2017 年 4 月 18 日 星期二 【晴】

2017年4月北越之旅第一天


米菲和MO媽晨咁早就到達機場集合, 再慢慢食早嚏C
因為今次係去北越, 治安問題是最先考慮, 再加上不想MO媽太辛苦,
只好跟團去, 我們起初是報名了新華, 但唔成團,
後來再報名康泰, 終於順利成團出發。

8:35AM準時起發, 係坐港龍, 2個小時就到達河內機場。
當地入境也很快, 排隊不到10分鐘, 而行理就等左幾分鐘就有了。
連領隊及導遊, 我們都只有19人, 所以一架大旅遊巴士, 我地就坐得好舒服。

越南比香港慢1小時, 所以到達當地市中心, 都係11點。
午飯係食越南牛肉粉, 去一間叫 PHO HUNG,
生牛肉粉連汽水, 粉的份量很少, 米菲再加左份春卷, 好好食。

今天由河內去下龍灣的車程要4小時, 除左因為本身路程遠,
也因為當地政府限制了車速, 最快都係70, 所以冇法再快。
我們中途停左一站休息。
路經的地方大部份都係稻米田, 間唔中有漁塘。

4點就到達下龍灣的New Star Ha Long Hotel,
雖然酒店只係3星, 但我地住的是新一座建成的,
所以係全新, 房間好整潔, 我地住在8樓, 可以望到好遠。
我地2晚都會住在這酒店。
我們的房間有3張床, 真係好大的房間。

我和MO媽在酒店一帶散步, 好休閒, 陽光很好,
氣溫大約24度, 好正。
下龍灣酒店附近, 都可以見到好多地方建築起樓,
所以我想, 2至3年後的下龍灣, 就會更加現代化,
海邊再起更高更高的建築物, 沿岸的景色會有些微影響。
好在下龍灣的美景主要係出海後先見到, 如果唔係就被這些發展破壞。

6點我們就食晩飯, 晚飯係中越式混合的海鮮�, 不過不失,
由於個團設計行程輕鬆, 所以食得好舒服, MO媽又唔洗咁辛苦。

直到晚上都係自由時間, 食完飯去左所謂的超市行行, 因為好細間。
今晚, 我和MO媽決定9點幾就訓, 雖然MO媽話唔累,
但因為聽日係行程中的主菜, 坐船遊下龍灣, 所以要養好精神。
兩母子可以晚上在傾計, 傾到訓著, 米菲感覺很好。

>>May 1, 2017 at 4:45:17 PM GMT+8

2017 年 4 月 4 日 星期二 【晴】

好睇呀!



過去呢兩三個星期, 睇左好多好戲:

Beauty and the Beast 美女與野獸
Power Rangers 戰龍覺醒
LIFE 外星生命
謝謝你, 在世界角落中找到我
Ghost in the Shell 攻殼機動隊
Swort Art Online

美女與野獸, 迪士尼片來說, 質素高喎, 亦好睇,
並不覺得有宣揚同性戀問題存在, 因為香港播的版本全部剪去那部份,
都剪左啦, 仲花時間討論那問題就多餘了。

Power Rangers 平平無驚喜的科幻英雄片, 睇唔睇都得,
花左好多時間講英雄的起源,
跟住狂打, 然後將來一定有續集。

LIFE, 好喜歡, 簡單的外星生物故事內容,
但過程拍得好睇, 好期待有冇續集。喜歡科幻片必要睇。

謝謝你, 在世界角落中找到我
呢套野唔同普通主流動漫,
故事雖然是二次大戰為背景, 但唔係講打仗,
主要係講人民的生活, 好多當時生活上的事都帶到觀眾面前,
其中有令人會心微笑的, 也有令你流痕�, 米菲也哭了兩次呢,
是今年必看的電影。

Ghost in the Shell
是今年最期待的電影之一, 其次就係來緊會做的Alien前傳第二集。
基本上睇到動漫的感覺, 能保留原著的感覺,
而且那種好型的設定和場面, 都能保留,
電影花左好多內容講少佐的身世,
但少了人和機器人的探索,
不過成套戲拍D畫面真係好美,
雖然知道係電腦做出來, 但畫面效果真實,
女主角做到出色, 也是今年必看的電影。

