2004 年 2 月 18 日 星期三 【晴】

今朝知醒起身!GOOD~好可惜亞盈返唔切!因為大塞車呀屯門果度...
之後佢就直接返左工!
好彩今日有返學0者!今日講既野我鍾意聽呀!~
雖然後尾果段時間同設計冇咩關係!
But亞sir講既係心理同<吹>眠~我好想玩下呀真係!當然係講心理果part啦!~
好快又落堂!But唔知點解好頭暈咁!
可能班房凍一凍掛!~之後去左吉野家食野都冇胃口食!
食左少少就收左皮!
坐到成搭5先走人!嘩...去到尖咀搭271時等左幾耐呀!
攪到返到公司0岩0岩好早3個字渣=.="
極快咁去左個happy之後換埋衫就開工!開工冇耐葉洋經過!
佢俾人cut鐘!收左工!真好~
因為朝早冇點食野!So下晏好餓...
成4點幾先食飯=.="""唉~~~餓到我呀!
食完冇耐佢0地6點左右就拾場!係呀~聽日轉季啦!~
拾拾拾...夜晚D fans見到我0地個場咁吉搬哂野咁樣一入0黎就走人囉係!哈~
夜晚見到表姐拖住佢男朋友經過!~終於見到佢男朋友囉!佢專登停係度!
因為我同佢講過我想見下佢男朋友點樣!But果時Cathy同緊我講野!
So見一見,hi一hi,冇講野就走左lu~!
冇耐亞仔同亞文0黎左!又傾左兩句咁!
之後我0地拾拾拾......拾到成11點半先走人囉係!
嘩...收工累到呀!因為係咁搬野幫body著衫咁樣!~
又掃地又呢樣果樣!做到塊面都紅哂囉!~勁耐未試過做野做到咁紅啦塊面!
收工之後就同Cathy,家家行返去!返到屋企即洗手!食野=.=+
打埋日記~我諗聽埋個絕情谷先訓!聽日返3點半!
PK啦!~聽日D大老闆落0黎呀>0<"""

>>February 20, 2004 at 4:52:08 AM GMT+8

2004 年 2 月 17 日 星期二 【晴】

唉...今朝唔知醒起身!琴晚好眼訓好累咁!一訓落床就即訓著!
12點前已經訓著左0家啦!~But今朝都係唔知醒起身!
當然有俾亞媽話左幾句啦又!But...我真係好想知醒起身0家!次次都翻訓渣ma!
再加上...又返工又返學真係好X累!唉.......半工讀真係好X累呀>0<"
訓訓訓.....訓到成11點幾先起身!訓左成12粒鐘囉係!
我琴晚仲話好好把握呢個假期添~點知今日都係冇出過街囉!~
算啦...當今日真係休息日=.="
下晏冇野做唯有上網...ICQ又冇咩人!個個都掛哂牌仔咁!悶爆~
原本打算今日放左學去MK買埋下星期上堂用既野!
點知今日又冇返到學!見冇返學咪冇咩心情出街咁囉~
算啦!都係星期5收工之後先出去買啦=.=
下晏原本訓著0家啦!~係我0岩0岩訓著又有電話打0黎屋企!
攪到我興興地冇聽到囉~之後見醒左廢事再訓番!
咁咪起身囉~隔唔係好耐又打0黎!原來係我亞E打0黎!
係呀~上兩日幫佢買左件衫!家下話拎!~點知我亞媽今朝俾左亞婆俾佢!
So佢咪問幾多錢等佢俾亞婆由亞婆俾我亞媽俾番我!
聽日返學!唉...仲要交個草圖添!即係一陣要畫囉=.="
唉.....都諗唔到畫咩野好!主題係新同舊!
um.....點樣去代表好呢?又要有desgin既味道!真係難諗/_\
出左糧咁耐都冇去過書局行!下星期放假一定要去行行先得啦~
聽日返工仲要由1點返到10點!夜晚仲要攪轉季D野.....
唉~~~聽日一定累爆!好彩星期5返1-6 0者!唔係就真係PK囉~

