2003 年 11 月 26 日 星期三 【晴】

唉...朝早又係爆唔想起身!我琴晚冇以前咁夜訓0家啦!
1點前好似訓著左lu!~
朝朝早都唔鍾意搭KCR,MTR返學!太多人啦真係!
有D人前面有D位企又唔Q企!難為後面D人咁Q迫呀!
夏天仲死=.=" 睇0黎夏天我一定早出門口!唔早唔得!
一多人...D麻甩佬D汗...嘔.....
今日亞盈又冇返學!唔知咩事呢?佢驚唔驚出席唔夠80%=.="?
上堂冇咩野講...hehe.....或者亞盈多野講先撩到我上堂果時勁多野講掛~!
今堂畫第2 D野啦!畫多3堂左右...唉~~~
遲下唔係文英教啦好似...唔想>"<
原本亞倩同佢男朋友一齊既放左學!佢男朋友今日返半日喎...
之後佢見我冇地方!一齊去左食野!
我0地去左銅鑼灣某一間食車仔麵!點知...幾失望下!唔多好食=.="
食完係銅鑼灣行左陣就返家啦!
其實我都係搵playboy鞋!又係搵唔到!唉~~~
唉...睇0黎等星期一啦咁樣!
或者呢3日睇下有冇人陪我出去=.="
星期一又要去Sarah度!拎織頸巾果D針俾佢喎~!
But...咩佢織頸巾既咩=.="???嘿嘿嘿...
返到屋企冇耐就訓覺!勁累!係車度差D起唔到身咁樣=.=
訓左成4粒鐘先起身!Good~~~唔訓下今晚又會好早訓!
聽日又唔駛返學呀!今晚唔駛咁早訓既~!
夜晚如常自己食自己!

>>November 27, 2003 at 3:12:16 PM GMT+8

2003 年 11 月 25 日 星期二 【晴】

琴晚9點半前爬左係台度睇TV...訓著左=.="
訓左幾個字醒左!爆眼訓!琴日真係好累呀>0<
之後10點幾就訓著左lu!~有史而0黎最早果日訓覺呀!哈哈~
今朝遲左少少出門口!亞盈又冇返...
今堂係一堂等放學既堂0黎囉!
次次上呢堂都係咁等時間放學!覺得呢堂有點兒悶...
But今日又好似多左人返學咁喎~
成日同我嘈果個今日如常又嘈!我幫佢改左個名叫智障先生!
hehehe~~~呢個名襯哂佢啦!
放左學見到亞玲!於是佢跟左我同倩一齊lunch!
佢冇食到野!只係坐...去左大家樂食!
亞倩今日返點半!12點前食完就走啦~
佢0地搭bus!我就落尖咀搵Sarah!呵~佢今日開舖返12點!
好彩0者~返1點既話果一粒鐘我都唔知點樣等佢好!
佢又好似好急住要果D信咁呀!
係佢度坐左成粒鐘先走人!講起Mouse!話佢好多女問佢拎電話喎~
咁講真我都覺得佢真係幾得下0家!
哈哈~Sarah上次仲幫佢化妝!
Mouse佢個樣唔差0家ma!咁打算佢轉番做女仔會好D啦!
So Sarah咪幫佢化妝睇下囉!點知化完出0黎好似如花~
哈哈~笑爆我!仲影左相!最衰張相係Sarah屋企!唔係可以睇下!hehe~
原來之前Quiksilver有playboy練買呀>"<
Mouse買左條!唉...家下冇哂playboy練啦!
如果佢之前知我鍾意playboy就好啦/_\ 咁咪可以平囉~唉~~~
唔梗要啦!~打算下星期去睇下衫買下衫!呵呵呵~~~
都唔知到時Mouse認唔認得我=.=" 我都好耐冇返去MK果間Quiksilver lu!~
傾完計就搭番271走人!返到0黎大埔同TOTO行左陣!睇一睇野...
行完兩點幾就返家lu~呵!~聽日放左學如冇意外應該又係去行街!
亞倩做埋今日就唔做!做滿3個月啦ma佢!又話辛苦呀!佢果份係full-time 0黎!
而且聽日我應該會買playboy果對鞋!再睇下搵唔搵得番之前睇中果條褲!
家下冇野做so打下日記!
今晚自己食自己...

