2004 年 1 月 30 日 星期五 【陰】

2004 年 1 月 29 日 星期四 【微冷】

琴晚問左好幾個朋友搵肥婷電話!有野問佢ma~
打俾佢!點知條友原來真係好多野講=.="
琴晚同佢傾左陣電話!原來佢都幾老豆feel=.=" 同我講左幾多人生道理咁!
同埋佢都幾識睇透人咁樣!話返工留意左我好耐!
佢話從我眼神中覺得我係好愁咁樣!um...我都唔知點解咁樣!我咩野都唔知...
同佢傾完後又同亞呂傾左陣電話...因為唔太開心咪搵人傾下囉~
傾傾傾...傾到成兩點先訓!累爆!~返入房即訓!
今朝9點起身!唔想起身囉~好累好眼訓呀真係!
之後攪呢樣果樣10點左右出門口!買包then就去搭64k去元朗啦!
搭去果時我覺得好爆笑!果個司機成日對人響on!或者其他司機渣車唔太好!
我架車果個巴士佬勁講粗口=.=" 我係坐係樓上0家囉~咁都聽到!好火下喎都!
去到元朗落車!搵搵搵...搵千色果邊果間Baleno!搵死我囉=.="
我都未去過元朗呀!搵唔到!打俾我表姐!因為佢成日行元朗!
之後搵到!早左半粒鐘有多返到去~間野好細!同大埔一樣有大B同ebace!
返到成場得兩個同事係度!個倉係樓上!個倉大過大埔!But貨場係細過大埔好多!
個倉既樓低好矮!高D都行唔到!12點正就出去貨場幫手咁啦~
個場...好吉=.= 靜到.....好眼訓!企係到暈暈地想訓覺咁樣!
我都預左今日俾人cut鐘!因為個場真係好靜!原來佢0地平時都係咁靜!
果間野D同事都幾ok!唔惡唔串唔黑人憎!個主管好young下!唔知幾歲....
返工...時間好難過!因為冇野做!得個企字咁樣!個場實在太太太...靜啦!
呢間舖雖然係街舖!But都冇咩人入0黎行下!就係因為街舖...
俾我見到一個亞媽同亞仔!個仔就係咁喊係咁發脾氣咁啦~
個亞媽其實我眼見就係冇打過佢既!唔知個仔係因咩事喊!
之後個亞媽見到個仔喊咁耐又唔知咩事佢都喊埋=.=" 眼到佢眼紅紅流左幾滴眼淚!
5點到有另一位同事返0黎!果個同事幾靚...都幾nice咁!~
佢返0黎之後我就俾人cut鐘走得人lu!~原本係放6點!
收工行番出去時!又有一個亞媽同仔!個亞媽好恐怖!鬧個仔不得止...仲一野打佢個頭後面!
好響下囉!~個男仔係咁喊...個亞媽唔止得一次囉係=.=" 都唔知咩亞媽0黎!
之後一條友去左M記買雪糕!等bus!上車!食完...眼訓...訓著左!
因為一路都有站關係!我冇點訓過!成程車去左成粒鐘先返到大埔!好耐下...
落車經過昌運...睇手機!因為打算買...唔知買邊部!之後返家lu~
今晚自己食自己!亞媽今日開始要湊番堂細佬!
聽日Day off!太好啦/_\ 我上星期四放完假到聽日先有假放!
踩左成個幾星期多少少先有假放!雖然唔係返好多粒鐘!But累爆了!
聽日一定要訓晏D先得啦!仲要做功課!
其實聽日想去Sarah屋企既~But去左既話我就做唔到功課!算吧...
元朗...好似大埔墟!係大埔舊墟呀!好日都唔會去一次既大埔舊墟呀係!
So元朗係冇野行...唔係過去幫下手我都唔會去元朗=.="
搭車又搭得耐!途路一路都有站上落客!經過呢個林村見到許願樹!好多人...
好想再次許下願添~記得上年1月去過林村之後都一直冇去過~!
好奇怪我次次借去第2間舖都有人問我路!今日企左5粒鐘都有好幾個入0黎問我路=.="
PS:就0黎2月...春天啦!仲有十幾日情人節就到!

