2018 年 6 月 3 日 星期日 【微雨】

六四一定要平反


要記得1989年6月4日, 那天晚上發生的事......
然後第二天, 我看著新聞報導作晚的情況, 我就哭了起來
那天之後, 我就真正認識了中國是一個怎樣的國家。

六四, 一定要平反

>>June 4, 2018 at 2:04:41 PM GMT+8

2018 年 5 月 21 日 星期一 【晴】

5月東京之旅第六天
米菲在秋葉原


今天是最後一天了, 只留在秋葉原買東西。
早上到keys Cafe吃了個茄汁意粉配凍咖啡。
這店主打咖啡, 不同味道的意粉其實只是將一包預先pack好一份份的醬料加進意粉,
然後撈撈, 再放進微波爐加熱, 所以味道好一般。
雖然店員好有心機, 但呢種公式撈意粉, 又點會好味呢!
在秋葉原車站的Jack in the Donuts買了個火槍燒的donut, 表面燒到很脆, 裡面是奶油, 好味。
到全國手信店CHABARA, 買了很多手信給媽媽。
再到藥房都係買鎮痛貼給媽媽。
米菲也買到喜歡的玩具, 還有乃木板46的籃光精選, 太好了。
提早食晚飯, 到秋葉原的Ikinari Steak,
不過由於時間唔多, 試食特價set, 無自己點撰牛扒那麼好食,
不過平又快, 都唔錯。

回酒店拿行理就出發到機場, 今次住秋葉原的酒店,
我要坐的士才能把行理運到京成上野站, 還是住在上野站的酒店比較方便。
雖然機場好多野行, 但也只在文明堂加多點手信, 因為大部份手信都已經買好了。
回到香港又午夜12點了, 今次搭的士回家, 早點休息, 明天要上班呢!

>>February 7, 2019 at 5:12:00 PM GMT+8

2018 年 5 月 20 日 星期日 【晴】

5月東京之旅第五天
米菲在秋葉原


今天安排整天在秋葉原。
留在書泉看書直至下午了, 到我喜愛的元祖壽司吃下午茶。
總覺得在秋葉原不理時間的看動漫電玩很有樂趣, 而且時間過得特別快。
買了個新的日本鬚刨送給自己, 又平又好用。
晚飯在秋葉原吃博多風龍拉麵, 可免費加一次替玉, 味道不及一蘭好, 不過連替玉計, 平一半價錢呢!
晚上來個炭酸湯包浸浴, 加進浴缸變成黃色水, 感覺比玫瑰浴鹽好。

>>February 7, 2019 at 5:10:32 PM GMT+8

2018 年 5 月 19 日 星期六 【晴】

5月東京之旅第四天
米菲在涉谷, 奧涉, 代代木公園, 皇居


一早起身睇電視, 就講緊東京的排隊食店, 其中一間係香港過來開的添好運,
要排隊1小時51分鐘先能入坐, 但這店不是排隊店的第一位。
第一位是Roll Ice Cream Factory, 是將奶油放在約負10度的鐵板上,
用鐵鏟捲成一圈圈的, 成為雪糕卷, 再配上自選的配料, 有40種以上可選。
日本有4間, 東京的在原宿表參道, 電視報導的那天, 要排隊超過2小時。
米菲是不會排太長時間的店, 因為計時間成本, 就覺得不值, 只有等熱潮稍為過後再食吧!
或者一開店就光顧, 可能會少人D.
11時去到涉谷, 吃了拉面, 是叫濃厚豚骨拉麵,
這店強調濃湯及無限替玉, 味道不過不失, 所以店名都沒有記下呢!

中午12點就去到奧涉, 到處行行, 店舖感覺有少少文青風格, 有自家手作店, 咖啡店,
也有賣書的, 關於設計及藝術的書特別多。
最後走到365日麵包店, 呢間店是看電視得知的, 加上網上查考, 真係一間人氣麵包店,
排20分鐘左右, 一入這間店, 你會被包包的美吸引, 基本上每一款你都想試, 麵包比平常香港食開的細。
米菲買了4種, 分別是河內晚柑包, 煙肉包, 朱古加粒包, 及牛奶方包。
再走到士多買支凍紅茶, 就到附近的代代木公園享受一下。

