2004 年 3 月 31 日 星期三 【雨】

唉.....今日成日都落雨住!我凌晨玩完電腦之後決定左唔返學!
因為對腳勁累呀~真係未試過返工返咁多粒鐘!
成日都只係對住D紙,點野咁!頭都暈埋!~
唔知係咪過左平時訓覺既時間!琴晚食宵夜果時都唔夜訓!
返到屋企玩電腦都唔眼訓!真係覺得好累...對腳好累!
之後6點前返入房打算訓啦~點知要hea一陣先訓得著!
訓訓訓...半訓半醒咁樣到9點幾真係醒左一醒!大果個今朝9點幾先返0黎!
我聽到亞媽同佢講我D野!話我都係今朝4點幾先返果渣啦~
都係講我唔返學果渣野啦都係!之後冇理再訓.....
訓到11點幾又醒左!果時想起身0家!But見自己6點先訓喎!
又難得放假當然訓晏D啦~!再訓!訓到點幾終於起左身!唔知點解訓唔番咪起身囉!~
之後起身玩電腦,小芝on左line!佢跟唔切我打字!之後就同佢傾左幾耐電話下!
都有兩粒鐘掛!~我咪一邊食下野咁!~傾到4點幾就收左線!
係疏發度hea左陣!想訓想訓咁又訓唔著!
5點幾大果個終於起身!6點幾佢出去買左野俾我食!係=.=...又食野!
唔得啦!夏天好快到!我要食少D野先得!
佢順便買埋蛋糕!因為第2果個今日生日!佢買左返0黎之後又出左去!
7點幾左右第2果個返0黎!條友仔次次返0黎都講返工D野!
雖然我都會有講!But我唔會講到好似佢咁多先囉~!
之後同佢講雪糕買左蛋糕啦!點知佢條撚樣係度話:車!我都唔鍾意食蛋糕既!~
我頂呀!我咪即刻應番佢:屌!早知叫大果個唔好撚買俾你!好心著雷< pat >!
係!果一刻我真係講哂粗口勁屌佢!
咁係呀ma!見你生日買蛋糕好正常0者!唔通唔買咩?
唔買...連自己生日都冇蛋糕食好寂寞0者!
我兩年冇蛋糕食啦生日!都覺得好似唔知點咁啦~
用哂粗口屌完佢之後佢仲可以講返工D野!又話個新老闆點樣點樣!
我屌~!!!之後我興興地咪同佢講:你可唔可以唔好講咁多返工D野?
你講我根本都唔明!你知唔知人0地想唔想聽0家?你唔好再講啦!!!
頂呀~!我真係好耐冇用過粗口勁話人!我果一刻真係興囉~
家下好累好累好累...因為我好似冇點訓過咁!
聽日返A half!家下想訓覺!But都係今晚早D訓啦~
因為訓左今晚一定訓唔著聽日唔知醒起身咪弊=.=?
油畫油畫油畫!!!好想油畫~!我好想做好幅畫佢呀~~~ >0<"
今日覺得好白過咁.........
平日生活是否充實?停下來便感到悶?
PS:冇啦啦諗起一個男仔!佢有女朋友0家!返工時見過佢同佢女朋友0黎過兩次!
一次係佢陪女朋友係撚鼻屎度買野!第2次係落雨佢0地要買遮走左入0黎買!
果個男仔真係幾得0家!對眼係啡色!成日都微微笑咁!好似幾nice咁!
或者係佢同佢女朋友拍拖開心先咁掛~嘿...But個男仔真係幾得^-^