>>November 26, 2003 at 7:37:11 AM GMT+8

2003 年 11 月 24 日 星期一 【晴】

琴晚訓前隻腳抽筋=.=" 我未試過...>︵<
But我以前聽過人講抽筋係點樣!我諗我應該係抽筋啦!...
訓唔著...隻腳唔知點咁!痛痛地咁="=.....
成3點幾先訓得著!今朝唔想起身>"<
行返學校時對腳痛痛地...
今日第3堂畫番果幅素描!
一向成日同我鬥咀果個男仔今日有返=.=
佢條友...哈哈~笑死我!智障人士!hehehe~~
放左學亞盈亞倩又一齊去銅鑼灣!佢0地話陪我去喎~
而且佢0地又冇野做!去銅鑼灣食lunch,行街囉!~
亞倩今日返晏喎!~
行去銅鑼灣時見到小春拍戲=﹏=
佢幾型下呀真人!我行行下見到...E?陳小春?
之後再望一望後面...嘩=.="Shit!!!拍戲!
一陣影到我咪仆街!即刻<得break>去最埋果邊度!
亞倩亞盈就話我仲咩鬼=.="
過左陣我先同佢0地講番!佢0地居然咁都見唔到=.="
亞倩仲話返轉頭睇小春=.=" o...shit!!!
亞盈係佢隔離!佢係咁拉亞盈=.=".....
我約左TOTO係sogo等!
佢0地兩條友=.="唉~~~覺得似專登0黎睇我約左邊個囉!
我冇男朋友呀=.= 唔好以為我約仔先得0家>"<
擺到明佢0地兩條友以為我約左仔囉=.=.....奸笑呀佢0地!
之後同左TOTO去皇室red box唱K!
唱完行左陣sogo,再去亞time...
係亞time個迪士尼見到<毛仔>係<毛仔>呀>0<
爆可愛!有大隻有細隻.....總之就得意啦!
爆想買!But...=.="都係唔好買啦...冇工返唔好亂買野>"<
之後再行番去金百利果D度行...唉...可惜我仲未諗到買邊對鞋好!
而且我之前睇中果條褲果間舖又唔知係邊度=.="
唉...又唔記得左啦>0<
so冇買到野!唔得!聽日放學冇野做去行多次先>︵<
TOTO又話唔舒服!行行下yinyin又打0黎話Baleno大果粒今日落0黎大埔間舖!
話去大埔間舖見就得!ok!~3點幾就同toto搭271返大埔!
返到0黎4點幾!打俾yinyin!佢仲未攪掂．__．
ToTO又唔舒服返家先!而我就一條友唔知仲咩咁係大埔...
等呀等...等呀等...
5點幾佢終於0黎到!去到Baleno大果粒又唔得閒話過兩個字再0黎!
之後又係大埔行左陣=.="等!...
終於見得!果個係仔0黎...眼前一亮囉我覺得!=﹏= 嘿嘿嘿...
哈~因為佢幾得下!D皮膚又唔錯喎!~咁young就做咁大粒!勁野>0<
佢份人又好似冇咩野咁樣...唔知係真定唔係啦!~
出0黎做野我一定唔會咁易信人=.=+
in完等7日通知...um...我次次見工都冇信心...
雖然知等人用...But...我點都係冇咩經驗!
又咁young...好難有人請>"<...今次唔成功既話我唔知又可以搵咩工啦!
見完就陪yinyin去PK買野食!6點幾返家!
累到爆!好眼訓呀真係!家下爆累...對腳勁痛!
訓待果3粒鐘...唔得啦!今晚必定要勁早訓先得啦!唔係真係死人!

