2003 年 12 月 29 日 星期一 【晴】

今朝我冇返學!其實我係起到身!But我好想再訓...
冇理到...照訓...又冇返一日學!我都唔知自己仲咩春!!!
聽亞呂講話今堂有model俾我0地畫!
FUCK!!!我學少左爆多野囉真係!
之後起身食下野又返工!今日終於返馬安山!
我搭小巴出去!幾驚唔識落車呀!點知都幾易搵到喎又~
家下覺得返大埔原來係好好多!
果間個主管好串咀下!唔多掂囉~
Cathy好佢好多囉我覺得!
雖然係37舖係可以講粗口!大埔唔得!But I don't care...
返到去冇耐又整損隻手!Fuck!!!~
下晏食飯時間又唔知食咩野...人生路不熟囉完全!
果個商場真係幾大下!大埔爆細囉真係...哈!~
葉洋收8點!勁快走得!唉..................
夜晚勁遲收舖!Fuck!!!聽日攪呢個驚喜!爆多野攪!!!
PK果個位又唔擺!So收工時又要拾埋PK果個位先走得人!
屌佢呀!雖然可以搵多兩粒鐘錢0者!
But成點先返到家!我0地仲搭的士返0黎添!
聽日仲要返學!唔撚係兩日都唔返呀?
我真係唔想喎!家下拿拿聲打完個日記就訓覺啦!~
唉...聽日一定勁唔夠訓!都唔知點算好=.=.....
PS:一代巨星梅香艷芳因子宮頸癌病逝...1963-2003............

>>December 31, 2003 at 5:42:55 PM GMT+8

2003 年 12 月 28 日 星期日 【微冷】

今朝遲左起身~!成7點先起身!因為意志力既關係...
我決定左返學=.=+ 嘿!唔想成日缺席=.="
亞盈今日又係好遲!我0地又玩SMS!
大家都差唔多時間到灣仔!之後係school樓下間7仔等埋一齊上去!
我0地係遲到左0家囉!~9點3先到=.=.....
小枝今日冇返!~今日我帶左D返工衫!幾重下!
今日又轉左亞sir上堂lu~轉番Roymand教平面設計果D...
o...佢教既話D功課遲好易俾佢小0家/_\"
放左學去食早餐!食完果時亞卡打0黎話肥婷病左!
So我要頂佢唔駛返馬安山囉今日!
唉~~~早知係咁我就唔帶D衫返學!阻住哂!又重=.="
亞卡叫我返1點或者兩點!因為好累關係我決定左返兩點!
今日得我同家家仲有亞卡返工渣!
家家6點幾就收得工!佢0地成班今晚去家家屋企打邊爐!
我都好想...好可惜我第2日要返工返學!
佢0地一定玩通頂0家啦~我放左工去都成10點幾啦~玩得果一陣...
不如唔好去!<戀>毛又接佢收工!當然地又串我幾句先走人啦又=.=
今日成5點幾先食晏...餓死!
返工果時有個小朋友好得意^-^
佢原來得兩歲渣!我唔係太明佢講咩野!
回想起我細果個堂細佬佢好似兩歲已經識講好多野了!
之後個小朋友仲請我食糖!呵呵呵~~
個小朋友有一對好大既<鬥>風耳!
個樣真係唔差0家!幾靚仔下!仲好得意!
好可惜...佢有皮膚敏感!見到佢D皮膚敏感得好勁!
好彩佢塊面冇野渣!佢屋企人唔知有冇帶佢睇醫生睇番好佢呢=.="???
唔係既話大個左會攪到D皮膚更差...
之後10點鐘攪掂好哂D野就收工走人!
夜晚返屋企又玩電腦~
聽日又要帶番果袋衫返學=.=" 唉~~~
聽日話返馬安山!次次話返都未返到!今次又唔知點樣!真係玩死人=.=.....

