2003 年 11 月 18 日 星期二 【陰】

2003 年 11 月 18 日 星期二 【陰】

2003 年 11 月 17 日 星期一 【陰】

今朝勁唔想起身呀!係比之前果D勁唔想起身唔想多十倍!!!
唔想起身X3000!哈哈~唔返學廢事俾亞媽話=.="凸
遲左出門口!我專登!因為唔想咁早返到去!咁早返到去唔知為咩野!
之後一路搭車一路同亞盈SMS!我當然比她早少少去到school樓下啦~
條野叫我等埋佢!好!!!咁就係樓下等佢啦!
等左陣佢就到!等果時同亞盈傾左陣電話!E...亞星同亞棍又會落左0黎7仔!
當然又係煲煙啦佢0地呢條友!比平日早左喎!~
上到去...最遲既唔係我0地!最遲既係亞玲!hehe~佢成日都好遲先返到school!~
今日文英教我點樣度D長度果渣野啦!>︵< 太好!!!我一向都唔識...
教左我...比例係好左!成堂都係畫個結構都畫死我=.="
得番果3個字左右放學...Jason係度玩果D青蘋果!攪到文英大發脾氣!
真係好惡=.="嚇死人!未見過Miss咁惡ma~Miss一向都好好人!
今次Jason又係唔0岩囉~未落堂咁快係度玩呀!玩都唔好玩果D野啦!
仲有人未畫哂0家ma~之後亞星又擦哂鞋咁樣!
哈哈~泵番Miss笑!亞星都幾得喎!hehehe~~~
放左學同亞盈,亞倩lunch~!坐多陣果時有一個冇來電既電話打0黎!
原來...係orange=.=" 打0黎問果D咩滿意定唔滿意果渣野!
哂左我幾分鐘...唉~算啦!我都唔係成日用手提傾電話!
講番起手提...唔知點解我家下又好少可爆分鐘喎!
或者冇拖拍既人係冇咁易爆發鐘啦^-^ 哈~都有好處喎!~
我0地走前咁0岩佢0地班仔0黎食野=.="
又會咁0岩!But佢0地之前一定打機囉~!俾著我放學即去食野啦!餓死!!!
食完野就送亞倩搭車!我同亞盈又行銅鑼灣=.=" 日日都行...真係只行囉!
行到果去亞time果邊見到亞好同佢男朋友!睇真D...原來佢0地幾襯下!
個樣幾似下=.=" 之後又見到亞time果度整緊<忘不了>首映禮既野!
呢套戲我覺得應該會幾好睇唔錯!
係City Super見到放左D聖誕既野出0黎賣!
有人造雪!勁想買!But好似唔知60蚊幾多咁=.="
我諗60蚊得好少0家啦!~我摸下果D雪...
真係凍凍地0家喎~幾真下!入到去City Super!哈哈~我0地係度玩公仔!
之後...俾我發現一樣野=.=+ 就係之前我影過果個燈!!!哈哈~出番0黎啦~
hehehe~~~笑死我!!!原來個燈要成5百幾蚊囉=.="
買都真係買個Design.....個design真係幾貴下喎=0="
之前見仲有時間剩咪去左M記坐左陣囉!~
因為之後我約左亞屎!
果然冇0黎錯到囉我覺得=﹏=...
見到一個不男不女既人!我唔知佢係仔定女!
仔就小白臉左D!如果佢係B就幾正下0家喎~哈哈~~攪到我係咁<及>佢=.=+
佢條友0黎食野!我諗佢都係做sales 0家啦!~
我真係睇唔出佢係仔定B囉=.="
瘦同白!對眼又幾大幾靚下!But...佢係冇波=.="
把聲好似唔係太男仔咁!咁佢係B定仔0黎0家>0<
家下仲係一個謎!!!
之後我0地去左sogo行左陣就搭車走人啦!
約左亞屎係九龍塘!因為佢話Delifrace請人ma!
咁咪見下囉~去到點知請左人=.="我0地太遲去了!
算吧啦...我都做唔慣飲食...係做唔0黎囉一定!!!
咁家下唯有期待Baleno...哎呀=.="我仲未打去...
好緊張>"<唉~~~
同完亞屎一齊之後冇耐就走人返家!累爆!訓......
訓左3粒鐘先起身食野!Good~~~
我訓緊果時我老母係咁打0黎!我唔想聽電話!扮到明唔想!!!
響左爆多次!!!咁我唯有發脾氣聽左一聽就cut佢線!!!
妖!鬼叫佢係我訓緊果時打0黎呀!勁累!而且打一,兩次就算啦!
打咁鬼多次!!!我一向好憎人咁樣!!!頂!!!!!!!!!!!!!!!!凸=.=凸
我平時唔累果時訓就話0者=.=凸 Fuckx3000!!!

