2019 年 6 月 16 日 星期日 【陰】

反對修訂逃犯條例


又過了一天, 這個政府真係好差, 差到唔識點樣作回應嗎?

1, 沒有清清楚楚回應徹回修訂逃犯條例,

2, 香港警察以後改名香港黑警
有足夠資料顯示警方對手無寸鐵的人動用暴力, 像暴徒打人一樣, 繼續不承認不道歉, 就等如全部都係黑警,
以後都用黑警稱呼香港警察, 香港最自豪係, 我們有香港黑警。要怪就怪你們的同事真係有打人, 你們的一哥不知所謂, 記住他叫盧偉聰, 今晚仲改口, 又話唔係暴動了, 黑警首領盧偉聰。

3, 醫管局高層講大話

4, 高官的變臉好肉酸, 由強烈支持修訂逃犯條例, 變成林鄭你應該尊重市民出來道歉, 其中一個就係葉劉, 你收皮啦!

5, 希望大家在街上見到民建聯黨員, 就盡情鬧他們, 見到有街站, 就走埋去鬧, 下次選舉要重挫他們。

6, 關於創傷後遺症, 原來好多人事件過去情緒激動後, 不能回復過來, 失眠已經係小事,
他們會把情緒帶到生活中, 經常哭等等, 那麼, 就真的要找人傾, 見醫生了。
其實中, 生活中, 都要懂得抽離, 即使最後沒有徹回, 但世間還有很多美好的事物, 而且, 可以用其他方式抗爭下去呢!

米菲會繼續關注事件, 禱告
又夜訓了, 明天要加油, 繼續學習去愛!

>>June 17, 2019 at 5:48:37 PM GMT+8

2019 年 6 月 15 日 星期六 【晴】

反對修訂逃犯條例


又過了一天, 今天中午12點就集合食午飯, 準備一同出發遊行。
到天后進入維園起步, 好不容易才能離開維園,
去到天橋迫左上去, 又好不容易在另一邊落返橋

知道sing未必頂得住, 所以進入M記小休食點東西再出發,
最後得我同cherry繼續走下去, PC就和自己朋友出發走完,
終於行到8點才離開。

事實上, 我覺得行到幾遠, 行到幾耐, 不重要,
有很多朋友都不能進入維園出發, 又有很多朋友未能行到政總, 又何妨,
只要帶著那份心情, 走出來行就可以了。

感謝神, 今天的天氣, 太美好了, 陰天帶著少少陽光, 有微風, 唔算好熱。

上星期遊行, 米菲不在香港, 今次能參加,
看見年紀少少的人很多, 欣賞你們走出來發聲。

米菲由於在起步收到單張, 寫著:學生沒有暴動,
我相當同意, 所以全程我多數都舉著這單張,
同事話你不累嗎? 我話少少啦! 我話我有時會換下左右手去舉起單張。
但我又真係好想竭力舉起行下去, 好想支持學生
就是學生真的沒有暴動。

遊行的秩序很好, 不幸有33人不適,
其中一人危殆, 希望她捱得過, 唔好有事, 唔值得為呢個政府......

是200萬人, 或是40萬人, 又如何, 總之是上次2倍。
足夠發出我們的訴求, 讓全世界明白。

特首晚上沒有親自出來回應, 只發新聞稿,
你都冇誠意, 那就求其啦, 我都費事重覆她的內容。

總知沒有徹回,
沒有為開槍道歉, 仍然是一個暴動,
沒有下台, 也是當然沒有, 反正沒有真普選, 下台的話, 下個上來咪又係一樣。

如果這樣, 要專注將民建聯踢出議會, 這個是下次選舉投票的關鍵,
一人一票踢走他媽的民建聯黨員,
我做不到, 我們一齊做得到,
那怕是幾個議席, 都要搶過來,
米菲沒有政黨, 政治立場只是要反民建聯, 很明確。

