2003 年 12 月 19 日 星期五 【乍雨乍晴】

今朝返早...8點半起身!爆凍...攪到唔想起身咁囉/_\
再加上又唔多夠訓咁呀!琴晚成兩點先訓...
返到去仲未開門!亞卡遲返到!之後見D貨仲未到我0地去左食個早餐先~!
返到去開門成粒鐘先有貨到!
今日勁多貸...千幾件!朝早勁上貨!
ebase果邊今日0黎左個part-time幫手!
我0地呢邊今日都幾忙下...
食飯時間食左M記!因為我要換Qoo~~~呵呵呵~!
下晏見到黃X琪!夜晚又見到妮妮同kiki!
同kiki傾左陣計!畢業之後都好少見到佢同佢傾計lu~
嘩...今日返左10粒鐘囉!累爆!Cathy又要入倉上貨!
原本叫我返到8點...之後問我可唔可以返到9點!
But我真係頂唔順=.="
再返到9點即係我返左成12粒鐘唔計食飯時間!
之後我話唔得...頂唔順!先放我走!~
But佢仲咩上完貨=.="
其實原本我話去食飯0家!
我唔知做節定係邊個生日要去食飯!
點知OT...換完衫出0黎仲想打電話話我0黎唔到!
點知亞媽佢0地就係我間舖門口等我=.="
原來逢20號止糧!唉...計過原來我今個月搵得唔係好多渣=.="
唉.....算啦!出左糧都係唔好買電話住啦...
下個月先啦都係! /_\....
我用D錢買衫買鞋好過.....
平時駛費都好貴下=.="唉~~~~~
But我一定要靠自己>"<
學業同工作都不能放棄!
距離聖誕節仲有5日.....
今年聖誕節...獨行俠!

>>December 20, 2003 at 3:38:45 PM GMT+8

2003 年 12 月 18 日 星期四 【颳風】

嘩~~~今日好勁!返左成日工!
返12點踩到夜晚10點先放工!~減去食飯時間返左9粒鐘!
朝早買左個包返去食!
之後勁眼訓...因為唔多夠訓...琴晚同果個咩Zan傾電話!
條友仔...原來好爛口下=.=" 勁爆粗!
冇耐出左去銀行入錢果渣野~見到葉洋同佢亞媽!
唔知點解今日好旺場!做唔停呀真係!間舖仲搵到唔少...
下晏收到個態度佬電話我0地間舖!
亞卡今日放早!4點就走人!真好...
冇耐又見到汁yin同佢男朋友經過~!But因為我有野要做!
同佢傾左幾句佢就走左!原本係傾呢個剪頭髮既問題=.="
我冇時間去剪...冇時間做功課又點有時間剪頭髮呀?
食晚飯時間有班人0黎買衫啦!D男人同女人...
哈哈哈~有個男人講D野笑爆我!
我勁忍住笑囉真係!幾驚一陣人0地以度我有病仲咩陰陰咀笑!
果個男人句句都有個<系>呢個粗口字!
hehehe~總之就笑死人啦~!
夜晚又見到果兩條MK佬!入到0黎見到我爬高又叫我小心果渣!
又勁望我!當然地我冇理佢0地!痴線0家佢0地!!!
原來BOBO佢0地都知有呢條友存在!話佢有病!
佢成日都大大聲咁樣!周街撩女仔!原來佢係住大元!
仲有個女!FUCK!~好心佢啦!有個女就唔好咁樣啦!
今日拎完褲唔好再Q 0黎呀! >0<"
放工時佢0地幾個去<<味千>>度食野!
Cathy今日返晏!冇飯食!
返到屋企如常玩電腦!今日終於有得<呼>下mask啦!
聽日返A=.=+ 嗯嗯!~唔知下星期返咩呢又?
唔知25號又可唔可以返早呢?唔知呢唔知呢唔知呢...