>>November 18, 2003 at 2:50:03 PM GMT+8

2003 年 11 月 16 日 星期日 【雷雨】

今朝唔知咩事,我居然聽唔到鬧鐘響囉!~
好彩仲知醒!搭緊MTR時同亞盈玩SMS!心連心唔駛錢!hehehe~
今日仲教一點透視!我畫野慢左D囉真係...
次次畫緊堂課都未畫哂就要交啦!
一上繪圖呢D咁既堂就特別少人返學!今日都係...
9點幾TOTO就打俾我傾左陣!哈~好耐冇搵過我啦喎!
有樣野真係恭喜哂佢喔!~hehehe~~~
放左學同亞盈,亞倩行去銅鑼灣唱K!亞倩今日day off~
行去果時消防局咁0岩要出去救火=.="...嚇死!
行緊去銅鑼灣時後面有男人傾電話傾到嘈交=.="..好激下!
幾驚佢一陣同電話人嘈到係街度亂咁打人=.="
我0地仲要係佢前面囉!攪到行快幾步=.=.....
首先陪左亞盈拎con先!之後再去皇室堡red box唱!
上次係7樓既green box度唱!今次有唔同0家=.=
呢層D人服務態度好好多~!唱到一半時仲入0黎話送咩利賓立飲!
之後問下我0地送小食好定送野飲好!又問上次D芝麻糊點樣!
我0地當然話唔好啦~哈哈!咪講話送野飲好好多!~
原本話只唱到兩點半!But可能今日冇咩人掛!~3點幾先0黎埋單!
唱完K就去左亞time度行陣!係亞time度見到李<龍>兒!佢個樣..e...自大!
係度傾電話!串到佢呀!我唔多like佢囉真係!
覺得佢真係以為自己係大明星咁樣=.= Fuck her!!!!=.=凸
其實係亞倩話米奇D野開倉喎~So我0地先去亞time度行!
我一向都唔鍾意呢D野既=.="...so去到好悶!係呀~D野真係平好多!
But可能我琴晚又係夜訓啦...唱完K累爆!陪佢0地行...我係唔想行咁囉~
或者睇D野唔0岩我掛~!勁眼訓...行到4點幾就走人!
亞倩同我一齊搭MTR!亞盈就搭bus返家~
我如常係尖咀搭bus!好眼訓...訓著左
我隔離果個仲係亞叔0黎囉=.="唔小心又撞到人!
訓覺ma...係咁0家啦=.="我已經就住哂~好彩冇俾人話0者!~
返到大埔醒左!係大埔墟M記果邊見到一個人勁似亞kids呀個樣!
But果個男仔係有F4既頭=.=" 仲要渣住架BMX!!!型爆!哈哈~~~
落車返到家都成5點幾...肚餓添!~好彩今日亞媽係屋企煮飯!
好早就食飯!Good~~~食完就沖涼!沖完涼好眼訓!
成日沖完涼就好眼訓!今日特別眼訓/_\...
家下...好想Zzzzzz.......唉!~點算好!今晚點挨呀>"<

