|
2005 年 1 月 29 日 星期六 【颳風】
Think of me, think of me fondly
When we've said goodbye
Remember me, once in a while
Please promise me you'll try
When you find that once again you long
To take your heart back and be free
If you ever find a moment
Spare a thought for me
We never said our love was evergreen
Or as unchanging as the sea
But if you can still remember
Stop and think of me
Think of all the things
We've shared and seen
Don't think about the way
Things might have been
~Think of me, from the soundtrack of The Phantom of the Opera
>>February 11, 2005 at 6:00:32 AM GMT+8
2005 年 1 月 28 日 星期五 【晴】
極唔願意地起身返學，為o既就係上business translation同埋唱K。
點知落得俾人放飛機o既下場。邊個咁夠彊？？飛機燕同飛機媚囉~~好彩我都唔弱，落左堂就打
電話去鬧佢一鑊金o既，大飛，你好彩啦，避過一劫。
不過後未都去左唱，happy hour，唱足5個鐘，聲嘶力竭，好爽呀！！！好耐無唱過K啦，今日
好盡興呀。
>>January 31, 2005 at 5:14:11 AM GMT+8
2005 年 1 月 25 日 星期二 【颳風】
今日去睇<功夫>，劣評如潮底下，令我有少少動搖，究竟要唔要睇呢？最後都決定睇。不如遲
左15分鐘入場。
睇完之後覺得唔錯呀，可能因為我一d期望都無，自然唔會失望啦。覺得d computer graphic做得
唔錯，又有劇情，加上我鍾意睇功夫。不過個結局有少少趕收工o既感覺。點講都叫做有誠意既
制作。我覺得好睇過少林足球囉。
之後返學。第一日返學，只係返去上一堂。何Ming話孫先生俾佢add Lit A，咁我當然唔執輸啦，
果然又俾我add到喎。不過原來如果我今個SEM淨係讀9個credits，就係part time student，搞到我
要讀多科，12 credits，原本3日day off變成2日，唔開心......
>>January 27, 2005 at 9:26:28 AM GMT+8
2005 年 1 月 24 日 星期一 【晴】
今日約左我個"第二最愛"出唻。本來係去睇<功夫>，點知條友仔遲到囉，於是無睇到。唔緊
要，聽日再睇過。
同佢食野之後去左行街，佢仲同我一齊去買d好私人o既野添呀。d人一路話無錢，然後又一路買
野喎，仲慫恿我一齊駛錢添，好變態呀。
聽日番去上一堂tut，真係好無聊。
>>January 27, 2005 at 9:28:05 AM GMT+8
2005 年 1 月 22 日 星期六 【晴】
YEAH！！！！返黎幾日，休養生息之後終於都有心情再打日記啦。
今個旅程非常之難忘，其實我覺得我地都幾任性，錢都未識搵，就用咁多錢去旅行。
記得搭的士去戴高樂機場果日，鄒燕問我如果五粒星滿分，我會俾今次旅程幾多分。我答佢4.5
粒。古人o既智慧真係令人佩服：讀萬卷書不如行萬里路，呢句說話或者就係我對今次旅程o既
總結。唔去過又點知英國人咁cool、法國人咁熱情、荷蘭人咁樂於助人呢？唔去過又點知瑞士
幾咁和平，意大利幾咁爛呢？
我希望我有心機打番晒我呢個幾月以來o既經歷同埋所見所聞，當係我o既遊記，亦都可以俾遲d
有機會去歐洲旅遊o既朋友作一個參考啦。
>>January 27, 2005 at 9:28:33 AM GMT+8
2005 年 1 月 9 日 星期日 【乍雨乍晴】
今日係瑞士之旅最後一日。我地一早就check out去搭Golden Pass火車。話說呢架火車係灌穿瑞
士o既風景線，終點去到日內瓦，整個行程要成6個鐘，而中途又有得停站俾你落車遊覽喎，所
以一玩就係一日。
風景線果然係風景線，行經o既地方唔係湖泊，就係阿爾卑斯山小鎮，每一分每一秒睇o既都係
靚景。試過架火車停左o係一個車站，呢個車站竟然係建o係一個湖o既隔離，一水之隔，我地好
想落車玩，但又怕躭誤行程，於是我地問左仲有幾耐先開車，2分鐘，足夠影相，我地拿拿臨落
車影相。個湖俾太陽射住，湖面同岸邊接壤o既地方有條金色線連住，真係靚到人都顛呀~
我地第一站係史畢芝，西歐遊介紹我地去。不過我地都幾麻煩，每人都攞住一件行李，我都好
少少，揪住個大袋，但另外兩位小姐一人揪住一個"kip"，佢地話自己成個空姐咁喎.....................
