2003 年 12 月 10 日 星期三 【颳風】

今朝仲遲過前幾日起身!攪到成7點9先出門口!
落左K巴我見唔到亞簡!因為我太留心行路同聽歌啦!哈~~
之後佢想叫我,我先見到佢=.="
But我諗佢都見唔到我見到佢0家啦!
佢以為我見唔到啦都係...
搭地鐵係金鐘搭去灣仔時勁多人啦又係!
咁0岩入到車我後面果個男仔幾型下=.=+ hehe~~~'
仲要迫住咁樣!So好近距離呀>0< 呵呵呵~~~
返到去9點!Good~~~
今日應該係上文英既最後一堂!So我必定起身返學啦!
返到去又同隔壁班調左班房...哼!!!可惡!~
放學miss話想睇果D唔知咩畫就落去呀ma!
咁我咪落囉~點知小枝叫我!
問我睇中左果個男仔係咪果個...
哈哈~好彩我有落到去渣>﹏<
唔係我都冇機會見果個男仔咁耐!
黑色頭髮既男仔呀>0< 佢即頭係我鍾意果類型!!!
果個男仔知我同小枝望佢!佢好似有D怕羞咁=﹏=
呵呵呵~睇佢都應該唔係串咀既男仔!
我諗...佢應該有女朋友掛/_\
算吧啦...我冇可能!唉~~~真係好想識佢呀>0<"
But我唔夠膽>"<...唉~~~都係算啦!望下都好呀>﹏< sweet!~
之後同亞盈小枝行左去銅鑼灣食野!
係果間野咁0岩有個女人走人跌左十蚊!
想叫佢既時候走左=.="""
之後我0地就用左果10蚊雞!原人食野平左3蚊!哈~~~!
原本打算陪埋亞盈去無印良品度買筆既~
But我真係太累...驚一陣返工真係頂唔順!
於是我食完就走人先!小枝陪亞盈行陣街~
搭車時又訓著左!家下搭Bus真係好鬼易訓著!
訓到返到0黎大埔都唔想起身囉~
返到屋企就坐下玩下電腦!
得番唔係好多時間!咪唔訓囉~
夠鐘就走人返工!返到去真係好累.....
行緊去果時咁0岩撞到肥章,朱仔,和和同肥基佢0地行去富善方向!
起初果兩粒鐘真係唔想行咁!唔想做野!
之後企耐左慣左又冇咩野lu~
太累關係今日冇點叫過場!
返工冇耐又見到誠誠!係佢督我先知佢係度!哈哈~
佢0岩0岩放學!話好少可咁早可以放學喎!~
冇耐有個男人送左盒cake俾cathy!
果時間舖得番我,Cathy同BOBO3條友!
So 3條友食5件cake!我食左一件!好食喔~
其他食剩既Cathy帶走返家!
夜晚我亞E又0黎買褲!佢個仔買!=.=".....
放左工我仲留係間舖成粒鐘先走人!
因為今朝原本係開大B既~
我返學關係!冇去開到!於是Cathy同我講番開大B既野!
又教左我一D野!之後講完就一齊走人!
對面舖收貨!嘩~~~勁多貸囉!
我諗佢0地有排走!原來佢0地個倉係兩層0家!
唔怪得啦!出左大中度...嘩~好凍呀>"<
我冇著褸!凍到爆!But有樣野好!
望一望個天!見到爆多星星!勁靚喔!~
唔知大家又見唔見到呢? =﹏=
之後返到家即沖涼又食下野咁!
聽日又要早起!因為返番官中度拎會考証書同參加畢業典禮!
下晏又返工!星期6,日都要返!返9粒鐘添果兩日!
唉...聽日又唔知夠唔夠訓啦>"<
我4日每日都訓唔夠6粒鐘囉!累...
有時覺得自己企係度好似唔係咁穩咁=.="
聽日天氣更加凍!大家著多件衫!我都係=.=+

