2005 年 2 月 25 日 星期五 【雷雨】

爺爺過左身。

>>February 26, 2005 at 1:14:22 PM GMT+8

2005 年 2 月 23 日 星期三 【乍暖還寒】

運動會呀今日。約左其他人o係屯市等，最早係我，等人期間，9杪9食左個麥當奴早餐，食完胃

痛......

Fiona為左幫我地霸位，要飛的入唻，真係唔好意思呀。呢個運動場根本都未起好，連看台都

無，我地只可好担櫈仔坐。真係悶到我地抽筋呀，中段仲走左去富泰間OK買雜誌睇。

終於都完左啦，跟住就去左屯市食unch，其間fade out左一陣，個胃又痛......我無唔理你呀......冤

枉呀......包大人......

夜晚出去睇戲食飯。想禁錢，點知禁唔到，唔知發生咩事。一個仙都無，搞到要人地請，唔好

意思......今日唔知咩日子，o係地鐵站撞到Alice，o係地鐵又撞到嘉儀喎，個衰妹見到我仲等登唔

叫我。

睇左The Aviator。一開始幾鬼驚呀，3個鐘喎，悶就真係仆街囉。套戲比想像中好好多，我覺得

唔悶，節奏唔算太慢，都唔算typical攞奬悶戲。但Leonardo真係做得好好呀，Johnny Depp無行

啦今年......

>>February 25, 2005 at 6:59:12 AM GMT+8

2005 年 2 月 22 日 星期二 【颳風】

今朝好早醒左，跟住就瞓唔番啦，返學仲早到添，幾醒呀~

星期三，week5我地已經有個rountine啦。上堂......走堂.....飲茶......上堂......再走堂......搭校巴。今

日上果堂social science，我真係頂唔順啦，唔好再講拉丁文，唔好講希臘文，唔好抄晒成個白

板都係d我唔識o既生字，好唔好？？

聽日運動會。呢間大學真無良，要人晨咁早入屯門參加運動會。點解個運動場o係屯門，點解唔

係斧山道？？

>>February 23, 2005 at 2:08:26 PM GMT+8

2005 年 2 月 21 日 星期一 【乍雨乍晴】

尋日個鬧鐘唔响，今朝一搭正0645就即响，但我唔駛番學喎……真仆街……

我寧願你鬧我，都唔好當我透明呀，好難受架……

去左睇Finding Neverland，比預期仲要好睇。呢套戲好鬼touching，個故事亦都好inspiring，係我

05年到依家為止覺得最好o既電影。終於都睇左啦，算係了左件心事lu。唔開心去睇戲真係幾好

架，睇完出唻心情好返好多。雖然有d多餘，但我都係要講一句：Johnny Depp is the best~未睇o

既快d去睇啦，幫佢boost下票房都好呀。

原本想去攞身分證，但去到先發現唔記得帶張行街紙，o係呢一刻真係覺得做人做得好失敗，無

鬧錯我架……唉……攞番又點呀？佢只會係一個stain，時時remind住我o個個失去左o既銀包，

同埋好多張永遠都唔會搵得番o既童年照片。依家諗起，我個心都仲 “乸”住 “乸”住痛

呀……

Addicted to you…

>>February 22, 2005 at 12:45:39 PM GMT+8

2005 年 2 月 20 日 星期日 【乍雨乍晴】

好凍呀今日。

本來今日返830，點知一起身已經730。原來我個電話無電，個鬧鐘唔响。我真係無心走堂架，

week5啦，我上左一堂咋，個tutor仲要點左我相添，我決定星期五去sit番堂。

第2堂番1430，咁我梗係補充睡眠啦。就o係呢個時候，五姨打電話唻搵阿媽，阿媽番左工喎，

佢話咁你同媽媽講聲生日快樂啦。Oh！SHIT！！！唔記得左今日係阿媽生日，仲一早同佢講左

今晚約左人去打邊爐添，即刻有d俾雷劈o既感覺。於是打電話俾鄒燕推左個飯局，鄒燕話連阿

媽個生日都唔記得，叫我今日唔好行咁埋，驚我俾雷劈o既時候誤中佢喎。

一邊食飯，一邊睇NBA，正呀！

收到一個擁有勾魂眼o既人o既電話，話有人想見我喎，約下個星期食飯。勾魂眼叫到點敢唔去

呀，唔怕俾人勾魂咩？？笑死我啦............................