>>November 26, 2003 at 6:56:54 AM GMT+8

2003 年 11 月 23 日 星期日 【晴】

又返學lu...唉!~都唔知今日黑仔定係咩野=.=
我原本已經遲左D出門口!
上到火車冇耐亞盈send SMS俾我!咁大家又開始SMS啦!
好啦...到落車出閉...見到D鏡先開始發覺自己點解兩手空空既?
哎呀>0<" 我漏左個file係KCR度!!!Shit!!!
咩野都冇就返學!唔知咩事囉!好彩我今朝又唔記得拎信放係file度!
D信係Sarah 0家~!好重要!整唔見勁仆街囉!
唉...我勁冇記性囉=.=" 咩野都唔記得!
唔通好似TOTO上次講番果個醫學報告咁樣?
(話說個醫學報告係咁樣...夜訓既人會死左D細胞!
而果D細胞係唔會再生!死左果D細胞就會攪到冇記性果渣野...)
家下都只係冇左本loyout,雲尺,三角尺同file!
屋企有多本loyout唔駛再買!But要買過雲尺同三角尺=.="
唉......又破財啦>"<
去到旺角轉往中環地鐵時...唉...話尖咀站發生故障!
So尖咀至金鐘站會慢3分鐘到達金鐘!
旺角站勁多人!我等左3班車先上到車囉!上到車又爆迫人囉!
仲要D班次成3分鐘先一班!Fuck!~
係灣仔站打俾亞倩啦!~因為我以為佢返到school!
點知佢條友琴晚玩通頂=.= 家下先返家!即係唔返學囉...唉~~~
返到去school仲以為遲到!0岩0岩9點返到去!好彩仲未收點名紙!
我都估到亞盈返唔到學!佢係SMS度已經話好塞車驚返唔到學!
亞倩又冇返!攪到今日好悶咁添!
返到去小葵佢0地借三角尺同紙俾我!Thx哂喔!~
當然堂課我又做唔切啦!次次都係咁...
今堂畫一間房!關於室內設計D野0黎既!~商業設計真係多野讀=.=
放左學洗完手一條友走人lu=.="
搭bus時經過D街道見到D工人開始整緊D聖誕既飾物同燈飾...
唉...原來聖誕節真係就快到lu!~
今日個天氣真係唔錯下!有藍色既天空呀~好靚=﹏=
返到屋企冇耐食野!Then再玩陣電腦...ICQ!
頂唔順兩點幾就訓到4點幾!But訓得唔係咁舒服!
訓下醒下咁樣!大果個今日放假!But好快又出左去同人慶祝生日喎!~
亞媽今日又唔駛過去湊我堂細佬!Good!~~~
今晚有飯食!有湯飲!正~~~

>>November 24, 2003 at 12:08:29 PM GMT+8

2003 年 11 月 23 日 星期日 【晴】

昨日的悲傷,我已遺忘。
可以遺忘的,都不再重要了。
這一站是終點?
還是另一個起點?

我在紛擾的城市裏,尋尋覓覓。
尋找一顆最甜美的紅蘋果。
一片遺落的金葉子。
尋找心目中隱約閃爍的光亮。

如今我已不再置身事外,
一切色彩皆已化入聲音與氣味。
且如曲調般絕美地鳴響。
我何必需要書本呢?
風翻動林葉,
我知曉它們的話語,
並時而柔聲覆誦。
而那將眼睛如花朵般摘下的死亡,
將無法企及我的雙眸.....

>>November 24, 2003 at 5:07:37 AM GMT+8

2003 年 11 月 22 日 星期六 【晴】

新增左Blink182既官方網!有興趣人士得閒去睇下~
琴晚如常3點左右訓!今朝兩點先起身!=.=" 呢幾日放假都係咁!
聽日返學都唔知點死!
起身睇粒暗瘡...仍然冇改善!於是決定今日又唔出街=.=
唉~~~聽日仲要返學添得0家!點死?
覺得自己好樣衰呀>0<"""
於是成個下晏係屋企搵Blink182 D歌!因為無意中係某一個網度聽到首歌!
係Blink182唱0家!But我仲未搵=.= FUCK!!!
究竟果首歌叫咩名呀>"<
係屋企...好悶= =凸...
夜晚有主家飯食!Good!~~~
今晚四葉草大結局!Good~~~
PS:X~Straight Edge~X
Straight Edge =不煙不酒不吸毒不濫交~!!!
~希望有更多人支持呢個動作------(X)

