2004 年 12 月 21 日 星期二 【颳風】

尋晚瞓得超差，d椅超唔舒服，越坐越凍，搞到無瞓過咁制。希斯路機場總有4個terminals，其

中第1至3號terminals都o係同一個地點，只有4號terminal係要搭無人駕駛先去到。我地去左

terminal1、2、3，check in o既時候先發覺原來我地應該去terminal4，於是我地拿拿臨趕去，去到

o既時候已經離我地boarding唔夠1個鐘。但果時英航又勁多人排隊，我地用左佢好先進o既電腦

check-in，再極速寄埋d行李，諗住應該趕到。點知過關又好長龍，最攞命係過x-ray，得兩個

check points，但有成萬人排隊，要過關起碼要15分鐘，於是我閃去隊頭，問晒d人，結果我地

legally打尖，順利趕得上飛機，不過真係一頭汗。在此奉勸一句，搭飛機一定要早，因為隨時有

突發事情令人措手不及。

上到飛機我地瞓到好似昏迷咁樣，一落機又要面對一個細到乜咁o既機場，再加一條龜速o既行

李運輸帶，真係命都短幾年，好彩Sindy o既表嫂已經call埋的士唻接我地，表嫂話尋日落過雪

唻，真係落得唔著時啦。

對巴黎o既第一個感覺係：下……乜呢度就係巴黎拿？表哥一家住o係唐人街，周圍都見到中

文，好似o係香港咁樣。

去到佢地屋企，兩個小朋友放假唔駛返學。細女叫雯雯，個樣好甜；細仔係恒恒，好得意，不

過第一次見面我已經整喊左佢，從此佢對我急冷急熱。

好攰呀，再次昏迷，瞓到食晚飯o既時間，啱啱好。

佢地兩個細o既真係好sweet，瞓覺o既時候走過唻問可唔可以鍚你地一啖先瞓呀，梗係無問題

啦。

>>January 24, 2005 at 1:19:29 AM GMT+8

2004 年 12 月 20 日 星期一 【乍雨乍晴】

O係倫敦o既最後一日，我地一早去左海德公園野餐。O係咁凍o既天氣底下我地仲去野餐，實在

有點兒那個……海德公園真係好大，大得唻有好似好空曠咁，周圍除左綠悠悠o既草地之外，就

只有無數被人喂到好肥o既鴿子﹝同d澳洲惡霸有得揮，一路o係度同人爭野食﹞。我地幾條友仔

越食越凍，搞到咁大個公園都只有大飛同阿Lin有心機去逛逛，佢地話遠d有個湖好靚架喎，咁

我諗點都靚過澳洲個海德公園啩？

之後大飛帶我地去Burburry outlet，d野係上一季，唔多靚，唯一一樣有興趣買o既頸巾都唔平，

兩手空空咁返出唻。

夜晚去左食牛扒。價錢好平，但無諗過d質素可以差成咁。鄒燕醒目，知道d扒唔會好食，於是

叫左其他野食。算啦，食得飽已經好好架啦。

我地夜晚出發去機場，準備o係機場過一晚夜，聽朝搭早機去巴黎。

>>January 24, 2005 at 1:17:18 AM GMT+8

2004 年 12 月 19 日 星期日 【晴】

今日去大英博物館，我地行左成3個鐘。其實真係幾好行，最重要係佢唔駛入場費，所以行得特

別起勁~~行均成個博物館(雖然係走馬看花)，覺得最好睇o既竟然係中國o既展品，可能係情意

結，始終覺得中國d野係另捨不同。

夜晚再去行街，目標係頸巾，可惜搵唔到......不過都買左一件衫。

>>December 21, 2004 at 1:27:22 AM GMT+8

2004 年 12 月 18 日 星期六 【乍雨乍晴】

今朝6點鐘起身，即時覺得好鬼凍，原來今日最高氣溫得果4度，最低-4......終於都到我地d羽絨

出馬o既時候啦。

去曼徹斯特市要搭5個鐘頭車，原本覺得係碎料，但點知......坐完成個人死晒......