>>December 11, 2003 at 4:53:08 PM GMT+8

2003 年 12 月 9 日 星期二 【微雨】

青春猶如方糖，對嗎？
有棱角的，易碎的，荒唐的，甜蜜的，
這種甜蜜是要親身用舌尖的熱量才能融化，
才能品嚐，你總不能夠隔岸觀火。
人生總會有這麼的一個階段，
一個做甚麼都快樂的階段，一個說甚麼也真誠的階段，
他們可笑，也可愛，笑他們皆因我們曾經荒唐過，
愛他們，因為我們亦曾經甜蜜過。

>>December 10, 2003 at 2:38:13 PM GMT+8

2003 年 12 月 9 日 星期二 【陰】

琴晚公司打0黎同我講今日放假!聽日先要返!返晏...
So今日又係day off!~
朝早我終於唔駛人叫起到身!
But又係遲左少少囉...
返到去0岩0岩好9點=.="
唉...呢堂...呢堂可能我之前有兩堂冇上!
So覺得唔知自己係度做緊咩野咁囉!~
琴日定前日問哂成班邊個有上星期咩撞野果單新聞~
今日亞棍居然帶左返0黎!哈~估唔到!Thx哂~!
But佢帶果本係<便利>!其實我想睇報紙多D...
因為之前聽亞盈講報紙有幾頁咁多!最後果頁係講HK邊度有鬼屋果渣啦!
我想睇呢一頁!um...唔梗要啦!人0地帶到0黎有得睇好過冇得睇!
成堂係度傾計同睇雜誌!
Alex都幾串咀下0家喎其實=.="
放左學小枝又係唔駛返工!But佢約左人!一定約左男朋友啦!即走~!
之後我同亞盈落左銅鑼灣!~
食下野行左陣...今日行sogo終於見到果對playboy鞋!
But冇哂碼囉!Fuck!!!成日自己鍾意既人都冇!
之後去金百利買褲果間!開左...我鍾意果條褲就冇哂我既碼...
原來...佢話冇哂果隻布果渣野...
咁...我唯有簡第2條啦!簡左條藍色既~!
我原本鍾意果條係深紫色X黑色!正爆~~~
呢條係我第2鍾意既褲囉...But我都係好鍾意原本果條囉>"<
佢話老闆講唔會再返貨!
But個sales同我講如果真係有既話會打俾我喎=.=...
唉..........算啦/_\...佢個老闆都話唔會返貨!即係冇.....
Then我0地走行多陣咁樣啦~睇下鞋...
之前已經見到Nike Air Force X LV既高筒鞋0家啦!
今次再見番...覺得好似有feel咁=.=" 幾鍾意...
攪到好想買!唉>"< .....Nike Air Force X LV呀!!!一定貴啦!
LV...又唔知幾多千啦一定/_\
But我行咁耐銅鑼灣都好似得果間有得買.....
唔知真野定係假野啦!我諗都係真掛掛掛=.="""
都係算吧啦...有錢先算吧!唉............
行完兩點幾就各自走!我去左Sarah度!
俾信佢!之後係佢度坐左陣睇下衫咁!
之後簡左一件衫同一條褲!都係唔駛錢>0<
條褲...一定要買對鞋襯囉!~
Sarah好勁!佢sell客幾勁下=.="
睇住佢sell...個客做左VIP囉!買左千5蚊衫!勁~!
我記得之前暑假都見到佢sell客又係唔知做左VIP果渣野!
我冇佢咁勁囉...經驗多真係唔同D!~
3點幾左右就搭271返大埔啦!上車如常訓覺!落車...凍凍地=.="
今日成日都覺得寒寒地咁樣!
大埔仲比出面香港區凍囉真係!返到屋企大果個又0岩0岩要出街=.=
佢條友放大假就成日出街玩!真係好!~
條友今晚都唔知拎唔拎到MP3機返0黎=.="
拎唔到佢就知死=.=+