>>December 29, 2003 at 2:55:37 PM GMT+8

2003 年 12 月 27 日 星期六 【颳風】

今朝訓訓下冇啦啦baleno打0黎叫我返馬安山!
又話有同事病左我頂佢!
之後見打0黎整醒左我咪起身囉~
玩下電腦食下野咁啦~點知冇啦啦又打0黎叫我唔駛返!又話夠人!
咁0岩果時又同緊亞琳傾緊電話!
咁咪同亞琳一齊出0黎飲下野傾下計咁樣~
行大中見到肥布同佢條女!哈~
係美後果度坐下啦又!之後見到佢0地班野又經過!
佢0地落去摩登度玩!玩捉迷藏=.="""
(佢0地咪即係精蟲果佢0地囉~)
之後我同亞琳去左佢之前做果間影印舖坐左陣!
原來係果度做果個女仔同我0地同年!仲以為佢大我一兩年添=.="
個樣生得幾大個下!佢仲話以為我19歲!
唔係呀=.="我個樣生得好細個渣喎...
琴晚都係...琴晚同東華傾ICQ...佢個fd話我似廿歲!
或者我返工個樣大個少少掛=.=".....
之後夜晚返左屋企食飯!終於可以係屋企食下飯啦~
冇耐沖沖下涼先記得我唔記得左拎返工衫!Fuck~!
之後咪出去拎囉~Zan又打0黎!
咁出去拎衫時又同佢行左陣!之後打俾亞琳!
原本去亞琳度既~點知佢11點先返工!又話有個fd放佢飛機!
攪到佢仲未食飯!出到0黎佢好興咁樣=.="
maymay同達達又出左0黎!之後一齊去食下野!
我食左飯咪飲下野囉~
果個Zan真係好鍾意吹水!唔知邊句真邊句假!
我0地係九州度食!果度咁0岩就收工!
果條女串到呀!勁仆街!D野食亂咁放咁!
勁快收定錢!之後我0地仲係度傾計!好爆笑!哈哈~~~
之後食完返家啦!Zan送左我返家=.="
唉.....................
聽日開始成個星期都返馬安山!勁PK!
仲要收10點半!Fuck!!!我第2日都唔知點樣返學!好驚唔知醒!
終於有一日可以咁free咁啦~好耐未試過!
今日冇畫過畫=.="

>>December 28, 2003 at 4:55:26 PM GMT+8

2003 年 12 月 27 日 星期六 【颳風】

琴晚訓前Zan又打0黎!同佢傾左陣電話...
原來佢4分1混呢個唔知咩血統果渣!
佢話佢冇身分證!因為唔知咩野呀又...=.="
佢個名先爆笑!叫唐明高!係跟呢個英文名譯出0黎!
個英文名幾好聽呀都...<渡命go>!
But...唉...我都唔知信唔信呢條友好=.=".....
因為佢講野真係好難令人相信!
今朝返12點!覺得今日返工時間過得好慢咁!
肥婷條友明明係返B!點知佢早返左成粒鐘!
早左成粒鐘出0黎幫手!明明係收夜!點知收7點囉~
攪到我變左收夜!OK啦~搵多一粒鐘錢!幾好幾好...
佢條友因為早收工!串鬼我=.= But佢條友都幾好玩!hehehe~~~
今日好早食飯!兩點幾就食啦>0<" 攪到我好早就肚餓!/_\
夜晚見到東華兩次經過~!同佢傾左兩句咁啦~
第1次佢係搵EVA!第2次就同佢個朋友一齊!
之後亞卡話聽日好多人返工!So放我聽日Day off!
聽日大多數都係留係屋企畫素描0家啦~
收工前有班大陸婆0黎買野!FUCK佢0地呀!
我解釋得好清楚同佢0地講咩價錢!
我仲要用普通話同佢0地講囉!之後去俾錢時又話唔係48蚊條褲咩!
係呀!第2條先係囉!第1條唔係呀ma!講左爆多次!
屌佢0地呀!!!!!食撚屎!!!真係勁想講話唔做佢0地生意!
因為我0地都收工!又夠數!多佢0地一個唔多少佢0地一個唔少囉~
之後佢0地即刻唔買!放低哂!我0地落左閘!之後佢0地班友係出面勁屌我!
屌佢0地呀!之後我唔理佢0地入左去!哈哈哈~~~
興由得你0地興囉~未驚過喎!哈哈哈~總之見到佢0地個樣就爆笑啦!
原來佢0地之前都同亞卡講話唔係48蚊果渣0家啦!
亞卡冇理到佢0地!哈哈~係懶得理!唔想理!
之後交左個波俾我=.=" 唉~~~
總之班大陸婆好Fuck啦!收左工之後咪同亞卡佢0地傾囉!哈哈~笑爆咀!
原本放工係同Zan去食野既~點知我部手提冇電!
佢打唔到俾我!我到家即充電!佢打左俾我!
好可惜我返到家!唔打算再出去lu~
之後又同佢傾左陣電話...
佢又叫我出去...我冇出!算啦~下次等我出糧先同佢去街啦!
咁佢有可以買衫我又可以囉!哈哈哈~~~
再加上=.="...廢事一陣同佢出街佢俾錢啦!
佢成日話請我食野果渣!自己有工返...我覺得唔駛囉=.="
But佢條友真係傻傻地0家!話自己有精神病=.="""
叫我唔好刺激到佢!唔係佢好易自殺=.= 真係痴線0家>0<
夜晚如常玩ICQ.....
唔知聽日又點樣過呢?