>>December 20, 2003 at 1:20:38 AM GMT+8

2003 年 12 月 17 日 星期三 【微冷】

唉...今朝又唔知醒起身!我唔想呀>"<
響哂鬧鐘又訓番!當然地起唔到身啦!
返工太累太累太累...But我唔可以再容忍自己咁落去 .\ /.
唉~~~今日仲要係人體素描添得0家!
我唔識0家>"< 要學...學少左堂啦!點算好?
因為今日冇返學關係!又見唔到佢/_\ 唉~~~
成個星期都見唔到佢/_\...
亞媽有話我唔返學!問我今個月返左幾多日學!
又叫我唔好讀!我同佢講我鍾意返學多過返工!
今日返1點!落樓先記得今日冇電梯搭=.="
之後用左兩分鐘時間行樓梯落去...
返到去冇耐彬彬同肥布入左0黎!仲請左我食一粒糖!
話今日早左4個字lunch!So4圍行下!入0黎行左個圈就走人!
今日又玩呢個驚喜!But因為係平日關係!冇上次咁多人!個少唔太亂!
冇耐又見到<戀>毛!佢當然又0黎搵家家啦!~
下晏食飯時買左個下午茶餐之後又買多個包!
因為好肚餓!買完包出0黎見到東華同佢D朋友仔!
黃昏後亞明又0黎左!
肥婷條友...我都唔知前世係咪同佢有仇!成日串我 .\ /.
走前又要串下先走既=.= 又話佢星期日放假果D!超~好叻咩?
夜晚果兩個MK仔又係度!FUCK!
話改褲喎~正常我0地當然要同番客人講改褲係要十蚊0家啦~
之後其中一個話大把錢果渣!
我心諗:多錢就幫我買哂成間舖D野佢!
之後佢0地又問幾時拎得果渣啦!
冇耐成日撩我果個又話改完係咪去我屋企拎!
好彩果時多人我要理D客!So我冇理到佢唔應佢!
唉...聽日佢0地又0黎拎褲!FUCK!!!唔想見到佢0地呀>"< 唉~~~
雖然我聽日返12點!But...唉.........FUCK哂啦總之就!
放左工之後同BOBO,KAKA一齊走人!
我同BOBO都想食雪糕!之後咪打算去買囉~
點知收左舖!唯有第2日有機先啦~
行到返我屋企果條天橋時爆大風!勁大風呀>0<
又凍!我見下晏又唔係凍咪冇帶褸囉~點知夜晚...
天文台話聽日開始凍番!後日會更凍!
So大家要小心身體喔!~
返到屋企見到第2果個試整Cake!係喎~Sarah生日啦!21號!~
嘿...時間真係過得快!咁又一年lu~
仲有一星期都冇就聖誕節!
25號會同D同學仔去中環再落尖咀玩!~唔知果日會點樣呢?
落尖咀係因為亞星話佢果日係果度跳舞喎!
哈哈~睇下都好呀!琴日佢話我0地25號果個係台下輝螢光捧!
Jason就話我0地用螢光捧拋佢!哈哈哈~~~Good!~
原本我0地打算24號既!~But大家投票決定25號!
咁24號咪可以同你0地班朋友仔出去玩囉 >﹏<
25號放左工之後都唔知迫唔迫到出去/_\
平時朝早迫地鐵都迫死我啦!
果日有人接我出去就好啦/_\.....算啦!都係發下夢好啦!

>>December 19, 2003 at 2:47:58 AM GMT+8

2003 年 12 月 16 日 星期二 【微冷】

今朝又係用左3個鬧鐘鬧醒左我!
如常搭8點果班火車!又有得坐!又訓左=.="...
我以為冇遲到!So慢慢行返學校!
係行返去school果段路時有人叫我英文名!
原來係Jason!之後同佢一齊返school~佢條友擺到明係未訓醒囉又係~
返到去又係上Alex堂!條友成鬼日串我!
哈哈~原來Alex又係虎年!足足大我12年=.=+呵呵呵~~~
之後佢又死唔認老!話係同我同年!
But講真果句佢個樣唔似成30歲人囉~
今日終於見到亞盈~!佢個頭都冇咩野0者!
放左學小枝走左話返大陸玩!
之後我,亞盈,亞玲,flora,亞橋一齊去左吉野家食早餐~!
我仲打算睇下撞唔撞到佢!
點知今日又係見唔到佢/_\ 唉~~~
食食食...勁係度傾計果渣!哈哈~我0地傾D野好攪笑~!
12點幾走人!0岩0岩走人Baleno就打俾我話問我今晚得唔得閒!
原來家家唔舒服!好啦~咁我頂下佢啦!收夜...
原本今日只係返4粒鐘!家下返左8粒!返兩點半!
6點左右<戀>毛接家家收工!
夜晚時又見到Newman經過~
返返下工...唉~~~又見到果條飛仔!
好PK呀!今次佢即頭同佢個fd入0黎買褲!
勁撩我!真係好驚=.="
因為佢唔止一次撩我!仲成日經過我間舖!唉~~~
攪到我放工行得爆快返屋企!
今日又遲左收工喎~成10點半先收工!
又遲左落閘!之後又好多野攪!
But Cathy放左我收工先!~
拾緊野果時見到妮妮經過我間舖門口!
聽日又攪呢個驚喜!一定又爆多人!
原本我聽日又係返4粒鐘!家下要返8粒呀又=.="
累爆!星期5唔駛去馬安山返工!肥婷頂左我!
仲打算可以去馬安山添=.="""
星期6,日可以返A time!Good~~~
希望唔好再改時間表啦=.="...
唉~~~今日又俾人話無禮貌!我冇呀!冇呀!冇呀>0<"""