>>December 10, 2003 at 10:38:11 AM GMT+8

2003 年 12 月 9 日 星期二 【陰】

2003 年 12 月 8 日 星期一 【晴】

今朝知知地醒咁啦=.=" But亞媽驚死我唔會返學咁!
叫我起身返學...
係大埔墟火車咁0岩見到鄧培!佢條友返8點半!
我都係...佢就返九龍塘!我返灣仔=.="我係好遲囉~!
同佢一齊搭火車傾下計咁!都好似好耐冇見...佢冇變到!
成9點1先返到學校!仲未遲到喎!~勁!哈哈哈~~~
係學校樓下見到亞玲!之後同佢一齊上去!
上到去又咁0岩見到亞棍!
去到8號班房!E!?黑哂既?原來轉左班房呀又=.="
入到班房唔見小枝!小枝今日冇返.....
Then我見到個蠟像之類既一個男人!哈哈~笑死!!!
畫素描時...我個位勁唔得囉!即頭係咩野都睇唔到!
之後我坐左係後面!即頭坐係台上面!
咁先畫到!文英好好人俾左塊畫板我!
之後畫畫畫...上堂如常咁傾下計!
放左學同亞盈,亞橋,flora仲有亞呂行左陣!
今日我要確認一下Sogo第8層係咪真係得D鏡冇哂成層!
係7樓上去時...Flora嚇我=.= 我又嚇番佢!
大家都勁驚咁!佢上次去到10樓0家啦!都唔驚呀佢!
今次佢傻左!攪到我勁驚囉=.="
去左金百利好多舖頭未開!當然啦~仲咁早呀~!
咁果度咪冇咩燈咁囉!Flora又係驚!我又嚇佢啦!~
哈哈~0岩0岩有個男人經過果渣!嚇死佢!hehehe~~~
之後我0地去左M記食野!換左兩隻Qoo~~~呵呵呵~~~
原本打算去<亞貓地攤>度食既!But flora又話等得耐同唔好食!
又想換Qoo!咪去左M記食囉~食完亞呂走人返工!
我0地4個就去左<亞貓地攤>度飲下野玩下貓咁!
果度D野飲都ok!But貴左少少...
D貓好得意!亞盈好驚咁!hehehe~~~
灰色好隻好百厭!隻眼好大好精靈!
食完野之後累...終於捉到佢訓著左!勁攪野好得意呀>﹏<
果間野都不斷有人0黎!唔係好多人...都ok啦!~
坐坐下Cathy打0黎話我聽日轉左返工時間!返兩點...
我0地坐左成兩粒先走人返家!
Flora就同亞盈一齊搭bus!我就同亞橋搭地鐵!
之後我係尖咀落轉271返大埔!
返到0黎原本打算去TOTO度整MP3!點知原來佢入唔到碟...
冇上到去!去左yinyin度!yinyin佢部腦又係唔得!
而且佢又趕住返工!之後我上左去妮妮屋企!
妮妮部腦又係唔得!唉.....
係妮妮屋企坐左好陣子!成6點先返家!
拎埋之前7,8月借俾佢果把遮走!
哈哈~係呀!好耐都仲未拎走呀我!今次終於拎走啦!
想睇之前BBQ果D相...點知係yinyin度...o...又冇得睇!
算啦~下次先啦又!~
好彩返屋企時間0岩0岩好!大果個仲未走!
即刻俾佢叫佢俾佢個fd幫我攪部MP3!!!
唔知幾時先拎到呢=.="?
我屋企部電腦...廢!!!FUCK!!!
返屋企冇耐食下朱古力之後就睇番琴晚我未睇既<沖上雲霄>
呢一集好感人/_\ 我睇到喊囉又....
夜晚又自己食自己...

