2003 年 8 月 19 日 星期二 【雨】

原本今日要返工!11點幾打0黎問我返唔返到!
就算我即刻起身攪呢樣果樣都要兩點幾先返到去啦~
又話唔記得左之前一日叫我返工喎~
唔夠人手!因為有個同事去左訓練!
But我推左...話約左人!唯有講唔好意思囉我!
因為我一早約左EVA佢0地先!唔想<粒>底!
雖然係搵少一日錢!But...都係一次半次0者>︵<
唉~~終於剪左頭髮啦>0<"
整左colour~因為造左兩隻色so貴D!
差唔多400!都ok啦~因為唔想染到咁平凡咁!hehe~
今日點幾先起身!因為琴晚訓唔著=.="...
太耐未試過訓唔著lu~訓唔著感覺真辛苦!
兩點幾走左去搵妮妮同yinyin!
之後等EVA佢0地0黎就去食lunch!
我0地去食lunch果時已經係3點3lu!
又即係我既第1餐=.=...
食完行左陣yinyin同妮妮就返去工作啦~
EVA同yeeyin去library唔知攪咩~好似搵書掛!
Then我就一條友去剪頭髮!
攪左好耐=.="...4點幾去剪!7點幾先攪掂!
剪完咪去toilet,撞到yinyin同妮妮~佢0地0岩0岩入0黎toilet度!
妮妮話差D唔認得我=.=...仲話好飛女咁...
遲下都會<粒>色0家啦!到時冇咁勁0家啦~家下都唔係好勁0者D色!
可能睇唔慣吧~
之後我冇返到屋企住!係佢0地做野果度勁傾計!
yinyin...佢真係成日食野!8點左右陪佢去吉吉島買野食!
冇耐8點半妮妮又放工!
我0地陪yinyin食完野就去左沙沙~
But都係買唔成野!Then我同妮妮就返家!
yinyin仲未放得工!So佢返去工作!
返到家都成9點lu~仲未食晚飯!...成日都係食左下晏3點3果一餐同飲左野~
Good!9點幾先食飯!
返到家我亞媽冇話我個頭點樣!只係話我仲咩哂錢去染!
仲話...佢話:我幫你染都得啦~
唔係呀?自己好難染...=.="因為我染左兩層咁樣...
幫我剪頭髮果個(老闆)話得閒ICQ add我!But最終都冇留低ICQ俾佢!
又話落D果D!之前剪果次都係話落D 0家啦~
我得17歲渣喎~So我咪講:我17歲渣!
之後佢話叫我去D小型呀~或者街頭跳舞玩下!hehe~
又話我遲下得閒冇野做去搵佢傾計喎!
佢問我讀咩野書!我咪話就讀Design!
因為讀Design既人遲下讀讀下可能會溶入Design中!
佢話睇下我到時有咩改變!
我都唔知呀="=...唔知自己會變成點樣!
我只驚自己冇咩諗頭!做得唔好渣!
PS:係剪頭髮果度見到小學同學^-^ 我唔記得佢叫咩名!
只記得佢咩樣!佢家下係果間度做!話讀唔成書喎...唉~~~
So我將來唔想做洗頭妹同sales就要努力讀好Design佢啦>︵<
洗頭妹同sales係唔可以做死一世0家!

>>August 20, 2003 at 2:54:55 PM GMT+8

2003 年 8 月 18 日 星期一 【陰】

夜晚只係同亞媽反映一下想改名呢個問題!
哈~佢好野!一講改名就即嘈!
咩事?又話個名少有有話呢樣果樣!
我頂!當然我係會頂咀果D人0黎0家啦~
唯有講一句亦都係成日講果句......
嘈嘈嘈!嘈夠未0者!冇啦啦係度嘈咩0者!?
就係咁樣...終止左大家既爭執!

