2017 年 5 月 13 日 星期六 【晴】

5月大阪之旅第六天
米菲在日本橋



今日安排最hea的活動, 就係全日留在日本橋看動漫產品。
動漫店一般冇咁早開門, 所以10點到carot cafe 吃個早龍et,
繼續飲橙汁, 點解唔飲咖啡呢?
其實到今天為止, 米菲想做個測試, 就係5天不飲咖啡會點,
會唔會冇咁精神, 或者腸胃會變得更好, 雖然我一向冇腸胃問題。
雖然知道奶茶及咖啡對胃唔好, 但就未試過停止好長時間唔飲。
今次旅行即管做呢個測試, 5天不飲奶茶及咖啡。
結果係, 腸胃變得更加好, 証明咖啡及奶茶對米菲身體唔好,
不過, 呢個係對我個人而然, 每個人身體的狀況都不停,
我也沒有想過以後就戒掉咖啡, 只是做個小測試而以,
或釵A年長一些, 我就必需要戒掉, 到時先算,
因為我實在喜歡奶茶及咖啡類飲品。
今天是第6天了, 所以早戴L後, 下午我會飲番咖啡,
唔知會唔會覺得特別好飲呢!

下午到了松乃家食炸豬排和炸雞定食, 連稅690,
好得, 不過食得有點過飽了。
繼續睇動漫, 到4點米菲就來過下午茶,
在連鎖店Doutor買了千層年輪蛋糕, 來杯美式咖啡,
終於飲番咖啡了, 好hea的下午茶時光。

今天是米菲的動漫日, 睇足整天, 直至店關門,
不過依家冇以前咁喜歡買野,
主要是睇, 最後只係選擇性地買了少少貨品,
也是最心動才買。
主要係近來看了一本關於簡約生活的書,
所以開始丟東西, 捐東西及賣東西, 有機會再分享當中領會的。

今晚11點食晚飯加宵夜, 在一間叫天地人的拉麵店,
點了個叉燒拉麵, 湯底肥左少少, 卻出奇地好食, 好滿足。

>>August 28, 2017 at 4:03:09 PM GMT+8

2017 年 5 月 12 日 星期五 【晴】

5月大阪之旅第五天
米菲在萬博紀念公園



今日又訓夠十點先出門,
在酒店附近發現一家小店叫Carot Cafe, 係食西式早嚏C
點左份sausage and egg set及一杯橙汁, 有沙律有多士, 550yen抵食,
老阪親自招呼我, 雖然老板個樣係幾cool 的大叔樣,
但因為鋪頭唔大, 還是覺得很親切。

出發到萬博紀念公園,
從難波坐御堂筋線到千里中央駅, 約30分鐘,
轉坐大阪單軌電車, 約5分就會到萬博紀念公園駅。

在車站遠遠都會見到太陽之塔,
是1970年日本世界博覽會的象徵。
在博覽會結束後, 這裡改建成公園, 供人參觀。
而對太陽之塔有特別感覺, 主要是因為20世紀少年這套動漫及電影,
總覺得充滿神秘感。
今次終於可以親身到來, 太開心了。
給他拍了多張照片, 也自拍了多張。
沒有看見帶面具的朋友出現, 有點可惜,
朋友, 你在那裡?

入面實在太多野睇, 而且分為好多個館, 有排行。
米菲主要參觀了4個地方,
就係自然文化園, 國立民族學博物館, 日本民藝館,
及平和玫瑰花園, 就已經用了大半天時間。
內容就唔花時間寫了, 放在心裡就好,
是很值得到的地方, 不過要細看就要預多D時間。

今天在中央的大塊草原, 有個叫LOHAS FESTA的活動,
就是一個以樂活為主題的大型活動節慶, 相信是灘位遊戲一類的東西。
很多家庭到來參加, 好多小朋友, 很多家庭進入了這園地裡,
而世博場地本身, 今日遊人好少, 可能因為是陰天吧!
星期六唔多人, 我都有點意外。

公園裡, 有個叫Expocity 的商場區,
除了一般的鋪頭及食店,
區內仲有比卡超主題館及高達主題館。
米菲以前唔認識比卡超,
但自從玩了pokemon go 之後,
就認識了比卡超和故事的主要角色。
Pokemon go 第一代的精靈都全部捉晒了,
第二代就閒來都會捉下, 但係冇咁投入了。

這個館叫 Pokemon Expo,
一入去其實就有隻人咁大的比卡超, 可以和他拍照。
主題遊戲館係電子竸技場,
係俾家庭及小朋友, 米菲就唔入去了。
但旁邊的紀念品店, 好多野睇,
加上阿妹個女好喜歡伊貝, 所以今日就特別留意伊貝,
伊貝進化後, 會變成另外9種伊貝, 我都分唔清全部,
但太陽, 月亮, 火, 水, 電伊貝係認識的,
買了火伊貝公仔及一盒有齊9種伊貝的餅給她作手信。
也買了少少紀念品給一同玩緊pokemon go的同事,
米菲自己在比卡超主題小食店買了比卡超 popcorn, 就係一隻大比卡超,
裡面裝著Popcorn, 可以讓你一邊行一邊食,
米菲當然坐在店中慢慢食, 就當做休息, 而且還未吃午飯呢!

