2017 年 9 月 24 日 星期日 【晴】

9月東京之旅第五天
米菲在清澄白河, Tokyo Dome City, 巢鴨, 谷根千, 上野, 秋葉原




今天早返少少, 吃過早�, 9:30am到上野御徒町站坐都營大江戶線, 5個站到達清澄白河站。
原先旅遊書指引由B2出口, 但維修中, 要從B1出口, 出去地面就會見到地圖,
中途又會再見到指引告示, 識行5分鐘就到清澄庭園。

東京有所謂九大庭園, 清澄庭園是其中一個。本來是私人庭園, 現在成為了開放給人觀賞的庭園了。
收費100yen左右, 都是象徵式收費。
清澄庭園是建在鬧市中, 但一進入了, 就好像進入另一個世界,
那裡寧靜, 好舒服, 可以行的路其實只是沿著一個湖行一個圈的路程, 約500米左右。
原途會見到湖中的魚和龜, 或者有白鷺類的鳥等。很多龜上了石上灑太陽。
今天陽光普照, 但係一D都唔覺熱, 這刻在庭園人數都係十人左右。
米菲有種感受, 就是環繞著湖行一個圈, 像是行了一段修行的路一樣, 心裡很平靜。
米菲在這裡觀嘗了一會鳥和魚後, 就離開, 踏入11點, 太陽開始猛烈了。

其實整個清澄白河區, 都是體驗下町風情的地方, 是叫東京江東區, 又名深川。
就在庭園附近有個江戶資料館, 資料館位置那條街就有晒呢區既特色食店。
深川宿, 和深川釜匠呢兩間店, 可以食蜆肉粥或釜飯,
仲有間果子屋, 名字係日文, 江戶XX屋, 那裡果子都好出名。
米菲一早知道這裡很多店星期一休息, 但因行程安排 (本來是作天來這裡的), 所以不能試這裡的蜆肉粥, 不過總有機會。
買了街上一間魚蛋店的魚蛋和魚蛋卷吃,
店主把食物加熱, 米菲就坐在街上的木椅子吃, 好好食呀!超彈口, 而且好香魚味!
食到好魚蛋, 醬汁都唔洗點。

下一站Tokyo Dome City 和Attractions
因為清澄白河站乘大江戶線, 7個站可以到春日站, 那裡有Tokyo Dome City, 所以就順帶一來。
Tokyo Dome City 唔單只是棒球隊巨人隊的主場館, 也是個多用途場館, 有舉辦演唱會和一些大型活動。
有話關西是甲子園, 那麼關東就是Tokyo Dome.
米菲也不知道這裡有沒有可以開放進入參觀的時間,
另外, 野球殿堂博物館今天也休息。今天行程豐富, 所以也不覺可惜。
但這裡的紀念品店, 就好多野睇, 也有好多相關零食手信買, 可以一來。
米菲也在這裡買了好美的手信。

而在球場對面, 就是遊樂場Attractions的所在地,
進入途中已經聽到過山車的尖叫聲, 這過山車叫Thunder Dolphin,
特點是會穿過商場上的牆角, 那裡有個洞, 過山車衝過去時,
因為很高速, 加上角度的設計, 就像是撞牆感覺,
另外, 過山車會穿過魔天輪的中央, 魔天輪叫Big O, 或叫大觀覽車,
Big O 和Thunder Dolphin, 也是賣點之一。
Big O也是經過特別設計, 才可以做到中央冇支架, 讓過山車經過。
米菲當然只係可以坐Big O, 欣賞高空景色, 可以望到好遠, 也可以望清對面的Tokyo Dome City.
坐在大觀覽車上, 當過山車經過時, 基本上只是一刻間, 所以冇特別感受。
其他都是一般機動遊戲, 如果全家來漫漫玩, 可以買one day pass, 任玩過夠。

下一站巢鴨
春日站坐都營三田線, 3個站就到達巢鴨站了, 好近。
到巢鴨就先到吉祥物鴨仔, 摸下牠的pat pat.
我在想為何這隻鴨每天有人摸, 可以咁白淨,
換上在強國, 一早變黑鴨了, 或者成隻鴨會唔見左。
因為下午3點了, 所以先到平民食堂, 來個天婦羅大蝦set,
都係因為睇過電視節目, 所以先來這裡及這食堂。
那刻, 店裡光顧都是日本人為主, 身邊周圍都是講日文的,
相信遊客來這裡的, 還是相對較少。
這店價錢經濟, 可以食到咁大隻蝦, 味道仲係好好, 正!
另外, 有個魚生set, 都好抵好正, 有機會再試。

巢鴨有所謂大媽原宿, 就是老人家的原宿,
這裡的地藏通商店街, 都是方便附近老人家光顧的。
近年因為年青人追求下町風情, 才開始多年青人來, 條街就出左名。
行完整條商店街約半個小時, 其實唔係好長,
在中段也會遇上都電荒川線的電車, 這裡有個站。
回程走同樣的路, 那時就可以買手信了, 這裡都是小店經營, 很有人情味,
買了很多手信給媽媽, 有凡立貝, 紫菜及佃煮魚等。
這些小店, 是平民價, 部份老板和店員特別親切。

有間寺廟, 拜祭方式是幫個佛像沖涼, 很多日本大媽都爭相為佛像淋水,
場面可以用墟撼來形容。
本來我幫婆婆買烤湯丸食, 那時都有人拜, 突然食食下湯丸,
唔知邊度沖入一大堆日本大媽, 爭相洗沸, 我和一個外國人都即時影下那個場景, 因為好有趣。
隨了食物, 巢鴨沒有什麼吸引我的地方, 只係逛逛,
什麼紅色內衣店, 或者米芝蓮一星拉麵店篤, 都不是吸引我的地方,
反而那個鰻魚飯, 下次可以試試。

回程如果唔搭都營三田線, 向前走一個街口, 就是JR巢鴨站。
咁就可以去下一個景點, 谷根千。
JR巢鴨站乘JR山手線, 4個站直達日暮里站。日暮里站就是在谷根千區裡了。

