2003 年 6 月 7 日 星期六 【陰】

今朝又俾彬彬嘈醒左!佢打0黎問我睇唔睇咒怨=.=
我家姐話呢套野唔好睇!
而且琴日先睇完戲...星期2又同亞吉去睇6樓後座...
邊度有咁多錢睇咁多套戲呀!家下冇工返呀~
Then4點幾出左去還書租書...
因為係屋企成日都好悶呀="=
我要搵工返先得啦~唔真係冇錢0家啦~
租完書之後同左亞琳一齊!
係摩登坐左陣~識左一個人叫肥仔!
坐完又行陣...過左新達...
又唔記得左冇K17搭=.=
打算返家既時候...亂咁上左車...
攪到遊左車河...之後再搭番去新達=.=...
坐的士...攪到冇左十幾蚊...唉~~~
十幾蚊俾我食雪糕仲好啦~呢期真係冇錢啦!
唉...下次都唔係唔夠膽亂咁搭車啦!
老豆老母今晚出左去食自助餐~好野!~
可以free D啦~佢0地係度好似唔知點咁樣=.="...
哈哈~~~今日居然俾人話我似林嘉欣!
hehehe~~~我都想呀~好似佢咁靚就好啦~
But唔要好似佢咁肥喎~hehehehe~~~~

>>June 8, 2003 at 1:15:18 PM GMT+8

2003 年 6 月 6 日 星期五 【雨】

好野~今日終於去左睇戲~
同亞琳,亞Kids,鋒華仲有亞高去睇~
亞琳點幾打俾我叫我起身話去睇戲!
Then睇3點10!睇衰鬼上帝~
原來都幾好睇呀~開頭好攪野!哈哈~~~
倒牛奶果度真係好攪野!笑爆我呀~
睇到5點幾就睇完lu~
之後D男仔就走左!得番我同亞琳!
我0地去左影貼紙相>﹏<
之後去左食KFC d燒雞!
冇耐就返家lu~返左家又出過0黎還書~
之後又租書返家...哈哈~
我今日就係咁樣過啦~
聽日唔知係咪出去行街街呢~
But我約左亞吉星期二去睇6樓后座呢~>﹏好野好野~又有得去睇戲~
But我今日用左60蚊0黎睇戲=.=...
唉...真係未試過60蚊睇一場戲0家!


>>June 7, 2003 at 1:04:41 PM GMT+8

2003 年 6 月 5 日 星期四 【雨】

家下D生活時間好亂呀~
夜晚好夜先訓...朝早成兩點先起身!
嘩~咩事呀???唉~~~
琴晚係自己本記事簿度寫左D野...
發覺自己原來有好多野都想寫呢~
彩虹?.......哈~亞kids話會幫我達成呢個願望喎~
點樣達成?好想知呢~佢話我生日就會知!
唉~~~可能家下會咁樣講既...
到左生日就唔會0家啦~
個個人都唔會記得我生日!
呢幾日都好悶...冇街去...悶到爆呀><"
點解???點解???我心裏面好多問號呀!!!
°+‧。‧°+‧。‧°+‧。‧°+‧。‧°+‧。‧°+‧。‧°+‧。‧
頭先出左去行陣...因為好悶呀真係!
冇啦啦下晏屋企冇得上網...又冇得睇TV~
好似話唔知呢座大廈整D咩野攪到咁樣...
Then我等左好耐都係上唔到網又睇唔到TV!
終於忍唔住出左街~
原本打算租下書就算0家啦~
But我係咁打俾人~哈哈~~~
最終亞琳同亞kids出左0黎!鋒華又係8號等!
之後4圍行~去左飲野吹水咁囉~
都係冇野好做0家渣~7點幾就返家吃飯~
我冇胃口食飯=.="...D<送>我又唔多like吃!
So我最終冇吃到!哈哈~~~
唔知夜D會唔會肚餓啦~
個頭有D痛="=唔知係咪頭先落雨...攪到咁...
算吧啦~由佢吧啦~就算病我都唔會有人理0家啦!~

>>June 6, 2003 at 1:03:13 PM GMT+8

2003 年 6 月 4 日 星期三 【晴】

突然諗起...藍色既天空~
好想再次見到藍色既天空~
一有藍色既天空出現!好想出去走走看看呢~
唔知我17歲既生日會係點樣既呢?
好想有人陪我渡過呢~
But...唉~唔知lu~有一個人肯陪我過...
我已經好開心lu~
希望有個開心愉快既17歲生日啦~
..............................
我好怕...到果日有好多野諗番起呢~
有多D人陪...開心下...可能唔會咁亂諗野掛~
唉~~~咩都唔理啦!傻左啦我!

>>June 4, 2003 at 5:37:47 PM GMT+8

2003 年 6 月 3 日 星期二 【晴】

真係成個星期都冇叫我返工=.="
唉~~~好似冇工返咁呀家下!
琴日我又出左去行街~
原本打算為左買短褲,拖鞋去海灘而出街既...
點知俾我知冇咩人去...而且一番一條女去="=
So我最終都冇去到!事實我勁想成大班人勁開心咁樣去海灘玩0家!
唉~~~
攪到琴日變左成行街買衫日!
琴日買左一個袋同3件衫!
果3件衫唔駛錢喔!~呵呵呵~~~
因為我去左Sarah做果間度買衫!
入左佢數呢~之前佢都講過話佢買俾我既~
叫我去佢間野度簡衫!
講起佢...佢聽日就搬lu~真係唔捨得呀>︵<
佢都算係幾錫我0家啦!
我有幾件衫都係去買....
So佢搬左屋打算送VCD機俾佢囉~
今日多數冇街去lu...