哦..................係咩？..................史畢芝值得去o既係鎮上o既一個城堡，唔係好大型，不過個城堡
唔係見慣見熟果d，帶d異國情調。果度d景真係好正，加上今日陽光好足，影左好多靚相。
火車上到海拔3,000幾米，咁高當然有積雪啦，d雪積到好鬼厚，陽光反射落去，閃閃發光咁，
好鬼死靚呀！！！我地好想落車睇雪，但最後決定照原定計劃下一站龍彊鎮先落。不過呢個鎮
比較削，得個唔係太靚o既湖，雪又無乜，早知就前一個站落啦。
最後一站係琉森，亦係瑞士之旅o既總點站。去到其實已經成4點幾，我地要趁天黑之前行晒d景
點。我地先去郵局，買張郵票貼o係本passport度，然後再去choke個印，呢個係西歐遊介紹要做
架，留個紀念呀嘛。然後去左花橋，係呢個市o既標記(大家如果有留意roadshow都應該有印象
係邊一條橋)，都幾有特色。橋建于一個湖上，個湖有好多鴨同埋天鵝，真係名副其實o既天鵝
湖呀。之後去o既兩間教堂都無乜特別印象lu。再去睇保衛住呢個城市o既古老城牆，不過已經
差不多入黑，無乜好睇，加上唔俾人入，都無逗留太耐。最後睇埋個垂死獅子像，我地終於功
德完滿啦~之後就同鄒燕去買瑞士軍刀俾佢爸爸同肥仔，又俾我地誤打誤撞搵到西歐遊介紹果間
有discount o既鋪頭喎。個老闆同佢太太都好好人，又有得刻名，真係好介紹~夜晚果餐點解決
呢？登...登...登...登...食M記呀，無計啦，又貴又無乜好選擇。連續3日食老麥，個組合仲要一模
一樣，問你死未？
今晚搭夜車直落佛羅倫斯呀~
>>March 24, 2005 at 5:58:19 AM GMT+8
2005 年 1 月 8 日 星期六 【乍雨乍晴】
之前都講過Interlaken係一個小鎮，不過鎮內有兩個火車站。我地間youth hostel近住東站。由東
站行去西站需時30分鐘。
西歐遊話兩個火車站之間有一條小徑，環境清幽，風景怡人，非常適合散步。我地今日一早起
身就行呢條小徑啦。果然無介紹錯，條小徑o係正條河仔隔離，周圍都見到雪山，條河清到望住
個河面可以睇到晒河岸o既所以景物，連岸上行人著咩色衫都睇得好清楚呀。瑞士呢個地方周圍
都係美景，一抬頭就係雪山，一俯首就可以見到河或者湖，如果鍾意大自然，呢度真係必到
呀。
今日我地主要行程係遊湖。去到西站，由於距離遊湖仲有一段時間，我地就等。期間有對大陸
夫婦，問我地呢個鎮有乜好玩。我地就suggest佢地遊湖，真係兩文三語，連煲冬瓜都要講埋，
勁呀！！！
我地有eurail pass，上遊船係唔駛俾錢架，正呀~不過遊湖都成3個鐘架。
我地係船度坐左半個鐘都無，就了左出去甲板坐，睇風景。今日好凍呀，不過為左睇景，一於
好少埋啦。遊湖真係睇景最好o既方法。我地遊o既湖叫土茵湖，四面都係雪山，d景真係好似
key落去咁樣。咁大個都諗過自己會坐遊艇遊瑞士呀。今日o既行程我覺得爆晒燈囉。
我地遊湖期間，岸上o既人好鍾意停落唻望下我地，咁我地就同佢地揮下手，佢地又會應我地架
喎，可見瑞士人真係好好客。我鍾意呢個地方o既其中一個原因係因為呢度有好多老人家，令呢
個地方好寧靜，我覺得佢真係退休定居o既首選呀~d人又好鬼nice，尤其係d老人家，之前講過
幫我地o既人都係老人家唻架。
我地o係甲板一路睇景，一路開concert，唱足3個鐘，我諗其他人都好頂我地唔順呀。
遊湖o既終點係土茵市，本來諗住o係果度搵野食。雖然呢個鎮係大d，但居然都係無野好食架。
最後，我地番左去Interlaken，食......老......麥......呀......仲要係食同一個組合添......