>>August 19, 2003 at 2:57:37 PM GMT+8

2003 年 8 月 18 日 星期一 【陰】

看電視很多,所以眼睛很累!
想事情很多,所以心裡很累!
by Eriko
===================================================
晚上的寧靜,令我們容許腦袋想太多!
有些事情想來也沒有結果,還不如放縱自己睡個覺吧!
by Eriko
===================================================
幸福!在我的生活裡,飄進飄出~
幸福飄走,明天還是一樣飄來!
by Eriko
===================================================
如果說快樂或不快樂,這著實是件難事!
快樂可以很快樂,快樂也可以不快樂!
快樂或不快樂?
全憑自己決定!
快樂或不快樂是共生的!
by Eriko
===================================================
人生總是有悲有喜!
兩樣共存才有刺激感~
by Eriko

>>August 19, 2003 at 1:25:30 PM GMT+8

2003 年 8 月 17 日 星期日 【晴】

2003 年 8 月 17 日 星期日 【晴】

下晏1點幾起身.....訓到好晏添=.="原本唔打算去報名0家!
點知突然心血來潮!So即刻換衫出去正形報名~
係地鐵站見到個男仔...好恐怖!手,臉都係一粒粒突起哂既物體!
真係好恐怖.....唔知咩0黎...
搭MTR時又有個男仔望住我!哈~佢有女朋友0家啦!
我心諗:有女朋友就唔好望其他女仔啦~
俾我知真係好多男仔都花心!可能我都係.....
去到灣仔打俾亞kids!因為佢係果邊返工!我唔識去=.="
So打俾佢指點下去路~
全日際果D全部都fell哂~得番半日果D...
but我本身都打算返半日!因為我有part-time做緊!
我簡左商業設計!其他我3樣都想簡0家=﹏=
最有興趣當然係時裝設計啦~
可惜...為左將來...我決定簡商業設計!
返半日!讀3年!全日果D就讀兩年!
好驚返學時唔知醒起身添=.="...6點幾起身呀要!返8點半!
好驚冇恆心...唔得!>︵< 一定要迫自己!為左將來~
為左搵到好工!我一定要讀好佢!仲要搵人教下我平面設計!
因為我會考時係冇修平面設計!只修左素描同西方書法!
好想有素描畫呀~我最鍾意呢科0家啦!
9月1號去尖咀咩迎新日喎~唉...又係一個人!算啦!>︵<
之後攪掂哂D野就搭車!搭MTR有個肥女仔問我借電話打!
於是我借左!係KCR度覺得好嘔心!點解?
因為我聞到好大老鼠藥既味!好惡頂呀>︵<"
Then搭K巴時我幫左個婆婆=﹏=
佢冇位坐!好多人!咁我隔離明明有個位!點知個女仔勁快手坐左落0黎!
原本我係想留番俾個婆婆坐0家!Then我讓左位俾個婆婆坐!
佢仲多謝左我!hehehe~真係開心=﹏=
原來幫左人真係會開心D 0家~婆婆既笑容好慈祥!
冇耐上上下人就見到誠誠上左車!hehe~真係0岩啦>.<
佢真係黑左!仲黑過我~哈哈~原來佢之前去左旺角俾野人!
返到0黎話搵肥布佢0地!係I-games打機!
5點左右返到0黎大埔!搵亞龍!因為佢搵我!超超~仲以為佢冇人陪添~
點知去到佢成班fds都係度!於是我話去cut頭髮走左人!
唉...點知...去到我剪開果間個老闆又唔係度!
次次我想剪都係咁0家>︵<"...唉!呢幾日得閒經過再睇下有冇得剪啦!
見冇得剪咪打俾NANA搵佢囉~俾我估中左佢又係開心度打機!
於是我去搵佢!E!?亞yin都係度喎~冇耐maymay同達達都0黎左!
當然佢0地又係一對咁樣0家啦~
打完又去番我剪開果間度睇下個老闆係咪真係冇返!
點知真係!果度冇咩人!得番D學徒!間野好吉咁樣!
我0地行左陣就去左亞yin屋企!睇3仔!hehehe~
我0地似睇雜誌多過睇碟囉~
套野成套都係露點同扑野!好冇劇情!有D女仲好似雞咁添~
為左有得拍戲,為左上位!成日同D導演,監製攪上!
睇完之後就返家lu~唔知點解成日都食得好少野咁!
返工攪到慣左=.="...夜晚返到屋企都未肚餓!亞媽仲留左飯添...
即係我夜D一定要食囉~