夜了, 希望大家都平安, 為你們還在街上的禱告!
即使寫了日記, 我思緒還是沒有整理好,
好想支持罷工, 但不想無責任地把工作推給人, 相信好多人都一樣, 明天要早起上班了。

>>June 16, 2019 at 5:29:10 PM GMT+8

2019 年 6 月 14 日 星期五 【晴】

反對修訂逃犯條例


又過了一天, 今天在中午打掃屋企的時候, 知道下午有特首林鄭的記者會,
就繼續打掃等候, 知道係下午3點後, 就等著這個記者會。

內容不想花時間記下, 因為沒有多大意義。
起初, 心情有點平復係真的,
因為, 起碼覺得近幾天大家的同心, 讓條例不會即時修訂。

直至有同事問我, 聽日仲行唔行,
我就再思考一次, 詳細回覆各同事, 讓我和大家都一同再思考,
我是那樣回覆:

其實遲D再傾, 跟住到時就話已經有足夠諮詢, 跟位就再推, 然後通過。
第一, 沒有撤回
第二, 沒有為開槍道歉
第三, 沒有下台, 如果道歉, 下不下台, 其實我唔係太在意
所以
我會繼續以和平方式表達意見, 今日唔行, 將來想行都冇得行, 除非大會自己取消。
香港前面的路好難走, 難得有多人同行, 大家都要加油。

多謝大家的回應及分享, 我們都要加油。
看了幾個評論, 當然, 大家都唔收貨。
她用這方法想打完場, 無疑會滿足到本來就企在她那邊的人, 這些人就會繼續支持她,
因為呢個世界本來想法就佷多,
例如, 仲有好多人覺得修例跟本沒問題。

我覺得恐怖反而係, 好多有影響力的人, 例如商界及明星等等, 大部份都沒有發聲。
雖然大家都會講, 生意人及明星賺人仔, 點會出聲呢! 點敢得罪內地等等。
其實, 呢班名人不敢或不能在社會自由發聲, 本身就係好恐怖的事。

如我上次看達明一派演唱會, 一個廣告都沒有, 其實好恐怖。
什麼沒有人敢得罪內地, 係一件好恐怖的事實。

另外, 多謝我阿媽, 好早就看清楚呢班狗官,
好早就鬧民建聯、保皇黨, 鬧了很多年。
我叫她留起報導民建聯每個黨員的報紙, 認得每個名字每個樣,
時候一到, 要他們還年青人一個公道。
是的, 你們所作的, 將來都要還。

本來, 作為一個基督徒, 不應該有這種仇恨。
即使近幾天的哭, 我都提醒自己不要過份激動, 要用和平的方式抗爭下去,
但對著這班狗官, 及你們的奴才民建聯, 我要你們向年青人道歉。

想起來, 下次區議會選舉, 如果可以發動反民建聯大行動,
一人一票將他們踢出議會, 都唔係冇可能,
只要大家夠齊心, 一見他們派傳單就鬧, 在自己住的社區推反民建聯, 唔知可唔可行呢!

明天遊行, 希望都遇上大家, 加油!

>>June 15, 2019 at 5:19:05 PM GMT+8

2019 年 6 月 13 日 星期四 【晴】

反對修訂逃犯條例


又過了一天, 天陰變成天晴,
連日來的雨天, 令人更加珍惜到、感受到今天那份陽光。
事件也似乎有一點晴朗了,
但不敢鬆懈, 要繼續以和平方式抗爭。

多謝溫哥華的弟兄姊妹, 你們來緊星期日也一起祈禱。
多謝世界各地的聲音, 我不會猜想太多政治陰謀, 只是單純多謝你們為香港人出一份力。
多謝今晚聽到的香港媽媽, 多謝你們出來為孩子發聲。
多謝很多傳媒如電台電視網台的忠實報導。
多謝每一位記者。
多謝很多學者的講解, 讓我們認識逃犯條例的可怕。
多謝每位穿著黑色衫的支持者。
多謝很多出來發聲的教會及宗教。
多謝幫助救助的醫護人員。
多謝還有良心的警員, 我等緊你地誠實走出來, 反過來保護示威者, 和我們一同遊行。
多謝我身邊的同事及朋友及弟兄姊妹, 有你們一同去爭取, 我的信心更大。
感謝神, 這一切!