今晚8點半就去瞓啦......
>>February 15, 2005 at 12:09:46 PM GMT+8
2005 年 1 月 7 日 星期五 【乍雨乍晴】
尋晚俾兩條粉皮嘈左成晚，無覺好瞓，真係憫到我死。由於太燥o既關係，朝早起身o既時候竟
然流鼻血喎，好黑呀。到左蘇黎世之後，先發覺條頸巾留左o係架火車度，真係超黑呀！！
我地先去tourist information centre問資料。o係果度我地見到兩個香港人喎，一男一女。每次見到
香港人，我地都好有衝動走過去問可唔可以join埋一齊玩呀。就o係呢個時候，鄒燕話個男仔好
似佢個小學同學，於是佢走左去相認。原來真係佢個舊同學，佢依家讀緊ust，今年去左瑞典
exchange。真係佛都有火呀，竟然去瑞典exchange，呢個咩世界唻架？
蘇黎世唔係太多野玩，我地決定淨係去萊茵河瀑布就算啦。呢個瀑布要o係central station再搭幾
個字巴士先去到架。我地落左車都唔係好識點樣行，就o係呢個時候，一個女士o係我地後面勁
叫：ladies~...，我地開頭唔知佢叫緊邊個，後尾先知原來叫緊我地。佢特登追上唻話俾我地知
點去個瀑布喎，好人到令人難以致信呀。
唻到瑞士，真係凍左好多呀，個地仲結冰添架，所以好鬼跣。落樓梯o既時候，sindy jiang講：
睇......，個"跣"字都未出，我就已經嘭、嘭、嘭咁由樓梯度跣左落去，個pat pat跌到勁痛，隻手
戴住手帓都整到損晒，今日真係黑仔到暈...........
接近瀑布，已經聽到d水流聲。個瀑布唔係勁高沖落唻果隻，而係好似激流咁，好澎湃。第一次
咁近距離見到瀑布，真係好正呀。個瀑布流入萊茵河，只係望河果邊咁平靜，真係估唔到有個
瀑布o係附近呀。唻到瑞士即刻感受到呢個地方d空氣真係好清新呀，每吸一口都好似有淨化人
心o既作用。
離開蘇黎世，我地去到Interlaken呢個地方。Interlaken係一個好細o既鎮，鎮本身無乜好玩，但佢
位於兩個湖中間，而且係去其他地方必經之地，所以我地選擇左佢唻作基地。
我地去到已經4點幾，不過我地無book酒店，所以第一件事就係搵酒店。瑞士呢個地方係歐洲唯
一唔用歐羅o既地方，佢用瑞士法郎，而且呢個地方出名係歐洲最貴，所以都有心理準備唔方
平。我地搵左幾間酒店，都係開價150法郎，無早餐，即係成300幾一晚，貴到離譜架。
最後我地決定去西歐遊中提到o既一間youth hostel碰下運氣。面對住一幅睇到我眼都瞎o既
map，我真係受唔住啦，就算呢個地方有俾雪山圍住o既靚風景我都睇唔入眼。我搵左一對老夫
婦問路。
瑞士係一個好得意o既地方，無自己o既語言，近邊個地方多d就講咩語言。Interlaken近住德國，
所以d人係講德文架。不過大部分人都識英文。
對夫婦望下我地三個人，就話我地有車，不如載你地去啦，實在係好人之中o既好人呀。不過賤
格如我地3個又點會咁易滿足呢，上左車之後就你一句我一句咁用廣東話講，甲：不如你俾我地
去你屋企住仲好啦；乙：係啦，我地要求唔係好高之嘛，但求有張床同埋有得沖個靚涼就得架
啦；丙：唔爭在加多個早餐lei.................