>>April 1, 2004 at 12:10:50 PM GMT+8

2004 年 3 月 30 日 星期二 【溫暖】

今朝真係冇起到身返學!預左...因為今日公司盤點!
又預左點到好夜!琴晚12點幾就訓著左!今朝11點幾起身!
返工返兩點!食左個包...返到去一粒鐘之後到我食飯啦!
為左今日流程快D!So好早已經早飯啦佢0地!
我今日都冇點跟過fans!成日就係咁數野!數到頭都暈埋...
MK明就幫手跟fans咁囉~!7點幾開始一個小休!8點左右到我!
食左幾塊餅休息左一陣咁之後又幫手!
唔知係咪因為今日多野做關係覺得時間過得好快咁!
好快又到收舖時間!呢個時候係我0地艱辛旅程既開始!
收舖冇耐DM明0黎左幫左一陣手!我第1次盤點咩野都唔識...
攪到寫錯左好多野=.=".....
冇耐DM明走左之後有個叫Gary既人0黎左!幫左陣手啦~
12點幾佢就走左啦!Ebace同事點幾左右都走埋!佢0地好快手=.=
當然啦~佢0地邊度有我0地果邊咁多野先得0家!
雖然佢0地得兩個人手!盤點途中amanda個老公0黎左接佢!
BOBO原來聽日要調過去尖咀啦/_\ 估唔到今日係最後一日見到佢!
雖然佢係有d自私!整體0黎講佢份人都冇咩野既~
Amanda好似4號就調去屯門果間舖!
講番盤點先!我0地大B同事做做做...點點點...都攪到成3點先走得人!
wo~~~今日返左13粒鐘~!計埋食飯時間!
第1次返工返左咁多粒鐘!因為咁夜商場好多門口都鎖左!
咁有路就行0家啦~我0地亂咁行!之後果D看更係度話我0地!
因為D清楚工人係度打緊臘!屌!~講真!我0地點Q知0者!
仲< 渴 >住我0地!咁我0地係條樓梯度行番上去囉打算!之後又話唔好唔好!
又叫我0地落番0黎!屌!想點0者!~又話唔俾人行!之後行番上去唔撚俾!
屌!!!食屎啦!駛唔駛咁撚惡!果一刻真係好想屌番佢0地=.=" 因為做野做到好累呀真係!
But我0地都算早!差唔多兩點果時37仲有好多未打入機!
亞yin真係慘啦!~最後一日返工都做到咁夜!家家今日去完旅行返0黎!
But佢已經唔係呢間舖啦!佢唔會再返0黎50舖!Cathy又話未知佢調去邊間!咁即係點樣?
之前我同家家一齊用locker!亞仔送俾家家份手信仲係locker!
家家化妝品都仲係locker!唔知佢幾時返番0黎拎呢?
之後Cathy佢朋友0黎左等佢車佢返家!
而我就同左Mandy去食宵夜!~去左< 老地方 >食!因為得佢一間仲未收=.=
3點半左右屋企打0黎問我幾點返!果時已經行緊雷!咪話4點囉~!
之後我真係可以準時4點返到屋企!當然啦~搭的ma!
我0地走果時勁大雨!!!Mandy又話搭的返家!咪叫佢車埋我返去先囉~!
而且又咁夜!好靜=.= 好點兒驚...
返到屋企之後就拿拿聲沖涼!點知老豆今日原來冇返!
大果個到家下差唔多5點都仲未返到屋企!
唉.....家下好累好累好累...唔知聽日返唔返學好!
唔返學都要搵人幫手點名先得0家!因為我出席率真係爆低!
唯有下星期返番多返學先得啦!唔係真係P得K!
雖然我仲有兩年讀!仲有兩年時間俾我追番D出席率.....
PS:我平時好唔like聽公司電話!因為驚俾人話我無禮貌!我把聲一向都沉ma!~
而家把聲又仲未好番!咁...今日又冇人聽!我聽啦!
咁0岩係DM明!佢係搵Cathy既!之後佢同Cathy講我冇精神果渣野!
之後Cathy話我無禮貌!屌~我真係好唔明點解成日俾人話無禮貌囉~
我果一刻或者聽電話講野係快左少少!~But我已經好嚴肅好正經咁0家啦喎把聲!
點解咁都俾人話?我真係好唔甘心成日俾人話無禮貌!唉......好FUCK!!!
仲有!今日我0地大B好多同事都帶左眼鏡返0黎!嘿嘿...真攪野^-^