>>August 18, 2003 at 12:52:47 PM GMT+8

2003 年 8 月 16 日 星期六 【晴】

今日個天都幾好~耐唔耐都放下晴!
琴晚終於冇打電話0黎...唔知今晚又會唔會啦>"<
琴晚成3點幾先訓著...唔知呀...累到對腳痛痛地咁...
好似好難訓到咁!今朝點幾先起身!仲要唔想起!係冇力起!
起左身個人超暈...冇哂力...唔想行...
我連食野都冇力囉=.="
我坐係沙發度...起身...之後暈到要捉住D野先得!真係冇力...
唔知咩事!希望聽日冇野啦~聽日唔駛返工!So聽日必定出去報名!
唔報唔得>︵<" 因為9月份開學0家啦~
琴日IVE公報第一輪結果!我當然係入唔到啦!等下一輪...
算吧啦~我預左入唔到!就算入到我都係讀酒店同電腦!
設計當然係去D設計學校讀啦~
今日真係冇出到街...
因為成日都冇力...不宜出街!
唔知聽日又會點樣!唔知報唔報得成名?
唔知報完名又攪唔攪得成個頭?
我真係話左好耐去攪下個頭0家啦!but成日都冇!家下個頭好核突>"<
唔攪真係唔得!唉...冇力啦>︵<"
唔想打落去......................................
.+.∴.+.∴.+.∴+..∴+..∴+..∴+..∴.+.∴+..∴+..∴+..∴+..∴+..∴+..∴+..∴+..∴+
夜晚冇食飯只飲左湯...
唔知點解唔想食飯!冇胃口~
夜晚睇<2002>,好耐冇睇過!睇番又幾好睇喎~hehe~
Then再夜D食左少少餅...冇lu~
可能係下晏食左一大碗意粉掛~
.+.∴.+.∴.+.∴+..∴+..∴+..∴+..∴.+.∴+..∴+..∴+..∴+..∴+..∴+..∴+..∴+..∴+
晚上...冬天...給我感覺是浪漫~
雖然是寂寞!
但那感覺是浪漫的寂寞~
人的眼淚代表執著!
執著又是什麼來?
我是獨行俠......................

>>August 17, 2003 at 4:32:06 PM GMT+8

2003 年 8 月 16 日 星期六 【雨】

青春又如方糖...有正方形...有菱形...有硬的...有易碎的~
每人有不同形狀,不同性格,不同特質,不同品味.....
生活在不同的家庭............
青春是甜絲絲的~
但我們永遠不知那種感覺可時來,可時結束!
而且我們永遠捉不到那種感覺!
我們可以用嘴巴咀嚼方糖!
但那種甜絲絲的感覺會很快流走~
除了咀嚼外...我們又可以放於咖啡中慢慢品嚐!
起初有苦澀的味道慢慢會變成又香又甜的味道!
那種甜絲絲的味道難以形容~
方糖的甜味慢慢溶於心裏...
我愛上方糖了~
Eriko上...

>>August 16, 2003 at 5:45:06 PM GMT+8

2003 年 8 月 15 日 星期五 【雨】

今朝好早起身="=...因為去check眼!係271見到yinyin!
But我同屋企人一齊...So都冇同佢一齊傾計添=.="
我亞E果渣都係度囉...係驗眼果度好耐囉真係...
驗左成粒幾鐘!因為多人!今日佩左副眼鏡同買左con!下星期拎!
副眼鏡我覺得幾襯我^-^ 粉紅漸變啡咁!Good~^^
But遲下冇家下咁黑又唔知襯唔襯呢?
副眼鏡我都係買0黎玩下!點解買?D人一定覺得好奇怪!
因為我落一落街...係屋企睇TV咪要戴囉~冇可能成日都戴con!
有時戴唔到con咪戴眼鏡囉~hehehe~
check,攪掂完就去左飲茶!我都係坐左9個字左右就走人!
搭6號車去碼頭!之後行返過去!今日早左幾個字到!
Good~^-^ 唔會俾佢0地話我遲啦!hehehe~~~
今日返工都唔係好似琴日咁忙!點解?原來佢0地果渣fell-time要咩數!
每個人好似每日要搵$5000!嘩~點搵? $2000都話易呀! $5000!
唔怪得佢0地咁博啦~hehehe~So做fell-time真係唔係咁好!
今日過左新太陽果邊拎貨俾佢0地!果間原來叫another!
間野好黑咁樣!好有feel喔=﹏=
果度個經理...冇估錯應該係經理!仲問我:你係咪新同事呀?你好呀^^
佢幾nice咁樣!But佢對眼好大...大到突...嚇親我=.="
大約8點左右收工!嘩~超級肚餓!
我亞媽又同左亞E果D行街食飯...攪到夜晚餓左陣就有野食=.=
我太累啦~(一0黎返工!二0黎又訓得少!)最後都係我家姐買俾我食!hehehe~
But我食唔飽咁樣...可能成9粒鐘冇食過野關係啦!
聽日唔駛返工!平日我多數唔駛返!EVA呢兩日又話下星期同我去踩冰!
我未踩過!因為亞媽唔俾=.=+ So今次我一定要踩!非踩不可!
有於我同EVA都唔識踩...So要搵D識踩既人去先得!
唔知下星期又去唔去得成呢?^-^