去到Mancester，我o既感覺係好舊，比倫敦污漕，而且似一個工業區。我地行左一個市集，裡

面有好多野食，我地仲用左5鎊買左一袋原價10鎊o既乾糧tim，實在太抵啦！

下一站當然係奧脫福啦。我地去到個stadium，第一時間就走左去個megastore逛逛，sindy用左20

鎊買左一套球衣俾小b，勁型呀！不過我發覺佢d products全部都係針對d小朋友架。當然唔少得

就係去睇下d頸巾啦，9鎊就有交易啦，acceptable啦。不過大飛話有得再平d，所以無買到。

我地之後諗住去join個stadium tour同埋參觀佢個museum，但結果一樣都無做到喎。雖然覺得可

惜，但係我地做左另外一樣難忘o既事情，就係追星啦。我地見到班球迷企晒o係門口，攞晒相

同筆出唻等攞簽名，問一問原來佢地等緊簡東拿呀。千載難逢o既機會當然唔可以錯過啦。其實

我地要趕巴士，不過等左成個鐘，又唔甘心放棄喎，於是我地等到最後一分鐘都要等。皇天不

負有心人，終於都俾我地等到啦，我仲攝左個靚位，影左幾張OK大頭o既相tim，此行真係收獲

豐富啦。

再搭左5個鐘頭車，成身散晒咁返倫敦。

聽日去大英博物館。

>>December 20, 2004 at 12:44:48 AM GMT+8

2004 年 12 月 17 日 星期五 【微雨】

今日踏上摘星奇緣之旅，去到Notting Hill呢個地方，我地行左佢個market，裡面有好多古董野

買，其實呢類market我o係澳洲都行左好多，不過我覺得呢個特別好多，買o既野無咁濫，唔係

太大路。我仲睇中左一條好靚o既手鏈，真係好特別，好靚，不過要成20鎊，所以我決定返到香

港之後自己串。

我地跟住大飛，命運只有一個，就係美食團。今日食左一個好好味o既雞腿麭，咪聽佢個名好似

好普通咁，其實內有乾坤，雞脾肉係一大塊，而且係即煎架，非常新鮮嫩滑，最緊要係佢只係

賣兩鎊，無錯！你無聽錯，只係兩鎊咋，o係呢便食野已經算係好平好平架啦，我地個個食完都

舔舔痢，大飛好介紹呀。

第3 晚出左去飲酒，今日d酒唔多ok，我果杯成陣葯水味，大飛杯啤酒竟然係暖架，R頭，都係

前日果間餐廳d生果味啤酒好飲好多。好奇怪o既sindy殘，飲volka mix都竟然可以飲到浮浮地，

好鬼咋囉，搵日要"對"冚佢先得。

>>January 24, 2005 at 1:16:01 AM GMT+8

2004 年 12 月 16 日 星期四 【雷雨】

今日到左倫敦經已3日。仲記得第一日唻到倫敦，真係覺得呢個地方好靚。雖然話澳洲曾經係英

國o既值民地，但d建築風格又確實係好唔同喎。當然一向鍾意英國o既我，一定會覺得英國靚好

多啦。

今日o既行程係劍橋，我地唔知醒起身，一起身又落雨喎，緒事不利。不過好彩趕到搭巴士，兩

個鐘o既車程，去到已經差唔多11點，然後1點幾又要搭車走，即係得番3個鐘去玩。今日落雨好

麻煩，搞到我對鞋濕晒，仲要担住把遮，搞到無咩心情玩。我地去左King's College，又去左康

河，大家記得徐志摩o既再別康橋嗎？詩中o既情懷我係感受唔到架，因為天氣關係......唔緊要，

好彩我地識得自娛，有條低能仔同我一齊jam歌：輕輕的我走了......正如我輕輕的來......﹝係呀，

我講你呀！﹞然後食個english breakfast，劍橋之旅就係咁樣完結啦......