>>March 31, 2004 at 9:06:10 PM GMT+8

2004 年 3 月 29 日 星期一 【溫暖】

今朝唔係咁想起身=.=...但係諗起聽日可能唔返學so咪起身囉!~
而且我好似好多堂都冇返素描sir堂啦!~
今朝搭K巴都係企係度啦!~點知有個女人坐係我面前勁望我!
果一刻我真係好唔like!唔知望咩撚野!!!
我唔知佢係咪有咩精神問題定咩野!之後佢同我講我眼鏡有問題!
係度指指下咁!係呀~我朝早帶左眼鏡!之後我咪即刻睇下眼鏡囉!~
屌!!!都冇野!之後唔撚理!火都0黎埋咪唔Q帶囉!
第1次帶就遇到咁既事!都唔知咩事囉真係!或者可以話係我白痴信佢條粉腸掛!~
今日又係搭8點半果班火車!返到school差唔多9點半!
返到班房即油畫!亞Sir話佢教埋我0地油畫就唔教啦/_\......
因為佢話佢好唔掂!成日病!我諗應該係辛苦掛~!
係...其實我都係成日病!半工讀之後一病就仲病得耐過以前!
油油下亞sir又幫我油左幾筆咁樣!我覺得佢實在太太太.....好人啦!~
佢既性格果D完全係一個好男人!雖然佢個樣唔掂!But做佢女朋友一定好幸福!
之後油到10點半就收野走人!今日小芝冇返!仲以為佢會返添/_\...
因為佢好少可唔返學0家ma!~之後得我同小葵食早餐!~
原本琴晚同Willy chat!佢0岩0岩失戀!又話要搵陪!又話等我放學果渣!
又話打俾我!之後見差唔多放學佢都仲未打俾我咪算囉~!
小葵今日返晏少少so可以一齊食早餐!食到11點4左右就走人啦~!
之後我就返家先!因為今日返3點半!
係屋企hea下,玩下電腦!冇耐兩點幾亞媽居然帶左兩個堂細佬上0黎=.="
佢0地真係好好好...活潑!幾難安撫佢0地!最後佢0地畫畫先坐定定!之後我就返工!
一返到去Mandy就叫我去買話梅!佢話佢口淡淡咁!咁幫佢買啦~!
原本今日生意好淡0家!我返到去果時得果千幾蚊!
But之後又多番生意啦喎!埋尾果時元朗!平日做到元朗已經好好0家啦!~
夜晚食飯時間見到朱仔同佢女朋友經過!佢攬住佢女朋友!
我今日都係冇戴con!But果個一定係朱仔0黎0家!佢係回頭係咁望我!
But奇就奇在點解佢女朋友仲著住校服!而且呢個鐘數會係大埔既?
以我所知朱仔女朋友既屋企好嚴0家ma!而且佢女朋友住得咁遠呀!~
8點幾洗冷氣既人0黎左!果條友懶型=.=
差唔多9點半時ebace有個big fans!攪到遲左少少收工!
亞佩今晚要留係舖度等D人洗完先走得!而我9點半就即去買雪糕!
買雪糕前亞媽0黎左!佢以為我冇帶遮!我有帶呀~咪叫佢返家先囉!~
係呀~今日黃昏時已經好多大雨啦!~
又行哂雷閃哂咁樣!好彩我早有準備0者!平時我好少帶遮!
今次一帶就有用!GOOD~~
好耐冇食過雪糕啦!真係好難忍口!兩個星期冇食啦!~
9點7左右亞琴0黎左!亞佩話有人陪佢原來就係亞琴~!
係PK度買左好多野呀佢!我諗都係今晚食既野啦!
因為大洗冷氣機好似要洗到凌晨點幾!
我食完換好哂衫就走人!返到家10點左右啦~!
食左個包!一陣沖埋涼就訓啦!好眼訓/_\
聽日多數都唔返學0家啦!聽日盤點點到兩點幾!打算唔訓就返學!
而我琴晚又成點先訓得著!訓得果5粒幾鐘...
如果聽日又返學既話一定又係唔夠訓!咁我盤點完一定好累!
我鍾意上油畫堂多D!睇下聽日有冇人迫我起身啦!冇既話多數都唔返!