>>December 27, 2003 at 5:28:03 PM GMT+8

2003 年 12 月 25 日 星期四 【微冷】

今朝唔多夠訓...當然啦=.=" 訓得果6粒幾鐘!累爆~
返到去冇耐見到亞琳!佢話收左工喎~
都好耐冇見過佢!家下佢剪左個新頭!哈~~
返工果時起初覺得頭暈暈咁樣...仲以為自己真係會暈低!
好彩好快lunch time可以休息下!
之後諗住唔知食咩野好咪買包食算囉~
打俾亞琳...點知佢係大廣!Good~佢陪左我lunch!
傾左好多計!仲話介紹男仔俾我識=.="
因為佢話果個男仔真係好仔0黎喎...
又話有車有錢個人品唔差唔係靚仔,But唔係樣衰!唉~~~唔知呀!
傾完之後差唔多時間就返去!
今日驚喜價完全唔多人囉~唔知咩事!
初初我同肥婷兩條友一唱一和咁叫場啦!
咁樣先多番少少人渣>"<
肥婷初初幾惡下=.="...講真...驚喜D貸D位唔係我擺!
我邊度知D貸係邊樹呀=.="...
之前亞盈同我講過話有襪平既話就幫佢買!
今次我幫左佢買啦~係咁易拾左9對!
因為我家姐都要喎=.="...
夜晚亞明又0黎左=.=...我係講過下亞明係幾得!
But我唔係lum佢囉!Cahty仲係度唔知咩事咁樣囉...
係度話:亞鸞!亞明呀!~(指住亞明咁樣)
我唔知咩事囉...唉~~~算啦!誤會就算吧啦!~
今日真係好累呀>"<返工果時眼訓囉...好想休息!
好快又到9點收工時間!準時收工!Good呀>0<"
原本去食飯既...老豆今日舊曆生日!But我收工時佢0地都食完lu~
夜晚亞呂冇啦啦打俾我!哈...我真係好少可打俾朋友囉~
同佢傾左陣電話...好爆笑!哈哈哈~~~笑死我!
唔知12月31號出唔出去好=_______=" 因為又要返工呢~
又唔知返工時間!話少人出就唔出喎~
其實我驚出到都係得個迫字=.=".....
估唔到佢同亞橋又係呢一日一齊左!又會咁0岩既?
唉.......話咁快就12月26號!咁就到拆禮物既日子...
可惜...我今年一份聖誕禮物都冇收過.....
um...算啦~!禮物呢家野...冇所謂啦~!
好快又到2004年!好快又到1月5號!出糧^-^
好快又到新年~好快好快好快...時間過得好快...

