2020 年 1 月 29 日 星期三 【乍雨乍晴】

我的日記被攻擊

>>January 30, 2020 at 5:57:45 AM GMT+8

2020 年 1 月 28 日 星期二 【乍雨乍晴】

大家小心


每天會預上很多人,
其中可能有帶菌者,
呢隻野因為可能唔發燒,
初期唔發病的人, 會如常出街,
而這菌好容易傳染,
所以隨時爆發性,
突然大量人入院,
唔好因為家人, 同事, 朋友,
就疏忽變成大家互相傳染。

記得買定食物, 兩星期唔出街都得。
除了好似米菲一樣, 無耐地要返工,
無事就留在家,
出去食飯風險很高,
要為自己的生命負責。

唔洗太擔心口罩,
因為你遲D唔洗出街,
我都希望我是過份擔心
因為特首是林鄭,
作定最壞打算。

祝大家平安

>>January 29, 2020 at 3:55:04 PM GMT+8

2020 年 1 月 26 日 星期日 【晴】

呢鋪大鑊




這幾天, 特區政府都係慢幾拍,
永遠都係其他地方唔准市民出關,
特區政府先話我唔俾那些封關地方的人進來。
所以難怪早前的車天車地記者會, 講野黑白不分, 全部大話講成真一樣。

最重要, 中國人民進入香港的關口, 始終沒有封閉。
到這刻, 也已經錯過最佳時機, 但還是希望及早封關。

剛巧還宣佈非本地居民, 若符合武漢肺炎呈報機制,
可獲豁免收費, 免費醫治。
如果內地人中招或懷疑中招,
都會擁入來香港就醫, 因為免費。
就算入左院, 確診唔係武漢肺炎, 係流感,
期間都必需按照方法隔離,
前線醫護人員壓力相當大,
我支持醫護人員罷工,
政府錯誤的決定, 要醫謢人員和香港市民來埋單, 我小你老母。

米菲估計, 來緊先會是過千人在港確診有武漢肺炎,
接著短時間內, 就變成過萬,
至於幾多人死, 唔想諗,
我覺得15%死亡率唔可信,
得到呢個病, 醫好機會好微, 就算醫好都變長期骨�, 日子都難過。
除非來緊找到有效醫治方法, 但一定唔係趕得切現時情況。

大災難已經開始左,
如果你沒有足夠食物, 可以讓你及家人兩星期唔出街都得,
最好快快去超市買番少少, 足夠就可以, 讓其他人都可以買,
無必要做成恐慌搶購。
例如罐頭可以放幾年的, 買左都唔怕浪費。
有米亦好緊要。
唔發生這情況當然最好。
不過,
現時的政府, 連口罩都唔放出來,
如果市面對食物有恐慌搶購,
你係咪可以肯定政府一定會補給食物, 而且給你呢!

另外他們繼續好PK
暉明村突然變成隔離中心,
米菲有個同事住在對面,
真係好驚。
他們會話: 都唔明阻塞道路, 點可以達成訴求,
跟住又話, 放火燒屋, 破壞交通燈, 對附近居民構成危險。
他們當然會唔明啦, 因為你地只係識指責, 政府也是一樣,
居民阻塞道路, 係表示唔想你地將病人搬進暉明村,
然後知道你地實唔聽, 最後都係會強行搬進來,
咁居民咪燒屋, 燒左, 就沒法搬進來, 就係咁簡單,
燒完了, 依家咪暫時達成訴求, 政府宣佈暫時停止搬進來,
如果當初唔反抗, 用口講, 你地實唔聽。
成日話犯法, 無人想犯法, 係特區政府迫成。

當然, 事情永遠可以講成兩面,
總有人這刻還擁護他們, 擁抱政府,
理由都可以有好多,
米菲就話等班籃絲真係進入ICU, 應該係ICU都塞滿內地人,
入唔到去, 那時他們先來後悔, 不過, 就太遲了。

新一年, 要有希望
不是有希望才堅持,
是堅持才有希望。

>>July 10, 2021 at 2:59:22 PM GMT+8

2020 年 1 月 7 日 星期二 【晴】

千古罪人, 林鄭月娥



新聞又講緊財政預算案, 應唔應該派錢。
當年米菲已經講支持派錢,
跟本唔需要想太多,
全民派錢大家開心, 增加消費,
全民派又唔洗浪費行政費咁多,
而且當年錢又多,
最重要, 係可以得到人心, 米菲差不多每年都支持派錢。
當然, 近年的政府, 一次都沒有派過。
其實早一兩年, 全民派錢係一個好明顯的機會, 去得到民心, 減少怨氣,
政府竟然兩年都錯過全民派錢。