谷根千就是谷中, 根津, 千(馬犬)木的簡稱。
谷根千區經過第二次世界大戰, 又經過關東大地震, 仍保留下來, 可以看到部份舊建築風貌。
谷根千最出名是這裡很多貓, 其中遊客常到的谷中銀座商店街,
入口處有條樓梯, 稱為夕陽階梯, 聞說黃昏時分會有很多貓在這裡聚集。
米菲剛好黃昏時分來到這裡, 點解唔見晒D貓。

近入口地方, 有間無名字的烤肉店, 有報紙介紹D串燒好好食。
全店都係外帶, 沒有位坐, 今天排隊約5分鐘, 就可以買到串燒,
基本上已經燒好, 店員會為串燒加熱, 米菲買了一串雞肉, 一串內藏, 兩串都好食。
在我後面排隊一對外國夫婦, 問我各樣串燒是什麼, 因為不是全部有漢字,
所以我都係盡量回答。
他們大約60歲了, 是來自加拿大的Edmonton,
和我留學的地方很近, 所以我們便開始了話題。
他其中一個重點話題是在加拿大如果出街食飯, 現在都是食垃圾了,
什麼都是煎炸, 高脂高糖, 所以都在家中煮飯, 好少出去食, 到外國旅遊, 才多出去食飯。
我告訴他, 其實在香港都一樣係咁。
後來他們去飲啤酒, 我們就告別了。

這裡有間店, 出名烤番薯棒, 今天賣晒了, 冇得食。
到處逛逛, 好快就行完谷根千。
回程途中, 遇上一隻好美的肥貓, 我和牠玩了15分鐘都有,
其實係我幫牠掃毛, 牠在嘆就真, 呢隻貓完全唔驚米菲, 好定。
最後也可以和牠影特寫, 完成這個谷根千之旅。

回程乘JR山手線, 2個站就到上野。
今天行程安排好理想, 7點已經回到上野。
到二木之果子買下部份零食手信,
再到Garakuta Boeki, 是美國文化雜貨店, 因很喜歡這店。
這裡的衣服, 袋, 手飾等等, 都好吸引, 價錢又合理, 很多也是自家製作的。
買了件tee, 遇上減價, 1500yen超抵。

回酒店放下東西, 時間還早, 就從JR上野御徒町站乘一個站到秋葉原,
先到元祖迴轉壽司吃過晚飯, 然後睇動漫到10:30pm, 才回上野。

今晚夜宵在Family Mart買了兩串燒及Jelly, 看來谷根千的串燒太回味了。

>>November 16, 2017 at 3:37:29 PM GMT+8

2017 年 9 月 23 日 星期六 【晴】

9月東京之旅第四天
米菲在六本木, 台場




今天又訓得晏, 本來打算食街口的店, 其中有個set係hot dog+Salad作為早�,
點知賣晒, 唯有點了French toast, 配上烏龍茶, 但份量少, 唔夠飽。

去六本木, 先要步行去都營大江戶線的上野御徒町站, 搭14個站直達六本木。
如果從藝術角度去看六本木, 六本木可以分為三個區域,
就是Tokyo Midtown, 國立新美術館, 和Roppongi Hills,
也被稱為Art Triangle Roppongi.

先到Tokyo Midtown區域, 進入Suntory Museum of Art,
好快睇完, 今期藝術館主題沒有吸引我, 所以沒有買票入場,
只有紀念品店看看, 買了隻小狗木雕刻給MO媽。
Tokyo Midtown正在舉行一個叫Lucerne Festival ARK NOVA 2017,
主要是紀念東日本大地震, 災後到現在, 還在復興當中, 主要係一種支持的文化。
在廣場立了一個巨型球體的東西, 米菲看不見那裡有入口,
可能在另一面, 但由於今天行程緊密, 也沒有再花時間去找入口了。

接著行到21_21 Design Sight, 單是建築物, 就好吸引了。
21_21的名子, 源於英美俗語20/20 vision, 就表示一個人100%視力正常。
咁21_21就係表示超越正常的眼光或觀點了。
米菲一進場, 看見其中一個展覽, 是造了一個太空倉酒店區, 讓遊客感受一下住在太空倉酒店的體驗。
遊客可以脫了鞋, 走進太空倉裡, 聽音樂, 休息等等, 當然, 大家其實都是想拍照留念。
另一面的展覽, 米菲只看了一半, 因為付費那部份就沒有進入了。

接著到了Fujifilm Square, 可以說是一個相機博物館, 最早期的相機都可以看到,
世界首部膠卷相機, 原來是Kodak在1888年製成的,
這裡相機展品豐富, 喜歡相機的朋友, 應該來走走呀!是免費入場的。
Fujifilm Square另一邊, 正在有三位攝影帥展覽, 都是免費的,
攝影師藤村大介, 他的展品是世界各地的夜景, 真係好靚, 是第一次看見構圖那麼美的夜景作品。
攝影師山口大志, 就到了Amazon, 拍了很多動物在自然界的照片, 是100分的天然, 100分的美。
另一位攝景師, 忘記了他的名字, 他是拍攝植物和山水景色。

看完他們的展覽作品, 真的震撼。
米菲最喜歡攝影師山口大志的作品, 恰巧他的作品展同時推出影集,
米菲就買下了一本, 米菲估計他是剛剛出道, 或是剛剛推出這展覽,
當時看展覽的大約30人左右, 米菲有可能是當天第一位幫他買影集的人, 所以他很開心,
還在影集內頁很用心為米菲繪畫及簽名。
米菲介紹自己是從香港來的, 告訴了他我特別喜歡那一張作品,
他說了一段日文.....我沒有頭緒他說什麼, 只有多謝那句我聽得明白。
不知是否互相影響的效應, 米菲買完後, 就見到另一個人走過來買,
之前只睇不買的場面, 打破了。
事實上這類展覽, 都係睇多, 買的人少。不過在此祝福他的攝影集大賣啦!
離開了才想起, 米菲那時應該和他合照, 說不定他是很出名的人物。
有興趣也可在網上打山口大志, 看看他的作品。

行完Tokyo Midtown這區, 就到下一區, 就是國立新美術館,
兩個區相距約5至10分鐘路程。
源於上野的東京都美術館地方唔夠, 所以建造這個國立新美術館,
現成為全日本最大的美術館, 不過這裡不設常設展,
為了留下空間使更多團體可以參展。
建築物外型本身就好美, 以玻璃外牆為主, 引入更多自然光,
一入去就感覺美術館好寬敞, 也沒有多餘的燈, 應該係為了環保吧!