Sword Art Online 刀劍神域劇場版:序列爭戰
一向睇刀劍神域都係TV series,
無想過睇電影有這種震撼感覺,
對於動漫VR世界裡那種天馬行空的想象意境,可能因為音響勁, 畫面較大的郊果,
電影院裡看能表達得更震撼。
故事講NerveGear 帶來的VR 完全潛行出事之後,
遊戲世界又出現一種AmuSphere 帶來的AR遊戲世界,
但兩個遊戲其實有關連, 故事就以這樣為背景。
刀劍神域劇場版, 是出色的作品, 之後肯定還有續集, 希望唔好拍到爛啦!
呢次劇場版, 拍得亞絲娜好美, 動漫迷必看的作品。

>>April 5, 2017 at 3:43:31 PM GMT+8

2017 年 3 月 23 日 星期四 【晴】

香港好在仲有隊達明一派




今晚睇左達明卅一派對演唱會, 好感動。
還記得第一次睇達明一派演唱會的時候, 係在伊館, 叫做萬歲萬歲萬萬歲演唱會, 那是十週年紀念。

第二次睇係兜兜轉轉演演唱唱會(上綱查番先知, 好難記得呢個名),
原來那已經是廿七週年紀念演唱會了。

今次係第三次睇, 而且係最感動的一次, 是三十一週年紀念了。
今次演唱會有三場, 我睇中間的一場, 因為是星期五晚。

早前買左套collection boxset, 叫達明一派 Project 30,
係9張CD的精選集, 講真達明出過既精選集, 多到數唔晒。
好在, 我一向只買大碟, 最初是買黑膠, 後來就買CD,
全部大碟都齊, 但記憶中冇買過任何精選集。
所以今次就好捨得買呢套boxset, 而且係限量1000套, 每套有no.,
米菲o個套仲係no.0096, 好前, 真係好難得,
其實, 唱片店有個講法話越前的no., 音質會好d, 但現在科技全部數碼化, 仲會唔會有分別呢, 真係一個迷.

由於呢9隻CD, 讓我重溫達明一派的歌, 所以今次演唱會, 我就聽得特別投入。
8:35PM左右開始, 到11:15PM先完, 2小時40分鐘的演唱會, 差不多好多大熱作品都玩晒.
只是冇唱"你還愛我嗎?"和我十分喜歡的"一個人在途上"。
仲有D係黃耀明自己既歌, 同埋兩首David Bowie既歌。

演唱會開頭, 螢光幕打出1984, 從報紙得知, 應該是說1984年簽中英聯合聲明。演唱會中途, 又打出“老大哥在看著你”,
那種氣氛提醒你, 喂! 老友! 老大哥在看著你, 小心!
對米菲來說, 成晚演唱會提到點點政治、點點同性、點點教育、點點抱打不平、點點扶持藝團、點點致敬,
但加起來, 就變成多多的愛。
其中, 達明一派愛港這思想很強烈。

有網友對於黃耀明唱自己既歌, 又大講政治, 話騎劫左達明一派,
因為呢個演唱會仲有阿達, 又唔應該宣傳他個人的政治想法等等.......
對於米菲來說, 真係覺得冇問題, 我就是喜歡達明一派敢說敢言,
而且個演唱會唱什麼歌, 當然一早同阿達傾好, 而且可以大家有時間互相休息。
不過, 我都好尊重網友的想法, 大家對同一件事情, 有唔同想法都幾好呀, 可以聽到唔同的聲音。
也讓我可以明白, 原來有這樣的想法。

演唱會曲目如下:
四季交易會
我有兩個
你望我望
後窗
崩裂
1+4=14
填充
甜美生活
每日一禁果
青春殘酷物語
迷戀
暗湧
愛在瘟疫蔓延時
禁色
天問
撐起雨傘前奏、馬路天使
迷惘夜車
今夜星光燦爛
十個救火的少年
今天應該很高興
下落不明 (與何韻詩合唱)
Under Pressure (何韻詩合唱)
刹那天地
排名不分先後左右忠奸
Its my party
溜冰滾族
繼續追尋
Heroes
末世情
晚節不保
石頭記
天花亂墜