>>December 17, 2003 at 3:52:24 PM GMT+8

2003 年 12 月 15 日 星期一 【颳風】

今朝用左3個鬧鐘先鬧得醒我=.="
唉...又返工又返學真係好累!So...係難D起身0家啦!~
今朝搭8點果班火車!由大埔墟火車到旺角火車終點站果隔架!
我見都係等多一個字0者!咪入呢架度搭囉!勁多位坐!坐...
搭火車都訓著左!幾驚唔知醒起身!0岩0岩過左大圍火車站醒左!
返到學校上呢個人物素描!由隔離班果位亞sir教我0地!
家下我0地同隔離班一齊上堂!
哈~亞星同Jason佢0地一定恨左好耐啦~!
我仲以為自己最遲返!好彩仲有人遲返過我!成9點先返到school=.="...
嘩~原來人物素描係好難既事!家下先0岩0岩起步!教D基本野...
我都覺得幾難下...唔係太明!成堂都係度講解!
下堂會有個model一男一女俾我0地畫!
唔知咩人呢?hehehe~
今日輪到亞盈冇返學=.=
我覺得隔離班D人好似冇我0地班咁融洽咁!
雖然上堂要聽亞sir講野唔可以傾計果渣!~
But我0地當然耐唔耐都有傾下計0家啦!
隔離班果D好似兩,3個一班玩咁樣!
今日早左個幾字放學!佢0地果班一放即走!走得爆快~
我0地果班唔係!我0地果班放左學仲可以留一陣成班一齊!
隔離班之前明明係一個好細既班房上堂0家ma~
我覺得果個班房令到大家融洽!點解佢0地唔係咁既=.="?
可能因為早放左少少學既關係!今日見唔到佢...唉~~~
放左學之後同左小枝食M記!又換左隻Qoo~~~
家下等待最後一隻!換埋佢就唔駛食M記食得咁密啦~
食完坐左陣傾左陣計再行左陣就走人啦!
係Sogo度見到一個男仔幾得下!hehehe~
小枝佢睇左<無間度3>!佢原本以為好好睇!點知係唔好睇既!~
So大家想睇既話要考慮下啦!
通常第1集好睇既戲做咩續集果D好多時都唔好睇0家啦!
12點幾就走人!小枝又約左人!而我又好累...
橫掂今日放假冇街去咪返屋企休息下囉~
返到屋企冇耐兩個好堂細佬0黎左 =.= 屋企即刻多哂D生氣~!
冇耐我好累訓...佢0地大約3點幾就走啦!
大果個今日放假!4點幾左右我又醒左!因為佢睇<沖上雲霄>!
琴晚果集我仲未睇!咁0岩佢又睇!咪拿拿聲起身睇囉~
夜晚仲要畫mask layout俾Alex=.="
條友成日串鬼我!要我聽日一定交到!唔交又唔知會點樣.....
唉~~~聽日又係上佢堂!佢果個堂真係幾悶下!
So我堂堂有返既都係睇雜誌同傾計!我之前兩次冇返都係冇返既果堂!
咁佢咪認為我成日唔返學要我交layout俾佢囉/_\
今晚自己食自己!唉...好耐冇食過主家飯啦!好想飲湯.....好味/_\......
PS:唔知係咪病病地...或者我血糖低果渣掛=.="
D人覺得今日唔係好凍!
But我對手係冇暖過~係班房都係冇暖過...覺得凍!
星期5,6,日會仲凍!點算好呢?
今年凍天冇人俾我取下暖...唯有自己靠自己=.=+呵~~~
仲有...家下返工又返學!
小枝話我個樣殘過以前!唉~~~真係樣衰!冇人鍾意0家啦...
唔得!真係要再早D訓先得/_\

