!hehe~
因為係我辛苦得出0黎既成果呀>﹏<
好想游水添!But又唔識游...又冇泳衣...唔通係我果間度買泳衣咩!
勁貴呀!600百幾蚊件!嘩~去左我3日人工啦!唉~都係出左糧睇下到時點樣先算lu~

>>May 28, 2003 at 5:51:14 AM GMT+8

2003 年 5 月 26 日 星期一 【晴】

琴日可能因為係平日冇咩客!我0地見好多貨都未show出0黎!
於是咪show D貨出0黎囉~就係咁我燙左幾粒鐘衫!
而佢0地就整泳衣!攪到差唔多收工先攪掂!
嘩~好彩亞頭佢係搭KCR...而我就係搭Bus 0者~
我唔想同佢一齊返家!因為出面D人知人口面不知心!
我廢事同佢0地講得太多野,俾佢0地知咁多野...一陣有痛腳就弊!
原本我星期一至五都要返X-games!家下唔駛lu!
琴日office果個人打0黎叫我唔駛返,之後又叫我返!
到最終都係唔駛返!好野!~今日放假~一陣去買記事簿!
睇下晏D有冇街去先~冇街去咪當今日係休息下囉!
家下等通知幾時要返工!~

>>May 27, 2003 at 5:50:18 AM GMT+8

2003 年 5 月 25 日 星期日 【晴】

琴日返左尖咀Quiksilver~D人都幾nice呀!
起碼冇X-games咁嚴先囉!
琴日老闆落左0黎!佢叫我進取D喎=.="
星期日咁得閒落0黎...好驚家下返工成日見到佢添!
估唔到佢一身平凡look!居然會係老闆!...
唉~~~今日係星期一!我由今日開始返到星期五都係返X-games=.=
好慘呀><"...對住D外國人又唔明佢0地講咩野!
我要讀下英文睇多D西片先得啦~
家下先英文真係好重要...
原來好多野都要做野返工先可以學識到!
返工有好多人際關係既攪,家下先知好多野都要就住講!
返工令我知英文係重要!
其實返工都令我學到唔少野呀~
家下返工等放工...成日都feel到對腳好痛...
好累...返工真係辛苦啦!

>>May 26, 2003 at 2:06:11 AM GMT+8

2003 年 5 月 24 日 星期六 【晴】

琴日收到一個好唔開心既消息!
就係我要連踩8日工!唉~~~雖然話就話250蚊日!
踩8日就有2000蚊0者!~可惜咁辛苦=.="企到對腳好痛好累...
今日係返第3日!="=...
我驚我冇假放添!因為佢0地話做part-time係咁樣...係返咁多日...
呀><"點解我會唔知0家?我仲以為一星期返4左右添~
家下一星期差唔多返足7日?shit!!!
咁樣即係一個月唔至4000蚊啦...可能會有更多錢啦~
可能我出左糧見到份糧會開心D掛!
唉~唔鬼知呀!我只知家下對腳企得好痛好累渣!!!

>>May 25, 2003 at 2:01:23 AM GMT+8

2003 年 5 月 23 日 星期五 【晴】

呀~~><"今朝起身feel到對腳痛痛地咁添!
琴日返尖咀X-games企左9粒鐘...琴日已經好輕鬆啦!
因為亞頭唔係度!我0地點樣企都得!But就唔好坐啦~
果度D人都幾好呀!佢0地話亞頭唔多好人!係一個好嚴好惡既人!
仲話頭會係D客面前話下屬!唉~~~今次我真係收得皮啦!好驚添~
今日亞頭就返啦!而我今日又要返尖咀X-games!好彩星期日係返尖咀Quiksliver 0者!
果個亞頭仲要住大埔添得0家="=...唉~~
可能因為我鍾意講野啦!好快就同D同事熟啦~
But尖咀實在太多外國人啦=.="我唔識同佢講野!又唔識聽佢0地講野...
唉~~~後悔當初唔學好D英文添!
唔想俾亞頭話今日返工就要努力做野啦!
唉~~~返工訓得果6-7粒鐘...唔係咁夠訓添=.=
我想返旺角呀!至少唔駛咁早起身!又放得早!
而且果度D人又好玩~地方又近又方便!....唉~~~
算吧啦!我都係返尖咀多好多0家啦~
前日放假!So同左Micky Jo去銅鑼灣同尖咀行街街~
係銅鑼洌我睇唔0岩D衫呀~係Sogo買左件Lovers House Tee渣!
之後落尖咀行D商場又係冇咩好睇!點知最後行左去2%買左成900幾蚊衫!
做左VIP~哈~下次買衫有8折!