>>August 23, 2003 at 1:24:07 PM GMT+8

2003 年 8 月 15 日 星期五 【雨】

2003 年 8 月 14 日 星期四 【雨】

今日返工...超多野做="=...唉~~~
原本冇咩野做!仲有個講普通話既男人!係男人!
企左係門口!望住我好淫咁笑!冇耐...佢居然問我D女仔衫既野!
又話幾多歲著又話幾錢!頂!最終唔係買!我仲以為佢買俾佢個女定佢老婆添!
原來係搭訕!大佬呀!四十歲人就唔好同我呢D妹妹仔搭訕啦!
Then冇耐又要我燙衫!燙燙下又要我去加連威老道果間東亞銀行<唱>銀!
海港城行到果去果邊囉!超遠!熱死我!
返到去仲話我去咁耐!我心諗:你試下去囉!咁鬼遠!又熱!
話我行左成粒鐘!好似講到我去偷懶咁!
路程咁遠!當然行得耐啦!我已經行得比平時快左少少0家啦~
行得咁辛苦返到去仲要俾人話去左咁耐!個心唔係咁拖囉真係!
Then冇耐又要我燙衫!燙左超耐!對手好累.....
燙完終於可以抖下!But.....
冇耐居然有班講普通話既男人入左0黎!係咁簡衫係咁抄亂哂!
呢班男仔同我初初返工果幾日見到果一班講普通話既男人一樣!
一樣一班人;一樣成30幾40歲人;一樣著得in;一樣講普通話;
一樣釘哂耳環;一樣噴香水(but我唔like聞呢D香水囉!)
佢0地係兩班唔同既人!But佢0地除左呢D共通點之外...
仲有...佢0地一樣鍾意買我0地間野果D底底...
仲要我拎side=.="...又要俾把尺佢0地度下!唉.....
佢0地唯一唔同就係...今日果班男人比較nice少少冇咁惡囉~
果班男人煩左我好耐=.=...我一條友應付佢0地咁多個男人!!!好無奈.....
好彩~佢0地最終都買左好多衫同底底=.="
其他客又成日問我襯D咩野衫果D!哎呀~點答呀?就算我答左你0地!
你0地一定覺得唔0岩自己0家啦~根本每個人品味唔同!
都係D外國人nice好多^-^
有D外國既女仔仲好靚添~真係羡慕啦>﹏<
真係要學好D英文先得啦!唔係真係超難同外國人溝通!就好似家下咁...
唉~~~我成日俾人話我遲到!都唔知有冇攪錯!我11點9去搭271!返1點!
返到去仲有時間剩換衫!換完出0黎過左一,兩分鐘!哈~之後就話我遲到!
有冇攪錯>︵<"咁都得?仲咩成日話人0地遲到喎!我冇呀!我冇遲到呀>"<
30蚊粒鐘...差D做死人!指我做呢樣做果樣!
又俾人話遲到...去<唱>錢又俾人話去咁耐!超想喊囉真係!都係讀書好過返工!
唔係因為我想報既設計學校要成2千蚊一個月我都唔會返工!
都係因為讀書我先返工>︵<...嗚...嗚...嗚....聽日一定唔可以俾佢0地話我遲!
一定要早!唔係又俾人話!
聽朝仲要好早起身去check眼=︵= 唉~~~
唔check又唔得!冇哂con...又打算佩副眼鏡係屋企戴!
PS:我對耳又發炎!釘得多真係易發炎多好多!
上次去沙灘返0黎已經覺得有少少發炎了!
琴日同今日紅哂咁...好痕=.=...都唔知幾時好番呀又!
今日返左6粒幾鐘!未食過野...
朝早11點多食左少少野到夜晚返到家成9點先食一餐正餐...
真係餓死我啦!算...當減肥吧啦>︵<"

>>August 15, 2003 at 2:19:46 PM GMT+8