到了現在, 我支持派錢的理由都係一樣,
但依家又話庫房少左錢,
講真,
就算唔派錢, D錢都會落在無謂的事情上,
或者又做條件去派錢, 跟住就洗大量行政費用,
倒不如落入大家袋中, 讓大家開開心心。

有時用最簡單的思維去解決問題, 就會得到最好的效果。
陳茂波上次派4000, 浪費大量行政費, 仲好多人收唔到錢, 怨氣仲大過唔派。
呢個就係最好例子。

讀得多書, 如果個人頑固, 或者心地唔好, 都一樣無貢獻。
你睇林鄭讀咁多書, 仲去英國留學, 你睇香港變成點,

>>July 10, 2021 at 3:00:32 PM GMT+8

2020 年 1 月 6 日 星期一 【晴】

千古罪人, 林鄭月娥




林鄭已經成為一個女魔頭,
為了達成目的, 會用下三流的手段。

他們已經成為她的工具,
他們被利用, 與全港市民為敵,

到底再發展下去會點,
其實也不難估計。
他們只會越來越差,
因為他們已經失去尊嚴和態度,
宣誓時的意義已經蕩然無存。
全世界都一致確認他們的罪,
只會越來越多國家禁止他們入境。

當時間一到, 內地為了討好國際,
他們就會成為祭品,
成為香港市民、國際社會、內地政府都拋棄的廢物。


米菲會繼續祈禱:
天父呀! 如果他們不認罪, 就求你蒙蔽他們的眼睛,
讓他們自己攻擊自己人,
高層和前線不和,
自己內亂, 這就看出他們的愚昧。
然而不要按我的意思, 願主親自用你自己的方法成就。
奉主耶穌的名字祈求, 阿們!

>>July 10, 2021 at 3:06:08 PM GMT+8

2019 年 12 月 31 日 星期二 【陰】

千古罪人, 林鄭月娥



今天發夢自己和Nicole一同去遊行,
雖然有不反對通知書,
但他們已經失控了。

在現場, 全部都是和平示威者,
但係都唔知點解在前面, 會射出毒氣彈。
他們迫民陣在5:30PM解散遊行,
就算米菲行,
都要6:00PM到中環才可以離開,
中途不是想走就走到,
而仲有大量人在維園, 剛剛才起步。
跟住就在夢中驚醒了。

開電視看新聞, 得知以下消息,
今天民陣宣布有超過103萬人遊行,
警方估算得6萬人, 也實在太離地了。
不過他們實在太垃圾,
新一年不用花太多時間討論他們的惡行, 浪費時間。

晚上繼續看電視, 看頒獎典禮。
我最喜愛的歌曲: 人話
我最喜愛的女歌手: 方皓玟
我最喜愛的組合: RubberBand

呢個結果, 令人鼓舞, 多謝為香港發聲的歌手和組合。
商台好野, 樂迷好野, 香港人, 加油!

另外林家謙得到生力軍金獎, 也很開心, 都好喜歡他的創作。

>>July 10, 2021 at 3:08:34 PM GMT+8

2019 年 12 月 30 日 星期一 【陰晴不定】

保密日記，請登入觀看！

>>December 31, 2019 at 3:28:35 PM GMT+8

2019 年 12 月 18 日 星期三 【微冷】

保密日記，請登入觀看！

>>December 19, 2019 at 4:35:55 PM GMT+8

2019 年 12 月 10 日 星期二 【颳風】

2019年12月東京之旅第五天
米菲在秋葉原

米菲到東京, 好多時都會留起一天, 整天在秋葉原行街。
今次因為太多想去的地方, 只留了好少時間在秋葉原。
所以今天上機前就到秋葉原。
音樂和動漫產品, 玩具等等都好多野睇。
有時我會在香港看定想買的東西, 來到日本再買。

在JINS配了副眼鏡, 只買了個架, 鏡片在香港的JINS再配。
實際操作如何, 要之後先知道。
不過就咁買個架, 只是6000yen, 好抵。
日本JINS的款式和香港不同, 米菲直情覺得靚D.

拿回寄存的行理, 如常坐skyliner到成田機場。
機場的元祖迴轉壽司, 今天較為多人, 運輸帶上壽司不多。
米菲就直接向師傅落單, 20分鐘食了8碟, 閃人。

今次終於買到Press Butter Sand的宇治抹茶味。
如果原味和抹茶味比較, 真係兩隻都咁好食。
入閘後, 再到Akihabara免稅店血拼, 買了好幾盒手信。
當然有我最愛的文明堂豆沙包(銅鑼燒)。

本來坐快運7:05PM呢班機, 是有機會坐尾班巴士。
但登機閘口更改了, 等候多左時間,
上了機後, 又等候一段時間,
出到跑道, 又等候一段時間,
加起來, 最後就變成遲了一個小時起飛。
回到香港, 領取行理後, 已經零晨1時了。
米菲就搭的士回家, 明天還要上班呢。

今次旅程雖然只得5天, 但玩得好愉快。
因為行程上不算很緊密, 都是到自己喜歡購物的地方為主。
可以看到梵高的畫展, 很喜悅。
可以到北品川, 愉快的慢行懷舊商店街。
還有, 遇上很多人為香港追求民主打氣,
每一位, 我都滿心感謝, 我也祝福他(她)們每一位, 祝你們身心都平安!