>>May 24, 2003 at 3:01:47 AM GMT+8

2003 年 5 月 20 日 星期二 【晴】

好彩我第1日返工只係企果5粒鐘0者~
下次返工要企成9粒鐘!But我琴日都已經企到腳累啦~
可能未試過又第1次掛!So辛苦少少囉feel到...
果度D人都幾nice呀~有個型仔係果度做!佢係咁撩我講D好普通野!
同佢都幾好傾呀~個女仔就好nice~佢住大圍0家!
仲有另一個男人就比我較大!So同佢冇咩野講=.=
可能因為平日冇咩生意!有少少悶添~佢0地話星期6,日會勁多人!
條路冇得行!連去廁所既時間都冇喎=.="
有D驚添~我下次返尖咀呀!我諗我多數都係返尖咀0家啦~
算吧啦!~鬼叫自己冇錢咩!又成日買野...又想買多D衫!
係咁0家啦~下次要更加努力做野!
我第1日返工都慣左少少講果D sales應該要講既野!
只係仲有好多野唔熟~D人客問我野就口啞啞咁="=
家下只係識分side果少少野...仲有入搶搵貸俾客人囉~
其他果D唔係好識啦=.="唉~~~下次再努力吧啦~
好想行街買衫呀><"今日同聽日又唔駛返!我想今日休息下!
聽日行街呀!點算好?又冇人出去行街...唉~~~慘慘慘呀!

>>May 21, 2003 at 6:20:33 AM GMT+8

2003 年 5 月 19 日 星期一 【晴】

琴日有去8號又去左3育!!!But勁悶囉真係...
有件事就令我好開心既~就係有得返工啦~
係Sarah個fd係Quiksilver度做!咁0岩又請人!
於是請左我啦~>﹏<
我今日返4點呀!好緊張!唔知一陣去到果間野D人係點!
我好驚做得唔好俾人抄呀><"
唯有比心機做啦!
But.....我有好多朋友仔都未有工返!
唉~~~佢0地就有排玩啦~我?="=...唉~
雖然我係part-time 0者~
可惜我返工時間唔定!好難就0岩時間同佢0地玩!
就算我得!佢0地又一定話唔得閒0家啦~
唉="=...算吧啦~成熟少少啦~
大個女啦ma~咁細個既話係果間野度做俾人串爆啦!

>>May 20, 2003 at 5:13:07 AM GMT+8

2003 年 5 月 18 日 星期日 【晴】

我已經好多日冇出街啦~
琴日原本溫西史...But成日都溫唔到...
成日玩ICQ咁!仲打算夜晚溫西史啦再...
打算溫到3點幾先訓啦~
點知點幾接到電話之後就係咁傾到3點幾=.="
之後要溫多一陣...4點幾先訓...
家下好眼訓="=...次次會考都係訓咁少時間!
唉~~~最好呢科西史...仲以為會識啦!
點知...MC勁難!唉=.=點解會咁0家?
希望合格啦~一陣又出去還車!又可能過8號!
唉~又唔知點樣啦...

>>May 19, 2003 at 5:25:12 AM GMT+8

2003 年 5 月 15 日 星期四 【晴】

我今日feel到好唔開心~呢件事因我而起!
唔係因為我借架單車返0黎就唔會攪到有咁多事發生!
唔係因為我就唔會攪到咁多誤會!
唔係因為我你0地大家就唔會攪到咁樣!
我好希望你0地可以和好如初!
所有野都因為我!我好對唔住你0地各位~
對唔住大家!對唔住呀~~~><"
呢件事我會承擔責任!我會聽日還車!
我希望你0地唔會再有咁多誤會~
有咩事可以拎出0黎傾下!咁樣大家就會減少誤會~
朋友始終係朋友~唔好再攪到咁樣啦~
過去左既野就過去左啦~家下係我對唔住大家!
件事係因我而起!我唔想你0地攪到咁樣呀~
我見到你0地咁樣...我真係好唔開心﹀︵﹀...
我好對唔住你0地呀><"

>>May 16, 2003 at 8:08:47 AM GMT+8