>>December 16, 2003 at 10:22:04 AM GMT+8

2003 年 12 月 15 日 星期一 【颳風】

2003 年 12 月 14 日 星期日 【微冷】

今朝又唔知醒起身!醒果時成7點幾!
於是又決定唔返學!
因為攪下呢樣果樣成8點先出得門口!
返到去一定遲到!一定成9點幾先返到去!
So決定唔返學!
之後10點幾俾亞媽抄醒話toilet貼果張紙係邊個貼!
我話唔知唔係我!之後佢咪話左我兩句又話我唔返學果渣囉~
都預左俾佢話0家啦!佢都係乘機話我0者...
家下攪到平均兩星期唔返學一次! =.=
訓訓訓...訓到11點幾12點起身!
起身之後周身骨痛咁=.="
冇耐又玩下電腦食下野then返工!返3點半!
今日個場好清閒~唔忙...
But我開頭有D頭暈暈咁...=.="
今日返工都冇咩特別野發生...
6點幾左右見到亞鬼經過~
大約7點幾亞卡幫我0地出去買cake=﹏=
呵呵呵~~~我0地買有得平喔!~
10蚊件!好食到爆渣~我仲想試下果度D雪糕添~!
放工前3個字換定衫之後就攪聽日平果D衫啦~
冇耐亞媽經過!等埋我收工!
之後一陣返家lu~
返家即沖涼之後食cake!Good~~~
聽日必定要起到身返學=.=+
聽日放假!又轉左間表!...

>>December 15, 2003 at 2:49:39 PM GMT+8

2003 年 12 月 13 日 星期六 【颳風】

今日返工又係返1點!
今日做呢個驚喜價!爆多人!做唔停呀真係!
D亞太既威力好勁!抄到勁亂囉個場!
因為多人關係唔夠人手!每人lunch只有半粒鐘!
好彩我有帶飯返去0者!
我0地越做越興奮咁!哈哈哈~~~
勁叫場!可能個場太嘈掛!同D人鬥大聲咁樣~
講真D外套真係爆平囉!好多人都以為成場只有果段時段係咁平!
So連其他唔係驚喜價既野都多人買!
But呢個驚喜價只做到6點0者!
完場真係有排拾囉~我勁拾...
地下又多垃圾!放工前最後一小時個場得番我一個!
Cathy做收銀!我當然又係一腳踢啦~
D人又幫我倒亂個場!攪到我又做唔停勁拾衫咁樣~
So驚喜價之後我一直都係咁拾衫!拾拾拾...
大約10點半終於走得人!
Cathy叫我一齊食野先返家~
But因為第2日返學我拒絕左!驚一陣夜返家咪PK!~
如果星期四,五,六,日叫我去我一定去啦~呵呵呵~~~
我都唔想一放工就即返家/_\
今日同琴日收工時都見到funny勁多飛仔!
真係MK果隻飛仔喎!
琴日就陪亞卡佢0地去Toliet時經過!
果班MK人即頭係女廁隔壁抽玩具果D機度!
見到佢0地變態0家囉!勁係度踢果D機!整到周圍都係煙頭!
仲見到佢0地玩得好似好開心添~佢0地個樣好嘔心=.="
今日睇篇間表見到我星期五借左過去俾馬安山果間舖!
唔知果日又見唔見到yinyin同果個咩亞恆呢?
我唔識去同唔識返0黎囉/_\...
仲要返1點至10點半...都幾耐下個時間!
唔知果日又會點樣啦!