>>March 30, 2004 at 2:41:08 PM GMT+8

2004 年 3 月 28 日 星期日 【雨】

琴晚沖完涼撞襯個< 壓 >頭!當時痛到我< 錶 >眼水.....
冇耐仲起左個樓!~wo~~~今日摸下個< 壓 >頭都隱隱作痛!
今朝我又冇起到身返學!琴晚訓唔著!
一訓唔著就估到第2日起唔到身返學0家啦!~
成點幾先訓得著呀/_\.....好辛苦!成日都失眠!係咪我太多野諗?
之後訓到11點起身!果時真係好想訓落去!But又要返工喎!
而且出面走廊又有人係度鑽哂野咁!好嘈!
今日返工總算係free啦~冇咩野做!
都係頂下佢0地食飯同埋點下掛裝for盤點果日!
果個MK明今日係度串9我!屌呀!~
當然地我又串番佢啦!佢居然半我玩=.="
FUCK~!!!家下佢以為我好鍾意同佢玩咁呀>0<"
有時仲對我打眼色!嘔......好惡心=.="""
佢條友仔因為4月1號轉full!今日Cathy俾佢打機!
下晏office有個男仔0黎左!我唔係太清楚佢叫咩名!
But好熟面口!原來佢之前0黎過!就係果個成30歲人個樣...
我覺得睇佢個樣似24,5歲左右!真係好young!而且個樣唔差喎~嘿.....
佢過0黎係整ebace既海報!
收工之前半粒鐘先俾我點掛裝!當然到5點仲未點完啦~
成場咁多呀!點緊果時又要跟下D fans!D fans硬係係我做緊野時候先多0家喎!
次次都係咁=.= 真係好FUCK!~
而Cathy又為左盤點而拾番好個倉!到5點左右就叫我走!
走果時都仲未點完!佢話留番俾佢點囉~!
Amanda呢兩日都返全日!因為佢請左1,2號假!
佢要返大陸去佢姐家個婚禮!佢家姐結婚!
收工之後我就去買包!之後就返家啦!
原來出面落緊雨!我又係冇帶遮...
如果聽朝返學之前都落雨咁即係都要帶遮出街lu!
唔想囉=.= 帶遮好煩!落左成個星期雨啦!唔知幾時先會放晴?
聽日返工返3點半至9點半!拍亞佩!Cathy聽日放假!
夜晚Amanda冇啦啦打0黎話佢只得千幾蚊=.=
話差150蚊先到2千蚊!佢係呀...成日都係咁樣打俾我
因為我住得近ma!好可惜月尾...我冇錢/_\
好唔耐錢駛呀>0<""" 如果唔係我都會幫你買野!
因為我又有野睇中左......唉~~~至到31號半價...
But都冇錢...半價都冇用!