>>December 26, 2003 at 4:05:01 PM GMT+8

2003 年 12 月 24 日 星期三 【晴】

今朝9點幾起身返11點!因為要食D野先返工!
家下唔知咩事個個食飯時間都後哂~我返早間都成4點先食飯!
食左半粒鐘左右肥婷又入0黎食飯!
同佢傾左陣傾!原來佢同佢女朋友行左4年拖咁耐呀~
真係勁呀!我都好想咁樣呀=.="...唉~唔知下次拍拖會點樣!
今日個場都ok爆!D fans成日問價錢!第一件6折第2件3折!
又解釋哂咁樣!講都講到我興哂=.="
好彩次次係我想興發脾氣既時候咁0岩又有同事同我調下位!
聽日又玩呢個驚喜!希望我可以冇咁易興啦=.="
講真果句!家下公司真係唔知咩事囉~
咩6折,3折!攪到我0地講都講到口水乾!
So D fans成日問!爆煩!攪到我成日對D fans好無禮貌!
好串咁樣!哈哈哈~真爆笑!
今晚原本係收8點!仲以為可以準時收工!
點知亞明夜晚又0黎左!同Cathy講下聽日驚喜D野點樣擺!
攪到佢同家家都遲左成粒鐘收工!又攪到我都遲左1粒鐘收工!
因為亞卡,亞仔,肥婷佢0地要攪聽日驚喜D擺位!
So我就幫手幫下D fans睇下場咁樣!~
9點收工即刻勁快手換衫走人!點知搭K巴等左幾耐下...
之後去到火車站0岩0岩有架火車出發!
我又0岩0岩入到去!仲有好多位可以位添~Good呀>0<
唉...係火車,地鐵見到爆多情侶!攪到唔知點樣咁添=.="
一條友係度搭火車,地鐵...唉~~~平日就覺得冇咩野囉!今日就...
到九龍塘時亞盈又話佢0地去中環!好啦咁我就搭到去中環啦!
點知...佢0地搭船過0黎!因為要等船開果渣...
攪到我係中環地鐵站等左半粒幾鐘...爆累!果時已經11點多了!
唉...今晚真係好悶囉!差唔多12點亞橋又要返家!
因為佢屋企對佢幾嚴下!攪到我見得佢一陣就走...好似好無癮咁=.="
亞呂送佢!亞亮見亞呂走佢又走!又少左幾個人啦咁就.....
之後得番亞盈,小枝同佢男朋友仲有佢男朋友個fd同flora!
冇耐小肥又0黎左!But佢俾禮物flora...
傾左陣計冇耐佢就搵佢d fds!
我0地就搭叮叮去灣仔!原本話想落吧既~Flora爆想落!
But我下晏4點幾食過野到12點幾都冇食過野...有點兒肚餓...
So咪去左食野冇落酒吧囉!~
第1次咁夜係灣仔行...原來夜晚既灣仔係咁樣既^-^
平靜又唔係咁平靜咁樣!夜晚既感覺真係好喔>0<"
食食下亞盈上網識既B 0黎左!果個B都幾矮下=.="
同我差唔多高!而且個B唔得0家囉...
傾下計...我0地仲係度講落唔落番尖咀搵亞星睇佢跳舞!
我知亞星好似係跳12點!算吧啦...果時都點幾囉~落番去尖咀都冇用!
食完之後我0地就行返去銅鑼灣方向搭小巴落旺角!
等小巴條隊幾長下!好彩亞盈同小枝佢0地陪我等...
之後仲見到成日係開心打機既一個男人!
我唔知點解冇啦啦同佢講話認得佢=.="
攪到人0地好奇怪咁樣!事實我真係知佢係邊個0黎呀ma!
之後搭到返0黎大埔就同佢行左一段路咁啦~
大家都冇咩好講!因為真係唔多識佢!哈哈~
原來佢住大中既0者!係大PK果邊!真係近!
之後係昌運果邊見到和和同另一個男仔一齊!又會咁0岩...
我行返屋企果段路爆靜!大約差唔多兩點幾3點!返到家開電腦!
我一直都N/A左個ICQ!見到有識既人on咪玩左陣電腦先訓囉~
就係咁順便打埋個日記!因為驚聽朝打冇時間!驚自己訓得好晏!
聖誕節咁就過左lu..........
唉...今年覺得聖誕節好平凡好唔知點樣咁就過左!
真係好想有一年可以開開心心咁樣渡過 ╥︵╥
遲下新年年初一,二,三返工人工幾高下=.=+
我打算返工呀果3日!搵得幾多錢得幾多錢啦~!
再加上年年新年我都冇街去!逗利是又係屋企人幫我既~
年年都係咁少錢利是錢0家啦!不如今年返工搵多D仲好啦~
今日係Cahty問我既...But我唔記得左同佢講我決定左返=.="
聽日返12至9...努力=.=+ 夜晚凍番少少咁樣...
家下好眼訓 =__________=...ZzzzZzZzzzzZzZzZzZZZzzzzz.......

