2018 年 3 月 25 日 星期日 【晴】

3月沖繩之旅第三天



今早告別這間民宿, 9點幾出發到美國村, American Village.
打算到美國村才吃breakfast
剛好10點正到達美國村的Onigiri Breakfast,
妹妹推介這店的飯團, 米菲點了份叫Tonkatsu,
賣點是將飯整成三文治, 我點的裡面有一塊炸豬扒、一塊午嬰蚸M一塊蛋,
味道出乎地好, 配上不杯咖啡, 這份早嶼𢣁样O!
這店的地點就在海邊, 望住個海, 一邊看著及聽著美軍的戰機飛出, 每幾分一架, 好正。
這裡遇上的遊客, 都是外國人和台灣人, 在美國村就有這份寧靜, 再沒有喧嘩了。
吃飽後, 陪著媽媽到處逛, 美國村都幾多野睇, 意外地在這裡買到一D設計好美的T-shirt.
在美國村附近一帶, 發現有另一間無添加迴轉壽司, 於是2點回來吃午飯。
無添加迴轉壽司的賣點, 除了便宜和味道唔錯, 就係有得玩,
壽司可以在迴轉帶上拿取, 還可以用tab點菜, 最後會運送到帶上給你;
然後每吃滿5碟, 只要放進每table都有的食碟機, 就可參加一次抽獎,
可以抽得到食多碟, 又或小禮品, 但不容易抽中。
我們決定吃得最後, 才一次過玩抽獎。
我們吃了45碟, 由希希放進食碟機, 每次坐位裡的電視會播放一段卡通故事,
卡通的故事就係抽獎結果, 例如主角打捧球, 打中全壘打, 當然就代表中獎等等。
成年人覺得抵食, 小朋友又有野玩, 唔怪得這裡等位要咁耐啦!
我們玩了9次抽獎, 2次中, 實在不容易呢!
以性價比來計, 無添加迴轉簡直必要去試。

向北走, 我們來到下一站Nirai Beach,
在這沙灘玩了整個下午, 玩砌沙堆, 只是沒有游水。
黃昏前到了萬座毛Manzamou看日落, 很美。這刻是6點半日落。

天黑前來到我們的溫泉酒店Hotel Miyuki Beach, 還未到7點。
安頓好後, 出發吃名物, 就係沖繩石垣牛和阿古豬,
燒出來的石垣牛, 沒有我想像中那種美味, 反而阿古豬我就好喜歡,
食左4萬幾yen, 雖然好食, 也明碼實價, 但我覺得太貴,
沖繩這區如果是賺遊客錢, 就實會賣得貴。

今晚好好享受溫泉, 房間不算大。

>>February 7, 2019 at 3:57:49 PM GMT+8

2018 年 3 月 24 日 星期六 【晴】

3月沖繩之旅第二天


一早8點我就醒來, 打算預備早懇馱j家。
作天買了兩種和牛, 還有豬扒, 今天早懂N是牛扒和豬扒三文治,
配上鮮奶, 還有草莓、蜜瓜、哈密瓜和菠蘿等等, 是很豐富的早嚏C
廚房設備好齊全, 煎牛扒, 豬扒, 也不算是什麼工夫。
早嶺鼎M牛三文治, 真係好正, 沖繩的水果, 也很出色。
大家還吃了一種便利店買的半熟蛋, 好像有名堂, 妹妹買的, 超滑, 美味。

今早米菲開車了, 心情確實有少少緊張, 真係太耐無開車了。
有老人家和小朋友同行, 我們的行程不會太趕太密。
第一站是浦添大公園, 10點幾陽光已經好猛,
希希來到這公園, 真係玩得好開心, 她爸爸陪著她, 妹妹和媽媽可以傾計,
那麼我就到處拍照好了, 我帶了2個迷你的miffy公仔, 除了為家人拍照,
這兩個公仔就是我拍照的主角了。
公園很舒服, 唯一可惜是那條超級長滑梯維修中。

接著是開車回機場的方向, 向南走。
下一站是西松屋, 是買兒童東西的商店, 什麼關於兒童用品都有, 好好行的店。
繼續向西南方向走, 下一站是瀨長島, Senaga Island.
在瀨長島一帶開車的感覺非常愉快, 我重拾回開車的樂趣了。
享受完公園一帶的優遊後, 多謝妹夫先到A Happy Pancake拿等候票,
妹妹當然到處shopping,
而我和媽媽, 還有可愛的希希, 就坐在一間室外的小食亭,
對住個海嘆飲品、泡冰,
米菲再買來一客long potato的超長薯條, 大家都開始肚餓了呢!