>>January 30, 2004 at 2:34:48 PM GMT+8

2004 年 1 月 28 日 星期三 【颳風】

今朝起到身返學喎!Good!~~~But我6點半冇啦啦自己禁熄左鬧鐘=.="
因為果時大果個0岩0岩返0黎!咁我又以為自己要起身咁啦!咪禁熄左囉~
點知又翻訓...成7點1先起身!醒一醒果時望下個天!E!?開始光咁...
果一刻我知舔野!So啦啦聲起身換衫果渣啦!~7點9就出門口!
都係趕唔到8點果班火車!9點左右返到學校!中途我打過俾亞盈!
響左兩下熄左!冇聽到我電話!返到學校唔見佢返!...
亞倩有返!But佢唔舒服!佢琴日都冇返學!都係因為唔舒服!
今日...都唔多人返學!我0地班都幾少人返下!返左半班同學左右啦~
今日果個素描sir又好似多野講左咁喎!同之前有少少唔同咁!
文英今日都有一齊上堂!上堂又成日傾下計咁!今堂model係一個女仔!
佢坐左成堂都冇休息過=.=" 真係勁!畫兩堂!今堂我大約咁畫好左!未真正咁畫樣果D!
好快又落堂!剃枝唔舒服走先唔同我0地一齊食野!~
得我,小葵,Flora亞橋同亞呂一齊去左吉野家度食!
食完之後就走人搭車返大埔返工!今日...朝早搭車透唔到氣咁唔多舒服!返0黎都係=.="
返工果時都暈暈地咁0家!唉...唔係真係病ma?
行返去返工果時咁0岩係<迎喜>見到葉洋!應該同屋企人飲茶啦~
返到去早左半粒鐘!買左雪糕食!Good~~~之後攪下呢樣果樣就開工lu又!
返到去都幾多野做下!拆下貸幫下呢樣果樣!佢0地食飯時間我又過左去ebace幫一粒鐘手!
收工前都有過去幫下手!因為果個亞C要車褲!
下晏又要去第2間舖<唱>con!咁0岩見到EVA同yeeyin!之後佢0地陪左我一陣!呵~
唉...原本聽日係返大埔既...點知要借過元朗一日幫下手!
原本係叫葉洋過去!But佢唔過=.=" 亞婷又話約左人又唔過!
家家聽日又係大埔度返成日!咁一定唔會借佢過去0家啦~
得番我!咁我就要硬食借過去一日=.=" 返12-6...唉~~~其實我唔多想!
But一日半日...算啦!又驚唔識落車唔識去果渣!因為我冇行過元朗!
搭車係果度轉過下車咁囉!~行就真係冇行過!邊度識咁多野喎=.=
我諗聽日要早D起身!又要預早D時間去搵果間野!FUCK~~~
今日返工OT左一粒鐘!其實我都預左會OT!因為我呢個星期返得好少鐘!成日都4粒!
當搵多一粒鐘錢囉~!放左工好肚餓!
朝早10點幾食過野之後到12點幾食左雪糕到放工都冇食過野!
6點幾返到家!好彩屋企早開飯!7點左右就有飯食啦~Good!
今晚都係唔好咁夜訓啦/_\ 呢幾日好累好累.....或者因為病病地就覺得更加累啦!~