這裡睇展覽多數要收費, 700至1600yen, 還算合理。
這裡還有間可以用平民價錢食好法國菜, 叫Paul Bocuse Le Musee.
另外, 美術館的紀念品店, 叫Souvenir from Tokyo, 都有點名氣。
這裡的紀念品也吸引了米菲, 不過本著(不太)浪費的精神,
買了隻鬼魂公仔, 成個造型有份簡單美。

離開美術館, 就到第三個區域, 就係Roppongi Hills(六本木Hills).
六本木Hills感覺好high class.
這區域最搶眼的建築就是Mori Tower, 其餘有TV Asahi 朝日電視台, 還建有Grand Hyatt Tokyo和一間Cinema.
其實今次米菲來六本木, 就係為了去Mori Tower, 這裡有個超吸引活動, 接著再講。
Mori Tower門前有隻蜘蛛型的藝術品, 也是影相熱點,
有54層, 低層係商場, 中間係辦公室, 52/F係森美術館, 53/F係Tokyo City View.

米菲先到3/F買了Tokyo City View及森美館套票, 做緊推廣,
兩個活動都係收單一票價, 當然係買套票啦!
乘升降機到52/F的Tokyo City View, 這裡是用大型落地玻璃, 可以360度欣賞東京的景色。
東京鐵塔, Sky Tree等當然可以見到, 而且人不算多,
米菲那天只遇上外國人和本地人, 香港和內地人都少見。
好亨受那個環境, 有點睇到唔捨得走。
這裡認識了一個在汶萊工作的年青外國人, 起初是請我協助拍照, 我們就打開了話題,
不過他本身是那國家人, 我就聽唔明那個英文詞語, 現在也想不起來了。
他經常都出差, 講開又講, 他很靚仔, 可惜我是正常男仕。

接著參觀森美術館(Mori Art Museum), 主題如下,
從2017年7月5日至10月23日, 係國立新美術館cross over森美術館,
東南什麼現代美術展, 日文字睇唔明,
英文咁樣寫,
Exhibition Commemorating the 50th Anniversary of ASEAN
SUNSHOWER – Contemporary Art from Southeast Asia 1980s to Now
好吸晴的展覽, 雖然好多地方睇唔明當中意義, 也沒有耐性細心睇每作品的文字描述,
但整體覺得好好睇, 顏色太豐富了, 米菲只是加上想像去感受部份作品,
正所謂藝術既野, 我識條鐵咩。

接著走到森美術館的另一展覽, 就是集英社的週刊少年jump的創刊50周年記念展,
也是今次米菲要到六本木的主要原因。
展覽分開幾個期間展出, 呢期係由創刊至1980年代期間的作品。
好好好睇呀!
主要作品有龍珠、筋肉人、IQ博士、足球少將、哥布拉、北斗之拳 、
聖鬥氏星矢、電影少女、Angels eye、城市獵人和銀牙等等,
當然仲有好多作品, 不過米菲未睇過唔識。
展期由2017年7月18日至10月15日, 全展覽唔可以影相,
其實這樣更好, 可以專心去欣賞。

除了作品介紹, 中段有video睇, 介紹呢段時期的作品,
另外, 也有電視不停播放作品的主題曲, 當然是日文版,
都聽到不少日本人跟著唱。
成個展覽好好睇, 米菲最喜歡的作品是筋肉人和足球小將。

行到最後, 就係記念品區, 好多都吸引, 米菲先行一次,
最後選了筋肉人為主題的產品, 買左成千幾蚊, 真係好happy.
其實, 一直很期待香港會重播筋肉人, 但都等左好多年了。
在坊間可以買到DVD, 但是沒有中文字幕, 所以冇買。
很期待集英社Jump的第二期展覽, 真係要plan出年可否再到東京配合睇展覽。

六本木這個地方, 真係好多野睇,
如果喜歡藝術和睇展覽, 相信要有2天行程在六本木先夠, 又或者住在六本木。
到6pm了, 但米菲連午飯都未食, 你話睇到幾入神了。

太好了, 一離開六本木Hills, 正前往都營大江戶線六本木站途中,
見到連鎖式牛扒立食專門店, 是日文字, 英文寫住IKINARI STEAK,
這店強調炭燒, 厚切,
雖然是立食店, 但有一半部份有坐位, 是bar table形式。
米菲行了一整天, 當然坐啦, 其實好累好肚餓。
先點了個set, 有細沙律和飯, 然後會給你一個有數目的牌子,
走到收銀, 點選牛扒種類及份量, 然後磅重, 師傅就會問你幾成熟, 俾錢後就返埋位等。
店員會給你一個紙圍裙, 足以保護你衣物, 牛扒是鐵板上的。
米菲點了中等價錢的, 厚切, 好好食, 配合這裡氣氛, 感覺好好,
價錢大約100蚊左右, 好滿足。
呢間店全國都有, 要食呀, 因為這價錢可以食到燒牛扒再鐵板上,
係好扺食。

今天因為在六本木的時間長了, 傍晚去原先安排的景點, 可能都關門了,
所以改變行程, 改為現在去台場睇高達, 因為巧合地, 今天是新高達進駐台場, 今晚開幕。
由六本木站乘都營大江戶線, 4個站到達汐留站, 轉Yurikamome百合海鷗號到台場站。
從台場站行去高達主題商場DiverCity Tokyo Plaza好近, 約十分鐘可以行到高達那裡。
原途可以見到彩虹橋, 這天氣及這距離去看彩虹橋, 有點矇矓。
高達晚上有5場表演, 分別是19:30, 20:00, 20:30, 21:00, 21:30, 每半小時一場。