>>February 18, 2004 at 12:41:52 PM GMT+8

2004 年 2 月 16 日 星期一 【晴】

今朝知醒起身返學!朝早搭K巴時仲見到精蟲添~
But我成9點幾先返到school...趕唔切以旺角為終點站果架列車!
去到灣仔打俾亞盈啦!諗住佢有返叫佢幫我點住名先!
因為我驚D書記收左點名紙ma!~點知佢冇返到=.=.....連Flora,小葵等人都冇返...
今堂再唔係人物素描啦~而係開始好似以前中學既平面設計咁囉~
要買幾多野下=.="今堂只係講解!中學果時我簡左西方書法...
so呢方面我咩野都唔識/_\
上堂亞sir仲教左唔少英文詞語添!~
聽亞sir講遲下仲有英文學=.=" 唉...我英文最屎!
一定暴露哂俾人知我咁差!爆樣衰囉到時真係.....
勁快又落堂!落堂之後就落番1樓幫精蟲拎正形果D簡介果渣野啦~同買埋水彩果渣野!
拎完冇耐我,小枝,亞玲,亞呂同亞橋一齊去左食早餐~
我0地今日傾既問題都幾大膽下!哈哈哈~笑爆咀!
But隔離台果3條仔好似講緊我0地囉!~FUCK!~
傾到成12點幾先走人搭車返家!兩點左右返到屋企!玩陣電腦又出門口返工!
今日個場又係咁吉.....悶到呀!~好似得個企字咁!So收工時對腳有D累=.="
或者對腳冇點行過關係吧~!
冇野做咪睇下0黎緊返咩新貨果本野囉!~
家家呢兩日都俾人cut鐘!我諗今個星期返得多過家家.....
夜晚冇啦啦有個fans問我個頭係邊度剪!佢係問我點樣同個師夫講剪D陰!
我咪答番佢係佢幫我剪到咁樣囉!~同講埋俾佢知邊一間咁樣囉~
冇耐又見到BOBO同佢男朋友經過!感覺BOBO男朋友好似好老咁樣=.="
或者個樣殘掛~!再加上黑!
因為我企前場關係啦~又冇野做咪望下出面D人囉~
咁0岩有一個...應該係EO2光頭果個成員經過!我冇睇錯0家啦!一定係佢呀!
之前唔記得左聽邊個講話係大埔見到佢0家都!唔通佢住大埔既?
帶左眼超咁樣囉~又幾高下!又係光頭!又有唇環!
佢同一個女仔一齊!應該係佢女朋友掛~果個女仔化哂妝咁樣!有D似大陸人囉~好高下!
佢就勁貼住果個女仔行!冇拖手既!~
今晚亞卡個男朋友又0黎左搵佢等埋佢收工添~今日又係好準時收工!
9點多少少就換定哂衫!到9點5左右我仲出去M記買雪糕食添~幫埋amanda買!
咁我0地收舖之後就要做內部D野0家啦ma~
咁我0地做庫存,大數果D紙全都係一個file度!
就係咁...咁就出事!放番好D野係file度時整跌左杯雪糕/_\
攪到我食左幾啖咁就收左皮!唉.....FUCK~
之後唯有食餅囉...好肚餓ma!返3點半呀!冇飯食!
放左工同amanda走!返到屋企冇耐就沖涼!
家下爆眼訓...訓得果5粒鐘渣/_\
So我要趕快睡覺!唔係聽日又唔知醒起身返學!聽日仲要係Day Off~
好好把握!=.=+

>>February 17, 2004 at 3:22:10 PM GMT+8

2004 年 2 月 15 日 星期日 【晴】

今日有d熱熱地咁樣=.=" 今朝唔知醒起身返學!
真係好好好眼訓.....琴晚成兩點先訓得著!硬係唔知點解成日都訓唔著!
或者我多野諗掛~so今朝訓...訓訓訓到11點幾先起身!
之後玩電腦...之後再準備返工!返3點半!
今日終於見到亞卡!好似好幾日冇見過佢咁!一返0黎就打我/_\
4點左右Cathy收工!過冇耐5點到家家收工!
今日個場爆吉囉係!夜晚埋元朗渣!
係咁排side囉又!亞卡又拾下位咁樣~而我就排過豬攏!排番好d色!
原本想買ebaca一件衫既~亞卡話貴喎~話遲下一定會有平!
咁...我唯有諗下先買啦!~
夜晚亞卡個男朋友0黎左搵佢!
好快又過6粒鐘!又到收工!收工前掃地!搭正9點30分就即落閉!爆快手!
首先上倉拎餅食!之後勁快手又做庫存,計大數!攪掂好哂就走人!
亞卡好趕時間咁!或者約左男朋友~BOBO個男朋友係門口度等BOBO收工!
而我收左工之後就走人返家!
冇耐沖涼再玩電腦!一陣就訓lu~
聽日必定要知醒起身返學!問番D同學仔D功課教過咩野!得閒仲要做埋D功課/_\...
我今個月既成績應該係好差啦!~
聽日返工又係返3點半.....