>>February 21, 2005 at 2:20:21 PM GMT+8

2005 年 2 月 18 日 星期五 【乍雨乍晴】

仲唔俾我搵到你：在思緒重疊之前。

下，唔係呀嘛??? What the Fuck！！！！

>>February 19, 2005 at 11:12:11 AM GMT+8

2005 年 2 月 16 日 星期三 【暴雨】

今日唔駛番學。晏晝出左去一陣，諗住shopping，點知d鋪頭居然唔開喎，奇聞~

等燕姐in完馬會之後就約左出唻。如果連佢都成功埋就真係一家親，同學之餘仲要係同事，不

過唔關我事啦。

等左好耐以為終於可以睇Finding Neverland啦，點知俾Yahoo跣左一鑊999千足純金，又話油麻地

百老匯有得睇，點知原來係無架，勁失望.................

好頹咁去左朗豪坊食飯行街。唔緊要，唔睇呢套睇第二套囉，最後o係無牌UA睇Meet the

Fockers。呢套戲好爆笑，我覺得好睇過Meet the Parents添呀。返左唻一個月都唔夠，已經睇左4

套戲啦。唔理點都好，我都一定要睇Finding Neverland，我係唔會放棄架。唻緊下一套係The

Aviator。

>>February 19, 2005 at 11:24:40 AM GMT+8

2005 年 2 月 15 日 星期二 【晴】

好攰、好攰、好攰、好攰、好攰、好攰、好攰、好攰、好攰、好攰、好攰......................................

今朝都唔係好早起身啫，點解會咁攰架？............................上完一堂2個鐘，第二個lecture走左半

堂去富泰飲茶。途中撞到Gloria，由澳洲返左唻咁耐先第一次見佢咋。最後仲有一個lecture，又

走左半堂，自放，提早一個鐘落堂。今個sem堂堂都走過晒啦，担心無得考試呀遲d。

出到去竟然撞正有架校巴搭，35分鐘屯門出到去黃大仙，快呀~

>>February 16, 2005 at 2:03:00 PM GMT+8

2005 年 2 月 13 日 星期日 【晴】

今日原本上830架，不過真係起唔到身呀。瞓緊o既時候聽到電話响，唔接！死都唔接！

醒左收到山地個電話，佢話大飛、鄒燕都無返，好彩我都無啫，唔係就無人陪我hae啦。大飛打

電話唻，問我reg左ILP未，我完全無左件事囉，好彩佢提一提我啫。

2點幾返去上tutorial，收番份功課，點解人地87分，我就................差咁遠o既？？呢一堂真係無

聊到死，早知走埋佢啦.................................

跟住約左我第二至愛出唻，食飯睇戲。今日好多人睇戲喎，排晒長龍。跟住去左行街，又買唔

到我想買o既野，不過佢都一樣。

食飯叫左個朱古力火煱，好正呀！不過今日間間餐廳都逼人食情侶餐，好變態呀。第二最愛話

今年係第二年同我過情人節喎，上年都算呀？會唔會牽強左D呢？？

我地去左睇Closer。呢套戲好complicated，我都唔知點講好。總之Jude Law就一般，老啦，同心

計o既佢爭好遠，無晒果時有o既魅力。Natalie Portman令人眼前一亮，不過次次睇親佢d戲都有

同樣o既感覺，有前途呀。

走o既時候有朱古力收，好野！多謝晒！！

o係旺角搭火車，掛住聽歌唔記得要o係九龍塘落車，去到大圍先醒起。我知實俾人話我白痴，

但我都要寫出唻。

>>February 14, 2005 at 3:26:19 PM GMT+8