>>November 23, 2003 at 9:38:25 AM GMT+8

2003 年 11 月 21 日 星期五 【颳風】

琴晚果個福榮係咁打我手提打左十幾廿個!
條友擺明玩野!FUCK!!!!!!!!!凸=.=凸
係ICQ同佢鬧左好陣子...條仆街好撚串咀=.=凸
興到我爆炸>"< 死懵撚!正一仆街仔!啜屎啦!屌!!!!!>0<"""
Then玩左陣ICQ成3點左右訓,今朝成兩點先起身=.="
唉...粒暗瘡未見好轉...SHIT!!!= =凸
起身冇耐食野~睇下VCD!之後又玩ICQ!玩左成個下晏...
聽下歌咁樣...冇咩野好做!~
冇出過街!太明顯啦粒暗瘡!點出街呀>0<"
係屋企爆悶...算啦!成日出街唔係一件好事!=.=+
玩玩下ICQ同Silver傾左陣電話!But因為當時我係度玩緊ICQ...
冇點理到佢=.=" sorry.....冇耐就收左線= =...
今晚有飯食!Good~~~
But今晚...我唔係咁開心="=
唉.....我的任性一錯再錯.....
我明白到家人已經對我很疼愛...對不起...我永遠都是任性的!
PS:呢幾日都上唔到呢度打日記!家下終於上到,打到日記!
因為站長話有條友好冇品咁樣破壞唔知D咩野!
條友真係好冇品!含屎啦!!!拉左佢就0岩哂啦!造福人群!呵~~~

>>November 22, 2003 at 5:35:51 PM GMT+8

2003 年 11 月 20 日 星期四 【微雨】

今日終於有假放啦!Good~~~
我訓到成點先起身!起身冇耐亞盈同Mile係咁搵我!
原來Mile想搵我去Band房!其實我好想去0家!But我同Mile都唔熟=.="
而且又0岩0岩起身好累...都係下次先去啦!
兩個堂細佬今日都係唔駛返學!0黎左我屋企玩!
Good~!佢0地買左M記俾我食=.="
唉...我呢兩日有粒暗瘡生左係塊面度!好鬼明顯!
今日起身...仲大粒左= =凸......今次真係...唉~~~
仲0黎食多個M記!唔通真係以毒攻毒?哈!~
之後冇耐亞媽又問我幾時去換左件衫佢!
係呀~琴日買左D衫有件有少少損毀...
於是今日拎左去換~!拖左最細果個堂細佬去!大果個對眼發炎!係家訓緊~
我又買左兩件襯衫!係catalog見到有對puma新出!又幾好睇喎!
黑白色既係!唉...又多左對選擇!究竟我買邊對好?>︵<
之後又去還番D書!~行多陣細果個眼訓!返屋企...
老豆今日又day off!問我係咪想買鞋!之後俾左錢我!呵呵~~~Good!~
But...我仲未諗到買邊對呢>"<
playboy好定puma好定係之前同亞盈係金百利睇果對唔知咩牌子既波鞋好呢?
唉.................
又想買之前係金百利睇中果條格仔褲>0< 唉~~~幾時又俾錢我買呀>0等待...等待...等待..........=.=+
返到屋企冇耐我0地個個都係度泵大果個去睇醫生=.="
佢話驚唔想去睇!因為睇對眼D醫生一定搵電筒照下對眼咁樣0家ma!
佢話驚醫生照佢=.="...爭論左一番...終於肯去睇!
睇完醫生返0黎佢0地就返去佢0地既屋企lu!~
夜晚又同平時一樣咁渡過!~