以上是從報紙抄來再修改, 當中說不定有錯漏, 因為我實在會記錯D歌名。

有何韻詩做嘉賓, 自從lancome事件......講起來都有D火......今次阿詩和黃耀明合唱, 好醒神,
合唱David Bowie 和 Queen 的 under pressure, 不過我就唔識呢首歌, 不過第一次聽都幾好聽。
上年David Bowie離開左, 呢件事好震撼樂壇,
黃耀明很喜歡Bowie的話, 向他致敬太好了,
因為Bowie的音樂, 影響左成個音樂的發展。

米菲最感動的位, 是黃耀明唱填充時, 那時, 米菲流略F.......
米菲一生就是被那種填充式的教育制度掌控, 好在有機會出去留學, 見識到唔同的教育制度,
真心希望香港的教育方式可以變得更好!
呢首歌亦係講緊, 我地不斷地被教育, 不斷地被洗腦, 當然係被“老大哥”或者“你是神”那個神洗腦啦!

今晚, 米菲好享受其中的每段時間, 希望好快既日子, 可以再聽達明一派的演唱會。

>>March 30, 2017 at 6:45:58 AM GMT+8

2017 年 3 月 17 日 星期五 【陰】

好o野, 又燒烤了


放題小組呢排靜晒, 但係燒烤小組又出動了.
除了基本成員sing sing和詩外, 今日有panda加入我地燒野食。
我地放工後直接去大美篤, 今次我地試燒烤農莊。
我地1點半就到了, panda已經在裡面了。
呢度比先前去過既麥師博和燒烤王貴D,
但係......
我地一致認為食物質素和環境仲差左,
不過, 米菲仍然保持開心既心情, 好好享受呢次燒烤
仲燒左6個小時, 好滿足。

已經好期待下一次燒烤了。

>>March 25, 2017 at 11:51:36 AM GMT+8

2017 年 3 月 11 日 星期六 【陰】

對米菲來說, 睇電影是一種休息


米菲一年可以睇好多套電影, 我諗接近一百套, 真係好誇張。
剛剛在收拾電影票尾,
原來踏入2017年至今, 在戲院睇左6套電影, 如下:

長城
Arrival
Resident Evil: The Final Chapter
La La Land
Logan
Kong: Skull Island

除了Resident Evil令米菲失望外, 其餘幾套電影, 米菲都好享受其中.
長城拍得靚
Arrival 冇得好講, 很喜歡有怪物的科幻片
La La Land 令米菲再一次思考夢想這東西, 米菲都哭了
Logan 是最有人性的一次狼人, 米菲又哭了
Kong: Skull Island 好震撼, 記得唔好早走睇片未, 因為.......

最近睇緊一本書, 其中一段提到, 睇電影時的獨處, 可以令人得到休息。
雖然可能同朋友一齊看電影, 但是在2小時裡, 好少會交談,
又唔會睇電話, 或做什麼, 只專注在電影裡,
對米菲而言, 確實每次看完電影, 都感到relax, 呢個休息方法真係好。
所以, 近年睇戲都選擇較早的場次, 最好係睇完戲出來仲有日光, 跟住食個tea, 這感覺非常好。

>>March 12, 2017 at 4:49:49 PM GMT+8

2017 年 3 月 10 日 星期五 【陰】

311東日本大地震


2011年的這次地震, 死左1萬5千幾人, 仲有2千幾人失蹤。
還記得當日新聞, 好恐怖.
東京銀座的sony, 在building掛上一幅廣告, 在旁邊有一條紅線,
並用文字表示當日海嘨就是剛好這個高度, 是日本雅虎的廣告。
單是看見這個高度, 就讓你避難的行動有所改變。

希望受傷的家庭都能康復過來, 重申過著新生活, 並相信世界還是美好的.......