>>December 9, 2003 at 12:45:04 PM GMT+8

2003 年 12 月 7 日 星期日 【陰】

今朝唔知醒起身=.=" 亞媽6點半走過0黎叫我起身!
好彩佢行過0黎我房叫我起身渣!唔係真係勁仆街囉~
一個月冇返3日學!唔得囉~
一落街覺得幾凍下咁...
又遲左返到去...返到去都係自己研究下亞sir拉果D線!
教緊兩點透視!真係幾難下=.="
亞盈今日又冇返!唔知咩事.....成日都唔返學...
今堂係畫一架車!畫極都好似畫得唔係咁好咁!
D男仔硬係畫呢D野畫得好好!唉~~~
放左學同小枝,亞橋,亞玲同flora一齊去左吉野家食早餐~!
12蚊渣!平!!!
食完又係度傾下計!又講下D鬼怪野!
哈哈~傾完之後去toilet唔係咁夠膽.....
食完走人!亞橋同flora好似去番亞貓地攤度!
亞玲同我同小枝就一齊行番去灣仔方向!
陪完亞玲入完學費之後佢0地就一齊搭車返去屯門!
而且我又一條友搭車返大埔!
返到屋企冇訓過!因為都成點半!咁咪玩下電腦囉~
今日早左少少返去!之前去左還書!又遲還添=.="
勁樣衰囉...我去錯第2間度還書呀>0<"""
希望佢唔好認得我啦!哈哈哈~~~
今日家家放5點幾!<戀>毛好早0黎到接佢!
條友仔串哂咀咁!超超~~~哼!=.=+
冇耐TOTO又0黎左!佢話DP果d仔幾得!
哈哈~開左張幾日我都冇去到!得閒去望望先=.=+
家下返工覺得見到好多飛仔=.="""
下晏...有條飛仔係度向我吹口哨!
FUCK!!!= =凸冇水都自己泡泡尿照照吧!
上次都知佢條仆街有野0家啦!上次佢經過又入0黎問D褲點樣!
之後又唔買!問D好不知所謂既野!擺野玩野!
今次經過仲死吹口哨囉!FUCK U!!!~
我唔想再見到一個咁嘔心既野人>"<
今日個場幾吉下!But有時都幾多人!好多時都係冇人=.="
D人入0黎好多時都係買野!Good!~
呵呵呵~好快又放工!放工勁快咁樣換衫走人!
累累地...勁肚餓!成日食左一餐渣!返到家即煮個烏冬食!
飽飽~之後玩電腦!Good~~~
聽日Day Off!!!又Good!~~~呵呵呵~~~
But星期5,6,日要返B =.="即係返1點至10點.....
仲有...我返左成個幾星期工...成日見到有個百佳仔經過我0地門口!
睇佢條友都係吸女啦!即係BOBO佢0地呢~!
我初初以為佢0地既男朋友0黎添!
問佢0地先知原來唔係...話唔識佢!哈哈~
Cathy仲話佢0地係唔會同D咁低級既人一齊!hehe~~~
今日終於識識地點樣渣個掃把啦!~
我一向都唔識掃地=.="
今日Cathy教我點樣渣掃把!哈哈哈~~~
我諗咁樣掃唔會整損隻手啦掛?
有時掃地都幾好玩呀!~可能我一向都唔做呢家野掛!~
聽日必定要知醒起身=.=+ 放左學有得去玩!呵呵呵~~~Good baby!~~~