>>March 29, 2004 at 1:22:39 PM GMT+8

2004 年 3 月 27 日 星期六 【陰】

今朝訓訓訓...訓到1點幾先起身!原本我醒果時係11點幾0家!
之後唔知點解又訓番訓到點幾~琴晚我仲點幾就訓著左!
wo~~~差唔多訓左12粒鐘!好耐未試過咁耐啦!But都仲係好似唔夠訓咁!
或者平時訓得太少好累掛~!之後起身...第2果個買左包.....食!
冇耐玩ICQ!都冇咩人on-line既=.=" 勁悶!家姐果間舖細我一年果個女仔hi我!
之前因為MP3問題so咪有佢ICQ囉~!果個女仔好細個呀我覺得佢!
點講呢=.=" 佢諗野細個!個樣都細個!我仲以為佢得14歲左右添~
同佢係ICQ冇咩野講=.=...因為都唔夾!佢講果D野我唔0岩!
上次返工見到大果個同一個好細個既女仔一齊!原來果個就係佢!
之後係ICQ度hi呀朱仔同精蟲!佢0地都好悶!叫我出去吹水!
But我冇...因為想同女仔出去行陣!又想同亞媽出街!
當我打俾亞媽果時佢又話佢行完街!攪到我完全無癮啦~
之後咪打俾yin囉!博下睇下佢今日有冇返工果渣!點知佢今日又係Day Off!
佢同我講因為佢果度有個PT只返星期6,日!So佢星期6,日多數都唔駛返!
咁咪搵佢出0黎行陣囉!原本佢係約左亞恆同亞文出0黎既!
點知亞恆仲未醒!勁!!!訓到3點幾都仲未醒!我諗佢返工一定好累!
之後TOTO又話出0黎借漫畫果渣野!我冇同到佢出!因為約左亞yin啦ma~
點知等...等等......等到成5點先出0黎=.=" 佢換衫都換得幾快下!
出到0黎行陣啦!佢買左支Mascara!之後去左先跡仙食野同飲野!
正爆~好耐未去過飲野lu!~
飲完傾到6點幾再行陣啦!條友仔係度玩野!=.=
又玩番以前中學我0地成日玩既野!頂.....
玩到興哂個人!原本我0地都幾凍下飲完野!
之後行到去撩鼻屎度!原來遲下BOBO同Amanda都會調走/_\
唔捨得Amanda添/_\ 一來佢好玩!二來佢好人ma!~傻傻地咁樣呀~!
BOBO走就話0者...遲下唔知有咩撩鼻屎同事調過0黎呢?
見行到0黎Baleno咪睇下間表囉~!原本我下星期只返35.5粒鐘!
點知家下...下星期係返41.5粒鐘!仲未計會OT果D喎=.="
full係返44粒鐘!果次食飯時係同BOBO同時間食啦~佢問我有冇諗過轉full!
我話冇!因為驚辛苦!而且我又要返學!廢事到時唔想返咁多又唔可以!
因為full一定要返44粒鐘一星期!其實我家下都只係差幾粒鐘0家渣=.="
唉.....我都唔知!到時遲下如果佢真係好唔夠full既話先算吧!~
最後我0地行埋Catalog就走人lu~!而我就返家食飯!
But都冇咩胃口=.="唔肚餓.....之前飲左野食左野ma!
好難得今日老豆返左0黎食飯!今晚都係<呼>下mask果渣啦~
油畫!睇下晏D油唔油先啦都係!今晚多數都會早訓!
我家下一日訓唔夠8粒鐘係完全唔得囉!~訓唔夠我就更加起唔到身返學!
出席率好低啦我家下...畢唔畢到業都係一個問題!FUCK~~~!!!