行埋高達館, 就終於食午飯, 因為已經3點幾了。
在Expocity門前, 有間叫大起水產的回轉寿司,
大眾化價錢, 米菲食得好開心, 今次因為還想食商場裡的donut,
所以唔食咁多碟了。

食飽入商場裡行行,
有sanrio及Rilakkuma store, 仲有小小miffy產品睇,
在Stussy買了一件tee, 然後食件donut,
就到了商場的巨大摩天輪,
寫住日本一, 123m大觀覧車,
是全日本最高的摩天輪, 全世界就排行第5高。
全部車箱都是玻璃底, 米菲坐了上去, 是黃昏時間,
一路坐一路入黑, 太陽之塔雙眼著燈。
嘩! 個摩天輪轉到最高點時, 係好高, 有少少驚。

8點前離開世博, 還好, 9點前以回到日本橋,
今晚試一間大眾化的鐵板燒定食,
昰食卷形式, 米菲買了hamburger steak set meal,
730yen 又抵又好食。

今日終於去到一直想去的世博, 太好了。
主要係以前去過大阪好多地方,
只係天保山及世博未有時間安排去,
今次就特別安排2天時間去晒呢2個地方,
估唔到咁正。

>>August 28, 2017 at 4:00:17 PM GMT+8

2017 年 5 月 11 日 星期四 【晴】

5月大阪之旅第四天
米菲在天保山



今天訓到夠, 10點先在Namba City的英國屋Cafe,
嘆份英式早�, 不過唔飲coffee, 有原因, 稍後再講,
配上大大杯橙汁, 好講究咁食份英式早�, 但其實一般野。
本來曙U環境幾好, 但有班人, 好大聲咁講野,
向來中國人在禮儀方面, 還可以繼續改善及進步,
這以是最正面看這件事了。
很高興待應還很努力為所有顧客服務。

出發到Bay Area(海灣區)一帶, 不過唔係去Universal Studio, 係去天保山。
難波乘御堂筋線至本町, 轉中央線至大阪港駅,
從1号出口向著海邊方向行幾分鐘,
就會見到大觀覽車 (摩天輪)。

米菲先到大觀覽車旁邊的天保出公園,
因為米菲要登上全日本最矮的山, 高4.53米。
想知點解, 就要查歷史了。
雖然只得4.53米, 但也可以在山小屋喫茶店買登山証明書, 10yen一份。
雖然只得4.53米, 天保山也設有登山救助隊, 但到現時都未出動過一次。
一切就只為了製造話題, 日本人及觀光局就是有這樣的心思。
米菲也登上了山拍照, 上面寫著天保山山頂。
今天也遇上了很多小學生登山, 氣氛很好, 大家都帶著歡笑拍這照片,
緊係, 汗都未出就上到山頂當然好笑得出啦!

米菲買了套票, 係摩天輪+海遊館, 3000yen
不知幾時開始愛上坐摩天輪,
每次到一個新景點, 只要有摩天輪,
米菲都會坐上去。
想起來都幾好,
一來可以睇晒附近整體風景, 二來可以稍作休息,
米菲選了全玻璃的車箱, 連底部都透明,
有少少驚, 但身體和感受都能適應這情況,
這種車箱排隊要15分鐘, 因為60車箱中,
只有8個車箱係全玻璃, 普通車箱可以即上唔洗排。
到我了, 這片刻中, 就好像一個旅程中的小旅程。

天保山的大觀覧車, 隔離就係Market Place,
係個商場, 不算大, 店舖對像係家庭客為主。
除了有food court, 還設有懷舊食街,
米菲午飯就去了蛋包飯發原店北極星。
2015年那次試過去美國村的本店,
但那天晚上竟然全部沽清, 當晚連訂座都冇機會。
我也是不花時間等的人, 所以未試過。
米菲點了個炸牛排蛋包飯, 配上咖哩汁。
本身唔係特別喜歡食蛋包飯,
真係為試而試, 點知出奇地好食,
牛排好, 蛋包飯都好, 俾到。
份量大, 所以如果唔係多人, 就唔好再加小食, 不浪費。

Market Place入面, 還有意外驚喜, 有間文具雜貨店,
竟然有半間店賣Miffy商品, 貨品有新有舊,
是平過專門店好多, 因為做緊特價, 全店又再有20% off.
我買左好靚folder, 及一隻陶瓷杯, 好得。
埋單計數仲俾想像中平更多, 就係因為折上折, 早知買埋另一顏色陶瓷杯。
今次購物好開心, 相信女店主人係Miffy 迷。

下一站就係海遊館,
就在Market Place 隔離, 是全球大型水族館之一,
分為10個生態地域, 當中有個巨型水族箱,
儲水量達到5400噸。
可以先睇完在3/F入口的水族箱, 就可以乘電梯直達8樓,
由上而下咁參觀, 好睇。
場內有足夠設施, 可以讓觀眾坐下慢慢欣賞,
每次巨型鯨鯊及魔鬼魚游過, 都好吸引米菲的眼球。
好多人都會話水族館, 去過好多啦, 咪又係咁,
如果你係咁諗, 就會錯過好多野,
每個水族館, 都有自己特色及設計, 品種又唔同。
今次呢個係以環太平洋火山帶上的10個區域為題。
最未段部份, 有一個互動區, 係可以親手摸著魔鬼魚。
米菲摸了3個品種, 其中一個品種係滑手, 另外兩個品種係較為粗糙感,
當然係摸坉I部, 如果唔係妢|受驚。
場管會有工作人員指引, 而且大人小朋友都好守規則。
事前及事後的洗手是最基本的, 成件事好好玩。
可以親手摸到喜歡的魔鬼魚, 太好玩了。

在天保山, 第一次留意到一個路牌,
上面用日文, 英文, 韓文, 繁體字, 簡體字寫著,
『禁止邊走邊看手機』
到底有幾多人理會呢?
米菲認為, 今時今日叫人行路唔望手機好難,
但要打字, 我自己就會先企埋一邊, 打完先繼續行,
呢個係米菲的個人習慣。
不過遇上有這牌, 我就會照指示做, 總知行緊唔望手機就是了。

在海遊館隔離, 有座展覽館,
正在展出藤城清治的作品展, 由於接近關門時間,
所以米菲不能進場, 但紀念品店米菲可以進入。
今次主題叫光之樂園。
上次到東京旅行, 又遇上他的展覽,
真有緣份, 米菲算不上很喜歡他的作品,
但其中部份的作品, 真係好有意思,
買了4張post card 及相架,
這相架是剛好可以放上post card的,
現在放在公司, 每天都可看到他的作品了。
定時換上唔同的post card, 好好玩。