>>February 16, 2004 at 3:20:02 PM GMT+8

2004 年 2 月 14 日 星期六 【晴】

琴晚同亞盈傾電話傾到成兩點先訓!今朝10點幾起身!
如常地返12點!返到去冇耐Cathy教左我D內部既野!
兩點幾3點左右兩個好堂細佬同佢老豆老母0黎左!
原本我唔知~But俊仔佢冇啦啦入0黎拍我背脊!
起初仲以為邊個細路咁百厭!嘿嘿~原來係兩個堂細佬!
下晏亞明0黎左!唔知點解家下唔係咁鍾意佢0黎咁!
或者初初做呢份工咩野都唔知...唔知佢係一個咩既人~
佢一0黎就覺得好似下下俾人睇住做野咁!=.="""
亞明係度果時咁0岩有兩條0靚仔入0黎問請唔請人!
佢0地填左form就走人!亞明冇in過佢0地~!
就係因為佢0黎左!攪到我成4點先食飯!
食完飯冇耐就見到亞媽同我亞E佢0地!我亞E係ebace度睇中左件衫!
之後叫我幫佢買!
過唔係好耐葉洋同BOBO都收工!
今日成日個場都唔爆!夜晚食飯時間係最少人係舖頭既時候!
咁我唯有係度排side!好整齊!呵呵~~~
冇耐又見到yinyin經過!佢條友又去左買好多野食!買左D芒果布丁!
之後我拎左個!嘿嘿嘿~~~有布丁食!
Amanda一向都好鍾意食野0家ma!佢見到之後好想食咁樣!哈~~~
差唔多收工時候就掃地!掃完就走得人!之後幫埋我亞E買埋件衫!
攪掂好哂就返家!返到家9點幾啦~
下星期開始又要返番4十幾粒鐘一星期lu!~
即係一星期得一日放假!葉洋調左過去粉嶺!3月頭左右亞卡又唔做...
唉~~~遲下間舖少左好多人!得番4丁友!唔知會唔會請多個人幫手呢遲下?
聽日又返學!Good!~~~>3<

>>February 15, 2004 at 2:15:40 PM GMT+8

2004 年 2 月 13 日 星期五 【晴】

今朝10點幾起身...返12點!返到去冇耐就要食雪糕!
勁快呀今日排隊!半個鐘就可以返番舖頭!
冇耐又要拾倉=.=" 算啦~我覺得好無聊!個場都唔爆!拾倉都好既~
下晏超級城有snow做!wo~~~情人節派對!聽到D人唱歌爆笑!
仲有kiss既環節!好想睇!嘿嘿嘿~~~
家家收3點半!我成4點先食飯!佢原本有得食!But唔知點解早收~
應該係因為情人節關係啦~咁佢咪冇飯食囉!俾左佢個飯盒我食!
我一向唔係點食得酸野=.=" 而且我屋企整既咕嚕肉唔係太酸...
食佢果個飯盒覺得好酸/_\...食剩左好多!~
食完之後買雪糕食=.=+ 之後又食零食!
或者今日係情人節關係...覺得同平時既星期6好大出入!唔爆場!
6點幾佢0地拾場!大拾呀係!冇耐yinyin 0黎左!好似幾耐冇見過佢咁!佢條友買左勁多野~
好多野食喔/_\ 好想食.....佢返A!成日都返A既=.=" 真係好~可以早收工!!!
唔知點解硬係覺得返A時間係過得快過返B好多咁!
夜晚覺得冇咩做...佢0地又拾場喎!咁一定要一個睇間舖0家啦~
冇冇咩fans...覺得好悶!But好快又到9點收工!之後就返屋企!渡過我既網上情人節!
下星期應該返得幾多時間下=.=" um...多勞多得0者都係!
而且呢個月我返得唔係好多!下星期係博殺期!!!=.=+ 因為又折糧!
唉......估唔到咁就情人節!時間過得真快....................
今年情人節同平日冇分別!返工時見到外面好多情侶...
比平日多!有d仲渣住花咁樣!真係sweet.....
今日心情.....不是太好.......
Happy Valentlne's Day
今晚有<<鐵達尼>>睇!真係睇極都唔厭...好感人/_\