米菲去到7:20PM, 剛好趕上第一場, 現場已經有好多人等候,
所以米菲只好坐在較後的位置, 就坐在廣場的地上等候,
等候時, 部份人都在玩pokermom go.
米菲雖然小時候喜歡第一代高達, 即是所謂阿寶時代的高達0079,
後來還看了Z和ZZ高達, 長大後, 再沒有追高達劇集了,
偶然會覺得某機械人模型很美留意一下, 但不會花錢買高達產品了, 因為冇再砌模型了。
7:30PM音樂響起, 燈光亮起, 全場烘動。大家都不停影相。
睇完第一場, 米菲等人散開後, 就找個好位坐前D,
等第二場, 睇完第二場, 又再坐前D, 睇第三場, 最後米菲睇到8:40PM左右.
因為有三個版本, 分別有播放主題獨角獸片段, 播放電影主題曲,
以及重播第一代主題歌, 但換上了獨角獸做主角。
高達的燈光較果可以用震撼來形容, 米菲好慶幸今晚有機會參與第一個晚上的開幕。
第二版本電影主題曲好好聽。
第三版本獨角獸出場時, 全場高呼。
我附近都有香港人, 但大部份都是日本人, 以這樣人數來計, 氣氛和秩序都很好。

因為時間晚, 隨了進入商場去洗手間, 就再沒有逛商場了。
台場站坐百合海鷗號到新橋站, 轉JR山手線直達上野站。
今晚在上野站的Garden超市買了個雜果jelly, D生果多, 好正呀,
在Anderson麵包店買宵夜好像變成習慣了。

晚飯在酒店附近的麵屋武藏食沾麵, 有並,中,大, 三種份量, 同一價錢,
如果大食的人, 可以選大, 而且同一價錢, 唔洗加錢。
米菲選了中, 好大好多麵, 已經等如平時兩個公仔麵的份量了。
由於沾麵是將麵點湯食, 麵不是浸在熱湯裡, 所以較硬。
米菲已經是第三次食沾麵, 湯味道濃郁和麵質硬是特點,
所以不是最喜歡的拉麵, 因為米菲喜歡熱湯和較軟身的拉麵, 沾麵試過就算了。
我每次都說這是最後一次食沾麵, 但行到未試過的沾麵店, 又會不其然咁入左去試。

>>November 16, 2017 at 3:26:47 PM GMT+8

2017 年 9 月 22 日 星期五 【晴】

9月東京之旅第三天
米菲在秋葉原



今天訓到自然醒, 十點先起床。因為今天只去秋葉原, 所以唔洗咁早起身。
本來天氣預報7天旅程中, 只有今天下雨, 就計劃今天去秋葉原。
點知實際結果是作天下雨, 其餘旅程的日子都是好天。
還好, 只有作天下雨, 今天可以好好逛街。

吃過早�, 都成11點了, 決定由上野行去秋葉原。
由上野站出發, 是兩個站的路程。
由於鐵路在空中, 只要沿著鐵路方向走, 就會到達秋葉原。
米菲從酒店出發, 行左三條街, 就已經到達JR御徒町站,
再走一站, 就到秋葉原, 不過呢過站就遠D, 約1KM.

其實原途都好多野睇, 特別係會經過2K540 Aki-Oka Artisan
一直都好想去呢度, 今次終於有機會了。
2K540是將JR御徒町站到秋葉原站一段的鐵路橋底, 變成多間藝術小店的地方。
小店主打藝術設計, 有皮革, 木匠, 手飾, 工作坊, cafe等等, 大約有40間店左右。

至於點解叫2K540 Aki-Oka Artisan,
Aki-Oka就是Akihabara秋葉原和Okachimachi 御徒町的縮寫,
而此地距離東京站2540m, 所以就是2K540
藝術品通常比較貴, 所以在這裡的東西都不便宜。
例如有間萬花筒店, 幾百蚊一個萬花筒。
其中也有大品牌, 例如New Balance的店, 賣的都是特別版, 例如人手造,
價錢去到成幾千蚊一對鞋, 而且都是入門價了。

米菲在其中一家手飾店, 遇上森美, 相信是拍攝旅遊節目,
後來在廣告知道, 是拍攝一個叫森美旅行團的節目。
當時, 森美在店裡, 米菲本想進入這店, 但見入面打著燈攝影,
所以就好奇發生什麼事, 當時冇其他香港遊客, 只得米菲, 所以也沒有聚集人群。
工作人員都好禮貌, 只有在拍攝時才叫我不要影相,
其他時間也沒有叫我離開, 當然米菲都好識做, 見他們開始再繼續拍攝, 就閃了。
真的想不到會在東京的2K540見到森美呢!

再向前走了一會, 就到達秋葉原了。
如果唔計觀光, 大約25分鐘可以從上野行去秋葉原。我諗係大約油麻地行去太子咁上下啦!
先到Yodobashi Akiba友都八喜, 6/F有玩具區, 7/F有男裝及Jins眼鏡店等,
8/F有美食區, 雖然最後米菲冇在美食區吃午飯, 但下次會試下, 因為好多間店都好吸引。
如果有玩開pokemon go, 6/F玩具區有晒大部份精靈角色, 見到個架咁多精靈, 真係好開心。
在秋葉原公園一帶, 和幾十個日本人, 一同玩pokemom go, 挑戰打水君,
他們見到米菲是遊客, 都送上一個微笑, 之後大家就係咁狂按制,
在秋葉原打大佬好開心, 因為人多, 氣氛很好。
逛下逛下, 3點半才去食Lunch, 去了米菲的秋葉原飯堂, 炸豬排食堂,
這店之前日記分享過, 唔再講了, 點了炸豬扒炸蝦定食, 不過今次個set太大份, 食得太飽了。

接著分別去了Trader 2, Kotobukiya, AKIBA ZONE, Radio 會館, atre 1, K Books, Gamers,
書泉, 及Book off 等等, 行完這些店, 都已經10:30PM了。
基本上, 在K Books 買CD, 無論是全新或二手, 都有機會買到平靚正貨品。
而書泉買動漫書及寫真, 部份亦可以先看過才買, 所以是個好地方。
很多店都有figure展示, 所以真係當藝術品咁欣賞。
見到地獄少女回歸的poster, 呢套野一直想睇, 希望係好睇啦!