Youth hostel果然平好多，90法郎包早餐，去邊度搵呢。肚餓，要搵d野食下。去番最旺o既地方
諗住有野食啦，點知呢個鎮真係死城一樣，5點幾鐘d鋪頭已經閂晒。西歐遊話超級市場有燒雞
買，點知.......................連supermarket都閂埋。我地唯一o既希望就只有麥當奴。一個餐係70蚊港
紙，心諗全球最貴o既老麥睇怕都係你啦。為左慳，我地叫左一個餐，加兩個包，咁就一餐啦。
原來我地想今日去遊湖架，不過太夜啦。夜晚無野好做，我地就商量下行程。原來我地plan2日
留o係瑞士，5日意大利。但只係剩番一日係無可能夠玩架，好唔好放棄一日意大利，換一日瑞
士呢。我地傾左成2個鐘，終於決定多留一日。雖然係咁，但我地9點幾已經去瞓啦。
>>February 13, 2005 at 2:04:06 PM GMT+8
2005 年 1 月 6 日 星期四 【晴】
今日離開間youth hostel之前問James有無地圖可以俾我地，佢再次運用佢o既幽默感，佢話有地
圖買，好大張，上面有齊所有市內景點，只要禁個制，就會有棧燈著，閃下閃下。佢仲未講
完，我就一句得埋去，可唔可以睇下係點樣架。佢呆左數秒，然後話要俾左錢先可以睇喎。佢
真係好無聊......
第一個目的地：花市。今日我地全程用行o既。雖然唔係鬱金香當造時節，但仍然有好多買。鬱
金香係我最鍾意o既花，見到咁多擺晒o係度，又有好多隻色喎，真係覺得好鬼靚呀。最靚係粉
紅色鬱金香。本來想買seeds返香港種，但唔知種唔種到，而餘下旅程又有好長時間，都唔知擺
唔擺到咁耐，所以只係買左其他手順。
第二個目的地：喜力啤酒厰。原本諗住入場費唔會好貴，點知要成10個euro，包3杯啤酒。我出
去飲都唔駛4個euro啦，加上啤酒唔係個個都好，所以白走一場。
之後我同佢地兩個分道揚鏢，因為我要去梵高博物館。估唔到都幾多人睇。裡面有好多梵高o既
masterpieces，仲要係o係荷蘭睇佢o既畫，感覺當然係另捨不同啦。好開心呀，荷蘭必做o既事
我做左啦。
行左2個鐘到就返去central station join番佢地兩隻野。今晚要搭夜車去瑞士，中間仲有幾個鐘時
間，我地去左shopping。原來o係荷蘭買Le coq sportiff都幾平喎，如果唔係俾人偷左d錢驚唔夠
用，我會買囉。六點鐘，d鋪頭已經閂門，我地行到邊閂到邊，心諗：係咪玩野呀？？
上左火車，同卡o既人勁high，開p，飲酒，覺得好煩。有人check飛，原來我地坐錯左，我諗咁
仲好啦，唔駛同呢班人坐。掉左座，我後面有兩個男人坐，點知佢地由11點幾坐低，傾計傾到2
點幾3點，仲要勁勁勁大聲，完全無考慮過其他人o既感受。我成晚都唔知爆左幾多次粗。如果
殺人係無罪o既話，我第一時間對冧果兩條仆街囉。
今日好黑呀遇到d咁o既人。
>>February 12, 2005 at 3:56:40 PM GMT+8
2005 年 1 月 5 日 星期三 【晴】
今日去鹿特丹。o係阿姆斯特丹搭2個鐘即到。
一開始我地唔識路，見到一個荷蘭靚仔，我就二話不說上前問路啦。佢同女朋友一齊，兩個都
好靚仔靚女呀。o係度又不得不提，荷蘭人非常高大，男o既俊朗不凡，女o既亦都一副model身
材，係我地15日裡面見到最多靚仔o既國家呀。而且荷蘭最好o既地方就係好多人都識英文，對
我地唻講真係好方便呀。
去到tourist information，攞左d voucher，發覺無乜好玩喎。鹿特丹係一個商業味道好重o既地
方，所以我地都無乜久留就去左風車村lu。