星期日, 我們繼續和平發聲!
主耶穌, 求你保護我們, 讓你的愛充滿我們及敵人的心。
我是米菲, 我的嘴一向都是交叉, 原來, 我天生就要對逃犯條例說不。

>>June 14, 2019 at 6:29:59 PM GMT+8

2019 年 6 月 12 日 星期三 【陰】

反對修訂逃犯條例


又過了一天, 心情仍然難以平復
由作天到今天, 也數不到哭了多少次, 我還是很眼淺的米菲

年青人, 多謝你們!
會繼續為你們打氣, 為你們禱告!
前線的各位, 多謝你們!
會繼續為你們打氣, 為你們禱告!

看見你們受傷, 心裡很痛,
看見官員說你們是暴動, 暴徒, 心裡更痛
誰才是暴徒, 看來是這班官員, 這個我很清楚

現在
除了反修訂逃犯條例,
這班政府官員, 還欠大家一個道歉 (雖然無可能)
米菲, 要繼續祈求, 求神改變他們的石心......

以和平的方法繼續抗爭到底。
這只是我的想法及態度, 歡迎大家有自己的想法, 要努力!

我愛香港

>>June 13, 2019 at 5:47:55 AM GMT+8

2019 年 6 月 11 日 星期二 【陰】

反對修訂逃犯條例


今天聽到廣播, 再回想成件事, 就哭了。
感動, 引發情緒有少少激動 , 但心裡平靜下來, 祈禱,
就好想大家堅守和平抗爭, 心裡想著, 只要一有暴力, 就輸.....

結果, 就聽到示威者衝的事件, 然後, 政府就只係開口評擊暴力,
再後來, 事件就被定為暴動, 示威者就變成暴徒。

心裡明白為何年青人激動要衝, 但基於擔心大家的安全,
還是不希望看見大家衝擊警察, 無論市民或警員受傷, 都係受害者,
一個係為爭取, 一個係為職責......

最後, 一個不聽民意的政府, 一班不尊重民意的官員, 就更加令人心傷。
希望今晚和平渡過, 不想再有人受傷, 求主保佑!

>>June 12, 2019 at 2:46:22 PM GMT+8

2019 年 6 月 8 日 星期六 【晴】

2019年6月北海道之旅第五天


Mercure Hotel 的自助breakfast都好好味。
每天都好享受和媽媽慢用, 她可以選自己喜歡的食物。
可能是可以跳出她的生活圈, 因為我媽平時在香港,
食breakfast好重覆, 每天都差不多一樣。
其實, 我都係好重覆。
不要說因為早上沒時間, 其實只是成為了習慣, 就重覆咁食同樣的東西。

上機前, 我們還有時間到北海道市政廳參觀。
因為這段日子, 札幌有祭典, 好像叫索朗祭YOSAKOI.
是組成不同的隊伍, 表演獨特的舞蹈, 互較高下, 好睇。
我們站著看了半個多小時, 好正。
他們好像會跳一整天, 好有氣氛。

午飯是shabu shabu, 其實材料好流,
不過我和媽媽breakfast食好多, 所以根本唔餓。

出發到新千歲機場, 機場好細。
米菲帶著媽媽到國內線那邊行, 真係多D野睇。
下午3點機離開北海道。

訂了一隻毛蟹回家吃, 都算唔錯。
因為自己也經常自由行去日本,
發覺經永安旅行社賣出的海鮮, 也實在太貴, 食水太深了。
如果要留住顧客, 可能要再諗諗膳食安排了。

今次北海道之旅, 最享受是溫泉酒店。
兩間酒店的自助breakfast和dinner都相當出色。
而富良野和美瑛的花田, 有最美的風景。
其中蟹鍋午飯和烤肉放題晚飯就唔合格。
如果比較, 記得以前去縱橫遊的烤肉放題, 好食好多。

P.S. 我最後都沒法把薰衣草波子汽水的波子拿出來, 其實係咪唔可以拿出來呢!