天氣和暖, 即使到了晚上, 都只是變得清涼, 還是可以繼續短袖tee一件就足夠。
回上野才吃晚飯, 11點先食晚飯, 去了24小時營業的一蘭拉麵,
從JR上野站的山下口出, 轉過灣就到一蘭了。
即使咁夜, 還是要排10分鐘才可入座。
這間一蘭, 無論湯的味道及溫度, 拉麵的質感, 都好正, 好好食, 加了替玉先夠喉。
當然, 拉麵的軟硬, 湯的濃度, 都是顧客自選的,
不過選還選, 都要師傅造到出來先算成央C
不過一蘭拉麵其實比起其他拉麵店貴,
因為一蘭拉麵份量較少, 就算加替玉, 都好似不夠, 再要加小食等等, 要食飽就付出多D了。
不過上野這間一蘭拉麵, 真係好食!

米菲只要旅行, 就必定會夜宵, 所以就算成12點, 店都關了,
還是會走到Family Mart買野食, 買了個炸牛肉餅, 加罐日式奶茶, 好滿足!

溶入在秋葉原的一天生活, 真係好好玩。

>>November 16, 2017 at 2:35:42 PM GMT+8

2017 年 9 月 21 日 星期四 【雨】

9月東京之旅第二天
米菲在橫濱



今天, 米菲出發到東京近郊, 但何謂東京近郊呢?
從旅行中認識東京的地理, 是一大樂事, 也是最容易記得的。
日本是以都道府縣作為行政劃分, 一都一道二府四十三縣的行政區域,
就是東京都、北海道、京都府及大阪府,
再加上四十三個縣如福島縣、愛知縣、和歌山縣.......等等。
定義上, 東京都有23區, 除了有東京都心(大部份旅遊點在裡面),
也包括了西部多摩地區及南方的外島;
而東京圈或首都圈的定義, 就是以東京都心為核心, 以半徑50km劃一個圓,
範圍內就是東京圈, 所以除了東京都心, 也包括了鄰縣部分區域如千葉、神奈川、茨城及埼玉。
近年, 東京圈亦被稱作東京近郊。
另外, 至於所謂關東地方, 是以一都六縣稱為關東,
就是東京都為核心, 加上群馬、X木、埼玉、茨城、千葉、神奈川縣。

今次米菲計劃到訪的東京近郊地方, 就是到神奈川縣的鐮倉及江之島。
及後因為同事留意到橫濱開了全日本第一間Pochacco Cafe,
而同事們真的很喜歡Pochacco, 別名PC狗,
因不知這Cafe會開到幾時, 暫時說只是限時開放的,
而紀念品很美, 米菲巧合這時間到訪東京,
也喜歡試不同的限定店, 所以就改為去神奈川縣的橫濱。

今天7點就起床, 以日本東京旅行來計, 米菲真係好少咁早起床。
在Doutor吃過早�, 就到JR上野站乘JR京濱東北線到橫濱,
都要搭好多個站, 40分鐘左右先到達橫濱,
在橫濱再轉京急本線, 7個站就到達上大岡站,
那車站其中一個出口連接了京急百貨店,
而Pochacco Cafe就在京急百貨店的4/F, 紀念品就在5/F的Sanrio商店。

今次Cafe以PC狗作為主題, 都算幾冷門, 雖然唔知香港究竟有幾多PC狗fans,
但米菲工作的地方, 就至少有兩個。
當然, 由於Sanrio的Kitty, melody, 布丁狗實在太多人喜歡, 所以大部份產品都以他們為主, 其餘的角色就相對冷門, 產品也是少之又少。
Pochacco Cafe 的門口以有很多牠的圖片, 商場客人經過, 眼球一定會被牠吸引住。
裡面是以粉紅色為Cafe背景, 而且牆壁都有PC狗的畫, 店裡到處都放著PC狗公仔。
個曙U真係好美, 大約40個坐位, 當時服務員有3個。
由於menu只得5至6種食品選擇, 相信食物也是她們3位製作。
整間Cafe給人很warm的感覺。米菲的屋企, 在還未裝修前,
米菲也試過把全屋油成粉紅色, 郊果都好好, 間屋會覺得醒神好多。
那店10:00AM 開門營業, 米菲和兩個日本妹, 就是當天的第一批顧客。
雖然唔肚餓, 但由於行程的順序安排, 米菲只可以上午到訪上大岡站的PC狗 Cafe。

米菲點了一件sponge cake, 是以PC狗大頭為造型, 加上cream, 再配上水果伴碟,
設計很出色, 我都要不停拍照, 才願意把它吃下肚子裡。
本身以為這些cafe只係賣主題, 點知件蛋糕出奇地好食。
另外兩位日本妹, 就叫了…..望落去應該是咖哩飯, 就是PC狗造型的飯,
浸在咖哩汁裡, 好得意。
呢兩個日本妹, 食物到左都已經15分鐘以上, 都仲拍緊照,
聽著她們說kawaii這詞, 聽了幾十編, 她們也真係好kawaii呢!!!

米菲還點了杯飲品, 隻杯當然都係PC狗為題啦, 飲完仲可以拎埋走。
起初以為是拎走番自己隻杯, 所以埋單時就問會唔會幫我清潔隻杯,
於是, 店員就告訢我, 會給我全新一隻, 打包好在盒子裡,
而且可以選擇自己喜歡的款式, 有兩種款式。

接著走到5/F Sanrio的專門店, 今次當然係買PC狗的手信俾喜歡的同事。
就係因為今次活動, PC狗產品多了很多, 所以都花多眼亂呢,
要從別人喜歡的角度去選擇, 當然, 其中部份Cafe限定產品就是必買的了。
店員清楚地問你如何分配手信, 再加上耐心包紮禮品, 就是日本服務員的優點。

下一站八景島
12PM在上大岡站坐京急本線, 6個站到達金澤八景站,
出站後, 步行到Seaside line 沿海鐵路。
點知一出站, 就下微雨。
由於會乘搭3次Seaside line, 買了one day pass,
金澤八景站坐Seaside line, 4個站到達八景島站, 步行5分鐘到八景島。
時間真巧, 到八景島, 雨就停了, 餘下時間在八景島都是陰天。
陰天的好處, 唔洗講吧, 因米菲是白免仔。