>>January 29, 2004 at 12:01:21 PM GMT+8

2004 年 1 月 27 日 星期二 【颳風】

唉..........今朝又唔知醒起!或者冬天凍個人懶...
係被窩度又暖...so唔願起身吧=.=" 7點幾我家姐叫左我起身!
都7點幾啦~點返?返到去9點幾10點都有!
冇耐我亞媽入0黎小左我幾句!我冇理到!扮訓左!
一訓...訓到11點幾起身!其實我真係好想係咁訓落去!真係好累...又病病地咁樣!
我琴晚12點幾就訓著左0家啦!或者我長期唔夠訓啦!硬係我放假可以訓晏果日又知醒起身!
反而要返工返學果日呢就必定唔想起身!FUCK!!!
唉........好耐冇返過學咁樣!80%出席率...有冇?好膽心自己既學業呀真係/_\
好掛住同班同學玩果時!因為我鍾意玩!So我鍾意返學!返學又可以玩又可以學野!幾好?
返工返1點!買本簿同買左包返去食!未食野ma!
食完開工啦~又要食雪糕!食左3日lu!~聽日我諗都要食0家啦!
聽日又係返1點呀我!<唱>con果條友又係食緊飯!fuck!又係<唱>唔到!
銀行今日唔多人!半粒鐘就可以返番舖頭!
係大廣撞到亞媽係度行緊街喎佢!同我亞E一齊!
講左兩句就返去!返到去忙到PK!都幾爆場下!係前場爆後場唔爆囉!
後場即頭得一兩個人!我0岩0岩又企係前場!未停過!
又頭痛咁樣喎!今日唔知咩事!唔明D fans講咩春!
有一個又唔知講咩話!唔咸唔淡既廣東話!屌呀!之後我話唔明佢講咩!
之後佢勁惡咁話:我問幾錢呀!
咁我咪好唔客氣咁撚樣同佢講番幾錢囉!之後對佢黑面=.=
屌呀!係你自己講野唔撚清楚!關我撚事呀?係度咁撚惡仲咩春!?最撚憎人對我咁惡!
冇耐又有一個fans係度唔知講咩春!問果件抓毛背心!
屌呀!又唔撚識表達喎條友!之後我又講話唔明佢講咩野!
之後佢對我黑面冇再問落去!頂呀!幾撚火呀我今日!
前場又撚爆!so我今日返工成日黑面!仲黑面過平時返工!!!
大埔真係咩野人都有!又多大陸人又多賓賓!又多學佬人果D!
剩係聽人講野都聽死我!成日都要估估下!都唔知人0地講咩春!
好多人表達能力都唔好!攪到要我去估佢想講咩野!FUCK!!!
有時返工真係好唔開心!係俾D fans激死呀!=.=" 又多亞太!
唔係個個人都咁nice!好多都係惡人囉!又要忍氣!忍住唔發脾氣!
忍忍忍.....忍到我黑哂面囉!FUCK=.="""
係呀!!!冇錯呀!我返工好多時都好好好好好...唔開心呀!
因為我以前做果D sales唔同呢份咁辛苦咁累!家下我又成日膽心學業!
我好想專心咁讀書!好想讀得好!真係好想好想...
家下...根本冇時間去畫野去做功課!今個月既素描未交過!
講真...返工真係為左錢!唔返工又冇錢駛!硬食!!!做得辛苦累唔開心都要硬食!
唔辛苦又點得世間財?我永遠都深信自己係冇橫財運只有正財運!
我唔想屋企俾錢我駛!因為屋企根本係俾好少錢我駛!佢0地唔多錢!
唉...我唔返工係唔得!唔返工既話就連食都要就住就住!FUCK!!!
冇耐TOTO又經過!同佢傾左兩句!隔離屋果個亞太又經過!
好快Cathy返0黎!5點1左右我就走得人啦~
今次我好快咁走左人lu~唔知點解覺得好累!頭痛咁樣="= 冇精神!
返到屋企第2果個仲早過我返到!佢之前返工0黎!家下佢份工返得好少時間!
折利是...o...........得果7百幾蚊利是!FUCK!!!唔係因為老豆老母俾左300蚊!
今年得果4百幾蚊利是渣!年年都有千幾蚊利是!今年爆少!唔知咩事!
老豆果邊D親屬好多都俾10蚊雞!仲有好多利是又未收齊!今日初7 lu~冇0家啦~!
今晚又有主家飯食lu~Good!!過多兩日冇0家啦!因為亞媽要湊番堂細佬!
家下又如常玩ICQ!有D人之前又話錢唔重要!
又話我係咪好貪錢!家下D人又話唔想返佢果緊果份工!
我叫佢咪唔好做囉~佢又話唔得!驚冇錢!
屌!!!家下又驚冇錢啦?返工唔通真係驚自己唔辛苦咩?
返工都係為左個錢字!冇錢就返工搵D駛0家啦!冇錢既話就連食都冇淡好食添呀!
So唔係因為貪錢先返工囉!~真係唔鍾意D人成日話人貪錢先要返工!挑!~
PS:今日係人日!人人生日!祝大家生日快樂~!