>>December 30, 2019 at 4:24:54 PM GMT+8

2019 年 6 月 7 日 星期五 【晴】

2019年6月北海道之旅第四天
米菲在小樽和札幌


一早起來, 當然是浸溫泉, 才去吃breakfast, 好正!
今日出發去小樽。今天回復好猛烈陽光。

車程都幾長, 中途停車處又是個看點。
唔知點解, 每次在日本, 都好喜歡個中途停車站。
去到小樽已經是11點, 自由時間。
小樽運河真係好靚, 在陽光下, 影相好靚。
拍照熱點, 都幾多遊客, 又會遇上大媽了。

午飯係燒魚定食, 好食的烤魚, 美味。
另外每人有兩只扇貝和硯湯。
我們之前訂了一版馬糞海膽, 是自費的。
都好食, 不過由於米菲不是經常食海膽, 所以沒有得比較。
是否先甜就好食, 不臭就是好新鮮, 唔識。
吃飽又可以在海邊散步。

小樽因為電影情書而出名, 而在這裡住一晚的話,
相信黃昏有另一番景色, 運河兩邊的街燈亮起又有另一番景色呢!
這裡又稱為玻璃王國, 好多玻璃店舖出售杯、風鈴、燈和首飾。
可以睇好耐都得。
而在水晶音樂城, 是一座歷史建築物, 入面售賣過千種不同的音樂盒。
可以行成個鐘頭都得, 真係好靚。

團友都想在小樽行耐D, 不過跟團問題又來了, 這裡的自由時間太短了。
可以想像到, 第一天我們到outlet之外, 其後都是欣賞風景,
所以一回到購物的地方, 大家就會覺得唔夠。

下午4點, 回到札幌。
住番第一天的酒店, Mercure Hotel Sapporo
領隊帶我們到狸小路, 之後自由時間。
媽媽買到喜歡的鞋, 太好了。
狸小路是條購物街, 其實除了藥房和食店, 都唔算好多東西吸引人。
和大板的心齋橋, 東京的商店街比較, 就比下去了。
不過這附近, 米菲, 更有一個地方想去。

今晚6點就吃晚飯, 是吃烤肉放題。
肉類質素一般。
我們之前訂了一隻鮑魚, 今晚食烤鮑魚。
有師傅幫手燒隻鮑魚, 唔算好好食。
晚飯放題只得1.5小時, 太短, 有團友還未吃夠。

回到酒店, 媽媽沖涼休。
米菲就決定自己快閃到札幌的動漫街。
就是先前說過, 如果有空時間, 就試試去。
由於看google map後, 決定步行去, 都要15至20分鐘。
找到animate, book off, 及一間大書店, 都有收鑊。
不過店舖早收, 所以9點就已經關門, 有1.5小時行下都好。
之後, 只有行下藥房。
在Lotteria買份漢堡包做宵夜,
呢間野規定只賣coke zero, 真係飲唔慣, 可樂都是要飲原味才好飲。

>>December 30, 2019 at 4:06:46 PM GMT+8

2019 年 6 月 6 日 星期四 【晴】

2019年6月北海道之旅第三天
米菲在洞爺湖、昭和新山、登別


早上起來, 再浸一次溫泉唔少得。
來個超級豐富的自助breakfast, 出發到洞爺湖。
洞爺湖是日本百景之一, 是個火山口湖, 看他的歷史好有趣。
1970年, 湖水受礦場污染, 導致湖水pH值只有5, 大量生物死去。
1973年後, 為了解決問題, 開始中和礦山廢水。
1977年, 有珠火山爆發, 大量火山灰落入湖中, 火山灰是鹼性, 湖水最後恢復pH7左右。
到底是人工中和廢水的成效, 還是火山灰的效果, 真是一個謎。
講番洞爺湖的風景, 環顧湖一帶景色, 其實又唔算靚。
今天是陰天, 會否影響呢?