八景島是個人工海島, 裡面主要是一個樂園叫Sea Paradise,
就像香港海洋公園的模式, 分為兩部份,
Aqua Resorts是海洋方面的觀賞, Pleasure Land是機動遊戲區。
而Aqua Resorts有4個主題館: Aqua Museum, UMI Farm, Dolphin Fantasy 及FUREAI Lagoon.
八景島其實唔係咁大, 可以去晒4個館,
當然, 如果有小朋友同行,八景島就係當天唯一景點了, 唔可以像米菲之後去多一個景點。

在Aqua Resorts買了個one day pass, 3000 yen.
順帶一提, 入園地是免費的, 你可以任何營業時間進入樂園,
周圍行, 散步, 只是要進入任何館參觀或玩機動遊戲, 才要收費。

米菲先到Aqua Museum, 就是海洋館, 有5層,
職員指引先到4/F Aqua Stadium睇show, 因為剛剛開場。
雖然唔識聽日文, 而且海豚、海獅等也不是什麼稀有, 但個海洋動物表演好好睇。
睇完表演就到各層水族館, 人氣海洋動物有海象和北極熊。
而沙丁魚那部份很好看, 食就食得多, 能看著幾萬條沙丁魚群, 在燈光下遊來遊去, 很美。
其他一般在日本水族館會常見的如海龜, 水母, 魔鬼魚及鯊魚等等唔算特別,
只是看你是否享受坐其中, 米菲就越來越喜歡睇海洋生物和動物園。

Dolphin Fantasy 顧名思義是個海豚館, 近入口是以海府隧道形式去觀賞海豚,
行到入面有個圓柱型水槽, 是觀賞熊貓海豚, 因那種海豚是黑白色相間,
全日本只有9條, 但不知怎樣, 總覺得好難睇清楚條海豚

到了UMI Farm, 是海洋教育部份, 可以付費釣魚及享用,
也可以不付費透過觀察海藻及水母等海洋生物去認識海洋生態。

FUREAI Lagoon 是個開放式的水族館, 遊客隨了近距離參觀,
也可以觸摸海洋動物如海豚, 不過要牠們游過來先得。
米菲等左好耐, 都等唔到那條白鯨遊過來, 只能近距離拍照, 摸不到,
我想, 大部份人都是摸不到的。
喜歡企鵝要來這裡, 那個露天泳池, 好多企鵝在暢泳。
觀賞完動物, 在Bay Market買了手信, 就離開Aqua Resorts.

到了機動遊戲Pleasure Land部份, 米菲就冇買one day pass, 雖然one day pass 抵,
但其實設施唔係咁多, 而且跟本就怕玩刺激性的機動遊戲。
最激的相信是Blue Fall, 是日本最高的跳樓機,
因為有107M高, 相等於35樓跌下, 而且是急速墜下,
中途有一次回升, 之後再跌, 全程90秒,
米菲睇都覺得好驚, 真心佩服夠膽玩的人。

第二個刺激遊戲就係臨海而建的過山車, 部份支架是申出海面,
這是以視覺郊果營造衝入海的感覺,
米菲在旁看, 是聽尖叫聲, 原來聽人地尖叫聲都幾開心。

而米菲只夠膽玩 Sea Paradise Tower, 就係一個升高旋轉瞭望台,
可以觀賞整個東京灣及八景島。

玩到4點都未食午飯, 不過又好想去下一站玩, 加上今晚好大機會落雨,
所以不花時間進入八景島sea paradise園內的食店,
就在園中的小食亭買了meat sauce hot dog和ice tea,
雖然好食, 不過唔夠飽。

下一站係Yokohama Bayside
八景島站乘 Seaside Line, 7個站到鳥濱, 再步行6分鐘就到。
米菲從sea paradise 行回八景島站後, 就開始下著大雨。
由於Seaside Line 是無人駕駛, 加上是空中列車, 所以最前座的兩個司機坐位,
就可以好好觀賞景色, 好位緊係多人, 米菲只能坐在前面附近的位子,
但坐在前面其中一個日本人, 望到米菲是遊客, 就說要和米菲換位, 給前座位給我,
雖然米菲推讓, 但那日本人真係好客, 再次主動要求換位,
換了位後, 那日本人還介紹到那個車站途中, 如果是天晴,
可以在車頭前望見到富士山。
米菲也介紹自己是從香港來的, 我們的對話就係咁開始了。
雖然他看不到米菲的日記, 也在此多謝他的熱情和禮讓, 真係好得。

在車頭看風景, 的確很美, 有機會再到橫濱, 再坐Seaside Line的車頭就好了,
我想, 到那時, 米菲坐一陣, 就讓位給其他人好了, 禮尚往來嘛!

到達鳥濱站, 直情係傾盆大雨。
米菲只有在車站等雨細D, 才向Yokohama Bayside進發。
這時候就打Pokemon go, 真係有大佬在這車站, 但因這站都幾偏僻,
所以一條友打大佬, 只係打, 跟本唔會嬴, 不過消磨時間幾好。
頭先在八景島, 我都有隻大班放左在Sea Paradise裡面一個擂台, 都係順手。
原先諗住八景島有機會捉到D稀有精靈, 點知一隻特別都冇, 反而放左一隻上擂台。

時間一分一秒過, 雨從來都冇細過,
只好拿著我的小雨傘, 向著Yokohama Bayside出發。
其實從車站到Bayside, 只要從車站旁的行人天橋, 橫過了高速馬路,
再向著海邊方向走, 向右通過停車場就到入口,
但這短短的路程, 米菲下半身濕晒, 背包都濕晒。
到達Yokohama Bayside, 已經5點了, 那時候一切濕都唔介意, 目光集中購物了。

Yokohama Bayside是由Mitsui (三井)經營的outlet,
分為三部份, 主館是Marine Central, 別館是Marine East, 曙U區是Marine South.
時間關係, 米菲只往Marine Central.
這Outlet最大特色, 是運動品牌特別容易買到好西, 而且特別平,
而近年更多了米菲喜歡的Beams, 所以今天順路, 就來購物。

在OASICS買了喜歡的跑鞋, 只是4000yen, 超抵, 最緊要係有碼。
在Beams和X-Large都分別買到Shirt衫及衛衣, 雖然這些都是新款式, 但都有較多折扣。
米菲就主力行這三間店, 都試左好多衣服, 其他的品牌就只是隨便行行,
不想因為平就買左D冇咁喜歡的東西。

今次行outlet真係好快, 不計路程, 只在outlet行了2小時多d就離開。
回程途中, 還是繼續落雨。
回程選了最快的路線回上野, 就是鳥濱站乘Seaside Line, 2個站到達新杉田站,
轉京濱東北線到上野, 這是最快的方法。
要留意是在新杉田站, 同一月台可能出現不同目的地的列車, 要看清楚水牌才好上車。
米菲Check完, 一般都會再問人確定, 免得錯上了列車。
單從Yokohama Bayside Outlet回上野, 大約1小時15分。

9點回到上野, 在Anderson 買定個酥餅做夜宵, 就回酒店放下東西。
到大江戶迴轉壽司, 只食左4碟, 因為覺得味道好一般,
所以轉去天丼 Tempura Tendon Tenya, 再食個天婦羅set, 是配soba的, 正!