>>December 26, 2003 at 3:25:27 AM GMT+8

2003 年 12 月 23 日 星期二 【晴】

今朝遲左少少起身!But都冇太遲返到去!
同前兩日一樣返到去~!
今堂好少人返咁...原來今堂係上Alxe既最後一堂!
我幾驚帶個mask返去俾人串同搭MTR時整爛哂呀~
But D金粉就真係甩左好多囉~!都有個B...都ok啦!
問心果句自己做成點自己知...
出左幾多力就有幾多收穫~!
當然Alxe同平時一樣成日串我0地啦~!
亞盈小枝琴日講到好似真係交功課咁!點知今日係冇交既!
亞盈就話未乾哂~!小枝今日帶左好多野返學!
當然啦~佢好期待12月24號呢日平安夜!因為佢同佢男朋友過ma~!
佢帶咁多野返學都係送俾佢男朋友...
上堂果時要我0地講解一下點解咁樣做個mask果渣啦~
之後又影相...亞星真係戴住0黎影!好爆笑囉真係!哈哈哈~~~
話冇人認得佢!邊度會冇先得0家!
係睇唔到個樣呀!But認得佢個頭髮呢!佢個頭咁既色呀!hehe~
上完堂就打算去簽番琴日名啦!
點知書記話唔見左張點名紙!學費單果D好似係入面!
o...唔駛交學費咁好嗎?哈哈哈~~
放左學小枝都即走!亞盈,亞橋同flora陪我去食早餐!
又食吉野家!hehehe~今次見唔到佢...um...算吧啦~
食完野我就如常搭車返大埔返工啦~!
今日都幾多人下!But唔可以話忙囉~
下晏家家同Cathy又收早!肥婷7點又走得人!肥婷好似返左幾粒鐘渣喎=.="
ebase果個part-time亞恩返得果3粒鐘又走得人!
之後冇耐見到maymay同達達~見到佢0地咁樣真開心!~
門口好多人經過~好多人講聖誕節快樂!D人好開心...
出面仲有D唔知咩節目咁樣...
唉...今年平安夜冇去玩!都好幾年未試過lu~
um...never mind啦!有工返都ok啦~幾充實呀!~
10點準時收工!放左工就返家lu~!
行返去時見到個天好多星星呀=﹏= 好靚...
夜晚亞琳打俾我~好耐冇搵過我啦喎真係!
話得閒探下我!唔知仲咩呢=.="?佢今晚都係冇街去...
夜晚又同過亞盈同yinyin傾左陣電話!
今年平安夜真係好平平安安咁樣渡過...
唔知聽日放左工出去玩會點樣呢^-^