>>November 22, 2003 at 5:33:02 PM GMT+8

2003 年 11 月 19 日 星期三 【微雨】

今日終於起到身返學啦!其實我都係唔多想返學0家渣!因為好眼訓= =
琴晚點幾先訓得著...唉~~~
訓前福榮打左0黎囉= =" 有D無聊!~
今日輪到亞倩冇返!哈哈~終於畫完幅畫啦我~可能我今日上堂冇咁多野講掛!
當然我上堂又如常俾佢0地班野串幾句0家啦!
唉...成日都係咁...都有點兒習慣了!
放左學咁0岩見到Flora!咪問一唔一齊lunch囉!~
點解佢唔等埋亞橋佢0地先走人既呢=.="???
過馬路時又到亞鈴同亞橋係對面!我當然係咁指啦=.=+
But Flora佢又話唔好理行果渣!咩事呀= =???
同Flora食野覺得佢份人好似怪怪地咁=.="
好彩亞盈多野講!呵呵呵~~~唔係我都唔知可以搵咩同佢講!
食完野就返0黎大埔冇行到銅鑼灣lu!~因為約左TOTO傾計!
0岩0岩止車搭bus時我如常上上面果層座!
上到去...吉哂!一個人都冇!仲以為搭$9.1包哂成層咁正!哈哈~
冇幾耐有個女人上左0黎=.=凸 仲坐我隔壁河!
之後我唔理...又訓左陣!條友係大埔墟落!哈哈~佢落左車我又包哂成層啦!
返到0黎打俾TOTO!去到大中吉吉島果度落車!一落就落哂啦D人!
回望架車!吉哂~~~之後係TOTO屋企樓下等佢!
去到佢0岩0岩係度!Good~Then一齊行去先跡岩飲野!
傾左好陣子先走人!再係大廣度借下漫畫~借左兩本幾米既書同兩本漫畫~
借完各自走人啦!咁0岩係大中U2果邊見到亞媽!呵呵呵~當然同佢行陣啦!
終於可以同佢行陣啦!~行左好陣子!買左衫!~
唉.....好想係銅鑼灣買衫囉>"< 之前睇中左條褲0家!
又要等老豆出糧先可以買!衰>"<凸 今日TOTO俾左我睇左本雜誌!
見到有對playboy鞋呀>0<"""好想買!!!之前果對有想買!兩對都想買呀!>0<
But一次過買兩對鞋好過份咁>"< 唉~~~FUCK!!!好耐冇買過鞋啦!
同亞媽行去佢就去左接我堂細佬!之後我就一條友返家!~
返到屋企坐左陣chat左幾句就訓!係我想訓想訓途中勁多人搵我= ="凸 FUCK!!!
之後終於訓到啦!7點先起身~今晚有pizza食!Good~~~

>>November 22, 2003 at 4:47:45 PM GMT+8

2003 年 11 月 18 日 星期二 【陰】

今朝勁唔想返學...係起唔到身咁樣!
於是...我簡左唔返學!首次唔返學...
我好少可唔返學>"< 今次因為太累啦!勁唔想起身!!!
亞媽8點幾走過0黎問我仲咩唔返學!
我之後話頭暈唔返!佢就冇理我!
之後係咁訓...訓到11點幾先起身!
起身一睇手提先知亞倩打過0黎!亞盈又send過SMS俾我!
起身冇耐就on-line...小葵就話我唔返學=.="
佢放左學就即返到屋企!幾勁!~冇耐我就食野啦!
之後見冇野做就係度剪自己D頭髮!哈哈~見D陰長左咪剪下佢囉~
又剪番碎D咁樣!都係修一修0者~!
冇耐再chat多陣!亞媽打0黎=.=
妖!打0黎又係度小我!話我唔返學又話哂錢!咁我咪Cut鬼佢線囉!
FUCK!!!=.=凸 睇0黎今晚實俾佢屌到化!今晚唯有返入房咩都唔理=.=凸
之後見心情大好!畫下畫!畫番上次未交果份!
之後又見冇野做咪執下D衫囉!~執下間房咁樣!
一執就執左成粒幾鐘!拋左成袋唔要既衫!
唉...執完累死!之後仲打算織頸巾...對手太累了!
於是冇織!咪睇VCD囉!~睇<龍咁威>!um...原來呢套戲麻麻地渣喎=.="
有少少低B =.=...我初初仲以為好好笑好好睇!比我想像中有出入!
下晏係屋企冇野做就係咁食野!
o...都有一排冇試過咁做lu~今晚都唔知食唔食飯好=.="
PS:哈哈~彬彬我今次打少左日記啦!(係因為今日冇野好做先打少左日記)

>>November 19, 2003 at 12:59:53 PM GMT+8