>>June 4, 2003 at 5:31:28 AM GMT+8

2003 年 5 月 31 日 星期六 【晴】

今日成兩點先起身!好彩彬彬打0黎嘈醒左我!
同我講去游水D野~
嘩~如果唔係我就長眠咁樣lu=.=
因為我成日訓覺都訓好耐好耐好耐.....
今日成點幾都冇人叫我起身!都唔知有冇攪錯!
呢3日要買定泳衣啦>﹏<
因為端午節要去海灘游水水!
hehe~~~開心死囉~!
好想快D見番D朋友仔喔!~
唔知買咩泳衣好呢?去我做果間度買定點好呢?~
呀~~~又唔知著咩衫好!好緊張喔~>﹏But冇女仔去我就唔去lu=.="...
呵呵呵~~~

>>June 1, 2003 at 6:31:53 AM GMT+8

2003 年 5 月 30 日 星期五 【晴】

以前我係好鍾意笑~
係班上面上堂果時成日都聽到我既笑聲!~
好多人都係咁講...
But有人係紀念冊度話我呢D笑聲已經消失左lu~
事實我開始慢慢覺得自己都冇以前咁鍾意笑lu~
以前我真係冇時冇刻都笑!
家下...已經少左好多lu="=
唉~我都好想再次大笑一次喔!~
唔知幾時先可以呢?
˙° o○﹒˙°˙°˙° o○﹒°○˙° o○﹒°○°˙˙° o○﹒˙°˙°
今日又係唔駛返工="=...
唔知幾時先再返工呢~?
我好快就出糧lu~
又唔知係邊間舖度拎糧呢?
我諗我今日又成日係屋企lu~
根本就冇街去...悶悶悶..........
˙° o○﹒˙°˙°˙° o○﹒°○˙° o○﹒°○°˙˙° o○﹒˙°˙°
Sarah仲有5日就搬啦﹀︵﹀...
唔捨得佢搬添~
因為以後可能冇咩機會見到面...
佢又要返工!佢放假又唔會搵我0家啦!
放左假就同佢d fds一齊0家啦=.="
唉~~~佢都對我幾好0家!
我有D衫都係佢錢既~
好似多左個家姐咁~家下佢搬左出去...
好似少左個家姐咁lu~><"
呀~~~唔想咁樣呀!
But佢點都會終有一日要搬走0家啦!
咁大個人呀...唉~~~又多件事唔開心lu~


>>May 31, 2003 at 8:51:17 AM GMT+8

2003 年 5 月 30 日 星期五 【晴】

天天戇下戇下那樣過日子...
真是很無聊呢~
我這份工收入很不穩定喔!~
不是時常要上班!我已經有五天不用上班了!
現在只賺取了千多元...根本不夠用呢!~
我還要買衣服,還要送VCD機給Sarah~
還打算和姊姊一起買數碼相機...
又打算給媽媽一點兒金錢=.="
這樣令我多麼的想找多一份工作做呀!
算了吧~現在有一份工作做已經很好了!
很多人都沒有工作做呢~
變成了雙失...


>>May 31, 2003 at 6:01:45 AM GMT+8

2003 年 5 月 29 日 星期四 【晴】

我鍾意食朱古力,
我鍾意食甜既野,
我鍾意藍色既天空,
我鍾意美麗既彩虹,
我鍾意young look,
我鍾意型look,
我鍾意走young look同型look混合路線!(哈哈~)
我鍾意Edison,
我鍾意行街買衫,
我鍾意我D朋友仔,
我鍾意有人錫,
我鍾意俾人溝果種feel,
我鍾意拍拖甜蜜果種feel,
我鍾意噴香水著白色襪有邊廿幾歲既男仔,
我唔鍾意食苦既野,
我唔鍾意punk look,
我唔鍾意灰暗既天空,
我唔鍾意落雨,
我唔鍾意落霧,
我唔鍾意人0地唔理我,
因為我怕孤單同寂寞...

>>May 30, 2003 at 5:43:36 AM GMT+8

2003 年 5 月 28 日 星期三 【陰】

夠啦!!!咩都夠啦!!!我唔想再煩!唔想再諗呀><"
我好想逃避現實呀!現實係殘酷0家!
算吧啦~咩都算吧啦~順其自然啦~
我要改造自己!我要改左自己D缺點!
我諗都係因為自己樣衰既關係~
So我要扮得更靚!出左糧我要為自己裝身!
我仲要改左我唔好既野佢!
我好想變得更好="=
．☆∴.﹡﹒＊﹒。．☆....﹒。．∴＊‧．﹒..∴☆．.﹒.∴﹒．＊﹒
冇工返...呢幾日都冇工返...唉~
冇工返時又想返工...返工時又想放假...
家下冇工返又少左幾日錢lu...
呢幾日錢可以俾我買到件衫啦=.=
今日唔打算出街啦...出去都冇野好做既!
好無聊呀~諗緊生存係世上為左咩野?
生存係世上只有灰暗咁生存0黎仲咩?
想有藍色既天空幫我畫上一條美麗既彩虹.........
生人一定充滿色彩~!

>>May 29, 2003 at 5:50:57 AM GMT+8