4點半離開大阪港, 回酒店小休。
今晚食酒店附近的拉麵店, 屬於日本橋一帶。
這店名字叫天翔, 主打厚切燒豚肉,
米菲點了天翔超級豬骨拉麵,
大大塊燒豚肉, 一隻溫泉蛋開邊, 多蔥, 濃湯,
好食。
食飽就在日本橋的玩具店行, 直至關門。
再去M記食宵夜, 米菲太為食了。

今次遊大阪港, 但唔係去環球影城
而係天保山, 係喜出望外的經歷,
而天保山, 其實仲有地方可去, 可以遊觀光船Santa Maria,
還可以到Cosmo Tower和ATC商場遊覽,
因為一天真係玩唔晒。

>>August 28, 2017 at 3:58:35 PM GMT+8

2017 年 5 月 10 日 星期三 【晴】

5月大阪之旅第三天
米菲在京都大學, 銀閣寺和南禪寺



今天先出發到京都大學, 因為大學很近銀閣寺,
而且真係好想去睇神探伽里略的拍攝地點, 所以就順道去一去。
晨早起來退房及寄存行理, 吃過簡單早屨幓N出發, 今天陽光超好。

搭京都站烏丸口市巴士17号, 就在京大正門下車。
首先參觀的是京都大學總合博物館, 入場費很便宜。
裡面的標本多得很, 而且很珍貴, 有昆蟲, 化石等等,
基本上入面很冷清, 除了米菲和幾個參觀者, 就只得保安員。
相信是時間太早, 那有人像米菲晨咁早進入博物館。
還好, 喜歡這樣的寧靜。

接著係拍攝大學正門的楠木, 呢棵楠木基本上係京大的校徽,
成個楠木配合校園, 拍攝出來的效果很美,
米菲都不知拍了多少張, 有全景拍攝, 黑白, 什麼弁鈳ㄙ悸情C
因為陽光很好, 所以感覺亦非常良好。
順帶一提, 由於要拍攝整棵楠木及校園,
站的位置就會很近校園汽車出入口,
所以要注意安全, 也不要阻礙到汽車出入。
雖然京大很歡迎外來人參觀, 保安員也笑臉迎人,
但參觀者的基本禮貌, 是對別人的尊重,
米菲認為去那裡都應該有這樣的心態。

進入了京都大學百周年時計台記念館,
那歷史展示室有很大的建築模型, 可以看清大學的全貌,
對京大的歷史也有很詳細的描述。
京大本身的紀念品店很細間, 基本上貨品很少,
但只要進入學生會的超市及紀念品部,
就可以看到各式各樣的紀念品, 而且有個100 yen的菓子專架,
讓學生可以買到較平的零食。
米菲也看見店裡出售的便當,
2餸1配菜及白飯, 售價390 yen, 對學生應該是最便宜的選擇了。
米菲買了些紀念品及零食, 就在校園到處走走,
因為剛好是午飯時間到了, 好想看看他們的校園生活。

以單車代步的學生也不少, 有學生在樹下找個地方吃便當,
這情景就較少在香港見到, 大家都會找個冷氣地方吃飯,
相信係香港太潮濕了, 在太陽的樹蔭下, 也不能支持多久。
米菲在京大門前的西曙U食午飯, 呢間野除了日本人,
就係D外國交流生, 相信這刻米菲可能係唯一的遊客。
選了坐bar枱, 點了個肉醬意粉, 配上法包及沙律,
味道普通, 但進尷瑰藿珓傿峈A, 招呼很好,
每次飲完杯冰水, 店員都為米菲補充。

在京大, 除了楠木, 時計台及博物館可以一遊, 大學也有一紀念像可以一看,
就係折田像, 但米菲經過校園放像的位置, 就確實見唔到, 可能某些原因移走了。

差不多下午一點離開京大, 於大學的百万遍站乘203号到銀閣寺道站下車,
車程都係5分鐘左右, 一落巴士就感受到那份炎熱,
在銀閣寺道站附近有間有名的自家製雪條店,
米菲就在坐椅上, 享受一條清涼的綠茶雪條,
店中還有很多口味, 有機會一定再試其他。

店主說向這方向再行幾分鐘, 就會到達銀閣寺。
米菲很快便到達銀閣寺了,
看著門口的銀閣寺境內圖, 會覺得銀閣寺很大,
心想是很久以前去過的33間堂那種大小,
但實際上比想像中細, 也剛巧遇上一大群學生,
所以便熱閙起來。
不過買票進場的秩序很好, 學生都跟著老師排一邊,
令其他遊客可以有位置排隊進場。

在這裡就不花時間介紹歷史了,
那個堆砌成的銀沙灘真的很美,
米菲找來小丸子(學生)幫我拍照,
之後就參觀寺院其他地方,
因為沒有細看旅遊書的介紹,
也發現自己並不懂得怎樣欣賞這個銀沙灘,
除了美感, 並不領會當中的含意。

銀閣寺本身的建築物, 是不能進入的,
只可在外拍照。
在這裡遇上兩班外國人, 其中一個日本學生向這班外國人做問卷,
相信是末�, 當然用英文問,
我在旁看到他們的問卷,
大致上係問你來自那國家?
喜歡日本那個地方?
喜歡日本的什麼文化等等。
最後我還幫了這班外國人及日本學生拍攝大合照,
一時間變成聯合國的大合照,
大家都有燦爛的笑容,
有點感足, 世界就這樣和平就好了。

離開銀閣寺, 米菲開始行哲學之道,
哲學之道雖然只是一條散步道, 但由於1890年建成,
加上附近有銀閣寺及這步道滿布櫻花樹,
所以很吸引遊人, 全長1.8公里。
在居民和水道局的保護下, 有所謂春之櫻、夏之萤、秋之紅楓、冬之雪景,
所以被列入日本道路百選之一。