我們都走到A Happy Pancake 店前, 相信好快有位了。
點了4份, 分別是紅苺、香蕉、雜果、巧克力。
全部都好食, 主要係因為個pancake本身好soft好香, 所以跟本點配都得,
我反而覺得配料搶走pancake的香味。
在望住個海
4個成人1小朋友order 4份pancake本來正常, 但因為剛吃過泡冰,
媽媽又吃得少, 在好食情況下, 我們都食剩。
下次order 要想清楚, 不要浪費任何食物。

離開瀨長島後, 再向南走, 來到豐見城outlet, shop 呀!
衣服我就不打算在沖繩買了, 因為5月會去東京。
這裡有Toda books 戶田書店,
書店好大, 好好行, 好多日本漫畫, 雜誌等等。
行完一輪, 由於妹妹一家真係好多野shop,
於是米菲和媽媽就到豐見城的無添壽司等位,
到竟然6:45PM拿你等候票, 時間是9PM先有位,
即係要等2小時, 反正媽媽想坐下, 我倆就坐低等。
1小時後, 妹妹回來, 我們還沒有任何進展,
最後決定放棄等位, 改回作晚在宜野灣市的大山, 那裡的food court食沖繩烏東,
味道一般。
看來大家都疲累, 而米菲今晚開車都有一次危險動作, 轉彎時有驚無險,
晚上可能太疲累, 轉右入彎時好像扭早左, 好在無意外。
不過我也算是開車很小心的人, 係安全至上。
在豐見城至晚上10:00才回民宿, 今天好疲累, 好滿足的一天。

>>February 7, 2019 at 3:53:03 PM GMT+8

2018 年 3 月 23 日 星期五 【晴】

3月沖繩之旅第一天


米菲與媽媽及妹妹一家遊沖繩6天, 全程由妹妹安排。
其實, 米菲近年都刻意為媽媽安排旅行, 讓她生活豐富一點。

坐11點25分的香港航空, 下午3點到達沖繩的那霸空港。
飛沖繩需要2個半小時, 飛日本來計, 是最近的地區了,
相對飛東京要差不多4個半小時, 所以丕經不覺就到了。
出機場後, 步行到鐵路的那霸空港站, 車站口就有個寫著“日本最西端的站”的標記,
米菲在日本最西邊的車站, 由於經常搭火車及地鐵遊日本,
所以對車站有特別愛好呢!
這個標記, 也標記著米菲的沖繩旅行正式開始。
其實關於旅行一點點, 也可以分享一下,
只要認為旅行是踏出門口的一刻就已經開始了,
就所有等車等飛機時間, 都成為旅行的一部份體驗,
那麼, 心情就變得更輕鬆, 更有耐性。
所有等候的時間也不怕了。

坐空中鐵路monorail單軌電車, 到omoromachi station先拿車,
是避免了在機場一帶塞車的可能。
妹妹租了一架7人車, 我們一行5人剛好坐得舒適。
雖然以前留學加拿大有開車, 而且駕駛紀錄良好,
但已經是很多年前的事, 加上成家人坐我開的車, 仲要是巨大的7人車,
真係有D驚。
妹妹預計將來會成日開車遊日本, 相信她很想有多D開車經驗,
將來可以自己開車, 一家遊日本, 妹夫是沒有車牌的。
有我坐在旁邊, 妹妹開車我也放心, 也好, 讓她多點在日本開車的經驗。

一路開車向北走, 因我們住的民宿是在浦添, 大約是接近沖繩的中部。
米菲是方向感也不好的人, 所以是倚賴自動導航, 在提醒妹妹那裡要準備轉彎。
到了民宿, 是兩層的樓宇, 有3間房, 可以住6個人。
我們分好房後, 稍微整頓好, 就出發到附近的商場, 在Ginowan convention center附近, 在宜野灣市的大山, 開車好快就到。
晚飯在裡面的和風亭吃定食, 之後超市買明天的breakfast的材料, 還有水果。

妹妹的女兒希希喜歡和我玩, 晚上還好, 她很疲累和她爸爸一起睡著了,
如果唔係, 我實訓唔到呢!