>>February 14, 2004 at 3:46:14 PM GMT+8

2004 年 2 月 12 日 星期四 【晴】

今朝11點3左右起身!之後食下野攪掂好哂就出門口返工!
今日個場好吉!D衫係咁排side囉係!~
Cathy春茗果日抽到千5蚊!之後我0地當然要佢請食野啦!~
買左好多野食返0黎公司!哈哈~勁多餅呀~野飲呀~零食等等啦!~GOOD>3<
大約4點左右就做清潔!都好呀~冇野做呀!~抹...抹...抹...
之後又要我抹埋個微波爐囉!~嘩...勁核突!好烏漕呀/_\
去矛廁換水返去舖頭果時見到精蟲,肥布,<戀>毛同肥鋒!
<戀>毛佢條友仔又串我!真係好鬼串=.=
抹完之後咁就到5點多少少添啦~拿拿聲換衫走人!
Cathy check我bag時見到我部手機就拎左0黎睇!
Amanda見到我有新機知有得影相又影相!
條友都唔知係咪玩野定點樣=.=" 咪拿拿聲同佢影左兩張走人囉~
去到K巴站0岩0岩有車!Good~係火車度見到一個男人好熟面口!
諗諗下係我平時放學搭MTR時見過佢0家!估唔到又會咁0岩!世界真係細lu~
搭車好順利!用左1粒鐘左右就去到CWB!真快=.=+
約左亞wing係CWB等!點知佢遲左!遲左兩個幾字啦!~
之後就拿拿聲去Sogo lovers專櫃果度買衫!
佢買左件super lovers Tee!我買左件lovers rock Tee同一條手鍊!
真係好平呀~我記得上年買果兩件Tee都要$450一件!
家下折左260蚊就有件!之後亞wing個fd仲係YIP!亞wing用左佢個fd個VIP number~
折上折!件衫230蚊左右!條手鍊原本係二百幾蚊!家下折左$189!正爆>﹏<
果件係夏天Tee 0黎!冬天果D麻麻地冇買到!
原本打算去埋三越!But亞wing個fd勁吹佢!因為佢約左佢個fd 7點係MK等!
已經遲左...So買完就走人lu!~
Lovers既優惠做到15號!聽日同後日都要返工!冇時間!So今日收早就即去買=.=+
係MTR同亞wing影左相!又係好快手咁樣影完就轉車走人囉~
搭271返0黎果時係企返0黎囉!累到呀!勁辛苦!前面班女勁係度講D好白痴既野=.="""
都唔知有咩咁好笑=.=""" 途中有站俾人上車0家ma!
就係咁我係某一個bus站見到以前做Quiksilver果個亞豬!佢見唔到我!
就算見到我都未必記得我啦!我只係見過佢一日!
搭到返0黎大埔就買埋野食返家!
今晚唔可以太夜訓!聽日返12點=.=+ 努力搵錢!!!!!
O.....聽日就係情人節lu!~夜晚都冇地方去0家啦!~
唯有係網上渡過我既網上情人節啦!~
聖誕節,新年,情人節都係返工咁樣過...都係第1年咁樣!唉.....
唔得!要忙要忙要忙...............>"<