星期日的代代木公園雖然人多, 但由於公園夠大, 所以感覺不會擠擁。
米菲在樹下找到個座位, 可以享受下寧靜。
人多都不太嘈, 可能只有日本才會有這樣的地方。
米菲一邊吃包, 一邊嘆茶, 可能真係太耐無咁樣享受獨處, 所以突然覺得呢種感覺好寶貴。
吃了3個包, 365的包好吃。
草地那邊有好多人野嚏C
我隔離來了一個青年男人, 拖著一隻小狗, 是一隻小八哥仔, 好得意,
我們有簡單的談話, 不時都有女生走向我們玩狗,
應該話所有經過的女生都走向小狗, 原來呢招在日本相當有用,
只要拖著可愛的小狗, 就會有可愛的女生走埋來了。
米菲本來已經在寧靜中升華到思考人生哲理問題,
這刻因為太多可愛女生走過來, 立即從天堂跌回地上, 係地獄先真, 她們也太可愛了。

告別年青人, 米菲走到公園另一面看表演, 一班外國人在玩敲擊, 好正!
再走一會, 又有魔術表演.....
感覺上, 代代木公園如果唔計運動場及表演場館, 好像有3個維園咁大左右,,
雖然只是在公園待了2小時, 但就愛上這個地方了。
公園橫誇代代木公園站及明治神宮前站, 米菲從代代木公園站那邊進入, 當然最好就明治神宮前站出去啦!
下一站去皇居, 乘tokyo metro千代田線到二重橋前站, 一出C10出口, 就見到好美的護城河。
在陽光下的護城河, 真的很美, 這令皇居顯得更加優美。
跟著指示牌走, 可以走到二重橋及桵田門。
走到皇居外苑廣場, 都是由碎石子鋪成, 據說是因為古時認為如果有人走近想行刺天皇,
因為要踐踏碎石子, 遠遠就會發出聲音了。
今次因為時間唔配合, 不能進入皇居東御苑, 4點關門, 但提早不淮進入, 無法啦!
只能在外苑走走, 現在明白點解咁多人來這裡跑步, 因為繞皇居跑一圈已經5km,
跑兩次剛好10km, 而且風景優美。

離開皇居, 坐tokyo metro回未廣町站, 到酒店附近的鳴門鯛燒本舖, 來一客地瓜鯛燒,
好喜歡食這種燒餅, 一般都是紅豆, 這店可選期間限定的地瓜。
晚飯到我的秋葉原豬扒定食飯堂, 炸蝦配炸豬扒定食, 好滿足。

>>February 7, 2019 at 5:09:49 PM GMT+8

2018 年 5 月 18 日 星期五 【晴】

5月東京之旅第三天
米菲在代官山, 自由丘, 奧涉


今天好好訓, 落到代官山Daikan-yama都12點了。
不過我估太早到代官山的話, 店鋪都可能未開。
先到 Cafe Friendly, 去探Mr. Friendly.
這店很久以前就想來了, 終於可以來到的心情好奇妙,
Mr. Friendly是讀大學時代才認識, 當時是用他的擦紙膠,
那種擦紙膠是將Mr. Friendly製在裡面, 所以無論怎樣擦, 都會見到Mr. Friendly.
在店叫了份Mr. Friendly 香蕉hot cake, 其實好簡單的材料,
主要是切細D香蕉, 加上softcream, 特別地方係hot cake造成Mr. Friendly 的形狀.
而店員點嶽伢|問你叫什麼名字, 之後會在你的甜品擎苳W,
用朱古力醬寫上你的名字。
對住份咁靚又寫上你名字的hot cake, 影相都有排玩。
店坐位唔多, 得幾張table,
我相信如果唔係最近流行幸福pancake, 呢度都幾難有位坐。
不過Mr. Friendly的hot cake其實味道好普通, 主要係食個造型。
買了些Friendly手信就去行街了。