>>February 7, 2019 at 3:50:22 PM GMT+8

2018 年 1 月 16 日 星期二 【晴】

Dolores O Riordan 死了


今早聽新聞, 聽到這個很令人傷心的消息,
就是The Cranberries女主音 Dolores 在英國倫敦Park Lane希爾頓酒店內猝死.....

米菲一直希望自己是聽錯, 後來還是確定是個事實, 很傷感。
還記得第一次聽大碟Everybody Else Is Doing It, So Why Cant We? 的喜悅,
之後下面每張CD都買下了, 而且都好聽,
No Need to Argue
To the Faithful Departed
Bury the Hatchet
Wake Up and Smell the Coffee
Roses

最近一張叫Something Else就沒有買了, 看來都要快快買回來, 再懷念一番......
只有46的你就離開了, 很想一直聽你的歌, 很希望年紀老邁時, 還能買你新推出的唱片

還記得第一次在加拿大溫哥華看The Cranberries 演唱會是在PNE Stadium,
那時, Dolores穿著紅色外衣在彈鋼琴一幕好正.

之後在香港也看了他們2次演唱會, 除了Suede, 真係好少外國樂隊米菲可以睇咁多次他們的現場演出。
The Cranberries 是繼U2後, 愛爾蘭最偉大的樂隊。

Dear Dolores, May you rest in peace

>>January 17, 2018 at 3:25:08 PM GMT+8

2017 年 12 月 31 日 星期日 【晴】

新一年就開始努力了


今天好好安排去經營我的小生意, 過去一年成績不錯,
今年, 米菲要努力呀!

本來晚上留了時間和朋友食放題, 其實唔係真係好想出去,
因為想留在家中休息, 收拾心情明天上班, 然後覺得晚上留在家中看叱忖]不錯。
不過, 後來其他人決定改下星期, 那就最好不過了。

每年1月1日, 米菲都會睇叱汝祩繒{獎典禮,
覺得好好睇,
今年米菲投的3票,
我最喜愛的組合: Supper Moment
我最喜愛的男歌手: 陳柏宇
我最喜愛的女歌手: 方皓玟
全部中晒, 真係好開心, 當初組合是投給達明一派, 不過入唔到5強。

開場時, 謝霆鋒的出場, 真係好勁, 氣氛很好。
而李克勤得到男歌手金獎, 真係實至名歸。
樂隊得的獎項貫穿了整晚, 實在太好了。

希望 ViuTV 每年都直播,
新一年, 米菲也會繼續支持好音樂!

>>January 1, 2018 at 5:41:44 PM GMT+8

2017 年 12 月 30 日 星期六 【晴】

除夕的一天


在2017年結束前, 米菲好刻意希望完成一直未有完成的事,
或者係有個念頭, 但沒有做好,
所以打從12月開始, 就好好安排了。
除了主動約好朋友食飯, 好好為媽媽安排活動, 就係讀喜歡的書。

到了今天, 就是去探爸爸,
米菲坐在爸爸臉前, 一粒一粒粟子為爸爸脫外殼,
讓爸爸好好享受這食物。
雖然和爸爸的話題不多, 但還是希望可以抽時間陪伴他。

今天, 也積極去找水木茂老師的一套4本的漫畫, 內容係寫日本昭和時代的歷史。
呢4本漫畫, 雖然話係4本, 但係是4本字典咁厚。
水木茂老師是在2015年離世, 他最出名的作品也相信是鬼太郎了。
不過老師的作品昭和, 一直都冇人翻譯成中文, 直至今年, 才有台灣出版社,把它譯成中文,
米菲也在今天找到了第一至四集全套, 買下了, 太開心找到好書。