>>January 24, 2005 at 1:15:28 AM GMT+8

2004 年 12 月 15 日 星期三 【陰】

今日去英國最出名o既景點。我地先去白金漢宮，因為大家都好攰，好晏先去到，所以錯過左換

兵儀式，不過大飛話好悶，不睇也罷。個皇宮我地只係遠觀，因為無開放。我地穿過一個公園

去大笨鐘，果公園好多動物，有好多松鼠同埋鴨。d鴨游左上岸，見到我地，唔知點解一直跟住

我地行，仲要連群結隊咁跟住，好鬼攪笑。

我地去一間似係意大利餐廳食左個lunch，呢個貴o既餐包括：一個硬到食完個咀會損晒o既法

包、一杯淡到以為自己飲緊水o既咖啡，真係“好好食”呀！！！！

我地去到大笨鐘，真係好靚呀，d建築睇到我地個口合唔埋呀，真係唔明白當時係點樣起架。我

地去到西敏寺呢個地方。呢個地方係大家都有一個共識係一定要去架，因為yr2o既時候睇過

Westminster Abbey同埋西敏大寺呢兩篇文章之後都對呢個地方充滿幻想。西敏寺係用唻安放英

國皇室遺體o既地方，裡面非常莊嚴，d建築又係令人嘆為觀止，最鍾意佢d彩色玻璃窗，好靚。

我地又去左London Eye，就係果個為左二千年來臨而建O既摩天輪，無咩特別，不過夜晚睇都幾

靚。今日我地係咁講好靚呀，平時大飛會冷嘲熱諷我地，問我地有咩咁靚呀，但今日佢都話D

景好靚呀，可想而知佢幾咁滿意今日O既行程呢。

夜晚去左食青口，我地叫左3桶青口，唔同口味，好鬼新鮮，好好味。再一人叫左杯好特別O既

啤酒，生果口味，好好飲，飲完仲唻多一個round添，結果4個人食，埋單要成千蚊，勁

呀！！！！

>>January 24, 2005 at 1:15:13 AM GMT+8

2004 年 12 月 14 日 星期二 【陰】

搭飛機真係會搭到人怕，我諗做空姐要付出o既代價真係太大啦......我地搭左13個鐘頭飛機，終

於降落倫敦希斯路機場，o係飛機上真係坐又唔係，瞓又唔係，好鬼辛苦，有人仲睇左3次哈利

波特添呀，真係長情啦......

落機第一樣要解決o既事情就係要唔要買果張one week travel card，其實事實擺在面前，點都要

買架啦，不過一唻就要嘔38鎊出唻，真係肉痛死人啦~~成600蚊港紙，本身都只係帶左200鎊過

唻咋。死死地氣都係要俾。我地搭左個幾鐘underground，終於到左同大飛約定o既地點，我地

到左佢個dorm果度settle down。佢個dorm真係好鬼奇怪，d傢俬好鬼舊，又爛，仲有個洗手盆o

係間房度，然後個公眾廁所又無洗手盆喎，r頭？？？

雖然我地都好攰，但梗係要爭取時間周圍去玩啦。我地去左London Bridge同埋Tower Bridge。大

家一諗起London Bridge相信都會浮現出果條橋個樣出唻架啦，但可以同大家講果條其實係

Tower Bridge，London Bridge其實好鬼普通。但其實London Bridge又唔係真正o既London Bridge

喎，因為真果條已經係好耐之前賣左俾美國lu，鬼叫佢窮咩。好鬼靚呀，影左好多靚相。不過

怪事有一中。我地諗住叫人幫我地o係tower bridge前影合照，叫左個攞住d好pro相機o既男人幫

我地，諗住佢都會好pro，點知佢幫我地影左條馬路，張相仲要震添，好奇怪~~

>>January 24, 2005 at 1:14:52 AM GMT+8

2004 年 12 月 11 日 星期六 【晴】

返左唻已經2日啦，呢兩日都係用唻shopping，準備去歐洲之旅o既一切。So far, 進度良好，其

他野我無野叻，但講到shopping，我都真係有番兩手架。

今日收到Daniel打唻o既長途電話，佢打我手提，我聽佢講野好清楚，但佢係完全唔知我講緊

乜，even我走左落街都係一樣。所以佢要打唻我屋企，但又無我屋企電話喎，咁點算好呢？佢

諗左個方法，就係逐個number咁估，佢由1數到0，如果啱o既我就應佢。於是我地用左足足15分

鐘，終於都打到俾我啦。聽到個長途電話我真係好開心呀，聽到Ji Hye把聲我仲surprised，然後

又同Sayaka傾左一陣間，多謝Agnes sponsor張電話咭呀。

之後同Ji Hye icq左一陣，今日好開心呀真係。

>>December 13, 2004 at 2:40:57 AM GMT+8

2004 年 12 月 8 日 星期三 【晴】

今日係走前o既一日，心情不錯。晏晝去左Chatswood買手信，把握最後機會shopping。Victoria

Avenue果邊有隊band表演，唱country music。我同Ji Hye坐埋一邊聽音樂，very relax....a gd way

to spend my last day。

夜晚係farewell party，我整左抄麵，Sayaka整左壽司，Agnes好勁呀，整pizza，原來我屋個個都

整得一手架喎。呢一餐唔係整左好耐，但係色香味俱全。最後一個pizza係臨尾香架，不過唔緊

要，留返俾Daniel..........................

完左個party之後我地睇電視，播o既係午夜凶鈴，都唔知係第集lu。我地仲熄埋燈，增加恐怖氣

氛。點知.......................................突然間成間屋黑晒，停電喎，仲要淨係我地果間先係咁，其他

units一d事都無.................好邪呀..................................佢地話間屋想我快d走喎........................哼!!!

結果我地分別到左唔同地方過夜，希望第二朝會有番電啦。

>>December 12, 2004 at 10:56:28 AM GMT+8