下一站去昭和新山, 是一個活火山。
但我們不是為了看活火山, 而是這裡有一個熊牧場。
熊牧場到底是悲劇, 還是保育, 是一個很值得思考的問題?

入面有熊熊幼稚園, 有最細少的熊。
小熊牧場, 只要有食物在手, 牠們和你招手, 還可以接著食物。
大熊, 好驚驚。
仲有個浣熊牧場, 好有趣。
小熊是最吸引人的, 超級可愛。
在紀念品店破費是一定的了。
而所謂的熊出沒注意, 都可以在這裡買到。
起初只是一個警告牌, 後來就用來製造紀念品。

下一站登別地獄谷。
故名思義, 大量火山口噴出氣來, 造成地獄的景像。
這裡是屬於登別溫泉園地, 有5條遊步道可行。
每條大約行10至20分鐘。
我們跟團, 於是只夠時間行這條地獄谷遊步道。
不過, 米菲陪著媽媽, 也不可以行得太多。
還好, 今天到現時為止, 都是陰天, 唔洗爆晒。

剛好12點, 午飯時間, 今日食蟹鍋。
去到一個海鮮市場, 叫蟹御殿, 日文音Kani Goten.
有隻巨熊和巨蟹做招牌。
首先是在一樓選海鮮, 俾錢, 拿著牌子到2樓食堂。
海鮮製作好, 就會直接送到2樓食堂。
團包的食物, 只是蟹鍋, 得蟹腳, 菜和豆付之類。
其實都幾少, 白飯任食又如何, 都沒有肉和菜了, 妖。

米菲和媽媽自費買了兩隻生蠔, 一隻鮑魚。
都唔算大隻, 價錢貴。
呢到要食到好, 又要自費很多, 例如每人加多5, 6百元買海鮮。
我和媽媽breakfast食太飽, 所以不太執著, 不過呢個午飯如果說團包費, 就唔合格。
不過, 個食場環境幾好, 在太平洋的海邊, 食飽在出面海邊行下, 好舒服。

下一站登別Marine Park海洋城堡。
公園設計成一座城堡, 有唔同的表演場地。
水族館, 海豚海獅等表演就唔多講。
最特別係企鵝巡遊, 行到來你身邊, 好好玩。
另外, 沙丁魚水族館亦好吸引。
一萬條沙丁魚, 配合燈光效果, 銀色的魚身閃閃, 很美很美。
P.S. 米菲超喜歡食罐頭沙丁魚。

回到溫泉酒店, 都只是下午5點。
米菲和媽媽就在酒店一帶散步, 直至天黑吃晚飯。
酒店行出去, 還有一條河流或水道, 幾優雅。
周邊還有繩索活動可以玩, 從高高樹屋滑繩下來。

晚飯, 第二次享受這個溫泉的自助美食, 都係咁正。
原來呢間溫泉酒店, 係個叫野口觀光的大集團。
在日本有20個溫泉酒店, 主要在北海道, 有17間。
另外3間在神奈川縣。
因為在自己住的酒店附近, 約7分鐘車程, 就有同集團的溫泉酒店。
所以有shuttle bus免費送去那邊浸溫泉, 同樣, 那邊住客亦可過來享用溫泉。
米菲就出發到那邊, 叫horohoro sanso 霍洛霍洛山莊酒店。