今天, 也看了今年其中一套好想看的戲, 就是Wonder, 奇蹟男孩。
回到家中, 收拾由8月到今天的戲票, 原來不經不覺也看了11套戲,
如果計埋睇碟, 可能多得很, 不過米菲還是希望在戲院看電影, 因為等不及它製成碟。

Annabelle: Creation (詭娃安娜貝爾: 造孽)
米菲其中一套很喜歡的鬼片系列, 講Annabelle的來源, 好緊張的一段故事。

Hitmans Bodyguard (保鏢救殺手)
淨係睇Samuel L Jackson的演技都好好睇, 仲要做殺手, 故事就好一般。

Tokyo Ghoul (東京喰種)
漫畫動畫變真人版, 動畫好睇好多。

The Dark Tower (黑魔塔)
因為喜歡Stephen King的小說故事, 所以去看, 但唔好睇, 好差。

IT (小丑回魂)
同樣改編自Stephen King的小說, 好睇, 好喜歡那種氣氛,
一隻捉小朋友的怪物, 每18年就會出現, 等緊續集。

Blade Runner 2049 (銀翼殺手)
睇完都冇乜感受感覺, 咁係咪等如唔好睇呢!

What Happened to Monday (獵殺星期一)
有意外驚喜, 都幾好睇。

Justice League (正義聯盟)
只係想睇扮演Wonder Woman 的 Gal Gadot,
雖然呢套戲影評好似一般, 但係老外英雄片, 一向都是地球危機發生, 打一輪去解決.....
米菲覺得好有娛樂性, 幾好睇。

Murder on The Orient Express (東方快車謀殺案)
好好睇呀, 故事出色, 演技一流, 因為米菲未看過小說, 所以故事的發展很吸引我, 正!

Star Wars: The Last Jedi (星球大戰: 最後絕地武士)
都係因為星戰的情懷, 所以會繼續繼續咁睇下去, 無震撼及新鮮感, 但都算不錯。

Wonder (奇蹟男孩)
不停觸動觀眾的一套電影, 故事其實好簡單, 電影帶出來的意思其實也不是新鮮事物,
但偏偏就能打動你, 導演很出色, 演員演技一流, 好好睇。

如果要我選今年最喜歡的電影, 應該係如下幾套: 排名不分先後, 剛好有十套
La La Land
Life 外星生命
謝謝你, 在世界角落中找到我
Sword Art Online 刀劍神域
一念無明
Alien: Covenant
Wonder Woman
Spider-Man Homecoming
Murder on the Orient Express
Wonder

新一年希望睇到更多好戲。
2018年, 米菲一定要再進步, 不算有很好的計劃, 但會好好去實行, 明天開始。

>>December 31, 2017 at 4:42:57 PM GMT+8

2017 年 12 月 19 日 星期二 【晴】

好友飯局


好耐冇見米高, Isabella, 和秀麗了。
今晚我們在outback 來個晚飯,
大家好像說個不停, 太多野可以互相分享了。

我們食左3小時都有, 就係要outback 呢類曙U,
先可以咁自由慢慢坐, 但今晚, 亦發生了一件不可思議的事,
就係, 隔離冇幾遠的一張table, 竟然坐左一個和princess Josephine 一樣外貌的女仕,

終於, 米菲引唔住問, 隔離的table 那個是否Josephine, 因為真係好似, 只是冇戴眼鏡。
這時, Isabella用吨@貫語氣答我, 你都覺呀!
呢個世界竟然有和Princess Josephine咁相似既人。

雖然米高好努力在生活中delete Princess Josephine,
但Princess Josephine 始終在他的生活中出現, 真係好邪門。

而米菲周不時講講下野, 又望過去Princess Josephine 的方向,
Isabella當然又不其然咁望,
終於, 秀麗亦用吨@貫語氣說, 好啦, 唔好再望啦,
諗起都好好笑,
同大家食飯, 人生真好玩!