>>March 12, 2017 at 4:20:31 PM GMT+8

2017 年 2 月 17 日 星期五 【晴】

米菲又燒烤了


今日係長週, 放工又去燒烤了,
今次轉去大尾篤燒烤皇,
基本上, 燒烤皇和上次麥師傅比較, 都差不多。

今次都係燒左5小時, 米菲好享受這次燒烤,
多謝sing, pat, 及詩促成這次燒烤。
今次米菲去街市, 買左2斤紅心蕃薯, 其餘都係食返個場提供的食物,
呢批蕃薯, 燒出來好好食.

米菲和詩詩, 為DJ sing sing, rap左一段歌, 真可惜沒有錄下來, 真係笑死.....
好期待下一次燒烤!

>>March 12, 2017 at 3:56:32 PM GMT+8

2017 年 2 月 3 日 星期五 【晴】

米菲燒烤了


大家話去燒烤講左好耐, 終於到2017年既2月先去,
今日長週要返工, 一放工就即刻入大尾篤麥師傅到燒烤,
1點半燒到6點半, 5個小時的燒烤
米菲好享受在其中

米菲本身是好like燒烤,
而且唔係好介意材料, 唔洗花巧, 例排野就好了,
最好係任食o個種, 麥師傅呢度滿足到呢個要求,
有預備好材料當然好, 但不是重點,
重點係大家可以在燒烤時一邊燒, 一邊慢慢傾計

平時食飯, 大家就算唔玩電話, 都好快食完一�,
你唔走, 個曙U都會叫你交枱
燒烤就唔會出現呢個情況, 大家慢慢燒, 慢慢食, 慢慢傾....

米菲好享受呢次燒烤,
多謝詩詩及sing促成呢次燒烤。

>>March 12, 2017 at 3:40:51 PM GMT+8

2016 年 12 月 18 日 星期日 【乍雨乍晴】

12月韓國之旅第四天


今日起身仲係好頭暈, 有種飄的感覺。
雖然5點先要到機場, 但係Cherry怕我頂唔順。
我地就check out後在酒店大堂休息。
她煲韓劇, 我就灘在梳化休息。

好在酒店對面就有機場巴士,
3點先在機場食午飯, 機場food court找到個幾好的坐位,
可以hea下, 米菲搵唔到適合病人食的東西,
又口啖啖, 所以在 Dunkin Donuts買左個芝士烤雞漢堡, 草莓沙冰,
基本上我都冇介口, 而且已經精神番好多了。
其實好想食Donut, 不過胃口還未回復。

5點已經在候機室坐, Cherry就去左拿訂左的化妝品,
她走左差不多一個多小時, 真係去左好耐, 原來她及朋友,
加埋買左好大量化妝品。
米菲就在候機室, 躺在椅子上, 都唔理得儀態咁多了。
終於等到7點上機了。晚上好番好多了。

今日如果唔係病, 相信可以去多一個地方, 或者食多次好野。
Cherry其實安排得行程不錯, 可以在頭3天去晒想去的地方, 而且她很熟路。
今次旅程去晒四宮一廟, 已經係一個文化歷史認識,
加埋在光化門清溪廣場一帶, 能經歷一次和平示威, 實在是一次對當地社會很好的認識。

>>April 16, 2017 at 8:27:02 AM GMT+8

2016 年 12 月 17 日 星期六 【乍雨乍晴】

12月韓國之旅第三天


今日11點到達了宗廟, 宗廟除了星期六可以冇導遊帶住入去,
其餘時間都必需跟隨導遊行, 所謂導遊, 其實係一講解員,
唔同時間有唔同語言導賞, 我們最近的, 是12點的英語導賞,
其餘時間, 分別有日語, 漢語, 韓語。
唔跟講解員行, 係唔可以進入宗廟, 除了星期六。
整個參觀約1小時, 全程唔可以自己行開。

成個參觀多得講解員, 她講得好清楚,
旅程中, 有些地方是不能踐踏, 而且要保持寧靜,
今天是陰天, 成個參觀景色多了一份淒美,
當米菲參觀完, 就明白為何要導賞,
而且才能感受到壯嚴, 及對前人的尊重。