>>January 28, 2004 at 10:38:12 AM GMT+8

2004 年 1 月 27 日 星期二 【颳風】

2004 年 1 月 26 日 星期一 【乍雨乍晴】

今朝亞媽入0黎叫左我兩次!叫我起身!其實我真係好唔想起身!
因為琴晚成兩點鐘先訓!就係因為咁...今日有返學!
又係上素描!我真係好唔鍾意呢個亞sir!!!!!cool不得止又以為自己好攪笑!收皮=.=凸
今日返到去搭8渣!早過平時成半粒鐘返到去!
亞盈亞倩9點幾左右先返到!兩條友一齊返!
亞盈仲話今日終於可以多人返啦~話琴日好少人返學!得果5,6個人返學!
今日我0地班又同隔離班一齊上堂!家下唔知點解把口好爛呀我=.= (我要介爛口=.=...)
成日講粗口!唉.....今日果個亞sir啤一啤我囉!~屌屌屌!!!
上佢堂幾難捱呀!時間過得爆慢囉係!...今日我帶左唔少野食返學校!
上堂係度成日食野!唉...佢0地班野今日放左學去唱K=.="
我又返工!So冇去lu~放左學之後同Flora一齊走囉!同路ma!~
去到地鐵站見到亞玲!佢明明係早走過我少少ma~
原來佢去唱番D人仔!去到尖咀站就say bye啦!佢就落旺角搵朋友!
搭番0黎大埔我返屋企食D野先!亞媽係屋企!佢仲問我仲咩咁早返=.="
係呀...真係好少可咁早返到屋企!食完野冇耐就準備返工!
亞仔今日又係踩成日!ebace今日0黎多左個主管!因為BOBO放大假!
我第1眼見到佢仲以為佢30幾歲咁上下啦!~換完衫出番場做野先望佢又覺得佢幾好樣咁!
大大眼咁啦!當然又係化哂妝0家啦!~
肥婷今日串到我呀!條友串得我好應!=.=""" 串少日唔得既咩?串下又會醒D既=.=?
下晏見到妮妮0黎左同埋佢老豆老母!冇耐又見到EVA同佢班上一個男同學一齊0黎左!
當然又傾左兩句計咁啦!~可以一日內見到少見既朋友仔真開心^-^
我果時係企前場!頂肥婷食飯!係門口果張登度見到有個女人當佢隻狗係人咁樣!
將佢放係BB車度!又有成班女仔圍住!影哂相咁!仲要俾D薯條隻狗食!
我果一刻係度諗:唔係呀=.="?俾薯條隻狗食?唔驚佢生<之>呀?
係錫隻狗就唔應該咁啦!咁等於要佢步入死亡!
時間過得真快!咁就過左4粒鐘收得工!收工換完衫之後陪亞仔去happy!~
佢同我講肥婷變左!我問佢變左咩?佢同我講肥婷變得懶左=.="
But我同佢講唔係好覺!因為我都冇咩留意佢!只係知佢比之前串咀左好多0者!哈~
同佢傾左兩句就say bye!我就去左買con水同朱古力=.=+
之後就返家lu!~返到屋企5點半左右!~睇雜誌!聽下歌!之後好眼訓...
訓左半粒鐘就起身食飯!家下...0岩0岩食完飯!一陣沖完涼就訓!
因為真係好好好眼訓呀>"<
唉....Cathy仲要人背野!點背/_\...?好累好難背呀!我一向記性好差!
俾多幾日時間我背仲好啦/_\...........希望聽日記得買簿仔啦!
因為Cathy又要我買本簿仔!佢話要寫D野俾我!話家家果本已經寫左喎=.="
聽日又係返1-5.....返學...努力.....never giveup>0<"""
PS:因為我呢期好少返學!今日返學亞星話我黑眼圈大左!算啦呢家野一向都係...
佢條友黑眼圈都勁左啦!原來佢兩日冇訓過!
But佢話我個樣殘左!之後好幾個同學都認同=.=" 唉...
亞星仲話我以前靚D=.=" 算啦~我一向都係樣衰!靚唔靚都係冇人鍾意0家啦!
我都知殘0家啦!因為我知我自己返工好辛苦/_\...
我唔化下對眼既話...即係唔搽折毛果D呢...大家一定覺得我好樣衰/_\...
亞玲又叫我對眼唔好攪咁多野!一0黎我想有鬼異感覺就畫埋眼線!
二0黎我覺得畫左搽左野就好似精神少少咁!
遲下唔駛好似之前返工返咁多粒鐘...我諗冇咁辛苦掛!~
我真係鍾意讀書果種感覺/_\.....but唔返工就冇錢!唉......
仲有!今日放左學之後問左亞星拎ICQ!我諗家下真係差唔多成班既ICQ都有齊啦~