由於過了櫻花的季節, 所以遊人不多, 沿途就更加享受慢步那份寧靜美,
在河道發現好多大鯉魚, 米菲很難想像有40CM咁長既野生鯉魚,
大約有幾十條,
當時我專心在拍照, 遇上4個日本人, 大約50,60歳, 他們問我在看什麼,
我話大魚, 這裡有好多大魚, 他們說經常行這裡都看見,
米菲介紹了自己, 他們說難道香港沒有這樣的大鯉魚,
我告訴他們, 在香港或中國, 如果野生有咁多, 一早俾人捉晒來食了。

米菲和他們繼續傾談漫步, 最後我們行到南禪寺,
其中一日本人說將來旅行可來我家鄉居住,
但他家鄉那個地方, 我聽唔到係邊個地方,
唔知係講邊度, 所以就沒有再問清楚了,
向他們道別, 因米菲說只能在南禪寺行個圈,
就要趕上行程, 因晚上要坐新幹線去大阪,
真高興認識他們。
南禪寺實在太大了, 而且有點疲累,
所以先快行, 讓自己行程可以趕上。

下一站紫]湖疏水記念館,
這個地方我就不花時間多講了,
但穿過這個館, 可以行到一荒廢鐵道,
這裡叫傾斜鉄道, 是影櫻花勝地, 所以米菲也盡管一看,
將來影櫻花也知道這個地方環境如何。
米菲就從地下鐵蹴上駅離開, 回到京都駅。

在京都駅, 先到Kyoto Isetan京都伊勢丹行一轉,
因為裡面展覽館展出魯拜三世50週年紀念展,
有場景, 有作畫, 魯拜型, 峰不二子性感,
能遇上這展覽太好了。

回到酒店拿行理, 就要搭新幹線到大阪了。
如果普通車要40分鐘到大阪, 再捱JR大阪環狀線, 時間太長了。
所以首選新幹線, 因為沒有預先訂票,
只好買即時最近的, 好快就開車。
米菲坐的卡, 只有2個人,
隨了我, 就係一個外國少女,
和她打了個招呼, 順口問自己有冇搭錯車,
因為全卡冇人, 好彩有她給我答案, 那時間是5:40PM左右,
或者係新幹線貴, 所以少人搭, 其實只不過是1420yen,
但15分鐘就到達新大阪, 米菲選御堂筋線到難波,
那難波站近高島屋及日本橋一帶,
這也是最快可以從京都到達難波及日本橋一帶的方法了。

6點半已到達日本橋的 Hotel Kikuei菊栄精品酒店,
這間酒店隨了平, 都冇野可分享, 連稅3百一晚, 夠平吧!
唔知係咪呇a認得我,
俾左間大房我, 雙人床, 穢顒F西好方便。

由於太期待新一集異形, 所以打算今晚在日本睇,
香港是今個星期上畫,
點知去到戲院, 做既戲大部份睇晒,
香港上映的戲, 竟然快日本成個月, 好難明白,
估計係香港及中國一定要先做, 因為盜版太嚴重。
這裡, 連Alien預告都未開始, 香港已經做緊了。

冇得睇戲, 行完街就食晚飯,
隨便在難波千日前吃個魚生加天婦羅定食,
那個待應是越南妹,
米菲就俾左5月去北越旅行的相給她看,
原來她是從越南移民日本,
喜歡日本文化, 現在以學識日語,
她說個廚也是中國移民日本,
看來很多這樣的移民在日本,
也只能在擬]工作, 希望她達到自己的理想啦!

米菲回到日本橋的書店行了一會,
就買水及M記作夜宵, 今日旅程很滿足。

>>August 28, 2017 at 4:11:19 PM GMT+8

2017 年 5 月 9 日 星期二 【綿綿細雨】

5月大阪之旅第二天
米菲在清水寺, 祇園和烏丸通


9點前就落去食早�, 有好多種面包選, 雞蛋,
米菲就飲了橙汁, 簡簡單單的早�, 出發去玩了。

搭車時好烏龍, 因為剛去京都駅烏丸口, 就見到206,
所以連看水牌時間都冇, 車快開, 我就沖左上去,
行左十分鐘左右, 就發現係相反方向, 好在有Google map,
於是在一個大街的十字路口落車, 再看巴士站的水牌,
轉搭207, 咁就順利去到清水寺。

下車時是微雨, 但很快就停雨, 後來仲有少少太陽,
所以都比想像中去, 因為天氣預報係頭2天會落雨,
之後5天都晴天, 但因為頭2天行程都不能變, 所以就有點介意落雨去清水寺。

上一次來清水寺, 係幾時呢?
一時間真係想不起來了, 我諗係5年前左右, 有點失憶。

清水寺這裡的環境令人很舒服,
以開始了維修, 所以正殿及出面的觀景台都不能登入,
好像要趕2020年奧運前維修好。
可能是過了櫻花期, 所以人流唔算好多,
最多人的時候, 就是遇上日本小學生團,
香港及內地人唔算多。
米菲輕鬆地到處拍照, 米菲本身好少自拍,
間唔中遇上靚景, 就叫途人幫手拍照。

沿著清水板, 走到產寧板(三年板),
接著走到二寧板(二年板).
再經過短短的一念板,
再走石塀小路,
就這樣行, 就可以行遍仁王門, 鐘楼, 三重塔, 清水寺, 地主神社,
音羽之滝, 善光寺, 七味家, 瓢笚屋, 三年板, 八板之塔, 金剛寺,
二寧板, 夢蔵人, 石塀小路,
這已經是大部份的名勝了。
就這樣走, 好好享受了寧靜、步行、拍照的樂趣。

途中有樣野幾好笑, 就係在地主神社, 米菲因為太貪玩,
買了一個恋愛御守, 仲要係紅色的,
好在, 紅色原來真係男生用的,
買的時候都有少少害羞, 仲要望下有冇人見到我買,
都係唔講了, 係秘密。