>>March 28, 2004 at 12:32:52 PM GMT+8

2004 年 3 月 26 日 星期五 【陰】

今朝9點幾起身!準時10點半返到舖!亞佩係門口等緊!原來佢冇key...
仲以為ebace(撩鼻屎)會有人有key啦!點知原來係BOBO返!佢仲要係冇key既=.="
之後即刻打俾Cathy!佢就拿拿聲起身搭的過0黎俾我0地!
Cathy以為亞佩有key!事實亞佩上次已經俾番條key Cathy 0家啦!~
原本今日係返10點半!因為今日有貨返ma!攪到差唔多11點先入門口!
So我0地開左舖先!D貨搬哂上倉先!未點~仲要開左舖之後一個一個咁輪住換衫=.=
唉.....今日真係趕囉~!真失察!
一粒鐘之後又要我去食雪糕!行去到bus站果邊見到moko!~
傾左兩句!佢家下做酒吧!o.....又係做埋呢行=.="
佢之前仲撩我做!佢話搵得多錢喎~妖!緊係搵得多啦!陪坐一定搵得多0家!
1點左右Mandy返左!到亞佩報時!亞佩食完飯到我!
今次去左許留山買野飲!wo~~正!病左咁耐都未飲過!
我知我自己仲有咳0家!But橫掂都咳左咁耐又病左咁耐!
唔理啦~飲左先算!飲完之後真係仲咳多左=.=""" 哈!~算吧~好味就得啦!~
係病期間我已經忍口左好耐!雪糕.....唉~~~好耐未食過!個幾星期冇食過!
Mandy下星期去旅行!去泰國!佢明知自己咁易撞野都仲去既=.="?
佢同亞仔一樣=.= 去旅行要買停經丸!咁又係.....
唔停左佢又點玩水上活動?到時勁唔方便啦一定!
撩鼻屎今日有DM 0黎左!琴日都有~琴日果個仲大粒!
6點左右亞明0黎左!我估唔到佢會0黎!冇啦啦係我面前閃過~!
哈!~而且果時又冇咩fans!又冇野好做!咪企左係度囉~
我好like橋手咁樣企!之後條友仔笑我=.= 係度扮我!FUCK~!
Cathy返B half~!佢返0黎我就走lu~真係Cut鐘=.=...都估到!唉...
亞佩都係!But佢要車埋d褲先走得!之後我咪拿拿聲換好哂衫走人!
今日生意都唔係好好渣=.=" 我走果時都仲係元朗荃灣!果時已經係6點.....
返到屋企有飯食真係GOOD~!好耐未食過亞媽煮既飯!
一陣等埋第2果個返0黎就可以食飯啦!~
今晚都係唔好咁夜訓啦=.=" 因為今日成日都好眼訓咁!或者仲未病好個人仲係好累!
而且...琴晚都成點幾先訓!9點幾起身!好眼訓好眼訓好眼訓.....
今晚有時間油下幅畫先得=.=+
聽日Day Off~~~Good!~~~下星期3要盤點呀!收好夜~!
收凌晨兩點半喎=.=".....我諗果日唔訓之後返學啦多數!
因為返到屋企差唔多3點啦~沖埋涼都3點幾!得番果3粒幾鐘!訓咩?
第2日又唔駛返工呀!不如唔好訓啦!So盤點果日我一定要養足精神先得!
唔知聽日有咩地方去呢?
呢幾日都係凍凍地咁.....

>>March 27, 2004 at 11:33:41 AM GMT+8

2004 年 3 月 25 日 星期四 【雨】

今朝唔多想起身囉都係=.=" 返工返11點15分!返到去又係我係門口等!
Cathy又遲到!唉...今日個場好靜!真係未試過咁靜囉!
得果千幾蚊渣埋尾果時!
食飯時間妮妮同佢媽媽0黎左ebace買衫!之後佢話我把聲好唔掂當‧___‧
下晏< 戀 >毛同肥布經過!當然地次次< 戀 >毛經過都會串我幾野=.="
而且我都見到我大果個!佢同一個好細個既樣既女仔一齊經過!
今日成日都落住雨!我冇戴遮呀都係!因為近唔理啦~
係貨場悶左成日.....真係好悶...成日得我同Cathy!又冇野做喎!~
夜晚見到蕭蚊蚊同佢男朋友經過!估唔到佢仲同緊果個男仔一齊!
我諗...都有兩年掛!~真係好耐=.="
冇耐見到maymay同達達經過!maymay咩左個westwood袋!
好快又收工!我0地好快手!用左兩個字時間就可以攪掂好哂D野!
之後amanda搵左Cathy陪佢出旺角買衫!因為佢有親戚結婚!
而我就返家lu!~返到屋企大果個幫我買野食=.=+ 肚餓ma!
聽日返A返10點半!唔知放幾點...放左工一定要油下畫先得=.=+
後日放假!GOOD~~~好少可星期日放假!wo~~~
PS:今日把聲仲係咁沙=.="""