>>November 17, 2003 at 1:10:16 PM GMT+8

2003 年 11 月 15 日 星期六 【陰】

琴晚係大佰佳果個真係福榮=.=".....
嘩...呢幾日假期我都好夜訓囉!
琴晚玩ICQ玩到4點幾先訓/_\唉~~~完全唔得囉!
今晚又唔知幾點訓啦!今日成兩點先起身...唉~~
呢幾日有件怪事...就係有條友成日打0黎!
仲要係冇來電!我好驚係果個亞太囉=.="...So我個個冇來電同唔識既人都冇聽到!
今日下晏係屋企都係有條咁既人打0黎!
我又係冇聽!屋企電話都好怪!Out Of area~呢幾日都有一個咁既人打0黎!
冇啦啦咩野Out Of area 0者?我屋企一向冇外地人打屋企0家喎!~
我聽冇喂又冇人講野!我喂一聲就冇啦啦轉左線去第2度咁!
勁怪囉!好恐怖呀>0<"...電話好可怕!!!下次唔識既都唔係咁夠膽聽啦!
下晏係屋企冇野做又唔想玩電腦...So咪織下頸巾囉~睇下VCD!
功課...唔做住啦!聽日唔打算交住啦!因為唔識做!
聽日返學睇下人0地做成點樣,點樣畫先第2日交番俾佢啦!
素描...上次果份我仲未畫完!上堂又俾多份!我又係仲未做=.="
星期3交果份功課!唉~~~都唔知點做!唔知佢講緊咩野>"<
琴晚去BBQ有D野令我唔係太開心!都估到0家啦!
佢0地班野咁鬼8呀!我亞婆講野又一向唔理人感受既!
嘿...講讀書...佢可以叫我返工囉!...
即係叫我放棄!我覺得佢意思係指我讀0黎冇用果渣野!
叫我出0黎做野仲好果渣囉!嘿...仲可笑.....
咁我唯有唔出聲囉~可以點樣?佢係亞婆!永遠錯都係大哂既!~
我亞E一向俾我有貪心既感覺!太耐冇見過佢0地關係...
琴晚佢見到我有個playboy袋就即刻喉住咁樣!叫我得閒借俾佢用=.="
下次我有咩牌子衫俾佢知...佢一定又問我借0家啦!
之前有對nike鞋佢又係咁!點解D人可以咁貪0家?
我同佢既年紀都差成廿年啦!點解可以咁樣既佢?真係勁!
而且...我覺得佢唔多禮貌囉!咁睇我個袋都冇問題啦!
佢仲可以睇下個袋入面D野!咁睇袋入面有D咩野都算啦~
見到有記事簿,銀包果D野...佢打開我銀包睇囉!
哈!呢D人勁冇品囉真係!知唔知咩叫私人呀?
好彩佢冇打開我記事簿睇!打開左實死!入面爆多私人野!
佢一向8掛我都知啦...都估到次次我一出現就問拍拖果渣野!
琴晚如常都係!又問我返學D男仔點樣!我心諗:關你咩事呀?
佢次次見襯我都研究我身上面D野!例如:衫,鍊果渣野!
我唔知點解一向唔係太like人0地研究我D衫.....
就算人0地話靚都好!我都唔係咁like!唔知點解.....即頭唔想人0地提!
唉!!!煩死!下次有咩活動都係要諗過下先去唔去啦!
同屋企人又唔可以講得太多野!最驚我亞媽一陣又同D亞E講!
D亞E 8到呀!我頂唔順!由其我第2個大舅父個老婆!
最8既都係佢!為左8一樣野係專登打0黎問!嘿...勁到爆炸!!!
我老豆果邊D人就自大!因為佢0地有學識!咪自大囉!我好唔like!
我亞媽果邊果D人又8!唉...點解咁0家>"< Help!!!完全有想死既感覺呀!!!
講番今日先!我今日冇出過街!都好呀~有一日留係屋企休息下~
我要enjoy家下休閒既生活>︵<
如果遲下搵到工就唔可以咁樣0家啦!~

>>November 16, 2003 at 9:33:16 AM GMT+8

2003 年 11 月 14 日 星期五 【晴】

原本打算今朝打去Baleno既...點知又訓到好晏...
點幾先起身!可能因為琴晚玩ICQ玩到3點幾關係吧=.="
0岩0岩想起身yinyin就打0黎問我有冇打電話!
哈~都估到佢條友起唔到身0家啦~之後話冇打!
佢就話再訓!真勁~!唔知佢條友又會訓到幾點起身啦~
下晏係屋企玩下ICQ,食下野咁!
Silver呢個小朋友覺得佢好可愛囉真係!俾我感覺有少少任性!
咁係既...佢仲細ma~Silver係我係ICQ識既朋友仔...細我兩年!
我好少可識到D咁細個既朋友...hehe~識多個朋友冇壞0者!~
But我鍾意Silver呢個名!令我諗番起Quiksilver!我鍾意=﹏=
黃昏就出左去舅父屋企BBQ~行去途中見到kiki!
佢同佢亞媽同亞妹一齊!~佢亞妹好高下=.="...
我第1次去舅父屋企囉!咁多次都冇去過...
家下終於可以見到佢屋企D貓!~有一隻好驚人!今次又係見唔到!
果兩隻大狗...哈!超攪野!佢0地真係爆大隻囉=.="好彩冇放出0黎俾佢0地走0者!
隻貓好痴我!哈哈哈~~~勁攪野!我最鍾意D似獅子老虎既動作0家啦~
因為我鍾意獅子老虎=.=+
大約9點幾就落番去睇TV啦!~一睇個手提...嘩~勁多人打過俾我!
But好多都冇來電!唔知咩人...有D又唔知咩number!又係唔知咩人!
得一個係知既...就係亞太!又打俾我啦!當然我如常唔聽啦~
好心佢醒水啦!唉...冇佢修!我都已經避哂0家啦!仲想點?
大約11點就返家~係大佰佳見到有人跳break!都估到係識得0家啦~
我今日又係冇戴con!見唔到咩人呀>︵<" 咩樣咩野都見唔到呀!
有條友叫我全名!我唔知係邊個0黎呀真係!Sorry...
有可能係福榮!有可能係和和=.="...我覺得福榮機會大好多囉!=.="
夜D睇下ICQ會唔會hi下我囉!到時就知係邊個!
返到屋企ICQ Mile hi我!原來唔知咩number果條友係佢0黎!
哎呀!唔怪得佢咁熟面口啦!家下終於知...原來佢係豆豆個fd!
豆豆係我之前返工既同事!呢個世界真係細!咁又識多個朋友=.="
But佢係B 0黎!我以為有咩緊要事!原來係話俾我知佢識得豆豆~
仲話俾我知亞盈唔多開心...唔知咩事呢?一陣打去問下先!
今晚亞盈都有打過俾我!係我行到屋企樓下睇部手提先知...
係喎!Mile點解會有我phone number=.="???
之後沖涼...沖完涼又如常玩電腦啦!~
哈哈哈~今日終於有family day lu~~~