行完石塀小路, 再走到寧寧之道, 向著円山公園進發。
到達円山公園, 就開始落雨。
雨很快就停了, 緊接著就去八板神社, 然後到花見小路走走,
就這樣玩了大半天, 米菲已經很累了,
所以找食, 真係玩到午飯時間過晒。

經過丹波屋, 先來過小食, 米菲選了季節限定的櫻餅,
丹波屋強調用上乘材料, 這個櫻餅很香。
本身打算去松葉食, 但本店休息,
好在還有松葉北店在附近,
米菲點了天婦羅配蕎麥面,
但唔算特別好食, 反而, 米菲在松葉買了俾mo媽的手信鰊捧煮,
就好好食。
日本人將一種叫鰊魚, 再用糖和秘製醬油醃製20小時以上, 製成鰊捧煮,
有真空包裝的作為手信, 好方便,
再到松葉, 一定會再買這魚, MO媽和米菲都很喜歡。

下一站係鴨川, 本身無打算去, 但因為搭車去清水寺途中經過,
覺得好美, 而反正在松葉附近, 所以就去吧!
鴨川出名, 是因為日劇半沢直樹在這裡的曙U取景,
而這裡也有可能是京都最美的Starbucks Coffee, 因為建在川床上。

米菲早已在松葉吃飽, 加上又下雨, 所以到川床的Starbucks 也沒有意思,
因為是露天位才吸引。
米菲走到川床下面拍照, 在這裡照相都不錯。

下一站係烏丸通一帶地方, 因為以5點半了, 而且很累,
所以原本安排的地方, 就不去了, 只到錦市場走走。
從四条站乘地下鐵回京都駅, 還好, 7點前可以回到京都駅。

今天晚飯在京都駅食迴轉壽司, 又係食左十碟, 近年食量都係咁上下。
遇上一對年長夫婦, 他們說每次來京都, 都會來呢間迴轉食。
咁呢間店有齊平、靚、好食的三大點。

食飽後就在車站行行, 4/F廣場, 10/F空中徑路和11/F廣場都可以行,
而且從這邊拍攝對面的京都塔, 也有不錯的效果。

>>August 28, 2017 at 4:19:06 PM GMT+8

2017 年 5 月 8 日 星期一 【晴】

2017年5月大阪之旅第一天
米菲在京都



4月同MO媽去完北越, 5月就米菲去日本了。
2015年去左2次大阪, 2016年就去左2次東京,
突然覺得今年想去返大阪, 所以就飛吧!
在日本其實好多地方可以去, 但因為喜歡動漫,
所以就特別喜歡東京和大阪, 那裡很多玩具店。
未試過一個人去京都, 今次就安排京都在行程中, 享受一個人慢遊京都的體驗。

機票買到平野, 全程來回連行理坐香港快運只是$1170。
當然便宜, 不過係要留意妠蹍顳氻~買到,
因為米菲唔係VIP member, 就更加難買到呢種價, 所以只搶到下午出發。
平有平的問題, 買票時是14:00出發, 但不久就收到email要14:55先出發。

坐Kansai Airport Express Haruka (特急)去京都, 買ICOCA 連特急自由席最抵。
因為這樣車票就變成1600yen, 平好多。
還好, 關西機場坐75分鐘就到達京都。

到達京都後, 出面下著雨。
米菲最怕拖著行理周圍走, 所以book 左好近車站的酒店,
叫R&B Hotel Kyotoeki-Hachijouguchi,
呢間酒店全國也有分店, 主要是商務旅客,
米菲今次住的是在京都駅八条口附近,
基本上, 如果識路, 從京都駅八条口出, 3至5分鐘就到。
但米菲唔識路, 看了地點和Google map都要找左一陣先找到。
這裡亦好抵住, 約$370一晚, 酒店和房間都很整潔, 寧靜, 包早嚏C
基本上, 個人遊我可以住得好平, 總之整潔就得。

在酒店安頓好, 已經是22:00了,
所以改遲一個小時起飛, 都影響大架。
回到京都車站找吃, 好多店關門了,
找到間叫Amici Coffee & Pasta, 是日式西曙U,
裡面氣氛不錯, 又有非吸煙區,
門口D食物標本好真, 米菲就看圖點了份漢堡扒set dinner, 吃得好滿足。
酒店鈄對面有激安之殿堂, 呢間可能係24小時, 食飽可以逛逛。
這店面積也不少, 但人流不多,
不過也可能是米菲太夜到訪了, 因為這麼少人跟本難以經營下去呢!

明天開始去玩了。

>>August 28, 2017 at 3:49:41 PM GMT+8

2017 年 4 月 22 日 星期六 【晴】

2017年4月北越之旅第五天


今天食完早�, 就開始同MO媽去街市買野,
因為今日買的水菓, 就係帶回香港。
早上行街市真係好多野睇, 這裡街市都幾煩忙,
人不算很多, 但因為經常有電單車經過, 大家都要避, 所以要留神。
MO媽買了春卷皮, 芒果, 青檸, 酸子及辣椒等等,
好多野香港都買到, 但她想食越南出產的。
越南街市買野好老實, 你可以講價, 但基本上都係差唔多。

之後我地去左間高級咖啡店, 我們照樣一杯冷一杯熱的滴滴越式咖啡,
讓MO媽好好休息, 再行回酒店。
收拾好行理後, 今天11時半出發去吃午飯。
呢個團特式係好hea, 因為5天遊北越, 其實時間好鬆動,
所以導遊就好遲先出發, 讓我們多自由時間。

午飯食傳統越式菜, 呢間好食。
店員中途推介越式樂器, 她彈得幾好。
米菲用50蚊幫她買了一件, 真係超值。
這種樂器是用竹做的, 唔知叫乜名。

1點幾到達還劍湖, 這湖原叫綠水湖,
後來因為越南君主黎利在此得到寶劍,
後來打勝仗, 再回來這裡打算打水怪,
其實是一隻大龜, 但被大龜取走劍, 所以叫還劍湖,
這只是傳說, 但在湖旁的玉山寺, 就有個神龜廟,
真係有這隻大龜的標管, 我親口問導遊, 他都說係堅料, 真令人懷疑。
還劍湖也是河內主要的湖, 其實幾靚。