代官山一帶D人著衫都幾靚, 我覺得係打扮來這裡影相。
這裡賣的衣服都係貴野, 或者中上的價錢,
例如米菲在Fred Segal買了件cross over迪士尼的T shirt, 要15000yen,
T shirt的圖案是織上去的, 超喜歡, 另一款我喜歡的斷碼, 否則買兩件我就大出血了。
我就咁講迪士尼T shirt, 但點解咁貴, 因為妏炷蚸M設計真係好靚,
同平時見到的完全不一樣, 我說斷碼那件是米奇拿著紅色玫瑰花,
但米奇是黑色繡花造在黑色T shirt上, 只有拿著的玫瑰花是紅色特顯出來。
簡單的心思, 造出來很美的衣服。
而米菲買的一件, 是幾隻小動物圍著白雪公主, 但白雪公主是黑色繡花在黑色T shirt上,
只有小動物有顏色的繡出來, 就變成小動物才是主角, 好美的設計。

由於今天是pokemon go的community day, 今次主角係小火龍,
所以都想捉異色小火龍, 咁我就花1個小時隨便捉啦, 一邊捉一邊行街,
竟然在代官山捉到一隻異色小火龍, 玩一陣捉到都算幸運了,
進化後變成黑色噴火龍, 好有型。
其實在日本打pokemon go, 在打大佬時, 就會發覺原來好多人仲玩緊, 一齊打大佬幾開心,
有時仲會同唔識的人打開話題呢!

下一站是自由丘 Jiyugaoka , 從車站南口一出就見到Bens Cookies,
店員介紹我食3種chlocolate加在一起的這塊cookies, 叫Triple Chocolate Chunk,好味呀!
之後見到元祖壽司, 就決定即刻下午茶, 因為米菲成日只吃了一份pancake,
而剛剛吃完的cookies, 令我更加想吃東西。
下午茶時間食迴轉, 特別在自由丘, 店裡好少人, 感覺更輕鬆。
不過米菲都唔食好飽, 因為來自由丘其中一個原因, 係想食呢度D甜點。

行完街後, 來到Sweet Forest, 係我好想來的甜品店, 可以解讀為甜品food court,
但呢度食店的廚師, 好多都係外國如法國學成回來開甜品店的,
只係睇呇a造出來的甜品, 都開心, 但可以想像食落去會好甜。
Sweet Forest的裝修係愛麗絲夢遊仙境的模樣, 粉紅色係店的主要顏色,
食店多是女性。其實全日本的甜點店都是女生的天地, 所以人多時我就唔會入去了。
米菲在berry berry 買了一件叫Tchiotome Cheese cake, 是一件粉紅色的心型芝士蛋糕,
上面有三種紅色的莓, 好靚, 叫berry berry的店, 當然係放莓啦！
再在Cherie Brin 買了杯Milky Pudding,
兩份甜品加杯熱咖啡, 好滿足, 確實個cheese cake係太甜,
這也是為何我經常在好多地方都食最plain 的New York cheesecake, 或者只加blueberry,
因為只想食cheesecake的香味, 唔想食太甜。同熱量無關, 只係覺得太甜就唔好食。

行完街再和自由丘的女神像拍照後, 就離開出發去奧涉 Kamiyama street。
去到涉谷, 到Shibuya 109 的Vanquish買左兩件shirts,
今次D質料唔係咁靚, 下次可能唔會再來這店了, 以前買過D質料唔會咁差。
在Sanrio買了手信, 也遇上Sanrio的投票活動,
就是投最喜歡的角色, 把三票投給了PC 狗。
7點幾先行去奧涉, 可能真係太晚,
原途好多店都開始關門, 到此一遊的感覺, 看來要再來一次了。
在附近找到間天婦羅飯店, 點份天婦羅飯拼細soba, 食飽就回程。
回酒店前仲要再到M記買個飽做宵夜, 認真貪吃。

今晚浸浴嘗試用玫瑰味浴鹽, 除了香味和水變淺粉紅色, 唔覺得特別有用。
不過浸浴對於行了一天的我, 已經係每個晚上的好好舒緩和享受。
之後一口氣吃了10多粒草莓再加個M的漢堡包才睡, 好滿足, 人生真係好玩。