>>November 18, 2003 at 1:18:27 PM GMT+8

2003 年 11 月 14 日 星期五 【晴】

2003 年 11 月 13 日 星期四 【晴】

呢期聽番swing D舊歌...佢0地D歌真係幾好=﹏=
琴晚同亞亮chat到成兩點幾先訓!
今日成兩點先起身...嘩~好似昏迷咁囉!訓左成12粒鐘呀差唔多!
之後起身如常玩電腦,食下野咁!
大約差唔多4點yinyin打0黎!因為之前約左佢同EVA一齊去睇冷果渣野...
咁拿拿聲就換衫咁出去啦!~約左EVA係大埔墟等...
約yinyin係我屋企樓下等!哈哈~yinyin拖左個小朋友出0黎!
佢家姐個仔呀!好攪野~hehehe~~~
一齊咁行去大埔墟啦!原來yeeyin同汁yin都係度!But得EVA係度等我同yinyin~
而yeeyin同汁yin就走左去冷舖先!
EVA,汁yin,yeeyin佢0地今日去左沙田果個唔知咩博物館度!
我見到佢0地買左D post card好靚呀!好有中國feel~
我今日冇戴con呀=.="...睇野勁蒙囉!~
都見唔到yeeyin同汁yin呀!行到好近先見到!
yinyin同EVA原本係買冷!最後簡唔0岩冇買到!
我就買番之前果隻冷!買多一舊!家下差一舊就織完lu=﹏=
hehe~今日俾左粒糖個小朋友食!佢唔多出聲咁!
好攪野!可能同D人唔熟啦~But有糖佢當然食啦!哈哈哈~~
之後去左大埔墟果間<甜心屋>度買cake果渣野啦!
E!?好平喎果度D cake!勁想食呀=﹏=
But我都係冇買到...其實我係好想好想食囉...
太肥了>︵<...都係遲下過多一排先買啦!>︵<.....
之後yeeyin走先!冇耐行到大中EVA又走左!
我同汁yin係前面傾計唔知=.="...原來佢0地叫住我0地...
Then行到去美心果邊汁yin又返屋企!
得番我同yinyin...咁去左baleno搵家家啦!拎左個電話打算去打去見工!
係呀~我之前見過一次!原來full係難請!
我果時係見full!But暑假既事lu~家下我見part!唉...好驚添!
唔駛填form直接打去約時間見就得啦~我0地打算聽朝就打去...
見唔成既話咪去又一城見Deilfrance囉...
遲下可能同亞屎去見!人工係低好多同辛苦好多!
而且我又未做過飲食呢行=.="...
Baleno就好好多啦!人工都唔少先啦!~
But我都係做慣sales=.=".....
之後我0地就去左先跡岩飲野!傾左陣計!
哈哈~因為冇戴con關係!見唔到兩個以前中學既同學係度!
我唔知佢0地叫咩名!咩芬呀=.="唔知呀...
唔好意思呀!我真係見唔到!
佢0地走果時yinyin同佢0地bye我先知=.="哈...
坐完傾完傾之後先返家食飯~係呀!今晚有飯食!第2果個煮左!哈~
PS:今日果個亞太又打0黎=.="唉...夠啦!第1次我冇聽到...
第2次搵左yinyin聽話我行開左!求下你...冇事搵我就唔好打咁多俾我啦="=

>>November 14, 2003 at 4:37:11 PM GMT+8

2003 年 11 月 13 日 星期四 【晴】

2003 年 11 月 13 日 星期四 【晴】