2時半到達36舊街, 所謂36街,
就係賣36種行業貨品的街道,
例如鞋街, 兒童衣物街, 家品街, 好多好多,
由於是旅業區, 這裡也漸漸發展左好多賣手信及咖啡店,
越近中心點噴水池那邊, 就越新的店。

36舊街好大, 基本上行唔晒,
我們就坐電瓶車, 每車連司機可坐8人,
用這車就可以半小時先來一個概括遊一次,
然後再步行自己想去的地方。

MO媽買了衫仔俾希希, 米菲就買了點手信。
行完一輪, MO媽竟然話想食越南KFC,
也好, 這裡的KFC可以坐露台, 望住咁靚景食炸雞,
米菲都係第一次, 我越南錢洗晒, 在這裡只好簽咭,
原來在越南簽咭兌換都好抵。
越南KFC價錢平香港少少。

下一站係聖若瑟大教堂, 也是今次旅行最後一站。
個教堂好靚, 門口也有個小花園, 有聖母抱著聖嬰。
剛巧入面有晚堂聚會, 人多坐到出門口。
好多人來這裡拍照。

5時半到達機場, 7:45PM先起飛,
在機場買了貓屎咖啡即沖那種, 未知好唔好飲。
出境海關好嚴緊, 要脫鞋及皮帶, 好細微都要檢查清楚,
所以要預多D時間過海關。

2小時的回程飛行, 1.5小時就飛, 飛快左,
不過機長話香港機場還沒有空間, 所以要用多十分鐘轉圈, 先可以降落。
真好, 點到省回20分鐘, 今次港龍拿行理也很快, 十分鐘我們就拿到。
12點就回到家中, 快快收拾, 因明天又要返工了。

今次米菲和MO媽遊北越, 是很開心的旅程,
兩母子有咁多時間溝通, 可以話係很好的時光,
下次, 可以同MO媽到那裡好呢?
最緊要行程唔辛苦就好可以了。

>>May 3, 2017 at 3:41:22 PM GMT+8

2017 年 4 月 21 日 星期五 【晴】

2017年4月北越之旅第四天


今天繼續7點15分左右, 就和MO媽落去樓下食早�,
還好, 這裡的自助早壑ˋ�, 吃得很滿足。

早上係自由時間, 11點才出發到景點。
我和MO媽8時就到街上散步,
和MO媽走過繁忙的馬路, 有一定風險,
我們只好選擇跟著越南人過。

行完個多小時, 我們就在咖啡店休息,
間咖啡店係小家庭開的,
我們點了越式滴滴咖啡, 好濃,
我點凍, 可以有冰沖淡,
MO媽點熱的, 所以她要加多D煉奶先飲到。
連她都話濃的咖啡, 真不簡單, 不過米菲其實覺得好好飲。

飲完咖啡, 就帶MO媽行街市,
魚、菜、及雜貨, 全部都係小店經營
部份在街邊翻瑼熊璈M水果店, 就只是在路邊, 唔知呢度有冇走鬼呢!
他們的油炸鬼較香港細條, 這間路邊炸物店, 有各式各樣炸物,
炸蝦餅真係有成隻蝦放在上面, 仲係一對放在上面, 認真特別,
米菲太飽了, 如果唔係一定食。

最恐怖的一檔, 就係狗肉,
一隻又一隻的狗, 放在桌上,
起初以為她們當乳豬咁樣賣,
原來她們只是用火燒了表面的毛,
就變成乳豬咁顏色, 之後當肉咁切出來賣, 你要幾多她們就切。
好恐怖。
米菲同MO媽講, 好想請救牠們, 希望有天, 人類不要再吃狗肉,
我們已有足夠肉類可以食, 沒有必要食狗肉, 馬肉, 兔肉, 貓肉等等。

11點出發, 今日第一行程, 係一間本地的大型自助�,
可以想像成一間有15至20間店的food court咁大的自助孺�,
供應充足, 日式、越式、泰式、西式及中式都有, 而且每國食物都很正中,
海鮮、魚生、燒烤、炸物及甜品都很多選擇。
米菲食左好多瀨尿蝦和海蝦, 魚生及生蠔, 肉類相對食少左,
最後食既甜品都好正, 呢度冇雪糕食, 不過係任食雪條,
米菲食左兩條椰子雪條, 好好食。

食飽後, 就被安排到附近的購物店, 半小時左右, 米菲什麼都沒有買,
幸好, 這店是唯一行桯中被安排的店。
下一站係鎮國寺, 入面一棵古樹, 這裡因為印度國王曾經到訪而出名。
其實我覺得出名個湖仲靚, 應該叫西湖,
MO媽在西湖的小販買了個麻布編織袋, 20蚊港幣, 超抵。
跟住就走鬼, 雖然覺得係象徵式走鬼, 但係我們都離開這裡去下一站。

下一站係巴亭廣場, 有三份一個天安門廣場咁大, 位於河內市中心。
是法國人建立的, 後來因為胡志明在1945年9月2日,
在這裡宣佈"獨立宣言", 脫離法國殖民統治, 建立了越南民主共和國。
所以越南人叫胡志明做國父。
他的陵墓、故居及主席府都在這裡。
現時, 巴亭廣場也成為了節日活動及集會的地方。

米菲覺得呢個廣場好靚, 拍照一流, 除了石屎地, 也有一片片草地, 配合得很好。
國旗在風中自由飄揚, 象徵有自由嗎？真的不知道？

我們沒有入陵墓裡面, 只是在外邊,
我們就進入了胡志明舊居參觀, 幾好睇。
這廣場一帶種了很多種類植物, 好美。
有一排賣紀念品及小食的灘檔, 米菲買了竹製的書簽作為手信, 好靚呀!