>>December 19, 2019 at 4:32:49 PM GMT+8

2019 年 12 月 9 日 星期一 【颳風】

2019年12月東京之旅第四天
米菲在北品川、東京站及秋葉原


今天breakfast後, 在Doutor買了兩盒咖啡。
都是drip coffee bag, 中文姑且叫做掛耳仔式咖啡包。
一盒是Blue Mountain, 另一盒有4種味道。
講開咖啡, 其實飲呢類coffee bag, 是否會好飲過即溶呢?
我相信答案是肯定的, 不過, 不會達到手沖咖啡的質素。

其實口味既野好個人, 只要你喜歡, 對你來說就係好飲的咖啡。
只是說好飲, 不是說高質素與否。
米菲好享受沖制咖啡的過程, 有D野做下,
慢慢沖, 個心平靜下, 吸下D香味, 杯咖啡都會好飲D
所以近年都喜歡用drip coffee bag.
不同的國家製造, 不同的牌子, 都會試下, 幾好玩。

再到藥房幫阿妹買手信, 免得稍後忘記了。
近年, 超市都可以買到一蘭的盒裝拉麵。
其實幾好食, 只要照住指引, 係可以煮出來和店舖一樣味道和質素。
我通常在藥房唔達到免稅額, 就會買一蘭拉麵。
買5包裝或1包裝, 配到夠免稅額。
有些藥房買夠幾多錢除了有免稅, 還有額外節扣, 都可以買拉麵來拼夠。

上次在東京的旅遊中心, 拿了品川及北品川的旅遊單張。
單張的介紹幾吸引, 今天就決定出發去北品川。
看地圖就覺得奇怪, 北品川是在品川的南面,
何以叫北品川? 應該叫南品川才合理。
原來當初起名是指舊東海道品川宿北端, 原來係咁解。
上野坐JR山手線到達品川站, 轉京急本線坐一個站到達北品川站, 全程32分鐘。

一到北品川站, 在月台上, 就見到無數女學生。
似初中生, 係講緊全個月台都係女學生。
當列車一到, 全部衝上車, 全車爆滿。
真可惜我要下車, 應該附近有間女校。
好想同她們影合照, 突然變成痴漢, 唔係, 米菲只係覺得她們好可愛。

見到個大叔, 米菲問呇璆h舊東海道的北品川商店街點樣行。
他就指示我方向, 然後告訴我, 他曾經在香港工作半年。
我們傾起香港的情況, 遊行的人數等等。
道別時, 大叔為我們打氣。

北品川商店街分為3段,
第一段北品川站至新馬場站,
第二段青物橫丁站至鮫洲站,
第三段立會川站至大森海岸站。
6個地鐵站都在京急本線, 行完三段商店街, 等於行左6個地鐵站的距離。

第一段北品川站至新馬場站；
每段都有出色的店鋪, 如銀杏樹主打泡冰, Akioka主打品川卷,
味丸主打三元豬叉燒拉麵及餃子, 品川果匠主打和果子及瑞士卷。
米菲在店名一福桃買左個層疊福銅鑼燒, 好好食, 超級Q彈, 食豆沙包食到Q彈。
到達品川神社, 米菲只係參觀, 不會參拜。而呢個係祈求旅程平安的神社。
神社入面樹木很美, 金黃色的相信是銀杏樹, 由於平日, 人很少。
只遇見日本人, 很寧靜很舒服。
走上小山上, 可以遠望附近一帶。

第二段青物橫丁至鮫洲站；
Les Cinq Epices主打法式蛋糕, 鰻魚丸富主打鰻魚丼,
壽司品川葵主打壽司盒飯, Cafe Musica主打咖啡和pizza toast,
蒲田屋主打道明寺餅, 拉麵道樂主打叉燒拉麵,
鈴乃家主打鰻魚丼。
找不到一間生活雜貨店叫AITO shop & show room, 唔通執左？
米菲本來想到鰻魚丸富, 點知已經是2:00PM,
剛剛是休班, 即係落場。
鈴乃家都係咁, 唯有一陣找其他店食午飯。