>>December 15, 2003 at 2:28:54 PM GMT+8

2003 年 12 月 13 日 星期六 【乍雨乍晴】

今朝11點3左右起身!返1點...
唉...今日返工爆唔開心真係/_\...
返到去又拾倉!返左千幾件貨...因為聽日玩驚喜!
拾倉真係好辛苦想喊...之後又整爆番琴日個傷口!
之後冇耐又話個場爆!落番去!個倉D貨係亂到...唉~~~
落到去...又要拾衫!D亞太好勁!!!將中場D衫放左係後場度!
亂哂亂哂亂撚哂!...果一刻我真係好想講粗口!!!FUCK!!!!!!!!!!!
之後興哂啦我當然!係咁拾囉~
去到前場打算幫個亞太搵碼啦!見佢係度抄緊衫呀!
當然幫佢...點知佢整開我隻手!...勁唔開心囉真係.....
之後又見到肥布佢0地經過門口...一定又打機!
冇耐cathy又叫番我入倉拾貨!
之後俾佢訓話左幾句!原本我心情爆差0家啦真係!
之後我忍唔住...係倉度喊左出0黎/_\
好辛苦...真係好辛苦!
7點幾8點亞明0黎左!我返左工咁多日呢一次都係第1次見到佢!
今日又收夜...攪呢樣果樣成11點先返到屋企!餓...
之後亞盈咁0岩打0黎!同佢傾左陣...
又喊過...我真係頂唔順啦就/_\
點解D part-time會返咁多日?
我以前果D工返part-time都唔係返咁多日!
D功課...我有成4份功課未做過!係4份呀/_\...
再咁落去我真係唔駛讀!.....
聽日玩驚喜!D野好平...唉~~~聽日一定爆忙!
星期一又交唔到功課啦一定!
我真係好想交呀...
嗚...嗚...嗚...我未試過做一份係咁辛苦!
返到屋企...老豆見到我貼膠布仲係度串我!
話:我又返工你又返工真係辛苦啦細女!
我冇聲出.....我返工真係好辛苦/_\
我冇同到屋企人講!返到屋企淨係識得發脾氣!
我驚我講左出0黎會喊...因為返工真係好辛苦.....
真係好想努力讀書呀.../_\
But我唔返工係唔得...唉...
好驚今晚訓前又喊...一陣攪到聽日對眼腫哂仲死!
一定爆累...聽日又返9粒鐘/_\
返工又成日俾人話我我無禮貌!!!
我真係冇...真係冇呀>"我性格係硬朗D!!!唔等於我無禮貌!
叫場...我真你改左好多次囉!~
之前話我講得串!我真係冇串呀>"唉...返工真係好辛苦!
我唔知自己仲可以頂到幾耐.....

>>December 13, 2003 at 4:33:25 PM GMT+8

2003 年 12 月 11 日 星期四 【乍雨乍晴】

原本今朝可以訓晏D...
But琴日約左鄧培返官中畢業典禮!
而且我又未拎會考証書!正好今次就拎啦!
朝早約左鄧培係我屋企樓下等!之後同佢,肥布同彬彬食個早餐!
嘩~~~落到街爆凍囉係!去到食野果度我個鼻紅哂!好似小醜咁!哈哈~~
唉...咁早返去都唔知為咩=.="?
勁眼訓囉...成10點幾先開始!冇耐肥章,朱仔佢0地成班又0黎到!
之後11點幾頂唔順早走!佢0地又去食下野咁樣!
而我就拿拿聲返家!累爆!!!~
行到大中見到double park D員工等人開舖啦!
E!?D人都幾型下喎!But我睇唔清楚D仔係咩樣!hehehe~
係屋企樓下見到BOBO!原來佢又住大埔...怡雅苑!
返到家訓...訓左1粒鐘自己醒左!唔想再訓喎~!
咁咪起身囉!玩電腦...
3點幾就返工啦!返到去個場都幾爆下!
冇耐見到肥布,鄧培經過!唔知去邊樹啦~冇耐<戀>毛又搵家家!
6點幾家家收工!冇耐夜晚又見到鄧培同精蟲經過!
唔知佢0地兩條友攪咩鬼=.="
收工前亞媽經過...起初佢話等埋我走人!
But我唔知之後會唔會有咩攪0家ma!So叫佢返家先~
今日幾好生意!收工時拿拿聲攪掂好哂D野就走人!
家下學識左點樣做庫存!亞卡個老公又接佢放工!見佢0地感情真好喔!~
聽日有個新人0黎返短期part-time!好似話識0家喎...自己人!
我聽就聽過下佢個名囉!唔知我係咪真係見過佢!
家家夜晚係ICQ度話聽日精蟲佢0地班友一定係度玩野=.="
好似話果條友係同佢0地班野fd 0家ma!
夜晚返到家沖涼即食野...真係勁肚餓囉~
朝早食左個早餐之後到下晏食左少少野就返工啦!
聽日返B!返B即係返晏返到收工...9粒鐘!
PS:家下知咩叫鍾意啦^-^ 終於知鍾意既感覺係點樣啦!~
仲有!今日又整損成隻=.="""

>>December 12, 2003 at 5:12:22 PM GMT+8