>>February 13, 2004 at 2:13:29 PM GMT+8

2004 年 2 月 11 日 星期三 【晴】

今朝又係差D唔知醒起身返學!亞媽又行過0黎我間房叫我返學!好彩0者...
其實佢叫我果時我都唔想起身=.="" 即頭唔想返學!But諗諗下驚唔夠80%出席率!
於是咪起身囉!~都爭紮左成個字先起身...哈!~
成7點先起身!遲過琴日少少出門口!But都趕到旺角為總站果班火車!
朝早搭K巴真係有福!~因為有一個幾型既西裝友企左係我後面!
原本佢未上車果時我都有留意佢0家啦!~估唔到佢企係我後面!呵呵呵~~~
真係GOOD呀>0< 佢係留so既!個頭上面短下面長咁樣!high左金金地色light!幾襯佢!
今朝係school樓下間7仔等埋亞盈一齊上去!0岩0岩撞到亞棍!
上到班房,今日都幾多人返學!今日果個model原來係全日制果個靜藍!
唔怪得佢琴晚係ICQ度問我素描既野啦!~佢坐到呆哂=.="""
上堂既時候文英話我0地班多野講隔離班靜啦~
呢幾堂都唔係點算同隔離班一齊上堂0家啦!
因為冇混埋一齊咁樣!分開左兩班坐!兩班畫唔同既model!
就係咁樣我0地班開始串隔離班啦=.="
起初係我講起話我0地班nice先咁多野講!之後其他人就話我0地班融洽先會咁樣!
之後邱富佢好串囉講果D野!擺到明係串隔離班!
佢話唔講野唔通自閉咩~自閉就唔係度講啦~即係好似講隔離班係自閉果渣啦!~
總之佢講D野好串隔離班!隔離班有兩條仔!有一條仔就幾串下咁既!~
邱富一向唔like佢!今日見佢返到邱富又係度串哂咁話好型喎~果渣啦!
But佢0地班冇串番我0地!我係度諗如果串番我0地...咁大家關係就真係仲彊!
唉...原本我仲打算兩班一齊上堂可以識下朋友咁啦!唔得囉真係...
隔離班好串呀D人!根本唔nice!係nice既兩班上堂都好易一齊玩傾計0家啦!~
大家都係年青人!容咩易識到朋友0者!
上堂素描sir幫我0地班評下D畫既分咁啦~之後評我果時係咁笑我D畫呀佢0地/_\
我成日都俾人串0家ma!見評我D畫就即刻留意啦!
智障先生仲話:咩有呢D咁好既野睇唔早D拎出0黎睇呀?
因為我人物素描真係好差!我唔識畫!只識比例果D...
次次唔畫手唔畫樣!哈哈~~~畫到D野怪怪咁樣!
仲有!次次D男model隻手都放係重要位置附近!
So佢0地咪勁笑我畫D男model點解次次隻手都係果度囉!~咁事實D model係咁樣ma!
之後佢0地又笑話D男model做model俾我0地畫果時悶!無聊冇野做隻手放係果個位置!
哈哈~明咩意思0家啦!~亞sir又話打機!~打遊戲機!哈哈~~~笑爆咀!!!
畫自畫像我就冇!根本冇交過功課!我估我好低分0家啦~
今堂亞星又拎左手機出0黎!佢話佢禁錯左制冇哂D人既電話number!
上堂果時問番我0地拎!佢有問我!我見冇佢電話咪問番佢拎埋囉~
佢問智障果時我有聽save低左!哈哈~~~
亞呂又轉左手提number~於是又save埋佢個number!
好快又落堂!去左茶餐廳度食!食完之後亞盈拿拿聲走人!我遲佢個幾兩個字走人!
返到0黎大埔...O...FUCK!~我明明係今日返工0家ma!
我明明係4,6,日0家ma!今個星期返得果3日工我邊度會記錯自己返工時間呢?
我仲寫係本記事簿度添~點知返到去亞卡同家家話:你今日返工既咩???
亞卡又話:咩今日咁多人返工???
之後我睇間表啦!FUCK!!!改左間表!又唔同我講!我仲約左亞wing聽日行街!
But家下改左我聽日要返工!唉......家下lovers做緊折呀!佢個fd又係VIP!折上折!好平!
呢個優惠做到15號渣!So我決定左聽日放左工之後出一出去sogo,三越度行一行先返0黎=.=
哂車錢都係咁話啦~唉...亞wing又約左朋友7點半!即係買一買就返番0黎囉我!
原本佢打算下晏同我行街之後7點幾就同朋友食飯咁樣既!
咁家下唯有下次先再同佢行街影相啦!~我好想買長襪!長襪呀係/_\
講左成月啦!係CWB都搵唔到我想要既長襪.....
跟住見唔駛返工咪走人囉!即打俾亞wing同佢講啦!係條街度一條友行!
去左levi's度睇褲...唔多0岩咁=.=" But我又想買牛仔褲喎!
行到大埔廣場冇耐BOBO打0黎叫我拎番件羽絨背心!8折!100蚊都唔駛!勁低~
冇耐就返家!返到屋企再同亞wing傾電話!傾到成兩點7,8個字先收線!
因為佢要返學!佢打算去外國讀書/_\.....
之後玩電腦!冇耐大果個返左0黎!5點左右咪訓下囉~
訓...訓到8點先起身!其實唔多想起身0家!見未沖涼=.="" 又未食野咪起身囉!~
到家下10點我仲未食野/_\ 因為第2果個之前整朱古力慕絲.....
佢琴晚好夜先返屋企!整左個新頭!都OK~But我唔鍾意染到咁金色既頭髮!
佢就係染到咁樣!But整體上都OK既~
夜晚亞琳有打0黎搵我!問我出唔出去~我都沖左涼囉換哂衫唔出啦!
佢呢期打親俾我都冇出去!上個星期打俾我,我又病唔出去!
um...下次得閒先出啦都係!