>>December 24, 2003 at 4:55:15 PM GMT+8

2003 年 12 月 22 日 星期一 【晴】

琴晚10點幾就訓著左lu~太累了!訓左8粒鐘起身返學=.=+
今朝發左個好夢先起身=﹏= sweetsweetsweet...呵呵呵~~~
今日又係搭8,9左右返到學校!比之前早左兩,3個字喎又!
返到去即上2樓!因為平時一向都係2樓上堂0家ma!~
點知上到去...冇人!唯有落番1樓睇邊個班房上堂!
原來係1樓上堂=.=""" 9唔搭8咁樣!1樓都冇上素描堂既課室呀!
今堂教我0地畫呢個眼呀面形咁樣!又係兩班一齊上堂!悶到呀...
呢個亞sir又唔俾人上堂傾計!第1次上素描咁眼訓囉~
上呢個亞sir堂一D都唔free!悶爆!俾番文英教就好啦!~
雖然呢個亞sir畫功真係好了得!都幾識教人!
But...真係好悶...悶爆呀>0<"
放左學即走!亞盈係school樓下等我0地!
因為佢今日遲左好多起身!返唔到學!俾著我遲到不如唔好返學啦都!
之後我0地去左學校附近間吉野家食!
吉野食...hehehe~得閒真係要多D去先=.=+
今日係吉野家度又見到佢呀>0< 呵呵呵呵呵~~~
我係吉野家食野3次有兩次見到佢! =﹏=
好彩坐近窗口果邊渣!好彩我有留意下出面渣!唔係...真係見唔到!
傾計果時先講起今日我0地冇點名!FUCK!!!
一定有D人點左!因為我見到有D人有交學校果張單!
唉...唯有聽日返學講番寫番名啦!
食完野之後就去左藝林度買材料做功課!
D野幾貴下...我買左D金粉做果個mask!
想買黑色羽毛!成50蚊包囉ok=.=...勁貴!~So冇買到!
之後小枝返工!送左佢搭車我就同亞盈落旺角!
見到有架車905係經旺角既!咪上車囉!點知架車係行好多路勁多彎囉真係!
早知唔搭啦!搭MTR就3個幾字就到!家下用左成半粒鐘先到囉ok...
架車係去完上環果D買<老味>既街再行番出0黎去西隧囉~!
下次真係唔搭呢架車!落車仲要行多個幾兩個字先到旺角!FUCK!!!
不過如果唔係搭呢架車我都見唔到果棵咩12層樓既聖誕樹!
點知...比我想像中差囉!邊度有12層樓高呀?
12尺就有!得果5,6層左右囉我覺得...比盡佢咪8層!
亞盈又話夜晚先靚!話D燈係一層層咁樣!唔知呀~
睇下聖誕夜晚會唔會去果到先啦~!
之後我0地去左搵材料啦!點知...亞盈就買到!
我就搵唔到我想要既野囉...唉~~~
買完就搭271返家!0岩0岩行到差唔多到bus站果時有車!
即跑過去囉=.=" 好魚皮呀果下!
But我又懶得等車.....
返到0黎大埔去富善間文具店搵黑色羽毛!冇!FUCK!!!
返到屋企兩個好堂細佬又係度...
佢0地家下開始放聖誕假啦~真係好!我家下讀呢Design school得紅假放渣=.="
4點幾左右叫左TOTO陪我出大中搵材料!
搵左好幾間...之後居然係家政行搵到羽毛!
But冇黑色=.="...唉~~~黑色羽毛呀>0<"""...攪到唔完美>"<
算啦!有好過冇!簡左紅色,綠色同藍色!之後再買多少少金粉!
買完哂就返家做功課啦!0岩0岩返到去兩個堂細佬要返佢0地屋企~
之後我開始開工做功課!做左成3粒幾4粒鐘...!
D金粉...勁難攪=.=" 勁難痴呀!攪到用Rubber Cement先痴到
因為時間關係...冇時間去搵材料...攪到份功課好似唔知點咁=.=
聽日仲要交添得0家!都唔知又會唔會俾人串=.=凸
唉...好耐未做過功課啦!勁難得終於有時間做功課!
得閒要畫埋幅素描先得啦!~努力努力努力>"<......
夜晚...又係自己食自己!好想食主家飯呀>0<" 湯湯湯!!!
今日放假都過得好充滿呀!無哂到呢個假期=.=+
當然啦~咁耐未做過功課!放假當然係做功課既時候啦!
PS:遲下出左糧要去剪頭髮=.=+
之後去染黑藍色=.=+ Good呀>0<" 呵呵呵~~~

>>December 23, 2003 at 2:51:50 PM GMT+8

2003 年 12 月 21 日 星期日 【晴】

今朝準時起身返學!Good~
出門口前開ICQ...美能send左URL俾我!
果個網係睇上水喇沙有學生俾人圍歐!
嘩...完全唔得囉!勁衰囉班人!好過份!都唔知咩人0黎!勁打一個男仔!
可能因為好多學生哥都放假!今日搭K巴唔哂點排隊!唔多人!
搭火車又冇平時咁多人!又Good!
返到去搭9!朝早又同亞盈傾左陣電話!等埋佢一齊去7仔買野飲先上去!
我真係鍾意返學!覺得返學好開心^-^
同D同學仔相處唔錯下~呵呵呵~~~
今日又畫果D咩3點透視!完全唔得囉我!唉...
放學又見唔到佢=.=...唉~~~
之後係樓下見到亞呂!佢當然係等...嘿=.=+
我0地幾個係度講下25號打算點樣果渣啦~
傾左陣一齊就同亞盈,小枝去食個早餐!
爆眼訓...搭271返去時又訓著左...勁累...
今日返工返1點!下晏見到婷婷入0黎!
佢條友雙失真係冇野好做咁=.="4圍行...同佢傾左陣計...
原本放5點!遲左半粒鐘放!
放工搭出舖門口正想返家時又見到佢!
之後同佢行左陣!去左妮妮度...
佢家下擺吉吉島ma~!我去到當然係倒亂啦又!哈哈~~~
玩左陣就返家lu~6點幾個天黑哂~
今日行隧道返家...嘿...我真係爆耐冇行過呢段路返家囉~
聽日放假=.=+ Good!~~唔知聽日放學有咩地方去!
冇地方去仲要整呢個mask!星期3交=.=
原來日校24號係冇假放!夜校先有!FUCK!!!
攪到我返工又晏呀>0<"""
返1點至10點=.="唉...即係24號唔可以出去玩啦~!
出左去玩我驚25號我頂唔順...
唉...今年聖誕節冇拖拍之外仲要博殺>"< 努力!!!