晩飯前我們再到一景點, 係歌劇院, 都係到此一遊咁, 但個建築物好靚,
呢到有越南出名的Highlands Coffee, 不過就冇機會停下來試。

今日5:30PM就食晚飯, 是中式晩飯, 很不錯,
但大家似乎還未消化院午尷漲菃U�, 所以食唔晒。

晚上MO媽洗澡時, 米菲又去散步, 今晚就薯片和可樂做宵夜。

>>May 3, 2017 at 1:23:44 PM GMT+8

2017 年 4 月 20 日 星期四 【晴】

2017年4月北越之旅第三天



今天如常很早和MO媽去食自助早�, 由於我地早訓,
所以很精神, 7:15am就已經出門去食早�,
基本上同MO媽旅行, 真係會早訓左呢!

在酒店附近散步完, 9時我地就起程, 離開下龍灣。
下一個地方, 我都好期待, 就係陸龍灣。
4小時的車程, 風景如常都係田, 魚塘等等。

1時前到達陸龍灣, 今日午飯係越式羊肉�,
基本上係越式例牌野變成大併盤, 再炒多幾碟,
只係多左羊肉, 可以就咁食, 又或者用米紙包著食,
春卷成日食, 越式米紙都係第一次食。

2時左右我們來到河邊, 我和MO媽一早就穿上救生衣,
雖然條河水深只到腰部, 但我們都跟足安全指引。
今天天氣26度左右, 但在猛烈陽光, 都好熱,
穿左救生衣就更加熱。
所以米菲覺得4月遊北越, 係最後時間, 再熱就唔適合來北越。
還好, 我們的團, 每人都送上一頂越南傳統尖帽, 可以遮太陽,
這刻, 我們都用得著了。
碼頭邊也有些咖啡店, 這裡特別多外國人流連。

每隻舢舨小船約可坐3至4人。
我和MO媽連撐船的後生仔, 共3人。
MO媽坐最前, 因為我怕我高遮住她, 撐船的在最後。

這裡小河因為旁邊都種上水稻, 所以唔可以用有摩打的船,
咁樣會打起晒D泥, 只可以撐。
就係因為撐, 少了那種摩打聲, 讓人更加能享受小河旳寧靜。
起初MO媽都有點驚, 後來她也被這裡的風景吸引著, 因為真係好靚。

陸龍灣其實和下龍灣一樣, 都是一片遭侵蝕的石灰岩地形,
分別係陸龍灣不在海, 而係在一條長長的小河上。
全程來回係90分鐘, 能平靜地這樣欣賞美景90分鐘, 真係人生真好玩。
米菲除了拍照, 就係同MO媽傾, 見到MO媽呢兩天咁開心,
我就確定呢次旅程值回票價。
因為MO媽年紀大, 不想行走太多, 其實MO媽係好行得之人,
但她自己都唔知極限在那裡, 也怕萬一腳痛, 就影響到其他人。
但呢兩天都係船代步為主, 所以好適合她。

沿途山水美外, 也會進入三個洞穴,
洞穴高度也只可以小船輕過, 如果站立都會頂頭, 好好玩。
其中一個洞穴, 有十幾秒係完全黑晒, 只有船家知道怎樣走。
這時就只有信靠船家,
"我是世界的光, 跟從我的, 就不在黑暗裡走, 必要得著生命的光" 約8:12

世間有這樣的美景配上小河, 而又讓你90分鐘停下來慢活欣賞, 真好玩。
在小河上, 也不時會有其他船經過, 但基本上河道夠闊, 所以不受影響。
途中會見到好多田雞的卵在水稻和石上, 是粉紅色的, 米菲也是第一次見。
在一個洞穴口前, 也會遇上賣飲品的小船,
你買賣與否, 他們也不會迫你買。
另外, 也會有影相的, 是途中經過的船, 他們也雪|為你怕照,
到岸時問你要唔要買。

米菲和MO媽的小船用了八十幾分鐘就回到碼頭,
這時, 會有個大姐走埋來, 其實她只是幫手扶一扶隻船,
跟住就會問你拎貼士, 而且扮晒同撐船的係一顆人,
因為導遊說了打賞給撐船的, 是這裡的習慣, 約4至5萬盾成隻船計(20元港幣左右)
如果你誤會地打賞她, 基本上她不會分給撐船的,
一個服務你90分鐘, 一個服務你5秒, 所以不要俾錯呀!
米菲當然醒目, 拿出7萬直接放到撐船的後生仔手中, 他急不及待放到口袋裡。

3時半前出發到河內, 又2個小時車程, 各團友頭先熱左一輪,
大家正好在車上飲野休息, 大家都玩得好開心。
到達河內時, 突然落左一場大風雨, 大約落了1小時,
也是這次旅程中唯一的一個小時下雨,
這裡一下雨, 就會變涼, 真好。
5點半到達河內頂太峯食晚飯,
我冇打錯, 間擬]真係叫頂太峯, 食物質素普通。

7點到達酒店, 來緊2晚, 我們就會住在這間叫3星的酒店。
酒店叫Eastin Easy GTC Hanoi, 但係酒店除了曙U好,
住的房間很舊, 米菲也是第一次跟團遇上咁差的酒店,
自遊行為了慳錢, 住過只求一宿的酒店, 也不介意質素。
但跟團還是第一次遇上這種酒店, 康泰旅行社應該要檢討下。
還好, 我和MO媽的房間比其他團友的衛生, 有團友話間房好污。
打算在回程的問卷中, 給這個團整體讚好, 不過會誠實批評這個酒店。
好可惜, 領隊話問卷唔夠, 我和MO媽就不用填問卷了,
希望其他團友可以認真填好問卷, 讓旅行社可以改進。