>>January 27, 2004 at 12:16:58 PM GMT+8

2004 年 1 月 25 日 星期日 【乍雨乍晴】

今朝...FUCK!!!我又唔知醒起身返學!我真係好食屎=.=凸
訓訓訓....訓到11點幾就醒左!返1點!返到去得家家同亞仔!
佢0地踩成日呀!真係慘...肥婷佢條友又請左病假!成日病既佢=.=
返去冇耐要我去食雪糕!一次過食5日囉=.=" 勁多錢...之後家家陪我行過去!
點幾行到過去兩點7,8先返到去!原本仲set自己既時間係2點半前返舖0家ma!
排隊都一段時間!因為多錢關係櫃台果個人都數左幾個字!
仲以為星期一好少人啦!點知我返果段時間爆多人!
FUCK呀!D fans抄亂哂D野!果D 29蚊女裝T勁多人抄!之後有一個fans要我幫佢拎side啦!
好啦!幫啦~點知一幫就PK!幾條友一齊圍我要我幫佢0地拎side!
唔知邊個打邊個囉真係!係咁講咩side咩色!都聽唔撚清楚!
之後咪成渣野放哂出0黎囉!唯有咁樣=.=" 因為太多人同一時間講真係聽唔清楚!
冇耐前場流水台抄到好似玩驚喜咁亂!又要拾過...
下晏見到成班親戚朋友經過~我舅父仲大細路咁樣勁係出面揮手=.="""
果時好忙...又興興地咁樣!冇理到佢0地!
原本我係放5點既!OT左兩粒半鐘先走人!家家食完飯返0黎<戀>毛又入左0黎!
條PK仔又串我=.= 佢已經俾我列入左黑名單!以後都唔可以入Baleno啦!哈哈哈~~~
係我個場講粗口話我=.=+ 嘿嘿嘿.......
勁餓...好彩家家幫我買左包完冇耐踩多半粒鐘就走得人!
6點幾老豆老母同第2果個家姐經過叫我放左工去亞婆屋企打邊爐!~
差唔多走果時精蟲,葉洋同肥布經過!精蟲又係門口度做埋D唔知咩野動作!
大家都估到係咩0家啦!唔駛多講!哈哈~~~
收工簽part-time form時點知.....冇!要第2間舖fax過0黎!
傾左陣計就走人!之後打去老豆手提同佢講過緊去!
今日係初5!老豆放假咁多日...初一到家下!係今日先可以成家一齊食飯!
好enjoy呢種感覺喔^-^ 食完飯之後佢0地玩魚蝦蟹!
我都有玩埋一份!輸左少少...之後就唔玩lu!~明知輸就唔再玩落去啦~
我老豆...輸左成80蚊!我0地成班仲要係幾蚊幾蚊咁玩渣喎!唔係玩得多錢!
我屋企一向都冇橫財運0家啦!~So我覺得自己搵番0黎既先係好既=.=+
我一直都深信好難有橫財呢會事!
大約9點9左右就走人返家lu~家下玩電腦!玩多陣就沖涼訓覺!
聽日必定要返學不可!!!!! .\ /.
PS:SKY果首未捱過幾好聽=﹏=