>>December 31, 2017 at 2:33:01 PM GMT+8

2017 年 10 月 29 日 星期日 【晴】

米菲又入廠了


5年前患了個小病, 但需要做手術,
自己一條友入浸會醫院, 因為唔想家人掛心。
是開刀手術, 也是米菲的第一次, 所以當時候係有害怕。

過了4年後又再復發, 即上年復發了,
米菲又一條友再入浸會醫院, 今次不幸遇上一個不好的醫生,
用左個現在已沒有人這樣做的手術幫我做, 一個月之後就復發。
換個角度係白白捱一刀。

因為做左2次手術, 所以唔想再做第三次,
米菲也如常生活, 工作和旅行都照常,
唯獨隨著時間, 這病只會加重。

到了今年10月, 終於鼓起勇氣去做手術,
當然也因為遇上了一個好醫生,
他也是唯一一個幫我用微創做這個手術,
所以只係在身體上開左三個1cm的洞,
就可以完成手術。
其他醫生係因為我之前做個手術, 所以不會用微創幫我做。

10月29日晚, 我對家人說明天下午我會入院做手術,
住一晚就出院, 今遲講主要係唔想家人擔心。

10月30日, 一條友走進聖保祿醫院,
成日經過聖保祿學校,
但今次係第一次入聖保祿醫院,
B座大樓重建了只是3個月, 所以病房及設備都好新好靚。

手術本來下午5點做, 突然醫生早到, 話要改4點,
心想越早做完, 就越早可以食野, 而且等待的心情真是不好受。

手術相信用了個幾小時, 在手術室麻醉藥開始散去時,
隱約聽到醫生話手術好成�
跟住又訓了。

下一次醒來已經在病房了, 晚上醫生再來探我, 再說手術好成�
明早可以出院。
太好了, 和預期一樣順利, 感謝神帶來的平安。

在家休息了一星期, 就正常上班。
米菲只提醒自己呢個月工作不要太操勞, 其次生活上都回復正常。

過了一個月後, 復診時醫生說如果一個月唔復發, 應該安全了,
對我說如果想做運動, 可以做番運動。
雖然醫生咁講, 但係米菲還是希望三個月時間後, 才考慮做運動。

希望呢個病唔會在我人生中再次出現啦!

>>December 31, 2017 at 2:11:52 PM GMT+8

2017 年 9 月 26 日 星期二 【晴】

9月東京之旅第七天
米菲在秋葉原




今天得半天時間, 計劃去的地方都去晒, 所以決定留在秋葉原半天,
上野和秋葉原, 漸漸成為我在東京最喜歡留連的地方了。

由於自住的酒店好近JR御徒町站, 所以先行到JR御徒町站, 再搭一個站就到秋葉原。
就算行去都係半小時之內就到, 所以喜歡住在上野。
至於點解唔住秋葉原, 下次可以考慮下。
在這裡消磨時間特別快, 漫畫、CD、電玩、figure, 真係好豐富。
午飯再食多次元祖壽司, 回味一番。

下午3點回到上野拿行理, 坐skyliner到成田機場,
晚飯在機場食叉燒拉麵, 當然唔係咁好食, 純為了醫肚。
在免稅品店繼續買, 主要是買Royce做手信。
暫時覺得HK Express 7:15PM的回程機最適合, 因為回到香港係11:00PM,
如果像今次遇上行理延誤半小時, 11:40PM可以離開機場 ,
回到家12:30AM, 次日返工冇問題。

米菲慶幸自己是在國慶前去東京, 否則可能航班被取消。
今次7天旅程, 只有1天落雨。在9月下旬出發, 氣溫適中好舒服。
不過日短夜長, 6點幾就黑齊, 米菲喜歡日光時間多D。

近年去左三次東京, 東京都的地方去左好多,
但東京實在太大了, 加上近郊地方可以去,
所以還是很期待下一次的東京之旅。

>>November 17, 2017 at 3:54:25 PM GMT+8

2017 年 9 月 25 日 星期一 【晴】

9月東京之旅第六天
米菲在深大寺, 吉祥寺, 高円(圓)寺, 秋葉原




今天第一個去的地方是深大寺, 主要為了見鬼太郎, 同埋食蕎麥麵。
JR上野站乘JR山手線到新宿, 轉京王新宿鐵路, 坐京王線到調布站,
出站後向西武方向走, 先去天神通商店街, 這裡有少量鬼太郎模型像。
有鬼太郎, 鼠男, 貓女, 和一反木綿等等, 已經是調布站全部的鬼太郎景點了。