兩間酒店的溫泉設計和風格不一樣。
森之空庭旅館的溫泉大D, 但現代化D, 而霍洛那邊燈光暗, 都看不清室外個場。
但兩邊都出色, 米菲好享受在其中, 好好玩。

>>December 30, 2019 at 4:01:31 PM GMT+8

2019 年 6 月 5 日 星期三 【晴】

2019年6月北海道之旅第二天
米菲在美瑛Biei, 富良野Furano, 伊達市

早上, 享用了美味的自助breakfast,
就出發到美瑛, 位置大概在富良野和旭川之間。
美瑛是以農業為主, 農產品可以用作食品加工,
而木材加工也是重要產業。
美瑛也是拍攝日本廣告的熱點。
其中的四季彩之丘, 就係我地的行程之一。
不過由於季節性, 薰衣草還未到盛開, 應該要6月下旬。
主打係鼠尾草和虞美人, 仲有D花就唔識。
個花田真係幾大幾靚, 可以想像到, 如果當薰衣草盛放時, 應該仲靚。
天氣相當好, 所以影相好美, 不過好Q晒。

草泥馬牧場入面, 真係幾有趣。
米菲買了菜, 給媽媽去餵養牠們。
望住牠們吃東西, 好好玩。

講開草泥馬, 即係羊駝。
南美好多, 但亞洲可能之前沒有, 所以大家都十分好奇。
南美人覺得呢樣我地成日都見到的動物, 他們奇怪點解在亞洲咁紅。
草泥馬唔係羊, 又唔係馬, 應該係駱駝科。
望住牠們一會, 天氣咁熱, 唔係有得食, 牠們應該訓晒教。

午飯係田園風味的日式自助午飯, 日本地道食物, 唔洗多講, 好。
重點係午飯後, 會有任食北海道蜜瓜。
好甜好好食, 甜得來蜜瓜香味亦很濃。
早知午飯再食少D, 再食多D蜜瓜。
媽媽食得很開心, 呢點最重要。

下一站富良野的富田花園 Farm Tomita.
有美麗的花田: 薰衣草以外, 有罌粟花都好靚。
有美好的天氣: 陽光加上雲加上微風。
有美味的食物: 薰衣草雪糕, 又靚又香。
有美麗的人: 米菲站在花田中, 呵呵。

媽媽買了很多紀念品, 很多都是和薰衣草有關。
米菲也買了支薰衣草波子汽水作留念。

離開時, 天色突然轉陰, 還下起微雨, 我們還真夠運, 離開才下雨。
出發到酒店, 在伊達市, 距離登別市很近。
我們住的溫泉酒店在大x區北湯澤溫泉町。
酒店名叫Kitayuzawa Mori no Soraniwa北湯澤森之空庭旅館。

溫泉酒店來說, 唔算好貴, 如果自己訂, 2000蚊一晚左右。
但我們住得相當滿意, 酒店配套設備很好。
酒店設計超靚, 和食堂一樣, 都保留簡約而顏色樸素的感覺, 好美。
位置很偏, 離開酒店, 都只是得一所教堂,
還是屬於酒店, 應該是作結婚禮堂才開放。
晚飯是日式和西式的buffet.
種類之多, 我們吃了兩個晚上, 還未試晒所有。
由於是當地導遊挑選的, 所以只得永安旅行團一團到訪, 其餘都是日本人。
沒有西人, 最重要沒有大媽。

我們一團香港人,
能和日本家庭容合在一起吃飯, 其實唔易, 中國人食相實在太可怕。
可能個食場真係好大, 又經常補充食物, 所以大家都不用急著吃。
沒有出現這情況:快D拎, 一陣俾人拎晒。
米菲真係體驗過, 有次在香港食buffet,
個盤有六件羊排, 我排第二,
點知, 我前面個大陸人, 拎左五件, 仲打算拎埋第六件,
跟住我發聲, 咁後邊D人點, 跟住待應走埋來, 他才不拿走第六件。

食飽後, 休息完就去溫泉。
溫泉環境相當滿意, ,場大, 寧靜, 衛生。
回房間時, 我媽已經睡著了。

一個寧靜舒服的晚上。

>>December 30, 2019 at 3:50:25 PM GMT+8