>>December 22, 2003 at 11:58:41 AM GMT+8

2003 年 12 月 20 日 星期六 【颳風】

今朝又係返早!返10點!9點起身...
唔知點解今朝脾氣好差!勁鬧人!(屋企)=.="
1點鐘又開始驚喜價!今日勁爆多人!仲多人過上次!
我有時又幫收銀入袋!有時又幫fans走0黎走去...
食飯果時ebase個part-time返左0黎!同佢傾計!
原來佢係同我同年!哈哈哈~~~我覺得佢都ok大個!
之後佢話以為我19歲!唔係呀?
我都以為佢18,9歲喎!我覺得自己好好好...細個個樣!
But真係每個人眼光唔同!有D為我18,9歲!
有D...話我得15歲=.="
食完飯出去時見到亞媽同亞E 0黎左!
呵呵~~~剩機叫佢幫我買左兩件衫係ebase度買左兩件衫!
兩件都係外套!一件係yoyobobo!
跟住亞媽又買左3寶俾兩個堂細佬!我都覺得好襯佢0地!爆平!!!
D fans好Q食屎!!!講野又唔講清楚!
話拎29,30褲頭咁樣啦~我拎30俾佢!因為搵唔到29!
果時又驚喜價!多到勁爆人!好難先可以走番前去拎貸!
拎到返去...點知個fans:話30我有啦!FUCK!!!食撚屎~!攪到我又要擺番好!
又有好幾個fans唔講清楚要D咩野!
我以為第2樣野!佢0地見抄緊貨都唔stop我!
當我抄到俾佢0地既時候佢0地先講話唔係呢樣係第2樣囉!FUCK!!!
個場又爆!好多fans要跟!
唔係要呢樣係要第2樣咁我就可以唔駛哂時間係呢度啦!FUCK!!!
當然講粗口果時我係心入面先咁講啦=.=
一係入倉拎貸係倉度爆幾句...
出番0黎又唔同啦當然!
亞卡仲攪笑!入倉拎貨行緊去果時勁多fans搵佢!
攪到佢入到倉都唔知想搵咩野!之後佢仲話自己係咁話d fans!
咁又係既!有時真係好興下!俾d fans玩死!唯有盡量提升EQ!
嘩~收工之前即係完左驚喜價冇耐真係爆累!
對手係咁拾衫果渣啦~!But動作已經慢左啦...
肩頭好痛...好累...真係好累...
我真係唔挨得="=
今日又俾人話我無禮貌!
唉..............我本身就係咁樣!我講野只係硬朗少少!
有時又講野快左少少...
我真係覺得自己無唔禮貌囉 >"<
咁樣俾人話...好唔開心0家真係...
But為左份工~...算吧...忍...唯有受落!話ok唔會咁樣...
或者我EQ低啦!做呢份工都好既!可以提升下D EQ!
收工行返屋企時呆呆地!行得爆慢...
返到屋企沖涼...第1次覺得沖涼係咁辛苦既一件事!
冇力...對手冇力咁...個身好累呀>0<"""
個頭...痛痛地/_\
食飯...覺得自己都係呆哂咁!根本只知放野食落口咁=.="
之後玩電腦...眼訓...我諗今晚都係早訓0家啦~
唔係聽朝起唔到身返學!
聽日下晏仲要返工!But返4粒鐘0者^-^ Good!~

>>December 21, 2003 at 1:48:03 PM GMT+8