接著我們來到德壽宮, 德壽宮隨了一貫宮的設計模式,
還引進了西洋建築的設計,
主要是因為當時的外交宮及傳教士, 在當地聚居,
詳細歷史就唔講咁多了, 米菲睇完一次都唔記得。
離開德壽宮前, 遇上他們的轉班時間,
好大隊宮兵打鼓步操, 幾好睇, 唔知係唔係等於報到,
跟住分派去唔同宮(註)守。

去到梨花女子大學附近, 已經是3點了。
午飯時間, 去到斜路呢間食店, 食左午嬰袪W辣的辛辣面,
真係好辣, 呢間店個招牌除了個家字我睇得明, 其餘都係韓文,
入面有中英文menu, 好多食物選擇的店。

很喜歡梨花女子大學及附近的環境,
由於Cherry會睇女裝衫一段時間, 所以我們就分頭行,
米菲先入梨花大學行行, 今日天氣好好,
影相好靚, 米菲太貪心周圍行,
其實來到這裡行一轉, 就應該坐低嘆杯咖啡, 食個甜品.....

米菲買左梨花女子大學的記念品,
因為今次旅程真係買得太少野,
只係買左手套, 襪, 零食, 臉膜, 其次就係梨花的記念品。

米菲上次在原宿同巨大的熊大影合影,
今次又在梨大的line專門店, 再同巨大的熊大影相,
事實上, line 的角色真係好cute,
而且用line同朋友溝通, 真係好多貼圖玩。
不過我的心只有miffy, 好間唔中買輕鬆熊的產品,
暫時還未買過line 的文具或用品。

離開梨大, 下一站係叫江南高速巴士客運站地下購物中心。
話說Cherry竟然在梨大一件衫都買唔到,
最後只係買到襪, 所以奀H望在這客運購物中心買到衫,
米菲也不介意陪女性買衫, 但既然她喜歡自己行買衫的地方,
咁我就找個地方休息下。

從米菲的角度, 客運購物中心就像葵芳廣場的特大版本,
因為購物通道很長, 所以我諗係葵芳廣場的3至4倍左右啦!

正當Cherry在搏命時, 米菲就行左去另一邊商場,
Shinsegae, 應該係叫新世界百貨,
我去左超市部份買零食,
然後就在這裡的咖啡店坐, 因為唔知女人買衫可以買幾耐,
不過Cherry話行個半鐘, 再會合, 睇會唔會再行耐d,
呢個安排幾好。

間咖啡店叫 Paul Bassett,
因為頭先在梨大已經見到他的店,
所以來到這裡再見到, 就坐低嘆番杯。
這個名叫 Paul Bassett的人來頭亦不少,
他是澳洲人, 年輕時就已經勝出國際咖啡師比賽冠軍。
後來成立了自己品牌。
看見梨大和新世界這間店,
發現Paul Bassett 的店, 都用上深灰色牆, 木造傢具, 很有自己的風格。
米菲一時間好多野想試,
最後叫左個set, 係一杯凍mocha配上一件海棉蛋糕, 蛋糕係跟雪糕。
其實我並不知道蛋糕是否要配上雪糕食, 還是係兩樣甜品跟咖啡的set.

其實米菲雖然飲咖啡, 但就唔係咁講究,
只要唔係太過苦澀, 加上少少奶香, 我就喜歡。
呢杯mocha, 俾到,
蛋糕普通海棉口感 唔算好特別,
雪糕就好好食。
米菲坐左一個小時, 不過呢度連住超市,
真係好嘈, 並不覺得呢一小時係休息。
相比頭先在梨大的店, 那裡寧靜及氣氛好D.

8時會合Cherry, 行多轉新世界超市,
我地就再去樂天超市。
諗住在超市food court食埋晚飯。
點知去到樂天food court, 米菲冇晒胃口,
跟住就發冷發熱, 所以就打的回酒店休息。
到底呢個病係點發出來, 我也不知道,
可能係玩得太累, 加上環境好凍, 抵抗力下降就發出來,
因為未出發前, 公司真係好多人病了。
不過好在係第三天晚上開始病, 如果唔係行程都影響到。

今晚我食完止痛退燒藥, 就訓,
有少少辛苦, 因為有頭暈。

>>April 16, 2017 at 8:38:05 AM GMT+8