浸個熱水浴, 再用上臉膜, 好好休息一會。
今晚夜宵是可樂+酥餅, 人生真係好玩!
電視播著新聞主題節目, 是講日本人的壓力, 因為最近有員工因為壓力而自殺,
不過日本好像經常都有人因為壓力而自殺。
唔想壓力過大, 就跟米菲去旅行啦!

>>November 15, 2017 at 2:30:17 PM GMT+8

2017 年 9 月 20 日 星期三 【晴】

2017年9月第三次東京之旅第一天
米菲在上野


今次慶幸出發前沒有收到香港快運延遲起飛的電郵,
以往的經驗, 他們延遲起飛的比率很高, 可惜現時沒有機制管理,
每次乘客只有啞忍。
而且去旅行都係想開心, 唔通未出發就花時間去投訴咩!

九龍站check-in 後, 坐機鐵很快就到達機場。
在機場的書局不自覺地睇左好耐書, 太入神了,
害了食飯時間很趕, 更加唔記得買樽水上機。

今次有機會乘搭HK Express叫小龍的第一班機。
早前在新聞也知道有被命名小龍這飛機, 沒有想到自己會有機會乘搭。
空中服務員向每位乘客有禮地送上一份紀念品, 也為這個旅程加上點點開心。

飛機準時起飛, 還早到10分鐘, 大約6:20pm到達日本成田機場。
成田機場在入境手續方面, 比起米菲上一年來, 多了很多海關人手,
所以流程很快, 行理方面, 亦很快拿到了。

在京成電鐵買了6:52PM開出的skyliner到京成上野, 當時只有10分鐘時間到月台,
不過相信職員安排賣出給乘客, 也必定認為乘客有足夠時間到達月台。
在櫃台的右邊不遠的地方, 就有自動電梯到達下一層的入閘門, 看指示很快就可到達候車月台。
米菲估計大約3分鐘可以到達月台, 所以時間充裕。
車票是指定車卡及坐位的, 所以要看清楚候車的位置。
7:35PM就到達了京成上野站。

由於已不是第一次住上野的Hotel Marutani Annex (丸谷), 所以10分鐘內已步行到酒店了。
雖然米菲是預訂單人房, 但職員安排了大的房間給我, 太好了。
可能他們有米菲的紀錄, 加上訂房時我也有在remark一欄主動提出想要大房,
主要是因為米菲的行理很大件, 結果, 他們真的能安排好。
而且這酒店性價比好高, 基本野有晒, 衛生不錯。

安頓好就去食晚飯, 今次在附近試食叫“味之時計台”的拉麵,
這店主打古早味, 米菲點了醬油叉燒拉麵, 麵質較硬,
特式是很多菜類配料如芽菜及蔥等等加進麵中, 叉燒就冇特別,
拉麵上面再放上一塊牛油, 當牛油溶進湯裡, 味道就佷濃郁。
拉麵相對地大碗, 唔洗替玉都好飽, 抵食。
米菲食拉麵的口味, 是比較喜歡軟的拉麵,
這店好像就沒有得選擇拉麵的軟硬度, 而且較硬, 所以試過就算了,
不會成為米菲的食堂。
食飽可以行附近的Yamashiroya, 是上野最大的玩具雜貨店,
接著到JR上野站的atre UENO商場,
在超市The Garden 買了媽媽喜歡的米油, 順便買埋夜宵,
再在ANDERSEN麵包店買了個叫panda Danish Chocolate的麵包,
今晚的夜宵是炸野菜, panda包包及可樂, 想起都覺得好正, 人生真係好玩!

第一天睇電視, 就看到安室奈美惠引退這新聞,
fans的反應很大, 他們都哭了, 這報導看來很震撼日本了。

>>November 15, 2017 at 2:05:47 PM GMT+8

2017 年 7 月 22 日 星期六 【寒冷】

個風來得快去得快


呢個星期得知喪屍片之父George A Romero 病逝, 享年77歳。
小時候第一次看他的電影, 係Dawn of the Dead, 當時覺得好好睇,
因為可能係在電視節目睇到, 所以唔知原來仲有其他同類電影。
後來再睇番Night of the Living Dead 及 Day of the Dead,
先知原來有所謂喪屍三部曲。
當時後可以拍到咁前衛既電影, 真係好勁。
後來又睇了 Land of the Dead, 都是他的作品。

之後由其他導演拍的Resident Evil 系列, 及美國電視劇 The Walking Dead,
相信一定有向呢位喪屍之父取經, 其實喪屍片真係一路都冇停過。

"George Romero, 多謝你, 你拍既喪屍電影, 好正呀!"

