2004 年 9 月 11 日 星期六 【乍雨乍晴】

同sayaka去左戲院睇9點半。其實都幾無聊，竟然睇80日環遊世界，算啦，澳洲啱啱先上畫咋。

又唔係真係想睇，不過sayaka睇唻真係好悶，而我又勁耐無睇戲，所以就陪佢一齊睇。原來呢

便睇戲係唔需要揀位ga，入到去任坐，都幾得意wor。

套戲真係超級勁commerical，勁多串星，好港產feel呢~~~吳彥祖同莫文蔚都唔係好得law，不過

無悶場，用唻打發時間真係一流。

原來8度o既溫度係咁o既，好鬼凍，不過始終覺得屯門凍d

>>September 12, 2004 at 2:28:00 PM GMT+8

2004 年 9 月 10 日 星期五 【晴】

唔知點解過左唻澳洲之後，個人變得情緒化左。一日之內情緒起跌得好快，一如呢便d天氣一樣

咁unpredictable。事實上呢度無咩野可以upset我，可能係太多時間俾我諗野o既關係，經常會起

一d唔開心o既事…跟住個人就會down晒。我覺得我好似變左，以前我可以日日都過得咁開心。

依家諗野開始變得消極。不過我知唔係因為過左唻澳洲所以唔開心，係因為咩呢？睇怕我要睇

精神科…

唔知點解我會成日諗起爸爸，o係香港我唔會，但o係呢度就成日都會諗起。最搞笑係我其實我

對佢o既記憶已經開始模糊，但我每次都只會諗起佢板起塊面鬧我個樣，真係好鬼惡，不過我知

道其實佢個心o係度笑緊，因為佢嚇到我。哈哈，佢其實係細路一個…

>>September 11, 2004 at 2:01:00 PM GMT+8

2004 年 9 月 9 日 星期四 【晴】

呢度讀書真係好辛苦...試問你幾時見過我會浦嶺南個圖書館呢？有邊次我去圖書館唔係同d同學

吹水，或者小睡片刻。點會估到我唻到澳洲之後竟然會咁勤奮，日日去圖書館呢？

記得上年讀legal translation o既時候，壓力真係好大，差d搞到個人精神崩潰，思覺失調。我諗依

家o既情況差唔多啦，不過之前得一科，依家係四科...借左五本書返唻，我都唔知睇唔睇得晒，

盡人事啦...

點解咁多人留言話掛住我o既？莫非我真係咁人見人愛？多謝你地o既留言，呢個係我o既原動力

唻ga~~

>>September 10, 2004 at 2:03:52 PM GMT+8

2004 年 9 月 4 日 星期六 【乍雨乍晴】

唻左澳洲咁耐，今日都算係最刺激o既一日啦！話說我正o係圖書館搵書，突然聽到好勁o既雷

聲，然後就落大雨。我見好多人望出窗口，心諗落雨都咁好睇？唔係wor，落雨無理由咁大聲

ga？原來係落窇呀！！！！！！係一粒粒o既冰呀！！！！！從來未見過d咁反常o既天氣ga，一

面陽光普照；一面竟然落窇，實在好似睇緊"明日之後"咁樣。

場冰窇落左大約15分鐘，心諗一陣走o個時d冰一定溶晒啦，又無帶相機，勁唔開心。點知出到

去，d冰唔單止無溶，仲一街都係。於是即刻走返宿舍，攞部相機周圍影。我個宿舍隔離係一個

公園，有一大片草地，全部都鋪滿左冰，遠睇好似雪，近睇就會見到係一粒粒形狀大小都差唔

多o既冰。冰上面有一層霧氣，好似影沙龍咁，真係好得意。我地o係o個度玩左勁耐，如果唔係

因為手手腳腳都已經冰晒，一定仲會留耐d。尋晚先同德仔講完無雪落，第二日就落冰啦，真係

估佢唔到......

呢度個neighbourhood真係好好，行兩步就可以過隔離屋食飯。感謝詩靈小姐o既晚餐~~

Michael，你又叫我多d打電話俾你，又唔聽我電話，wasting my money all the time ! ! ! ! !

>>September 5, 2004 at 1:34:02 PM GMT+8

2004 年 9 月 3 日 星期五 【颳風】

大飛話我final project個supervisor係Dr. Li wor，唔知係咪真o既呢，如果係就好lu...我諗都係send

個email去department問一問穏陣一d，費事一場歡喜一場空啦。有d擔心我揀o既o個本書唔係咁適

合，好似太容易啦，唔係我個level，hohoh......