>>February 7, 2019 at 5:06:58 PM GMT+8

2018 年 5 月 17 日 星期四 【晴】

5月東京之旅第二天
米菲在錦糸町, skytree tower, 六本木


今天主要睇展覽, 訓到自然醒先起身, 而且也不按行程搭車,
直接行去御茶之水站, 坐中央總武線到錦糸町站, 約15分鐘。
我今日的第一吃, 就係電視介紹的真鯛魚拉麵。
從錦糸町站行去店鋪, 約5分鐘。
來一客特製濃厚真鯛拉麵+雜炊set, 1050yen
食完個麵, 將湯留住, 再加個飯進去, 變湯飯。
100分好食, 無野講, 一路食一路讚, 最後也忍不住同店員講好好食。
喜歡魚湯及清湯的朋友, 不要錯過這美食, 米菲連湯都飲完。
今天是平日11:30am, 等20分鐘有得坐, 個麵5分鐘上,
一入店就可以買食卷, 跟住排隊就可以了。

在這店走出門口, 抬頭望就會見到skytree tower, 行去約20分鐘。
今次來skytree係順路, 不再上頂參觀。
主要係去Solamachi商場, 入面有Medicom Toy, pokermon store, 北野specialty food store.
Medicom Toy 的bearbrick同香港比算平D, 不過特別款式都沒有了, 大路的產品就隨時都有。
Pokermon store 門口, 因20週年紀念, 有隻巨大比卡超騎著青龍(烈空坐)的像, 好美。
台灣觀光局在平台有個展覽, 好多台灣美食, 當然也有台式奶茶, 說不定會在日本流行起來。
在電視台的紀念品店買左小丸子主題手信給朋友,
也買了兩盒日本咖哩磚, 這裡有100種咖哩口味, 花多眼亂, 好難選擇,
就買榜首的第一、二位好了, 是和牛味咖哩磚, 是給媽媽的手信。
來一客Patisserie的蛋糕甜品外帶, 好香, 不過超甜,
上面的法文會不會是超甜蛋糕咁解, 哈哈。

5點出發到六本木看展覽, 是集英社創刊50周年記念第二部份展覽,
睇展覽的過程好開心, 加埋賣紀念品的部份, 真係超滿足, 我當然買唔少, 已經好自制了。
期待第三部份的展覽。

睇完出來8點, 剛好晚飯, 行兩條街到Ikinari Steak,
好像這店本身是立食牛扒店, 現在都變成大部份都有坐位了吧,
這點我都不確定, 反正我一定會找位坐下食, 立食我試過唔合我。
因為喜歡重牛味道, 所以我不點國產牛 (13yen per gram),
米菲喜歡點美國安格斯牛(8.2yen per gram),
我點300grams, 廚師一切係360grams, 問我可以嗎?
我當然可以啦, 超喜歡食牛扒, 之後半生熟, 再加沙律,
巨大厚切的牛扒, 鐵板上, 再配上洋蔥的香, 我當然再上冰凍可樂一杯,
3千幾yen 就可以, 而且唔洗排隊唔洗book位, 全國都有分店。
Ikinari Steak未必係最好食的牛扒店, 但名碼實價按重量收費,
按客人要求去煮, 方便快捷咁食到好牛扒, 大滿足。

食飽到秋葉原散步, 酒店近秋葉原真方便。明天要去探我的老友, 吤sMr. Friendly.

>>February 7, 2019 at 5:05:28 PM GMT+8

2018 年 5 月 16 日 星期三 【晴】

5月東京之旅第一天
米菲在御茶之水和吉祥寺

為了能參觀總共3次的集英社展覽, 米菲又出發到東京了。
不知何時開始, 一班人去旅行或一個人去旅行, 我都一樣玩得開心。
不過一班人出發, 我就會不給意見, 只要當中有人帶隊就可, 除非一早講明由我計劃啦!
相反, 如果自己一個去旅行就要好好計劃。
去過咁多次東京, 已經有每次必去的地方, 也有每次必食的東西。
平時看報紙的旅遊專欄, 會剪下想去的地方的報導;
觀看電視的旅遊節目, 又會記下想去的地方;
把這些收集再加進自己的行程中, 已經係好豐富的旅程了。

在九龍站check-in, 然後經鬆到機場食M記, 機場食店的地方好像永遠都變成裝修狀態。
8:45am準時起飛, 下午2點幾已經到達成田機場。不過拿完行理及過海關, 都會變3點,
坐最快的skyliner, 4點才到達京成上野了。
今次決定住近D秋葉原一帶, 所以住APA Hotel Ochanomizu-Ekikita,
中文叫APA御茶之水站北酒店, 5分鐘路程已經可以行到秋葉原的範圍。
酒店設備都很好, 只是住後發覺從這裡出發到各景點, 交通不及上野方便。