要看更多鬼太郎, 就要繼續旅程了。
在Parco門口, 坐(調34)巴士到深大寺,
這裡有段少插曲, 巴士到達時, 米菲就跟隊上了車, 點知原來這站還有另一線,
就在巴士即將開出前, 米菲發覺了, 就告訴車長自己是去深大寺的,
這是第一次迫自己講日文, 諗起都好笑。
車長很好, 架巴士又好pro, 他按了一個退錢制, 錢幣就跌出來, 就是這程車資。
到了搭下一班車時, 唔知點解呢班巴士冇顯示, 後面個大媽叫我落車, 點知就早左一個站落車,
我和日本大媽一同下車, 巴士開走了, 大媽就想起早左叫我, 我話唔緊要, 行下都好。
呢個站叫神代動物園, 行去深大寺都好近, 而且可以順便周圍行下。
不過今天真係有點不順, 哈哈。
人生也和這個旅程相似, 會遇上不順景的時候,
無論是自己招徠或別人影響的,
這時候能樂觀積極去面對, 是關鍵, 也讓你可以有快樂的人生。
雖然朋友說我好少發皮氣, 但米菲知道自己有時也有情緒, 容易受環境影響,
但今天心裡郤沒有因為搭錯車落錯車而不開心,
米菲要把這精神帶進生活中......

步行了15分鐘到達深大寺正門, 是免費入場, 有職員或是當地義工介紹深大寺, 並送上地圖。
米菲看見鬼太郎茶屋好開心, 茶屋好多拍照點,
總算有番D份量, 調布站那邊真是太少鬼太郎了。
茶屋裡可以坐下吃東西, 也可以只看精品, 每件精品我都好細心去睇。
其實鬼太郎tee都幾靚, 但係心儀款式賣晒, 其他款式圖案又太過誇張。
最後買了幾張鬼太郎明信片, 設計好美。

有介紹指“門前”這店的粗碾蕎麥麵好食,
米菲就來一客, 粗碾蕎麥麵特式是較一般蕎麥麵粗糙, 口感較實在,
另外, 還會送上一份soba soap, 就是剛才煮熟蕎麥麵的熱水, 飲上有份淡淡的麥香。
米菲還是第一次品嚐這種傳統食法。
還點了一份野菜烤餅, 好香好好味。

雖然好飽, 為食之下, 又在大媽的小店買了個蕎麥包, 有5種口味, 米菲選了紅豆。
是放在蒸籠裡, 味道和香港酒樓食的蒸包一樣, 沒有特別。

在深大寺行完後, 最後發現裡面有一間動物靈堂, 有幾個日本人來參拜,
雖然是動物靈堂, 但這裡糧]和人的沒有太大分別,
唯獨看到文字和相片後, 可以感受到主人對寵物的愛,
米菲看著牠們的紀念碑, 就想起小狗momo,
Mo, 有一天我們一定再相遇, 我想念妳!

下一站吉祥寺
去到深大寺門口找到小田急巴士的站, 找到(吉04), 是直接去吉祥寺的, 等了15分鐘左右有車。
到吉祥寺的車程都是20分鐘內, 在JR吉祥寺站門口下車,
穿過JR站到南口, 就會到口琴橫丁,
雖然飽, 都好想食SATOU 的炸和牛肉丸, 上次試過好喜歡,
排隊是必然的了, 15分鐘就到米菲了, 今次買了兩粒,
走到姆明飲品店買了杯Royal Milk Tea,
米菲就坐在商場Coppice 的露天廣場享受一下。
在露天茶座的人其實不多, 但每張桌子都有人,
一對日本母子找不到坐位, 就問候了我, 我們就一齊坐了。
那個年青人年約三十幾, 他媽年約六十幾。
他問我是那裡來? 喜歡東京那個地方?
他們原來一出世就在吉祥寺, 住了三十幾年, 很喜歡住在這裡(吉祥寺),
很喜歡住的地方, 這個思想只有日本人可以咁強烈,
米菲喜歡香港, 喜歡旺角, 但沒有那麼強烈的感覺,
說實話也是因為沒有得選擇, 要住好D亦要配合金錢和家人。
吉祥寺的母子說喜歡吉祥寺, 這也解釋為什麼吉祥寺被選為東京最理想的住宅區。