-----------------------------------------------------------------------

星期五下午請左半日假, 為了去書展。
因為預計到星期六、日實會好多人,
米菲又唔想排隊, 所以星期五食左午飯, 就出發去書展。
由公司搭車到灣仔, 去到都差不多3點,
當時人唔算多, 不過因為有人流管制, 進入去的通道都要長一點,
所以用了差不多20分鐘先入到去。

今年書展唔算買左好多書, 不過我在書展裡精挑細選,
希望買到心儀的書, 最後買左只係6本。

同場仲睇左一個攝影展及運動展,
最後就去日本國家旅遊局的展覽, 介紹左好多日本旅遊點,
全國地方都有介紹, 得到好多資料。係時後Plan下一個trip 了。

今次在書展睇左差不多7個小時, 中途都冇食過野, 只係飲水,
所以返到屋企成11點先食晚飯, 真係好癲。

書呢樣野就係咁, 你唔睇就會越來越唔睇, 睇開就會有癮,
所以要培養, 確實只有在書本, 才會吸收到新知識, 在電腦看到的, 好難放入腦。

好在星期五去左, 如果米菲今日去, 就會遇上打風, 又會遇上大排長龍, 真係唔想,
想起要排隊, D人成身汗味, 我就怕了。
下年還是繼續星期五放半日去書展吧!
------------------------------------------------------------

今個週未, 就大部份時間在家,
隨了因為打風, 也因為世界女排大獎賽香港站在電視睇,
雖然知道中國隊用好多新人, 所以唔可以要求太多, 但係真心覺得她們打得唔好, 好多不必要的失誤。

而今次日本隊打得好好, 兩天都在落後2局後, 連追3局取勝, 真係好好睇,
呢種不放棄的專業精神, 好值得學習。

>>July 23, 2017 at 4:41:59 PM GMT+8

2017 年 7 月 16 日 星期日 【雨】

怎樣紀念劉曉波?



7月13日, 劉曉波病逝,
7月15日, 中共把他的遺體火化及海葬, 這種安排, 被質疑是中共要他死無葬身之地,
那樣, 以後在那地方紀念他呢!

多謝媒體人北風, 他說: "今天始, 有海水的地方就有劉曉波。”

好吧! 以後米菲凡到有海的地方, 就想起他!
中國總會有天得到言論自由, 人權及民主選舉!

>>July 17, 2017 at 2:40:35 PM GMT+8

2017 年 7 月 14 日 星期五 【微雨】

呢排成日落雨, 最好係什麼活動呢, 就係睇戲了。


過去呢2、3個月, 米菲又睇左好多戲, 有

一念無明
Fast & Furious 8
春嬌救志明
Alien: Covenant
神奇女俠
The Mummy 2017
Resident Evil: Vendetta
Transformers: The Last Knife
Spider Man
War for the Planet of the Apes

一念無明, 睇完心情有點沉重, 但很有意義的片種。
The Fast and Furious 的系列, 不經不覺睇到第8集, 以不需要合唔合理了, 最緊要刺激一番。
春嬌救志明, 懷舊一番太好了。
Alien: Covenant, Alien 系列的片, 點都咁喜歡, 一定會再睇一次, 兩次, 三次.......
神奇女俠, 好好睇呀! 她單拖殺入戰場那幕, 真係好正。
估唔到Mummy 仲可以再拍, 呢套好在係 Tom Cruse 做, 如果唔係都唔知點解要睇了, 劇情毫無新意。

Resident Evil: Vendetta, 呢套係全電腦制作, 還算不錯, 因為喜歡呢個game, 所以還是會繼續睇落去。
Transformers: The Last Knife, 再沒有新意, 只是官能刺激一番, 畫面也不錯。
Spider Man 好睇呀, 最喜歡一幕, 係Spider Man 在天台食三文治.......成套戲很有娛樂性。
War for the Planet of the Apes 覺得頭2集好睇D, Caesar 他......雖然覺得無想像中咁震撼好睇, 但這個題材還是有意義。

>>July 15, 2017 at 4:54:39 PM GMT+8

2017 年 6 月 29 日 星期四 【晴】

6月10日, 米菲尊敬的吳主光牧師回天家了, 享年77。


米菲小時候好喜歡聽吳牧師講道,
每次有機會聽他講道, 我都會認真留心地聽。
也看了吳牧師的著作, 例如"靈修生活"及"靈恩運動全面研究"。

在加拿大留學的日子, 好多時睡覺前, 都聽吳牧師的錄音講道。
那時還流行聽講道錄音,
他講有關靈修為題的主題講道, 都聽過不知多少次。
吳牧師給我的教導, 真的幫助了我。

畢業回港後, 因自己返的教會和吳牧師的教會聯繫不多,
也很少再聽他的講道了。

今天晚上, 在培正小學禮堂,
有吳主光牧師安息主懷的感恩見證會,
雖然知道有這個見證會,
但因為今天工作很累, 而且7:30PM開始,
連吃飯都趕不及, 所以有點猶豫去不去參加。
米菲很慶幸放工後, 就第一時間趕去培正小學,
參加了這個見證會,
在聚會聽到很多關於吳牧師,
牧師的家人及同工, 分享了很多他的事,
除了認識他更多, 他的見證, 亦很感動米菲。

吳牧師對傳福音的熱誠、對靈修生活的重視及對神的家的關心,
是很好的見證。

吳牧師, 謝謝你！

>>July 15, 2017 at 4:19:29 PM GMT+8

2017 年 5 月 14 日 星期日 【晴】

5月大阪之旅第七天
米菲在日本橋和難波



今天到Doutor來隻熱狗及橙汁早�,
就在日本橋睇睇The idolmaster official shop,
睇幾好睇, 不過唔會想買那些產品,
始終唔係學生了, 那會買那些東西。
到難波及心齋橋一帶行個圈, 再買多D手信,
午飯就在元祖大阪燒的本舖食份八爪魚丸,
其實米菲發現自己並不是好喜歡食這東西,
只是每次都光顧不同的店, 希望找到最喜歡的味道,
這店的味道, 醬很多但不是最好的味道。
下次再食另一間。

下午3點坐南海電鐵 rapi:tβ到關西空港,
坐鐵人28号指定席, 都係40分鐘內到達機場,
所以住在難波及日本橋一帶真係好方便。
雖然米菲4點前已經在機場,
但最後班機又改時間, 5:40改到6:40PM,
無法, HK Express呢期出晒名delay,
到了香港, 行理同樣delay 1 小時先攞到,
所以原先計劃8點半到達香港機場, 10點返到屋企,
就變成午夜12點先返到屋企。

不過米菲已經唔係第一次遇上HK Express 的delay,
所以都習以為常, 期望下次好D 啦!。

整個京都大阪旅程, 睇到好多野, 下次去邊好呢?
又到東京走走都好, 找尋新景點。

>>August 28, 2017 at 4:04:35 PM GMT+8