5點幾先食野, 來一客燒鰻魚飯, 就是平時都吃到那種, 滿足。
時間不多, 就快閃去吉祥寺, 去探探Miffy專題店就好了。
吉祥寺的Miffy店, 每次都買得好開心, 因為店是連著其他品牌一起如sanrio等等,
一般職員都不留在miffy 店, 顧客還要行到sanrio那邊付錢,
所以在Miffy店留連, 可以慢慢睇。
這是Miffy陪著米菲的一個晚上! (呢句簡直好有深度, 我陪著我的一個晚上)

>>February 7, 2019 at 5:03:13 PM GMT+8

2018 年 3 月 28 日 星期三 【晴】

3月沖繩之旅第六天



一早起床, 再浸那個人工溫泉。
我們寄存好行理, 9點出發吃breakfast, 原來這些地方雖然係城市,
但可以選吃breakfast的地方其實唔多, 好多都未開門。
最後只找到A&W, 早上其實我唔係咁ready食薯條,
但偏偏這店就全日都係賣同樣的東西, 所以就變成飽加薯條加咖啡做早嚏C

妹妹一家行國際通街道, 媽媽通常留力, 就不重復行國際通街道。
正好, 米菲作天留意到附近的商業大樓, 有間叫Ryubo的百貨,
就坐落在國際通前, 於是和媽媽走進去行, 坐下行下。
正好裡面有北野武的畫展, 其實媽媽因為有追看恐怖醫學, 所以也認識北野武。
不過米菲又無問媽媽想唔想睇畫展, 所以只在他的大海報合照。
後來我問媽媽想入畫展嗎? 她說無所謂, 老人家說的無所謂,
也未必真係無所謂, 只係想遷就大家。
媽媽今次旅程買到喜歡的手袋, 食品, 及給朋友的手信, 她也很滿意。

行完一段時間, 我就找地方給媽媽休息, 然後自己再出發行百貨。
這Ryubo其實隨左百貨, 還有唱片店和書店,
今其大推Namie Amuro的告別精選, 其實在日本買幾抵, 不過以前買過她的精選了。
反而睇睇下唱片, 突然想起新桓結衣的專輯, 因為她是沖繩人,
不過好耐無出新專輯了, 問店員找以前的專輯, 竟然賣清。
不過以前聽到結衣BB的heavenly days, 都已經係10年前以上的作品了,
依家聽番都一樣好聽。
與媽媽一起在書店睇陣書, 就會合妹妹去食blue seal的雪糕, 好打發剩下時間,
因為我們接著出發機場了。

坐monorail 去機場的確方便, 我們在機場見到Onigiri Breakfast,
所以午飯再食飯團, 4點上機, 告別沖繩了。

妹妹這次旅行安排很好, 無論住宿和行程都好。
飲食方面, 妹妹就傾向食貴野, 不過一家人, 可以食好D坐得舒服D也好。
行程讓希希可以去到好多公園, 媽媽又可以好遊閒, 輕鬆不太緊密, 好舒服。
酒店位置和質素都好, 多謝妹妹的安排。

米菲對沖繩的感覺好特別, 主要係唔覺自己在日本玩,
其次就係好渡假的感覺, 特別係6天都和陽光玩遊戲。
如果說特別喜歡的地方, 係瀨長島, 其次係美國村。
另外, 好多年無開車, 覺得自己的駕駛技術差左, 而且7人車太難拍位。
不過, 我都好享受在沖繩開車。
去左日本多次, 終於來到沖繩, 好好體驗了。

>>February 7, 2019 at 4:05:35 PM GMT+8

2018 年 3 月 27 日 星期二 【晴】

3月沖繩之旅第五天


早上起來再享受溫泉和自助breakfast, 今天要告別這酒店了。
在酒店的沙灘玩耍, 主要是和她們拍照, 米菲成為了攝影師, 在這陽光下, 拍什麼都美。
下一站海中道路, 途經一個公園, 看見很多小朋友, 還有很斜很高的滑梯。
我們於是停下來, 鼓勵希希一起玩這滑梯。
可能是斜度太斜, 希希唔敢滑下來呢!
我也佩服日本的家長, 敢讓小朋友玩這種滑梯, 梯是石造, 下面只得沙。