講番呢個日本年青人, 他最近被派去上海金山工作,
真是太巧合了, 米菲告訴他約2年前, 米菲也被派去上海金山出差, 而且去左好多次。
他說自己還沒有學懂普通話, 對工作雖然沒有影響,
但他認識好多內地同事, 所以想學普通話。
世界真細小, 就這樣認識了一個在上海金山工作的日本人。
不過他今天放假, 陪他媽行街, 是個孝順仔呢! 祝福他好快學懂普通話。

告別後, 米菲就進入Coppice 商場, 因為呢度有Miffy專門店,
相信我是今天留在miffy專門店最耐的顧客了, 今天收鑊豐富。
p.s. 我已經好克制自己唔買多餘的東西了。

被一輪物慾洗禮後, 要靜化一下心靈。
行回頭路穿過JR吉祥寺站, 從公園口出, 經過0101百貨向前走,
原途會經過幾間商店, 其實都好多野睇, 仲有一間德國腸專門店,
不過米菲沒有停太多繼續向前走,
就可以在日落前到達井之頭恩賜公園, 一進入就找到一份寧靜了。

那時約5點, 希望在日落之前欣賞這公園, 影下想, 也在這裡休息一下。
這裡如果你停下腳步, 除可見到平時行得好快的日本人橫過公園,
也可以看見日本家庭在這裡散步, 放狗等等。
米菲在橋上影相, 吹下風好舒服, 有個日本家庭和我閒談,
放狗的婆婆也加入對話, 他們好有興趣知道從香港來的我會住多少天,
並且會到那裡玩, 那家庭還好傾, 婆婆只懂少量英文, 要那家庭傳話。
隻狗超靚, 不認識這品種叫什麼名字。
享受這份寧靜, 等到日落就離開這裡了。

下站高円(圓)寺
由吉祥寺站乘JR中央線(快速), 4個站直達高圓寺, 好像必需選快速車才經高圓寺。
高圓寺主要行三大商店街: 純情商店街、庚申通商店街、和(日文)pal商店街+(日文)look商店街

高圓寺特色是這裡有最平房租的地方, 是留學生住宿熱門地點,
另外, 高圓寺亦流行一人屋, 也有很多小店在這裡經營, cafe, 古著店, 玩具精品等等。
米菲覺的這裡比較民間那種, 一樣有潮流野, 不過就唔係貴牌子,
如果喜歡逛街, 隨便走走, 這裡是好選擇,
如果喜歡古著, 這裡也是可以, 但要買到較好較名貴的衫, 就未必能滿足你。

純情商店街的名字來自得獎小說, 本來這帶叫高圓寺銀座,
但因為小說以這裡為題材, 小說名為高圓寺純情商店街, 而且得左獎,
所以便以小說為街的名字。這裡和庚申通商店街都是民間雜貨店為主。

而pal商店街和look 商店街加起來是一條長長的商店街,
以街口計可有10條街咁長,
pal商店街是有天花板部份, look商店街是露天部份。
都是平民雜貨模式, 有時裝, cafe, 藝術精品, 古著等等。
米菲行完整條街, 再從外街走回起點,
找不到那出名的天婦羅丼排隊店, 那店招牌食物是玉子天丼,
選了另一間店食玉子天丼, 都好食, 不過冇得比較, 就唔知那間會好食D!

到8:00PM了, 又可以到秋葉原走走, 因為只有那裡書店動漫店會經營晚一點。
高圓寺乘中央線(快速)到新宿, 轉中央總武線, 可以直達秋葉原, 快過山手線。
先買了PABLO的mini cheese tart做宵夜, 因為晚一點就關了,
今次選期間限定的summer tangerine 味, 再加一個原味,
米菲食這tart食過6種口味, 還是覺得原味最好食。

11點回到上野, 夜宵兩件cheese tart, 米菲都覺得自己好變態,
不過米菲旅行係唔會肥的, 因為走路多呢!

>>November 17, 2017 at 3:54:05 PM GMT+8