到達品川寺, 遇上兩個大嬸, 她們主動和我傾計。
我用簡單日文介紹自己, 住在上野的酒店等等, 她們都幾好傾。
看來他們只是活在自己的社區, 所以遇見外地人, 還是有點好奇。
米菲告訴她們, 品川這裡較容易讓人認識日本的文化。

道別她們, 到了八幡神社, 就發現無野特別。
當然, 別人是來參拜, 米菲是來參觀。
午飯食唔到鰻魚丼, 轉食拉麵。
來到拉麵道樂, 點了一碗叫一番人氣道樂拉麵。
是叉燒, 溫泉蛋, 芽菜和紫菜放在一起的拉麵。
如果要說特式, 就是叉燒只得一塊, 溫泉蛋半隻,
但有大量芽菜, 成座山咁, 還有四塊大紫菜。
而主角拉麵本身, 麵質偏軟, 湯清甜,
整體來說, 是90分的拉麵, 好滿足。
埋單的時候, 我向兩位師傅稱讚他們的拉麵好食。
他們問我是否台灣人, 我說香港。
他們其中一個接著說了簡單的廣東話, 原來他們來自內地, 來日本打工。
沒有和他們談論香港, 我就道別他們了。

第三段立會川站至大森海岸站；
行到呢段, 天開始陰暗, 說不定會下雨。
米菲就決定只留在立會川站一帶, 只看附近的店鋪。
因為大森海岸站主要是有一間出名的洋食店, 主打炸蝦。
另外, 就是品川水族館。
不過今天不打算進入水族館。

在立會川站, 車站旁不遠就是Cafe Lotty, 是一間家庭麵包店。
樓下放麵包, 是自助式, 在2樓有堂食座位。
米菲到訪時, 1樓無人, 老板娘以為我是日本人, 收錢時講好多日文。
然後我介紹自己, 可能我用日文介紹自己, 她繼續講好多日文。
到底她說了什麼, 就係一個謎, 不過老板娘笑容很好。
麵包付了錢後, 米菲說要坐在樓上。
她就指著咖啡價錢牌,
我相信她意思係, 要到樓上堂食座位, 就要買杯咖啡。

米菲買完咖啡, 就拿著盤子走到上邊坐, 樓上得5張table.
一張table有兩個西裝友, 坐著傾保險格局,
另一張是一個婆婆坐, 另外3張table無人。
米菲就坐在婆婆旁邊的table。
正當米菲開始享用食品時, 婆婆和我打招呼, 於是我們就打開話題。
我用緊有的日文介紹自己, 婆婆好有興趣傾落去。
婆婆問我住邊? 來品川多少天? 香港現在點樣? 其他我就聽不懂了。
回答了她, 我還給示威遊行的相片給她看。
我告訴婆婆, 只要有合法遊行, 真香港人都會參與, 要爭取到底。
多謝婆婆, 她也為香港人打氣。

吃了其中一個包, 像香港的炸牛肉包, 好味。
而另外一個龍馬足跡包, 就作宵夜。
龍馬足跡包是仿照板本龍馬的腳掌造形的麵包。
嘆完咖啡休息完, 店內開始多人。
米菲稱讚麵包好食, 老板娘好開心。
她說Hong Kong, 然後做出加油的手勢, 跟住日文聽唔明, 謝謝老板娘的祝福。

米菲進入附近一個小公園, 因為入面有個板本龍馬像。
米菲最主張見到什麼, 就認識什麼。
翻查龍馬的資料, 有佷多, 詳細就不講了, 不過可以記下幾個重點和有趣的事蹟。
板本龍馬是個武士, 政治人物, 是劍術高手。
在日本幕末時期, 兩度脫藩而成為維新志士。
相傳是第一位提出日本國的概念, 也是第一位帶新娘渡蜜月旅行的日本人。
在日本人心中, 他不為過去所拘泥, 永遠走在時代的尖端。
日本國內有板本龍馬記念館, 是收藏130封龍馬書信的博物館, 部份被指定為日本重要文化遣產。

和龍馬影完相, 米菲就到大黑屋買煎餅作零食, 就即是旺旺仙貝那種。
到達天祖諏訪神社, 不是為參拜或參觀, 而係玩pokemon go.
在這裡攻下了鐳台。
今天北品川之旅完結, 和大城市相比, 這裡慢活很多, 可以和人有更多的對話。

下一站東京站。
真不傀為東京站, 而且是5PM繁忙時間, 人流很多。
在character street的Miffy style shop買少少野, 就已經好滿足了。

行完東京站, 就到秋葉原。
到訪書泉和Book off唔少得, Chabara就主要買土產俾阿媽。
回到上野都不早了。
於是到松屋吃晚飯, 一份豚肉燒定食, 依然平靚正。
在Lawson買點小吃和可樂做宵夜, 好滿足。

>>December 19, 2019 at 4:31:29 PM GMT+8