>>January 26, 2004 at 2:51:45 PM GMT+8

2004 年 1 月 25 日 星期日 【乍雨乍晴】

2004 年 1 月 24 日 星期六 【乍雨乍晴】

今朝如常起身返工!But我今日先著羽擁!因為我feel到自己病病地...
返到去見到一個唔識既同事係度!
原來係04既同事!佢好高=.=" But好young!佢叫亞yin!幾好人幾好傾!
朝早得佢,我同家家返工!冇耐B間同事返埋0黎!亞卡同亞仔如常唔駛返工!
ebace今朝得亞恩返添~1點返0黎!
亞恩今日可以輕輕鬆鬆咁樣返工lu~hehehe~~~
下晏個場唔係好爆!兩點幾左右就食飯!買左焗豬扒飯食!好食=.=+
亞恩又拾倉!同佢傾下計咁^-^ 呵呵呵~一樣年紀係好傾D!
冇耐Cathy入0黎叫我返到10點!o.....當時個感覺唔太好!
因為我冇試過cut鐘!成日OT!雖然我0地part-time OT係一件好事!起碼可以搵多一粒鐘錢先!
But.....唉~~~唔知點講!或者我係比佢0地冇踩得咁勁先叫我成日OT掛!~
出0黎開番工果時個場都爆爆地既...冇耐到左6點幾開始個場就好靜=.=
8點左右Cathy上倉,收銀!我要睇住佢收驚佢收錯錢啦!
之後佢教埋我收銀添~!Cathy都俾左20個地區我記!
因為要記金額果渣野!終於要面對=.="...我最怕記野0家啦!唉....
今日如常又係俾肥婷串!佢條友今日企前場仲收到利是真係好!
夜晚太靜關係!So我可以照收9點=.=+ 收工之後試我想買果件ebace衫!
我仲用埋優惠卷添!爆平!!!唔知呢樣又會著幾多次=.="
其實我覺得ebace d衫硬係著上身怪怪地咁樣唔多好睇!
同Cathy傾左陣計之後就走人返家lu!~Cathy話遲左會調走一個part-time!
因為多part-time喎=.="返到屋企冇人...
一定唔知去左邊啦佢0地!之後我咪食下野咁囉!~冇耐佢0地就返啦!
下星期我返好少時間渣!我諗一個月搵得好少錢lu!~
冇之前果兩個月搵咁多錢啦!
唉...算啦!夠駛就算!讀書係梗要D!
老豆老母今日又出去問占掛作福果D啦~話我今年唔係犯太歲!
But驚我4月同7月俾人呃!同叫我去夜街小心D=.=.....
咁我返工多數收夜晚0家ma!
唉..........................上年佢占我都中啦!話我會散呀!真係啦~!
But佢年年都話我會俾人呃=.=""" 唯有萬事小心小心!
聽日照常返學lu!~下星期一定冇之前咁辛苦!要努力讀書啦>"<
PS:返工有返工好處~有時可以對下D小朋友幾開心!
又可以見識唔同類型既人!有時又可以發洩一下唔開心既心情!話fans!哈~
仲有...我0地間舖明明係每一自己有一把尺0家ma!
家下攪到唔見哂D尺!唔知去哂邊!因為D fans成日問借尺!
借完又冇還咁!唔知係咪借哂開去=.="""