今日又開party啦，好多人，好嘈，不過大部分都係日本人，好似唔係好啱傾wor。

Melbourne個trip已經搞得七七八八啦，好似會好好玩咁，唯一要擔心o既係會over budget，希望

唔會啦......

>>September 4, 2004 at 12:21:17 PM GMT+8

2004 年 9 月 1 日 星期三 【晴】

同Sayaka傾計，商量mid break做咩好，不如去melbourne啦。坐言起行，拿拿聲book火車票。紐西

蘭？考完試先去都未遲啦。雖然話去玩，不過我真係好擔心d assisgnments 做唔完呀，不如請槍手

啦~~

鄒燕你send唻果封email，我開頭真係唔知你講咩喎，做咩無端端話我係genius呢？不過當我睇完

黃國彬教授封email我先知咩事，hahah...原來我咁勁，原來A-已經係最高o個個grade，仲要俾佢點

名讚揚，真係諗都無諗過呢~~俾一個咁有學識又受人尊敬o既教授讚，真係好開心。不過同時又好

擔心我會俾今個sem拖垮。唔理啦，我要做個高材生! ! ! ! ! !

>>September 2, 2004 at 8:55:42 AM GMT+8

2004 年 8 月 31 日 星期二 【雷雨】

開party呀，好開心。雖然無咩邊個我識得，不過一樣玩得好開心。Sayaka請左一班返唻dorm度開

party，我地買左好多材料整壽司食。佢d朋友大部分都係香港人，有個仲係BU tim~~識到新朋友好

高興，佢地個個都好好人，仲好搞笑tim~~我唻左咁耐，個dorm都未試過咁熱鬧ga。今日真係食得

好飽呀~~

咁高興不如聽日唔好返學lor?

p.s. 家姐點解你可以咁cheap o既？

>>September 2, 2004 at 8:57:31 AM GMT+8

2004 年 8 月 28 日 星期六 【雷雨】

零晨3點，睇中國女排大戰俄羅斯，非常刺激o既一場比賽，中國先輸兩局，然後狂追三局，有十世

無羸過奧運金牌啦，見住佢地羸，真係興奮到想大叫呀！令我諗起果次同君君去K房奉英格蘭，叫

左成晚，好懷念呀...見到卡寳教練燥爆個様，又令我諗起阿D，真係好搞笑。

Sindy同 Esther出發去韓國 lu，特登較正佢地到機場個時間打電話俾佢地，聽到佢地把聲好似好興

奮咁，我都好登佢開心，梗係啦，一齊去wor...如果我可以同大飛一齊去英國就好 lu...下一個輪到

大飛啦，等佢去埋英國之後，我地就真係各散東西，分佈世界各地 lu，不知相會在何時，唔知幾時

再聚埋一齊打邊爐呢？你地記得要生性d呀，唔好失禮人呀。

>>September 2, 2004 at 8:28:59 AM GMT+8

2004 年 8 月 27 日 星期五 【晴】

呢度最好睇o既電視就係星期六、日晨咁早播o既音樂節目，狂播mv，真係唔錯。不過好搞笑，

有d歌有粗口佢就整到佢無聲，估唔到呢便d電視尺度都咁緊。但如果eminem o既歌無左粗口，

咁仲有咩意思呢？

睇左奧運男子籃球阿根廷對美國，贊奧比利型到爆，美國有鄧肯都要輸 lu，支持贊奧比利，唔

支持阿根廷。不過見到布朗教練o個個失落樣，真係有d於心不忍呀......

>>August 28, 2004 at 1:07:00 PM GMT+8

2004 年 8 月 26 日 星期四 【晴】

原來我有份essay下個星期要交，點解我完全無左回事呢？樂文，我d記性都越來越差la~~

不過唔駛緊張，次次寫essay都係一日搞掂啦，a piece of cake，no need to worry la.

今日係我唻左澳洲o既一個月紀念日，點算呀？仲有3個幾月咋，唔想走wor，有無辦法留耐d

呀？唔掛住香港，不過好掛住屋企同埋你地......

我好攰啦，唔想再過湊仔o既生活呀，獨立下啦，我唔可以24小時照顧你ga......

>>August 27, 2004 at 1:20:38 PM GMT+8