風車村要o係鹿特丹再搭一個鐘巴士先去到，我地上左巴士，諗住買飛，點知個司機話無飛o係
身，但又就快要開車，於是佢提議我地照搭佢架車，回程o既時候先買番來回飛，呢個阿伯d英
文好之餘，仲喪好人呀~~
我地去到風車村，大家都hyper地興奮呀。今日天氣好好，有陽光之餘仲無雲添呀。呢個風車村
係全市最大o既風車村，擁有18座風車之多(資料來源西歐遊)。風車周圍長滿左小麥，顏色襯托
得如詩如畫，d小麥令我諗起Gladiator裡面一幕。呢個風車村係唔同季節會有唔同o既風貌，再
遲d就會周圍都鋪滿厚厚o既積雪，唔知到時又會係點o既一番光景呢？？今日o既行程我俾10個
正呀！！
o係風車村返唻之後再行左鹿特丹一陣，然後就搭火車返阿姆斯特丹。
夜晚o既重頭戲就係去紅燈區啦。荷蘭係一個對性好開放o既民族，呢個紅燈區自然有番咁上下
勁啦。話說d囡囡會企o係一個個廚窗裡面，搔首弄姿，極盡勾引挑逗之能事，d脂肪客就o係窗
外"驗貨"，睇到啱心水就可以問價，如果deal o既話囡囡俾佢入唻，拉簾，門外棧紅燈就會著，
是為"紅燈區"也。
我地7點幾去到，生意唔係好旺咋喎，會唔會係時間尚早呢？於是我地搵間bar，飲杯啤酒hae下
先。裡面d中坑飲到pair pair 呼，o係度表演魔術，有d仲走埋唻同你係咁講荷蘭文，又攬住你唔
放喎。
9點鐘再去紅燈區，生意果然旺好多。我地個個都大開界，一路品評d囡囡，真係燕瘦環肥乜都
有，有黑有白有黃，任君選擇，有d真係幾靚下架喎，身材都唔差。我地仲見到有人問價，椿美
事當然係達成左啦。今晚真係boarden my horizons啦。
個個都話荷蘭係一個好雜治安差o既地方，但咁耐以唻都只係今晚有黑西過唻問：Do you want
Cocaine(要唔要可卡因)？
>>February 1, 2005 at 12:19:04 PM GMT+8
|
|
廣告 |
|
|
讀者留言 |
| 路人留言
|
 有爛絲襪嗎?
<br>請不要浪費
>>November 21, 2006 at 4:26:07 AM GMT+8
係喎, 咁都撞到喎~
<br>淨
>>June 2, 2006 at 3:27:00 PM GMT+8
唔好嬲啦=.="
<br>對不起
>>May 19, 2006 at 5:02:29 AM GMT+8
我搵左首歌好好聽ｋａ
<br>
>>April 21, 2006 at 6:11:23 PM GMT+8
我隻ｏｓｃａｒ係咪好靚仔呢～
<
>>April 16, 2006 at 3:42:30 PM GMT+8
點解呀?
<br>哈哈...
>>February 28, 2006 at 3:30:12 PM GMT+8
我好掛住妳地幾個呀﹗
>>February 6, 2006 at 2:09:30 AM GMT+8
when u hv time m
>>February 4, 2006 at 12:00:32 PM GMT+8
我愛梁小豬~~~~~~卜啜^^
>>January 23, 2006 at 7:33:43 PM GMT+8
我愛梁巧梅~(人地叫我留=.="
>>January 5, 2006 at 6:37:40 PM GMT+8
你們gathering,點解唔約
>>December 29, 2005 at 4:22:51 PM GMT+8
哈哈....
<br>我睇番張相
>>December 28, 2005 at 8:22:19 AM GMT+8
靚空姐...