>>January 25, 2004 at 3:31:31 PM GMT+8

2004 年 1 月 23 日 星期五 【乍雨乍晴】

今朝早個鬧鐘冇響過!好彩我知醒0者!係咪個鬧鐘壞左呢?
又係最早返果個係我=.=.....Cathy最後!我同肥婷係度等佢開門!
今朝返左成千件貨!勁係度拆貨果渣啦!仲遲左少少開門!
開門冇耐亞媽,第2果個家姐同兩個亞E 0黎左!
我今日係ebase度企左兩粒鐘!悶爆!又頂BOBO食飯!之後Cathy又食飯由BOBO頂做收銀!
下晏見到精蟲,鄧培,肥布佢0地入左0黎我間舖度唔知做咩!
今日最後食飯果個又係我/_\...餓到我冇咩知覺囉!5點半先食飯呀!
食完之後返多兩粒幾鐘就收工!Good!~算啦!先苦後甜啦就當係!
冇耐又見到古仔經過!又同我say hi!又係同果個女仔一齊!我相信果個係佢女朋友=.=+
夜晚勁多野做!原本係我拾倉既~之後Cathy拾!佢拆貨我上!
又攪呢樣果樣!後場又爆亂!係呀!一向前場有人企!後場得收銀攪到貸場冇人理...
我又勁係度拾囉!差唔多收工又掃地!勁多野做咁=.="
今日OT左成粒鐘!So下星期要補番半粒鐘俾我!要寫番!
因為Cathy幫我折左糧啦!~其實都算準時放0家啦.....唔太夜收工!
肥婷就好快可以收工啦!佢勁準時就收到工!9點3啦我諗!
又唔駛做收工之後要做果D野呀佢!佢就好啦......
收工之後打算搵佢0地班野BBQ啦!點知佢0地返緊0黎!
仲以為有得BBQ添!原來話出面好凍!又好快燒完!咁咪返0黎囉!
係8號果個bus站度等佢0地!hehe~佢0地玩D野仲係咁白痴!
But唔白痴就冇得笑^-^ 有時咁樣都幾好!可以輕鬆下心情先ma~
佢0地一落車就同我講哂聖誕節快樂呀!新年快樂咁樣!
係咁俾d汽水我囉!其實係我俾我拎=.=" 玩野!
之後精蟲又玩d汽水想整到<戀>毛成身係!哈哈~當然行動失敗啦!
我收工又有D肚餓喎!佢0地班野又話去開心度打機...唉=.="
之後EVA同東華就陪左我去食糖水!佢0地走到好遠處lu~
完全唔知我0地走左=.=...之後先打去東華手提.....
EVA話想影卡!我唔想...佢咪同東華影卡囉!嘿...唔想阻住人啦ma!~
家下唔知點解覺得佢0地好襯咁=.=+
之後就去左許留山度食糖水!原本係去芒果大王既!
But之前係8號行返0黎大中渣ma!唔想再行番過去啦咁遠呀!咪係許留山度食囉!~
食完之後買左雞蛋仔食!係呀~又食=.=+
之後就返屋企囉!凍到呀!我今日唔係點著夠衫=.=.....果一刻好想跑返屋企囉係凍到...
返到屋企11點半都冇!/_\.....好早.....算啦~當係屋企休息多D囉!~
唉~~~仲打算難得一日可以成班一齊玩添!點之都係冇...算啦!下次啦~
聽日又係返12-9!呵呵呵~係一個返工唔錯既時間!因為0岩0岩係正中間!
PS:今日Cathy買左朱古力送俾我食!

>>January 24, 2004 at 4:48:36 PM GMT+8