>>March 26, 2004 at 3:07:43 PM GMT+8

2004 年 3 月 24 日 星期三 【雨】

2004 年 3 月 24 日 星期三 【雨】

2004 年 3 月 24 日 星期三 【雨】

琴晚又冇啦啦沙番喎把聲!今日把聲勁沙囉係!
完全唔想講野!因為D人根本聽唔到我講咩咁!FUCK!真辛苦!!!
唉.....好想唱K!雖則我唱歌唔好聽=.=" But唱K可以癲下!
今朝都係冇返學!覺得個人仲係唔多舒服!因為我琴日有返學朝早起身都面青青!
亞媽有入0黎叫我起身!But我唔冇起到!So佢叫多兩聲都冇叫到我lu!~
之後訓到11點起身!其實都唔想起0家!好想勁訓...訓到好晏!
起左身之後玩左陣電腦!見到亞仔on左!仲改左info寫住仔仔=.=
咁咪hi下佢囉!~好少可見到佢咁早on-line 0家ma!
原來佢打算去埋台灣旅行!前日又撩我去睇< 見鬼 >
因為我一早約左小芝佢0地睇ma!咪冇同到亞仔去睇囉!~
佢4月6號先返到50舖!係chat當中,佢send左相同mv俾我睇!
係佢去泰國旅行果D 0黎!wo~~3個星期去兩度旅行真係開心啦/_\
我都好想去旅行!算吧...冇錢就冇得去!我呢D冇錢既就一定冇得去!
返工...都係返4粒鐘0者!今日又係要做清潔!屌~成撚日都係我做清潔!
算吧~我企係貨場都冇用!因為我太沙聲啦~唔點出到聲!
一返到去又要搬D野落實惠!原來我0地遲下有D野係果度賣!
我,Mandy,Amanda3條友一齊搬左3箱野落去!一人一箱!
搬完返上舖又要我去食雪糕!FUCK!~
返到去冇耐Cathy食飯!之後又帶低左D野俾我做!
當然係清潔啦!又要拾下個cashier!家下倉又我拾!都唔明點解咁多野都係我拾!
佢0地好似唔駛做咁!FUCK!~FUCK!~FUCK!~~~>"<
下晏肥庭0黎左!係咁同Cathy傾計!條友冇變到!都係咁臭串!
收工之前仲要掃埋撻地先走得人!
TOTO準時5點到!當然地我仲未收得工0家啦!邊度有咁準時呀?
平時5點收!係呀~係5點收!佢5點放我仲要換衫先走人0家ma!5點3左右先走得!
So TOTO話要等我=.=.....之後佢睇中左衫!
因為今日係最後一日員工半價ma!咪叫佢係ebace度簡下衫囉!~
佢買左兩件衫同一包襯衫!買完之後我0地去左南風閣度食野!
唉...我把聲我把聲呀/_\.....
同佢傾計當中真係好辛苦!因為佢聽唔清楚我講咩野=.="""
食完野之後就返家而佢就返夜校!
返到屋企又係玩電腦...冇耐小芝打左俾我同我傾左陣電話!
PK啦!!!!!聽日仲要踩成日!點算!D fans聽唔到我講咩>"<
Mandy聽日又借左過去上水幫手!間舖得番兩條友!我同Cathy‧___‧
食飯都唔知會唔會Cut鐘=.=.....
今日Mandy買左Cathy講話佢轉番PT!因為佢話返full好辛苦!
佢見我返得少!嘿.....其實我係今個星期病先返得咁少渣!
以前我返得好多!一星期返成6日咁多!最少都返5日!並唔係佢想像中咁free!~
只係比full返少D 0者!佢轉PT就慘囉~果個MK就轉full!屌!食撚屎啦!~
我真係好唔想佢轉full!佢知佢一定以為自己轉左full就好撚大咁!
而佢性格話俾我知佢一定係呢D咁既人!真係越0黎越唔like佢=.=凸
因為佢第1日返工已經問哂我係PT定full!又問我做左耐!想點?咩意思先?
如果我係一個好新既人佢係咪會恰我?我知yin有俾佢恰!
琴日我同yin去ebace買衫,amanda玩我拎我件衫出0黎賣!
之後佢條MK明又搶左我件衫拎0黎賣!屌!!!都冇人同佢玩!玩咩撚野?
唔怪得yinyin咁唔like佢啦!我家下終於知點解=.=凸

>>March 25, 2004 at 11:37:20 AM GMT+8