>>February 12, 2004 at 3:42:47 PM GMT+8

2004 年 2 月 10 日 星期二 【炎熱】

琴晚經過亞媽既訓話後決定左唔買果對playboy鞋lu!~因為佢叫我唔好亂哂錢!
咁都0岩既~再加上小枝同我講playboy鞋走街都有!So我決定左唔買lu!~
今朝差D唔知醒!我翻訓0黎!好彩差唔多7點亞媽入0黎叫一叫醒我!唔駛又缺席!!!
今朝唔知點解幾快手下!比琴日晏起身but仲快過琴日攪掂好哂!~
K巴站今朝又冇咩人排隊!好快上到車!仲早左兩個字去到火車站坐去旺角總站果班上!
So我早左上車坐...睇埋本漫畫!But我去到灣仔落車仲未睇哂=.="""
返到學校上<李感聯>堂!原來我有好幾堂冇上過啦~今日返到去唔知做咩囉係!
成9點D同學都仲未返到!成場得果幾丁友!差唔多9點半先返得多D人渣!
份功課佢0地做左好幾堂!今堂係做呢份功課既最後一堂!
我咩野都冇帶!返到去完全係等時間囉!~
唯有聽下亞sir講番俾我知點樣做同埋睇下D人點樣做啦~
之後真係冇野做咪睇埋本漫畫佢囉~
再之後佢0地班友仔做做下功課又唔想做咁!成班係度玩電話!
我,小枝,小葵,邱富,亞星等等係度拎左手提出0黎禁!係度研究!哈哈~~~
睇下邊部影相影得好D!亞星仲專登打我同邱富手提睇下邊個清D=.="
哈哈~佢真係好鍾意研究手提0家我覺得!
好快又落堂!原本去唱K果D冇去到唱!得番我,小枝同小葵!
咁咪叫埋邱富佢0地囉~佢0地又話打埋舖機先!我0地又去locker鎖野同去矛廁!
攪掂好哂落到school樓下咪打俾佢0地囉!~之後得邱富一個出0黎!
亞棍同張<勁>軒打機唔0黎住!咁我0地咪幾條友行左去銅鑼灣廣場果間newway度唱囉~
因為我0地為都係食野!newway D野食多款同好食D!
原本亞棍佢0地唔係度我0地幾個都可以傾下閒計咁!佢0地兩個0黎左之後...唉~
我平時冇同張<勁>軒玩開!估唔到佢係一個咁白痴咁傻既人!好攪笑!
But亞棍就...=.=""" 總之成日都串我啦都係!
大約唱到兩點就走人!小葵走人先~邱富,亞棍,張<勁>軒佢0地跟埋我0地行!
去到金百利果條馬路佢0地就走左去行街啦!~而我0地就係sogo等埋小枝個朋友!
因為小枝約左佢朋友!佢朋友個樣都ok喎~個男朋友仲係punk果D人!幾型~哈!~
我都係睇相0家渣!因為小枝同我講佢男朋友係幾壞果D!係類似hide果隻咁樣!型爆!!!
之後我0地行金百利!去左幸運草專門店度!買左個銀包~
小枝話我之前係雜誌見到果個冇咁襯我!之後見到第2個沉色D!
果個仲冇咁貴添~都幾好!So咪買左囉~!我又想買銀包喎!我諗4葉草冇咩人用掛?
之後我走人返大埔lu!返到大埔去還書之後返家!
返到屋企又係玩電腦!今日心情都OK!都買左個銀包^-^
星期5行街行街行街行街.......................