>>December 8, 2003 at 11:18:20 PM GMT+8

2003 年 12 月 6 日 星期六 【晴】

今朝訓到11點幾之後返1點!
返到去個場勁爆囉!~
今日果個咩亞俊0黎左幫手!哈哈~佢勁多野講!
份人都幾攪笑!幾好傾!我諗佢應該做左好多年掛!~
之後好耐兩點幾就食飯!
原本打算lunch time做功課!點知又係做唔到!
之後出去大中時見到朱仔同肥章!響我全朵囉條死仔!Fuck!!!~
今日大中勁多人!Shine 0黎左!好想出去睇=.="
之後3點幾返去開工係門口見到<戀>毛!
當然佢又係搵家家啦!hehe~
冇耐朱仔冇啦啦入0黎!和和係門口!唔知佢0地攪咩野!
之後4點幾又cut走左家家!因為個場多人!唔駛要咁多喎!~
冇耐我如常企係門口!見到肥鋒喎!~佢同一個女仔一齊!
個女仔係咁望住我!唔知咩事=.="
今日返成9粒鐘!累爆!7點已經想叫走囉我!
亞恆佢7點又走人!又少左個幫手啦>"<
中途又見到maymay同達達經過!
冇耐美能又0黎左!入0黎傾左兩句就走人啦~!
一直到10點終於收工!累爆囉又!~收工即返家!
返到屋企即沖涼!咁多粒鐘冇食野餓...
沖完涼正想食野冇啦啦果個zan打俾我=.="
佢係冇來電囉!其實沖涼之前已經有個冇來電既人打過俾我!
即係果條友都係佢0黎...
佢打0黎...唉!~~~總之就煩係啦!
夜晚又係太累冇做到功課!唉~~~
琴日借果本漫畫都仲未睇囉!唔得啦!一定要睇!聽日還...
聽日又係返晏!But聽日返6粒鐘!
後日Day off!Good~~~>﹏<
今日掃地攪到隻手又整親!起左水<波>...唉!~~又整親!
仲有...今日返工見到好多攪笑既野!
D小朋友好攪野!成日對住塊鏡係度擺度姿勢!
又有個小朋友整左一舊唔知咩野插入鼻度!
哈哈~~~笑死我!
又見到個男人著住拖鞋既佢!
冇啦啦除左一隻鞋踩係地度!究竟佢知唔知烏漕0家?
仲有!亞卡個男朋友又0黎左!D亞太問亞卡個男朋友果件衫係大碼定細碼!
哈哈哈~果D亞太以為亞卡個男朋友係果度做囉!~hehehe~~~
總之今日都遇見唔少攪笑野囉我覺得!...

>>December 7, 2003 at 11:30:44 PM GMT+8

2003 年 12 月 5 日 星期五 【晴】

琴晚唔知點解唔係點訓得著...成3點先訓得著!
之後今朝訓訓下胃痛!胃到我想叫救命囉!~
仲以為返唔到工!~But返身冇耐都冇咩野!
今日返10點半AM!
我遲左少少起身!0岩0岩好返到去!返到去先食個包!
D新貨仲未到!冇耐亞卡要我去入錢!
勁多人囉!等左成粒鐘!以極速既速度咁行返去!
返到去D新貨到左!之後入倉拾貨啦!亞媽同亞E又0岩0岩0黎到睇下衫咁樣!
我係ebase度睇中左件衫!哈哈~亞媽0黎到就0岩啦!
之後叫佢幫我買!平呀>0<"折完又折!呵~~
係倉度勁拾貨!拾左好耐=.="
拾完出0黎掃埋撻地就收得工!收3點半!哈哈~
咁又做左5粒鐘!時間過得真快~!
之後打俾TOTO叫佢落0黎一齊飲下野食下野!
肚餓ma我=.=.....傾左好陣子!
佢話佢有個fd 1月去日本旅行!正呀>0<
又有人去日本旅行啦!So我呢個月要睇定有咩野要佢朋友幫我買!
Beams Boy,agnes b,hysteric,play boy呀!>0< I'm lovin't!
果邊買最少平3分1 >﹏<
而且之前睇中左Beams Boy既袋係HK冇得買啦!
其實個袋好耐0家啦~!But我鍾意ma!今次...希望搵到啦!
之後去租下書!陪下佢買埋野就返家lu~
返到家都係5點幾!Good~~~
一返到屋企即玩電腦!今晚有飯吃!Good~~~
好耐冇食過主家飯啦/_\
今晚要做功課!嗯嗯=.=+
聽日返1點至收舖...返成9粒鐘.....
睇0黎聽日都要10點幾先返到家lu~
我諗...聽日一定好累!返到家必定要訓!唔係第2日冇精神返學返工!
PS:家下返工攪到D手指成日損/_\...仲要係D手指甲囉!剪哂~!痛.....
唉...我太唔小心啦!工傷...有冇錢賠0家?哈哈!~