MO媽話晚上休息, 不出去了,
因為只是7時半, 米菲就在MO媽洗澡時,
獨個兒到街上走走。
河內城市的街道和下龍灣很不同, 由於他們用電單車為主,
所以行人路都泊滿電單車, 所以好窄, 有時要走出馬路邊行。
過馬路就更加恐怖, 基本上唔係每條路有交通燈, 過馬路真係要好小心。

米菲先行街市, 衛生和中國的街市差不多。
有超市也賣韓國入口零食, 種類當然不及香港。
走回大街上, 這區一般都是家飾店, 間唔中有賣兒童玩具及食品的士多,
終於米菲見到間Pizza Hut, 對面有間外資咖啡店,
好, 一於買杯Mocha及食個面包, 作為今晚宵夜。
行左一個小時, 回到酒店, MO媽正在睇緊金枝慾孽2, 當然係講越南話。

MO媽訓左後, 我睇完成套講加州地震的電影San Andreas才訓,
這裡的HBO收得唔係咁清。
睡前打開手機久違了的寶可夢,
原來越南也有寶可夢玩, 不過寶可夢的熱朝早已過了。

>>May 3, 2017 at 1:30:31 PM GMT+8

2017 年 4 月 19 日 星期三 【晴】

2017年4月北越之旅第二天


米菲和MO媽7點半就出門食自助早�, 好like這酒店的自助早�,
有西式及越式, 選擇足夠, 唯一美中不足, 係杯咖啡唔得。
米菲用生菜包春卷, 食左6條都有, 好正,
再食西式, 和甜品及水果, 呢鋪真係肥仔。
MO媽就最like牛肉粉, 食完吨S跟我食多份西式, 真係好開胃。

9點離開酒店, 約9點半我地就上船, 我地自己包左成隻船, 好正,
隻船有3層, 正層大廳放了8張坐6人的桌, 後面係廁所及廚房。
下層係機房, 上層就露天, 在上面影相環境最好。
由於我地包船, 導遊就好自由咁介紹風景。
米菲就經常走上走落, 相信我係全團最活躍影相的一個了。

下龍灣真係好美, 由於成個大海灣都係被小山圍著,
就算吹著風, 都完全無浪,
基本上, 米菲都係第一次在咁平靜的海面坐船, 但又被風吹著身體,
可以肯定, 4月游下龍灣也很好, 5月就係北越雨季開始, 情況就會唔同。

在途中隨了遠望美景, 經常有奇型怪狀的石, 例如風帆石、鬥雞石等等,
有D成條魚咁, 又有D似隻狗, 好有趣。

我地11:30AM到達天宮洞, 即是由碼頭到達天宮洞, 約2個小時船程。
MO媽和米菲開始行山, 對老人家來說, 天宮洞都可以叫中級行山了。
上山一段時間後, 就入左山洞裡面, 洞穴裡面係石灰岩組成的風景,
加上少少燈光, 都幾靚。
最後去到山中高處的洞口, 再望番出去海, 真係好美。
行完成個天宮洞, 加埋影相, 大約1個小時。
我都有擔心MO媽, 但MO媽好醒, 順利行完。

我地上返船, 起程去下一個島。
1:00PM, 我地在船上食午飯, 當然係海鮮嚏C
論海鮮質素, 在香港食海鮮, 比在越南食肥美好多,
這裡的蝦及蟹, 都不及香港買的大隻。
在船上, 主要都係食風味, 可以咁自由輕鬆在船上用�,
加上冰凍的可樂, 米菲真係覺得人生真係好玩。
呢一戲犮R番我地頭先行山的體力, 感覺非常好。
MO媽又可以在船上好好休息。

1:45PM, 我們到達了Titop Island (天堂島).
呢個島咁出名, 主要係國家主席胡志明曾經帶個一名俄羅斯太空人Ghermann Titop上個呢個島,
所以後來就用他的名字命名呢個島。
呢個島另一特點, 就係咁多島中, 唯一有沙灘的。
而且, 由山頂可以望到最靚的下龍灣。

但看美景要負出很大代價, 要上大約400級以上的樓梯或石級,
是很急上的, 下面也有個牌寫, 身體有毛病及老人家, 建議不要登山。
MO媽和兩位團友, 就在樹下找個位子休息, 我就獨個兒登山。
部份團友及導遊也有登山, 大致可以分為三段,
有團友行到第二段就覺得夠高,
其實第一段及第二段高望出去, 都已經好美,
米菲和部份團友, 當然行埋第三段。
其實如果由地面向上唔停咁行, 相信15分鐘左右已經上到頂,
但途中因為要休息回氣, 加上每一段都會影相, 所以全程要半個小時啦!

在山頂有個涼亭, 望晒四面的景色, 真係好美。
行完個山, 落番去沙灘, 因為人唔多, 所以好舒服。
天堂島的碼頭, 也有俄羅斯太空人Ghermann Titop的紀念像。

2點半左右, 我地上船, 慢慢回程。
我地開始倒轉睇之前的風景, 有唔同的感受。
米菲和MO媽, 在船上開始食零食,
再一次欣賞途中的風景, 好舒服的下午。

下龍灣的自然美,
能成為世界七大奇景及聯合國世界自然遺產,
真係唔簡單。

米菲出發時買了一張越南上網咭,
58蚊可以用7天, 而且無限制用量。
在旅程中都接收到信息,
但在下龍灣海中, 就有部份時間收唔到,
特別係離開碼頭遠的地方。
但整體上, 呢張咭都幾抵用。

5點半在皇家下龍飯店睇水中木偶戲。
水中木偶戲由大約8至10個小故事組成,
內容都係民間村民的生活故事, 例如漁民在漁溏捉鴨的趣事,
全個演出半個小時, 幾好睇。

今晚6:15PM開飯, 係中越式晚�, 普通小菜, 冇乜特別。
雖然MO媽話唔累, 但我地晚上無再出去行了,
我們在酒店食水果, 好好休息,
睇越南話的TVB心理追凶, 睇完就訓。

>>May 1, 2017 at 4:44:35 PM GMT+8