>>February 11, 2004 at 10:49:39 AM GMT+8

2004 年 2 月 9 日 星期一 【颳風】

今朝知醒起身返學!落到樓下先記得冇帶手提!算吧啦~帶唔帶都係一樣!
部電話壞壞地呀!都冇點用手提呀呢排!今日搭到8點果班火車真係Good!~
返學...冇之前咁遲返到去!又係素描...今次係畫第2個model!
呢個model唔係點坐得定咁樣!隔離班有個男model仲勁...
果個姿勢呀!一定累死佢啦!~今次我都有畫下野咁啦!~
But硬係次次畫到個樣果時就唔想畫!在逃避嗎???
因為真係唔識畫樣呀我/_\.....亞盈今日冇返學!我0地果班今日都幾多人冇返...
時間過得真快!又落堂!放左學之後我0地幾個如常去食野!去左吉野家!
哈哈~我0地仲係度講緊收銀果個係男定女!家下仲係一個迷!
仲有!間野D員工個個都有用一個特點!就係個個講:歡迎光臨吉野家~
就係呢句野好有問題!佢0地講得好嬌!哈哈~~~
我0地談論緊果時收銀果個係咁望我0地!係呀~冇錯呀~!我0地講緊你0地呀!哈!~
大約11點半左右就走人陪小葵拎錢!
再之後去CWB行!首先去左sogo~本來我係打算睇呢個幸運草既!
點知冇我想要既銀包~之後再上lovers果層啦!~
見到對白色既playboy鞋!$499!想買...我諗我應該會買!But...之前出果對仲平!$399 渣!
之後再行啦~去左citysuper~因為小葵買野整情人節果D曲奇果渣啦!~
再之後又出番0黎!因為我想搵我想搵既長襪!可惜又係搵唔到!
唯有等星期5落旺角睇下有冇啦~
係金百利見到幸運草專門店!好可惜未開門!係window出面見到入面有好多銀包買!
我諗應該聽日唱完K去行啦!~因為我0地打算聽日去唱K!好耐都冇同過班同學仔玩lu~
行...行完就同小葵走人先!而亞呂,亞橋同flora唔知去邊啦!~
返到0黎約左TOTO係271站度等!首先去寶湖!因為我想整扣針!~
係吉吉島樓下見到kiki~佢好似肥左!行大埔廣場買左D絲帶~同借左漫畫!
大約4點多就走人lu~返到屋企打算訓睇下漫畫咁啦!
冇耐亞媽打0黎話叫我打俾大果個去出手提!~6點幾左右就出去昌運度睇手提!
之後出左Z600!原本唔係想出呢部0家!But見呢部又可以換幾身喎!都唔錯呀~
再加上部手提3千蚊都唔駛!仲有得影相~功能都OK!試機果時都清!
我本身係鍾意有天線既電話!um.....算啦都係!遲下再算吧!
我本身果部手提根本用唔到!壞壞地=.=""" So我呢兩個月都冇爆分鐘就係咁解囉!~
下個月要轉分鐘lu~因為應該會爆分鐘=.=.....我之前都成日爆!
買完再買埋野食返家~食完沖涼再攪下部手提同玩電腦!
部手提亞媽幫我出1千~其他既自己包尾!大果個幫我出住先!遲下還番俾佢!
因為一次過放咁多錢出0黎真係有d心痛=.=" 慢慢還好似冇咁傷咁!哈~
聽日放左學又可以去玩!GOOD~~~後日先要返工!都係返4粒鐘0者!好快過~

>>February 10, 2004 at 1:19:33 PM GMT+8