11點已經到達海中道路, Kaichu-doro Drive,
如遇上退潮, 記得泊好車, 走進沙灘, 這時會出現水淺, 超美的沙灘,
100分的沖繩沙灘, 在那裡漫步, 吹著海風, 有籃天, 有海浪, 好舒服。
只是太陽很猛, 玩半小時好夠了。
海中道路途中還有個海之文化資料館, 主要介紹海中道路的歷史, 和賣紀念品的店, 但沒有什麼特別。

1點來到泡瀨漁港, 是open air food court 形式,
我們各自選喜歡的, 再共享一份海老天婦羅和一份魚生,
米菲和媽媽都是點了芝士龍蝦定食, 每人有半邊龍蝦, 配一份魚生, 和白飯及湯。
加上再買的海老天婦羅及魚生, 好食呀!而價錢仲好平。
在這裡還可買點乾貨手信。
整個泡瀨漁港可供遊客的面積不大, 但米菲喜歡這種氣氛, 吹著自然風, 好舒服。
或釭╳L來這裡吃飯就會太熱了。

接著到了Aeon Mall Okinawa Rycom,
主要是到此一遊, 我們都沒有東西很想買。
米菲發現裡面有pokemon store, 就買點限定紀念品吧!
和媽媽吃donut等妹妹一家, 讓媽媽休息一會。

來到中城公園, 這裡可以話是兒童樂園,
應該是我見過最美的兒童公園, 好多遊樂設施,
我和媽媽坐在草地休息, 遠遠看著希希玩耍。

接著來到國際通, 由於日皇也是這段時間到了沖繩,
所以道路旁都佈滿國民, 在搖著旗等日皇經過, 很多人,
但也顯示出日本國民好有品, 完全唔阻道路, 交通也不覺得有麻煩。
我們開車先到酒店check-in, 放下行理。
然後米菲和妹妹去還車, 再坐monorail 回酒店會合大家。
最後一天, 我們不開車, 因只留在國際通一帶。

晚上8點左右, 我們到居酒屋吃晚飯, 食物一般。
國際通的店鋪, 賣的東西很重複, 沒係好吸引我。
不過路旁都有長倚, 讓媽媽可以行下又坐下。

酒店叫Almont Hotel Naha-Kenchomae, 以日本酒店來說, 房間都算幾大。
位置很方便行街, 不包早嚏C
有個人工溫泉, 很普通, 但衛生做得不錯。

>>February 7, 2019 at 4:02:11 PM GMT+8

2018 年 3 月 26 日 星期一 【晴】

3月沖繩之旅第四天


7點半起身再浸溫泉, 再享受自助breakfast.
10點到達海中公園, 這公園的海中展望塔和玻璃底船, 都好好玩, 好好的體驗。
和希希在石頭上, 拍了一張少女的祈禱相片, 超好笑。
海中公園是必要來的, 也必要早來, 太陽好猛烈。

12點半來到大家, UFUYA吃午飯。等位大約25分鐘左右, 就可入坐。
大家這店是傳統的琉球料理, 而且是百年老店, 晚上來吃的話, 應該好難有位。
午飯有定食, 米菲點了阿咕豬蕎麥麵配迷你什錦飯, 來平冰凍可樂, 好味。
大家這裡, 聽著小橋流水聲來用膳, 好正。
之後在附近的Cremia食軟雪糕, 好重奶味, 這天氣下, 溶得好快, 美味。

下午3點來到Dino Park, 主要是為希希來這裡, 我也盡力投入去玩,
嘩恐龍出現了, 好驚驚呀!
4點半來到名護鳳梨園, 中伏, 入面睇菠蘿的品種, 不太真實的菠蘿田,
最後就是買菠蘿產品的店, 加工的食品手信太甜。
唯一可取是有兩段坐遊覽車的環節, 可以讓老人家和小朋友坐下, 休息下。
如時間有限, 不值得花時間來。

晚上繼續吃烤肉, 今晚食日本和牛, 叫了幾種, 食左3萬yen 左右,
較作天的店便宜, 味邊差不多, 都美味。

今天晚上當然也浸溫泉, 也洗滌自己心靈, 享受那份安靜。

>>February 7, 2019 at 4:00:37 PM GMT+8