>>December 6, 2003 at 10:26:12 AM GMT+8

2003 年 12 月 4 日 星期四 【晴】

琴晚終於可以玩夜少少電腦!
今朝12點幾起身!Good~~~可以訓到咁晏!
起身之後食下野玩下電腦大約3點多D就走人返工!
返3點半!一返到去就見到多左條仔!
原來係新0黎既part-time!今日係返第2日!
冇耐又要我掃地,抹鏡,抹下板咁樣~!
就咁攪一攪都攪到5點幾=.="...累死!
出汗添囉=.="
冇耐咪拾下倉~!6點幾終於可以出0黎拾下D衫!
幫下D客咁樣!
有個男人係咁講粗口好惡下!
佢係話佢老婆定係唔知佢既邊個啦~!
之後見到汁yin同maymay經過~!
冇耐打算去happy啦!
點知一出門口就見到EVA同東華!~
呵呵呵~終於見到佢0地拍拖仔行街!
又會咁0岩既~hehehe~~~
8點幾見到<戀>毛同家家!
家家佢今日放早!<戀>毛仲串我:咩你仲咩收工咩???
其後有人咮我!原來係yinyin!跟住maymay同達達係隔離!
好快又到收舖!Good~
But成10點7,8先走得人!因為要幫手收舖!
之後同cathy一齊行返去!
佢去搭K17!呵呵呵~有人送我返屋企添!
今日返左7粒鐘!未食過野!返到去沖完涼即食野!
再玩電腦!Good~~~
聽日返早!要早D起身...
放左工一定要返屋企做功課先得啦/_\
星期一必定要交番份功課!!!!!

>>December 5, 2003 at 4:02:08 PM GMT+8

2003 年 12 月 3 日 星期三 【晴】

今朝終於冇遲起身啦!Good!~~~今日返工day off~又Good!~~~
今堂素描堂又好多似多左人返咁樣!
唔係咁夠位坐...畫對隻腳我唔識素...之後miss教我!
得左=.=+ 家下差D布未畫完0者!呵呵呵~~~
上堂又如常傾計!原來佢0地班野琴日去左<亞貓地攤>度食野!
有貓玩0家!!!下次一定要去先得>"< 唔知下星期邊日返晏或者day off呢?
其實我之前係銅鑼灣行街見到上樓舖好似有間咁既野!唔知係咪呢間呢?
今日智障先生講D野真係好鬼衰!
佢話拍拖用0黎洩忿!!!我頂佢呀!佢咁講野好唔尊重D女仔囉~
咁我都可以講話拍拖係哂時間啦!
So我成日都串鬼佢條友!呵呵~~~
之後我同亞盈小枝去銅鑼灣食野!~食完之後去睇戲!
睇<忘不了>!我估唔到套戲咁好睇!
係好感人!我第1次睇戲係開場冇耐就含住眼戾到尾囉=.="
睇完出0黎個個都眼紅紅咁=.=...
呢套戲出VCD我一定買呀>0<
我仲有兩張買一送一既優惠卷呀!如果大家想睇就問我拎啦!
But要係指定既戲院先可以用到!
睇完戲就去行陣!呵呵~~~終於買到條褲啦!But叫佢幫我訂!
因為冇我個size!我諗過多一排先有新褲著!
條友勁叫我買多條!雖然我係鍾意...我都想買多條0家其實=.="
又叫我買衫又話平俾我果渣野!件外套係幾平呀!
But...我唔買呀>︵< 人家都未出糧呀!
而且我要留番D錢0黎玩同買鞋>"<
買完褲就同小枝睇下D手鍊!之後買左!都唔貴呀~有85折添~!
之後再行多陣4點左右就起程返家lu!
如果成5點先返家咁搭車就爆多人!我唔想冇搭bus冇位坐!
返到家就即玩電腦,聽歌!我都好一排冇聽歌啦>︵<
返工果D歌完全唔得囉!~聽日返晏!可以訓晏D!Good~
夜晚冇啦啦有條友唔知咩人0黎禁門鐘!
又講左我亞叔個名話搵佢!
But我老豆同我亞叔個名既讀音差唔多!
條友都唔知搵邊個!
之後又問有冇18歲既人係度!我話冇!
冇啦啦又問我幾多歲=.="
之後又冇啦啦係度同我講左兩句野!
條友勁有病=.="...
話夜D再0黎過!唔知夜D又點樣啦~!

>>December 4, 2003 at 1:10:43 PM GMT+8