<br>我份禮物呢
>>December 3, 2005 at 3:19:20 AM GMT+8
好羨慕你份工呀~~
<br>
>>November 20, 2005 at 3:55:15 PM GMT+8
真係多謝晒你喎!
<br>我都好
>>October 29, 2005 at 4:29:49 PM GMT+8
邊個敢揸梁巧梅個胸
>>October 29, 2005 at 2:31:41 PM GMT+8
o係艷星蔡慧敏o既字典入面,普通
>>October 29, 2005 at 10:07:07 AM GMT+8
d相post左等相冇post..
>>October 18, 2005 at 2:32:14 PM GMT+8
突然醒起,唔知so far你有冇
>>October 7, 2005 at 6:01:45 AM GMT+8
都冇得話點好啦!唔過黎就冇得見,
>>September 25, 2005 at 4:01:49 PM GMT+8
BABY!I miss you
>>September 23, 2005 at 6:05:18 AM GMT+8
vincent van gogh
>>September 17, 2005 at 5:23:06 PM GMT+8
9月11日~
<br>恐怖既一日
>>September 10, 2005 at 6:31:35 PM GMT+8
終於都有個空姐仔朋友啦....仲
>>September 4, 2005 at 3:42:24 AM GMT+8
好掛住妳呀^_^
<br>
<b
>>September 1, 2005 at 5:03:13 PM GMT+8
哈﹗下星期我去考空姐﹗
<br>
>>September 1, 2005 at 1:57:07 AM GMT+8
巧梅,我都愛你.
<br>sur
>>August 29, 2005 at 4:17:01 PM GMT+8
Haha !! I am yr
>>August 27, 2005 at 3:44:30 PM GMT+8
巧梅~
<br>我愛妳^^
<b
>>August 24, 2005 at 2:50:03 PM GMT+8
Hihi, this is my
>>August 20, 2005 at 4:35:30 AM GMT+8
哈﹗有人話請食飯﹗唔知係咪真ge
>>August 12, 2005 at 1:39:16 AM GMT+8
第二最愛
<br>我好掛住你呀!
>>August 6, 2005 at 11:29:44 AM GMT+8
做空姐唔好ka
<br>個男朋友
>>August 3, 2005 at 2:57:03 PM GMT+8
我都想做空姐呀.........
>>August 3, 2005 at 5:38:31 AM GMT+8
睇完你呢一個星期既experie
>>August 3, 2005 at 1:10:50 AM GMT+8
講到咁大聲~好明顯係講俾我聽.
>>August 1, 2005 at 5:04:25 PM GMT+8
從前,有一個人不斷怨天尤人,點解
>>July 23, 2005 at 3:09:48 PM GMT+8
小姐:過夜10蚊得唔得呀?
>>July 22, 2005 at 1:19:09 PM GMT+8
無奈.......??
<br>
>>July 13, 2005 at 3:18:11 PM GMT+8
10 定 12 定 2 ?
<b
>>July 8, 2005 at 6:08:59 PM GMT+8
串人過條仆街呀
<br>做咩唔留
>>July 7, 2005 at 4:26:07 PM GMT+8
我7月5日返澳洲!
<br>電話
>>July 4, 2005 at 6:59:03 PM GMT+8
打"我愛梁巧梅"果條仆街係乜水呀
>>July 4, 2005 at 6:46:48 PM GMT+8
我愛梁巧梅!!!!!!!
<br
>>July 4, 2005 at 5:42:44 PM GMT+8
"大飛姐姐",下次有機會返黎(可
>>July 3, 2005 at 7:13:06 PM GMT+8
你今日做咩唔一齊黎朱少度玩呀?
>>July 2, 2005 at 6:37:46 PM GMT+8
估下咩歌~
<br>
<br>妳
>>June 27, 2005 at 7:28:27 PM GMT+8
恭喜晒!!!未來空姐!!
<br
>>June 17, 2005 at 2:13:52 PM GMT+8
Last 3 more days
>>June 7, 2005 at 11:39:28 AM GMT+8
再花d 丫笨...真係連字都睇唔
>>June 6, 2005 at 12:46:55 AM GMT+8
|
|
